رواية غيره قاتله الفصل العاشر 10 بقلم جمانه السعيدي
فاطمه.....من شفت الارتباك والخوف بعيونه
حسيت نفسي مريضه وكلشي مااكدر اسوي لان اني للحظة الاخيره تمنيت يكول جذب
رغم اني شفت كل الادله بعيني بس اتمنيت ينكر ويكول مو اني
فاطمه....اريد اكله احجيلي والكلمه ماتطلع من حلكي
شلون المشحوطه مااكدر احجي
بلكوه جبرت نفسي وكتله احجيلي مااعرف سمعه لو لا
كعد بعيد عني ولزم راسه بثنيين ادي ودنك
فاطمه....مسحت دموعي وكتله اريد اعرف منو وليش
قيصر....فاطمه اريدج تفهميني وتقدرين حالتي
فاطمه....اي حاله الي اقدرها واني عروس وازوجت عليه
اي حاله قيصر شنو التقصير الي بدر مني
بشنو اني ضوجتك
اني احبك تعرف شنو احبك بعمري ماحبيت احد بكد ماحبيتك انت اول حب بحياتي اني الي مخبلني ماجاي اشوف اي تقصير بلعكس اخاف ازعلك واتمنى رضاك ليش هيج قيصر كول منو هاي وليش سويت هيج بيه شوف حالتي من البارحه ارجف ومانايمه
تحبه من قبل زواجنا ليش ماازوجته ليش اجيت تقدمتلي
ليش ورطتني وخليتني احبك
طبعا احجي ودموعي ماتوكف واديه ترجف وعيوني تحركني واحس كلبي يوجعني مااعرف يوجعني من الغدر لو مريضه
قيصر....اهدء واني راح احجيلج كلشي
فاطمه...احجي بعد ماعندي صبر ابد اريد اسمعك بلكت نار كلبي شويه تبرد
قيصر....بلبدايه اريد اكلج اني احبج ولله العظيم احبج
ومن خطبتج وعرفت اخلاقج حبيتج اكثر
اسئلي امي جنت اكله اني شكد محظوظ بفاطمه كل الصفات الحلوه بيه سبحان الله انسانه حلوه وراقيه واخلاقه عاليه
فاطمه....مبين علمود هيج غدرت بيه
قيصر....خل اكمل كلامي من دخلت بيتكم واني معتبر اهلج اهلي بعد العقد بدت تصير اشياء واني ماحبيت احجي عنه
فاطمه....مسحت دموعي مثل شنو لا زم اهلي طلعو مو بمستواك الثقافي والمادي
قيصر....لا مو اهلج السبب اكو انسانه كلش مقربه منج هي السبب
فاطمه....منو تقصد
قيصر.....سما...
فاطمه....سما بت خالتي شبيه بسلا تقصد هي زوجتك
من الصدمه والعصبيه وكفت على حيلي
قيصر....اكعدي خل اكمل كلامي
فاطمه...كعدت مو لان كال اكعدي لان رجليه مايشيلني
قيصر.....من اول مره دخلت بيتكم وهي تتحرش بيه
اول مره بيوم العقد كانت حركاته مو طبيعيه اني رحال وماتعبر عليه هاي الشغلات
وبعدين من اجيتكم بعد العقد كانت تحرضني عليج
وتكول عوفه ماتفيدك فاطمه هاي ثوله
شوف نفسك تستاهل وحده احسن منه والعجيب تحجي كدامج شكل ومن تطلعين شكل
اني كلش كرهته وحسيته خفيفه وانانيه ومغروره
بعدين لكيته ماخذه حسابي منج وتراسلني تراسلني طول اليوم كلام حب وغزل وصور
وتحرضني عليج وتكول فاطمه ماتستاهلك اذا ازوجته
تتندم حضرته اكثر من عشر مرات ترجع تراسلني من غير حساب
من غير كلما اجيكم للبيت الكاها منتضرتني
واذا نطلع هي ثالثتنا
حاصرتني من كل الجهات ماعافتلي مهرب
مع ذالك اني جنت اصده وابعده عني لان اني مقتنع بيج
جمانه السعيدي
الحد زواجنا وهي اطاردني
واني ابتعد عنه بس قبل فتره مااعرف شكد لكيتني متأثر بيه وبحجيه مااعرف ليش لو شلون
بين يوم وليله اتغيرت مشاعري اتجاها
من انزل بلاجازه الكاها منتضرتني بكل مكان اروحله
وتقدمي كل المغربات اني بشر ماكدرت اقاوم
الحد ماعرضت عليه الزواج بلسر
بلسر وبدون مهر ولا مقدم ولا موخر
كان العرض اخلص وياها ساعه وحده بكل اجازه
والساعه هاي اني اختاره باي وقت
اني مااعرف شلون طاوعته وقبلت بس المثل يكول كثرت الدك على الحديد يلين
بس مجرد ما وقعت عقد الزواج طاحت بركبتي
كامت تهددني بي لو تكشف كلشي لو تاخذ وقت اكثر
حاله من حالج
والمصيبه طلعت حامل وهذا الحمل هد المعبد على راسي
صرت ملزم بيه والطفل الي بطنه
مااعرف شنو نوع العلاقه بيني وبينه ساعه احس نفسي احبه ومااكدر استغني عنه وساعه اكرها واكره الساعه الي شفته بيه
فاطمه.....كلامه ينزل على راسي عبالك واحد لازم جاكوج
ويدك على راسي كل كلمه بضربه
سما....سما ..ماغيرها بت خالتي الي حاسبته حسبت اختي
تاخذ زوجي مني وتحرضه عليه
كاعده بيتي وتحرض بي عليه وتقدمله مغريات حتى يعوفني
قيصر....اعرف اني قصرت بحقج واني غلطان بس ولله هي الي ماعافتلي اي طريقه ليل نهار تراسل وتطلعلي من كل مكان اني حيوان لان فرطت بوحده مثلج
اني الي بدلت الذهب بتنك
جمانه السعيدي
فاطمه....ولله الصدمه اكبر من عقلي معقوله الغيره توصل بيه الهلدرجه تراسله وتطلعله بكل مكان وتحاول تخلي يكرهني حتى تأخذه مني ولكم هاي اختي
لو طالبه مني عيوني انطيه لو طالبه عضو من جسمي انطيه
ليش هيج تكرهني وتريد تخرب حياتي
كمت من مكاني وهو بعدا يحجي بس اني عقلي فصل
بعد مايستوعب
ماكدرت اوكف لزمت الحايط وكمت امشي بلكوه صعدت اول الدرج
هو من شافني هيج اجا يساعدني
دفعته وخليت رجلي على ثاني بايه وبعد ماادري وين
صرت
فتحت عيوني واني بلمستشفى والمغذي بايدي
واحس نفسي بردانه حيل
وقصير واكف يم راسي وبعدا بنفس ملابسه وخالتي ام قيصر وامي واكفه من الجهه الثانيه
بلعومي مشحوط ومااكدر احجي بس عيوني فاتحتهن
راسا بس شفت قيصر دموعي نزلن
مااكدر ارفع ايدي وامسح دموعي
جمانه السعيدي
امي قربت عليه هاا حبيبتي سلامتج وباستني
عرفت بعدين اني ضربتني جلطه بسبب الصدمه
درت وجهي على امي وزادن دموعي اكثر
وتحسرت
قيصر...راح جاب الدكتور واجا.. عرفت اني صار اكثر من خمس ساعات ماادري بنفسي
الدكتور كال تبقى هنا تحت العنايه منا لمن تعدي مرحلة الخطر
رجعت غمضت عيوني احسهن ثكال حيل
عطشانه احس حلكي يابس
اشرت الامي اريد ماي مااكدر احجي
قيصر فتح البطل وحاول يكعدني
دفعت ايدا ودرت وجهي عنا امي أخذت بطل الماي وشربتني
شربت شويه احس الماي مر
الي عرفته امي ماتعرف اني ليش ضربتني جلطه
قيصر متصل عليه وكايل فاطمه تخربطت وجايه
بقيت يومين بلمستشفى وامي وخواني ماعافوني ابد
وقصير وخالتي ام قيصر كاعدين يمي
بس خالتي وسما مابينن ابد
يعني خالتي شريكة بته بهاي المصيبه
جان تكدر تمنعه وتكله عيب زوج فاطمه هذا شنو قحط زلم هسه تجي قسمه وتزوجين
ليش تركضين ورا
بس اكيد راحة بته فوك راحت فاطمه
بعد يومين يله طلعت من المستشفى اشرت الامي اروح وياج
بعدني مااكدر احجي ولا انطق اي كلمه لساني عبالك انبلع
وصلت البيت اهلي واجا وياي قيصر وخالتي ام قيصر
وصلنا قيصر وراح جاب مسواك واجا
بس دخل وشفته شايل المسواك
كانت أول كلمه نطقته كتله
فاطمه... اطلع برا
امي... يااا ليش هيج تكولين
فاطمه...اشرت علي اطلع برا وبعد مااريد اشوف وجهك
هو دنك وماحجه اي كلمه
كمت من مكاني واني ارعش كلني ودفعت المسواك برجلي
اخذه وطلع برا
امي....يمه سمي بالرحمن لا ترجع عليج الجلطه اي خلاف ينحل بلتفاهم
فاطمه....هااا اني عندي جلطه امي سندتني لان مااكدر اوكف منيين انجلطت غير من ورا هو والحيه سما
جمانه السعيدي
امي...يااا سما شعليه
فاطمه....زادت الرعشه عندي من العصبيه اجا علاوي سندي من الجهه الثانيه
علي. موزين عليج التوتر الدكتور كال اذا توترت ترجع تنجلط مره ثانيه
فاطمه...خل يطلع برا ومااشوفه واني اصير احسن
زادت الحاله عندي وماكدرت اسيطر على نفسي كمت اختظ كلني وتشنجت
رجعو اهلي اخذوني للمستشفى
وقصير اجا ورانا بس مادخل للغرفه
الدكتور تخبل بس شافني
الدكتور....ماصار ساعه من طلعت بس فحصني كال ضربته جلطه ثانيه
اذا متوفرون له راحه تامه تنجلط بعد جلطه وهلمره ممكن تعيش باقي عمرها مقعده
شصار ورجعت انجلطت
هلمره الدكتور ماقبل اطلع بقيت اسبوع كامل بلمستشفى
واني عايشه على المهدئات والمغذيات
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
