رواية كشف المستور الفصل العاشر 10 بقلم جمانه السعيدي
ابو هبه بابا ممكن اطلب منج طلب
هبه اكيد تامر امر
ابو هبه لاتدخلين بقضية يوسف ابد لامن بعيد ولا من قريب هذا انسان بلا ضمير احتمال يشوه سمعتج بلمحكمه
واحنا ما صدكنا وكفتي على رجليك وصرتي قويه
مجتمعنا ما يصدك يلكا خبر موزين بسرعه يطشونه حتى بدون ما يتاكدون منه
وطلب ثاني لاتنطي مجال ابد يحجي وياج او ياثر عليج
يوسف صفحه وطويناها وما نريد نرجع الها ابد
جمانه السعيدي
هبه...صار بابا راح اسمع كلامك مو لان خايفه منه يحجي عليه لان اني ماعندي شي اخاف منه ومو من حق اي واحد يحاسبني بس راح اسمع كلامك لان انت ابوي واخوي وصديقي وما احب اخالف كلامك ابد
بدلت لبست تنوره طويله ضيكه اسود وقميص اسود وستره احمر وشال احمر واسود مشجر وجنطه حمره وحذاء احمر
ومكياج خفيف
احس هدوء بروحي موطبيعي مرتاحه نفسيا
وصلت للمحكمه ودخلت شويه سمعت استاذ ياسر يحجي بلتليفون ويا ما اهتميت
بعدين طلعت برا لكيت يوسف كاعد واكو وحده كاعده كباله
احساسي يكلي هي هاي زوجته
شكله مو راحه ابد وهو مانزل عينه عني ابد
واني اتعمد اروح وارجع كدامه وكاني ما شايفته ابد
كانه ما موجود اخر مره فتت من يمه ذبله حسره شكبرها
كاعدين منتضرين دورهم لمن ينادي عليهم القاضي
اني دزيت العامل كتله تشوف هذيج البنيه الي لابسه زيتوني اريدك تخليه تجيني انتضرها يم الصحيات
بدون مايحس احد افتهمتني كال اي افتهمت
جمانه السعيدي
شويه ورحت للصحيات ولكيته منتضره
هبه....صباح الخير انتي زوجت يوسف
....اي اني
....خليتي محامي
....لاولله بعد
....راح اعلمج شتكولين منا لمن تخلين محامي
...انتي منو محاميه
...اي بس لاتجيبيني بلنص حبيت انصحج وبس
...اي ولله تسوين فضل
...باعي اولا انكري كلشي وخلي اخوانج هم ينكرون
وبلنسبه ابو المحل الي تسحبين منه ارصده خل اخوانج يهددونه عشائرية اذا همه خايفين على سمعتهم
...والتليفون شلون
...كولي ضاع مني من زمان بلبيت صار اكثر من تسع اشهر دورته ومالكيته وكلت الزوجي ما اهتم للموضوع
خفت احجي اهله يشدون وياي يكولون تردين تبوكينه التليفون احنا ما بايكين تليفونج
وتصير مشكله جبيره على مود تليفون
والصور الي دزينهن بلتليفون ذني صوري ماليات الجهاز
حالي حال البنات الي تليفوناتهن مليانه صور
ما اعرف منو اخذ التليفون ويراسل منه
اكيد واحد يكرهني ويريد يشوه سمعتي
وتمسكي بكلامج للاخير وطالبي بنفقه اللج والجهالج
...فدوه عيوني انتي الزمي قضيتي
...ما اكدر اني لازمه قضايه هواي بس اريدج تكونيين قويه ولاتخافين ابد فهمتي واهم شي لاتجيبيني بلطاري ابد فهمتي
....اي عيوني فدوه اروحلج الله يستر عليج
عفته ورجعت الغرفة المحامين
ماكدرت ما ادخل اريد اشوفه يتعذب مثل ما اني تعذبت
بعدين سمعت القاضي اجله اسبوع يريد يعطيهم فرصه يتصالحون
وهي تعين محامي يدافع عنها
خلص الدوام وطلعت ولكيت يوسف واكف يم سيارتي
يوسف. ..ممكن احجي وياج
...لا مو ممكن
...باعي هاي شغلت ما عرفتيني ماتعبر عليه ابد اني متاكد انتي عرفتيني كلش زين
...اي وشرايد مني تفضل لان تاخرت
...نكعد بمكان ونحجي
...اسفه ماعندي وقت ابد
...ما اريد منج شي بس اريد تسامحيني
...اسامحك على شنو
...على كلشي هاي حوبتج بينت بيه لان بدلت الذهب بتراب
....اني ذهب انت متاكد ما جان هذا رائيك سابقا
...هبه اطلبج طلب خل نرجع ولو اصدقاء
...هاااا اصدقاء تصدك ذكرتني اني ماعندي اصدقاء ابد
بس انت ماترهم صديق اني اسفه
....لايكون كلبج اسود الله يسامح ويغفر وانتي ماتسامحين
...زين موافقه اسامحك بس بشرط
هو ابتسم وجنه مامصدك
...شنو شرطج موافق
..تكلي شنو جان ذنبي من طلكتني وشمرتني اذكرلي سبب واحد يخليك تعوفني مثل الطير المذبوح وماتلتفت عليه ابد
طفله عمري ١٥ سنه وما اعرف اي شي بلدنيا غيرك
اخذتني بزونه مغمضه وشمرتني
كتلك انتضرك حتلو عشر اسنيين بس لاتعوفني
خفت الناس تحجي عليك
وهسه الله سبحانه خلاك فرجه للناس
تصدك احمد ربي واشكره خلصني من انسان مريض مثلك
يفضل كلام الناس على سعادته
جمانه السعيدي
...اني اسف واعتذر وندمان كلش
...شسوي باعتذارك اعتذارك مايطيب جروحي ابد
وهسه من رخصتك اتاخرت
فتحت السياره وصعدت مشيت واني متعجبه من القدر
الي اخذلي حقي ولو متاخر بعد سبع سنيين
يله بردت نار كلبي
استحاله يايوسف نرجع اني وياك سوا
ادوسك مثل ما دستي
ضلت قضيه يوسف هواي تتاجل الحد مالقاضي صدر حكم الطلاق والاطفال اخذت حضانتهم الام ويدفعلهم نفقه
اما يوسف اخذ رقمي وبدا يتصل بيه جان متوقع هبه بعدها تحبه وتتذل اله
مايعرف هبه القديمه ماتت ودفنته ولو يعتذر كدام
الكره الارضيه كله ما ارجعله
اني اليوم انسانه جديده وقويه ولايوسف ولاغيره يكدر ياثر عليه
هددته اذا اتصل عليه مره ثانيه اشتكي علي واحبسه وادفعه غرامه ماليه
جمانه السعيدي
الا ان اجا يوم غير حياته الجديده كليا
شتا والدنيا بارده كلش احنا بيتنا بنائه بسيط جدا
عباره عن غرفتين وهول واستقبال
احنا نطبخ بلهول ماعدنا مطبخ واكو ترك بنهاية البيت
احنا ساكفينا جينكو ومجمعين بي الغراض الزايده مثل دبة غاز وبرميل وتنور امي جانت تخبز بي
وشكو شي زايد نخلي بي مثل المخزن
بيومها ورا العشى كاعده انضف بلمطبخ وبابا بلاستقبال كاعد يتفرج على التلفزيون
الهول بي باب يطلع على الترك
ورانا بيت هيكل ما مسكون يعني مبني وكامل بس عايفي لا لبخ ولاكاشي ولاصبغ متروك صار سنيين
كاعده انضف وسمعت صوت طبه قويه بلترك
فتحت الباب كلشي ماكو بس شفت دم بلكاع واكع الدم نقاط كبار واصله للسقيفه
اتقربت اشوف شنو هذا الدم واحد لزمني من حلكي وسده
