رواية الرثاء الفصل الأول
- الأعلان -
فَي أَحَدَ تَلَكَ أَلَحَّظَات أدَرَگـتْ أَنِ
قَـد فَقَدتَ تَلَـكَ أَلَفَرصَه عَنَدَمِآ رَأيَتُ
يدَاي تَمَلِئُهـا أَلـدمَـاء
عَيَنِي قَـد تَگونْ أعُمِتْ مَـنَّ بُگائِهَا
أَنا لَسَـت عَلىٰ مَا يُرَآم أمُي أنا قَـد
فَقَدتَ تَلَكَ أَلفَرصَه أَنا مَنْ فَعَـل ذاَلِكَ
قَيدوَنَي وَقَد رَبطَوهـا بَعُنقَ أَلحَبل
وَگأن أَلرَبَطَ عُشِقت عُنقُها گمَا أنا
فعَلَتُ
حَاطَونَي بكُلَّ أَلجَهَاتِ قَد نَحَرِوَا
فَؤآدَي ، أنا اُريَد ألمَوت هَذا أسَهل لـي
لِماذا فَقَط أنا أَلتي نَجيَتُ؟
تُحَاُطَني ذَگرَيَات أَلمـاَضَي
لَـگي نَواجَهه فَي حَياَتَنا
كُل مَاهَو گآنَ فَي خَيَالَنَا وَفَي مَوقَف
نَقَولَّ مَاِذا حَصلَ؟
وَقَف أمَام أول لقاءً لَهَم وَنَطقَ
" هَل نَلتَقي مَره أخُرىٰ "؟؟
بَقَلمي ..... مَلك المدني
- المشاهد -
في احد الازقه يجود تحت تلك الاسقف كُل الحنين والحُب لـنسمع زقزقة الطيور ضوء الشمس ساطع وقد يحترق كُل من خرج الى الخارج
وضع يدهُ على حافة النافذه يَبتسم بتلك الشفتان الرقيقتان التي قد تصبح معدومه من صغرها
يناظر كُل شخص قد مر من هُنا ، تلك العيون التي تلمع بضوء الشمس العيون البُنيه تلك التي تشبهه القهوه ، تَنفس بعُمق ليصل الى مسامعه صوت " العزيزه "
::خالدد خالدد
ابتسم وادخل يداهه لتراقب نظراتهه الارض وهوه يخطوا نحو الاسفل ، ابتسم عندما وجدها تقف امامهُ لتمد يدها وهوه يُقبل اناملها وهو ينطق
::صبحج الخير يالعافيه
::اروح فدوهه لطولك روح جيب صَمون
::تأمرين
أبتسم وهوه يخطي الى الخارج انتعل حُذاهه ونطق بكلمات مُعتاده
::رايح اني يممه
::يحرسك الله يممه
يسير بذلك الشارع الذي يخفق قلبهُ كُلما رأى تلك الجميله التي سحرته وهو يناظر باب الدار الذي تسكّنهُ عزيزة قلبه.
اخذ ما يحتاج وبطريقه للمنزل أتت دوريات الشرطه وهي تدور حول المنازل ليجفل من مسكت يد احدهم ونطق الجندي
::وينن بيتك.؟
::هناكك...
- مشهد ثاني -
عيني تتمركز على ذالك الفراغ الذي يوجد في زاوية الغرفة ، رفعت عيني عندما وقف امامي ورمى تلك الوراقه على الطاوله
أدرت رأسي عليه ونطقت
::هاي شنو؟
::اجه امر نقبض عليها
سحبت الورقه وانا اقرء مايحتويها وهوه " القاء القبض على
س م ح " رفعت انظاري مره اخرى سحبت مُمتلكاتي وذهبنا
وهم " ضابط وأثنين مُنتسبين "
أرتجلنا في السياره وانطلقنا الى المكان ، وقفت السياره وترجلت من السياره ادور في انظار على البنايه الجامعيه وقف امامي وذهبنا ثلاثتنا جميعاً ، فتحت الباب وترجلت الى الداخل وقفت امام العميد رفعت الورقه.
هز في رأسه ونهض من كُرسيه رحل امامنا ونحن خلفه ، وصلنا امام القاعه فتح الباب ونطق
::^^ تعاي
اهتزت عيناي عندما أتت امامنا وهي تهتز وقفت وسحبت يدها رحلنا الى السياره ترجلنا ، وقفنا امام المركز نزلنا ، اخذها الضابط المسؤل عن المسجونين ذهبت للغرفة وجلست على الكُرسي.
وقف امامي الجُندي وهو ينطق
::راح يبدي التحقيق
أومت برأسي ونهضت من مجلسي تحركت بأتجاهه الغرفة ، وصلت فتحت الباب ودخلت ، ذهبت عيني عليها البسوها رداء للصواعق اغمضت عيني من التعب.
اصوات ادوات التعذيب طقطقت الاصابع صوت صراخها قد امتلئ اذني ، فوهها لا ينطق فقط كلمات التوسلل نطق الجندي
بصوت مرتفع
::احجييي انتوا كم شخص احجييي
::والله ما ادري والله ما ادريي معليه اني الله يخليك اني معليه
رفعت رأسي الى السقف سمعت صوت صُراخها الذي اعتلى عندما ربطها على المروحه السقفيه اصبحت مُعلقه من ارجلها
::ليش ما ياخذون استراحه
::كالوا ميطول التحقيق يخلص بسرعه
::صالهم هواي بالتحقيق
عم السكُت في المكان ولم نسمع فقط اصوات الاسلاك الكهرباء التي تصقع اطرافها ، مرة مُده من التعذيب وهيَ لم تنطق اي كلمه عندما اصبحت ساكنه لم تتحرك اصبح الهدوء سيد المكان نستمع الى اصوات قلبنا التي لم ترتفع بسبب تعودنا على هذه المناظر.
انزلوها على الارض ورفعُها واخذوها الى المشفى وتم استلامها للطب العدلي خرج التحليل الچثه وهيَ باكر وبعد انتهائنا خرجنا وذهب كُل منا الى بيته ، وصلت للبيت وقلعت الحذاء ودخلت للمنزل استقبلنتي أمي وهيَ مُبتسمه
::ياهلله بنور عيوني
::ينور البيت بوجودج يمه
::تريد اكل أسوي الك؟
::ايي والله
ابتسمت وسحبت يدها قبلت أناملها وذهبت للغرفه ، رميت ملابسي على السرير وسحبت الوساده وانا اناظر السقف أتت الى بالي جميلتي وقد اتى صوت امي وهي تناديني ترجلت من السرير وذهبت الى المطبخ.
فتحت عيني على صوت الساعة وهي تشير الى 7 صباحاً
لبست ثيابي ونزلت الى الاسفل انتعلت حذائي وذهبت الى العمل
جَلست على الكُرسي دخل علي القائد وهو ينطق
::منو جان موجود بالتحقيقق البارحهه
رفعنا أيدينا وقد تعالت صوت الانفاس ونبضات القلوب وهو
ينطق بتلك الكلمات التي قد بدت وكانها نهايتنا
::اجهه تقرير من الطب العدلي...
............................
اتمنى عجبكم الاعلان والمشاهد هذه شي قليل من الي راح يصير يعني " نقطه بحر "
القصه تاخذنه لعالم ثاني وهيه تبين النه عالم الـ ثمانينات والتسعينات قصة تاخذ الگلب والانفاس
اتمنى اطي استحقاقها بالسرد والمواضيع المُهمه
القصه راح اطرق بيها من كُل الجوانب واتمنى تنال اعجابكم
#بارت١
< الرثاء >
<ملك المدني>
إذا شِئتَ أن تلقىٰ المحَاسِنَ كُلّهَا
فَفِي وجهِ مَن تَهوى جَمِيعُ المحاسنِ .
لاتنسون التصويت والتعليق على كل الفقرات
قراءة مُمتعه انساتي🤏🏻🦋
﷽
..................
فَتحت عيوني من ضوء الشمس الساطع سحبت الغطىٰ وكمت من السرير كعدت عدل وعيوني على النافذه ابتسمت بخفه مَن زقزقة الطيور
كمت وسحبت الغطىٰ اعدل بالسرير سمعت صوتها وهيه تندهني حتى انزل اتريك ، عيوني تتماشىٰ على الارض واني انزل من الدور الثاني ليجوه
شفتها واكفه ورا الطباخ وهيه تريد تحط البيض بالصحن
خالد::صبحج الله بالخير يمه
انسام::هله يرويحتي ويصبحك بخير هم يمه
ابتسمت ورحت بستها من خدها درت وجهي من فات ابويه وصبحت عليه اردفت امي وهيه تصب الچاي
انسام::خالد دير بالك على دراستك يمه تره هذه الزمن مايتأمن بلا دراسه
خالد::ان شاءالله ، بس شنو رأيج اصير من العسكر
كلتها بضحك وهيه ضربتني على چتفي وتحجي عليه
انسام::يمه خالد ماكو مزح بهيج سالفه واذا سويتها اعتبر لا اني امك ولا انتَ ابني
خالد::انتِ الحبيبه شون يطيني كلبي هيج اسوي بعدين اني رايد جامعه
علوان::خالد بويه كوم روح لدوامك ولاتكثر حجي
خالد::امرك سيدي
دكيت تحيه ورحت البس حذائي ابتسمت الها وصحت بأعله صوتي::انه رايح يوم
انسام::يحرسك الله يوم
فتحت الباب وطلعت وأغلقتها بأحكام ، اتمشى بالشوارع ودخلت للشارع الي يصير قريب على المدرسه شارع البيوت الي بس اشوفها بالحلم ابتسمت على أحد البيوت الي الغرفه الساكنه بيها تعود لشخص عزيز عليه.
انتفح الباب وطلعت من البيت اغلقت الباب وراها البيت الي الكل يحلم يدخل اله واني حبيت بت التاجر الچبير " فيروز " راحت تتشمى واني وراها طلعت على الشارع العام وكفت تنتظر تكسي وكفت بعيد عنها أجرت تكسي وصعدت ، أجه وكف يمي صاحب الجرايد مد أيدها بيها جريده
::تريد جريده
خالد::مشكور
راح واني اتمشيت للمدرسه فتت وكفت بالاصطفاف صفنت على حجي المدير من الصبح يرزل علمود الولد الي يسون مشاكل وكف الكل عدل بدون نفس من دخل مدير قسم الامن القومي
-من اليوم راح يجي شخص وتسجولن بكلية العسكر اي شخص يريد يسجل راح يصير من ضمن السعكر مفهوم
الكل صاح نعم ، فتحنه للصف وكل شخص جلس برحلته اخذنه اول درس ومشه اليوم لحد ساعه ب11 اجوي النه العساكر
::منو يريد يسجل
رفعوا كم شخص ايدهم ومن ضمن هذولي اني ، سجل الاسماء وراح خلص الدوام ورجعت للبيت فتت ورحت لامي
-يوم سجلت بدوره العسكريه
دارت وجهها وبين بيه طور الصدمه
انسام::شنووو لاا تخبلت خالد اني شكلت الكك
خالد::يمه ادري بس كالوا مو وياهم احنه نصير عساكر
انسام::حتى لو يمه اني گلبي يرفرف عليك شون هيج تخليني وتروح
خالد::قابل بس اني عدج يمه عدج رحيق وعدج ابراهيم
رحيق::خاله عوفي خلي يروح يسجل
انسام::روح يمه سجل بس لا تكطع وهاا تره تكمل سادس وتروح
ابتسمت وهزيت راسي ، كمت من على الگرسي ورحت للغرفه طلعت الكتب وكعدت ادرس ، مر الوقت بين الدراسه والاكل والصلاة والطلعه ويا " صقر ".
صار وقت الامتحانات وأجه وياهه التوتر ، كعدت ب4 ونص على صلاة الفجر فرشت سچادتي وحطيت المسبحه والتربه
خلصت صلاة وكمت فتحت الشباچ حتى يفوت شوي هوه شفت حجي يتمشى وشايل وياهه گونيه مال طحين
أتنهدت وسديت الشباچ سحبت الگرسي وكعدت اقره للأمتحان
صارت ساعه ب7 اخذت احتياجاتي وطلعت من الغرفه شفتها كاعده على السجاده وتصلي ، نزلت نفسي لمستواها وبست راسها ::الله يحفضج يالحنينه
انسام::ويحفضك هم وربي يوفقك بجاهه أمير ألمؤمنين
سحبت ايدها وبستها وطلعت من البيت متوجهه للأمتحان ، وصلت ودخلت للقاعه بعد ما فتشونه ، امتحنت وجانت الأسئله صعبه بس عديتها وراحت ، خلصت ايام الأمتحان بصعوبه بس الحمدالله اجتازيتها.
طلعت النتائج وطلعت مُعدل بالسبعين مرة فتره على صدور النتايج واجه الوقت الي لازم اروح بي ، صفنت على الفراغ الي مقابيلي واني الم غراضي حتى التحقق بالدوره ابتسمت من أجتي يمي وحطت ايدها على گتفي درت وجهي عليها وابتسمت
-حشتاق لطبخج يمه
انسام::ايي مراح تشتاق الي بس الأگل موو
خالد::طبعاً اشتاق الج يوم ياهو غيرج بعد يلمني بين احضانه
حطيت راسي على صدرها وغمضت عيني ، مر وقت طويل رفعت عيني على الساعه شفتها ب7 كمت من حضنها وبست راسها سحبت چنطي وطلعت من البيت واني رايح بطريق واني ما ادري شنو نهايته...
" بعد مرور أربع سنوات "
فزيت على صوت صياح القائد واني بشگلي المبهذل بسبب غفوتي الي صارت مفاجئة الي ، سحبت الستره ولبستها واني اعدل شعري وشكلي حتى اطلع ، وكفت كدامه وعدلت وكفت وضربت تحيه اله عاط بصوت رج المكان
::وينن جنتوا من اختفت كُل هذني الادلهه احددددد ينطققققق
روجان::سيدي اكيد ما اتخفت راح نلكاها اكيد بس اهدء
غافر::الكم 24ساعه اذا ما لكيتوها كُلكم تتعاقبون
بصوت جمع كُل شخص واكف::حاضر سيدي
خالد::سيد اكلك
سيد::خيرك كول بعدين انتَ وين جنت قبل ساعه؟
خالد::صارت عدي نومه فُجائية بعدين هاي يا أدله يردوها؟
سيد::تعرف هذه الي اجه قبل كم يوم وجان وياهه سچين وكم حاجه علمود سالفة المخدرات
خالد::ايي وشنو وين راحن
سيد::يتوقعون اكو شخص هنا يسرب معلومات وكم حاجه ويردون يكمشوا اما المعلومات فَ اكيد القائد مخفيهم لهل سبب صارت هاي الضجه
خالد::ايي زين يعني ما اختفت لو مختفيه جان انعلل سلفا سلفانه
ضحك سيد وربت على ضهري ، رحت لغرفة التحقيق وكعدت يم التسجيل والقائد يم المُتهم يحقق وياه بضروف هاي الحكايه كُلها نكدر ناخذ خيط من الشخص الي موجود هنا.
حسيت على ايد سيد وهوه سحب ياختي واردف
-لكو الشخص الي جاي يسرب
خالد::منوو؟؟
سيد::الي أجه على اساس انو هوه من جماعته
خالد::ايي بس شون عرف او يعني شون جاي تسرب هيج معلومات
سيد::هسه نعرف منو وياهم اكيد شخص دخل جديد لو شخص معروف او شخص يشتغل هنا بصفت شي ثاني مو اله عسكري
خالد::هاا لعد مادام عرفوا كم حاجه تعالي نروح مكان ناكل بي
سيد::ديله امشي نروح
طلعت من الغرفة واستأذنه من الأامر علينا اخذت غراضي ورحنه للمكان المُعتاد اخذت لفة فلافل وهوه اخذ لفة حمص وخضروات ، حط فايل مقابيلي وهوه يحجي ويبلع بالكمه
سيد::هاي استماره أجت النه حتى نبدي ناخذ الناس
خالد::شتقصد يعني شون ناخذهم
سيد::احنه هسه شغلنه لارم ناخذ ناس ونوديهم للحدود وهذه قارار أجه من الوزير
-يعني هسه قصدك راح يصير تهجير؟زين ليش؟ وشنو السبب ومنو من الناس الي راح نسوي بيهم هيج؟
-هاي تبقى يمهم همه يطون النه الاوامر بس عرفت بس الروس الكبار تتهجر مو الكل يعني حتى ياخذ اموالهم وبيوتهم والى ماكو غير هذه الحجي والحل صح لو اني غلطان ؟
-صحيح حجيك
خلصنه اكل وكمت غسلت ورجعنه نمشي للبيت راح هوه بطريقه واني فتت من نفس الفرع الي صالي شكد مفايت منه لمحت شخص طلع من بيتهم ركزت وشفتها هيه بأيدها كيس قمامة ، ابتسمت واني اشوفها يمكن الحُب الي بگلبي اكبر بهواي وهم يجوز احبها اكثر من اهلها.
دخلت للبيت واني كملت طريقي وافكر بيها واصنع مُستقبل واني ادري ماكو هيج شي الفوارق بكُلشي موجوده من مال وبيوت وثقافه بمعنى بينه احنه " فوارق طبقيه ".
وصلت للبيت فتحت الباب وفتت شفت رحيق واكفه تسقي الزرع ابتسمت واردفت ::سلام عليكم رحيق
رحيق::وعليكم السلام اشو متأخر
خالد::جان عدنه شغل وطلعت تعشيت ويا سيد ، لعد جبتي الجهال وياج؟
رحيق::ايي طبعاً شون ما اجيبهم واليوم راح ابقه أهنا وباجر اروح يجي عليه علي
خالد::اني حدخل واروح انام اذا امي سألت كولي الها نايم تمام
رحيق::تمام
صعدت فوك نزعت ملابسي وتمددت غمضت عيني واجت بالي ابتسمت من غير تفكير واني ياخذني التفكير بأحلى لحظات ودقايق عشتها يمكن صرت مهوس بيها.
فزيت الصبح كمت فتحت الشباج اسمع صوت زقزقة الطيور والجو الحلو الناس الي تروح وتجي بهذه الشارع ضوء الشمس ساطع حطيت ايدي على حافة الشباك ابتسمت بللت شفتي
لمعت عيني واني اشوف بزونه تشرب ماي من الموجود بالارض دخلت راسي من سمعت صوتها وندهاتها الحنينه.
::خالدد خالدد
فتحت الباب وراقبت عيوني الارض واني انزل من الدرج وصلت لاخر بايه وشفتها واكفه مدت ايدها وسحبت اصابعها اقبلهم واحد واحد وبالاخير قبلت كف ايديها
::صبحج الخير يالعافيه
انسام::اروح فدوهه لطولك روح جيب صَمون
خالد::تأمرين
رحت للمطبخ اخذت كوب ماي وسحبت الفلوس چريت الحذاء ونتعلته فتحت الباب وقبل لا اطلع صحت بصوت
::رايح اني يممه
انسام::يحرسك الله يممه
مشيت وصلت للفرع نفسه يمكن شكد ما افوت منه الكُل حفظني ويمكن عرفوا يابيت اقصد وياهو عيني وگلبي يرفرف عليها
وصلت لأبو الفرن واخذت صمون دفعت ورحت اتمشى عيوني تتصفح كُل زاويه من الشارع الي يروح للمدرسه والي رايح للشغل والي يلعب بالشارع والمريه الشايله على راسها اغراض وتمشى بدربها.
فتت للفرع واني اصوفر اليوم أجازتي وكاعد بالبيت يعني ماعدي شي واني صالي فتره من اشتغلت بالمركز مرة اربع اشهر على تخرجي وصالي ثلث اشهر واسبوعين اشتغل ابتسمت من حفظي للوقت ، درت وجهي من سمعت دوريات الشرطه واستغربت فزيت من لزم احد ايدي واردف
::وينن بيتك.؟
خالد::هناكك
وخر ايده مني وراح للبيت واني وراهه فتتت وصحت امي اجتي يمي وهيه خايفه
انسام::يمه خيرك وهاي شنو صوت الدوريات؟
خالد::صيحي ابوي خلي يجي كولي اله اكو ضابط بالباب
هزت راسها وراحت واني طلعت اله وكفت شوي وعرفته
-ياا هله ضابط عمران
عمران::منو؟
-اني خالد شبيك الي توظفت قبل فتره
عمران::هاا والله مامركز هواي بالجدد فَ ماعرفتك
-لا عادي خويه بس خيركم؟ شصاير؟
عمران::اجينه علمود المعلومات للبيوت وانتسابكم
عرفت قصده على شنو هزيت راسي واجه ابوي اخذ الاستماره ومالها واطاه اياه دخلنه للبيت وامي ورحيق سون ريوك اتمددت على القنفه واجه ابن رحيق يفعص بطني ضحكت وسحبته واني ادغدغ بي .خلصنه ريوك واردف ابراهيم::يوم اني رايد ازوج
انسام::عالخير والبركه يمه رايد وحده لو اني اشوفلك
ابراهيم::كون هاي بت جوارينه ام محمد
رحيق::خوش ناس والله ورده مال الله همه وبناتهم ولدهم
علوان::عالخير بويه
كامت امي ولمت الباقي من الريوك وحطته بالثلاجه رحيق اخذت جهالها وتغسل الهم بالحمام طلعت اني وابوي للحديقة نسقيها وابراهيم راح للشغل صار العصر وامي راحت للجوارين علمود ابراهيم واني وابوي بقينه ويا جهال رحيق درت وجهي على ابوي وهوه يحجي
-اريد اروح ازور ام رحيق باجر تجي انتَ وامك؟
-والله مادري بويه من تجي امي شوفها واني عدي شغل اعذرني ، بس هيه باجر وفاتها؟
-ايي كلت لـ رحيق تبقه حتى اخذها وياي
هزيت راسي وكمت اشرب ماي ، فاتت امي هيه ورحيق وهنه مبتسمات ابتسمت اني هم واردفت::هاا خيركم اشو فرحانات
رحيق::طبعاً غير وافقوا وكلنه الهم على الجمعه الجايه العقد
خالد::عالخير ان شاءالله كلشي يتيسر
صار اليل وطلعنه بالكراج ، رحيق وامي سوو كيك وعصير فرشنا الچرچف على الحشيش وكعدنا كُلنا سوهه التمينه بجانب بعض سالفه تجيبنا وسالفه تودينا حجوا على الي جاي يصير هاي الفتره بس اني طنشتهم وتمددت على رجل امي وافكر
بـ " فيروز " رغم الفرق البينه بس بقيت حابها واعرف ربي راح يخليها من نصيبي مو بعيده على ربي.
كام كل شخص لغرفته وهوه بگلبه حجي وافكار تودي بهاي اليله يمكن ما كدرت انام من التفكير بيها اول مره اضل هيح افكر.
كعدت الصبح ونفس الروتين سحبت المنشفه انشف بيها شعري اجتي امي وهيه بيدها البخور سحبت ايدي ونزلتها سحبت الرتبه واني دنجت حتى تحطها الي لبستني اياها واخذت أيدها وبستها بست راسها وادرفت::يمه ادعيلي بصلح الأمور
انسام::كون ربي يطيك على كد تعبك
خالد::هسه دكولي اكثر رأساً على كد تعبك
ضحكت وضربت چتفي::ورح بعدين تعرف شنو على كد تعبك خاف عبالك كُلشي يجي بسهوله اذا ما أجه بتعب وصبر هذه معناها ما راضي رب العالمين يعني انتَ مسوي بالحرام يمه خالد ارضه بلقليل ولاترضه بالحرام عليك الأمانه لا ترضه بالحرام لانو نهاية الحرام مو حلوه ولاترضيك ولا ترضي ربك وكون ربي يوفقك بكُل خطوه تخطيها وييسر دربك وينقي روحك بجاهه رسولنه مُحمد
ابتسمت على حجيها وبست راسها ونزلت بست راس ابوي واختي وطلعت ، وصلت للمركز شفت القائد دكيت تحيه ورحت للمكان المخُصص الي حطيت غراضي وطلعت شفت سيد واكف يشرب چاي وياكل بسكت ضحكت ورحت ضربته على چتفه
ضحكت من عاط بصوت عالي::ابن^^ مو شايفني جاي أكل
خالد::هسه شبيك هيه مزحه خفيفه
-لو غاص بالكمه وميت
-اهوو سيد شكد تگبر المواضيع وهيه صغيره من واحنه بالجامعه انتَ هيج خليك Relaxing
-حتخليني اسويك اني Relaxing
ضحكت ورحنه للغرفه مالتنه ويا الجماعه الباقين شوي واجه القائد::حضروا نفسكم راح نبدي بالتصفيه
الكل صاح بصوت واحد وعالي::حاضر سيدي
دكينه التحيه ورحنه جهزنه نفسنه واخذنه اسلحتنه وكلشي نحتاجه صعدنه بالسيارات وانطلقنه بأتجاهه كل شخص مكتوب بالأحه اخذنه كم عائلة وحطيناهم بالسياره ناخذهم للمركز ونحطهم بالاحتجاز.
رجعت راسي من الألم صالي اربع اسابيع اني هنا بين اروح وياهم وبين اراقب الزنزانه رجعت راسي بتعب ، حسيت ايد انحطت على راسي عرفته هوه سحبت ايده وعضيت اصبعه صاح بألم
سيد::اخخ خرب بيومك غير سنون مال اسد مو بشر
رفعت كتافي بمعنى مادري واردفت::انتَ جنيت على نفسك منو كال الك تعال خرب نومتي
سيد::انتَ بالحالتين چان لازم تكعد علمود الريس لا يجي يفرغ المخزن براسك
خالد::وانتَ شنو حاركك خلي أموت احسن
-هسه لخاطر ربك يعني هيه حتى يجوز متدري بيك عايش وانتَ كاتل نفسك عليها
-سيد تروح من يمي لا أجي اني افرغ المخزن براسك
-انتَ والله بطران هسه تلكاهه لو بالحدود لو مزوجة وعايشه حياتها وانتَ عايش على الطيف خالد كافي تحلم
بللت شفتي واني اعرف حجيه صح بس احاول اقنع نفسي اكيد راح تصير الي اكيد ربي راح يغير احوالي ويجمعني بيها ، راح سيد واني بقيت كاعد افكر بيها غمضت عيني بتعب وسندته على راس الكرسي اتنهدت واني مصعوبه عليه الدنيه كُلها حسيت بخنكه سحبت القبعه ماتي وكلت لروجان اني اطالع
حطيت القبعه جوه ايدي وصرت اتمشى بالمرر واني اشوف الناس كاعده بالارض نصهم نايمين ونصهم عايشين بغربه بسبب فراقهم على اهلهم اتنهدت وصلت يم الباب وسمعت اسمي بصوت شخص بين قضبان الزنزانه.
صوت امل وصوت روحي حسيت الصوت صار صدى بأذني درت وجهي وجسمي واني الصدمه بكامل اطرافي عيونها المغوركه بالدموع شفتها المبتسه وهيه تحس بصميم الأمل رحت اهرول الها واني كُلي فرح وصدمه
فيروز::خالد عفيه اني هنا غريبه لا اهلي يمي ولا احد اعرفه اعتبرني حرمتك وطلعني منا خايفه على روحي اترجاك خالد
مثل صميم امل نبت بداخلي هزيت راسي واردفت::اخليج بعيوني بس اطيني صبر بس اهنا نتفق من اطلعج راح نزوج حتى محد يعرف عنج وكلشي يصير بسريه بس اطيني يوم واني اعرف شنو اسوي
هزت راسها ورجعت للمكان الي جانت كاعده بي ، طلعت اهرول لـ سيد واني مليان فرح ويقين بربي وعرفت راح يصير الشي الي صبرت عليه ونلته الحُب الي بگلبي واخيراً حصلته ونلت صبري.
وصلت يم سيد وعطت بوجهه::سيد الفرحه مسايعتني بس لازم نحجي بمكتن مُغلقق تعاللل بسرعهه
سحبته من ايده وهوه بعده حتى ما حاجي اي كلمه ومصدوم من شكلي ومن فرحتي الي صارت فجأه ، وصلنه مكان معزول وشبهه مهجور حجيت بحماس وفرح
-لكيت فيروز وجانت موجوده وحجيت وياها وكالت طلعني وافقت بس عرضت عليها ازوجها حتى تبقه بحمايتي وهيه وافقت
-تحجي صدكك خالدد تخبلتت واذا عرف احد شافك احدد تعرف شيصير تره اقل شي يسوو يجوز يكتلوك لا تسوي هيج لخاطر الله خالد لا تخسر كلشي بسبب حُب مو دائمي
-سيد انتَ بس كول انتَ وياي لو لااا بس احجيي
-خالد اني وياكك بس خايف عليك انتَ اكثر واحد راح يتأذه لا تسوي هيج صاحبي وتخسر كل حاجه
-معليك مادام اني مااحجي وانتَ هم مراح تحجي محد يعرف اكيد بس هاهيه محد يعرف بس كول ايي وهاهيه حتى نسوي الخطه
-تمام ماعدي غير قرار ما اكدر اعوفك وحدك يمكن كُلشي يصير ما اكدر اخليك وحدك
-هاا صرت مثل اميي انتَ بس لا تشوش عليه وهاهيه تمام
هز راسه بموافقيه وكعدت يمهه سوينه الخطه اتفقنه باجر بليل ورتبنه اغراض ثانيه مثل مُنوم وغيره حتى نحمي نفسنه.
جنت احسب الساعه دقيقه دقيقه حسيت اليله مجاي تمشي صارت بطيئه الصبح ميطلع يمكن حسيت نفسي مسجون ويريد يتحرر غمضت عيني بتعب بس مقاوم حتى ما اغفي راحت عيني على الزنزانه الي كاعده بيها شفتها نايمه وعليها چرچف خفيف جان بودي اگوم احط عليها چرچف اثخن بس اكيد اتعاقب يكفي الي راح اسوي.
خلصت اليله واخيراً بس هسه شنو يكضي الصبح والنهار ويجيب اليل حتى اخذها ونطلع ، طلعت من الغرفه مال نزنزانه ورحت للغرفه المُخصصه النه حطيت راسي بس مكدرت أنام تفكيري مو يمي كُله يمها غمضت عيني وبعد صراعات كدرت اخذلي غفه ساعيتن وفزيت من النوم واني على بالي صاير اليل وراح عليه الموعد.
وخرت الغطىٰ مني ورتبت السرير الي نمت عليه حطيت ايدي على راسي بسبب الوجع الصاير بي وحاس انو بعد شويه وينفجر ضغط صار عليه مو طبيعي فوك هذه كله مجاي اكدر انام ، كمت غسلت وجهي وطلعت من الغرفه اخذت الي چاي ولفة جبن اتريك بيها ، خلصت وطلعت حتى اروح اشوف العساكر بره وشغلهم اذا يردون مساعده بلكي اكضي وقت ويصير اليل.
سحبت الصونده وبديت ارش على الارض حتى تنتكع ويجون العساكر يدربون ، خلصت واجوي العساكر وياهم القائد وكفوا وضربوا اله تحيه بده التدريب واني واكف على صفحه بس اباوع صاح القائد عليه ورحت وكفت مقابيله
-أمُرني سيدي
-چيب الصونده ورش عليهم ويلعبون عشرين شناو والي يطيح اول واحد نطلعه مفهومم
الكل صاح بصوت واحد ومحد عارض ، سحبت الصونده وبديت ارش عليهم وهمه يحسبون والقائد وياهم كُل ما يوصلون للعشره يرجعهم للواحد هذه تدريب العساكر.
صار وقت الغدهه وكل واحد اخذ الي يحتاج ورحنه لقاعة الاكل كعدنه والاكل مقابيلنه بس منتظرين القائد ينطي النه الأمر حتى ناكل ، سحبت الخاشوگه بعد ماسمح النه ناكل وبدينه ناكل بصمت وسريع حتى نخلص ، كمت وحطيت الصحن بالمكان المُخصص اله اجاني سيد وهوه يحجي بصوت ناصي
-غيرت اوقات الخفاره خليت اني وياك سويه بمكان واحد وتبدي الخفاره ب11 بليل تمامم
-تمام واني حشوفك يم الباب مو تدخل قبلي
هز راسه وسوه ايده بعلامة تمام ، عفته ورحت ورا القائد حتى يطينه مهام ، صار اليل واخيراً واجه وقت الخفاره دخلنه للزنزانه وكعدنه مشينه اول نص ساعه حتى لحد يشك بينه اما الباقي حاولنه نشوف مكان نطلع منه بدون ميحس احد
فتحت الشباج وشفت ماكو احد رحت وفتحت الزنزانه وكفت يمها::فيروز كومي فيروزز
كامت من ندهاتي وسحبتها من ايدها طلعتها وسديت الباب رحنه يم الشباج وسمعت صوت احد يم الباب نشف الدم بجسمي سحبتها من ايدها وحطيتها جوهه الميز وتجيت الگرسي حتى لا تبين ، دخل القائد وراح يفتر على السجان نطق بصوت عالي
-باچر راح نطلعهم حظروهم حتى ميصير النه أي عائق
هزينه راسنه بموافقيه وضربنه التحيه قبل لا يطلع ، راح خلينه خميس دقايق خاف يرجع مرة الخمس دقايق وسحبتها وطلعنه من الشباج ، لزمت ايدها ورحنه نركض للمجهول بس اول شي سويته هوه رحت وديتها للبيت بس مو بيتي بيت سيد لانو عايش وحده وماعده اهل
حطيتها بالبيت واني رجعت للمركز بقيت بتوتر دائم بسبب اخاف لِنكشف او يصير شي بديت اقره ايات حتى ربي يسهل علينه هاي المُهمه ، صار الصبح وبدينه نطلع بالسجان وناخذهم للحدود نخليهم هناك وهمه يحيرون بروحهم وهذه امر من الوزير مو من يمنه حتى نسوي هيج بالناس.
خلص اليوم ورجعت ويا سيد للبيت ماته صار النه استراحه يومين ونرجع للبيت لانو صار النه شهر مواصلين شغل مكدرت احضر خطوبة اخوي ولا اشاركه فرحه بس هسه جاي احس نفسي ملكت الدنيه بهاي الكم لحظه ، رحت لبيته واخذتها ورحنه للجامع يم سيد الحاره دخلت ورحت كعدت يمه
::السلام عليكم شيخنه
شيخ جاسر::وعليكم السلام ابني اتفضل
خالد::شيخ اني جاي حتى تعقد الي على سنة الله ورسوله
هزلي راسه وكلي اجيبها رحت يمها وكمشت ايدها ورحنه يم الشيخ كعدنه وبدت المراسيم المُعتاده
حسيت بدكات كلبي الي مجاي تكدر توكف من اردف الشيخ
لـ فيروز ::فيروز بنت^^ هل تقبلين بـ خالد علوان يوسف زوجاً لكي ان قبلتي قولي نعم وانتَ وكيلي
فيروز::نعم وانتَ وكيلي
شيخ جاسر::خالد بن علوان يوسف هل تقبل بَـ فيروز بنت^^ زوجةٍ لك
خالد::نعم قبلت....
.............................................
نختم البارت بزواج المُحب من حبيبته
من فِراق الأهل عن ابنتهم
من تَهجير النفوس من مهجعهم
ولكي نعلم مانحُن به يجب ان نفقده
النعمه التي نحن بها قد تمناها غيرنا
والى هنا نختم البارت الاول بتلك الجمله
التي صنعت احداث وقلوب ودقات
ولحظات لاتُنسى بَقلب ذالك المُحب
