رواية حظ عاثر الفصل التاسع ليل ادم
بعد انتهاء العمل
ادهم : اي أنا تحت أطلع ولا تنزلي
الأم: لا أطلع عايزين حد يشيل عمك جمال علشان الدكتور كتبله على خروج
ادهم : يادين النبي عايز حد يشيله هو الراجل أتشل ولا عملت في اي الوليه دي
الأم: منا قولتلك لسه بيعافر
ادهم : طب استني اطلب أوبر الأول
الأم: ما تخده معاك في العربيه
ادهم : اللي هو اذاي أما هو عايز حد يشيله معنا كده أنه عايز ينام على الكنبه اللي ورا وانا اصلا عربيتي كلها كنبه اي هينام يحط رجله على كتفي
الأم: ادهم الموضوع انتها أطلع خود عمك جمال
ادهم : سلام ياما سلام دنتي بتعملي حجات غريبه
الأم: سلام يابن الغريبة
ادهم : ( طلع فعلاً ياخد عم جمال من فوق أول ما دخل) مساء الخير يا جماعه الف سلامة عليك يا عم جمال
جمال : ( بيكح جامد جدا)
ادهم: متتعبش نفسك وترد أنا حاسس بيك ربنا على المفتري
أم أيمن: قصدك اي يا ادهم
ادهم : هو أنا فتحت بوقي يا ام ايمن اي ده ايمن هنا اهو
ايمن : عامل اي يا ادهم
ادهم : أسأل جوز امك بتسألني أنا ليه
أم أيمن: و أن شاء الله بقا عربيه ادهم هتاخدنا كلنا كده اذاي
ادهم: نعم يا خالتي
الأم: ( بتغمز ل ادهم )
أدهم: وربنا ما يحصل
بعد مرور عشر دقائق كان الجميع في عربيه ادهم
أم أيمن: اي يا ختي الزنقه دي
الأم: معلش يا حبيبه هانت اهو
ادهم : ياما في اي انتي هتقعدي على حجري روحي هناك شويه
الأم: اهو
عم جمال : اهو هموت
الأم: الله امسك نفسك بقا يا جمال
ادهم: يمسك نفسه اذاي انتي قاعده على قلبه دي وصله سوده
ايمن : في كيس سخن تحت مني اوي اي ده يا ادهم
ادهم : انتا قاعد على الاكل انتا كمان الله يحرقكم كلكم
ايمن : مخدتش بالي والله
ادهم : صحيح كبل الاحساس مقطوع خالص
الأم: افتح يا واد يا ايمن امك من الصبح جعانه اوي
ادهم : ( بص ل أمه اوي )
الأم: ( غمزت ادهم ب كوعها خليك كريم )
ادهم : منا ببتسم ابتسامه صفره اهو
ايمن : حلوه الكفته دي يا ادهم
ادهم : أمدغ طيب يا ايمن بلاش تشفط ل تقف في زورك تجيب أجلك انتا و امك
الام: هات علبه الطحينه دي يا ايمن
ايمن : اوف ينهر اسود
عم جمال: عيني ياولاد الكلب يا كفره اه مش شايف
ادهم : في اي
ايمن : علبه الطحينه وقعت على وش عمك جمال
ادهم: ما صحيح انتو مش عارفين تقعدوا كمان فاتحين الاكل خود اغسل وشه
الأم: جمال غريب بصراحه يا حبيبه
أم أيمن: هو عصبي كده على طول والله يا فاتن
ادهم : صحيح عم صلاح متعبناش معاه كده مات في البيت إلا انتا سودت عيشتنا
جمال : ( مسك ايد ادهم )
ادهم: ( شد ايده ) ياعم سيب داخلين كامين سيب بقولك يا عم زفت سيب الطفح امسك ايد جوز امك
ايمن : حاضر حاضر
الأم: هات كيس سلطه يا ايمن وخلي بالك لو نزلت في عينه دي هيقطع مننا خالص ( وبصت ل ام ايمن ) ياختي كنا سبنا يومين في المستشفى
أم أيمن: لا يا فاتن هقلق عليه
ادهم : عندها حق فعلاً لو فضل في المستشفى في احتمال كبير يفضل عايش
ايمن : ( بيضحك)
أدهم: هات سندوتش يابني طيب اقسم بالله أنا كمان جعان
الأم: ( غمزت ادهم) الأكل على الاد أنا عامله نفسي باكل ل حد منهم يتكسف
ادهم : عامله نفسك بتاكلي اي ياما دنتي ماسكه لوحدك نص كيلو كفته
الأم: ياود اسكت عيب
ادهم : هيا الشنطه بتاعت عمك جمال فيها حاجه للسيوله
ايمن: ليه مالك
الأم: لا ياواد يا ايمن أنا عارفه ابني علاجه اي افتح بوقك يا دمدومتي
أدهم: وكتاب الله ياما لو فتحت بوقي هعضك عضه يطلع فيها غلب السنين
عم جمال: ليه بدري يا كفره هموت
ادهم : ياعم اتنيل منتا اللي ماسك في الدنيا اوي
عم جمال: شايفه ابنك يا فاتن
الأم: يا خويا أنا شايفه بركه انك انتا اللي لسه شايفه
أدهم: عيب ياما خلاص يا عم جمال عشر دقائق ونكون في البيت
عم جمال: لسه عشر دقائق
أدهم: هو العشر دقائق عندك رقم يا عم جمال دنتا عايش بقالك ٧٤ سنه
أم أيمن: صعبان عليا اوي يا فاتن
الأم: أن شاء الله يقوم بألف سلامة يا حبيبه دي عين
ادهم : اه والله العين فلقه عم جمال
أم أيمن: ياختي بقولك الفستان صعبان عليا انتي دخلتيني في حوار تاني ليه
الأم: ليه ماله
أم أيمن: لسه بقلع الفستان ياختي لقيت جمال عمال يتشحطف وقشط على الفستان خايفه يكون باظ
أدهم: ( بيضحك ضحك هستيري) هو كل ده حصل قبل ما يحصل أي حاجة
جمال : اسكتي يابنت الكلب ياللي معندكيش دم
ادهم: بعدين اي قشط دي
الأم: ( بصوت واطي) رجع يعني
ادهم: ( بيضحك جدآ وكل العربية ماتت من الضحك)
ايمن : ( مسك خد عم جمال ) كنت واخد اي ياخلبوص
ادهم: برشام حموضه اكيد
الأم: ياختي ولا يهمك هاتي الفستان أنا هخلي قشطه
ادهم : وربنا لو دخل البيت منا قاعدلك في
بعد وصول ادهم البيت
ادهم : حمدالله على السلامه يا چيمي يا عنتبلي
الأم: هاتي يا حبيبه الفستان
حبيبه: اه ثواني يا فاتن
أدهم: ياما بتقولك قشط عليه انتي بتعملي اي
حبيبه: اهو يا فاتن
فاتن: هاته يا ادهم
ادهم : ( وقف في لحظه صمت مع قفله في العقل مش فاهم يعمل اي )
ايمن: مالك يابني
ادهم : هات فستان امك هات
ايمن : حاضر
الأم: رايح فين
ادهم : جعان هشتري اي حاجه
الأم: ماشي صحيح هتلبس اي بليل
أدهم: انتي صحيح عزمتي رحاب و غاده ع فرح الواد
الأم: والله دول ذاي العسل لقيت رحاب بتقولي اي فرح حد من اصحابك قوليلي قولتلها بنت حلال فرح سعيد النهارده تعالي
ادهم: هتكلي اي ياما
الأم: مالك بس يا حبيبي
ادهم : منا مش هتكلم خليها تمشي ذاي ما هيا ماشيه لما نشوف أخرتها معاكي
الأم: انزل انزل
بعد نزول ادهم
حماده علبه: ادهم
ادهم: اي يا علبه
حماده: عمك جمال عمل اي
ادهم: الحمد لله تمام لسه جايبه وجاي من المستشفى
حماده: الراجل ده عنده فرده مروحه فضلت اقوله بلاش مقبرة الزوار
ادهم: لا متقلقش عمك جمال أسد بس هو تقريبا بطنه مكركبه
حماده: اه ممكن محدش قاله برضوه يقلع بلبوص ويرقص في الشارع
ادهم: هو قلع بلبوص في الشارع
حماده: اه الشارع كله كان عمال يصور في
ادهم: صور في ينهار اسود ياما لتكون عملتها (ساب حماده وطلع البيت جري كانت أمه ماسكه الفون خطف الفون من أيدها شاف صوره عم جمال بلبوص بيرقص ومكتوب عليها شاهد قبل الحذف ولسه كانت هتنزل في جروب مع الله بتاع أمه )
أدهم: اقسم بالله كنت متاكد من القصه دي
الأم: يا واد في اي
ادهم : بتعملي اي ياما دي صوره تتحط ل راجل عنده ٧٤ سنه
الأم: ياض ماله ما لابس فلانه قط اهو و شورت
ادهم : والله جسمي بقا بينمل جامد وقلبي بقا بيحرقني من أفعالك بعدين اي شاهد قبل الحذف دي هو انتي مصوره كنغر ياما
الأم: مش قبل ما خالتك أم أيمن تحذفها
ادهم: يارب ياما البيت يقع علينا كلنا علشان ترتاحي
الأم: بعد الشر هو احنا ناقصين
ادهم: ( لقي ام سعيد خارجه من المطبخ)
ادهم : اي ده في اي
أم سعيد : فين الأكل يا واد يا ادهم خلينا ناكل لقمه قبل دبكه الفرح
ادهم : ( رجع تاني في لحظه صمت بس طويله حبه )
الأم: ايوه يا ختي رايح يجيب اهو
ادهم : والله ما هتكلم أنا نازل
أم سعيد: صحيح يا دومه سعيد كان عايزك تخده عند الحلاق بتاعك بيشكر في
الأم: ياخده ياحبيبتي ياخده
ادهم: منا خدته كده كده ياما من ساعه ما جيت على الدنيا وعرفت انك امي
الأم: خليك متربي يا جزمه
ادهم : بتكلمي مين ياما
الأم: يوه يواد امشي هات الاكل جعانين
ادهم : رايح ياما
سعيد: السلاموووو عليكم
ادهم : وعليكم السلام يا سعيد اقعد عبال ما اجيب الأكل
سعيد: أكل اي عايز أروق الدنيا
ادهم : مش فاهم عايز تعمل اي يعني وبعدين عمال تدعك في صدرك كده ليه
سعيد: وديني عند الحلاق
ادهم : طب ناكل ولا اقولك ياله خليني يجيلي هبوط و أخلص
بدل ماتدور وتبحث علي الروايات خليها علي تليفونك وحمل تطبيقنا
