رواية ملكة الشيخ ضاري الفصل التاسع 9 بقلم ساره المجيد
مساءكم هيل وزعفران يا احلا متابعين
♨♨♨♨♨♨♨♨♨♨♨♨♨
سمعت صوت مصعب وهو يكول نعم موافق ..
ورجع سألني استحيت اكله اي خالتي راجحة كالتها بدالي بس الشيخ كالها اريد أسمع من صوتها مو منج كتله اي موافقه بس بعد ماشليت كلبهم ..ههههه. .
سمعت صوت الهلاهل طرشتني طرش
أجت خالته لبستني الذهب عدنا مايصير الولد يشوفها كبل الدخله فا تجي خالته لو امه لو اخته لو عمته تلبس الذهب لبستني الذهب والكل هلهل واجت امي ملكة خطيه تبجي وتمسح بشيلتها ههههه
بستها ..خواتي هم باركلي ماكان اكو شي أسمه تصوير بس تلفون ارضي وكاميرات عادية ابوي ماقبل نصور شي حتى فلم مايقبل نسوي عفت السالفه ..
صبو العشه تعشو الجماعه وطلعو ..قبلها اجت اخته وكالت منتظرني بره يشوفني متت بدمي تريدني انشخط ع البلوعه اوف منك مصعب شكد عنيد طلعت وياها وارفع بثوبي ..وصلت يمه هي راحت وفكت ايدي سحبني من ايدي ..
ايمان ..يا شبيك
مصعب ..ههه وهم الج عين تحجين ادري ابوج شنو رب الحلو حتى شوف ماقبل أشوفج راح انجلط ولج مريتي اريد احضن اريد ابوس اريد اشوفج ماكو يبسها علي 😂..
جنت احجي واباوع ع وجها الترف سبحان الله يابه راح اموت الحكلي قربت وجهي منها واتنفس ريحة عطرها المبخره اويلي يابه وكعت ومحد سمه عليك يامصعب ..
بوسته من خدها وردت ابوسها من شفايفها جان تصيح الجاموسه خرعتنه هههههههه هيه ماتت من الضحك دفعتني وراحت طبت جوه ..
رفعت شعري ليورا وضحكت خررب لشت الجاموسة خرعتني 😂... ياربي شلون اخمط منها بوسه مادري لازم اشوفلي فرصة 🤔 ..
.....
...
أيمان ..دخلت ليجوه اركض وبالي كله بهذا ابو لسان خليت ايدي ع كلبي ينبض بسرعه مثل الي راكض وراها جلب مسعور اوف ايمان يمكن حظج كعد واخيرآ الحمدالله ..بهاي فرحت هوايه من عرفت ابوي راح يشكل النا خط تلفون ابو الفره هههه
ثاني يوم اجوي العمال شكلو التلفون وطبعا ابوي بس راحوا العمال وكفنا بمثل الضابط والجنود ..
شيخ ضاري ..اسمعو كلكم هذا التلفون وشكلنا اذا دك ماكو حرمه ترد بس انه موجود انه ارد اذا جنت بره احمد ومحمد موجودين خوشششش ..
الكل ..خوش ..
خلصنا شغل وكفه اجت ابتهال اخت مصعب جايبه رقمهم وحجت شويه وياي وراحت ماظلت سجلت الرقم بس ماعرف أستخدم التلفون اجه محمد علمني والحمدالله عرفت شلون استخدمه مو ثوله لا بس جديد عليه ..
محمد ..هسه فهمتي
أيمان ..اي فهمت
محمد ..جا جيبي رقم المحروس خلي اخلي ..
ايمان ..هاك 😁..اخذه مني ودك رن رن بسرعه سمعت صوت مصعب هو يكول لحد يريد انه ارد ..
رد ع محمد بعد سلام وكلام انطاني مصعب وكال خمس دقايق وبس منو يدفع الفاتوره ابوج ..هههه ضحكت جا موش ابوي هو اليدفع ..
محمد ..بس بس يلا ردي عسريع بلا لغوة زايدة افتهمتي ..
مصعب ..الو يمعوده ردي ..
أيمان ..اخذت التلفون للغرفه سديت الباب ورديت ..الو .
مصعب ..أأأأأأأخ من اروح سبع فدوات لهذا الصوت بوووية ابوس هل صوت وصاحبة الصوت ..
أيمان ...بخجل هههه
مصعب ..شوف الضحكه الخجوله من خررب عمي هيه غير تحجي ولج اريد اسمع الصوت الي فزز كلبي اول ماسمعته ..شلونج حبيبي ..
ايمان ..ههههه الحمدالله وانت ..
مصعب ..بووية هسه صرت احسن من سمعت صوتج ياغزالتي 😉..
ايمان ..كاعده احجي وسمعت صوت ابوي بسرعه كتله ..مصعب اجه ابوي اج ابوي روح روح ..هو نخبص بيه بسرعه سديته وطلعت التلفون لصاله بدون مايحس وركضت للمطبخ يمممه مثل السعفه صرت جسمي كله كام يرجف خرررب غير طركاعة لو جان لاكفنه ..
مرت الأيام ع خطوبتي ماكو شي جديد هم نفس الشي بس بيوم طلب مني مصعب يشوفني !..
مصعب ..امونة حياتي مشتاقلج موووت بداعتي اريد اشوفج
ايمان ..لالا مستحيل وين تشوفني
مصعب ..اشبيج بنتي هيه شغلة ثواني و اروح ماطول عليج بخت امج ارضي فدوة لعمرج اروح ..
ايمان ..ابد مستحيل
اجت هبه خليت ايدي ع سماعه تلفون وكتلها ولج يريد يشوفني شلون ورطه هففففف ..
هبه ..خوش كليله يجي وشوفي ورا البيت
ايمان ..قصدج يعني وين ورا البيت ولج ؟
هبه ..مايريدها اثنين ورا البيت يم الحيوانات هههههه
ايمان ..انجبي امداج ..بس تدرين🤔 خوش فكره خلي اكله دقيقه 😁...كتله مصعب اذا تريد اتشوفني تعال اليوم الظهر للحظيرة الي وره بيتنه ..
مصعب ..ششششنو يممه .. يعني واحد جاي يشوف خطيبته يشوفها يم الحيوانات بنص الهوش والطليان وبالحضيره بربج صدك تحجين لالا عمي دطيري ..
ايمان ..والله هذا العندي وهذا احسن شي يله باي ..
مصعب ..اوكفي اوكفي دقيقه خرررب حظي ..تعاييي يمعود خوش عمي جاي اشوفج ..
تاليتها وياج اشوف وين توصل ..كلت بكلبي هاي تاليتك يامصعب تحضن حبيبتك ومريتك يمك الهوايش والجواميس 😤😤
ايمان ..اي عفيه هيج صير حباب 🙄
كمت سديت التلفون وصار الظهر ورحت بدلت دشداشتي ضحكت بسري هههه هاي شلون ورطه بس لا يشوفني ابوي لا اليوم خميس وابوي مايجي هسه يوم الجمعه ينزل ..
اخذت نفس عميق حتى اهدأ شوية لان جنت متوترة بشكل مو طبيعي عبالك مسوية جريمة يربي ..
خليت شال ع رأسي وطلعت شفت هبه منتظرتني كتلها اكفيلي بالباب خاف ابوي يجي حتى تنبهيني هزت رأسها اي ..
وكفت بالباب شفته اجه وشايل بيده علاكه ..ابتسمت ودنكت وكفنا ورا الحضيره سحب ايدي وجان يبوسها ..انتفض جسمي ماعرف شعور مثل الكهرباء هادئة دخلت لكل جسمي حسيت روحي صخنت خررب هاي بوسة ايد هيج خردلتني لو شسمه شلون يبووووو شبيه اتسودنت ..
كتله احم وهاي شفتني يلا روح
مصعب ..لا هاي واكفه ..بربج يعني اوصل اوصل وماضوك شي تحلمين ياحلوة عشم ابليس بالجنة
ايمان ..عزززه العزاك ولك شنو تضوك استحي ع روحك يله شو روح روح يله
مصعب ..قربت منهه وكتلها هو اني شوكت استحي بستها خطف من شفايفها وخليتها تختنك انحبست انفاسها بحلكي وهي ظلت تطفر وتكمز وتضرب بيه اويلي شعور يجنن هههه
سمعنا صوت عمي ضاري وهو يصيح ع اخت ايمان بسرعه لبدت 😨 ..
وهي مدري شبيها وجها ضرب الالون اتسودنت ..طلعت وسدت الباب وأسمع يكلها شسوين اهنا ولج ..
ايمان ..ها يابه جنت اشرب الهايشه خطية جانت عطشانه ..
مصعب ..خررب حظي سوتني هايشة من اشتعلوو اهلج 😝
ضاري ..طبيييي جوه يلا بسرعه الدنيا الضهريه ..
ايمان ..ااااااي صصصصصار يابه صار ..
ركضت طبيت اتذكرت مصعب خرب بحظي بس لا يشوفه ابوي اويلي لطمت ع خدي بحركه دم اوف اوف ..
شويه وسمعت صوت ابوي يصرخ 😱😱 لالا رحت بيها عزززه العزاج ايمان صخام بوجهج أيمان اكيد لكف مصعب وزوركه بالخيزرانه 😭
..دخل ابوي وشايل بيده طير الدجاج ماكله حشاكم الجلب ..ومقهور علي وكله من وراي عود نسيت الباب مفتوح مالت عش الطيور الدجاج وطاب الجلب حشاكم خامطه وخوش حصلت رزاله معدله وحتى انحرمت من الاكل لخاطر بس مصعب افندي 😤
المهم فلتت هبه وجها اصفر بس من شافته هدأت أمنت ..المهم من بعد هذا اليوم مصعب ماطلب مني يشوفني خلصت تجهيز العرس وكلشي وكالو يومين ويصير العرس واحنه من الأساس كلشي مخلصين لميت الملابس بقجه (او صره )..
كلها الجديدة والعتيكه من اباوع لامي واخواني وخواتي احزن هواي راح اعوفهم امي كل يوم اشوفها تبجي بس تفرح تكول انتي كبالي شريد بعد تحاول تقنع نفسها بهاي الكلمتين اجت خالة مصعب اخذت ملابسي ..
ثاني يوم رحت اني وامي وعمتي مرت عمي فضل ام حيدر ..وجنان ظلت تعزب بالبيت لام الصالون هههه هو مو صالون بس بيت صغير بس وحده خوش تخلي مكياج وسوي شعر صبغت شعري ذهبي واني بيضه ومندفشه خوش اللون لاكلي ..هيه حنه وزفه ...
بدلت العرس لبستهه صنع خياطه ردت اشتري بس امي ماقبلت اوف ..
كملت وطلعت حلوه .. المهم لل3 أجه خالي اخذنه بسيارته دخلنا لبيت شفت كومه نسوان اجت كعدت ع الكرسي امي بجت كتلها ..
يييمه حبابه لا تبجين والله ابجي وياج
ملكة ..هههه لا هاهيه يمه سكتت ..مسحت دموعي بشيلتي ..
ايمان ..انتضرنا شويه واجت المله ..وسوت اناشيد وكولات الي نعرفها وسوت الي الجلوه (طبعا الي ماتعرف شنو الجلوه هي اربع بنات شرط ماممزوجات كل وحده تلزم طرف من شال أبيض والعروس تلزم كاسه مي بيها ورق الياس وتخلي الشمعه تقطر بنص هذا الكأس والي تلزم طرف الشال تطلب شنو مرادها من السيده فاطمة الزهرأء مع الاسف المعضم عبالهم هي لزواج لكن هيه للرزق وللنجاح وطلب المراد ..)..
اجت بنات عمي كلها وكفن ...
اربع لزمن ألجلوه وبدت المله تقراء ادعيه لتحقيق الأماني ..خلصت وزعت الجكليت الي بالشال والي طاح بحضني للبنات الي لازمات الجلوه ههههه ..
غمضت عيني خايفه من هاي اللحظه يارب ..
حنتني خالته بصبعي وباطن ايدي شويه وسمعنا صوت السيارات وضرب النار خفت بوقتها دخل سلام ابن عمي فضل وكال المحجبه تلبس حجاب اجه العريس كلها لبست حجاباتها شويه ودخلوا قبله ابوي عمت عيني شلون طالع الدمعه بطرف عينه 😢...
دنكت وباس رأسي وكالي.
ضاري ...مبارك عليج بويه رفعي رأس ابوج يم بيت عيالج لا تجيني بيوم تشكين خليج ستر لبيت عيالج وصيري مره سنعه ارفعي بيها تربية ابوج وامج صيري حزام ظهر زوجج مثل امج ابد لتخذلي بيوم اسمعي كلامه وابد لتكسريله جلمة صوني زوجج وبيتج وصيري مره معدلة
ايمان ..هزيت راسي كتله ان شاءالله بويه دنكت بست ايده مصعب واكف بسد ابوي اخذ ايده وايدي وسلمني اله وكال أمانة الله ورسوله واهل بيته بنتي خليها بين عيونك ..مصعب ..تدلل عمي ع رأسي ..اخليها ...
ايمان ..ابوي طبطب ع ظهره وكعد بصفي دنكت من خجل وهمس بذاني مبروك مرتي من كثرت الخجل الساني انربط ...
شويه وكالو يلا أمشو لبسني شال وعبايه لازم ايدي وطلعنا من البيت تركت كل ناسي وهلي متت من القهر واني اصعد واشوف اخواني وامي واكفه بالباب لازمه طاست الماي طكيت من البجي ومصعب يهديي بيه ...
وفرونا كربلاء بعدين رجعونا لبيتهم اجت وياي مرت عمي فضل دخلت للغرفه وهي تعلمني بس ماتدري لو اوجها عجل ولا هاي الشغله اهون هههه
شويه وسمعت الهلاهل قوت وصلت لباب الغرفه ..
طلعت عمتي وصته عليه وهو دخل واني افرك بديه من الخجل والمستحه كوه لازمه نفسي مابجي رفع عني الكب ..شافني لو صفن بيه ..
مصعب ..ماشاءلله ايه من الجمال ربي يحفظج الي ياروحي ..
ايمان ..أمين..
باسني برأسي ونزل ع خدي
ونزعني بدلتي
وحضني من خصري حسيت معت بحضنه وقرب وجها ع وجهي وبده يطبع بوسات خفيفه ودفن راسه بركبتي وانفعل صارت لمساته جريئة ووووووووو.......
سناريا ..وخلصت قصه أيمان ومصعب واتوج حبهم بالزواج ههههه ..بعد شهرين من زواجهم طلعت امونه حامل باول ابنيه الها ...
أسمها (هديل)..
وهسه ارويلكم قصة امي حبيبتي اسمهان وشلون صارت قصة زواجها بابوي 😍😁
------------
طبعا ابوي هوه حسين صديق عمو مصعب رجل خالتي ايمان اكيد اتذكرتوا راح احجي بلسانه
حسين ..السلام عليكم انه حسين مواليد 1974..
عندي صديق أسمه مصعب هو صديقي من ايام المعهد فا بيوم الي خطب بت الشيخ ضاري كنت ويا وساعدته حتى يحصل عليها وسبحان الله حصل مراده اجت فتره عمتي اخت ابوي تلح عليه بالزواج هي وامي واهلي يعني ليش ماتزوج وشنو السبب المهم ..
صارت شغله عند بيت الشيخ ضاري اخذت امي وعمتي وابوي ورحنه نشوفهم لان كالوا اهل الحزب متناصبين وي الشيخ وهم هو تعبان ف من راحوا بعد السلام وغيره ...
رجعنه للبيت جان عمتي تكلي
ام جاسم ..ولك يمه حسين شفت عدهم بنيه تخبل خلي نخطبها الك
حسين ..يمه الله وكيلج ماناوي اتزوج وانتي شايفه ضروفنه
امي ..يمه شني ضروفنا خلي نزوجك ونفرح بيك
حسين ..رفع حاجبه وكاللها ..خير ع خير يمه الله كريم
مرت فتره وامي وعمتي بين كول يوم يكولن كوم خلي نروح نمشي عليها كبل لا يتزوجها احد وياخذها منك ومدري شنو
رحت لعند مصعب بالليل وسولفت اله كلشي جان يكول
مصعب ..اي والله ياخوي ماتلكه احسن من اخت حرمتي كلش زينه
حسين ..يعني انت متأكد خاف احد رايدها
مصعب ..امممم ماشي اشوف حرمتي واردلك خبر
مصعب ..رحت يم ايمان وحجيت الها كلشي جان تكول
ايمان ..ييي والله اسمهان ماكو احسن منها هاي خيتي حبيبتي وهنياله للي تصير اله امه داعيتله
مصعب ..هاهيه يعني محد رايدها
ايمان ..لا كول لصاحبك توكل بالله ولاتخاف
مصعب ..رحت لحسين وحجيت ويا كلشي وكتله
جان يفرح وورا اسبوع راح اخذ مشيه مشيت شيوخ بعد انه هم رحت من طرف حسين
حسين ..كملت كلشي وخبرت اهلي كلهم وكالوا توكل بالله ورحت خطبتها وقريت الفاتحه والحمدالله صارت من نصيبي الحمدالله والشكر وصار وقت العرس والزفه واخذتها نورت بيتي
سناريا ..ومرت الايام وبسنة 25/3 /2002....بهذا اليوم والسنة اجيت اني ع الدنيا 😁..سموني سناريا وهذا اليوم صادف ذكرى العشره من محرم ...
وكانت الطرق كلها مسدوده وكان الوضع الأمني مو تمام امي ولدتني بنص الطريق الي صار بين الحسين (ع) ..
والطريق الي يودي للحله ..والي ولدت امي هي ام جدي الشيخ سالم ..اجيتهم ع الدنيا جانت كلها تحلف بهاي الجيه ..
اعرفكم عني اكثر وركزوا زين 😆..عندي 7عمام ..3 اكبر من ابوي و3 اصغر من ابوي ..
الجبير ..ابو ادم ..عنده آدم اووف ومادراكم من هو ادم ... وهاشم و منتظر ومحمد ومصطفى الجبير الثاني ابو أسياء عنده بس أسياء
وولدين عباس وخضر
الوسطاني ..ابو أمال شهيد الله يرحمه ..وعنده بس أمال ومرته عايشه ويانا ...
ابوي وبعدين وعمامي الصغار بهاي السنه مامزوجين ...
مرت سنه كلشي مصار بيها 2003 من سقطت بغداد وانولدت اختي أميره هههه بأيام السقوط ومن بعدها ..
بلشت الدنيا تسود بعيون الشعب ...
المهم ...
نرجع لبيت جدي بسنة ال2002
خالو محمد تزوج انتصار بت عمه ..وخلف أبنيه سماها نور ..
وخالاتي الباقايات بعدهن مامتزوجات ..
خالو محمد صار شرطي ع شهادة الثالث
ومن بعدها بلشت السنوات تمشي حياة عاديه لكن جدو ضاري مرتين راح سافر اول مره عمره هو وبيبي ملكة ومره ثانيه لايران عالج نفسه ..عنده فقرات وهاي ..
من بعدها مرت السنوات صارت سنة ال2005..
خاله نيران تزوجت ابن صديق جدي وخاله هبه تزوجت عدنان ابن عمها فضل ..
بل2005..امي خلفت اخوي محمد ..
وخاله هبه ..هم جابت عبدالله طبعا اهل ال2005 بينهم اشهر هههه
خاله نيران ..جابت سجاد ع الدنيا ..
وخاله أيمان جابت تماره ..
وانتصار زوجة خالو محمد ..جابت علي وفاطمه تؤم ..
خاله جنان ..صار عدها زينه وثائر وحسين ومحمد ..
وبلشت العالم تحير بشغلها بس بالمناسبات نشوفهم ...
وهسه اجيكم ع السنه الي بلشت بيها او اول ايام المشاكل ....
وكتها جنت صف رابع أبتدائي ..وخالو احمد خطب وعزمونا ع عرسه ..
لبست بدله ورديه وامي سوتلي شعري ضفيره طويله شعري أسود وثخييين حيل وطويل ...
جنت حيل سمينه هههه ..مو هسه صرت ضيعفه ها معبالكم بعدني دبة 😂..
المهم جان عمري 9..سنوات وثائر عمره 16سنه ...
جنت واكفه واركص وي بنات خالي عادي درت وجهي شفته واكف ويباوعلي وعيونه بكصته ..
اجه ركض لازم ايدي وجرني جنت طفله ماعرف شنو قصده نزلت علي دوسه ونص غلط شتم وسب هههه
جنت مدلله حيل يعني اخذني الواهس بالغلط .شالني من اكتافي وصرخ بوجهي ..
ثائر .. اشششش كافي وجع بكلبج خبصتيني والله اذا فتحتي حلكج اخلي نعال بي ..
سناريا ..ماأأأأأأأأ وخر وخر حقير ادبسزز وخر اصيح لامي والله اتطيح احظك 😡
ثائر ..اشش اسكتي ..كعدتها ع الكرسي وكعدت بصفها كامت تبجي كتلها ...منو لبسج هاي الصخام ..
سناريا ..مالك شغل زين
ثائر ..هاأأأ مالي شغل مو
سناريا ..اي اي مالك شغل .. تدري البارحه شفتك اتسوي شي مو حلو
ثائر ..يااا ولج شنو
سناريا ....شفتك تشرب جكاير مثل بابا 😒..
ثائر ..انصدمت لا يالله خليت اديي ع حلكها وكتلها ..ولج بس لا كلتي لحد وقسما بالله ابوج احركه ..
سناريا ..همممم وخرررر دفعت ايده وكتله ..ماكلت لحد هو عادي ابوي هم يشرب جكاير
ثائر ..اي عفيه بالشاطره السباعيه فدووة لهل خدود الجنهن طماطة 😁..
سناريا ..ههههه انت شسمك
ثائر ..ههههههههههايي لا بربج صدك تحجين ابن خالتج وماتعرفين شسمي
سناريا ..اني لا ماعرفك 🤔
ثائر ..اني أسمي ثائر
سناريا ..امممممم مو حلو أسمك🤔 اني اسمي سناريا ..مديت ايدي وكتله ..تشرفت بمعرفتك ..
ثائر ..أبتسمت عليها والله خوش طفله فصعونه تفتهم وتعرف تتكلم هههههههه بس هي هيج حلوه لو اني متوهم الخدود نفس الطماطة والشامه الي بخدها اويييلي سطرتني سطر بستها من خدها وكتلها ..واني هم تشرفت بيج ..
سناريا ..مسحت بوسته وكتله ايييييع عيب مايصير تبوسني امداك 😝..
ثائر ..لا ولج يصير يصير 😂....
وللحكاية بقية ..
وستبدأ قصة عشقاً طفولياً ليكبر ويتحول الى عشقاً مجنون بين البالغين لاكن ماذا تخبأ لهم الايام والاقدار تابعوا قصتي الى النهاية وستعرفون الاحداث المشوقة التي تنتظركم !!
بدل ماتدور وتبحث علي الروايات خليها علي تليفونك وحمل تطبيقنا
