رواية طفوف (كاملة جميع الفصول) بقلم وسام الفراجي

رواية طفوف الفصل الاول 

بالغلط صور عرسي بالغرفة ويا زوجي حولتهن بالواتساب ع كروب المدرسة .. 

بأول يوم عرسي واول ما دخلنا للغرفة بدل زوجي #يزن و كعد جنت انتظر منه كم كلمة حلوة مثل اي عروسة جديدة .. 

اول جملة كالها .. افتحي موبايلج وانطينياه!

استغرب من كلامه بس كلت يجوز يريد يسوي شي مختلف عن العرسان او فد فعالية وهيج .. 

نطيته التلفون باوعله بي رمز .. شمره ع الجرباية وكلي اي رمز للتلفون لتخلين افتحححححي الرممممز .. 

فزيت من صياحه وعصبيته واني من نوع خوافة هواي .. 

جان الرمز نمط .. وحطيته حرف E لأن سهل ..

فتحته كدامه جان يكول ..

ـ منو هذا الشاغل بالج وحاطه حرفه رمز لتلفونج ..

مارديتله بس اباوعله ..

 كعد عندي وطب ع كل البرامج يفتش بي جان يكلي وين التيكتوك !

كتله ماعندي كلي تستشرفين براسي وين ظل احد ماعنده تيكتوك كتله والله ماعندي .. 

جان يكول ... المتزوجات قبل عرسهن يحذفن كل حساباتهن ويرتبن موبايلاتهن حتى ميعرف الزوج شنو مخبصات و انتِ منهن !

مارديتله لان خفت منه كلش عصبي .. 

لزم الفيس وسوى الغاء تثبيت .. 

الواتساب الغاء تثبيت ..

وكلي ماسنجر وبس وماريد بس اهلج واهلي وصديقتج سراب فققققط مفهوووم .. 

ـ اي مفهوم حبيبي 

ـ وبيت خوااااااالج كلهم ماريد تتواصلين وياهم خصوصا الي عدهم محلات بالسوك عرفتيهم مو ؟ 

ـ اي ما اتواصل ويا اي شخص بس الي تريده

ـ كومي بدلي .. 

" كمت بدلت ولبس بدلة النوم البيضة بس شنو خجلانة وراسي بالكاع "

هو لازم موبايله ويتصفح بي .. باوعلي ونزل راسه و رد رفعه بسرعة جان يفتح عيونه ويكلي .. 

ـ الظاهر متعودة ع هيج ليالي ومستعجلة تعالي يمي تعالي ..

خفت وكلبي صار يدك طبل جان يصيح تعااالي شبيج ثول مو احجيلج تعالي .. 

اجيت وكعدت يمه جان يكلي تقربي قربت شوي جان يكلي انوب تعالي يمي لزمني من زند ايدي وسحبني جان يعصر ايدي ويكلي ويا كم واحد عايشة هالاجواء ؟ 

كتله والله محد شايف شعرة مني .. 

ضحك وكلي يبوو يمسكينة دا اكلج كم واحد مصادقة ؟

ـ بشنو احلفلك ممصادقة احد 

" تمدد وحط رجل فوك رجل جان يكلي"

ـ تشوفين رجليه ؟

ـ اي اشوفها

ـ روحي بوسيهن !

- ابوس شنو ؟

ـ بوسي رجلي ماسمعتي ووجع 

انتظرت شوي افكر واستوعب شدا يسوي ..

جان يكرصني ويكلي بوسي يلا 

رحت عند رجليه وبست رجله جان يطلع الثانية كال هاي بعد باوعتله بعيني جان يكلي لترفعيها هيج افكسها بوسي يلا 

ماعندي اي حل ثاني بستها لرجله وكعدت .. 

كالي اوكفي .. وكفت .. 

ـ كل يوم تبوسين رجلي هيج وتشكرين ربج عندج زلمة ماخذج ومتزوجج اكو نسوان بايرة ومحد مكلبها .. 

سكتت اني .. باوعلي كلي لازم ماعجبج الموضوع .. 

كتله لا عجبني 

ردلي ..

ـ هذا دوامج مايعجبني بالمدرسة والمدير مالج احسه مو راحة واذا ظلت هيج ابطلج 

 رديتله ..

ـ بس انتَ كلت لأهلي تظل تداوم ودوامها عليه !

- هو هسة ماراح ابطلج لأن كلت هالشي بس بالمستقبل ماتظلين بهالوظيفة .. 

ـ ليش ؟ 

ـ المعلمات بنظري مو شريفات وكلهن يتملعبن والمعلمين هيج مكيفين ويستغلون بالمعلمات والله يعلم من جوة لجوة شنو.. 

ـ بكل مكان الزين والمو زين والصالح والطالح ولو خليت لقلبت 

ـ اشش لتدافعين #طفوف ! بس نفذي الي اكوله بدون نقاش .. 

ـ تمام ..

... ليلة خلصها اوامر وهيج تسووين وهيج تسوين ولزم تلفوني وصار يصور وياي صور خاصة وحاضني ويصور ويسوي حركات وهيج اني تفاجئت منه شهالتغيير بعدين ورى ما خلص تصوير رجع كالب خلقته مثلما هي .. 

كلي باجر دزيلي صور لتلفوني مخلص شحن واحذفيهن منج كتله تمام ..

كلي تحذفيييهن اكلج كتله اي تمام امر

بالأخير اخذ الي يريده و لف راسه ونام .. 

حطيت راسي للمخدة وصرت اسولف ويا روحي الله لا يسامحك يا #شهاب 

ابجي ودموعي تهل ع خدودي وماريد اهز من ابجي لا يسمعني ويكعد .. 

فجأة تحرك اني يبست بمكاني وهو انكلب للجهة الثانية .. 

بسرعة صرت امسح بدموعي بهدوء .. 

رفعت ايدي امسح بخدي جان كبل ما اوصلها خدي لمسته ايد ثانية فزيت وصحت ع سريع لكيته يزن كاعد وكلي 

ـ دتبجين ؟ يااا مسكينة خاف مشتاقة لأحدهم !

- يزن شبيك ليش هيج تعاملني 

ـ عروسة وبليلة عرسها تبجي شنو أفسره مثلا غير تبجي ع حبيبها ما اخذها .. 

"سكتت لان ثبتلي كثرة الكلام ما تنفع وثبتلي هالرجل هذا شكاك جدا ويطعن بالعرض بسهولة وعنده عادي "

ثاني يوم العرس طلع يزن زوجي من الغرفة لشغلة ويرجع فكلت خليني انزل الواتساب احفظ الصور بمحادثتي الواتساب الخاصة بية كبل ما يجي 

حتى احفظهن وابعدهن عن العين لأن صور خاصة بين عروس وعريس جدد .. 

صرت ثولة وحددت الكل ورسلتهن لمحادثة خاصة وحددتهن جميع وحتى احولهن لمحادثتي الثانية راحت لكروب الصف الأول ابتدائي بالغلط ...

             الفصل الثاني من هنا