رواية في حجر الافعي الفصل الحادي عشر 11 بقلم شمس العراقيه

نمارق

ـ إشهاب أمانه كولي اللي كالته سعاد صحيح كلامها بابا هو اللي تخلى عني ابجييييي ونار مشتعله بصدري

إشهاب ـ خلص مو وكته هالحجي

ـ ضربته على صدره صدره لا وكته وهسه تحجيلي الحقيقه كولييييي بابا هو الي تخلى عنييييي احجي لاتبقى ساكت انهاريت بشكل وكبل ضمني بحضنه وتمسك بيه واني اصرخ بقهر وابجي على صدره اخر شي جنت اتوقعه ولا ما مخليته على بالي انهُ ممكن بابا يتخلى عني كل ظني شغلة ثأر واني دفعت الثمن بس شلوووون اب يعوف بنته اني بنته شلون انطاه كلبه

ـ خلص گافي لاتقهرين بروحج وتحركين كلبي عليج اهدئي خلص شو باوعيني

ـ أشهاب عوفنيييي بضيمييي وبهمي وخليني لوحدي اني وحيده ما عندي احد واهلي تخلوا عني واولهم بابا

ـ لاتحكمين عليه ما تعرفين شنو ظروفه وشنو الموقف اللي اتخلى بي وشنو القرارت االلي انفرضت عليه مهما يكون يضل ابوج والأب ما يتخلى عن ظناه بهل السهوله اكيد اكو سبب قوي خلاه يتخلى عنج

ـ لا ادافع اله لاتصير بنظري مثله ماكوووو اب بالكون كله يتخلى ظناه لو انوضعت كل الاسباب والحجج ماكو سبب واحد يخلي يشمرني هالشمره ويعوفني بيد ناس اشبه بالحوش خلاني اتعذب واعاني لوحدييييي بينكم شبعت قهرررر وظلم واهانين وتعذيب وشفقه

وهسه عرفت انت ليش زين وياي وما تغثني بحجايه انت شافق عليه ومكسور كلبك انت منقهر لا اكثر ولا اقل

ـ لا والله يا بنت الناس اني اعاملج بطيبتي بأصلي مستحيل أشفق عليج وامثل حنيتي وعطفي وح..

ـ عوفنيييي بحالي ما اريدك اطلع برا حابه اضل لوحدي شوفلك مكان تنام بي

ـ ما اطلع واعوفج بهذا حالج أنتِ حرمتي وما اتخلى عنج بكل ظروفج اني وياج

ـ كالوها قبلك، عفته وتمددت بفراشي وهو ضل يمي ما طلع من الغرفه واني عشت هالليله بكل حزن كانما ميتلي ميت وأتذكر اهلي وبابا وكذبه وخداعه اليه وتمثيله بالحب والحنان وصار بنظري الاب المثالي وهو تخلى عني بحجة الثأرات وراح عاش حياته وخلاني بينهم مثل الطعم وتخلى عني بكل بساطه

بابا ما الأسف عليك هدمت وخربت الصوره الحلوة اللي راسمتها بخيالي اويلي عليك يا كلبي عيش حزنك لحالك وتغطى احزن يا كلبي عافوك اهلك عافوك

" ضليت معتكفه ؏ نفسي بدون اكل وشرب وهو يحاول وياي بس رافضه ومعنده عبالي بهاي الطريقه يموت الطفل واتخلص منه

إشهاب ـ وتضلين هيج لا تأكلين لا تشربين شنو من أنسانه أنتِ ترة بطنج روح وهالروح تحتاج منج تغذيه حرام عليج أنتِ أمه

ـ تحرم شلتك زين، واني مستحيل اكون أم لـ أطفالك مستحيل لاتحلم بهذا الشيء يا اخي ما اطيق وجودك بحياتي شلون اخلف منك اطفال وهالروح تموت مستحيل اجيبه للدنيا مستحيل

ـ اذا موتتي تكونين مجرمه بحق نفسج وحق امومتج مدى الحياة ومبين تشبهين إبوج !!

ـ مستحيل اكون مثله لاتشبهني بي اكرههه

ـ كيفج لعد موتتي وأنتِ حره بقرارتج مالي دخل

نمارق ـ طلع وخلاني وكلامه جان مبطن ومبهم كأنما وصلي رساله وحده اللي هي لاتكونين مثل ابوج مستحيل اكون مثله يعني اذا تخليت عن ابني اكون اشبه بابا لا ما اكون مثله ولا اتشبه بي اني ما اتخلى عنه بجيت بقهر واحس كلشي بالحياة انفرض عليه وغصب عليه اتقبله

" لـ الليل اجه باوعت عليه تعشيت

إشهاب ـ الحمدلله

نمارق ـ جوعانه

ـ هسه يجيج الأكل

ـ شوي وجابلي صينية خلاها كدامي وتمدد بفراشه إشهاب

ـ هاا

ـ ما سألتي ليش وافقت أكل

ـ جوعانه غير

ـ لا علمود أبنك راح أكل

ـ رجعلج عقلج

ـ مجبوره اتقبله شسوي بس هاا بس هالطفل وبعد ما تتقربلي ويصير طفل ثاني اقتل نفسي واقتلهم وياي

ـ اكلي اكلي مو وكته هالحجي

ـ بلشت أكل جنت جوعانه حيل للامانه نفسهم بالاكل كلش طيب، خلصت وكمت غسلت ورجعت الصينيه المطبخ غسلتها يم الحوض مخصص للغسل ورجعت البيت هادئ حيل طبيعتهم ينامون من وكت مثل الدجاج

" تمددت بفراشي بعيده عنه وهو جان بعده كاعد وصافن

باوعلي نزلت عيوني للكاع تهربت من نظراته وتالي انطيته ظهري ونمت وحسيت بي ضل كاعد ومراقب كل تحركاتي جنت شبعانه نوم وعيني ما تغفى انداريت هو هم كاعد هذا شبي اليوم بعيونه ملح خل امثل عليه نايمه احسن بلكي ينام لااا اخاف انام ويستغل فرصته ويجي ينومني بحضنه.

مر وقت وأثنينا كاعدين كسرت الصمت وحجيت

اشهاب كاعد

ـ اي

ـ هم فرحت لن ما راح اموته

ـ الله كاتب اله يعيش لا انتِ ولا قرارتج تخلي يعيش او يموت محياه وموته بيد الله مو بيدج

ـ انداريت بعصبيه انت شبيك وياي فواكاها يعني انت مو وجه نعمه اجيبلك طفل واخلي يعيش انت حرام تكون ابوه ، نهض ودفر الغطا وبعصبيه كال

ـ تعالي اخذيلج راشدي ملاحظه نفسج هواي تمادتي وتعديتي حدودج .

ـ والله كلتلك من يوم شفتك هذا الموجود شتريد لعد اخذك بالاحضان وزوجي وحبيبي

ـ نماااااارق كصري حسج الدنيا لليل وخلي نفسي عليج طيب لن مبين عليج جلدج يحكج وتحبين اللي يهينج ويكعدج بطراك وينومج بطراك هيج اريحلج ؟

ـ دخليك عاد كمت اتراجف

ـ ما تخافين مو

ـ لا والله ما اخاف بس من اللي خلقني

ـ ابوج انطاج خبز بس ما انطاج تربيه ولا علمج الاحترام وحده صلفه وعقلج صفر وجاهله والجاهل عنده عقل احسن منج زعطوطه

ـ لف رأسه ونام من بعد كلامه مثل السجين نبتتها بنص كلبي هو جان ما يضرب ولا يأذي بس كلامه يخليك تكرهه روحك رجعت تمددت بهدوء ودمعتي نزلت بارده

صفنت ؏ نفسي وتصرفاتي ولساني اللي متبريه منه ومن اللي يكوله يمكن العيشه العايشتها والناس الشفتهم والواقع اللي نفرض عليه والمصايب المرت ؏ راسي خلتني اكون وحده ما أشبه نفسي نهائيً اني صرت وحده مختلفه ومتجرده من شخصية نمارق !!!؟؟؟

" الصبح كعدت ما لكيته بفراشه كمت رتبت الغرفه وشفت ملابسه الوسخه شلتهن للحمام وصار بوجهي باوعلي وكال

ـ عوفيهن معلكات لا تخليهن بالحمام يعفنن

ـ ماشي عبرني شفت الطشت شمرتهن بنصه وذبيت عليهن تايت وكعدت اغسل بيهن لاول مره اغسل ملابسه خلصتهن ونشرتهن ورجعت توه راد يطلع

ـ تعالي اريد احاجيج

ـ بشنو

ـ سدي الباب

ـ سديته كول شعندك

ـ ركزي بكل كلمه اكولها وخليج فطنه وفتحي عينج زين

ـ شصاير

ـ دام عقلج رجعلج والطفل ما يموت ويصير لدنيا ما تكولين لاي بشر عن حملج حتى لـ سعاد.

ـ وليش يعني اتوقع حفيدهم وانت ابنهم واكيد يفرحون الك وهذا رزق من الله ليش اضمه بطني قابل بايكه لو زاينه

ـ احجي عدل ولاتلوصين بسوالفج حجايه بيها خير متعرفين ادبرينها

ـ شو عبالك اخذت بالحجي زايد وبس تعيب وتحجي على كلمة اكولها

ـ هسه فضينها اللي حجيته يتنفذ والا ما يصيرلج خير

ـ غير اعرف ليش، تقربلي وكال كلامه بنص وجهي وقريب مني حيل

ـ تتغابين أنتِ لو اساسج غبيه شنو نسيتي أنتِ جيتج لهنأ علمود شنو والكل ناثرين الشر عليج وحاقدين تردين تموتين وتموتين الطفل شوفي نمارق اذا حجيتي حرف واحد يموتنج ويموتنه بطنج واني مو كل الوقت يمج خليج كد حالج وبطلي تصرفات رعونيه راح اصيرين ام ونمارق الطفله انسيها واحسبي حساب لعيشتج بهل المكان

ـ يعني ما اكول تاففف وصاح بصوته

ـ يالله يالله يلة روحي كولي علمود جفصه منهن يطلعن مصارينج من حلكج اوووه شلعتي كلبي ولي عن وجهيي

نمارق ـ طلع وخلاني مصنمه بمكاني كلامه كله صحيح بس اني ما اريد اعترف هو حكيم واعقل مني، طلعت وراه وصحت اسمه اشهاب اشهاب وين رحت وين راح شبسرعه تبخرت خلص مثل ما تريد هالمره اسمع كلامك وشتريد اسوي ردت اكولها اله بس جان ما موجود يلة ما يستاهل شكوو راح وكالي ولي وعن وجهي عابتلك وهو الما راضي ويحجي عليه زين مني متحملتك ومتحمله ابنك وشايلته بطني شهل الورطه يربي يعني اني مو مال اصير ام بهيج بعمر والله مو جاهزه شنو هالشلعان الگلب

" دخلت الغرفه نظفتها وكنست

الكدامها ومر حناش من يمي وكال

حناش ـ زلمتج الحوگ وينه

نمارق ـ شتريد منه

ـ اسلم عليه اشوف انجازته بهذا الزواج شنو بي خير لا

ـ شقصدك

ـ شسويلچ أذا أنتِ ثوله

ـ نوعا ما عرفت شنو يقصد يعني حبلج ونيته واضحه يريد يعرف واذا عرف ما يخلي يعيش لن سمعته شنو هدد اشهاب قبل لا احمل جاوبته عيب عليك هذا اخوك

ـ اهااا صدك والله ما ادري اخوي عفيه عليج ذكرتيني واليوم شعجب ادافعين اله لازم محسن المعامله وياج

ـ ميخصك حناش وبعدين ما شفت شيء منه موزين

ـ وأحنه شمسويلج يابه ؏ كيفج لاتحمين لايطكلج عرج ونبتلي بيج استقري أستقري. مشه واجه اشهاب عبره وطبطب ؏ اكتافه اجاني وعيونه بكصته

اشهاب ـ شموكفج وياه ودك سوالف ليش ما تاخذين حجايتي يعني بشرفج عفتي الاوادم كلها ما لكيتي الا حناش تحجين وياه امشي انكبري بالغرفه يلةةةة

ـ خلص داخله لا تصيح

ـ اصيح واكسر راسج هم

ـ دخلت واجه ركع الباب وراه وصحت بي شكووو تحجي عليه هو اجه بطريقه قابل بيت الخلفوني وامنعه ما يفوت من كدامي

ـ وأنتِ ما تكدرين تدخلين غرفتج وتسدين بابها

ـ اشهاااب

ـ انجبي وصوت ما اسمع الج

ـ سكتت شو هذا انكلب وحش وكام يغلط ويعيط عود ناقصه كملت عليج نمارق، راح توضى وكعد يقرأ قرأن سورة الكهف لن اليوم جمعه خلص وباوعلي بعيونه تخوف من يعصب تنكلب خلقته شكووو شنو شايف كدامك كافره علمود هيج تباوعلي

ـ ليش ما تصلين صغيره أنتِ

ـ شعليك أنت اصلي او ما اصلي شيء راجع اليه حتى بهاي تتدخل عفيه عيشه ما بيها خصوصيات

ـ وشدخل الخصوصيات بموضوعنا يعني أحترام للبشر ما عندج أحترام ومستحى لرب العالمين هم ما عندج شكبرج شكدج ما تصلين وتحمدين ربج بس شاطره بلسانج اللي يشيل عرب كامله

ـ ممكن تعوفني ؏ راحتي ورب العالمين يحاسبني ما يحاسبك بمكاني

ـ لا يا المزيونه يحاسبني هم لن انه المسؤول عنج واجبي انصحج واعلمج بس أنتِ عقلج من تبن وتنك مزنجر ماكو خلاص منج

ـ انه من يومي ما ملتزمه بصلاتي وبعدين احس مكانكم مو نظيف ووسخين وايدكم ملطخه بالدم والصلاة ما تنقبل بهيج مكان

ـ وأنتِ تواجهين ربج بصلاتج مو بمكانج وتعاليج وخشمج العالي بطلي اطلعين أعذار وحجج

ـ ما جاوبته رجع القرأن المكانه وفتح الباب ضل واكف لحد ما اذن وصله بقيت مركزه بصلاته وهدوءه وكلشي بي تجاهلته ورحت المطبخ من الباب الامامي

واكفه بالطرمه وقبل لا ادخل اسمع امهم عسله توجه الأوامر عليهن ومن ضمن كلامها جانت تخصني الحيه

عسله ـ غدن الجهال عمجن يتأخر لما يخلص صلاته ويجي

وحضرن كلشي ما اريد وكت الاكل ياكلون ويتطلبون يطلع كلشي ناقص يضلون يصيحون يلة ؏ شغلجن وهاا الحية المسمومه اجت اخذت الاكل من سم يسمها ويخلصني منها

سعاد ـ لا عمه بالاخير تجي احنه علمناها يمتى تجي المطبخ

نمارق ـ أحس نار شعلت بصدري كلش زين يعرفون أني مالي ذنب باللي صار بس الحقاره تجري بدمهم وفزيت ؏ صوت رجال اندرايت مناف

مناف ـ شعندج واكفه اهنا رجعي لخرابتج يلةةة

ًـ عفواً أنت اخر واحد يحجي

ـ شنو شنو يلة بلا لغوة وامشي ولي منا انكبري بخرابتج

ـ ضتطردني وفوكاها يعني فواك كواة عينك وسوالفك المكسره أنت والست هاجر سوت عملتها وانهزمت ولا سأله عنك وعن حبك وتالي نمارق تدفع ثمن سخفاتكم التافهه يا تافهين

ـ احترمي نفسج وضبي لسانج بحلكج لا اجره الج من بعلومج وانعل شيب اهلج يا عايقه

ـ خليت ايدي بوجهه وجاوبته بعصبيه وعيوني دم

عليمن عايقه ولك اني اشرفك واشرف سلالتك كلها احجي عدل لا انسى اني مره وانت رجال واشوفك النسوان شتجيب واحد فارغ وجاي اطلع عضلاتك عليه امشي بابا روح اشرب حليب وكبر عضلاتك الفارغه ما احس غير لوه ايدي وتلاوينا اني وياه واصرخ اشهاااااب

دفعني وكعت بالكاع وأنخمش وجهي بالكاع واجو التموا كلهم يباوعلي بشماته

ـ والله لو مو مره جان عرفت شلون اربيج بنت الكواويد

ـ ماكو كواويد وسفله ومنحطين غيركم انجاس تفوو على شورابك يا عار تمد ايدك عليه بيك خير اخذ ثارك من اللي نهزمت وضحكت عليه كام يهد ويرد وحناش اخذه وصافن عليه متفاجئ بيه وصاح بعلو صوته

حناش ـ أشهااااااااب أشهااااااب تعال اخذ حرمتك لخرابتها ترة ما يجرالكم خير

نمارق ـ اجه وباوعلي بنظره عصبيه وحقد جرني من ايدي نفضتها من ايده عوفنيييي عايف اخوك مده ايده عليه وجاي تجر بيه

عسله ـ اخذ حرمتك وانكلعوا لخرابتكم لا اسيح دمها واتغسل بي زين مني واكفه على رجليه اخذوهاااا منها ما اريدن اشوفن شكلهااا

مصلح ـ اخذها حرمتك ما ناويه على الخير مره لسانها متبري منها يمعود لما نطلع عليها ادمي مناف بكاعه

صكبان ـ شنو هالهرج شعدكم مجموعين شكوووو بويه شصايررر

إشهاب ـ ماكو شيء بويه يلة امشييي ومناف حسابك بعدين

مناف ـ لا بعدين ولا هسه بيك خير ربيها وحده عايقه وعرمه مخليها على حل شعرها راكبتك ومسيطره عليك

صكبان ـ منااااااااف

نمارق ـ ضربه كف لازم خده متفاجئ وإشهاب جرني من ايدي اخذني للغرفه وامهم تتحسب وتدعي عليه دخلني الغرفه وقفل عليه الباب

أشهاب ـ ما توبيين نعله على الخلفوج ولچ أنتِ ؏ شنو ناويه، المشاكل تجري بدمج بس تصارخين تعاركين يعني لو اني لو اهلي متعرفين تركدين بكاعچ متكوليلي شنو من مره أنتِ ترى خبلتيني

نمارق ـ وشمسويه قابل سويت بكد اللي سويتوا بيه

ـ اللهم صبرچ يا روح ، نمارق كسري الشر لخاطر الله ترى يذبحونج والله لا عبالج احجي قشمره مره ترادد رجال طول بعرض وتهدد عليه شتردين منه يسكتلج امي عسله ما تسكت وشوفي عيشتج شلون راح تصير سم فوك السم المعيشتنا بي

ـ معيشتنا بي يعني السببب

ـ بصوت عالييي خلللللللص

ـ والله كول نفسك عاجبك الوضع

ـ كلت خللللللللص

ـ لا مو خلاص ماكو خلاص من هالوضع التعبان بعدني ما مكمله كلامي ضربني كف ولزمني من شعري بقوه

ـ ادعي ربج البطنج شفعلج لن وصلت بيه لخشمي طلعت روحي منج ومن تصرفاتج زهكتينيييييي شنووووو انت مسجل ولج سكتييييي اكلج خلصصص سكتييييي من طركاعه تطيح على رأس أبوج مثل ما طحتي برأسي

ـ دفعني انضربت بالحايط وانعزلت بالزاويه وبجيت لزمت شعري وجلد رأسي يأذيني حيل جريت المخده ونمت باوعتله بحقد وبكلبي حجيت والله الا ادفعك الثمن على كل مره تمد ايدك عليه والله الثمن غالي يا اشهاب

أشهاب ـ شوفي يا بنت الناس حجايه احجيها ما أثنيها تركدين على عقلچ وطلعه منا ماكو والخرايب ما توصلين الهن رجليج اكسرهن الج وتكعدين وتنجبين بمكانج واكلج وشربج يوصلج بس جفيني شرج من غضب على يومج من فلك طرج وطرج أهلج .

نمارق ـ كال العنده وسكت وما الومه من حجه على أهلي يستاهلون الواحد يسبهم فعلاً اني طركاعه نزلت على راسه هو هم طركاعه مصخمه ملطمه نزلت على راسي من خفت رأسك ووجهك المحروك حامستك الشمس حمس عابتلك اي والله

ـ نزلي عينج لا هيج تباوعيلي اني مو كواد عند الخلفوج

نمارق ـ غطيت رأسي بغطا ما اريد اشوف شكله وكل اللي يصيرلي بسببه هو لن متحمل الوضع وكلشي عادي عنده بدال ما يحاسبهم يجي يحاسبني ويتجاوز عليه وعلى اهلي واحد سافل

" لليل يله كعدت لكيته مخلي الأكل وكاعد هزلي راسه ما جاوبته

اشهاب ـ بالطمرى لا تأكلين

نمارق ـ اني ما محاجيتك ليش هيج تحجي عليه

ـ تعالي أكلي عوفي اللغوه بعدين رطني

ـ اكل وخلص بعدين اني وما اكل وياك نفسي تلعب منك

ضل صافن بوجهي تهربت من نظراته أستغفر ورجع كمل اكله شوي وكام سحبت الصينيه واكلت واجه باوعلي

ـ مو نفسج تلعب مني اشوفج تأكلين

ـ ماكو غير اكل مجبوره اكل هالموجود شسوي عيشه زقنبوت

ـ والله فلا تجنيين عقل ولا تصيرين ادامي ولا تلحكين النسوان ولا تصيرين مره برأسها خير ، اني ما اعرف اهلج شلون جانوا جارعينج يمهم عمي مصيبه وربي مصبيه

ـ خلص دام هيج مدمرتك طلكني ودزني لبيت اهلي واخلص من هالمصبيه احسن الك واليه لن من سابع المستحيلات اني وياك نتفاهم كزوج وزوجه لن ما اطيقك ولا اريدك بحياتي كوة عليه

ـ أكول اكلي وانحمي واحلمي بهذا الحلم لن مبين حلو

ـ تتقشمر

ـ أنتِ قشمر شسويلج

ـ إشهاب كافي عاد طوختها وياي وتجاوزت عليه هواي

ـ ووجع يوجعج ويوجع أشهاب وياج تسممي وكافي ترطنين كافي ولج ما تعبتي ما مليتي يا مره أني رأسي رأسي طبل من وراج والله مخي صار مركه بسبتج كافي يا بنت الناس كافي رحمي نفسج ورحميني

ـ اطلعع برااااا الله ياخذك وياخذني ويخلصني منكم

ـ هو طالع لن اذا ابقى ؏ شعره لا اگتلج لو اكتل روحي

ـ فتح الباب وطلع واني أعصابي فايره صايره دم ونار تلهب تأكل الاخضر واليابس

مر وقت وما اجه بعد باوعت الأكل جوعانه رجعت اكمل الأكل خلصت ودفعت الصينيه هو مو كال ماكو طلعه خل هو يحير بيهن بعد احسن والله، كمت غسلت وهو ماكو يلة هسه يجي وتأخر الوقت وما اجه تالي نعست ولفيت راسي ونمت.

" حسيت بنص الليل الغرفه فارغه خاليه من وجوده وانفاسه خفت وكلبي وجعني كمت وتعثرت بفراشه فارغ والغرفه ظلمه وينه إشهاب إشهاب وينك فتحت الباب الجلاب تنبح وصوت الصراصر والفحيح مالت الحيايا انصرعت متت من الخوف ما متعلمه انام وهو ما موجود يمي وين راح اشهاب وينك بجيت بخوف وين عفتني لوحدي اشهاب إشهاب

مسحت دموعي وشفت لايت من ناحية المضيف توجه عليه ابتعدت بخوف ولزمت حافة الباب

اشهاب ـ شمكعدج متكوليلي

نمارق ـ ليش عفتني لوحدي شنو جنت نايم بالمضيف

ـ اي لعد وين اولي تعبان وعظام جسمي تصل عليه من التعب والشغل رحت نمت بالمضيف

ـ ليش عفتني لوحدي شلون انطاك كلبك

ـ دخلي نحجي داخل امشي

ـ اخذني من ايدي نومني بفراشه فتح حضنه وحضني وتمسك بيه والله متت خوف كعدت وانت ماكو شلون انطاك كلبك ما خفت يجون اهلك يذبحوني

ـ اوووف نمارق هو غير لو عيني اخذت نوم رغم شكد تعبان ما غفيت اجيتج لكيتج بسابع حلم وعفتج ورديت

ـ ما تعوفنيييي بعد وهاي اخر مره تعوفني انام لوحدي

باسني من شفايفي بهدوء وضل يتلمس بوجهي ورجع باسني من خشمي وعيوني وضمني حيل لصدره

ـ وين اعوفج بويه كاعدلج كعود ؏ كلبچ

ـ بقيت صافنه بوجهه على ضوء لايت بس اشوف ملامح وجهه معانيه حلوة ورجولته واضحه رغم هدوءه الطاغي والقاتل سالب روحي بهذا الهدوء اللي يمتلكه بس مع ذلك كله حلو بس ما جاي يحلى بعيني أبداً.

" طالت للحظات الهدوء واحد صافن بوجه الثاني الى اني حلت اجواء الخطر تقرب اخذ شفايفي بعمق شفايفه تلذذ بيهن وانفاسه تلهب جمر وتلجع خدودي ما يبتعد ولا يسمحلي اخذ انفاسي وتشكلت بين أيديه مثل العجينه وهو شكلني بالشكل اللي يريده لن جنت ساكنه وضعيفه البنيه تحت رجولته الطاغيه وتلهب بنار مشاعره اللي اتهرب من تفسيرها ولا اريد اكون محط افكاره وانظاره اريد ابتعد بس هو يقربني اكثر واكثر ويحاول وياي بس جنت جليد

" الى أن تمادى اكثر بحدوده بكل حب ورومانسيه يرضى نفسه قدر الامكان حتى وهو يدري ماكو مبادره من ناحيتي ماكو تبادل لا حب ولا مشاعر ولا احاسيس ولا حركات ونغمات يمارسها بحب وحنيه ولطف .

" إنتهت المغامره و؏ وجه ملامح حزن وخاليه ومجرده من كلشي كل ما يعيش وياي ليله بكل تفاصيلها يعاني من تقلبات بروحه ومشاعره يصبح عاجز عن مواجهتي ومطالبتي بالرضا والتبادل ويتلجئ للهروب وابقى اني هزيلة بوسط فراشه مسلوبه روحي من كلشي طافيه وخاويه وروح منهشه مثل الريشه جسد فارغ قلب ما يمتلك اي ذره من المشاعر مثل الصحراء والكهف المهجور

كلشي بيه طافي ومسلوب عافيته فقط لساني حي باقيه ادافع عن اخر ما تبقى مني يمكن ارجع احتيي مع مرور الزمن وتغير المكان وتغير كلشي بحياتي كلها ما اتقبلها ولا راح اتقبلها بيوم من الايام

وواقع وانفرض عليه غصب وما اكدر اشوفه رجال وزوج لن اعتبره خصم بروحي اغتصبني وسلب مني اعز ما املك بهذيج الليله انكلبت انسانه اني هسه ما فاهمتها ياريت ما اخذني بهذاك اليوم يمكن جان اكو فرصه اتقبله

" انداريت الباب مفتوح شوي منه رفعت الغطا كمت باوعتله كاعد لوحده ويدخن بس جمرات الجكاره كدامي بقيت صافنه عليه تالي رجعت نمت بفراشي وتاركه فراشه فارغ بقيت فاتحه عيني الى ان اجه وسمعت الباب انقفل وكتها مثلت اني نايمه مر وقت فتحت عيني لكيته متمدد بفراشه وايده ؏ رأسه وشكله يوحي كاعد انداريت على جهة الحايط بين صفنه وبين غصة غفيت ونمت..

" كعدت لكيته سابح وغاسل ملابسه ومخليهن يم الباب الحمام يمكن يستحي هو ينشرهن بحكم اني زوجته كدام اهله جريت غصه بصدري وتالي شلتهن رحت نشرتهن وعبرت من يمهن كاعدات يغسلن ملابس ومجموعات تعديتهن ووديان كالت

وديان ـ ضبي حجابج زين الحوش مليان زلوم واكو بنات بيوت شوي خلي مستحى

نمارق ـ ليش شكوو

ـ وديان صدك اللي استحوا ماتوا الظاهر متونسين ورايحين زايد

شكووو عليج هم غم شو لا شغله لا مشغله حاطج اشهاب ويباوع على حلكج شتردين اكثر من هيج

سراب ـ اول مره اسمع وتشوف عيني هالدلال والجلابه بوكتنا اللي تروح فصيله تشبع تكفخ ودك نعل وحالها حال البهايم اللي رابطينها بس الخاتون لا عايشه بالعز والدلال شفتي خيه شلون متونسه هالساقطه واحنه ايدينه رايحه من الغسل والجلف

نمارق ـ شدعوه هالكثر مركزات بحياتي وبعدين لو تخلن بالجن بحياتج بكثر مخليته بحياتي جان انتن فوك النجم بس خزي ما بيجن خير لو بيجن خير من صدك مو يجي الليل ومغالب على رجال عيعع شتحسن لخاطر الله من لوحده لوحده موت كرفجن لعبتن نفسييييي

" وديان نفضت ايدها من التايت وتخصرت اي وبعدين تردين تهجمين عليه مثل حماج البارحه يتعنتر عليه رجعي كابلي ملابسج وفركيهن زين لا افرك حلكج الخايس وهاا طلعي خشمج من حياتي ومن اشهاب بالاخص كلتها وما احس الا انجريت من حجابي دفعتها بقوة وكعت بنص الطشت وسراب كامت تريد تضربني وفزن واخترعن لحظه وصلنا الصوت

حنااش ـ سراااااب وديان شنهو هالهرج انه شنو حجيت

نمارق ـ أخترعن وجمد الدم بجسمهن باوعتله وجاوبته تعيش والله عاشت ايدك مخوفهن وصاكرهن عمي هيج الزلم

حناش ـ رجعناااا المشاكل متخلص متفض وتالي وياج نمارق عوفي نسواني بحالهن خلج بحالج يا مره

نمارق ـ والله نسوانك هنا يتحرشن بيه واني ما اسكت عن كل واحد ياذيني سؤاء صغير او جبير ما يهمني منو ما يكون يلة من رخصتك..

" مشيت وعفته يرزل بيه عرفت نقطة ضعفهن حناش وقرررت استغلهن بهل النقطه واكسبهن لجانبي لن اذا يضلن وراي وراي ومسمتاني بعيشتي ما اشوف الراحه بحياتي وضعي مطول ماكو خلاص على كولة شهوبي

الفصل الثاني عشر من هنا

لمتابعة باقي الرواية زوروا قناتنا على التليجرام من هنا