رواية مأوي الزهور الفصل العاشر 10 بقلم ياسه

الاقربون طعناتهم دائماً تقتل

لأنها تأتي من مسافات قريـبـة

...........................

وصيت من يا بـويــة بيــه

وصيـت عمـج يا الأبنيــة

عمــي البنـاتــه مو الــيـه

.....................................

طلع يركض من البيت وصل للشارع ورجع قفل الباب عليه حتى بعز مصابـة ميعوف الباب مفتوح ويقفله يلا يطلع ، رجعت گعدت وأيدي على خدي مقهور على الحچيه ما تستاهل كلش طيبـة وحبابـة ابد ما انطت بيه وگفت وياي حتى لو ما خلصتني منه بس ما قبلت عليه وطول الوقت جانت تحچي عليه وتلوم بيه وتنصح بيـه بلكي يستعدل ويصير أدمـي

خلص هـذا اليوم كلش كأيب عليه واحس گلبي مقبوض وروحي حزينـة صح ما عشت وياها ولا گعدت وياها هوايـة بس انقهرت عليه حيل لليل وإني گاعده وحدي ما اعرف اسوي شي بس اصفن كل شويـة صافنه على حاجه بيومها ما رجع قاسم للبيت وثاني يوم نفس الشيء ما اجى ولا شفته بيوم الثالث بالليل يلا رجع

دخل تعبانه وجه مليان حزن گوة يمشي بس شفته دخل ما تحملت ابقى گاعدة انسانيتي تغلبت عليه وجبرتني اگوم من مكاني واگوله

-- البقية بحياتك

-- حياتج الباقيـة شكراً

دخل گبل صعد فوك بقيت إني گاعدة جوى لا صعدت ولا شفته لحد اخر الليل تعبت ونعست

صعدت اريد انام فتحت باب الغرفة ودخلت

لگيته يبچي بس شافني مسح وجه بسرعة وگام طلع من الغرفه للحمام الحمام قريب على غرفة النوم اسمعه فتح الدوش يسبح بقى مده بداخل الحمام وصوت الماي مفتوح اني نعست ونمت ما دريت بشيء بعد

والصبح من صحيت ما لگيته وهيج خلصت أسبوع كامل مرتاحه من العذاب الجنت اعيشه كل ليلة ومرتاحه من التجاوز والضرب على اقل كلمه واقل تصرف ، بس خلص الأسبوع رجع

يتعامل وياي مثل معاملته السابقة واكثر هنا صار واحد ثاني ما اعرف افسر حالته ولا اعرف اتصرف وياه حتى شرب گام يشرب قبل ما جان يشرب بس هسه لا الوضع صار سيء لدرجـة القرف

اخاف من عنده ومن نظرته ومن سؤاله ومن صوته ومن حركته بداخل البيت كل شيء بيه صار يرعبني ايده والضربه وياي فشار اشكال الكلام

سب بـ اهلي طول الوقت وكل هذول بجهه و من يتقرب من عندي بــجهه جنت اموت ابقى انازع بيده ومرات توصل بيه للغماء ليالي جحيم جاي اعيشها وضع مأسوي لا اكو اب ولا ام ولا اخ اروح وانهزم بحظنهم ولا اكو أنسان بگلبه رحمه يجي ويخلصني من عنده

لليل نهار الباب مقفول عليه لليل نهار انضرب

لليل نهار اتعذب اخوانه ما اجوا بعد ولا سألو اللي عرفته مهيب راجع مسافر برى العراق لان هو شغلـة هناك ورجع الخاطر إمـة وحيان كم مره اجى وهو واگف وما يدخل يبقى بالطرمة يحچي وياه قاسم ويطلع و لليوم ما حط عينه بعيني ولا حچى وياي حقدت عليهم وكرهتهم مثل ما كرهت اخوهم

اما زوجته ما اعرف شلون ساكته عنه وهو ايامه كلها يمي جان يروح الها بـ الاسبوع مرتين بس

وباقي ايام الاسبوع باقي يعذب بيه جسمي طول الوقت متزورك من الضرب ومن الاغتصاب المستمر صح هو زوجي بس قربـة من عندي جان بالنسـبة الي اصعب من الاغتصاب بالاف المرات بقيت سنـتين كاملات بين إديه وتحت عذابـة وجبروته بهاي السنتين ثلاث مرات صار عندي اسقاط بسبب الوحشيـة اللي يتقرب الي بيها وبكل مره اسقط الطفل اتعاقب عقاب الرب وحده يعرف شلونـة روحي تطلع من عندي وترجع انضرب ضرب مستحيل يتحمله انسان جان يضربني ضرب ماله مثيل اموت بين ادية والدم يبقى من كل مكان ينزل من عندي أول طفل وثاني طفل بقوا ثلاث اشهر وگعوا وثالث طفل شهرين ونص وگع

جان يحملني السبب ويشمر الوم براسي ويگول انتِ تنزلينـه متعمده والثلاث مرات اللي سقطت بيهم ما اخذني للـدكتورة ابد جانت تجيني قابلـة للبيت هو يعرفها تعلگلي مغذي وتنطيني ابره مال نزف وحبوب وتحاميل ينطفون رحمـي من بقايـة الجنين لان يتگطع بـداخل بطنـي وهو يجيب مسكن الالم وكبسون التهابات من الصيداليـة اشربهم وإني ما بيدي شي على نفسي اللي جاي تضيع من عندي

مرت هاي الايام مختصره الكم ماحچيت الكم تفاصيل لأن مستحيل تتحملون تسمعون عنها ومستحيل اصدگـونها لو دخلت بتفاصيلها سنـتين كاملات الموت اهون عذاب القبر اهون من عيشتي وياه أذكـر مره من المرات جنت هسه مسطقة طفل الثالث ونفسيتي تعبـانـة و جسمي نحيـل والالم ذابحني ذبح تمددت على الجربايــة وساحبـة رجليـة على بطني اريد بس اهدئ من الالم دخل هو باوعـلي وگـال

قاسم :- وين الدرنفيس الفحص

إمتنان :- شمدريني

قاسم :- قبل كم يوم سويت بيـة نقطة الكهرباء وين و شمرتي

-- ما أدري ما شايفـته

-- گومي دوري

-- ما اگدر بطني تاذيني

-- گومي دوري بعد ما اعيدها راح اسبح واطلع الگاج خالقته الي

مابيـه اجادل ولا بيـه انضرب گمت من مكاني ونزلت ادور على الدرنفيس ما خليت مكان ما دورته بيه ماكو فص ملح وذاب لازمـة بطني بيدي

وادور ما بقى مكان بالبيت ما شفته وهو ماكو بعدني ادور ونزل من فوگ سابح گــال

-- هاا وينه

-- ماكو

-- شنو ماكو اني بيدي مسوية بيه النقطة وين شمرتيه

-- ما شلته ولا اشفته اخاف انتَ ضميته بمكان ونسيته

-- دوري عدل قبل لا اخليهم يدورن على سنونج

درت وجهي من عنده وتمتمت بكلام بيني وبين نفسي (( يارب يدور على جثتك وما يلگونها)) حچيت بصوت اشبه بالهمس بس هو سمعني شلون سمعني ما ادري اجى عليه سريع و دفرني

وگعت بالگاع من قوة الدفرة رجع دفرني على بطني عطت من الالم بس سمعني عطت دفرني على حلگي وسحبني من شعري من الصالـة وصعدني فوك يعني اخذني سحب من شعري من فوك ليجوه احس جسمي اتزلغ من الدرج وروحي گامت تطلع من عندي وصلني النهايـة الدرج وگفني وگفة ودفرني رجعت انكلبت من البابيـة الاخير لحد الگاع شلون اشرح الحاله ما اعرف شلون اشرح الالم اللي حسيت بيه ما اعرف كل اللي اعرف متت بوقتها والرب حياني ما اعرف منين ينزل الدم ولا اعرف من اي جزء بجسمي جاي گاعد انوجع بعدني واگعه ورجع نزل عليه واستلمني راشديات على دفرات لحد ما اغمى عليه بين اديـة ومن صحيت لگيته شايلني ما ادري ساحبني ونومني بالغرفـة الجوى بدون فراش بس مغطيني

هذا جزء بسيط عن ضرباته جزء بسيط عن عذابي الهذا السبب اكتفيت بهذا الحد من الكلام عن الضرب اللي انضربتـه و اني بيتـه بختصر شديد

نسسيت نفسي ان انسانـة لان جان يعاملني معاملة الحيوان ...

امـا عن البنات ما اعرف عنهن شي ولا سمعت عنهن خبر ومن گد العذاب اللي جاي اعيشـة نسيتهن لأن و بالاصل ما جان عندي وقت اگعد اذكر بيه أحد من گد ما منهارة وتعبانـة

جان يخلص الليل بطوله سكران والنهار بطوله مجنون يغلط ويفشر ويضرب و هاي الحالة زادت عنده بعد وفاة امه جان يگول ماتت وهي ما راضية عليه من وراج ماتت واني مفضلج عليها ومختارج انتِ وعايفها زعلان من عندي ،، ما جنت اعرف افسر حالته مجنون مريض بشكل ما اله وصف سنتين كاملات اني حبيست البيت لحد ما بيوم جان طالع ورجع سكران وعيونه ما يگدر يفتحها وهاي اول مره يشرب بالنهار ، قفل الباب وصعدني بيده مثل العادة و اعتداء عليه مثل كل مره بكل الطرق المقرفه والمقززه تعبت بچيت تأذيت انهاريت بين إديه وراها ابتعد ما يدري بنفسه نام على بطنـه مثل الميت سحبت نفسي

ورحت للحمام اشمر على نفسي مي وابچي منقرفه من نفسي كافي بعد تعبت حرام اللي يصير بيه حرام كافي اريد اعيش تعبت

طلعت من الحمام بعده نايم فكرت اخطي خطوة نفس الخطوات القديـمة وانهزم من عنده صح جربت حظي من قبل وحاولت انهزم بس جان بكل مره يلزمني ومن يلزمني يموتني كتل وراها يحبسني بالحمام نهار كامل

إيدي على گلبي دگاته عبرت الالف احاول أسيطر على رجفت جسمي رجلي تخطي بخطوات ميته وصلت يمه ، نايم حاله حال الميت كل شيء بيه بشع و مقرف نزلت إيدي الترجف على بنطرونه

و سحبت المفتاح من جيبه انظربن مفتاح بمفتاح صوتهم طلع بسرعه عيوني راحت على وجه خايفه لا يسمع الصوت ويگعد لزمت المفاتيح وسديت كف إيدي قوي عليهم سحبت نفسي من عنده وإني ما بقت بيه قطرة دم و اباوع على المكان يمين وشمال لا اعثر بشي ويسمعني ويگعد

گمت سريع من عنده و فتحت باب الغرفه وطلعت نزلت الدرج وإني اركض على اطراف رجليه والمفتاح لازمته قوية هذا المفتاح هو خلاصي

و نجاتي من هذا الجحيم وصلت للباب الرئيسي

باب المدخل فتحته انفتح درت وجهي على الدرج اتأكد اذا گعد لو بعده نايم ما شفت شي ولا سمعت صوت اسرعت بخطواتي الباب الشارع جربت اول مفتاح ثاني ثلاث ولا واحد بيهم فتح

دخلت المفتاح الرابع انفتح الباب حطيت إيدي على گلبي و گالت .. بسم الرب بسم الصليب

اول ما حطيت رجلي بــباب الشارع شفت نفسي حافي واذكرت ما عندي فلوس حرت ارجع للبيت البس لو انهزم بدونهم اباوع للبيت وارجع اباوع النفسي وراها دخلت بنفس الطريقـة اللي طلعــت بيها رحت على المطبخ شلت الكرسي وقربته يم الثلاجة بكل حذر اخاف يطلع صوت ويگعد صعدت على الكرسي جريت محفظته من فوك الثلاجة اندل فلوسه جان اول ما يدخل يخلي المحفظه فوك الثلاجة

سحبت كل الفلوس البيها ما حسبتهم شگد بس جانوا هواي ورجعت نزلت من الكرسي انعالي يم القنفه لبسته ومشيت بخطوات سريعة لحد ما وصلت الباب الشارع وراها ركضت بكل سرعتي

الفلوس لازمتهم بيدي وشعري ينگط مي واركض واگول خلصت خلصت ما اصدك خلصت من عنده اركض واني ابچي واضحك بنفس الوقت لحد ما وصلت للشارع العام وگفت

وين أروح ؟

يا مكان اروح عليه وأأمن نفسي بيه ؟

أهل ما عندي وعمي ميريدني وبيت أهلي ما اعرف اذا بعده موجود لو باعه عمي السيارات تفوت من عندي واني بعدني واگفه اخر شي أجرت سيارة وانطيته اسم منطقتنا صعدت بالمقعد الخلفي

ولازمه الفلوس بيدي قوي والرعب اكل روحي اكل

اباوع للشارع والناس مستغربـة كل الدنيا كل شي غريب عليه عبالك اول مره اشوف بعيوني لحد ما وصلت للمنطقة انطيت للسايق أجرته ونزلت ضميت الفلوس بملابسي الداخليه ودخلت للفرع

وهاي كل قصتي يا خالـة أماني ويا عمو داود وانتوا بعد بكيفكم تشوفون نفسكم تگدرون اساعدوني لو ما تتحملون هيج مسؤوليـة ابداً ما ازعل من عندكم ولا اشيل بخاطري عليكم لان أنتوا ممجبورين بيه وبنفس الوقت مسؤوليتي صعبـه وزوجي أنسان مريض ما اعرف شلون راح تكون ردت فعلـه بعد ما يعرف بيه انهزمت من البيت وإني حچيت الكم كل شيء حتى لا تتأذون بسببي بعدين

جانوا يسمعولي وهمّ ساكتين محد بيهم يرد ولا احد بيهم يصدك اللي عشتة وشفته مصدومين من كل القصـة الهدوء سيد المكان محد بينا يحچي اخر شي كسر حاجز الصمت عمو داود وگـال

-- ارتاحي بابا وكل شيء سهل اني يمج ما اعوفج

نزلت دموعي ورجف گلبي يعني ما راح يطردني وراح ابقى هنا وما ارجع الهذاك الجحيم

أماني :- لا تبچين سكتي وگومي وياي هسه ارتاحي وبعدين نفكر بالموضوع شلون أنحله

گمت وياها دخلتني الوحدة من الغرف وگالت ارتاحي هنا ولا تفكرين بشي ثاني وراها طلعت وسدت الباب عليه گعدت بالگاع ابچي من الفرح ما مصدگـه خلصت وخلص كل العذاب تمددت بالگاع وغمضت عيوني اريد انام واني مرتاحه اريد انام بدون ما افكر بيه وبعذابـة غمضت قوي وفعلاً بسرعـه نمت

مر وقت وإني نايمـة ما حاسـة بشيء بعدها گعدتني

خالـة أماني فتحت عيوني ورجعت غمضت مره مرتين ثلاثة اريد اتأكد اني صح انهزمت وما جنت احلم باوعت الخاله وأبتسمت مو حلم لا هاي حقيقة

أماني :- سويتلج شي تاكلينا تحبين تاكلين هنا لو تجين يمنا

أمتنان :- اجي يمكم اريد احس بنفسي گاعدة ويا ناس بيهم ريحـة أهلي

أماني :- أمي أنتِ راح تنسين وترجعين تعيشين احسن من قبل

-- ياريت خالـه يا ريت

-- بس قوي نفسج ولا تصعبين الوضع عليج صدگيني راح ترجعين احسن واقوى من قبل

يلا هسه گومي منتظرينا علي السفرة

گمت وياها رحنا للمطبخ الاكل مرتب على مائدة الطعام وعمو داود و جوزيف و زوجته كاثرين گاعدين داير مداير المائدة بس دخلت جوزيف ضحك وگام من مكانه واجه عليه فتح اديه وگال

جوزيف :- يا اهلاً بالنور كله

سلمت عليه ودموعي تنزل شـصار لو عندي اخ بگدك ويحافظ عليه و ما قبل انشمر بهيج مكان

وعشت وياه من بعد أهلي

إمتنان :- اهلاً بيك

-- شلونج

-- تمام

-- بطلة وقويـة و محد يگدر عليج واني وياج وبظهرج واللي يحاول يوصل يمج انعل والديـة

ضحكت فرحانه رجع عمو داود گال

-- قبل لا تنعل والديـة سوي الكلوب مال المنور صار يومين عطلان

ضحكنا كلنا والتمينا على سفرة وحده ما خجلت من عندهم ولا فكرت بيهم غريبين عليه لان هم بالاصل جانوا جزء من عدنا و اصدقاء اهلي المقربين و جوزيف ابنهم الوحيد بابا وماما يحبونا ويثقون بيه كلش هوايـة

خلصنا الاكل بين الذكريات الجميلة وايام الخير اللي جنت عايشـة بيها ومن بين الحديث اللي دار ذكروا أنتصار بسرعـة سألت عنها

-- صدُك خاله أنتصار وين صارت شنو اخبارها

-- اجوا اهلها اخذوها

-- اهلها ؟

-- ايي وره ما رحتي بكم شهر اجوا ناس يدورون عليها بالمنطقه وبعدين عرفناهم اهلها واخذوها وراحوا

-- ليش وين جانوا اهلها عنها صار سنين طويلة هي مريضه وفاقدة عقلها ما يوم شفت احد سأل عنها ولا يوم سمعت بيها عدها اهل

-- ما اعرف بعد

حچت هيج وباوعت العمو داود عمو بسرعه جاوب

-- يمكن جانت ضايعه من عدهم ولگوها مو تعرفين هي عقلها تعبان وجوز طلعت وضيعتهم

-- جوز على العموم فرحت الها من بعد كل هاي السنين رجعت بين اهلها وناسها

جوزيف :- اي إمتنان بابا گال تركتي الدراسة صح

إمتنان :- مع الأسف

-- صار شكد من تركتي

-- ثلاث سنوات

-- بعد عندج وقت طويل ترجعين وتكملين

-- شلون ارجع وكل اوراقي ومستمسكاتي عدهم

واسمي بهذيج المدرسـة صعب اروح الهذيج المدرسة واسوي نقل مره ثانية

-- هاي عوفيها عليـه بس اول شي لازم نحل الموضوع ويا هذا الكلب

-- بس لا تريد تروح عليه ويعرف اني هنا

-- لعد شلون اول شي لازم يطلگج

-- مستحيل هذا مجرم يروح يأذيكم ويرجع ياخذني من جديد

داود :- الدنيا مو تايها بابا غصباً ما عليه يجوز منج

أمانة :- غلطان ابو جوزيف الدنيا تايها والقوي ياكل الضعيف مدا شوف وضع البلد شلونه وهمّ ناس واصلين احتمال كلام امتنان صح و يروح يأذيكم ويرجع ياخذها من جديد

جوزيف :- عندي صديقي محامي هسه اتصل عليه ونشوف شلون نرتب الموضوع عود

أماني :- منا لمن ترتبون الموضوع وتتأكدون من سلامتكم وسلامة أمتنان ما راح نحچي لحد على وجودها هنا حتى بيت يحيى منكول الهم

إمتنان :- اي خالـة هذا الصح لا تخلون احد يعرف بيه عندكم لا يروحون ينطون خبر القاسم

داود :- لا تخافين بابا كل شيء ينحل

بعدنا نحچي وسمعنا صوت سيارات بالشارع

و اصوات عاليـة وحركـة غريبـة ملت الشارع ملي لزمني گلبي هذا هو متأكدة هو اجى يدور عليه

عمو وجوزيف طلعوا يشوف شكو وخالـة اماني دخلتني للغرفه وقفلت الباب عليه ورجعت طلعت وراهم ختلت وراه الباب وايدي على گلبي اليوم يموتني هسه يعرف اني هنا ويموتني مستحيل يعوفني ربع ساعـة او اكثر من هذا الوقت تقريباً وهم بعدهم برى وحتى كاثرين وياهم واني الدم نشف بجسمي رجليه احسهم ماتوا بعد ما گدرت اوگف عليهن گعدت بالگاع و راسي سندته على الباب لحد ما دخلوا للبيت واجت خاله عليه گمت من مكاني ريگي ناشف و گلبي يرد يطلع من صدري

من گد ما يدك قوي

إمتنان :- ها خاله هو مو

أمانـي :- اي هو

-- عرف بيه هنا

-- لا ما عرف بس شاك انتِ ما طالعة من المنطقه وشكلـة انسان مجرم لا يخاف ولا يهتم لحد

-- وهسه شلون

-- رايح البيت عمج وعمج گايلة اجت علينا وطردناها دخل هو وجماعته للبيت حتى يتأكد ومن ما لگاج اجى على بيت اهلج وام سلوان گالت اجت تسأل واني ما اعرفها ما دخلت يمي راحت بسرعـة وراها بقى يسأل بالجيران عليج

واحد واحد حتى احنه سألنا ويگول زوجتي انهزمت

واي احد يعرف مكانها وما يگول راح احاسبه وهو يتحمل كافـة المسؤوليـة تالي اخذ جماعته وراح

گعدت گعده ما گدر بعد خلص راح يرجعني اذا مو اليوم باجر اذا مو باجر يعد شهر ميعوفني ولا احد يگدر يخلصني من عنده غير الموت .. بقيت على گعدتي وراسي مدخلته بين رجليه وميته بچي ساعه واندك الباب فزيت من مكاني مرعوبه

كاثرين :- لا تخافين هذا مصطفى المحامي صديق جوزيف

أمانـة :- أهدي امي حبيبتي گلبج راح يوگف هذا مصطفى تعالي نروح يمهم

گومتني غسلت وجهي الورم من گد ما بچيت وشلت شعري ورحنا عليهم لگينا گاعد بالاسقبال

و جوزيف وعمو داود گاعدين يمه اول ما شاف خاله أماني وگف سلم عليها وهو مبتسم وأيده على صدرة وراها گعد بمكانـة وعمو داود حجاله على كل شي صار جان يسمع بدون ما يرد بس يهز براسـة لحد ما كمل عمو كلامه بقى ساكت شويـة وراها گال

مصطفى :- ما عدها اي شي بالقانون يثبت هي مزوجة يعني عقد بالمحكمه ماكو صح

حچه وباوعلي

إمتنان :- لا معقدنا محكمة بس صديقة الشيخ عقد النا

مصطفى :- صعب اثبتين حقوقج بدون عقد محكمة هاي اولاً وثانياً حسب كلامكم هو واصل يعني اي دعوة نرفعها عليه لو على المأوى احتمال تنغلق الدعوة واحنه نروح بيها تفتر علينه يعني

جوزيف :- لعد شنو الحل

مصطفى :- اول شي نروح نسأل عن المأوى ونجمع معلومات كاملة عن كل الموظفين والمدير مالتها و هي وصفت بيته وصف دقيق واسمة الثلاثي تعرفه راح نشتغل على هاي المعلومات وراها يلا نقرر نرفع عليه دعوة وناخذ كل حقوقها

إمتنان :- اني ما اريد اي حقوق بس اريده بعد ما يتقرب من عندي ويطلگني وهذا هو

-- بالاول لازم نقدم شكوى ضده وراها ناخذ تعهد من عنده بعد ما يتقرب منج بس هنا لازم نعرف الخصم وين يشتغل ومصدر قوته وضعفه ومثل متعرفون الوضع فد نوب تعبان والدوائر كلها فساد ورشاوي يعني لا تتوقعون نگدر نكسب القضية اذا ما عدنا ظهر اقوى من عنده

جوزيف :- شوكت تبأشر بالموضوع

مصطفى :- من باجر اذا الله سهل

داود :- كل التكاليف يمي لا تفكر بيهم

ضحك ورد

-- بالله العظيم غلطت بحقي وهذا كلامك راح يزعلني منك

-- ههههه اعتذر يابة وحقك عليه بس انتَ رجال عندك شغل وعائلة بركبتك واكيد راح تخسر وتصرف شنو ذنبك

-- ما اخسر شي اني وياكم واحد اهلي انتوا

جوزيف :- حبيبي اخوي السند

مصطفى :- يسلمك الله اترخص اني هسه

وان شاءالله كل شي سهل

اماني :- حبيبي ماما الرب يحفظك ويسهل عليك

مصطفى :- الله يسلمج خاله يلا تصبحون على خير

ودعهم وطلع وعمو وجوزيف تبعوا للباب واني وخالة وكاثرين رجعنا جوى دخلت اني للغرفة

وهم كل واحد راح الغرفتة ينام الكل نام والكل غمضت عينـه بس اني ما نمت ولا ارتاحيت الليل بطولـة گاعدة وايدي على خدي افكر شنو راح يصير وشلون راح اخلص لحد ما طلع الصبح اني گاعدة وحايرة وكل شوية ابچي وارجع اسكت الى ان تعبت ونمت

ومن گعدوا ما گعدوني عافوني نايمـة على راحتي

واني الليل بطوله جنت گاعدة ما حسيت عليهم من گعدوا وخلصت نص النهار نايمة للعصر يلا گعدت فتحت الباب وطلعت اسمع خاله أماني وكاثرين بالمطبخ يسون كيـكه رحت للحمام غسلت واجيت يمهم

أماني :- هلا بهذا الوجه الحلو

إمتنان :- اسفـه بس ما حسيت عليكم والبارحـة تأخرت يلا نمت البارحـه

-- على شنو أسفـه امي المهم ترتاحين هذا كل شيء اتمنى

-- حبيبتي خاله ايصير احضنج

ضحك وگامت من مكانها واجت عليه فاتحه اديها رحت الها وحظنتها ضميت راسي بصدرها وبچيت وهي حاظتني بـ أثنين اديها وتبوس براسي

-- كافي امي انتِ كافي بچي

كاثرين :- ها شنو بديت أغار ترى

أماني :- انتِ بنتي الجبيرة وهاي بنتي الزغيرة ماكو فرق بينكم تعالي احظنج فد مره

ضحكت كاثرين واجت وياي بحظن خاله وهيّ لمتنا اثنين بنفس الوقت بحظنها وباستنا كل وحده براسها وراها ابتعدنا كاثرين راحت تكمل بالكيكة وخالـه گعدت على الميز وگالت

-- غداج بالطباخ حمي وتغدي

ابتسمت من سمعتها هيج گالت عرفت بيها تريد تعودني اصير حالي من حالهم وما اخجل منهم

رحت للطباخ اجيت اشغله گالت كاثرين اني اشغله حتى وراها ادخل الكيكه بداخله ، شغلت الطباخ الي بين ما حمت السمجه الضامتها الي طلعتها واجيت يم خاله على الميز

إمتنان :- هم اتصل عليكم المحامي

أماني :- اي اتصل بجوزيف وراحوا هو وياه على منطقة هذا الحيوان

-- خاف يعرف بيهم

-- لا ميعرف واصلاً داود گال بس نشوف اهله واعمامة نروح اني وباقي الجيران على يحيى ونجبرة يروح وياه عليهم ونطلب منه يطلگج وما يتعرضلج بعد هاي اذا ما گدرنا عليه بالقانون لان تعرفين الدولة صايرة اله والامثاله

-- يجيهم يوم

-- اكيد ما يبقى الوضع هيج الهم يوم نخلص منهم

كاثرين :- شوكت بجي هذا اليوم اشو الوضع من سيء الى اسوء مدا اشوفون العيشة صارت صعبه هنا

أماني :- تخلص ماما تخلص والكل يتحاسب اذا مو هسه بعد سنه اذا مو بعد سنه بعد عشر سنوات

أمتنان :- اتصلي بجوزيف دا نشوف الوضع شلونه يمهم

كاثرين :- هسه على جيـه من الظهر راحوا لا يضل بالج

سكتت ورجعت اكمل اكلي وراها شلت المواعين غسلتهم وغسلت الكاسـة اللي بيها عجين الكيكة ورجعت گعدت وايدي على خدي منتظرتهم يجون

بعدنا گاعدين ودخل عمو داود جان طالع برى گاعد يم الجيران اول ما دخل گال

-- المنطقة اليوم ما عندها غير إمتنان وزوج إمتنان

بحيث يحيى اليوم ما طالع من باب البيت

أماني :- يستاهل

داود :- اخذت الجيران ورحت عليه متقصد اطلعه من جحرة واخليه بهذا الموقف

إمتنان :- رحتوا على عمو

-- اي

أماني :- وشگال الكم

-- ما يعرف يحچي يجبها منا ويرجعها منا وكل ما نسأله على إمتنان يگول ما ادري بيها ما شايفه هي وره موتت اهلها انهزمت واجوز هو هذا اللي انهزمت وياه رجعت انهزمت منه مره ثانية

نزلت راسي ما اعرف ارد شنو من بشر هذا وشنو من حقد هيج متحمل عليه واني ممسويتله شي ولا ضارته بشي

أماني :- مع الاسف هيج انسان يصير اخو إدريس

داود :- گتله زوجها مبين مجرم ومحد يعرف شلون جان يتعامل وياها والهذا السبب انهزمت من عنده المفروض نوگف وياها ونخلصها من عنده اذا اجت علينا

يحيى :- ابد ولا ادخل بيها وبس تجي اتصل عليه واسلمها اله انطاني رقمه

داود :- بنت اخوك هاي

يحيى :- اترجاك ابو جوزيف لا تفتح هذا الموضوع وانتَ تعرفـه كل شيء

بطرس :- الموضوع هذا ميخصك وحدك يحيى اذا انتَ متحبها ومتريدها احنه ما مستعدين نتركها تموت وهي بنت اقرب صديق النه إمتنان جانت اعز من اي كائن بالوجود عند إدريس واني واحد من الناس لو اعرف اموت ما اقبل تتعذب بنت صديقي واخوي إدريس

أسماعيل :- ولا اني اقبل مهما يصير تبقى بنتنا وعاشت عمرها كله ويانا وامها وابوها ما عندهم قصور ويانا ولا سمعنا منهم الغلط بيوم من الايام وبنتهم امانة يمنا ما نقبل تتأذى وهي يتيمة مالها احد من بعدهم

سكت ما رد وراها طلعنا من عنده وبقى يتوسل نگعد بس ما ردينا عليه عفنا وطلعنا زعلانيين

أماني :- شگد ميستحي لعد

داود :- اني التفقت وياهم ما ننطيه مجال واذا ينطي بـ إمتنان نزعل من عنده ونطلع وهمّ ما قصروا ومن شافوا كلامه نقهروا لان إدريس اخونا وبنته بتنا

إمتنان :- الرب يحفظكم عمو الرب يحميكم وما اشوف بيكم اي سوء

أماني :- بس لا گلت الهم إمتنان عدنا

داود :- لا شلون اگول هيج شي مو هسه حتى اگولـه بس اشوف مصطفى شنو يسوي بهذا الوكت يلا اليوم بس جست النبض مالتهم وهسه أطمنت من شفت ردت فعلهم و موقف بصالح إمتنان

انفتح الباب ودخل جوزيف هو وصديقه ودخلوا

للأستقبال گمنا كل احنه عليهم ودخلنا دخله وحده اثنينهم ضحكوا من شافوا منظرنا

جوزيف :- بالسرة رجاءً

مصطفى :- كل واحد يدفع اللي بجيبه وراها يلا احچي

إمتنان :- عفيـة بس طمني شنو صار گلبي نار

مصطفى :- رحنا على المنطقه الوصفيتها و سألنا عليهم معرفين هناك والكل يحبهم ويحترمهم وسمعتهم ينضرب بيها المثل خصوصاً اخوهم الجبير الناس كلها تحترمه عرفنا اسم عشيرتهم وعرفنا بيوت اعمامهم واقاربهم وعرفنا شي مهم جداً اخوهم الجبير يفكر بسمعته ويخاف عليها من الناس وحالياً راجع من السفر صار كم يوم وبنفس الوقت واصل ومعروف و الناس كلها تحبـه وحسب كلام الناس عنهم الهم مواقف و وگفات حلوة ويا

الفصل الحادي عشر من هنا

لمتابعة باقي الرواية زوروا قناتنا على التليجرام من هنا