رواية عشقت الفارس الفصل الاول بقلم الكاتبة اية
في الساعه السابعه صباحا المنبه بيرن
الام قومي يابنتي المنبه عمال يرن كل الي في البيت ده صحي وانتي لا
ملك لسه بدري يا ماما سيبيني انام شويه
الام بدري ايه يا بنتي الساعه بقت سابعه يلا عشان تلحقي مدرستك
قامت رنا مسرعه
قلتي الساعه كام يا ماما
الام الساعه بقت 7:00 يلا قومي لحد ما احضر لك فطار
احب اعرفكم بنفسي انا ملك 25 سنه مدرسه لغه عربيه طويله وجسمي نحيف وشعر كيرلي وبحب الغناء والمزيكا جدا وبشرتي بيضاء وعيوني خضراء زي ما تقولوا كده اجنبيه
ملك انا ماشيه يا ماما هتعوزي حاجه
الام استني افطري الاول هتمشي من غير فطار
معلش يا ماما مش هقدر خلاص يا دوبك الحصه الاولى هتبدا
الام طب ادخلي صبحي على ابوكي عشان ما يزعلش
ملك بس كده عيوني طبعا
دخلت ملك صبحت على باباها
ملك صباح الفل يا باشمهندس
الاب صباح النور يا حبيبه قلب بابا خلاص راحه الشغل
ملك اه يا بابا يا دوبك الحق الحصه الاولى هتعوز مني اي حاجه
الاب لا يا حبيبتي عايز سلامتك خلي بالك من نفسك بعد المدرسه وراكي اي
ملك انت عارف يا بابا ورايا كام درس خصوصي وبعدين هطلع علي السنتر وهرجع البيت على الساعه 8:00 بالليل
الاب طب لو اتاخرتي يا حبيبتي رني عليا وانا هاجي اخدك ملك تسلملي ربنا يخليك ليا يلا سلام
الاب سلام
وصلت ملك المدرسه مسرعا ودخلت على الفصل شرحت اول حصتين واتجهت الى المكتبه وهناك قبلت صاحبتها نور
ملك تصدقي انتي مدرسه مش نافعه لسه جايه المدرسه ده انا خلصت اول حصتين
نور ابعدي عني هلاقيها منك ولا من ماما في البيت
ملك حصل ايه تاني
نور ماما جيبالي عريس ومصممه اني اقعد معاه
ملك بجد طب مبروك
نور ما تخلينيش اتعصب عليكي انتي عارفه لو رامي عرف هيعمل فيا اي
ملك سيبك من رامي اللي واكل دماغك ده مش بتاع جواز تقدري تقوليلي ايه اللي مخليه لحد دلوقتي مش قادر يطلب ايدك ظروفه الماديه وكويسه وعنده شقته ومدرس محترم مستني ايه تاني
نور انا مش عارفه اي اللي في دماغه بس انا حقيقي بحبه ومش عارفه اعمل اي من غيره
ملك اسيبك بقى مع وصله الحب اللي انتي فيها دي عشان انا رايحه الشقه هتعوزي حاجه
نور انتي عارفه لو باباكي عرف مشوار الشقه اللي انتي بتروحيها ده هيعمل فيكي اي
ملك ومين اللي هيقوله يا فالحه
نور مسيره في يوم هيعرف بطلي مروحك هناك
ملك انا مقدرش انا روحي متعلقه هناك يلا هتعوزي حاجه
ملك وهي في طرقه المدرسه ومتجه الباب الخروج قابلها رامي
ملك استاذ رامي ازيك انت لسه جاي ولا ايه
رامي اه عندي حصصي في اخر اليوم قلت ملوش لزوم اجي بدري انتي مروحه ولا اي
ملك اه انا خلصت الحصص بتاعتي وراحه كم درس كده هتعوز مني حاجه
رامي تحبي اوصلك
ملك لا لا ملوش لزوم انا هروح لوحدي
رامي خلي بالك من نفسك
ملك مستغربه من نظراته لانه دي مش اول مره يبصلها بالطريقه دي
ملك حاضر هخلي بالي من نفسي يلا سلام
رامي استاذه ملك
ملك نعم
رامي ممكن نتكلم شويه في التليفون بالليل عايز حضرتك في موضوع مهم
ملك خير
رامي مينفعش هنا ممكن نتكلم في التليفون واقولك عليه
ملك تمام ماشي يلا سلام
رامي سلام
ابو ملك اتجه الى شغله وبدا في اداء عمله كمهندس زراعي لحد ما وصلتله رساله من رقم مجهول بدا يقرا الرساله وكانت عباره عن
بنتك مستغفلاك وبتروح شقق مشبوها للرجاله ولو مش مصدق روح العنوان ده وهتلاقيها موجوده هناك
الاب قفل الرساله وبدا يرن على الرقم ده بس ما كانش في حد بيرد كان الرقم مقفول
ملك وصلت لحد باب الشقه وكان قلبها مقبوض اول مره تخاف بالشكل ده طلعت المفتاح وفتحت الباب واول ما دخلت اتضربت بالقلم على وشها مسكت وشها وفضلت تدمع
الا مكنش قادر يمسك اعصابه لحد ما ركب عربيته واتجه الى العنوان اللي موجود فيه الورقه وسال البواب هل في اطفال في العماره البواب خير اؤمرني الاب يعني في عائلات في العماره البواب لا ما فيش عائلات كلهم عمارات سكن للشباب الجامعي
الاب مسك قلبه وكان بيوهم نفسه انها جايه هنا تدي درس لطفل بس الحقيقه غير كده خالص اتجه الى الباب وبدا يخبط على الباب لحد ما الباب اتفتح وملك الي فتحت الباب
،،،،،،
يتري اي الي هيحصل مع ملك
........