رواية بين الحب والأسر (كاملة جميع الفصول) بقلم أمل مهدي

 

رواية بين الحب والأسر الفصل الاول

السنه ١٩٧٩ 

اميره....

اشلون يربي......

خاف الرجال ايموت

وين انطي وجهي....

لا اهلي يمي 

لا گرايب زماني خلاني وحيده

تبجي وجهاله داير مدايرهه.....

خلي اروح البيت المختار اخابر على محمد بلكت يجي ايشوف اخو 

لبست عباتي.... جلبو وياي شهد وعقيل

....يمه وياج اروح

....يمه وين رايحه اني.... اخابر عمكم بلكت يجينه ايودي ابوكم للمستشفى....شو اطيني الجزدان 

شيماء....هيانه يمه

.....هو حتى فارغ اشلون شوكلكم حتى الجم فلس عندي خلصت...ربي دبرني ما عندي غيرك

طلعت كوه امشي شارعنه كله طين

البارحه ماطره والدنيه بارده وذولي جلبو وياي اسحول بيهم

كوه عبرت على جهة 

بيت المختار......دكيت بابهم...خجلانه

....مساء الخير ام عدنان

....هله عيوني اشلونج ام رائد

....والله على الله

... اريد اخابر إذا ما اصير زحمه

....اي اتفضلي عيني ...

كان التليفون ارضي وحاطي بالكليدور على رف خشب صاج وبي تعلاكه

وبصفه مزهريه بيه ورد نايلون....

فريت الرقم بالقرص مال التليفون وشلته على أذني يدك وما كو

محد يشيله 

...دكيت مرتين ما كو...اشلون بله والله استحي ارجع مره ثانيه

طلعت حيرانه

.......اشكرج عيني

.....خير ام رائد شو مو على بعضج

......والله ياام عدنان ابو رائد كلش مريض هاي اله اسبوع ودكيت على حمايه عبالي يودي للمستشفى بس جنهم طالعين ما يردون

.....يا غير تحجين هسه اكول لابو عدنان يودي شنو كامت الدنيه

......اخاف اصير زحمه عيني

.....عيوني يا زحمه احنه جيران روحي وهسه ادز عليه

رجعت واني اسحول بجهالي تلكتني سراب 

وشيماءخذت العبايه مني

سراب....بنتي الكبرى عمره ١٤ بالثاني متوسط....ها يمه اتصلتي على عمو

........دكيت مرتين ما شالو السماعه

سراب......لعد اشلون هسه

........الله موجود وانشالله ما يكطع

اندكت الباب

........يمه رائد كوم افتح الباب

رائد ....اي يمه.....وراح فتحه

ابو عدنان........اشلونك بابا رائد سولنه طريق اوياي المضمد جاي يشوف ابوك

رائد .....يمه ابو عدنان بالباب

......اي ..اي يمه فوته ولبست عباتي

......تفضل خويه ابو عدنان

ابو عدنان....يا الله السلام عليكم

خويه جبت المضمت يشوف ابو رائد سولنه درب

.......اي تفضل خويه

ابوعدنان....السلام عليكم اشلونك ابو رائد يمعود النومه

موالك

ابو رائد....عليكم السلام هله بيك يابه

ابو عدنان هذا ابو احمد المضمد جاي يضربك ابره

ابو احمد ...اشلونك ابو رائد

ابو رائد...مثل ما تشوف ابو احمد الصخونه موتتني

ابو احمد...هسه اضربك ابره وتصحه ولا يهمك

هاي فلاونزه قويه

.....اي والله  

ضربه ابره ونطا كبسول 

عندك العافيه انشالله باجر اصبح تكوم على حيلك

ابو رائد......اشكرك تسلم

ابو عدنان.....يالله انشالله عدك العافيه ابو رائد يابه

ابو رائد .....الله يخليك تسلم مختارنه

طلعو وصلو للباب

ابو عدنان .....خويه ام رائد اشتحتاجين دزي عليه رائد

ام رائد.....مشكور خويه متقصر

اودعناكم

......الله وياك 

قاسم ......اميره وينج

......ها عيني

..... اشمدري ابو عدنان اني مريض

....رحت اخابر على اخوك كلت يوديك مستشفى وسالتني ام عدنان وكلتله

قاسم ....منو صخم وجهج وكلج اتخابرين محمد اني ما عندي اخ

.........اشلون اظل بالفراش

شفتك مصخن وتهذي خفت عليك والله قاسم

قاسم..... عسى ما اموت ما ريد محمد يوگف على جنازتي 

فتهمتي

خل اكوم والله كريم

طلعت منه العبره خنكتي والله حقه اخ المايسال على اخو مايستاهل ينكاله اخ بس شسوي

.........عندي اشويه ماش سويت شوربه وحطيتله اشويه حمص وتمن صارت اتخبل وفركعت فوكاهه بصل

وصبيت للجهال

بصينيه وخبز حار توني خبزت ...نعمه من الله

.....اجيت ملتمين الجهال كلمن على كتابه يقره 

يله يمه شيلو كتبكم وتعالو تعشو

التمو على الصينيه سراب وشيماء ورائد ورافد وعقيل واخرهم شهد

يتعشون

واني صبيت بالكاسه واخذت وياهه خبزه اعشي قاسم 

وكلته اشويه وغطيته ونام

كعدت اصبح وكعدت البنات والولد بدلو ...وريكتهم وطلعو للمدرسه سراب وشيماء متوسطه ورائد سادس ابتدائي ورافد رابع ابتدائي ابنفس المدرسه 

اليوم قاسم احسن الحمد لله

.....صباح الخير

..... هله بهلصباح

اشلونك مو احسن

قاسم.......نحمده ونشكره

خجلان من ابو عدنان كلفنا

.....الناس اوادم هذا واجب الجار على الجار

قاسم ......اكوم اروح للمعمل صار اسبوع نايم بالفراش 

اميره ....اخاف متكدر ياعيني 

قاسم .....لايمعوده سويلي لكمه بين ما اسبح

البارحه عركان من وره الابره 

قاسم يشتغل بمعمل حلويات

والعصر مرات يصعد ابسيارات الناس سايق تكسي يساعد بالمصرف 

قاسم .....

رجعت للبيت بسرعه الناس مخبوصه...اميره وينج

.....ها عيني الله يساعدك

....ويساعدج شنو ايكلج الريس البكر تنازل للصدام

....يعني شنو ما فهمت

....يعني راح ايصير صدام حسين رأيس العراق

.....ها وليش يعني اتنازله

قاسم....اني اشمدريني يا اميره غير همه بيناتهم...الدنيه مكلوبه بره كله اسولف بالخبر

راح علك التلفزيون كان ابيض واسود 

خشب وبي رجلين اشترى مستعمل من بيت قبل سنه...

كعد يستمع للاخبار مهتم مثل والناس ماعده سالفه غير صدام صار الرأيس والبكر استقال

وكله تتناقش وتبدي آرائها

بالگهاوي بالسيارات

مرت الايام والناس استبشرت خير 

اشويه الوضع يتغير ويتحسن

اميره.....

كعدت الفجريه شعلت الصوبه

وحطيت قوري الجاي .....

يمه سراب شيما ء اكعدو للمدرسه هميالله تلحكون....

كعدنه الصبح واحد يدورعلى قميصه وشيماء اصيح وين قلمي ورائد يكول يمه اليوم المعلمه تريدج.....هوسه

قاسم.....يالله اميره الريوك اتاخرت

اميره اي عيني ...وحطت الصينيه

ريكتهم وطلعو

اليوم نزلو يمنه جيران جدد يسموهم بيت ام مهدي يمنه الحايط على الحايط

اجت المره طلبت الصونده يغسلون البيت.... ولهجتهم غير شكل يعني مو من اهل بغداد

قاسم......اميره جبتلج دجاجه ومسواك اطبخي هل الله قاسمه اودي الجيرانه الجددعلى الغده 

.....اي زين سويت

للظهر سويت تشريب دجاج وتمن وخضره وخبز حار وماعون تمر وحطيتهن ابصينيه

اخذهن قاسم ورائد وراحو على بيت ام مهدي 

رائد دك الباب...

طلع رجال بالثلاثينات

ابو رائد......السلام عليكم

صلاح ....وعليكم السلام اهلا يابه

ابو رائد ....شايفين الخير يابه اتفضلو

صلاح ......ليش امكلفين رووحكم 

ابو رائد....ماكو كل تكليف احنه جيران وهذا واجبنه

صلاح.....مشكورين تفضلو اكعدو

ابو رائد....لا خليه غير وكت اخذ و راحتكم 

صار اسبوعين من نزلو بيت ام مهدي والله حايره لازم اوديلهم هديه وباركلهم على البيت

عندي نص درزن كلاصات بالباكيت

حطيتهن ابعلاكه ورحت

بيت ام مهدي اصلهم من تكريت

رجلها من بغداد ومات ابحادث

عدهه ٢ ولد مهدي باالسادس اعدادي وابراهيم بالخامس وسهر كملت ابتدائيه وكعدت ومخطوبه لابن خاله بتكريت 

صلاح اخو ام مهدي وكاعد وياهه مزوج بنت عمه وركاء وعده ٣ جهال 

يشتغل بحماية الرئيس

قاسم .......وصلت للمعمل لكيت العمال كلهم ملتمين بره والمعمل امزنجلين الباب...

ها خير ابو حيدر شكو اشو المعمل مقفول

ابو حيدر....يكولون الامن البارحه ماخذين ابو منير وسادين المعمل

ابو رائد.....لا....صدك والله ليش

ابو حيدر ....والله ما ادري

ابو رائد....عاد ابو منير خوش رجال

ابو حيدر....والله يا ابو رائد هذا من فكرنه راح ينكطع رزقنه

ابو رائد.......الرزق على الله قابل اشبدينه

انقبضت روحي تعلمت على شغل المعمل اكثر من ١٠ سنوات اني اشتغل بي حافظ كل ركن بي رغم الاجور قليله لان قطاع خاص بس 

اموفرلي جزء جبير من المعيشه

ابو رائد....

هسه شنو باقي اتروح

ابو حيدر ......اروح يابه شنو باقين المن

رجع قاسم ضايج مهموم

اميره...خير اشو رجعت

قاسم ....ابو منير صاحب المعمل ماخذي الامن

وسادين المعمل

.....يمه خطيه ليش

......اشمدريني شكلولج مدير الامن وادري

.....وهسه اشلون بعد ماكو شغل

قاسم ....الله موجود اذا ينسد باب ينفتح غير باب....رايح انام كعديني العصر اشوف بلكت الكالي سياره

اصعد سايق بيه

.....الله كريم

دخل رافد 

.......ها اشو جاي من وكت .....باوعتله زين القميص امكطعه الدكم مالته مخرمش وجه......يمه هاي شبيك منو امسوي هيج بيك ....ولك رافد اويامن متعارك

رافد......فد واحد شايف نفسه عليه ملخته اتملخ ونعلت اهل اهله

.......عزه العزاج اميره انت اتالي وياك يوميه متعارك وجايبلي مشكله....

رافد.....اني شعليه كل ساعه امرزلني والله شنو هو قدوة الصف خالي علينه

.....وتالي اصار مالكيت غير القدوه تتعارك ويا هسه حتى لو هو العايل يذبوهه ابراسك

.رافد....ودوني للمدير ضربني عودتين..وكال باجر ما اداوم الا ولي امرك

........اي عفيه اذا دره ابوك الا يصكطك هم تسقط وهم تتعارك ولك راح اتموتني هسه مو هذا اخوك يروح ابدربه ويجي ابدربه ليش انت

هيج فهمني......

ثاني يوم رحت ويا للمدير وعوزي بس ابوس ايده حتى يرجعه وكال 

هاي اخر مره ...الثانيه افصله تره

قاسم......

مر اسبوع يوميه اطلع اصبح ما ارجع للعصر مره اشتغلت ابكراج يومين وبطلت 

ومره اشتغلت حمال يوم واحد واشنج ظهري ما اكدر اكوم

وحتاريت بامري روحي صارت بخشمي

ادخل البيت اشوف كلشي ما عدنه مسواك واشوف اميره اجيبه منا وترهمه منا وساكته

‏

يوميه لو شوربه لو محروك اصبعه

صار زادنه

اختنكت 

طلعت اليوم واحد امواعدني بشغل بلكن ترهم

اميره..... سمعت ام مهدي اشويه مريضه كلت اروح اشوفه

.......لاكتني سهر بنته اشلونج يوم سهر وين امج

سهر ....خاله جوه فوتي

ام رائد......يا يايمه اسم الله عليج ام مهدي حبيبه شبيج مريضه

ام مهدي.......جانت مدثره ونايمه 

كعدت...هله يعيني والله جسمي امكسر مدري افلاونزه مدري شنو

بس هسه احسن اخويه فدوه اروحلو صلاح جابلي دوه

ام رائد.....يحفظه الج خيه....لعد مرته ماكو وركاء

ام مهدي....مثل الماعاجبه....راحت وداهه لاهله

ام رائد ....ها جنج ما راضيه عليه ههههه

ام مهدي......يعيني اخويه حنين عمت عيني وهيه عينه ضيكه ولا جنه عايشه ابيتي

انه احط كلشي كدامه وهيه لو اسوك اخوي تضمو بالغرفه الا هو 

يكول وين الفواكه انه المن جايبهن وضميهن ويرزل بيه وما يفيد

ام رائد .......عمت عينه تلكه مثل نفسج الطيبه

ام مهدي ......مدكليلي شسوي صلاح اخوي ماعافني من يوم ما مات المرحوم ابو مهدي ولليوم ماريدو ينقهر ويزعل

ام رائد.......اوف الله يعينج

ام مهدي......شنو ابو رائد ما يروح للشغل دوم اسمعو يزكح بالبيت

ام رائد .....والله ابو المعمل محبوس وسادين المعمل وهاي صارله اسبوعين مشلوع كلبه من شغله الشغله

وما دابره 

سهر .....خاله ابنج يكول صيحي امي يردوج

ام رائد....اي هسه اجي

وظلت ماخذته السوالف....

ام مهدي......يا يعيني هسه اكلو الصلاح بلكن يلكالو شغل تعين بالحكومه

ام رائد.....صدك ام مهدي ايصير

ويتعين

ام مهدي......ليش لا يعيني غير اخوي يشتغل بحماية الريس

ام راىد.....الله يحفظه الج حبيبه

هاي يرادله بخت ويحصل ابو رائد تعين

ماتدرين البارحه رجع يون من ظهره فركتله سوده عليه وكوه نام.... حتى حمال اشتغل شيسوي

ام مهدي .....يعيني احنه جيران شنو ما صايره...

ام رائد ...اني اترخص احبيبه ظلت عندج العافيه...

ام مهدي....مرخوصه الله وياج يعيني

قاسم ....ما صارت الشغله رجعت للبيت اعصاب اميره ماكو

انه مامتعود اشوفه تطلع للجيران

بابا رافد وين امك

رافد.....يم ام مهدي

قاسم ....امشي صيحه بسرعه

ظل اشويه وهم ما اجت

بابا شنو ما كلتله ابويه رجع....وين صارت امك

رافد...بابا كالت هسه اجي

وين يالله بينت

.....تلكيته صاير اعصاب

صار ساعه من دزيت عليج

ليش ما جيتي

....عييني ام مهدي مريضه ورحت اشوفه

....اني طالعه روحي وانتي اتخمين بالبيوت

...اتخم ....!!!!خلفله عليك

......انوب ماراضيه الخاتون اتراددني 

....شجاك قاسم اتخبلت فوك الضيم 

قاسم....... ولج اني اتخبلت وتعيريني بالضيم اليوم انعل ابوج لابو عشيرتج 

جريته جواي وكعتله تكفخ ودفرات

ما وعيت على روحي الا من صدت عيني....... جهالي يصارخون ومجلبين ابايدي

قاسم.....

طلعت للشارع العام اخذته مشي وين رايح ما ادري روحي طافره ضاقت بيه الدنيه......

اكو جامع بالطريق دخلت وكعدت مقهور اعاتب روحي

صافن على حالي طلعت حركتي باميره

هسه المسكينه اجيبه منا وترگعه منا وساكته لا تشكي لا تحجي

المن اروح هو اخ واحد وسبحان الله 

الله منطي خير وما عده غير بنيه وحده لا فديوم ذكرني لا سال عليه

واني كوم لحم ابركبتي اركض وارد ليوره ...

عبالك الدنيه امحاربتني برزقي

رفعت راسي فوك

ربي ما اتحمل مذله عسرت وضاقت فرجه عليه غرغرت الدمعه ابعيني واني ادعي

فزيت على ايد لزمت كتفي..

التفت واشوف رجل معمم يطلع نهاية الثلاثين وجه سمح وبشوش

شيخ عبد الله..... 

كوم اتوضه وصلي وذب حملك

على رب العالمين

اشرتله براسي بمعني اي وباوعتله يمشي ابوقار بتجاه الباب رجع التفت وهو مبتسم ياشرلي بيده

يله

اتعوذت من الشيطان كانت صلاة المغرب رحت اتوضيت

ورجعت شفت الشيخ متحضر للصلاه اشرلي سوالي مكان وراى

وكفت اصلي

من خلصت الصلاه كام الشيخ واجه كعد يمي

الشيخ......تقبل الله

قاسم .....منا ومنك شيخنه

......اول مره اشوفك بالجامع

.....والله ما عندي مجال اصلي

بالجامع وحتى الصلاه نوب اصلي نوب اترك اذا اكذب عليك 

ما ترهم اكذب على الله يعلم بحالي

‏ ياخذني النهار ويجيبني الليل 

اركض على العيشه وما ملحك ابركبتي عائله

.........شجنت تشتغل

.....والله سايق اصعد بسيارات العالم وطلع هلقاسمه الله

.....وهسه شنو

....والله كاعد هتشوفني الشكوى لله

.....الاسم بالخير

.....ابو رائد شيخنه

.....كوم ويايه الله جابك

‏

ابو رائد استغربت كلامه

....اللتفت ايباوع مثل اليدور على احد....وصاح

...ابو عقيل......من رخصتك اشويه

ابو عقيل........تفضل شيخنه

...سيارتك لكيتله سايق لا

.....التفتلي ابو عقيل يتفقدني من فوك المناظر ويحجي

لا والله

الشيخ......هذا ابو رائد سايق انطيهيا

ابو عقيل......تعرفه شيخنه 

......... يريد يشتغل وعنده خبره اتكل على الله ونطيهيا

وحط ايده على صدره وگال

اني اكفله

ابو رائد......تعجبت كفلني وهو ما يعرفني

ابو عقيل......من اشوكت تريد تشتغل

ابو رائد........من هسه اذا تريد

ابو عقيل.....يله امشي وياي للبيت

ابو رائد.....اللتفتت للشيخ اشكرك

الله يوفقك

شيخ عبد الله.....اتكل على الله وروح اريدك اتبيض وجهي

حجاها ويدگ على كتفي

ابو رائد.....ونعم بالله

طلعنه اني وابو عقيل البيته وستلمت السياره فرحان رغم موع اذاني ابو عقيل بتوصياته دير بالك او دير بالك عباله واحد توه صاعد سياره ....

طلعت شفت الساعه ٦ كلت اشتغل على باب الله فد ساعتين وارجع

واخذني الوكت لل١٠ اشيل كروه وانزل كروه لمن حسيت على روحي تعبت 

رجعت للبيت .....صنطه كله نايمه 

كعدت حسبت الوارد ١٤ دينار

بستهن وحطيتهن على گصتي

نعمه من الله

قسمتهن ٧الي و٧ لابو عقيل

جوعان وتعبان تذكرت اميره وين

رحت بالغرفه الثانيه لكيته نايمه ابنص الجهال وتذكرت هيه زعلانه

انقهرت اكثر

اجيته اكعده

......اميره كومي جوعان

.....روح الاكل على الطباخ .....وغطت راسه

قاسم .......كومي عندي حجي وياج

اميره......ما اكوم عوفني نايمه

قاسم.........جريت حصره هاي زعلانه واني اشلون خلكي طويل. واخاف اصيح والجهال يكعدون

دغيته اباصبعي.....

دكومين لا احرك الميتين والعدلين من اهلج

اميره......اي ...اي كايمه دروح

قاسم ........اي هيج صيري

غسلت وكعدت .....جابتلي العشه...وتعشيت.....

التفتت ساكته اميره

....بعدج زعلانه

......لا يابوي عليمن ازعل

.....ها اصنفين ولج اني شعندي غيرج ام اب اخ اخت

....تباوع بعتب

...من قهري وهمي انفجرت

بيج...هاج هاي٥ دنانير باجر اتسوكي

‏

اميره........فتحت عينه متعجبه 

منين جبتهن

......يعني منين شتغلت......الله فتحه عليه..دخذيهن...

.وتمددت..تعاي فرجيلي جسمي تعبان

اميره.....فرجتله جسمه وجرني نيمني على ايده.......باس راسي زعلانه مني حقج عليه...

......اني رجعت طالعه روحي

وادزلج رافد...تجاهلتيني

اشترديني يعني شسوي

اميره.....مو انت متدري عليمن دنحجي

التفتله..

......... عليمن...؟؟؟

..........كلتلي ام مهدي راح اتكول الصلاح اخوهه يدورلك شغل لو تعين عدهم

....فتحت عيني وين يعني عدهم 

........هاي اشبيك يعني بالوزاره يشوفلك تعين

صفنت...

.....والله اذا صدك اتعين يكون الله فتحه عليه من اوسع ابوابه

....ليش لعد ....بس كول انشاالله

...انشاالله....غمضت عيني

وغفيت من التعب

اميره.......اكعدي يمه سراب شيماء كومو للمدرسه........كوم رائد يمه وانت رافد لا تشلع كلبي

كومو بدلو وتريكو

قاسم ......كعدت ابنشاط اليوم بدلت وكعدت اتريك ويه جهالي 

هابابا كملتو يالله اوصلكم

رائد.....شنو عدك سياره

.....اي بابا....يله بناتي ابسرعه اوصلكم واطلع على باب الله

اميره.....مدت ايده كل واحد ياخذ ١٠٠ فلس يله هذا مصرفكم

سراب......يمه ماريد اني خليهن مصرف

.....لا يمه ابوج اشتغل وعدي مصرف

يله فضوهه ابوكم يدكلكم هورن

وادعوله

اخذو مصرفهم امبينه الفرحه بعيونهم ......

اماني بسيطه رغم الحاجه وتعسر الضروف بس من يشوفون ابوهم وامهم مرتاحين يفرحون......

قاسم ........

وصلت البنات للمتوسطه والولد للابتدائيه ماكانت مدارسهم بعيده عن البيت...

طلعت على باب الله ......السياره نظيفه ما عذبتني

اسبوع اشتغل واروح بليل لابو عقيل انطي الوارد

وهو يفتر على السياره ويفتشه

فد واحد قنقينه بس شسوي يكلك اشجابرك على المر......

اليوم مثل كل يوم كعدنه الصبح 

وصعدو ولدي بالسياره اوصلهم

اجيت اشغل ...ماتشتغل السياره

مره مرتين .....ماكو تالي نزلو رائد ورافد والبنات يدفعوني حتي اشغله

تعبو....كلبي يحترك واني اشوفهم فحطو علما اشتغلت

وتوسخت ملابسه واديهم

صعدو وصلتهم المدارسهم واني 

اتكلت على باب الله

للعصر طبكت السياره يم سوك وسوكت كلشي 

..لفت انتباهي قماش ...حلو وفصل لاميره والبنات كل وحده قطعه

رجعت المغرب طبيت البيت

..رائد رافد .....تعالو بابا اخذو من ايدي

اجوي الولد يشيلون بالمسواك 

جنت جايب خس كل راس اشكبره

......بابا سراب الخس عوفي يم الحنفيه مال حديقه وجيبيلي الطشت اني اغسله

سراب .......يابه انت تعبان

لا بابا هذا مال قناة وسخ اني اغسله

اجتي شيماء........شوفي يمه ابويه جابلنه قماش وشهد تركض لازمه قطعه...

.اني هذا الاحمر اريده ماما عفيه...

رافد...... كيفن شايلات القماش ما شايفان

شيماء ...شعليك انت منو حاجي وياك

رافد...امشي ولي لا افلشج والله

شهد.....الا اكول لابويه عنده حمامه بالسطح

رافد....فك عينه دكولي وشوفي

الا اذبحج وشكك هذا القماش الجابه الج وفرحانه بي

شهد....طلعت اللسانه باشاره اتعيب عليه

اميره يمه ذبي من ايدج ابوج تعبان خلي انحضر العشه

دخل قاسم بيده الطشت وغاسل الخس كله ....تلكته شهد 

بابا حبيبي اجه وجابلنه كلشي وكلاشي

........ضحك وكرصه من خدهه

ادعو للحمال مالتكم الله يطول ابعمره ويجيبلكم

سراب........العفو يابه شنو حمال انت اغله شي عدنه

........ضحك من كلبه ....لعد كذب الله يخليني وشيل ونطيكم

سراب.......دمعت عيني اشكد حنين ابويه اشكد ايحبنه وفرحان من يشتغل

يجيبنه حتى لو تعبان

قاسم.......

يوم عن يوم السياره بدت تتعب و تخربط

انشلع كلبي يوميه دفعه 

...........ابو عقيل يابه السياره يرادله باتري

..........شنو لعد باتريه وين

.......يابه الباتري خلصان واني يوميه ما تمشي الا بدفعه

.......اني كلشي ما اخسر مثل ما انطيتكياهه شغاله انت تصرف عليه

.........هسه موزين حتى البانزين عليه

انوب التصليح اشلوم رهمته يا ابو عقيل

........مثل ما كلتلك ما اصرف فلس احمر مني

........يدري بيه محتاج ويلوي ذراعي 

واحد كرميده ما يطلع منه الدرهم

عفته ومشيت اظل اطكطك بيه علما الله يفرجه

رجعت للبيت ...لاكاني صلاح 

السلام عليكم

.....عليكم السلام والرحمه اشلونك يابه

........بخير همزين شفتك ابو رائد

.........خير أأمرني

.........ما يأمر عليك ظالم...يابه انت رايد تعين

.......والله الله وايدك اشلون ما ريد

.........لعد دزلي الشهاده والجنسيه

خل اقدملك على سايق بالوزاره........

....والله ياريت سويلي فضل...

.....ماكو كل فضل عالم ما اعرفه دا امشيها انته اولى جارنه وتستاهل

دخلت للبيت جبتهمن ونطيتها متامل خير

مرت الايام....شويه الناس بدت تنتعش انفتحت تعينات بدت حمله اعمار واضحه بالمدن .....

بس كل هذا ما دام صحينه ابيوم 

على اخبار الحرب الجيش كله على الحدود والاخبار والاناشيد الوطنيه ابكل مكان وبدت تنسحب المواليد وحده تلو الاخرى

وصوت الطيارات الحربيه وهيه اتجوب سمائنه

واحنه ما نعرف العراقيه من الايرانيه

الناس مخبوصه وخايفه وبدت الازمات 

يوم الغاز ينفقد يوم الاسعار تصعد ....

خفنه هوايه على ابويه واحنه ما عدنه غير الله وهو اشلون اذا سحبو مواليده وراح للحرب .....بس الحمد لله ما وصلو المواليده لان جبير

يوم الجمعه عدنه مقدس ابويه ما يطلع من البيت ولا يشتغل

واحلى شي من نلتم احنه وابويه ويانه

على الصينيه

سوتلنه امي مطبك سمج وابويه

كعد شهد بحظنه ويوكله

رغم كان اغلب وقته يقضيه بره

يشتغل حتى يأمن معيشتنه بس 

كان يحرص بكل كعده تجمعنه ان يعلمنه شي وينصحنه

شهد...بابا اكلك سر

.....ابتسم وهو يباوعله هاي حبيبته المدلله شهوده

......كولي بابا شنو السر

التفتت اتباوع على رافد......بابا رافد عنده حمامه بالسطح سواله بيت

.....اييييي

.......وكالي اذا كلتي البابا اكتلج

هذا سر

......ضحك قاسم من كلبه وبوس شهد....اذا سر ليش حجيتي لعد

.....بابا بس الك اكلك اني

.......هااااااا

بابا اعلمج شي اذا سر ميصير اتكولي لان هو سر ضمي ابطنج لا تكولي

اما اذا كلتي يعني فتنتي....والله يكول بالقرأن الفتنه اشد من القتل. حرام بعد لا تكولين

......اي ما اكول من يجيب حمام

........ابتسم على برائته وحول نظرته على رافد يخزر بي

.....الحمد لله الله يديمه ويزيده

وراح غسل ايده وفات للغرفه يرتاح

اميره صيحيلي رافد اريد احاجي.....

            الفصل الثاني من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال