رواية عاد طليقي الفصل التاسع 9 بقلم جمانه السعيدي
رجعت للبيت بدلة ونزلت اتعشى
كملت ونظفت المطبخ
وماما راحت ادز الجاي البابا
ورجعت اكلج نور اريد اسئلج سوال
نور تفضلي ماما
الصبح نضفت غرفتج ولكيتج كاتبه على المرايه اكرهك عادل شذكرج بي
نور لاماما اني مانسيت حتى اذكر راح اكتبه مره ثانيه ولاتمسحيها ممكن
...بكيفج حبيبتي انتي جبيره وتفتهمين
صعدت الغرفتي ارتاح
وخابرت زهراء وسجا اطمنت عليهم وسديت فوني
الساعه ١١ دك التليفون
باوعت جنت متاكده هذا عادل غلست خليته يدك
سكت ودك مره ثانيه هم ما رديت
جمانه السعيدي
شويه اجتني رساله على الفايبر
اني عادل اسف اقتحمت خصوصيتج
دخلت الرقم وطلعلي الفايبر
جاي اتصل ماتردين ممكن اجاوبيني
انتضرت ربع ساعه يله رديت
هله بيك اجيت برجليك
على كول المصريين انت وكعت ولا الهوى رماك
لازم ما ارد بسرعه واخليك تنتضر استاذ عادل
رديت اهلا وسهلا جنت مشغوله
عادل اسف مره ثانيه
اكو نقطه اريد اسئلج عليها تخص القضيه
نور تفضل
وبدينا نحجي اني ويا تقريبا نص ساعه
وكلما اريد انهي المكالمه يطلعلي سالفه يريد بس يحجي
وياي اني هم رخيت الحبل شويه
لازم يكون الكلام مد وجزر
بعدين نهيت المكالمه بس كلت مع سلامه
عادل انتضري ست نور ممكن انكون اصدقاء
نور اصدقاء
جمانه السعيدي
عادل اي اصدقاء اني عجبتني شخصيتج
واحسج تفتهمين اواعيه
وحتمال احتاج استشيرج بموضوع
نور ممممم ولو اني ما امن بصداقة رجال وامراءه
بس ميخالف اذا تحتاج اي استشاره اني حاضره
عادل انتي امراءة امزونيه
نور هههههههه قصدك امراءه ماتصادق الرجال بكيفك امزونيه ميخالف عجبتني التسميه
قبائل الامزون قبيله تعيش بيها بس النساء وهن الي يتكفلن بكلشي
يعني بتكفل بلصيد وحماية القبيله من الاعداء
اذا رادن يتزواجن يرحن الى مكان معين
وينصبن الخيم وتجيهن الرجال ويتم الزواج
ويرجعن للقبيله اذا جابت بنيه تربيها
واذا جابت ولد ادزه للقبائل المجاوره
موصفات بجمالها وقوتهن
جمانه السعيدي
عادل همزين ضحكتي
يمعوده عبالي ماتعرفين تضحكين
نور تصبح على خير
عادل وانتي من اهل الخير
سديت التليفون
وما كدرت انام ليش الحديث ويا يشعرني بلسعاده
بقيت اتكلب للساعه ثنتين ونص يله نمت
ثاني يوم جمعه يعني للمكتب اروح
بدلة فستان وردي فاتح ومنقط بابيض وشال وردي ومكياج حلو بس مو طوخ
رحت لكيته واصل قبلي
سلمت وكعدت على المكتب
هم حجينا شويه بلشغل واني كلساع يجيني اتصال
بخصوص الشغل وهو كلساع يطلع شغله
حتى يسولف وياي ومرات يسوالف عن شغلات صايره ويا بامريكا
يحاول ياخذ وينطي وياي بلكلام
يريد يقربلي بس ما يعرف شلون
كل شويه يخترع شي حتى ياخذ بلكلام وينطي وياي
واني بكلبي اكله
ناويلك على نيه بس انت اصبر شويه
اذا ما اشلع كلبك بكد ما شلعت كلبي واذيتني
اني تعوفني عروس وتشرد
انت الي بديت وتحمل مسولية غلطك
الكلب نفسه والروح نفسها بس نور القديمه ماتت
من عفتها عروس
وانهزمت
هاي الانسانه الي كدامك نجحت من بعد ما انت كسرتها
كدرت ارمم نفسي واتعافه منك
بس ولله هسه صدكت الدنيا دواره
شلون دارت ورجعتك عليه
اني جاي اعلمك انت جاي تاخذ من خبرتي
