رواية مسلسل عيوش الحلقه الاولي بقلم اميره سليمان
الحلقة (1) #احداث_خاصة
من #مسلسل
#عيوش
#الكاتبة
#أميرة_سليمان
كنت حاس أنه واحد من اصحابي ايكلم في اختي مش عارف اي واحد فيهم في يوم جمعتهم في المربوعة و خليتها في الكوجينة و اخديت هاتفها من دارها و أوقفت في باب المربوعة و اتصلت بي الرقم لي متصله بيه أكثر واحد رنيت قلت توا هاتفه يرن و يطلع من هو فيهم بس 💔 لي الاسف ما وصلتيش لي حل رجعته للدار امتاعها و قعمزت حتى حطيته في الكاشف مش مكتوب أسم 💔 قعمزت نتأمل فيهم في المخطوب لي متزوج لي ماضي امتناعه اسود قريب 7 ما عرفتش مني هذا بس
على قد ما حاولت نعرف من صاحبي لي يتكلم طول ليل مع اختي و ما يخلي شي مش خاش عليه اكتمت في قلبي ...
و الصدمة 😧
كل شي ابديه في اليوم لي كنت مقعمز في الورشة امتاعي و نخدم على رأسي و اصحابي ديما يأخدوا في السيارات امتاعي يمشوا بيهم و يرجعوا فيهم الصدمة 😧 في ليل اني كيف صكرت الورشه و افتحت
باب سيارتي و نشرب في الميه كنت مروح للحوش نضرب عيني يمين نشبح في ساعة إمتاع اختي في سيارتي و اني عارف قداش ليها ما ركبت سيارتي بوي هو لي ديما يطلع فيهم ليلة هاذي أبصر شن جاني
اقعدت في سيارتي اعوذ بالله من قهر الرجال مانبيش نروح للحوش عارف راح نقتلها و اعصابي مش راح تتحمل راح تأكل طريحة و مرات حتى ندير جريمة قعدت في سيارتي قدام الورشة مع ظلام الليل و صوت الكلاب و البرد لي ينزل و بوي يتصل مش عارف نرد شن نقوليه كلمته قتله عند صاحبي بايت و صكرت 💔 لين تجمدت في السيارة و اني من دخان لي دخان و نراجي في الصبح أمته ايجيه شكيت فيهم الزوز لي يطلبوا في سيارتي اقعدت على اعصابي لين إذن الفجر امشيت للجامع اقعدت نصلي مع ساعة 8 الصبح افتحت الورشه و اني رأسي يوجع فيه م عرفتش كيف نشدهم لين جاني واحد مع ظهر منهم قالي نبي السيارة خليته امشيه و الحقته ما وصلتش لي نتيجه بكل 💔💔 لين معاش
قدرت نصبر و حكيت لي راجل ثقة يخدم معاي قتله فيه و فيه و اختي راهو صغيرة
مش واعيه راهو واحد منهم يضحك عليها و عليه قعمز جنبي طلع دخان و اشرب طاسة قهوة اشبح ليه قالي عندكم مناسبة قتله اي قالي شن هي قتله عيد ميلادها قريب قالي كويس بكل قداش مازال عليه قتله بعد ثلاثه ايام بدير حفلة قالي في اليوم هذا راح تعرف من صاحبك اني اسكتت مفهمتش شن يقصد كيف راح نعرف من هو اقعدت ثلاثه ايام لا نأكل لا نشرب لين جاي يوم حفلتها و الفاجعة
بدل ماتدور وتبحث علي الروايات خليها علي تليفونك وحمل تطبيقنا
