رواية ملكة الشيخ ضاري الفصل التاسع 9 الجزء الثاني بقلم ساره المجيد
مساءا محملا بأريج القداح يفوح عطره ع انفاس احبتي
🌸🌸🌸🌸🌸🌸🌸🌸🌸🌸🌸🌸
زينه :-خلص كم شهر من زواجنه ماكو شي صار لحد مافد يوم عمتي فتحت وياي موضوع الاطفال طبعا اني كنت ناسيه هيج شي مو بالي اصلا ...
فا سكتت ومارديت بس ضل التفكير ياكل عقلي اكل مثل الي ضايع الها ضيعه كنت كاعده ومخليه موبايلي اتصفح بي وبالي بغير بمكان دخل صكر واني مو يمه اصلا
شويه جان يكول :-حبيبي وين قميصي
زينه لا رد
صكر :-زينه حبيبي الوووو زييييينه ..كعدت اكبالها وفريت ايدي كدامها وكلت :-حبيبي موجوده لا
زينه فزيت وكتله :-هأأأأأأ
صكر ..شبيج يمعوده وينج صار ساعه احجي
زينه :-اسفه حبيبي بس اكو موضوع شاغل بالي وجنت افكر بي
صكر :-امممممم كولي شنو هذا الموضوع
زينه :-صارلنه هواي مزوجين ولحد هسه قاطعني
وكال
صكر :--اششش اعرف موضوع الاطفال امي حجت وياج ولج يمعوده بعدنا تونه يالله مزوجين بعد وكت ع الاطفال خلينه نتونس بحبنه شنسوي بالاطفال ولا تنسين انتي وراج سنه دراسة بعد وبعد هاي السنه لكل حادث حديث
زينه ..خليت راسي ع صدره وكتله خايفه حبيبي
صكر حضنتها وكتلها :-يابعد الجلاوي مالتي ليش الخوف
زينه :-مادري خايفه يجي يوم ويصير شي ونبعد عن بعض
صكر :-اكلج شي شايفه هذا الموت احاربه ومانبعد كافي يلا كومي ارتاحي ولا تفكرين بهيج شي
زينه :-احم اريد اروح لاهلي
صكر :-ماشي باجر هسه عندي شغل اريد اطلع اشوف محلاتي صار فتره عايفهم وهم اروح اشوف صاحبي بالمستشفى
زينه :-اوكي
صكر :-كثرت ملحة امي ع شغلة الاطفال والخلفة وبلشت الاحظ زينه بالها يم هاي الشغلات حيل واكثر شي ثبتلي من رجعت من بيت اهلها كان شكلها غريب وهي تجي يمي وكالت
زينه :-حبيبي
صكر بنبره حاده :-نعم
زينه :-شبيك ضايج
صكر :-شلون هيج تتصرفين بدون علمي شلون تروحين دكتوره بدون علمي
زينه :-اني سويت هيج حتى بس
صكر قاطعها :-حتى شنو رحمه لاهلج حتى شنو ولج بويه افهمي افهمييييي لخاطر رب الكعبه الي ربج كاتبه هو الي ييصير مو انتي الي تعترضين
زينه :-خلصص كافي تصيح علي كافي امك دا تلح ع موضوع اﻷطفال شتريدني اسوي كل ماتشوفني تذبلها بسمار واني ابلع الغصة واسكت تعبت متكولي شوكت ارتاح
صكر كمت بعصبيه وكتلها :-انيييي ماريد طفل
زينه :-بس اني اريد
صكر بنفاذ صبر :-بسسسس كاااااااافي لا تخليني
زينه عكدت حاجبي كمت وكتله :-اي شتسوي بله !!!!
صكر ..فركت وجهي حتى اهدأ كلت استغفرالله ربي واتوب اليه :- لج بويه افهمي موضوع الاطفال بيد ربج لا بيدي ولا بيد احد ليش هيج تعبين نفسج وتعبيني وياج ..
ترا مصار النه زمن متزوجين مانكلبت الدنيا اكو ناس سنوات منتظرين وما ايسوا من رحمة الله احنه بعدنه اسم الله ياستار وصارت مصايب
زينه :بس
صكر قاطعتها وكتلها :-كولي يالله حبيبتي
قربت حضنتها وكتلها :-كافي يلا
زينه :-اوف احجي بكلبي هو لو يدري بالي تفكر بي امه مأيحجي هيج ميكول هيج حضنته واني ادفن راسي بصدره بجيت وكتله :-احبك
صكر :-ضليت مصدوم شلون بجت رفعت راسها بوست عيونها وكتلها :-اويلي عليج بس كافي بوستها من شفتها وعيونها وخدودها ونزلت ع ركبتها وهي تغار من ركبتها كامت تضحك بعدت عنها عصرت خصرها وكتلها :-مشتاقلج ولج
زينه دنكت بخجل وكتله :-كلي الك
صكر :- بوستها بعيونها ونزلت ع شفايفها واخذ بيهن واعضهن وهي تتجاوب رفعتها الي وكمت اوزع بوساتي بشكل عشوائي لحد مانزلت ع صدرها ووووووووووو ....
في_مكان_اخر ......
سناريا :-بعد ماصارت الخطبه غصب بجيت ونحبت حتى كلت لجدي بس كالي كافي بويه احنه انطينه كلمه للجماعه وخلص طلعت الشغله من بين اديه ..
ابويه قرر قتلي واني عايشه متت بجي يايوم يمر اني ابجي عدال الي بجيته اكثر صارت بيه حاله من ضعف الشخصيه بلشت افقد شخصيتي كلها شويه شويه بالتدريج ..
ماعندي احد اروح اله ألتجأت كبل لامال هي صح سوت كل هذا بيه بس ماعندي غيرها ركضت رحت يمها وبجيت وانفجرت وهي تمسد ع راسي وتكلي
امال :-اششش حبيبتي اششش والله تهون والله بس اصبري
سناريا بشهكة وطكيتها بجي :-ششششلون تتتنحل مأأأأأأ تنحل ماتنحل رحت رحت بيها
شبكتني وضلت تمسد ع راسي
اسياء بنت عمي تصير زوجة اخ ادم دخلت ع صوت البجي مالتي كامت تحجي وياي وتنصحني وصدك هديت شويه ضليت يمهن تعللت شويه ورحت رجعت للبيت امي كالتي
امي :-سناريا تعاي شويه
سناريا رحت يمها :-اخذتني بحضنها كبل طكيت بجي وهي تسكت بيه شويه وكالت :يمه الولد زين ليش متقبلين
سناريا :-انتم تريدون تزوجوني حتى حتى بدون رأيي واني واني ماحب الزواج الغصب
امي :-ها هيج الحجي زين اذا كتلج ابوج كال للولد انتظر لان البنيه دتفكر ...يمه ابوج رايد مصلحتج مارايد شي منج الولد زين خوش وكلها تحلف بسمعته وعدهم محل ذهب بالنجف وبكربلاء بعد شتريدين ياعمري
سناريا :-بسس بسس اني اني
امي :-ادري تفكرين انو متحبي يايمه حلات الحب يجي بعد الزواج
سناريا :-يمه اني ما اعرفه هو خاف يطلع مثل ادم او يطلع ماعنده تفاهم شلون اعيش ويه انسان ماعرف اطباعه ولا يعرف اطباعي ليش تريدون بس تخلصون مني
امي :-لا حبيبتي اهلج سألوا عنه خوش عنده سمعه بعدين هو شايفج بالعرس
سناريا :-يعني هسه اني اوفق او ارفض والله احتاريت
امي :-كومي صلي واستخاري ربج وهو يعرف مصلحتج
سناريا :-ماشي كمت صعدت لغرفتي كعدت بيها وتوضيت واخذت استخاره والحمدالله كانت زينه وضلت يم الله
(ياسر)اخخ يا ياسر
يوم الخطبه رحت اني وامي لسوك اشترينا كم ثوب جديد وملابس الاميره وهم رحنا للمحكمه حتى نعقد ..
طبعا خلال هاي الفتره الي مرت اني خايفه ماعرف شبيه افكر بهواي شغلات من بينهن ثائر وماعرف شسوي ..
صار اله 3 سنوات مسجون وماعرف حكمه شنو اخاف يكول خاينه خاف بس اني مجبوره ونفس الوقت مو مجبوره اذا ماوافقت راح يكولون تفكر بهذا مروان واذا وافقت محد اله شي يمي اوف ياربي تعبت ..
دخلنا للمحكمه كنت لابسه بنطرون وقميص سمائي طويل مخطط ابيض وشال وكب ولابسه عبايه وكامشه ايد ابويه ضليت ارجف بخوف مو طبيعي بطني تلويني وتوجعني لازمه ايد امي وارجف بخوف ياربي عيني ...
دخلنا للمحكمه بعد مصاحوا اسمائنا من دخلنا شفت ياسر لابس بنطرون اسود وستره سوده وتشيرت ..
دنكت ولبدت ورا ابوي من المستحه والخجل اجه عمي الي هو ابو ياسر وامه سلمت علينا وع امي وعليه ..
شويه وكالوا الجلسه بلشت كعدنا كلنا وبلش القاضي يسأل منو يوافق منو يعترض غمضت عيوني واجه شريط حياتي كله كدامي صار مثل غمضت عين وصار اكبالي بس خطر بالي السحر خفت ورجفت والقاضي كالي :بابا شكد عمرج
كتله بصوت يرجف كوه طلعته كلها تباوع عليه مثل الي صدك يريدون يحكموو علي :-16 عمو
ابتسم وكال:-وين وكيل البنيه
ابوي :-اني حضرت القاضي
رجع سئل القاضي :- بابا احد جابرج ضاغط عليج كولي الج الحق الرفض
سناريا هزيت راسي بالا وكمل كلامه وي ياسر هو يجاوب وعادي عنده من خلص كال :-موافق ورجع سالني
كوه طلعت مني كلمه مثل شوكه سحبوها من بلعومي كتله :-مممممواففقه
ماحس غير كال :-اتفضل العقد الف مبروك
ماحس غير ع طرش اذاني طرش صارت ذبذبات بذاني طلعنا بوجهنه للعباس نعقد بس شنو ببنص المحكمه وامه تطش جكليت اجه عمي باسني براسي باركلي طبعا متت بدمي من اجه هو باركلي وراح واني اصلا ماباركتله ....
بعدها رحنا لامام العباس عقدنا اهناك بس شبعت بجي كلها ضلت مصدومه بيه ليش ابجي
في مكان اخر ....
زينه :-لحظه من السعاده وياك اكدر احمل عنك لحظات من الحزن
مر فتره وبين الامتحانات والوضع البيت الي ماعاد ينطاق من ناحية عمتي وخاصه هاي الفتره صارت تدخل بكلشي مرمرتني حيل ومن ناحية صدمة خبر خطوبة سناريا وعقد المهر مالتها ..
الي اذاني شلون راح اخوية يتحمل هاي الصدمة والله لا ينتهي ويسكت كلبه من يسمع هل خبر ..
بيوم كنت راجعه من الكليه راسي مسطور سطر من الدوام عندي لعبان نفس غريب اجاني صكر اول ماصعدت كفخني عطره كبل لعبت نفسي وكتله :حبيبي شهل ريحه بالسياره
صكر :-شبيها
زينه :-يعني شبيها تلعب النفس ماعرف افتح الشباك فدوه خلي تروح
صكر :-دقيقه يابه بالله هاي فتحنه ألشباك اكو شي
زينه :-زين هيج
حسيت اختنكت رجعنا للبيت دخلت وعمتي كان عدها خطار كبل صعدت للغرفه بلا سلام وبلا بطيخ دخلت شمرت الجنطه والعبايه نزعتها وركضت للحمام بلشت اتقيئ
دخل صكر طلعت واني انشف حلكي باوعلي وكال
صكر :-يول شبيج مو ع بعضج شصاير قلقتيني
زينه :-عندي لعبان نفس ودوخه وجع راس اوف راح اموت
صكر بخوف :-شنوووو تعاي تعاي ارتاحي بالله
زينه ..كعدت ع طرف الجربايه خله ايده ع كصتي كال مو مصخنه لعد ليش
بس قرب مني عطره انكلبت معدتي وحيل لعبت نفسي منه دفعته بحركه سريعه وكتله :-صكر عطرك لعب نفسي فدوه وخر
صكر ..رفعت حاجبي كتلها اني شكو وعطري شكو بالنص ولج شكو غير افهم كامت تفتر بالغرفه واني افتر وراها وهيه تركض اخر شي حبستها بيني وبين الزوايه وكتلها بس فهميني شبيج يمعوده ترا خبلتيني
زينه ..خليت اديه ع خشمي وكتله :-فدوة بس انزع التشيرت
صكر :-ضحكت وغمزتلها بعد وكت ولج تعبان ههههه
زينه ...خزرته ودفعته ردت اامشي لزمني من معصم ايدي وضحك ونزع التشيرت مالته وضل بالبنطرون العسكري والفانيله ام تعلاكه بس عطره سابح بي ضليت مخليه اديه ع خشمي
صكر :-ها يول شو نزعت انزع الفانيله هم
زينه :-هزيت راسي ب اي
هو ضحك ورفع راسه فوك
وكال :-يربي خبله وابتليت بيها شالعه كلبي شلع بت اللذين
زينة ..نزع الفانيله بين وشم الاسد الي مخلي بالعضله مال ايده اكثر وخرت اديه عن خشمي وقربت منه وحضنته بقوة وكتله:- احبك موت صكري انت
صكر :-دفنت راسي بركبتها واشم بشعرها احله زاويه هههه والله جان تندك الباب صحت منو
بس بخدر اويلي
امي :-اني يمه تعال عندي شغله وياك
صكر :-دقايق وجاي
زينه :-وين رايح
صكر :-ألحكومه طالبه الجيش العسكري كله ومن ضمنهم الضباط والمتهمين انتي وفرح بدلي وتعاي حبيبي اذا شفتي نفسج تعبانه لا تنزلين
زينه :-اوكي
صكر :-قربت منها بستها بشفايفها خطف وطلعت بجامه وتشيرت لبستهم ونزلت
ومرت الايام والشهور
.....محاكمة ثائر 2018/6/7.....
المتهم يتقدم
حكموا عليه وهو بريء
وضعوا القيود في معصميه وهو يصرخ بالحريه ويقسم ويقول انا بريء انا بريء
لكن كانت الجريمة متلبسة بك ياثائر ولا محال هيهات تخرج منها وانت الذي ذهبت اليها بقدميك
القانون لايعرف من انت ولايرحم من هو غافل .. ف القانون اعمى
قد كسروا قلوب غيرك بدون رحمه
كيف تنتظر رحمه من غيرك كن قوياً
ياثائر كن قوياً كلهم معك لا احد ضدك كلهم معك ..
قبل المحكمة ب 3 ايام .....
ثائر ..ساعه 12 باليل اخذني عمي عدنان يمه بغرفته طلع الموبايل حتى اتصل ع زينه واعرف اخبارهم اتصلت عليها شويه ورد صكر زوجها حجيت ويا بعدين ردت زينه
زينه :-الو ثائر خوية شلونك شخبارك
ثائر :-اخباري مثل ماهي انتي شلونج شخبارج وي زوجج
زينه :-الحمدلله زينه ياخوي بس انت شبيك دير بالك ع نفسك طمني عنك لتخلي بالي يمك شلون صحتك
ثائر :-بخير الحمدلله ... اكولج سناريا شلونها امي خالاتي اهلي كلهم شلونهم طمنيني عنهم
زينه تتلعثم بالكلام :-بلعت ريكي اتوترت من جاب اسم سناربا لا يالله ماريده يعرف مني بخبر عقد حبيبة كلبه والله لا يروح بيها اخوية فوك ضيمه وقهره وسجنه انوب يسمع هيج خبر يلوع الگلب الله يعينك ياخوي شتتحمل بعد ....
كتله هأا حبيبي كلهم زينين كلهم امك تسلم عليك
ثاائر :-وسناريا
زينه سكتت مكدرت تنطق رجع ثائر سئلها ..زينة شبيج احجي سناريا شلونها اريد اتدبريلي وياها مكالمة مشتاق لصوتها والله
زينه ..اخذت نفس عميق وانهضم كلبي من القهر ع اخوي اوووويلي يابه 😭 انجبرت اكوله لان هسه سناريا ع ذمة رجال غيرك ياخوية وميصير تحجي وياك بعد
ثائر ...الووووو زينة انتي وياي
زينه بقلة حيله كتله :-خوية سناريا تزوجت😣
ثائر بصدمة هدت الدنيا ع راسه ..من سمعت هل كلمة صار خلل بعقلي اريد استوعب الكالته زينه كمزت من مكاني وصرخت صرخة رجت السجن رج حسيت بركان واتفجر جوايه من الصدمة كتلها :-ششششنووووووووووووووو
زينه :-لا يالله خوية اسم الله هدي ثائر هدي
ثائر كام وكف وحط ايده ع راسه وهوه يفتر بالغرفه وكال :-اني شداسمع لا مستحيل بربج زينه انتي دتتشاقين صح بعدني ممكمل كلامي دخل الضابط ع صوتي واني كاره نفسي اجه قرب مني كام يحجي منو الي صرخ كبل شويه ..
سكتت كام عمي عدنان يريد يحجي ويا دفعه اني ضاغط ع الموبايل حتى لا يشوفه بس من شفت اتعامل وي عمي هيج شمرت الموبايل ع السرير وجيتت علي ضرب بوكسيات ..طيحت حظه الكلب
دخلت الشرطه تريد تهده من ايدي بس كسرته تكسير وهو تحت ايدي صار جريدي جواي فطس اجه الضابط صرخ بينه كبل كمت سحبوني لقسم السجن الانفرادي بعد ماعذبوني تعذيب للكافر حرام وخلوا دمي ينزف ..
دخلت شمرت روحي بالكاع خليت اديه ع راسي اتزوجتي ياخاينه اتزوووجتي ولج ايييييييي حقج انيييي مجرم وقاتل وانتيييي خاينه أأأأأأأأأأأأخ ياربي اأأأأأأأأأأأخ ياربي ليشششش هيج ليششششششش كمت اضرب ع راسي بقوة ودموعي تنزل جمر ع خدي ...
ولج اني دمرت حياتي الخاطرج ولج شمرت نفسي بالتهلكه علمودج وانتي هيج اتجازيني بس حقها شتترجه بعد من انسان مشمور بالسجن وراح يكضي عمره بين 4 جدران لو ينعدم بس سهله شوفوا شراح اسوي خلاص كولشي انتهى وماضل عندي شي اخسره بعد سهله
لسان_حال_ثائر
((سجين وروحي محتاره وعليه طالت المده
ادير العين ماكو احباب كلمن حاير ابشده
خلص صبري يخوتي وحكَ المصطفى وجده
منو مثلي جفت دنياه ومنو مثلي انمرد جبده
ومنو مثلي الوكت اذاه وظلت دمعته ابخده
بس اصبر واكَول اتهون والله يفرج الشده
والله ايعين كل مظلوم لو صار الوكت ضده))
بعد مرور ثلاث ايام
في المحكمه....
بعد حظور اهل ثائر والنقيب صكر بقاعة المحكمة وتم حظور القاضي والمحامي والمدعي العام والشهود ..
وبالاخير جابوا المتهمين كرار وثائر وهمه مكلبجين بالاصفاد الحديدية مع الحرس
وبدأت المحاكمة وبعد ما كملت
كان الحكم بقضية ثائر ك الاتي
القاضي ...بسم الله الرحمن الرحيم بعد ما اطلعنه ع ملف القضية وشفنه كافة الادلة والاستماع لاقوال الشهود وبعد ماعترف المتهم ثائر بكل الجريمه واصراره ع انو هو القاتل حكمت المحكمه حضورياً ع المتهمين كرار وثائر بالسجن 25 سنه مع الاعمال الشاقه المؤبده ...
صكر بصدمة 😳
ام ثائر بصدمة 😳
ابو ثائر بصدمة 😳
الكل بانت عليهم اثار الصدمة بسبب تغيير مسار القضية تعالوا انشوف شلون اتغييرت
ثائر :-من عرفتها اتزوجت خلص كلت انتهت حياتي خلصت ..كلشي كلششششي ماعاد الدنيا بيها طعم كمت اشوف كوولشي اسود كدامي الي شمرت نفسي هل شمرة الخاطرها خذلتني واتزوجت وعافتني تايه ابحر اظلم ..
صدك يادنيا مالج امان الي اعز احبابي غدروا بيه وخذلوني شأترجه بعد من الغرب قررت اغير اقوالي كلها وغير مسار القضية وتحملت الجريمه كلها ونحكم علي 25 سنه يعني انسان ميت ع قيد الحياة هه ..
اخ ياجمرة كلبي رفعت راسي وشفت امي وابوي اكبالي خارت قواهم من اثر الصدمة ركضت عليهم احضن بيهم ابوس واشم بأمي واكلها :-الله يخليج سامحيني يايمه يايمه ابوس ايدج سامحيني ..
سحبني الشرطي من بين حضن امي وهيه تتوسل بترجي ايبقيني بحضنها شوية لكن الشرطي سحبني ومشه بيه لسجن بالطريق صار صكر اكبالي وكال
صكر :-ثائر شسويت صدك جذب ليش هيج ليششش الي سويته غلط شلون تغير اقوالك شششلون
ثائر :-الي اكبالك هسه جسد بلا روح مشكور ع تعبك وياي ماقصرت خوية
عافني ومشه سحبني الشرطي ومشينا كل خطوه مشيت بيها اذكر ضحكاتها بجيتها مشيتها حضنتها كلشي بيها اااااااخ بس مع الاسف خسرتي حبي لو تحفرين الارض متلكين مثله ...
..........
بماذا تشعر؟
اشعر بـ وجع فقراء الأرض جميعاً
وحزن عجوز مسنه انتظرت ابنها المسجون عشرون عاما وفي ليلة الإفراج توفى
اشعر ببكاء اليتامى ليلاً وصراخهم
اشعر بموت من ماتو ومن مات لموتهم
اشعر وكأنني مقبره لا تحتضن سوى العذاب💔💔
......بعد_مرور_6_اشهر ....
سناريا ... من بعد خطوبتي من ياسر صارت حياتي من سيء الى اسوء ماعرف شبيه كلشي بيه انعدم والخبر الي صعقني حكم ثائر المؤبد حسيت خلاص انحكم ع حبنا بالموت لحد مامر 6 شهور ع خطوبتي عادي مابيها شي هو يشتغل واني دراستي ماعدنا شي
بيوم اتصل وكال حاب احجي وياج كتله اتفضل
ياسر :-ابن عمج ادم شنو كان يعني الج
سناريا :- انهبط كلبي كمت اتلعثم بالكلام كوه لزمت اعصابي كتله ابن عمي لا اكثر
ياسر :-سناريا كاعد احجي جد وياج
سناريا :-مثل ماكتلك مجرد ابن عمي
ياسر :-خلص
سناريا ..ظل يلح ع موضوع ادم هواي بيوم اجوي اهله زياره كنت عادي ارحب بيهم واني احب ازل صارت صديقتي حيييل كمت اريد اقدم حلويات دخلت عمتي ام امال عفتها ومشيت عنها كعدت تحجي وي ام ياسر
لوين امي يمي بالمطبخ احنه عازميهم ع الغدا ..
صبينه الغدا عادي بس وجها اخت ياسر مثل احد ماكل عشاها ياربي شبيها هاي استغفرالله
ظليت اكل بروحي شكو حتى ازل متحجي وياي زوجة الدكتور حيدر حيل حبابه وتحجي عادي خلصنا غدا ياسر طلب يشوفني امي كالتي غيري ملابسج وروحي شوفي اني هم كمت كلت افتح كلبي اله ماخسرانا شي
بدلت شي مستور وحلو وطلعت يمه بالصاله المنفرده عدنا هوه جان كاعد ع القنفه قربت منه واني شايله صينة العصير وميته خجل
دنكت هو كام اخذها مني لزم ايدي وكعدني بصفه وكال
ياسر :-شلونج
سناريا ..هزيت راسي وابتسمت هوه ابتسم وكال
ياسر :-شوفي شنو جبتلج
سناريا ..شنو
ياسر :-اتفضلي
سناريا ..انطاني هديه عطر كلش حلو اخذتها وكتله شكرا
ماعرف كلبي ليش بارد من يمه
ضل يحجي عن شغله وشصار ويا وكال اشتريت غرفه حلوه تركيه شويه وكال
ياسر :-اني اترخص
سناريا ..اترخص كمت وكتله شكرا ع العطر عجبني
قرب مني استغربت حركته سحبني وباس خدي وكال يرخص الج الغالي
دنكت وكتله:-مايحتاج
عفته ومشيت وهو طلع بعد ماتنهدت اوف ماكدر احبه اكو شخص ثاني عايش بكلبي
دخلت للغرفه ورا اسبوع ياسر كال عندي موضوع وياج ...
وهم جبت الغرفه الجديده بدلت وانتظرته هو بحكم زوجي اخذت وياي اخويه محمد واجه بس كان شكله عصبي وحتى مبين علي راح يقتلني بنضراته ابويه كاله ظل ع العشه كاله لا عمي مايحتاج سحبني من ايدي ومشينه طريق كله يتأفأف ويضرب بالسترين خفت صدك منه ..
شكله يخوف حييييل كلبي راح يطلع من مكانه هو يسوق حيييل وصلنا لبيتهم دخلت استقبلتني عمتي وازهار وازل اريد انطق وارد السلام منطاني مجال اخوية محمد كعد بالصالة وياسر كبل اخذني من ايدي ودخلني للغرفه خفت منه وكتله
ششششدسوي
ياسر :-شششنو بينج وبين ابن عمج احجيييييي
سناريا ...وكع كلبي بين رجلي وجمد الدم بعروكي اتسمرت بمكاني وكتله :-ما ما مابيني وبينه شي ..
.. قرب مني ولزمني من ايدي وحجه بعصبيه وشياطين الدنيا كلها تنط كدام عينه وكال
ياسر :- ...
وللحكاية بقية ...
((نحُآولْ أنْ نَهربْ منْ أحزآننِآ .. !
نُخبرهُمْ أننآ ألقينآهآ فِيْ قآعْ النسيآنْ, بينمآ تلمعْ دآخل أعيننآ حِكآيةْ ’’
ستفتكُ بنآ الأحزآنْ إِنْ لَمْ نَسدْ َمَنآفذَ قُلوبنآ وَنمنعْ هذهـِ الجُرثومةْ منْ أنْ تتشعبْ بالجسد كُلهْ فَتمرضهْ ..!))
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
