روايه حظ عاثر الفصل الاول بقلم ليل ادم
تسألني أنا مين أقولك أنا الحظ أنا اللي لو مسكت الدهب يبقا تراب و تراب ظفر كمان اه والله تعرف أنا طلعت أول الدفعه اربع سنين رايح التقديم وانا اي بقا واحد صورته طالعه في الجرائد بقي ولا صحيح ملحقتش تنزل أصل اليوم اللي كان المفروض ينزل في خبر حلو عني كا أول الدفعه وكده الجريدة ولعت مش الجريدة اللي في أيدي لا أنا قصدي الشركة كلها ولعت متستغربش ياعم أنا لما روحت التقديم وكنت متأكد أن مفيش واحد من العائله كلها عنده سابقه طلعولي واحد عنده سبقه مات من ١١٤ سنه اه والله ياعم و النهارده المفروض اني رايح اسيب ورقي في شغل جديد صحيح أنا عارف اني فقر بس لازم اروح أصل السعي حلو ولما وصلت كان في هناك كم شباب و بنات كتير طبعاً بما أن كلنا حقوق ف كلهم عرفني وطبعا اللي في دماغهم اني اكيد أنا اللي هقبل وأنا طبعاً عارف أن اي حد غيري هو اللي ورقه هيقبل انما لو بالكفاءه يبقا بتاعتي وفعلاً جه عليا الدور دخلت لقيت واحد شكله مش طايقني أصلا
سامي : اسمك اي
ادهم : أسمي ادهم مكتوب عند حضرتك في الملف
سامي : هو كل حاجه مكتوبه تتصدق
ادهم : مش فاهم
سامي : يعني مثلاً مكتوب في الملف انك أول الدفعه اربع سنين ما ممكن يكون بالكوسه
ادهم : كوسه اي بس هو لو كان في كوسه كنت جيت عندكم المكتب
سامي : ليه ماله المكتب أن شاء الله مش عاجبك
ادهم : يا سيدي الفاضل أنا كنت عايز اطلع وكيل نيابة
سامي : ومطلعتش ليه أن شاء قلبك وجعك
ادهم : حضرتك دمك خفيف بشكل يهلك من الضحك
سامي : سيب الورق وشوف رايح فين ياله ولو حصل نصيب دا أن حصل يعني هنكلمك
ادهم : لو بقا
باب المكتب بيخبط دخلت اللي عليها الدور كانت بنت جميله
سامي : قوم كده خلي الانسه تقعد يا أخي
ادهم : ما المكتب في كذا كرسي
مي : خلاص مفيش مانع أنا هقعد هنا اهو اتفضل الملف
سامي : هو أنا هصدق شويه ورق و أكدب الجمال ده كله
ادهم: بس الورق ساعات بيكون في كلام كدب
سامي : انتا لسه قاعد اطلع بره يا استاذ
ادهم : طالع ياعم وانتي يا أنسه لو في حاجه صوتي إحنا قاعدين بره
مي : ( بتضحك وبتدري وشها )
سامي : استنا ونتا خارج كده سؤال على السريع
ادهم : اتفضل
سامي : لو جالك عرض افضل في مكتب تاني هتعمل اي
ادهم : حضرتك نفسك لو جالك عرض حلو في مكتب تاني هتمشي متوجعوش قلبنا بقا
سامي : اطلع بره
ادهم : منا طالع ياعم دنتا غريب ( وخرج ادهم يشرب قهوه في المكتب قبل ما يرجع البيت اول ما وصل بار المكتب كانت وقفه في بنت طلب منها ادهم القهوه )
غاده: تشربها اي
ادهم : زياده مش ناقصه مرار اكتر من كده
غاده: اي ده مالك في اي
ادهم : انتي شغاله في البوفيه
غاده: البوفيه اه شغاله في البوفيه
أدهم: الراجل اللي جوه ده نحنوح اوي
غاده: مين مستر سامي
ادهم : اه
غاده: ليه عملك اي
ادهم : الراجل من ساعه شاف وشي نزل سلخ فيا دخلت البنت ناقص يبعت يجبلها لمون
غاده: مش يمكن العيب فيك
أدهم: ما اكيد العيب فيا أنا عارف بس برضوه هو راجل غريب
غاده: طب قولي العيب فيك ليه
ادهم : أصل أنا فقر
غاده: ( بتضحك )يا ساتر ليه كده
ادهم : اه والله أنا كده تحسي أن في حد عملي عمل ( وبيضحك)
غاده: انتا اسمك اي
ادهم: أنا ادهم
غاده: انتا ادهم اللي سمعت عنه بتاع أول الدفعه
ادهم : أوديكي فين يا شهره
غاده: روح هات الملف بتاعك
ادهم : اشمعنا
غاده: روح هاته بس وتعالي
ادهم : اي ده تعرفي صاحبه المكتب وهتخدميني ولا اي
غاده: ( بتضحك جدا) يابني روح الله يكرمك
ادهم : ثواني
باب مكتب سامي بيخبط
سامي : مين
ادهم : المنامين
سامي : بتقول اي
ادهم : بقولك انا مين
سامي : عايز اي تاني مش قولتلك بره
ادهم : انتي لسه قاعده يا أنسه
سامي : سيبك منها خليك معايا
ادهم : فين الملف بتاعي
سامي : مرمي قصاد عينك اهو
ادهم : ايدك بس كده من على الملف ل يتقطع
سامي : الحمد لله انها جت منك ياله بره
ادهم : انتا بتحب تطرد اي حد بيدخل عندك كده دائما ولا أنا بس
سامي : بصراحه انتا بس
ادهم : مش معقول مع وش حضرتك بيقول غير كده
سامي : وشي بيقول اي
ادهم : لا بلاش بقا لا تزعل بعد اذنك
سامي : استنا هنا كنت هتقول اي
ادهم : بقول لحضرتك رايح وجاي ونتكلم براحتنا
مي : ( بتضحك على سامي )
سامي : ( اضايق جدا من ادهم )
ادهم : بعد اذنك ( وخرج من المكتب)
غاده : فين الملف
ادهم : اهو ادخلي بقا و كلمتين حلوين منك كده قوليلها بقا كل اللي في خيالك المهم تخدي الامضاء هنا وليكي الحلاوه
غاده: انتا مش طبيعي
ادهم: ياله بس قبل ما البت اللي جوه دي تاخد الوظيفه لحسن دي عشر دقائق وتبقا زوجه عمو سامي
غاده: ( بتضحك وطلعت القلم كتبت أسمها علي خانه الاختيار)
ادهم : يخربيت عقلك انتي فاكره لما تقلدي الامضاء بتاعتها الحوار كده أتحل دنتي كده خربتي ام الملف
غاده: مجاش في بالك اكون انا الست دي خالص
ادهم: ( بصدمه) لا بلاش والنبي يا غاده شغل الافلام التركي ده
غاده : ( مدت أيديها ل ادهم )
أنا استاذه غاده عبد السلام صاحبه المكتب و مديره المكتب هنا
ادهم : ( مد ايده وكان بيتنفض من كسوفه ) أنا أدهم
غاده : مش عايزه غلط في الشغل عايزك ترفع راسي ويكون أختياري صح ومش عايزه مشاكل اتفقنا مش عايزه مشاكل وخصوصاً مع سامي
ادهم : لا والله تمام
غاده : من بكره تستلم شغلك أتفقنا
ادهم : تمام
غاده: بعد اذنك
ادهم : اتفضلي ( يخربيت جمالك )
غاده: بتقول حاجه يا ادهم
ادهم : لا ابدا بقول يخربيت جناني
غاده: تمام ماشي
بعد الرجوع الى المنزل
ادهم : عامله اي يا ست الكل
الأم: الحمد لله انت اللي عملت اي
ادهم : قفشوا فيا طبعاً هو ابنك يتساب برضوه
الأم: ( عنيها على ادهم ومش مصدقه)
ادهم : وسعه مني صح
الأم: بصراحه اوي
ادهم : لا والله الحمد لله من بكره هبدأ شغلي كمان
الأم: طب كويس المهم بقي تكون ملتزم يا أدهم وبلاش مشاكل في الشغل الجديد
ادهم : لا والله ابدا أنا ما صدقت أصلا
الأم: رايح فين
ادهم : داخل أنام
الأم: بدري كده
ادهم : اه اصل بكره اول يوم لو أبتديت الموضوع تأخير وحوارات هيتاخد عني فكره وحشه أنا هنام وانتي ابوس ايدك صحيني الساعه سبعه ونص الصبح
الأم: ماشي يا حبيبي
في الصباح
ادهم : ( قام على صوت المنبه وكانت الساعه التاسعه صباحا أول ما فاق كان فاكر الساعه في تليفونه مش مظبوطه) ماما انتي ياست
الأم: ( كانت بره البيت بتفتح الباب ويتدخل ) اي ده انتا صحيت يا ادهم طب كويس أنا كنت شايله همك اوي
ادهم : ( لمح ساعه الحائط الساعه تسعه و ربع بص للساعه وقال ل أمه ) اللي أنا شايفه ده بجد
الأم: اه ليه
ادهم : هو أنا مش قولتلك سبعه ونص الصبح ياست الكل
الأم: يالهوي أنا نسيت أصل ام ايمن قعدت تكلمني على الصبح والكلام خدنا
ادهم : حرام عليكي ياما دنا اللي سامح هيخدني
الأم: سامح مين
ادهم : هو ده وقته اوعي الحق ألبس وانزل بسرعه دا لو مكنتش خدت رفض أصلا
الأم: مستعجل اوي ليه كده يابني طب افطر الأول
ادهم :أفطر اي بس سلام
الأم : ( بعد ما نزل ادهم شافت جزمته قصاد الباب بصيت عليه من البلكونه لقيته بيركب العربيه بالشبشب ندهت عليه مسمعش صوتها ) يالهوي عليك يا ادهم
بعد ما وصل ادهم الي المكتب وقف علي جهاز البصمه
أدهم: ( أبوس ايدك سجل المرادي وبعد كده أقفش عليا براحتك بس عديها معايا )
سامي : بتكلم نفسك ياعم أول الدفعه
ادهم : معلش يا استاذ سامي ع التأخير بس عندي ظروف عائلية
سامي : والله
ادهم : اه
كانت غاده وصلت
غاده: صباح الخير في حاجه
سامي: لاابدا الاستاذ أول لسه جاي حالا وكان قاعد بيكلم البصمه
غاده: ( بصت على رجل ادهم شافت الشبشب ) اي ده يا ادهم
ادهم : والله مكنتش اعرف ان اخر البصمه تسعه
غاده: سيبك من البصمه اي ده
ادهم : منا معرفش بقول ل حضرتك أنا نزلت من البيت وسبت العزاء وجيت
غاده: يابني اي اللي في رجلك ده
ادهم : ( بص على رجله شاف الشبشب) حسبي الله ونعم الوكيل فيكي يا أم ايمن
غاده: ( بتضحك ) مين ام أيمن
سامي : رد يا عم الأول
ادهم : دي الست اللي ماتت عندنا في الشارع النهارده
غاده: اي علاقه ده بالشبشب
ادهم : ذوقو اليوم معايا ابوس أيديكم أنا لو رجعت البيت دلوقتي يا حج سامي امي ممكن تروح فيها
سامي : حج سامي يابني انتا مجنون أنا استاذ سامي
ادهم : يا مستر سامي ولا تزعل نفسك هغيب بس عشر دقائق اجيب حاجه غير الشبشب ده خليها عليكم المرادي
غاده: سامي معلش خلاص عديها المرادي روح يا ادهم وتعالي على مكتبي
أدهم:
بدل ماتدور وتبحث علي الروايات خليها علي تليفونك وحمل تطبيقنا
