رواية الهيصم خطوط سوداء (كاملة جميع الفصول) بقلم بنين احمد

رواية الهيصم خطوط سوداء الفصل الأول 

ما أصعب أن تبكي بلا دموع وما أصعب، أن تذهب بلا رجوعوما أصعب، أن تشعر بالضيق وكأن المكان من حولك يضيق5

ما أصعب أن تبكي بلا دموع

وما أصعب،

أن تذهب بلا رجوع

وما أصعب،

أن تشعر بالضيق

وكأن المكان من حولك يضيق

ما أصعب،

أن تتكلم بلا صوت

أن تحيا كي تنتظر الموت

ما أصعب،

أن تشعر بالسأم فترى

كل من حولك عدم

ويسودك إحساس الندم على إثم لا تعرفه

وذنب لم تقترفه

ما أصعب،

أن تشعر بالحزن العميق

وكأنه كامن في داخلك

ألم عريق تستكمل وحدك الطريق

بلا هدف بلا شريك بلا رفيق

وتصير أنت والحزن والندم

فريق وتجد وجهك بين الدموع غريق

ويتحول الأمل الباقي إلى بريق

ما أصعب،

أن تعيش داخل نفسك وحيد

بلا صديق بلا رفيق بلا أهل

تشعر أن الفرح بعيد تعاني من جرح..

لا يطيب جرح عمي،

جرح عنيد جرح لا يداويه طبيب

ما أصعب،

أن ترى النور ظلام

ما أصعب،

أن ترى السعيدة

أوهام وأنت في غربتك وحيد

-

-

في قصتنه الحقيقيه هاذا...

نُشاهد الانسان الذي صدمتهُ الدنيا في والدتهِ

ولاكن في هاذا الامر سنكون مُختلفين

حين ما تگون الأم -

. عذاب

. طُغيان مُستمر

. حرام 

نُشاهد هاذا الخلافات لده الاولاد

- نتعمق في كلمات هاذه الروايا ونعرف ما قد تعني

والى ماذا تذهب بنا لأي عالم؟

-

بأسم الله الرحمان الرحيم .    

{وَقُلُـوبُهُـٌم شَـتَّـى}

صدق الله العلي العظيم .

-

- الْإرادةُ

- أن تَقِفَ وجهًا لوجهٍ فـِي تحـدي الضٌّروف، الواقِع، الضعْف، اليـأس، من يمتلك الأرادة يصنه من أضعَفِ قُدرةٍ لديه، مَهَارةٍ، قوةً، جبَّـارة، تمكنه من التـَواصُل

الإرادةٍ والعزيمَةُ هُما الأمَلُ في الغَـدِ، والعَمَلُ فـِي الحاضِـرِ، التقديرُ لمَا كَانَ فـِي المَاضـِي..

المَاضـِي، أن ينتهِـي بِـه ألأمِـر الى المـوت تحت حَر الشمـس وتعبِ الحَـفُر، 

نبدأ قصتنه....

2023/9/12

[ المشهد ١ ]

- رجـعت مـن المـدرسه تعباטּـه حيـل وجوعـانه چـنت اول أبتـدائي وأטּـي أمشـي الجو حـاره شفت صديق أخـويه يمشي گدامي رحت بتجها سألته على اخوي وكال مامداوم اليوم

انصعقت يعني هسه هوه بالبيت أشكال الافگار أجت بالي رحت اركض للبيت اريد اوصل بس لا سوتله شي او صار بي شي اريد بس اوصل للبيت ماكو احس الطريق صار بُعد قارات متت خوف عليه

اركض وصيح ياعلي ياعلي دخيلج يالزهره يالله يامحمد ياعلي وصلت للبيت دخلت وياريتني ما دخلت اسمع بس صوت الضرب اصياح أمي على اخويه اسمع

صوت اخواتي يصرخن دخلت للطرمه وأمي لازمه الصونده اليابسه وتحجي وتاخذ نفس سريع فحطانه واخوي مَكوم بلكاع وضهره واضح عليه خطوط حُمر

من الضرب

أمي تحجي بعصبيه

- كومممممم روح اشتغل اريد فلوس يلله منين اعيشكم منين اجيب الكم سمَ وزقنبوت كوممم اشتغل واريد بليوم 300 الاف غير هيج ماكو نومه بلبيت ولا اكو اكل ولا حتى ملابس يلله وهسه كوم اطلع وشتغل ما اشوف وجهك افتهمت

اخوي مايتحرك بس يتنفس شوي وصحه على نفسه وكام بتعب ماحجه ولاكلمه مشه بلگوه حاجيته مايرد

ولاحتى باوع بُجهي ومن هاذا اليوم بدت قصته وشخصيته الغريبه تنَبني ويا عمره....

[ المشهد ٢ ]

- شنو تعرفين منو كتل أبوي شنو عندج وصيت أبوي؟

:- اي يوليد ثابت، أياد حميد جتاله ثابت ياا أبن سميره

انصعقت جمدن أفكاري وهيه مستمره بكلامهه

:- اي لاتعاينلي هجي جتله على مود الفلوس أياد جان يطلب ثابت 45 مليون جان ثابت جان دأئما يطلب فلوس من أياد

ومن وصل المبلغ 45 مليون طالب أياد بفلوسه وثابت كاله انا ماعندي فلوس مانطيك شي

وأياد جتله وأخذ الفلوس غصب عن ثابت وجبل يعرف بكل هاذا الحجي وهوه الضمه سالفه أياد جتل ثابت

وحطاها بضهر شغله وكال استشهد والوصيه عندي

أنا كاعد اباوع على شيخ جبل احس الدنيا تفتر بيه ماتحملت كميت كلامهه أياد الجان يموت عليه ويسميني أبنه طلع گتال أبوي؟ .....

~~~~~~~~~~~~;

#الـهيصَم_خطوط_سوداءبارت_الاول

القصه غامضه مؤثرا

البدايه حزينه بس النهايه اللَّه اعلم......

رايكم بالمقدمه؟...

يكول عࢪيان السيد خلف::-

لاغرنا المدح بشفاف المحبين

ولا همني بشماته شما حجو عني

يلتمن عليه مشتتات البال

وانفضهن نفض وانهض ولاجني🤎.

لا تنسون التصويت بنجمه،

والتعليق بين الفقرات،

ونشر القصه،

-----------------

- جنت نايمه بين الوعي ولاوعي .. اسمع اختي تبجي بسكته ماهتميت .. لأن عبالي جنت احلم شوي شوي بده يعله صوت بجيها بديت افتح عيوني بطىء فتحتهن وشفتها تبجي ...

- شبيج يمعوده من الصبح تعوين

حجت بطفوله وحنان

:- لج اخوج ما ماكل اكل من البارحه أمج حرمتهَ من الاكل

كعدت على حيلي ممصدكه

:- زين ماوديتيله اكل على الاقل من نامت أمي

:- وين قافله الثلاجه

كمت اركض للثلاجه صُدك مقفوله رحت لغرفت أمي فتحت الباب على كيف بس الوقفني صوتها وهيه تحجي بمياعه بس ويامن ماعرف

:- ايي شبيك هههههههه بس كافي يعني انته متشبع صدُك .. حتى أني احبك... أروحلك فدوه اني حبيبيي يروحي تمام تمام حنتضرك بليل ماشي

- ضليت واكفه لحد ما سدت التليفون وكامت تضحك بهستيريه ما تفاجئت ولا أنصدمت لأن اكثر من مره سامعتها هيج تحجي بس ما جنت اعرف اي شي مُجرد جان عمري سبع سنوات

سديت الباب ورحت للمطبخ فتحت الفرن مال طباخ ولكيت بي خبز طلعتها وحميتها وحميت الچاي وطلعت الزاد من الغده البارحه نواشف صبيت بماعون وديته

للمخزن يلي هيه غرفت اخوي صايره شلون السرداب جوه الكاع يخوف واضلم حتى مابي ضوه بي بس شباك اصغير

فتت للمخزن لكيته صافن بلفراغ انكسر گلبي عليه همهمت ودخلت هوه حتى ماباوعلي ماعُرف ليش ما يخلي عيونه عليه

حجيت بحَراج

:- يعني اختك داخله عليك هلي بيها رحُب عاد مو هيج حتى متحاجيني

:- لارد

:- خايب شبيك؟

وأخيراً حجه بس حجه بتعب وبفحيح

:- تعبان حيييييييل .....

:- تعبر فتره وتعبر لا تضل بداخلك عيش اليوم بيومه

وتوكل على اللَّه

هز راسه وغلط فتحت عيوني على وسعهن وحجيت بضوجه

:- هاي شبيك

:- مابيه أمشي طلعي برا

:- هاك هاذا اكل

مارد عليه عفته وطلعت معقول هاي اول مره يغلط هيج كدامي سترك ربي من المضموم

صعدت فوك ولكيت أمي بصاله من شافتني كامت على حيلها تبوس بيه وتصيح

:- ياااهلا ببنيتي الحلوه تاليا توتو حبيبت أمهاا

تاليا:- هلا بيج ماماتي جوعانه

- خسه الجوع تعاي وراي للمطبخ

طبيت وياها واني اضحكك

ردت عليه وهيه تضحك على ضحكتي

:- شبيج ولج شهل ضحك

تاليا:- لأن احبج هواييييي

:- هههه يروحي واني هم احبج

1

تاليا:- مامه اسئلج سؤال ليش انتي متحبين اخويه مثل ما تحبيني اني واخواني؟

:- اوففف راح اخذج على كد عقلج واجاوبج لأن بساطه يشبه ابوجج العار الله لا يرحمه برحمته

شيطان والى اگلب اخوج شيطان بس صبر

- خفت من حجيها ضليت ساكته ماحجيت سوتلي اكل وكعدنه ناكُل كلنه وهيه راحت على جهت المخزن واخذت بيدها الجفجير واخذت الخيزرانه وخلتها بصونده يابسه جانت بسطح

 - عفت الاكل ورحت وراها اركُض هيه دخلت للمخزن وسدت الباب ركضت على الشباك واباوع عليهم اخوي جان كاعد على الكاع ومنزل راسه وأمي واكفه وحاطه يدها على خصرها واكفه صفح ودك برجلها على الكاع جانت لابسه برموده حيلل ضيكه عليها والفانيله جانت لابستها مبينه كُل جسمها

بعد صمت واخيراً حجت أمي

:- هاا ابن ثابت أشو كاعد ومرتاحح

:- ليش عندج مانع

:- هههه صاير زلمه وترد عليه هاا

ضربته بجفجيرر حيل على أيده الجان حاطها على راسه من قوة الضربه طلع دم من اصابعه هوه ولا جنه حاولت اكتم صرخاتي ويا كل ضربه تضربها الاخوي وهوه صابر لأن يحبها من هوه وصغير متعلق بيها بس هيه تكرها

حجت أمي بستهزاء

:- هاا تتحمل يا روح ابوك لو لا .......

:- يجي يوم وتتندمين

:-هههههههههههههههه ما اسمع

ما رد عليها هيه تخبلت جرت الخيزرانه هيه ولصونده وضربته على بطنه صار وجها ازرك من الالم كامت تضرب بي بعشوائيه اجت ضربه بركبته صرخ متألم بس ما بجه

أمي متعوفه الى يبجي ياله

ضلت مستمره على هاذا الوضع ساعه اقسم بالله العلي العضيم ساعه كامله تضرب بي ولاجنها راح يموت جوه أيدها واخيراً ابتعدت عنه وهيه تمسح بعرق جبينها وتحجي بتعب

:- شكد اكرهك يااعار على ابوك .. القذر حتى انتَ مو زلمه .. الكل يكرهك انشوف منو ترضه تتزوج واحد قليل شخصيه وقليل .. رجوله هااا ههههههههههههه مصيرلك جاره ابوك منو حتى انته تطلع الامبراطور

مارد عليها هيه عافته وطلعت من المخزن .. ركضت للمخزن قبل لا اوصل شفت أمي طلعت للطرمه فتحت الباب ودخل .. واحد ضخم يخوف وجها مو راحه ...

أمي من شافته ضلت تسوي حركات غريبه .. وهوه ضل يتلمس بجسمها بطريقه قذره .. وهيه تضحك طلعت هيه وياا ماهتميت .. الها وصلت للمخزن شفته بعده على وضعيته .. 

رحت جبت الاسعافات الاوليه .. وأجيت ردت اضمد جروحه شفت الباب .. مسدود فتحته مينفتح هوه قافله على نفسه .. ماحبيت اضغط عليه ...

عفته براحتى ورحت اقرا لليل يلله .. أمي اجت فرحت من اجت بس .. استغربت من فات وراها نفس الرجال الطلعت .. وياا مساع هلت ورحبت بي ودخلته دكله هلا بزوجي وهلا بزوجي 

على اثر صوتها طلع اخوي جمد بمكانه من شاف هاذا الرجال يبوس بأمي گدامنه فاتح عيونه على وسعهن

أمي كعدت تعرف الرجال علينه

:- ههههههه اول شي هاذا ابني ذيب اكبر واحد بجهالي بس باعع ترا ابني بس بالاسم ههههههههه ماحبه اكرهااا ههههههههه .......

حجه الرجال بطريقه غريبه

:- هوه التكرهي انا هم اكرها واحقد عليه !.

حجت أمي وهيه تأيده الحجي

:- براحتك شسوي سوي ههههههههه يروحي وهاي بتي تاليا الحلوه مال أمها وهاي حبيبت گلب أمها مروه وهاي المدلله مالتي ههههِ

:- اي اشوفها ليش ما اشوفها

:- هههههه وهاي واخر العنقود كايلا

جانت كايلا تلعب بالعابه اخوي ليهسه محاجي ولا كلمه بس أمي تحجي

:- وهسه اعرفكم على زوج أمكم وهوه ابوكم الثاني

حسام حبيب امكم ههههه مو هيج كلبي

+

حسام:- هيج هيج اكول سميره وين غرفه النوم

سميره:- ههههههههههه متبطل اسوالفك مو عيب كدام بناتي

حسام شاور أمي بأذنها .. وأمي فكت عيونها مصدومه وهزت راسها موافقه .. على الكلام الكاله الها بس شنو هوه مانعرف وياريتنه ماعرفنه واكيد الوكع بيها ذيب ....

              الفصل الثاني من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال