رواية يا بعد كل معاناتي الفصل الحادي عشر 11 بقلم زينب ماجد
علي.. نايم والذبان كتلني عبالك نايم بسطح اوخر من وجهي ويرجع اخر شي صرخت اوووووووو😡
وكمت باوعت واشوف شهد ميته ضحك كتلها هاي انتي مو دتعاي كمت عله حيلي هيه انهزمت
رادت تفتح الباب سديته وحصرتها ودفعتها علباب كتلها لججج اخذت نفس ليش.. اريد الكلام يطلع بعد ماكو ما اعرف
دخت بيها واني هسه كاعد ودايخ وريحة الحمام والشامبو تعط منها اتقربت اكثر وخليت ايديه عله خدها اتلمسه بيدي بقت انفاسي تتعاله واباوعلها مغوش هيه لزمت ايدي
شهد.. بله وكاحه علوش تره طوختها نريد نروح نزور الامام استحي
علي.. اخذت نفس وخليت راسي عله راسها وهمست شهد تتزوجيني
شهد.. خله راسه عله راسي وانفاسي كوه اجر بيها احس كلبي صار طبل كال تتزوجيني بعدت راسي كتله شنو
علي.. اتزوجيني عوضيني كل هلحرمان وهلسنين اللي عشتها بدونج شهد اني احبج حييل وما متحمل اشوفج كبالي وما تصيرين الي شهد اريدج
احاجيها واهمس وكوه الكلام كوه يطلع مني من كد ما كلبي احسه حينفجر و دكاته سريعه همستلها معقوله ما حاسه شــّـّ❓ـّـّي اتجاهي
شهد.. انصدمت بحجيه وبقيت صافنه بوجها كتله علي مصار اسبوع من اتعرفنا عله بعض شتعرف عني انطي نفسك فرصه تعرفني
علي.. بس اللحضات اللي عشناها مع بعض اكبر عندي من سنين وبعدين الايام ما تقرر الحب اخذت ايدها وخليتها عله كلبي وكتلها هذا شوكت ميقرر تبدي قصة حب
واني حبيتج وُألـلـهہ جنت اوهم نفسي انو غيرتي وخوفي عليج لان احسج مسؤليتي ﮨـbⓐṣـس لما كمت ادور ريحتج بفراشي اتٲكدت اني احبج مو اخاف عليج
شهد.. بقيت صافنه بوجها والكلام احسه اختفه ما اعرف شٲعبر او شنو اكول وكوه اجر نفسي وهوه قريب مني احس دخت
علي.. بس احجيلي كلمه انتي دتحسين بمشاعري لو لا اريد اسمعها منج
شهد.. اخذت نفس وكتله كل المشاعر والاحاسيس اللي دتحس بيها اني حاسه بيها وعايشتها
علي.. ابتعدت منها شوي وابتسمت يعني تحبيني
شهد.. دنكت راسي بخجل
علي.. ههههه اتقربت وبستها من كصتها وخليت راسها عله صدري وحضنتها حييييييل بثين اديه جريت نفس عميق وكٲني استنشقتها
بعدتها وكتلها اليوم بليل اروح لاهلي واكولهم عليج و عله زواجنا
شهد.. ماشي كلتها بخجل ..انوب رفعت عيني بعينه وكتله ..نروح اليوم للزياره لو ❌لّـٍْـŃØـٍْـاّ❌
علي.. بعدت وكتلها أيٌـ.YESـہٌَ طبعا يله اني رايح اسبح حضريلي ملابسي باعتبارج صرتي مرتي 😉
علي.. هههههه طلع خليت اديه عله كلبي اووووو ماي كااااااد معقوله الصار يا رب ههههه اني بحلم لو حقيقه اويلييييييي احس روحي طارت من الفرح هههههاي
فتحت كنتوره طلعت ملابسه اشم بيهن وابوس بيهن واحضن واكول اويلي يعلووش اخذتلي كلبي وطيرتني بهواك اخذت الملابس وخليتهن بالصاله
شفت القميص شوي معقج طلعت الاوتي وكويته… ودا اكوي بالبنطرون طلع هوه ملابس شــّـّ❓ـّـّي بس لاف الخاولي حول خصره باوعت انفزعت 😨😨😱 عزززززه يبوووو اشررررررد🏃🏃🏃🏃
علي.. اسف و لج والله نسيت هههههههه شلون انهزمت جريت الملابس لبست انوب رحت للحمام اصفف شعري كملت دا اتعطر
نزلت هيه لابسه جبه كولش حلوه كتله تخبل عليج حته احله البنطرون
شهد.. 😒😒 كولي ممنوع البنطرون وفضها ليش اتضل تلف… اعرفك متحب البس بنطرون تتضايق منه
علي.. هههههه حلو تفهميني اي والله صح اضوج من البنطرون وتطلع رجليج والرايح والجاي يتمعن بيهن يفور دمي البسي جبه ما عندي اشكال او عبايه
شهد.. بس العبايه ما اعرف البسها
علي.. تتعلمين عليها حبيبي حلاة البنيه العراقيه بعبايتها وسترها
شهد.. اوك
علي.. كملتي بعد ما عندج شي
شهد.. ❌لّـٍْـŃØـٍْـاّ❌ خلصت ما عندي شي نطلع
علي.. لا انتضري اروح اجيب السياره من الولد صاحبي واجي
شهد.. ماشي.. راح .. واني كعدت فتحت الفون مالتي وبقيت اتصفح بيه لشوي طب كال
علي.. ها كملتي يله.. اااا قفلتي السطح
كتله اي قفلته
علي.. يله لعد ..اخذتها وصعدتها بالسياره مشيت واني الطريق كله لازم ايدها وواحد يبتسم بوجه الاخ اوووف ربي وين جنت ضامها
واني خلصت عمري ويه ميعاد الفكر هسه يله حسيت بطعم الحياة والراحه
نمشي وكل شوي اخذ ايدها وابوسها براحة ايدها وهيه تضحك فتحت الMB3 مال السياره كمت ابحث بيه طلعت اغنية حلوه تركتها واباوعلها واغنيلها ويه الاغنيه
(اخيرا كالها.. كال احبك كالها.. وانا كلبي كلبي كلبي توكف بعدها ..من فديت انا العيون.. كال احبك وبجنون.. ودي اطير ..ودي اعيش.. بالدنيا بڪربها)
اباوعلها وابتسم وطايرين عله الحان الاغنيه اللي تحجي كل فرحي بيها وحبي الها ولهفتي عليها ..وصلت قريب من الامام طلعت دعاء الصباح😂😂😂
شهد… هههههه هاي شنو من الاغنيه للدعاء شلون رهمتها😂😂
علي.. هههه مو صرنه قريبين عل الحضره عيب زحمه من الامام نغني ونركص كباله😂
شهد.. ههههههههه
علي.. يا فديت الضحكه اني وقرصتها من خدها خفيف وغمزتلها خجلت اوووف يابه شلون اذوب بخجلها ..
وصلت للكراج صفيت السياره ونزلنا اني وياها اخذتها من ايدها و مشينا صارت كدامنه الكبه صلينا علنبي وكتله بجاهك يبن الرسول اريد تحفظها اليه
شهد.. ويحفظك اليه حبيبي يبختي بيك والله ..احس كلبي راح يطك من الفرحه واني وياه وايدي بٲيده وصلنا التفتيش عاف ايدي كتل ها
علي.. حبيبي روحي مناك تفتيش النساء
شهد.. لا عفيه حبيبي اخاف اضيعك باوع ازدحام يخوف
علي.. لتخافي كلبي تلكيني واكف بالباب مال تفتيش مناك
شهد.. دخلت اتفتشت واني ميته خوف ازدخام كومه خاف ما الكاه طلعت لكيته واكف بالباب رجع الدم الوجهي و ارتاحيت من شفته رحتله مبتسمه
علي.. شفتها طلعت ادور من شافتني ابتسمت يا من فديت الضحكه اجت اخذت ايدها ومشينا دخلنا الحضره هم تفتيش
كتلها لتخافين تلكيني بالباب واكفلج وهم طلعت بس ملبسينها عبايه ضحكت اجت اخذتها كعدنا بالمرقد
كتلها منااااك باعي دخول النساء روحي زوري وارجعيلي بسرعه من نفس الباب علمود لتيهين اني هنا كاعد انتضرج
شهد.. اوك حبيبي بس لتروح لا انوب اضيعك
علي.. لا ما اروح والله كاعد..
شهد.. مشيت دخلت للمرقد بست الباب ودخلت وفتت اجاهد حته اوصل الشباك😑 صرت تشريب من المدافع اخر شي انجعصت ويه الشباك😣
اريد ادعي نسيت حته الدعوه بسته واتبركت منه ووخرت باوعت علشباج مال الامام لزمت الكتاب وزرت ودعيت ربي يحفظلي علوش وميبعده عني
ويحفظ اخوتي ويصلحهم كملت طلعت من نفس الباب لكيته كاعد يقره قران كتله ها حبيبي
علي.. ها كملتي
شهد.. اي بس بعد صلاة الزياره ما صليت
علي.. اوك صلي هنا واني راح اروح ازور وارجعلج بنفس المكان لتتحركين
شهد.. ماشي كعدت صليت وقريت قران سورة يس لبابا ولماما وترحمتلهم شفته طلع اجه وكعد يمي وكال
علي.. اتقبل الله
شهد.. مني ومنك صالح الاعمال انشالله
علي.. هااا شلونها زيارة الامام حلوه
شهد.. جنه تخبل عفيه بعد كل فتره نجي لهنا تحس كلبك يرتاح هنا
علي.. ادللي من عيوني ..باوعت كاعد سيد شويه عنه كتلها كعدي هنا لتتحركين رايح شوي وراجع
رحت للسيد كتله سيد اريد اعقد عقد زواج كال اي اتفضل هنا للغرفه وينها البنيه رحت صحتلها وجيت كال عذراء كتله أيٌـ.YESـہٌَ
كال ميصير الا بموافقة ولي امرها ابوها او احد من اخوانها
كتله ما عدها اهل ميتين واني متولي مسؤليتها
كال بارك الله بيك اباوع لشهد كاتمه ضحكتها والفرحه مبينه بين عيونها
عقدلنا السيد بحضور ثنين شهود وكال مبروك انشالله زوج وزوجه سلمت عليه وطلعت اخذتها حاضنها بيدي
باوعت للقبه مال الامام كتلها ها يا اباعبدلله اريدها منك تحفضلياها وتبعد عن حياتنه كل سوء بجاهك عد الله
وهيه تضحك وطايره من الفرح بين اديه اخذتها وطلعت رحنا افترينا بالسوك اشتريتلها عبايه لبستهيا بيدي وكتلها ابقي لابستها لتنزعيها
افترينا لحد مملينا اشتريتلها هدوم وتراكات ومكياج رادت وطلعنا كعدنا مطعم طلبنا كباب وكعدنا ناكل واباوعلها وكتلها
علي.. ويلي الله اليوم شسوي بيج وعضيتلها شفه
شهد.. هههه😶
علي.. لك اموت علخجل اني شلون اكتل روحي
شهد.. اووو علي كافي تره سخنت والله
علي.. ههههه فدوه
شهد.. اكووول احنه عقدنا بس اهلك شلون
علي.. شبيهم
شهد.. خاف ميقبلون
علي.. ابالي هلموضوع واتعمدت اسوي هشكل علمود اذا قبلو خير عله خير ما قبلو احطهم امام الامر الواقع واكولهم اني عقدت عليها ترضون ما ترضون
شهد.. بس خاف يزعلون عليك او يقاطعوك
علي.. اعتقد هلشي بس مردهم يوافقون لان القرار قراري واني متزوجج ابيتي مو يمهم وهذي حياتنا.. بس اللي خايف منه وشايله هم زعل امي
شهد.. تتوقعها ما تقبل
علي.. 99% بالميه أيٌـ.YESـہٌَ
شهد.. اوووف ليش هلكد متٲكد
علي.. جنت احب وحده قبل ما اتزوج ميعاد وكتلت روحي عليها وما قبلت اتزوجها تكولي مو منا ولا من ثوبنا
بس جنت بوكتها عمري 21 سنه وخفت اوكف بوجها او اردلها كلمه ووافقت هيه تشوفلي مره وجابتلي ميعاد الفكر
شهد.. ههههه انشالله توافق ومتصير مشاكل
علي.. الوافقت والما وافقت اني حسمت الموضوع سمحتلها مره تختار وهدمت حياتي وورطتني بطفل بعد ما اسمحلها بعد تدخل بقراري مجرد انطيها خبر لا اكثر لان تعبت
شهد.. مهما يكن هذي امك (واخفض لهما جناح الذل) لازم تحاول تسايرها ومتزعلها
علي.. لزمت ايديها وكتلها انتي كل حياتي وانشالله يكدرون يشوفون حبج البكلبي ويعترفون بيه
شهد.. يروحي انته اموووت عليك.. بس تدري احنه سريعين الاشتعال
علي.. عقدت حاجبي وكتلها ليش
شهد.. قبل اسبوعين واحدنا ميعرف اللاخ واليوم ذايبين ابعض ومتزوجين هم
علي… هههههه هاي الدنيا يمعوده والحب ينقاس بالكلب مو بالوقت .. الشكر لله خلاج بطريقي ولا جنت شابع هم والدنيا طالعه من عيني بسبب ميعاد
شهد.. عصرت اديه بين اديه وهمست احبك
علي.. اويلي الله ولج لا تخليني هســۣۙـۣۛـ❀ـٰٰهہ احجز غرفة بواحد من الفنادق واركض بيج مو بعد ما اتحمل
33
شهد.. وانته الحب مالتك بس هيج وخرت اديه من اديه ومديت اكل بماعوني
علي.. لج شسوي مشتعل جدي وعلي
شهد.. ههههه دكل اكل
علي.. هههه اوك كملت اكل واخذتها وطلعت افتر بيها بشوارع كربلاء صار الليل واحنه نفتر الجو حلو ربيع وليل شغلت اغنيه جديده نزلتها علمودها تلوكلنا
شغلتها وكمت اغني ويه الاغنيه واباوعلها واكولها علمني اغمض بدونك لحضه يا غالي نسيت شلون الك اشتاك من كد ما تجييييي اباااااااالي
شهد.. يا حلاته وهوه يغنيلي بصوته واني اغني وياه ..يهنيالي وي هنيااااااالي حبيبي يمي هنياااالي انه اتمنيت بكلبي بيت واعيشك بالكلب مالي..
سارحين بالٲغنيه وصلنا اباب البيت واحنه نغني وبنباوع لبعض
درت وجهي وشفت امه وابوه واخته واكفين بالباب اتغيرت ملامحه بسرعه وطفا الاغنيه ونزل بسرعه
علي.. مندمج وياها وشفت اهلي اباب بيتي هرعت طفيت ونزلت وكلت هلا يابه شلونج يمه وهمه يباوعون الشهد نزلت من السياره ووكفت وراي
الاب.. منو هاي….
