رواية كشف المستور الفصل الحادي عشر 11 بقلم جمانه السعيدي
كاعده انضف بلمطبخ وسمعت طبه قويه بلترك فتحت الباب ماشفت شي
باوعت بلكاع شفت دم نقاط وبعدين دم مسحوب سحب وداخل للسقيفه الي بلترك
قربت اشوف شنو هذا
واحد لزمني من ورا وسد حلكي وايده الثانيه لازمني بيه
من الخوف احس كلبي كام يدك بلعومي وراسي
ردت اخلص نفسي منه ما كدرت
قرب على اذني وهمس لاتخافين ما ااذيج
لاتخافين اني مضطر وطفرت على بيتكم
اترجاج لاتصرخين ما اريد منج شي بس اسكتي واني هسه اطلع من بيتكم
اكو جماعه يردون يقتلوني وضطريت اطفر عليكم
ولله مو قصدي اخوفج ابد
راح ارفع ايدي من حلكج لاتصرخين
اترجاج لاتصرخين ولله مراح ااذيج ابد
بس اريدج تساعديني تنطيني شوية وقت لمن يرحون واني اطلع
هااا ارفع ايدي اذا موافقه اشريلي براسج
هبه اشرت براسي اي
سحب ايده على كيف واني طفرت وابتعدت عنه
التفتت جانت ملامحه مو حيل واضحه بلنسبه اليه لان السقيفه ضلمه
جمانه السعيدي
هبه. طلع من السقيفه ورجله والكاع كله دم
..بس انت تنزف
محمد ...اعرف الطلقه صوبتني برجلي
هبه....اطلع خلي اشده الك واخذك للمستشفى
ما اعرف ليش ماخفت منه
طلع من السقيفه وهو يكمز على رجل وحده والثانيه كلها دم
شاب طويل حنطاوي جسمه حلو صاحب لحيه وشوارب لابس بنطرون جينز وقمصله جلد
شكله حلو ومرتب
كمز مرتين وصاح اخ اخ
اني لابسه تراك شتوي وردي
اتقربت علي كتله خل اساعدك
...لامايحتاج اسف ازعجتج وخوفتج بس ولله موقصدي
...لاتتاسف ماصار شي
قربت علي وساعدته ودخلته للهول كعدته على الكرويته وجبت خاولي ولفيت رجله
...اشكرج هسه اطلع
...وين تطلع بهل ليل تحتاج تروح للمستشفى
جمانه السعيدي
طبعا بابا ابد مايسمعنا لان معلي صوت التلفزيون
...اني هسه اطلع واشوفلي سياره واروح ما اريد ازعجكم اكثر
...دقيقه خل ابدل واخذك للمستشفى الزم الخاولي وضغط على الجرح زين
رحت البابا اخذت الرمونت من ايده ونزلت صوت التلفزيون
ابو هبه...هاي ليش
هبه...اسمعني زين ولاتخاف اكو ولد لاحكينه جماعه ومصوبينه وطفر علينا
ابو هبه كام على حيله شلون شني طفر علينا
هبه بابا خطيه مصوب برجله وحالته حاله خل انساعده
ابو هبه...بابا خاف ورا عصابه ويجونه
هبه...بابا ماكو ورا احد خطيه ينزف خل ناخذه للمستشفى
ابو هبه...خاف بيها مسائله
هبه...لاتخاف بابا اني احله
طلع ابو هبه ولكا كاعد بلهول
محمد من شافه ارتبك وكال اسف حجي ولله موقصدي
ازعجكم
ابو هبه لاتخاف وليدي هسه ناخذك للمستشفى
هبه بدلت لبست بنطرون وبلوز وستره وطلعت السياره
ساعدنا اني وبابا حتى يكوم وكعدنا بحوض السياره الورا
وكعد بابا بصفي
شغلت السياره واخذته للمستشفى
من وصلنا خطيه وجه صار اصفر لان نزف هواي دم
بلاول ماقبلو يعالجو لان متصوب بعدين اني انطيت هويتي للدكتور وكتله خليه يمك واني باجر اقدم دعوه بمركز الشرطه واجيبها الك
كال شنو اسمه
...ما اعرف وكع ابابنا واني حبيت اساعده وجبته هنا دقيقه خل اسئله
.رحت علي كتله يردون اسمك
طبعا صار اصفر وكوه يحجي وكال محمد
رحت للدكتور فدوه دكتور مروتك حاله انسانيه اتلاحكه
كاللهم اخذو الغرفة العمليات
دخلو واني وبابا بقينا برا
ميت فكره اجت ابالي
يجوز يموت واني ما اعرف اي شي عنه
حتى اهله ما اعرفهم ياربي شهل بلوه هاي منيين اجتني
جمانه السعيدي
ساعه وربع يله طلع الدكتور
هبه...فدوه دكتور طمني
دكتور....اطمني الرصاصه ضاربه رجله وطالعه كبل احنا سوينا اللازم وانشاء الله خير
بس محتاجين ذني الابر ضروري حتى لايصير اي نوع من الالتهاب
هبه...هسه دكتور اجيبهن
الدكتور...الصبح بثمانيه لازم يضرب وحده والعصر وحدا
واني راح اراقب حالته للصبح
هبه...شكرا دكتور تعبناك ويانه
ابوهبه...لو سائلينه على اهله جان خابرناهم يجون يبقون يمه
هبه...بابا انت تعبان اوصلك للبيت
ابو هبه....لا بابا بعد احنا سوينا معروف خل انكمله للاخر
طلعو من غرفت العمليات وحجزلته غرفه بلجناح الخاص
الغرفه بيها سريرين واحد نام علي بابا واحد نام علي محمد
واني نمت على الكرسي
غفيت سمعته يصيح ماي اريد ماي وحرك رجله وصاح اخ
فزيت شفت الساعه بلسته وثلث الفجر
زين اني ما اكدر انطي ماي اخاف لان مسوي عمليه
طلعت لكيت المضمد بفتر
كتله عيوني عدنا مريض سوا عمليه بليل وهسه يريد مي انطي
كال لا لمن يشوفه الدكتور يله
رجعت شفته يلوج خطيه بس ما فاتح عيونه
باوعت علي ملامحه حلوه بشكل ورموشه طوال كلت اي يا محمد ياترا شني قصتك وليش ذوله يردون يكتلوك
جمانه السعيدي
ياترا انت ضحيه لو مجرم بس ملامحه مو مال مجرم ابد
شكله هادء
بعدين الساعه بلسبعه فتح عيونه وشافني ضل صافن بوجهي وكنما يريد يذكرني
هبه...الحمد لله على سلامتك
محمد...اشكرج اني وين
هبه..انت بلمستشفى والبارحه سويت عمليه بس الحمد لله ماكو رصاصه برجلك
محمد انتي من البارحه وياي
هبه...اي اني وبابا لان من الهوسه مالحكنا نسئلك على اهلك حتى نتصل بيهم يجون يبقون وياك
محمد...اهلي بلنجف
هبه...بلنجف وانت شسوي بغداد
محمد...ذبله حسره شكبرها وحرك رجله وصاح اخ اني عطشان
على صوته كعد بابا
هبه...ما اكدر انطيك مي لازم الدكتور يشوفك بلاول
هاي مرورة البنج بحلكك وعبالك عطشان
ابو هبه...الحمد لله على سلامتك وليدي
محمد الله يسلمك عمي
هبه هسه شلون نتصل باهلك
محمد...ما عندي بس امي وبس تسمع بيه تموت
بس اني ما اريد اتعبكم اكثر
هبه...اولا لازم تقدم بلاغ لان دخلتك على مسوليتي
اذا ماتقدم بلاغ اني اتحاسب
ولازم نعرف منو حاول قتلك حسب كلامك
ابو هبه خل اروح اجيب ريوك واجي
هبه...اني اروح بلسياره على السريع اجيب ريوك واجيب الابر وياي
ربع ساعه وراجعتلكم
ضل فكري ياخذ ويجيب حسيت نفسي بورطه
بعدين كلت خليها على الله اني ساعدته في سبيل الله
واكيد رب العالمين راح يساعدني
جمانه السعيدي
جبتلهم الريوك والعلاج ولكيت الدكتور جاي شايف وضعه وماكد عليهم خلي ياكل ويشرب عادي
اتريكنا سوا احنا الثلاثه
وبعدين رحت قدمت بلاغ بمركز الشرطه على هاي الحادثه
اجت الشرطه تحقق ويه محمد
....انت تعرف منو ضربك
...لا ما اعرفهم الي اعرفه ثنيين صاعدين على دراجه لحكوني واحد منهم عنده مسدس
ضربني واني انهزمت من صوت الطلق ودخلت بيت
حتى احمي نفسي
من دخلت اكتشفت البيت هيكل ومامسكون
خفت يجون وراي لان سهل يلحكوني
طفرت على البيت الي ورا هذا الهيكل الي هو بيت هبه
وختلت بلسقيفه
...انت منيين
...اني من النجف واجيت عندي شغل هنا على اساس اخلصه وارجع
هبه اني عندي معلومات تفيدكم
الشارع الي صار بي إطلاق نار بي سوبر ماركة مخلي كامرات واكو مدرسه بلشارع بيه كامرات
الشرطه ااكدت على محمد مايرجع للنجف لمن يكمل التحقيق ويوصلون الشي يدين القاتل
