رواية سائق القصر الفصل العاشر 10 والأخير بقلم جمانه السعيدي
نرجس....هسه اني شسوي اذا اهلي هيج غدروا بيه
ابو معتز....احنا اهلج تعاي ام معتز اخذيه وياج للبيت خل تغسل وتبدل وتدلل
معتز...لاتخافين حقج مراح يضيع ابد
نرجس طلعت من المستشفى اني وأم معتز رحنا الببتهم
غسلت وبدلت واكلت
ونمت ارتاحيت
ثاني يوم اجا ابو معتز كال اني اروح وياج للمحكمة
اخذني ورحنا رفعت قضية طلاك على همام
بس طلعنا من المحمكه اجاني اتصال من عمي
عمي...ليش هيج عمووو هاي مجازاته عايشه بنصنه ومدلليج تالي تشتكين على همام
منو طلع هاي الفكره ابالج
نرجس...محد اني سمعت همام وهو يخطط على قتلي
وإنشاء الله يلكون ابو الدراجه
وساعته مراح اتنازل عنه ابد
وخلي يكون بعلمك اني رفعت علي قضية طلاك
ومن هاي اللحظه راح استلم شغلي بلشركه الي تريد انت وابنك اضيعونه مثل ماضيعتوني
سديت التليفون وقفلته
رجعنا المستسفى
معتز....هااا شسويتو
نرجس...رفعت علي قضية طلاك
معتز...اني اعرف ولد صديقي محاسب هسه اتصل بي
ونروح للشركه
ابو معتز...واني اعرف محامي شاطر راح يكشف كل أوراقهم
معتز...يله اني اروح وياكم
نرجس...بعدك تعبان
معتز....الدكتور كال تكدر اليوم تطلع صرت احسن
بعدين اذا اللج مااتعب المن اتعب
نرجس...ابتسمت الله يحفظك
ابو معتز شأل جنطة ملابس معتز واني كامشه معتز من ايده
وطلعنا البيت معتز
جمانه السعيدي
معتز ...اتصل بلمحاسب صديقه وكال اروح وياكم يمته ماتردون
والمحامي كال انتضركم باب الشركه
رحنا كلنا اني ومعتز وابو معتز والمحامي والمحاسب
عمي بس شافنا كام يغلط ويصيح
عمي...هم ذوله الي جاي يحرضونج علينا تبعين اهلج عامود ذوله الغكر
شكد غبيه جاي يضحكون عليج
نرجس...هسه ندقق الحسابات ونشوف منو يضحك على منو
عمي.. مستحيل اخليكم اضيعون حلال اخوي
هسه اشتكي عليكم
نرجس...اي اشتكي اريدهم يكشفون منو السارق ومنوالمزور
عمي....اطلعو برا محد يدخل هنا جيبو الامن
نرجس ...شركتي هاي وباسمي الامن شنو اي واحد يقرب
اشتكي علي
دخلنا للمكتب وعمي مثل الي تهستر يروح منا ويرجع منا
بعدين اتصل على محامي وكاله تعال شوف شنو الإجراء الي تكدر تأخذه ضدهم
نرجس...راسا رحت على الملف الي كال علي هذا الي اتصل عليه وطلعته وانطيته للمحاسب صديق معتز
كعد يدقق بي
المحامي اخذ اواراق الشركه وكل الاملاك وبدا يدقق
اربع ساعات واحنا على رجل وحده
المحاسب ...هاي الشركه على وجه افلاس كل اسهمه
نازله
المحامي....عمج راهن العماره وبيت اهلج
بلفلوس مشتري شركه باسمه واكو كاع عارضه للبيع
نرجس...الله ياخذه مسوي نفسه خايف على مصلحتي
شلون رهن العماره والبيت
المحامي...هسه راح ادقق الاوراق وانطيج النتيجه
راسا اجا محامي عمي
راح ارفع عليكم قضيه هاي أملاك خاصه
نرجس...اني راح ارفع عليك قضيه بمحمكه القضاء العالي
وبنقابة المحامين يامزور
المحامي...مراح تكدرون تثبتين شي عليه
نرجس...خل نشوف
للعشره بليل واحنا بلشركه
معتز....تعبتي خل نرجع للبيت ارتاحي
نرجس...شلون ارتاح وهاي المصايب فوك راسي
معتز....لا تخافين حقج راح يطلع
ارتاحي اهم شي راحتج وكل الي راح يتعوض
نرجس...قدمت كل الادله على همام وحتى المحضر الي ضربني بي وتنازلت عن كل حقوقي وطلكت
ورحت للشيخ وكتله اريد اطلك انسان مخمور ويدور بنات
وموامين على حلالي
وكانو معتز وأبو شهود وياي وكدرت اطلك من همام
بقت الشركه
المحامي اكتشف عمي مزور توقيعي وراهن العماره والبيت
رفعت قضيه على عمي والمحامي ثنينهم
رجعت اعيش بيت اهلي ومعتز وابو ماعايفيني
معتز انسان مختلف شكد حريص عليه احسن من اهلي الف مره
بس ابو الدراجه فص ملح وذاب
وهمام كل يوم يدزلي تهديد بس مايكدر يسوي اي شي
لان كاتب تعهد على نفسه بمركز الشرطه
من انكشفت أوراق عمي باع شركته ورجع فلوس الرهن
ودا ناس عليه حتى اتنازل عن القضيه
رجعت اني رهنتهن لمدت سنه وشغلت الشركه مره ثانيه
بس ماتنازلت عن عمي ولا عن همام
القضيه بقت معلكه بلمحمكه اكثر من ست اشهر
معتز يشتغل وياي بلشركه ليل نهار
واني عفت الجامعه والتهيت بلمصايب الي نازله عليه ترف
ورا تلث اشهر يله كدوت يلزمون ابو الدراجه بس عمي رتبه ويااا حتى لا يعترف على همام
انحكم ونسجن بس اخذ مبلغ محترم منهم
هاي الفتره همام ماكان يعرف اني طلكت منه محكمه وشيخ
متوقع اني على ذمته يم الشيخ
واجا للشركه
همام...لو تموتين مااطلكج اله اخلبج هيج معلكه لو تبوسين حذائي مااطلكج واني وراج وراج ادمرج
جمانه السعيدي
نرجس ابتسمت. تقدمت على معتز ولزمت ايده
....انت مالك اي شي يمي انت طلكتني واني هسه على ذمة واحد غيرك واكدر هسه احبسك لان جاي تتعدا عليه
بمكان عملي
معتز...اتعجبت من موقف نرجس بس الصراحه فرحت من كل كلبي وتمنيت هذا الموقف يكون حقيقي
نرجس....اطلع برا لا اجيب الأمن يطلعوك
طلع همام وهو يتهدد ويتوعد
نرجس..سحبت ايدي لان معتز لازمه حيل اسفه خليتك بهذا الموقف بس ردت اخلص من هذا الجلب
معتز....بس اني امنيتي تصيرين من نصيبي
نرجس...ابتسمت حاسه بيك بس الضروف مجاي تنطيني مجال ابد
معتز....ولله ماعندي اي طمع بس احبج واموت على التراب الي تمشين علي اذا قبلتي اخليك بعيوني ثنيينهن
نرجس...خل انحل المشاكل الي واكعه على راسنا وبعدين
نشوف شغلت الزواج هاي
عمي مابطل يدز ناس علمود اتنازل وضطريت اتنازل عنه
بس كعد على الحدبده حتى القصر باعه
وأجر شقه زغيره وكعد بيه
سنه كامله يله كدرنا نرجع الشركه توكف على رجليه
بدينا بمشاريع زغيره شكد تعبنا
اكثر واحد تعب وياي معتز
بعنا العماره حتى تكون راس مال نشتغل بي بعد مافكينا الرهن الثاني
والسنه الي بعدها كملت كليه
ومعتز صار المدير التنفيذي للشركه شركتنا صارت من اهم الشركات بالعراق للاستيراد والتصدير
كانت قصة حبنا عنيفه مرينا بهاي ضروف صعبه وكل مره
معتز يثبتلي هو كد الثقه
معتز....كل المشاكل انحلت بس مشكلتي بعدها
نرجس...اي مشكله
معتز....احبج تعرفين شنو احبج
نرجس...اعرف انت تحبني وحبك صادق لان ساندتني بكل الضروف الصعبه
معتز....اي وبعدين
نرجس...موافقه
معتز....موافقه نتزوج
نرجس....اي وداعت العيون والرموش الحلوه هاي
معتز...هسه نعقد
نرجس....ليش مستعجل
معتز...كل هذا الوقت وتكولين مستعجل
نرجس....احبك
معتز.....شكد صار منتضر هاي الكلمه
ازوجنا بعد شهرين من الخطوبه وعدنا بنيه تخبل
وشركتنا صارت شركتين
اما همام انسجن بسبب عملية تهريب مخدرات
وعمي ضربته جلطه وحالته حاله
كل فتره ادزله مبلغ علمود العلاج
انتهت قصتنا دمتم سالمين
بدل ماتدور وتبحث علي الروايات خليها علي تليفونك وحمل تطبيقنا
