رواية يا بعد كل معاناتي الفصل العاشر 10 بقلم زينب ماجد
سمعت صوت من الحمام دا ادك الباب انفتحت كمزت شفتها لافه الخاولي عله راسها كتلها كمزتيني نعيما
شهد.. هههه الله ينعم عليك
علي.. ولج هاي شمسويه بالبيت
شهد.. والله ما مسويه شي بس نضفته
علي.. لا مو عله شي بس والله عاشت ايدج يمكن هاي اول مره اشوف بيتي بهلنضافه
شهد.. ليش مرتك ما جانت تنضف
علي.. خليني ساكت احسن
شهد.. تريد جاي
علي.. اتذكرت جاي الصبح كمزت كتلها لا لا😰 تسلمين رحت لغرفتي مددت علسرير ونمت لساعه كعدت ونزلت لكيتها مخبوصه بالمطبخ كتلها هاااا شدسوين
شهد.. دا احاول اسوي كاستر😥
علي.. ههههه باعي انتي الطبخ لا تتقربين يمه تسوين جرايم بيه
شهد.. يعني مو طيب اكلي
علي.. ههههه لا طيب بس يحتاجلج تعلوم
شهد.. هوه دا اتعلم براسك وحته لو اخرب تجيبلي غير مواد لحد ما اضبط الاكله😜
علي.. لا استفاديت علاوي ☹ راحت فلوسك يصابر😐
شهد… ههههههههه
علي.. لا والله دا اتشاقه عادي براحتج شكد متخربين مو مهم لحد متتعلمين محد اجه للدنيا متعلم كولشي شويه شويه تصيرين منال العالم😕
شهد.. دتقلد حضرتك😒 اصلا اني لو خليت واهسي بشغله اتقنها بساع
علي.. لا والله عفيه عليج يله تعاي دا اساعدج شنسوي
شهد.. هذا هنا الكاستر يكولون كل كلاص مي 3 ملاعق كاستر 3 ملاعق شكر وملعقة حليب
علي.. يله دنطبق خليت الجدر علنار وهيه خلت 3 كلاصات مي و9 معالق كاستر وشكر وحليب وبقيت اني واكف واخوط
هيه طلعت بسكت كسرت بالكاسات كتلها ثخن هذا صار شنسويله كال طفيه طفيته جابت الچمچه وكامت تصب فوك البسكت
صارت 6 كاسات شالتهن وخلتهن بالثلاجه رتبتهن اني بقيت اخذ باصبعي البقايه اللي بالجدر بس فعلا كوووولش طيب اجت وضربتني عله ايدي
وكالت عييييب تاني هسه يبرد البلثلاجه وتاكل يا ابو كرش كتلها باعي اليبقه البجدر هذا كل البركه والطيبه بيه خليني اكملهن ما بقه شي خخخخ😜
شهد… رحت فتحت التلفزيون بادي فلم حلو لشاروخان اسمه( Fan) اعاده مال البارحه بس كولش حلو قصته جنت منتضرته يطلع لان اعلاناته هواي وكلش حلوه اجه هوه كال
علي.. شنو قصة الفلم مفتهمه شي احسه خربطه
شهد.. لا بالعكس يخبل هذا معجب بواحد مشهور ويشبها حيل راح كتل شكو واحد يحجي عله هلمشهور وهذا ابدال ميجازيه راح كتله ودماه وقرر المعجب ينتقم منه بعد كل علحب صار كراهيه وكامريخرب سمعته
تابعه كلش حلو
علي.. اها وُألـلـهہ مبين حلو كعدنه اني وياها نباوع لحد ما صار اعلان راحت جابت كاستين كاستر بصينيه وخاشوكتين خلت ماعون كدامي وخلت الخاشوكه
ابتسمتلها جريت كاسه اكل اووووف والله طيب يخبل كتلها رهيييييييب عاشت ايد
شهد.. والله يعني نجحت 😀
علي.. وبٲمتياز ..فرحت لفرحتها كمت اكل واكو اممممممم يخبل لحته انطيها دافع وتشجيع وما تنكسر ثقتها بنفسها وهيه فرحانه
كملنا الفلم كالت علي رايد شي اريد اروح انام
علي.. باعي شهد اكو غرفه مقفوله يم غرفتي جنت ناوي اسويها غرفة اطفال لابني بس اخذيها بعد ما احتاجها
شهد.. بس مقفوله ردت افتح ماكو
علي.. مفتاحها بالكاونتر اول خانه
شهد.. اها اوك اخذت المفتاح و صعدت فتحتها بيها كنتور زغير طلاقتين وسرير ابو النفر وزوليه تعبانه والغرفه كلها تراب نزلت
علي.. ها اشو نزلتي شنو ما عجبتج الغرفه
شهد.. لا مو ماعجبتني بس وصخه وما نضفتها لان جانت مقفوله وهسه اني نعسانه كولش مابيه حيل انضفها
علي.. هممم روحي لغرفتي نامي
شهد.. لا لا راح انام هنا بالصاله
علي.. دروحي بابه اني هنا كاعد منعسان هسه صحيت من النوم روحي اخذي راحتج تعبتي
شهد.. هههه اوك راح اروح رحت تمددت علسرير ردت انام اشتميت بالمخده ريحة جسمه ريحه رجاليه مميزه ابتسمت صفنت ويه روحي
هاي شلون بيه حته ريحته كمت اميزها معقوله اني معجبه بيه بقيت افكر لحد ما نمت
علي.. بقيت كاعد علتلفزيون كلت خل اسبح واطلع اشوف اللعبه مال ريال مدريد اليوم ويه تشيلسي مباراة مهمه
صعدت فتحت الباب عله كيف اخذت ملابس من الكنتور ردت اطلع صدت عيني عليها حاظنه المخده ونايمه مكرفصه
جريت غطا من الكنتور وغطيتها مسحت عله راسها وبستها ما اعرف ليش هيج اجاني احساس جبرني اسوي هلشي مو ابٲرادتي باوعت عليها همست انَـỲǑŲـْتي اجمل ملاك بعثلياه الرب
شهد.. صحيت باوعت شفت الغطا فوك جسمي ابتسمت عرفت هوه مغطيني نزلت باوعت دورته بس ما لكيته رفعت اخذت الموبايل وخابرته دك
علي.. ألْـًُِ✆ـًُِ☎ـًُِ✆ـُُِوِْو
شهد.. الو هلو علي وينك اشو ملكيتك
علي.. دا اباوع المباراة مال ريال مدري ويه جماعتي بالكوفي اكمل وارجع
شهد.. شوكت تخلص اللعبه
علي.. ب12 ونص ليش محتاجه شي
شهد.. لالا هيج دا اسئل اخذ راحتك.. سديت الخط.. حسيت بروحي جوعانه اباوع بالثلاجه فارغ كولشي مابيها فتحت الكاونتر ابحوش بيه لكيت معلبات اشكال والوان لحم تقطيع فول لبلبي وحته اندومي
جريت الاندومي خليته علنار ويه المي وخليت عليه لبلبي لشوي استوه اخذته واكلت بقيت اباوع علتلفزيون اتذكرة الغرفه النطانياها وسخه
صعدت الها كل الملابس الوصخه والزايده لميتها بكونيه وخليتها بالمخزن طلعت الزوليه غيرت شرشف السرير
مسحت الاخشاب والغراض ومسحت الكاع صارت مريحه ﮨـbⓐṣـس هلكت من التعب يمكن كل عمري ما مشتغله هلكد
باوعت بيها تلفزيون صغير مو بلازمه بس ماكو ستلايت حاول افتحه ما رهم كلت من يجي علاوي هوه يسويه اتمددت
واندكت الباب كمزت دخل كتلها ها اجيت
علي.. اي تعالي انزلي جبت لفات همبركر تردين
شهد.. لا اكلت
علي.. شٲكلتي الثلاجه فارغه ممتسوك
شهد.. لا لكيت اندومي وحمص طبختها واكلت
علي.. وشبعج الاندومي
شهد.. اي الحمدلله
علي.. اي دتعاي جايب عصير غازي كولش طيب اسكنجبيل
شهد.. نزلت وياه كتله وينه كال هذا كتله هذا جنه دبس
علي.. باعي خلي كميه اصغيره بدولكه وخليه عليه بطل سفن وخوطيه زين وجيبي وطبطبت عله ضهرها يله حبيبي
شهد.. حبيبي 😕 ماشي يله سويت مثل مكالي وجبت اله الدولكه والكلاص خليتهن كدامه وهوه ياكل ويباوع ردت اصبله بالكلاص كال
علي.. لا لا باعي حلاة المشروب الغازي من تشربي من راسه مو بالكلاص تروح طيبته
شهد.. لعد شلون من حلك لحلك
علي.. عقدت حاجبي و باوعتلها تكشين مني
شهد.. عادة اي اكش من اي واحد بس العجيب ما اكش منك والدليل شربنا باكيت العصير البارحه بنفس الكصبه وما حسيت انو اني اكش
علي.. دنكت ابتسمت ورجعت اباوع بوجهاا
شهد.. لا تاخذها غير شي بس والله ما احس اكش منك
علي.. هذي علامات الحب وغمزتلها
شهد.. حب لالا شنو ههههههه عابت شهلتفكير
علي.. هههههه دا اتشاقه وياج يله اشربي
شهد.. من كال هاي الكلمه احس حرارتي صعدت شربت وشرڪت بالعصير
علي.. الله الله باعي مو كتلج علامات الحب وهاي شركتي من وره الحب ههههه
شهد.. والله ما شرڪني غيرك يبو الحب هههه
علي.. ههههه
شهد.. رحت شربت مي ورجعتله
علي.. شهوده باجر حضري روحج نطلع اني وياج للامام الحسين اتفقت ويه صاحبي اخذ سيارته نطلع نتونس بيها
شهد.. صدوك والله 😃
علي.. اي والله بس لازم. ب8 نطلع عله بردوة الجو نصلي الضهر هناك ونطلع نفتر بس هااا دبريلج لبس مستور وبلا البنطرون تره ميمشي عدنا هلبس ماشي
شهد.. عندي جبه مخصره وحلوه مال ماما عادي
علي.. اكلها مستور تكلي مخصر 😑يله عمي عود مناك اشتريلج عبايه
شهد.. اوك لعد راح اروح انام
علي.. ادري دجاجه شكد تحبين النوم
شهد.. 😒الساعه 2 بليل بعد بيها كعده 🙄 وورانه طلعه الصبح حته انته يله روح الغرفتك يله طفيت التلفزيون وشلت العصير لملمت الصاله وطلعت
لكيته كاعد عله موبايله جريت الموبايل وكتله علنوووووووووووم
علي.. حاظر ياسيدي القائد وكمزت اخذلها تحيه
شهد.. ههههه حسستني اني القبطان نامق هههه وخليت الموبايل عله صدره وصعدت صعد ورايه طب الغرفته وكال تصبحين عله وجهي😜
شهد.. ههههه وهوه اكو غير وجهك اصبح بيه
علي.. سديت الباب وسمعت الكالته صحت حلو مووو
شهد.. مغرووووووووور
علي.. فتحت الباب ومديت راسي كتلها هاي ثقه مو غرور😝
شهد.. عود اسولفلك وياها😜 بااااااي
علي.. بايات.. هووووووف حان وقت النوم كمزت علفراش نمت لووووويلي الفراش كله يصيح بعطرها والمخده رطبه من شعرها
والريحه افيييييييش تخبل بقيت حاظنه المخده ونايم للصبح اوف يا شهوده شسويتي بيه
شهد.. رحت نمت علسرير واباوع للسكف وافكر باللي صار بحياتي.
اوووف زين حسام وين راح احصله اوووف سلام اوووف ليش هيج ضيعت عمرك مو جنتو زينة الشباب هسه بسجن مشمورين
شكد ماما وبابا رادو ينبهوكم وما قبلتو كمت اتذكرهم وابجي رغم كل الاذيه الشفتها منهم بس احبهم اموت عليهم جانو احله الشباب والحنيه العدهم ما موجوده
بس من اخذو المخدرات اتغيرت احوالهم فد مَـرّھٌ.. انوب اتذكرت علي ابتسمت هههه اوووف يا علي اخذت نفس طويل يا بّـــعَ ـًد كل معاناتي
الله دزلياه هديه لولا ما جنت اعرف شسوي هوه اللي مله عليه الدنيا ودومه راسم الضحكه عله وجهي من افكر بيه يكوم كلبي يعصرني ويرجف
وكٲنه يريد يوحيلي الشي معقوله انـّ'ℳέ'ـّيٌ احبه اي احبه ليش لا كل الصفات الحلوه والشهامه بيه كلشي بيه ينحب
غيرته عصبيته ضحكاته مشاقاته شنو البيه مينحب بس اوووف متزوج هوه كال مطلكها بس اهله ميقبلون وخوفي لا يرجعوها عله ذمته
بس يله خطيه بينهم طفل الله يصلحهم بقيت افكر بيه وابتسم لحد ما نمت كعدت الساعه 6 ونص دخلت للحمام سبحت وطلعت
ردت اروح للغرفه مالتي اتوقفت يم غرفته فتحت الباب نايم عله بطنه وبالعرض نايم ؏لسرير ورجله طالعه من الجربايه صاير فلم هندي 😂😂
كعدت علسرير واتقربت منه اخذت طرف من الخاولي وانغمش بوجها واختل جوه
وهوه يضرب وجها عباله ذبانه😂 بقيت انغمشه لحد ما صرخ بصوت عالي
علي.. نايم والذبان كتلني عبالك نايم بسطح اوخر من وجهي ويرجع اخر شي صرخت اوووووووو😡 وكمت باوعت واشوف شهد ميته ضحك
كتلها هاي انتي مو دتعاي كمت عله حيلي هيه انهزمت رادت تفتح الباب سديته بساع وحصرتها ودفعتها علباب....
لمتابعة باقي الرواية زوروا قناتنا على التليجرام من هنا
