رواية عشقها مصيبه كامله جميع الفصول بقلم ريهام زيدان
_مصطفي انا حاسه ان احنا اتخطفنا
اتكلم بسخريه *حاسه ؟!مش متاكده ،لا انتي طالعه رحله ي مريم
_والله وبتتريق سيادتك كمان
*اسكتي مش كفايه كل دا بسببك ي عملي الاس..ود
_والله مش انا اللي قولت لماما تطلب منك تيجي معايا الجامعه
*حسبي الله فيكي وف الجيره السو..دا اللي عرفتني بيكي
_انت بتحسبن عليا ع فكره بقاهقول لماما أما نرجع من الخطف
*ششش اسكتي خالص
وقتها سمعنا صوت خطوات جايه ودا لأنهم مغميين عنينا بقماشه
∆ مساءك فل ي باشا
*انت مين وعايز مننا اي
∆مش مهم انا مين المهم انا عايز منك اي
*طب شيل اللي ع عيني عشان اعرف اتكلم معاك
∆وماله ي ديشا
شال القماشه وبصتله كان شكله مش غريب عليا بس مش فاكر شوفته فين
∆ها وشي عجبك ي باشا
*عايز اي ؟
∆بص هما حاجتين مرعي الراجل بتاعنا ورقبة سيادة الوزير اصل الكبير بتاعنا بيعزه اوى اوى
ضيقت عيني وانا ببصله *انت اللي كنت ف الكمين من اسبوع وهربت
ضحك ∆برافو عليك ذاكرتك حلوة
_انت طلعت عارفه ي مصطفي طب قوله يفكني ويروحني عاوزه الحق المسلسل
∆ودي ايه دي كمان ؟ تبعك ي باشا
ببرود*ولا اعرفها
_ي مص..
قاطعني *شش اخرسي شويه
∆عموما هي مزه حلوة وتلزمني انا والرجاله
_ي لهووو..ي الحقني ي مصطفي
∆جرا اي بت اهدي
اتوترت لما سمعت خطواته جايه ناحيتي وصرخت باعلي صوت عندي _انا انا مراته
مصطفي :غمضت عيني بضيق من غبائها هتودينا ف داهيه
بصلي بخبث∆دا كدا احلوت اوى عشان سيادة الرائد يخلص شغلنا بسرعه تعالي ي حلوة
*سيبها
نطق بها اخيرا مصطفي وانا اتشاهدت
سابني ∆بص ي باشا عشان تعرف أننا ولاد اصول احنا هنسيبك تفكر ساعه ف طريقه تجيب مرعي وبعدها تقول مكان سيادة الوزير وإلا بقا بص لمريم ∆مقولكش بقا هنعمل اي خليها مفاجأه ضحك بصوت عالي
وسابنا وخرج وانا فضلت اعيط
*بطلي ز..فت عياط
_ملكش دعوه انت اذاى تقولهم انك متعرفنيش
*وانتي كدا حليتي الموضوع انتي عقدتيه زياده مش عارف انا اي المصايب دي
_فكر مش انت ظابط وبتقعد تقول الظباط هما كل حاجه ف البلد
تجاهلت كلامها وانا ببص للفراغ ومش عارف اعمل اي ايدي مربوطه ورجلي ومريم كذالك ومش عارف عدد الرجاله اللي برا
بعدها دخل واحد تاني وفك مريم وشال القماشه اللي على عينها
_انت بتعمل اي لسا الساعه مخلصتش
مصيبة عمري
ضحك\متخافش ي باشا احنا هناخدها اوضه تانيه بس
عيطت *لا والنبي سيبني هنا اصل الدكتور قالي اقعدي ف حتة طراوة
_متخافيش ي مريم
بصتله برعب *مخافش اي دا انا لسا 22سنه ربنا ينتقم منكو
شدني وخرجنا لصاله بس مفيهاش حد دخلني اوضه تانيه
بصيت للراجل كان بيبصلي بنظرات حقي..ره كان نفسي الأرض تنشق وتبلعني انا كدا ف خبر كان لامفر
حاولت ابتسم _هو ينفع متربطش ايدي
عند مصطفي
كنت هتجنن ومش عارف اعمل اي وخايف ع مريم حاولت اقوم من ع الارض وأفك الحبل بس كان صعب جدا
وقتها حسيت بحد بيفتح الباب فقعدت مكاني تاني
_قولتلي بقا اني عملك الاسود ي مصطفي
فوجئت بمريم واقفه ادامي
*ي بنت اللعيبه فين الل..وح اللي كان معاكي
_اغمى عليه ي قلب أمه مستحملش
ضحكت *قدره بقا أنه يقابل وحش الملاعب
_رخم مش هفكك خليك هنا انا ماشيه
*استني ي بت استني دا نتي وحش الكون
تنحت _ ها بجد ي مصطفي قول والله
ضغطت ع اسناني بغيظ *فوكيني بس وهقولك
بدأت تفك الحبل بس كانت بطيئه جدا
*بسرعه شويه ي مريم قبل ما يفوق
_متسربعنيش الحبل جامد
∆ولا حركه انت وهي
غمضت عيني لا قول أن مش هو
لقيتني بتشد من شعري والمسدس ع دماغي اه ي غلبي ي انا يما
∆قولتلك متلعبش معانا ي ديشا انت مصمم بقا
_استني طيب اديله فرصه متموتنيش بالله عليك انا لسا متجوزتش
همست بضيق من تحت اسناني *يشفي الكلاب ويضرك ي بعيده كل اللي همك الجواز
حركت رجلي ناحيته ومريم بتتحرك زقته اتكعبل
مريم صفرت _الله عليك ي فخر العرب
زعقت لها *انتي بتهزري اخبطيه بالمسدس ع دماغه
خبطته وجت فكتني وخرجنا من المكان بسرعه بنجري الدنيا ضلمه وحتة مقطوعه
شديت ايدي منه وانا باخد نفسي بالعافيه _كف كفايه جري بقا تعببت والله
بص حواليه اصلا احنا مش عارفين بنجري ف اي اتجاه ولا احنا فين ؟!!
قعدت ع الارض بتعب وهو قعد جمبي بعدها بصتله بإعجاب كان باصص للسما وسرحان هو فيها حاجه لو قولتله بحبك
_هو انت كنت هتسيبه يقتلني ي مصطفي
ضحك *يبقي خدمني وخدم امك وخدم البشريه كلها وظلم نفسه
خبطته ف كتفه _انت بتهزر ليك نفس ،لو أميره كانت معاك كنت دافعت عنها اكتر من كدا صح
بصلي ومردش عليا
إجابته كانت باينه وهو بيحاول يداري عيونه مني
_مصطفي
اتنهد وبص بعيد *يالا نمشي
...وادي حالي معاك تعبني هواك بقالي كتييير....
قام وقف ومدلي أيده *يالا عشان نمشي
مسكت ف أيده وقومت مشينا كتير جدا لحد ما لقينا طريق وعربيات فضلنا نشاور بس محدش كان بيقف
اخيرا وقفت عربية نقل
*تاخدنا معاك ي ريس القاهره
=انت عارف انت فين ي بلدينا انت ف سفاچا يعني بينك وبين القاهره10ساعات سفر
_اباي عليك وع اللي خلف..وك
=بتجول اي الست دي
مصطفي كتم بوقي بايدي*مبتقولش حاجه ي ريس طب انت رايح فين خدنا لأقرب مكان
=رايح الغردقه اتفضلوا اركبوا ورا بس خلي بالك البضاعه دي شجايا وتعبي
نزل وفتح العربيه من ورا
ربعت ايدى_ نو واي اركب ف عربية خضار
اتكلم بهمس جمب ودني *انت بتهزري احنا لاقيين اصلا
=انتو بتجولوا اي ي اخينا انت ؟
*مابتقولش بس مش عارفه تطلع العربيه انا هشيلها
وقبل ما استوعب اللي قاله لقيتني ف العربيه جمب الطماطم والبصل ومصطفى جمبي
_ي مص..
*مسمعش صوتك ارحميني هيحصل فينا اي اكتر من كدا
غمض عيونه ولقيت نفسه انتظم عرفت أنه نام
ي جدعان حد يشيله من ادامي دا زي القمر وهو نايم
فضلت اتفرج عليه وهو نايم واخدت الشال بتاعي وحطيته عليه الباشا عاملي احمد السقا ولابس تيشرت نص كم ف عز البرد
~اصحي ي حيلتها انت وهي
انتفضت من مكاني لأن النوم غلبني جمب مصطفي
بصيت حواليا لقيت ظابط وعساكر واضح أنه كمين
مصطفي كان لسا بيحاول يفتح عينه خبطت ع كتفه بخوف _مصطفىىىىىىىىى اصحي
فتح عينه بسرعه واتعدل
~اجيبلك الفطار ف السرير ي رو..ح ام..ك
*ي باشا انا مصطفي الراوى
ضحك~هه حصلنا الرعب وي ترا ابوك مين بقا عشان تتحامى فيه، انزلولي
نزلنا ومصطفي راح مع الظابط بعيد عني وانا وقفت مع صاحب العربيه ومعانا عساكر
= الا جوليلي انتو عليكم حُكم ؟
بصتله بزهق _ي عم اسكت بقا لبستنا ف حيط انت والبصل البايظ بتاعك دا
= بصل اي اللي بايظ دا قطفه أولي تعالي ي دفعه دوق عشان تحكم
عند مصطفي
اتكلمت مع الظابط ووريته الكارنيه بتاعي والموضوع اتحل رجعت لقيت مريم بتتخانق مع سواق العربيه
*أهدى ي مصيبه
=انا عايز حقي ي حظابط من الوليه دي
~بس ي بني ادم دي حرم حضرت الظابط مصطفي
اتوتر وهو بيبصلي وبيبص لمريم= ي سنه سو..خا اني اسف ي باشا تحياتي ي باشا اقدر امشي ي سعادة الباشا
الظابط بتاع الكمين مدايده وسلم عليا ~بعتذر ي هانم ع اللي حصل مش حضرتك المدام برضه
لِ لحظه كنت حاسه بسعاده مجرد كلمه بس هي حلمي بس فوقت ع كلمة مصطفي وكأنه بيفوقني وبيقولي أنه مش من حقي حتي احلم بالكلمه دي
*لا دي اختي ي نبيل باشا
~تمام اتفضلوا معايا عشان ترتاحوا ع ماتيجي عربيه توصلكم القاهره وصلنا لاستراحه وطلبلنا اكل بس انا مأكلتش كنت قاعده ببص لمصطفي وهو بيتجنب أنه يبصلي
اخيرا رفع عينه وبصلي وانا مستنياه يتكلم فاتكلم بهزاروهووبيضحك * ع فكره انا قولتله انك اختي عشانك
بصتله بعدم تصديق
*ايوا افرضي مثلا عجبتيه وعاوز يتقدملك اقف انا ف طريقك كان لازم ..
قاطعته _بس انا مسغ عايزه غيرك ي مصطفي
*مش هينفع ي مريم انتي تستاهلي تتحابي وتتشالي فوق الراس انا بعترف انك اجمل بنت انا قابلتها لكن انا قام وقف * اي حد هيدخل حياتي هيبقي بظلمه
غمضت عيني عشان امنع دموعي _لو لسا بتحبها ارجع لها وسامحها
حرك رأسه ب لا*مش قادر ومش عارف
امل جوايا انتعش ف اتكلمت بحذر _ي يعني انت تخاطيتها
*برضه لا ولا قادر اكون معاها
بعدها بصلي * ولا مع غيرها
اتوترت وبصيت الناحيه التانيه
_ليه ي مصطفي جرب تحب وتعيش اكيد مش هتفضل حابس نفسك ف قوقعه
*صدقيني الحب مره واحده ف العمر الباقي محاولات وانا مش عايز اظلم واحده كل ذنبها أنها حبتني
اضيقت من كلامه وعطيته ضهري ي بختك المايل ي قلبي متحبش غير دا
العربيه وصلت ورجعنا القاهره وكل واحد رجع حياته بس رجعها ويعالم باللي ف قلبه
بعد ما رجعنا القاهره كنت قاعده بذاكر ومش عارفه اركز ف حاجه كل ما ابص ف الكتاب دموعي تنزل
انا نظرى هيضعف عشان ابن سنيه شكلي
•لمي الغسيل ي مريم من عندك
_ي ماما ي ماما هاتيلي جزرتين انا هتعمي بسبب ابن المتضا..يقه
طلع ف البلكونه اللي قصادي *بتقولي اي ي بت انتي
_ها بسم الله الرحمن الرحيم بيطلعوا أمتي دول ماتخش شقتك ي بني
*ابنك طب بلغي امك أن ابن المتضايقه جاي عندكو انهارده هو وأمه عشان يخطبوكي
قومت والكتب وقعت مني _لا بتهزر؟!
ضحك *لا مش بهزر اصلي قربي كدا شويه من السور
قربت وانا متنحه _اي
*اصلي حبيتك
بعدت وعطيته ضهري_انت مش قولت أن هو حب واحد
*حصل ما انا اكتشفت أن انتي الحب الاول والباقي محاولات
قعدت ع سور البلكونه _ي جدعان انا مش مصدقه الحجر نطق الصنم بيتكلم
*حاسبي ي بت هتقعي
_مانا وقعت خلاص ف حبك
ضحك*والله مصيبة حياتي
..قالولي الحب له علامات ف نبض القلب والهمسات...❤️
عشقها مصيبه
بدل ماتدور وتبحث علي الروايات خليها علي تليفونك وحمل تطبيقنا
