رواية كشف المستور الفصل الثاني عشر 12 بقلم جمانه السعيدي
بقا محمد يومين بلمستشفى وبابا ويا واني اروح وارجع عليهم اجيبلهم اكل وعلاج
بعدين اجا ابو الحسابات يريد حساب الغرفه
بيومين ٢٥٠ الف دفعتهن ورحت للدكتور سئلته يصير انقله للعام لان هيج الحساب عليه هواي
الدكتور كال يصير تنقلينه للبيت لان صحته احسن بس لايضغط على رجله منا لمن اطيب
ويستمر على العلاج
جمانه السعيدي
رجعت للغرفه كتله يلله بابا خل نطلع ايكول الدكتور اطلعو
ساعته حسيت محمد حيل حس بلاحراج وكال
اني احجز بلفندق ما اريد ازعجكم اكثر
ابو هبه....عمو روح ويانه للبيت لمن تصير زين يومين اثلاثه
وربك يفرجه
رجلك بعدها ما صايره زينه وماعندك احد هنا
جبت كرسي متحرك وخلين علي محمد وطلعنا من المستشفى ورحنا للبيت
وصلنا ودخلنا وخليتله فراش على جرباية بابا وتمدد
هبه...بابا اني اروح للسوك اتسوك واجيب اكل جاهز واجي
طلعت للسوك اتسوكت وشتريت اتراك لمحمد يبدل لان ملابسه كلهن دم وجبتله عكازه خاف يطلع يستند عليه
ورجعت حضرت الاكل ونطيته التراك
هبه...هذا تراك الك بدل ملابسك كلهن دم
محمد....ولله اني عاجز عن الشكر تعبتكم وياي وكلفتكم حيل
هبه...يمعود ماسوينا شي لو خليت قلبت
راح اطلع وخلي بابا يساعدك تبدل
بس خل افتح رجل البجامه حتى لاتتاذه من دخل رجلك
وتكدر تغير الضماد
غير ملابسه واخذ التليفون طمن امه عليه وكاللها راح ابقى كم يوم لايضل بالج عليه
خابرني ابو مصطفى يسئل عني لان صار يومين ما مداومه
كتله انشاء الله باجر اداوم
لليل اتعشينا ونضفت المطبخ وجبتله العلاج وضربته الابره بلكانونه
محمد...شكرا تعبتج
هبه ماكو اي تعب عود لو رحنا للنجف نكعد على كلبكم كم يوم
محمد ...كل الهله بيكم عين فراش وعين غطا
بس اريد اكول شي جنت ضامه عليكم
ابو هبه....شنو
محمد...اني اعرف الاشخاص الي حاولو يقتلوني وشبه متاكد منهم
هبه كعدت بصف بابا على جربايته وكتله تعرفهم وساكت
ليش ما تحجي لعد
محمد ...اخاف اتهمهم وهمه خواني
هبه...خوانك يحاولون يقتلونك انت موتكول اني من النجف
يعني خوانك هنا بغداد ويحاولون يكتلونك
محمد...اني هسه راح احجيلج القصه وانتي راح تعرفين ان شكي بمكانه
جمانه السعيدي
ابوي من تجار بغداد وعندا املاك هواي يعني ماتتخيلين شنو يملك اراضي بساتين عمارات محلات
مزوج بت عمه وعندا منها خمس ولد واربع بنات
زوجته كبرت وهو رجال متمكن قرر يزوج عليه عندا صديق من النجف عزيز علي كلش
الي هو جدي
ابوي حجي ابراهيم كال الصديقه اني ادور بت حلال ازوجها
لان المره كبرت بعد واني اريد ازوج
صديقه لان يعرف بلخير العندا انطا بته شابه عمرها عشرين سنه لكن زوجته واولاده عارضو هاي الزواجه
بس حجي ابراهيم صمم بعد ما شاف امي
امي حلوه وزغيره تخبل عليه
جمانه السعيدي
ازوجها واخذها البغداد تعيش وياهم بنفس البيت لان مايكدر يعوفها وحدها زغيره وحلوه
هنا بدت المشاكل ليل نهار بين امي وضرته زوجت ابوي وياها ولدها وامي حجي ابراهيم يدافع الها
حبلت امي وابوي فرح حيل بهذا الحمل ولا عبالك عندا خمس ولد واربع بنات
هنا شبت نار الغيره اكثر وبدت زوجت ابوي تكيد وتخرب
هي وولدها اكثر
اكثر شي ازعجهم خاف يجي احد يشاركهم الورث مع ان الاملاك هواي
فد يوم رجع ابوي من الشغل ولكاهن يتكافشن
مو ادافع عن امي بس زوجت ابوي رادت تكتل امي بلكت ينزل الطفل تعرفين غيرت النسوان
ابوي صار بلنص امي تريد تكمش مرت ابوي ايدها اجت بزيك دشداشة ابوي ونشكت الدشادشه
والضربه بمكان ماتجي بزوجت ابوي اجت بحجي ابراهيم
هنا اجا دور زوجت ابوي وولدها يكبرون الموضوع
شلون تشك دشداشتك عليك
شلون تمد ايده وتضربك
شكد جسره
شكد وكحه ومامربايه
اذا واحد مثلك وتشك دشداشته مره بعد عليمن
انفعل حجي ابراهيم وطلكها بساعتها
امي توسلت رادت ماكو فايده عرفو شلون يوجون النار بكلبه عليها
اجرلها سياره وراحت الاهلها كملته زوجت ابوي بلاعمال والسحر
حجي ابراهيم كام يتخبل من طاريها وما يريدها ابد
بعد شهرين ولدتني
وراحو خوالي يتوسلون بي يرجع امي بس ماقبل ابد
عشت عمري يتيم وابوي موجود بلدنيا
ولايوم سئل عليه ولا ذكرني
خوالي جانو متكفلين بكل شي
جمانه السعيدي
انطو الامي الحديقه تقريبا ١٠٠ متر هاي حصته من بيت ابوها
وبنو بيها مشتمل مرتب وكعدنا بي اني وياها
لمن كبرت كمت اشتغل وياهم عدهم محلات اجهزه كهربائيه
اني مواليد ٨٩ تخرجت كلية ادارة اعمال
ومستقر حالتنه والحمد لله
قبل سنتين اتوفا حجي ابراهيم واجيت احضر فاتحت ابوي اخواني من شافوني ما عرفوني ولمن عرفوني انصدمو
يمكن جانو ناسيني واني مو بقائمت اعمالهم
اني كملت الفاتحه ورجعت للنجف ابد ما طالبتهم بشي
قبل كم يوم جردو املاك حجي ابراهيم يردون يتقاسمون الاملاك
طلعت اليه حصه حالي حالهم رغم الاملاك هواي بس ماهان عليهم محمد ياخذ حصته منهم
دزو عليه اجي البغداد يردون يصالحوني
امي وخوالي ماقبلو اجي وخاصتا امي عبالك كلبها يعلمها بلي راح يصير
لكن اني صممت اجي البغداد اريد اخواني
اريد سند خلصت ٣٠ سنه وحيد وبلا اهل
صدكت يردوني صدكت يحبوني ردت اقوى بوجودهم وياي
اجيت لكيتهم محضرين عزيمه جبيره وعازمين العشيره كله
وكدام الناس كله كالو هذا اخونه وحنا مانعوفه
حاله حالنه وكافي الي راح راح
انريده بنصنا ومانعوفه ابد وراح ننطي حصته كامله
احنا مانعوف اخونا ابد
ويحضنون بيه ويبوسون اني صدكت بيهم وكلت خلاص
اني لكيت اهلي
ابد ماجان تهمني الاملاك بكد ما فرحت بلمتهم
فرحت رجعت بنص اهلي وناسي
