رواية هدية الشيخ رضا الفصل التاسع 9 بقلم أوتار حزينه
ثاني يوم صفاء ترخصت من رضا حتى انروح للصالون قبل بس كال لاتكصين شعرج
ولا شويه رحنا اله وويانه بس سيوفي
لان سنا بقت يم ابوها هناك البنيه استلمتني تنظيف
بشره وحف وگلبت شگلي
من وصلت لشعري كتلها
« لاتكصين منه
ولا شويه
«لا عيوني شعرج حلو ويخبل بس
اسرحه واخصله ثلجي وهو بي شكار
يطلع يخبل
صدك لزمتني وسوتلي شعري حتى
صفاء تعجبت بي من شافته وره
ماكملت كملنا واشترينا منها كم ثوب
نوم وعطور وغسول مال حمام اشتميت ريحته وعجبني اشتريت منه اربعه.... لبنات سميه اثنين والي اثنين
كملنا ورجعنا للبيت
طبينا جوه سمعت رضا يصيح ومبين علي عصبي
مشيت بسرعه وگلبي نغزني خاف صاير شي بأهلنا
لكيته يحجي بالتليفون ويصيح ويأشر بأيده
«ولك شلون هيج يسوون وانتو وين جنتو
انه ماكلت عيونكم عليهم ذوله مو راحه
وراح يبلونا وي الاوادم جايه هسه مااطول والله اليوم اديرهم من سلفنا
وانه الشيخ رضا
سد التليفون بعصبيه وهو يسب بيت عواد
اظليت واكفه يم صفاء وساكته
فهد حجه
خير شيخ شمالهم بيت عواد
عارات الزلم متحارشين بنات ابو عقيل
وكايلات لاهلنا وذوله تخبلو وهدو عليهم
وصايره طلابه شكبرها وفوك شينهم ضاربين
اخوهن سجين بصفحته
لطمت خدي وسالته
عزه تاذه بن خاله حبيبه
لا الحمد لله بس الدنيا مكلوبه بديرتنا
ولازم اروحن هساع
فهد سال
اجي وياك
لا ابو سيف اكعد انته الولد
هناك مايقصرون يله ليله امشي حضري غراضج
خلنا نتوكل بسرعه
اي رضا هسه
صفاء كالت
اتغدو بالاول وبعدين روحوا
رضا رد راحت للمطيخ مشيت للغرفه
اسمعه يحجي
تعالي ام سيف ماأريدن شي منو بعد يشتهي الزاد
مايصير تطلع والوكت غده
بيتك عامر ياخوي ماتقصر بس والله
ماأكدر اظل لان ظل بالي من الي صار
لميت غراضي وطلعت لرضا اشوفه غده نار
وعكد الحواجب اخذ الغراض وطلع بيهن خلاهن
بالسياره صفاء اجت حبتني وكالت
سلملي على الاهل وهذني لفات ومي وقواطي
خاف تجوعون بالطريق
تسلمين حبي بيني علينا لاتطولين
ان شاء الله بس يروح فهد ويلتحق اجي
يمكم
يل ليله مشينا
اي رضا
صعدت يمه حرك من راد يطلع من بيتهم دغني
بجتفي عاينت اله كال
البوشيه بويه
ياا اي شلون نسيت
غطيت وجهي وكلت اريد اغير مزاجه
حتى وانت بنص الطلايب ماننساها
ابتسم ومحجه شي
طلعنا ورانا الحرس اسمعه يحجي على
بيت عواد جانو مو خوش ولد
ومشاكلهم بسلفنا
كامت تزيد يوم
وره يوم
بنص الطريق اخذت علاكه
الاكل طلعت اله انطيته لفه ماقبل يأكل
كال
اكلي انتي مااشتهي الزاد
رجعت اللفه بمكانها كال
ليش ماأكلتي
ماأكدر اكل لان نفسي تلعب من الطريق
سكت ظلينا نحجي بسالفه بيت عواد واسمعه
يتحلف بيهم وصلنا قبل المغرب
شفنا ولد عمومته واكفين بره
ومتحزمين وينتظرو
فات بالسياره لجوه يم باب البيت
نزل وكال
طبي جوه وعوفي الغراض هسه اخلي
علي يجيبهن الج
هزيت براسي باي ونزلت طبيت للمطبخ عمه بيه
تلگتني وكالت
هلا يمه الحمد لله على السلامه
الله يسلمج عمه شلونج انتي وشلون جده
رازقيه والبنات
الحمد لله يمه زينين رضا وينه راح
يم الولد
اي شصاير وشبيهم ذوله يوميا مسويلنا طلابه
وجايبين المغثه اله
فالت عيارهم والاب تعرفي فقير ومايكدر
يحجي وياهم جلمه
اي رضا تحلف بيهم الا يديرهم من السلف
اي يمه ابني واعرفه مايعوف السالفه تبرد
واصلا هو متحلف بيهم من زمان
وكال يجي يوم واديرهم من
يمنا
مشيت للغرفه جده بنات سميه شافني اجني
يسرعه عليه فرحانات بشوفتي حبني
وراحن وياي ليم جده
سلمت عليها وكعدت يمها عمه هم اجت
وصلت سلام صفيه الهم اسمع جده تحجي على بيت
عواد وتسب بيهم وتلوم بابو رضا لان ماديرهم من زمان
حليمه اجت وياها زينب انتبهت عليها بهل الفتره
مو على بعضها ومن تعاين عليه تبين
متوتره من شافتني فزت
وگضت امها كالت
الها
روحي شوفي الغساله كملت الهدوم
بسرعه راحت من يمنا حليمه ارتجت على
الباب وكالت اليه
شرفتي يالمسعده يالكاعد حظج يم
رضا
اي يكعد لان ادميه ماطعنته بظهره ولا شهدت
زور حتى اهلها يرضون عليها
جده رازقيه ردتها وكملت
ها اشوفج سكتي ااي اسكتي احسنلج وخلي
جيفتج مضمومه لان الخيسه اذا فاحت
تلوح اهلها اول الناس
الكل تجاهلها عمه كالت
الله يستر من ولد عواد ذوله الشر يمشي بدمهم
وايدهم والسلاح
هسه وينهم
گضوهم ولدنا وسلموهم للشرطه
وابن خاله حبيبه شلونه
الحمد لله يمه صوابه مو جتال لان جايته
الضربه بمجان مو حساس
ااي كله من رضا هو هد الديره وخلاها هدد
من راح وي ست الحسن
حليمه ردت بحقد
مادرت بال ولا جاوبتها اعرفها تحجي من
غيرتها وهم راسي يريد يطك من الوجع
ونفسي تلعب من الطريق
عمه انهدت
خاايبه ليش ماتسكتين شتريد يربط روحه
بالديره ومايطلع لاي مجان
عوفيها يانبعه تره هاي تحجي من قهرها
مو هامتها الاودام
شمالج يااجده كل ساع تحجين حجايه
اكبر من اللخ
حليمه انهدت بجده الي صاحت بيها
وولج صوتج لا يعلى عليه لاااكوم ادكج
بهل العصا ووامشي ولي من وجهي حراام
يكول غراب وينغط فوك راسنا
اانه غراب يااجده
حشه الغراب انظف منج وافهم لجن عگرب
تلدغين وتضمين راسج
بسج عاااد رامشي من وجهها شتريدين يسمع
رضا وهو جاي غادي نار من وره هالطلابه
ويطلعها بيج
عمه انهدت وسمعنا صوت علي ينده
جددده
كمت علي وهي وياي رحنا للمطبخ شفنا واكف
عمه كالت
فوت يمه
خلاه الغراض على الميز وكال
اريد اسلم على جده
اي تعال
اخذته لجوه شلت علاكه جده ورحت وراهم
كاهد يمها سالته
ها يمه شصار على سالفه ولد عواد
والله ياجده عمامهم يريدون يكعدون ويفصلون اهل
الولد حتى ولدهم يطلعون
اي وراي خالك شنو
والله الشيخ مايتحجه مورث نار ويكول طلايبهم كثرت نفصلهم وانديرهم هذا اخر الكلام
العندي
اي هو هذا الي جان لازم يصير من زمان
اترخص جده محتاجين شي
لا يمه الله وياك روح
طلع زينب فاتت من يمه سلمت انتبهت علي
صفن عليها وطول بعدين نزل
راسه وراح
انطيت صوغه عمه وخليت صوغه حليمه
وبناتها يمها اخذنا البقيه انه وبنات سميه وصعدنا
لغرفتي وعد اجت
وكضتني من هدومي
سالت بخجل
يمه ليله
ها گلبي
جبتي النا شي
ووج وعد عيب تسالين اامشي يله خلي
نطلع
مريم انهدت بيها ضحكت وكلت
هههه اوكفي شبيج ورثتي بسرعه
ياربي انه وين ماأروح يطلع رضا
بوجهي
عيب خاله تسال
ميخالف انه مثل امها مو غريبه
تعالن اكعدن يمي
طلعت الغراض كلمن حاجتها بعلاكه
فرحن كلش وحبني
باعي ورده هاي غسول خلي
بغرفتج اغسلي بيه انتي ومريم ووعد ريحته كلش طيبه
تسلمين يمه
بالعافيه عليجن
خلي ننزل وكت عشه وجده تريد عشاها من وكت
ودن الغراض بغرفتجن بين ماابدل
اي هسه نوديهن
راحن لغرفتهن وسدن الباب بدلت وكلت الغراض
لليل ارتبهن نزلت لجوه رحت للمطبخ
ام كرار بي كاعده تجلف
كومه مواعين كلت
خلي اساعدج بيهن
لا شيخه عوفيهن انه هسه اكملهن
لا ام كرار خليني اساعد بيهن حتى نفضهن
بساع
ظلينا انه وام كرار نشتغل ونحجي بهل الطلابه
العشه جان يمنا وهي والوياها طابخات هبيط
لحم وجايبين دجاج مشوي من
السوك
البيت جان مگلوب بديت انظف بي انه ومريم
وكلت لورد تمسح الاثاث
مريم روحي اكنسي غرفه جده رازقيه بالاول
اي ليله هسه
الحلو ببنات سميه الله يرحمها يسمعن
الكلام ويشتغلن بس بنات حليمه يجن
على كد الاكل ياكلن ويكومن حتى ماعون مايشيلن
كله تعلوم امهن الي هي هم اضرب منهن
كملنا كنس وبدينا نمسح
عمه تفتر وتدعي اليه تحجي وياي وعيوني على
مريم وجهها مدري شبي صارلها فتره
ذبلانه وبس تصفن
كلت يجوز تذكر امها وضامه قهرها بگلبها وهم
لان حليمه وبناتها تعالمهن وياهن مو حلو
راحت امسح غرفه جده رازقيه
الي كالت من شافتني
يمه شمالج جايه هاده على البيت بهل التنظيف
جده النظافه حلو شمي الريحه كو تخبل
عوفيها يمه والله البيت انگلب وجاف بهل اليوم
حليمه ماتصيرلها جاره لا هي ولا بناتها اسمعج
تحجين وياهن وهن اذن الطرشه
اي والله ولوما هلمستوره هي والوياها يطبخن
جان تفشلنا وي الاوادم
عمه ارتاحي انتي ربعد لاتدمين ايدج على شي
الله يرضى عليج يمه ويرزقج بالولد
بنات سميه صاحن
ااامين
ضحكت وكلتهن
يله امشن اسبحن والبسن الدشاديش الي
جبتهن الجن
صعدنا سوه طبيت لغرفتي
عزلت الغراض وطلعت الحلويات كلت من انزل انزلهن ويايه رتبت كنتوري وطلعت دشادشه بنفسجي فاتح وشال بلونها
طبيت للحمام غسلت بالغسول وشفت
ريحه طيبه كلت وي روحي
الا اكول لصفيه تجيبلي
منه بعد
طلعت شفت رضا كاعد على الجربايه منزل
راسه ندهته
رضا بيك شي
رفع عيونه اليه رد
لا مابي شي تعالي يمي
رحت كعدت يمه ابتسم وكال
ريحتج طيبه
اي هذا غسول اشتريته من يم ام ااصالون
هو انتي بلا غسول ريحتج طيبه
ابتسمت وسالته
تسبح
اي والله اريدن ابرد راسي
كوم يله اسبح بين ماأسويلك العشه
ماأشتهي اكل شي
رضا لخاطري اكل تره اذا ماتعشيت انه
هم ماراح اتعشه
لا بويه اتعشه لخاطر عيونج الحلوه
ابتسمت اله حبيته من خده كال
يله روحي حضري،العشه هسه اسبح وانزل
من عيوني تأمر أمر شيخ
كمت حضرت هدومه وعفته يسبح اخذت الحلويات
ونزلت لجوه خليتهن بالثلاجه وبدينا
نصب العشه
ليله يمه سوي لبن وي العشه
اي عمه من عيني هسه اسوي
حليمه نزلت هي وبناتها بس اجه رضا وبدن يخلن
بالاكل بالسفره وهي بس واكفه يمي
وتتأمر
رضا نزل شافته وظلت صافنه علي جان لابس
دشادشه جسمه تارسها وجهه دم
لان سبح گلبي اختلفت
دگاته كال
ها بويه خليتنا العشه
هااا اي
رديت بفهاوه انتبه عليه وابتسم حليمه
سالت وهي تگلب بعيونها علينا
راح تطلع
اي اريد اروح للولد الصوبو ولد عواد
هاا
ردت مشيت منزله راسي ورحت خليت صينيه
اللبن بالسفره كعد وكعدت يمه
مال سألني
بيج شي حبيبه
ها لا ماكو شي
رضا
رفعت حواجبي من شفت خجلها امي سالت
ها يمه اشوفك مبدل لازم راح تطلع
اي يمه اروحن للولد اشوفه واتفق وي عمامه
على الكعده مااريد تطول الطلابه خاف
يوكع دم مره ثانيه
زين ماتسوي يارضا
جده ردت وكملت
ديرهم لاتخليهم بالسلف ذوله اذيه اذا
ظلو يمنا وراح يجبولك يوميا طلابه
هو هم هيج ياجده
اكلت شويه وكمت غسلت ليله اجت ورايه
كلت
كملي عشاج
اصبلك جاي
لا بويه راح اشرب گهوه من المضيف
مسحت ايدي بالخاولي اخذته مني تعاين مبتسمه
كلت
خير ببنت گلبي اهيس بيج شي
ماكو شي
صفنت عليها الخجل لاح بملامحها كلت
ارد ونتفاهم بغرفتنا
خجلت بعد اكثر كملت
اروح
الله وياك
رضا طلع من يمنا والتهينا نلم بالسفره حليمه
هي وبناتها بس شالنها رادن يصعدن
عمه صاحت بيه
حليمه كفي شغل المطبخ انتي وبناتج
عاينت بضوجه وكالت
امشن اجلفن المواعين
اانتي وياهن فضنه كله واغسلن الجدور البره
صاار عمه صاار
ردت بنتره وراحت وي بناتها صبيت الجاي
لعمه وجده وكعدت يمهن وره ساعه سمعنا هوسه
بالمضيف حليمه اجت تنهد وكالت
جده سمعتي الهوسه اليم الديوان
اي سمعنا بس ماأفتهمنه شي
حبوبه هذا ابن عواد الجبير رعد من سمع يريدون يديروهم هد على رضا وهدده
يمه اسم الله علي
حجيت هيج ورحت اعاين من الشباج مالت الاستقبال
شفت هوسه وصياح اريدن اشوفن رضا
ماكو. ظليت واكفه بمكاني وگلبي يدك سريع
من وره خوفي علي
يمه ليله تعالي رضا مايقبل واحد يوكف
يم الشباج
اي عمه
رجعت وكعدت يمهن وحليمه بس تحجي
صدعت راسي صدع
صارت بالعشره واحنا كلشي مامفتهمين
من الي صار نسمع الصياح وكل ساع اروح للشباج
اعاين بخوف واشوف الزلم بره
هي وسلاحها
رضا
طبيت للديوان مالتي بعد مارجعت من المستشفى البيها الولد الي انظرب شفت
ولد عمامي ووجوه العشيره
كاعدين وينتضروني
طببت وسلمت عليهم وكعدت بمكاني
جدي طالب كعد بصفي كال
«ها يبعد ابوك شنويت على بيت عواد
«ماكو غير يدفعون الفصل ويديرون من ديرتنا
ناهي كمز من مكانه وحجه وهو يهوبز
«جا انته لو مديرهم من زمان
جان ما صار هذا كله
حجه هيج وهو يعاين للكاعدين
عرفته يريد يضوجني بعدها
بقلبه الكتله مال ابنه الي اكلها من ايدي
ركزت عليه زين وخوزرته وجاوبته
«انه شوكت حجيت هذا الحجي
ياناهي انه اتذكر من ابويه راد يديرهم
انته وابوك الله يرحمه ماقبلتو وكلتو عيب
اندير واحد من عشيرتنا الاودام راح
تاكل ووجهنه
تغير لونه وكال
«هاي شوكت صار هذا الحجي انه ماأتذكر
«لا ناهي صار وانه موجود وشاهد على هذا الحجي
جدي طالب رده ناهي من سمع جدي حجه هيج
بلع لسانه وسكت
«شوفو يوجوه الخير انه قررت هذا القرار واريدن اسمع شوركم
«شيخ انته توكل واحنا وياك ومانطلع عن شورك
«اي شيخ تراهم اذو العالم بسوالفهم الشينه
وبعد مالهم كعده بنصنا
انه كاعد اجه رعد يهوبز ويهدد الولد تكفلو بي
وطردو من يمنا كمت وره مافضت الكعده
ورجعت لبيتنا طبيت للهول
ليله كاعده هي وامي وجدتي سالني على
الصار طمنتهن ماكو شي
شفت وعد نايمه كعدتها واخذتها لفوك مريم
لحكتني هي وورد اخذتها للغرفه تمددت تثاوب
طلعت حليمه اجت وكالت
ها رضا شصار
ماكو شي
شلون ماكو شي وانه سمعت الهوسه وتهديد
رعد الك خاف يسويلك شي
خلي يولي منهو هو حتى اخاف من تهديده
او اسويله حساب
رديت عيوني على ليله طبت للغرفه مشيت
اجت وكفت جدامي كالت بتوسل
رضا تالي وي زعلك
عكدت حواجبي كملت
اعرف روحي غلطت واسفه والله عرفت غلطي
انسى الصار لخاطر بناتك
حليمه روحي لدارج
مشيت گضتني بقوه خزرتها وسحبت ايدي منها
كالت وهي تبجي
انه هم حرمتك وعندي حقوق يمك
وانه مااكدر انطيها الج نفسي جفت من يمج
يبنت عمي
رديت هالرد ومشيت من يمها طبيت لغرفه
ليله سديت الباب ضايج
من حليمه والكاعد
يصير
صفنت عليها فاله شعرها ولابسه دشادشه
قصيره روحي فگت من شفتها
تضحك اليه اجت ليمي
وسالت
حلو اللون
اي ولايك الج هوايه
حظتني من خصري وحبتني من خدي كلت
كلت اهيس بيج شي
ختلت بحظني وكالت
اكلك شي
كولي بويه
يعني من شفتك لابس هالدشادشه مااعرف
شصار بيه حبيتك بيها كلش
وشفتك طالع حلو
رفعت حواجبي وخرت مني عاينت لعيوني
خجلانه والخدود حمر كضيت خدها
بهداوه
تره انه حلو لجن عيونج ماجاي تشوف هالشي
ههه ومغرور هم
صفنت بعيونها ورديت
مغرور بيج يبنت گلبي
ابتسمت وخلت الگلب يدك دكه عشك
حبيتها من الشفه وضعت هناك عشت وياها لحظات
نستني التعب والهم الجان بگلبي
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
