رواية غيره قاتله الفصل الحادي عشر 11 بقلم جمانه السعيدي
فاطمه....هذا الأسبوع واني بلمستشفى يوميه يجي قيصر
يطمن عليه
يسئل الدكتور على وضعي ويروح مايدخل بلغرفه
اخواني علي واسلام منعو يجي يمي
الدكتور حذرهم من الجلطه الثالثه لان راح تكون الأصعب والاقوى احتمال انشل بيه هلمره
اما خالتي ام قيصر تجيني بين يوم ويوم تطمن عليه وتروح مابيده شي المسكينه تقسم بكل المقدسات ماتعرف
هو مزوج ابد
وأم سيف اجت للمستشفى مرتين حتى تشوفني
طلعت للبيت واهلي هلمره كلش حذرين يخافون عليه
خاليني بغرفه وحدي ومحد يزعجني
امي من سمعت سما طرف بلموضوع وماكدرت تفتهم مني ومن قيصر شنو المشكله
راحت البيت خالتي حتى تسئل خالتي شنو المشكله الي خلتني حالتي صعبه هيج وانجلطت مرتين
بس لكت الباب مقفوله وماكو اي احد بلبيت لا خالتي ولا سما
ومحد يعرف هم وين اكيد سما عرفت المشكله الي صارت
وخافت ونهزمت من البيت
وخالتي مقدره المصيبه الي وكعته بيه سما
امي جانت كلش قلقه وتريد تفهم شنو الموضوع بس
تخاف تفتح الموضوع وياي خاف انهار مره ثانيه
حتى اتصلت باام قيصر من وراي بدون مااعرف حتى تفهم القصه شنو بس ام قيصر ماحجتله اي شي
بعد عشر ايام من وجودي بيت اهلي اجا قيصر
بس امي والولد ماقبلو يخلونه يشوفني يخافون عليه
اما اني طول هاي الفتره امثل اني احسن
بس اني موزينه وماانام اله مهدء الصدمه اكبر من عقلي ومن كل توقعاتي
والصراحه احبه اي احبه وماجاي اكدر اسامحه ابد
عايشه صراع وياا نفسي
لا اكدر انسى ولا اكدر اسامحه
من طلع قيصر اجت امي يمي
امي... راح قيصر اخوانج ماقبلو يشوفج يخافون عليج
يكول ارجع اله اخر يوم بلاجازه اطمن عليه
قبل لا اسافر للشركه
وراد يعوفلج فلوس علمود المصرف والعلاج وخوانج ماقبلو
جمانه السعيدي
فاطمه...كلشي مااريد منه ولا اريد اشوفه ابد
امي...ممكن افهم شصاير ليش هيج وضعج واذا تحسين نفسج مو مرتاحه لا نحجين
بس اني امج واخاف عليج وعندي خبره اكثر منج بلحياة ايجوز مشكله اكدر اساعدج ونحلها اني وياج
احجيلي وريحي كلبي
فاطمه....قيصر مزوج وزوجته حامل
امي...ردت بستغراب مزوج يعني مزوج قبلج احنا من سئلنا محد كال مزوج
فاطمه....بعد زواجنا ب٣ اشهر ازوج
امي...ياستار تحجين
صدك لو تشاقين
جمانه السعيدي
فاطمه...عدلت كعدتي ولو تعرفين منوالعروسه العروسه
سما بت اختج
امي....الله يستر كولي غيرها شنو سما
فاطمه....صدكي بس شافته بقت تركض ورا وتحجي عليا
حتى انزل من عينه ويعوفني
لمن خبلت الرجال مدري سوتله سحر
اتخيلي تكله ازوجني بلسر وبدون مهر ومااربد غير ساعه وحده منك كلما تنزل الاهلك
يعني ساعه وحده بلشهر وبدون مايقدمله اي شي
اكو اكثر من هيج رخص
شلون مايقبل
ازوجه وحملت منه ومن شافت نفسه مسيطره دزتلي
عقد الزواج وتكول عوفي اليه
شفتي حضي الاغبر صار شكد اراجع علمود طفل
والعلاج دمرني وتعبني وكلشي ماكوووو
وهاي الحقيره مجرد قرب اله حملت
مااعرف اعاتبمن اعاتب سما الي ماحلى بعينه غير زوجي
لو اعاتب قيصر الي ركض ورا وحده رخيصه مثل سما
لو اعاتب رب العالمين
يعني ماشيه على السراط المستقيم وبعمري مااذيت احد
واحب الناس كله
ليش يصير وياي هيج مااعرف
جمانه السعيدي
امي....سما بت اختي لو قصدج غير سما
فاطمه...ليش مستغربه هي أحقر وحده عرفته بحياتي
بس ابد مامتوقعه تلحكني على قيصر
ترا العراق بي ثمانيه مليون رجال كلهم عافتهم وخلت عينه على قيصر
من احنا زغار وهي غياره وانانيه بس ماتوصل الهلدرجه ابد
امي....الله لا يوفقه ولا يهنيه بحياته شكد حقيره
اكول من يوم المشكله وبابه مقفوله وماكو بلبيت
فاطمه....اي انهزمت تدري بنفسه غلطانه
امي...هاي عود أقرب الناس الغريبه شسوي عساها
ماتتهنى لا برجل ولا بولد
هسه نرجع الوضع سما وقيصر
قيصر ....بيوم رجع من الدوام وعرف ان فاطمه عرفت الحقيقه واكيد الي دزت الرساله سما ماكو غيره
اتصل على سما من المستشفى
سما...الووو ها حبيبي وصلت
قيصر....الله ياخذج ياحقيره ولج فاطمه راح تموت بسببج
شكد شفت ناس بلا انسانيه ولا رحمه بس مثلج ماشفت
ليش هيج تسوووين
سما.... شنو شسويت مااعرف عن شنو تحجي
قيصر....لا تعرفين كلش زين وهاي الدكه الناقصه ماتطلع من غيرج ابد
ومو صوجج صوجي اني صدكت بيج
بقيتي تركضين وراي وحلفتي زواج سري تالي
دزين صورة العقد الفاطمه
ولج فاطمه فاقده الوعي والدكتور يكول ضربته جلطه
كله بسببج الله لايوفقج ورطتيني
جمانه السعيدي
سما....الله ياخذه ليش تحجي عليه ترا اني زوجتك مثل ماهي زوجتك بلعكس اني ام ابنك الي جاي بلطريق
خليه تووولي طلكه واخلص منه هسه هي نمونه
وحده ثوله
قيصر....لا ولله فاطمه ماتستاهل
سما بعد ما سمعت هاي المكالمه اتصلت على امه تجي يمه بلبيت الي مااجره اله قيصر ويلتقون بي من ينزل بلاجازه
فاطمه....بقيت على وضعي وماعندي اي تحسن الحد ماخلصت اجازت قيصر واجا اخر يوم يشوفني ويعتذر مني
بس اني ماقبلت اطلع ولا اريد اشوفه ابد
مادام نزلني وقبل يزوج سما عليه
بعد مااريده ولو كان ملاك ونازل من السما
خلي اله تشبع بي
من طردت قيصر اخر مره طلع برا بيتنا وتصل عليه
مارديت علي اتصل اكثر من مره
بعدين دزلي رساله
قيصر....اعرف اني قصرت بحقج بس ولله احبج ومستعد اطلك سما هسه وترجعيلي
وابني اني وياج نربي سوا
قفلت التليفون وشمرته
وقررت احاول انسى كلشي مر عليه وابدي من جديد
غمضت عيوني وذكرت ايام عرسنا
شلون طاير بيه شلون من يطلع خمس دقايق ويتصل يكول اشتاقيتلج شلون من يجي كله لهفه عليه
ليش الدنيا استكثرته عليه
ليش سما خلت عينه علي
اكيد اني السبب وحده مثل سما ماتتامن
واني آمنت بيه ودخلته بيتنا وحياتنا وخليته تتصرف بكيفه اني السبب لان طيبه زياده عن اللزوم
الطيب بهذا الوكت ماله مكان
يعني اني لازم اكون اقوى وماانطي للناس امان ابد
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
