رواية هدية الشيخ رضا الفصل الثامن 8 بقلم أوتار حزينه
رضا
فتحت عيوني كوه وانه احس
الدنيا تفتر بيه وراسي يريد يطك من الوجع
«ها خال شلونك هسه
زاهد سألني كمت من مچاني، ،،،،،،، وارتجيت
على الجربايه انتبهت حاطيلي،،،،،،،، مغذي بأيدي
حجيت كوه وگضيت راسي
«زاهد شصار
«هبط الضغط مالتك ونزل كلش
عدلت نفسي،وذبيت حسره من گلبي سالته
«صارلي ،،،،،،شكد نايم وليله
شخبارها
«صارلك نص ساعه نايم والشيخه نايمه بعدها ماصحت
من سمعت بيها بعدها ماصحت
كمت زاهد گضني
« خال لادكوم تره بعدك ماتكدر
مادرت بال شلت الكانوله من ايدي وكمت من وكفت حسيت بدوخه بعدين توازنت طلعت
ورحت للردهه النايمه بيها ليله
وصلت شفت اخوتها وابوها واكفين بره
اول ماشفوني اجوي ركض عليه
عباس حجه
«الحمد لله على سلامتك شيخ شلون
صرت
«الحمد لله احسن
جاوبته هو وعم علوان وناصر طبيت لغرفتها
لكيت امها وامي كاعدات مقهورات وصايرات
فد مرة دعاء واكفه يم راسها
الحجيه من شافتني كامت واجت عليه
سالتني بوجه غادي دم
«ها يمه شلونك هسه
«زين يمه مابيه شي لايظل بالج
«شجاك يمه انته ومريتك بيوم
واحد تطحيون عليه
حجت هالكلام وكامت تبجي
ورحت على ليله شفتها مثل ماعفتها
الوجه اصفر والشفه بيضه وجوه
عيونها زراك يخوف
عيوني غوشت من شفتها هيج وراسي ثگل بس دست على روحي وحجيت
«يمه شبيها ليش ماكعدت لهسه
مسحت دمعتها بشيلتها
وجاوبتني
«والله يمه ايكولون نازفه هوايه
وتعبانه من العمليه،،،،وتاخذ وقت يله تكعد
«اويلي يمه عليج ليله وين جانت
الج هاي شجاج يمه وشوكعج من الدرج
من ساعه السوده من صعدتي
«يمه لاتسوين هيج مابيها شي
ان شاء الله
«ولك عباس بنيتي بين الحياه والموت
وادكول مابيها شي
«خيه ام عباس استهدي بالرحمن وادعيلها تره دعائج مستجاب
«ياارب اريد بنتي منك اريدك ادكومها من هالشده
يارب ماعندي غيرها لاتفجعني بيها
كعدت اعاين الها ماكو اي حركه منها بغير عالم
الدكتوره طبت هي وممرضات اثنين
طلعونا حنا الزلم وظلن بس
النسوان وكفنا بره
وره مشوار طلعت ممرضه تركض عاينت عليها
ومااعرف ليش گلبي هبط ردت اطب دعاء
طلعت سالتها بسرعه
« ووج شصار وليش هالممرضه طلعت
تركض
ردت عليه بوجه مخطوف
راحت تجيب بعد دم
شنوو ووج ليش راحت جيب دم شنهي
بعدها تنزف
ااي ااي بويه فحصتها الدكتوره وكالت الها
بسرعه جيبي بطلين دم
سند ظهري على الحايط احس بعد مابيه حيل
عم علوان كعد يبجي اخوتها مايعرفون
شيسون ايدنا كلنا تربطت
وظلت بس يم الله
هو يگومها من هالشده
الممرضه رجعت طبت وطلعو امها وامي
من يمها هالشي خبلهن وخلاهن يگابلن الباب
وهن يبجن وينعن صحت
بخبال
«كااااافي لاتفولن عليها مابيها شي
هسه تصير زينه وترجع لبيتها
ناصر راح يسكت بامه
وانه جتي عيني بعين ابوها شفته
رفع راسه للسما وعيونه تصب دموع وكال
«رحمتك ربي هي امانه عندك وماتخيب الي يضم عندك امانه
يالله رايدها منك لاتفجعني بيها
رددت بتوسل وعيوني على الباب بذيج الليله
خلوه الها دم مرتين واشوف صارت
هوسه يمها دكتوره جبيره
اجت حجت وياهم
اجوي وضربوها ابر طلعت من يمها
كلنا رحن الها سالت خايف
من الي راح اسمعه
«دكتوره بشري حرمتي شلونها
« هسه اكدر اكول احنا كدرنا نصيطر على النزف
منا للصبح اذا كعدت خير ان شاء الله
سكتت اريد احجي واذا ماكعدت
بس بلعتها وتأملت خير من الله سبحانه وتعالى
من راحت الدكتوره وا كبل رحت عليها قبل لاأطب كلتهم بصوت مخنوك
«خلونا بحدنا مااريدن احد
يجي وراي
امي حست بيه گضت لم ليله وظلن بره
طبيت اجر برجلي اعاين الها صارت مثل الورده الذبلان سميه بين عيوني شلون
راحت من ايدي بلحظه
كلت بصوت مخنوك
من كعدت يمها
« شتريدين يبنت گلبي تروحين وتضربيني
براسي ضربه اللخ تراني مااتحمل ولا
اكدر اصبر على فراكج
انتي غير عن الكل
ياليله انتي الهوه
الي اشمه
گضيت ايدها بستها كملت بخنكه
« انتي فرحتي الي اجتني تالي العمر صرتي فرحه
بيتي وعافيتي ترد بس اشوفج
واشوف ضحكتج الحلوه
خليت راسي يمها ونيت بصوت مكتوم
ااخ وج ااخ من ايدي الصار انه خبصتج وخليتج
تستعجلين على شغلتي طاح الولد
وفدوه الج بس انتي
كومي من هالشده
ايد گضت جتفي رفعت راسي امي يمي
تبجي كالت
گوي گلبك يمه والعوض من ربك
مااريد غير هي ادكوم يايمه راح الولد فدوه
الها لجن انه هسه مخنوك وخايف لاتروح هي هم
من ايدي
ماكو شي يابعد امك رحت للدكتوره توسلت
بيها وكالت والله عدت مرحله الخطر
يالله يالله
رددت وتوسلت برب العالمين كالت
«كوم يمه وروح صلي وادعيلها ادكوم سالمه
من هالشده
عاينت ليله نايمه ومو حاسه باي شي كمت
اسند روحي على الجربايه حبيتها من راسها
وطلعت رحت اخذت من زاهد هدوم جابهن اليه لان الجنت لابسهن كلهن دم صارن سبحت
بالصحيات توضيت ومشيت
للحديقه صليت هناك
وكعدت ادعي نخيت رب العالمين
بجاه نبي محمد وال بيته الاطهار تمر هاليله
على خير
رجعت وياي حيدر وزاهد اخوتها بعدهم كاعدين
هم وعم علوان طبيت شفت حبوبتي
جاي وكاعد يمها تقره على
راسها
الفجر لاح النا وصلينا ساعه 8 انه بره واكف
والكل يمي دعاء طلعت بسرعه
كالت
بوويه ليله كعدت
فزينا كلنا طبيت ورايه ابوها واخوتها ممرضه
تلكتنا وكالت
مو هيج عيني المريضه تعبانه مو زين عليها
الهوسه واللمه
راح نطلع بس طمنينا عليها
هسه تجي الدكتوره وهي ادكلك الوضع
ظلينا بره وگلبي نار عليها اجت الدكتوره
فحصتها وطلعت سالت بلهفه
ها دكتوره شلونها حرمتي
الحمد لله عدت الخطر طب شوفها بس لاحد
يطول يمها خلوهت ترتاح تعرف وضعها
مايحتاج اشرح الك
تمام دكتورة
راحت من يمنا طبيت انه وابوها واخوتها كاعده
تون رحت يمها كلت
الحمد لله على سلامتج
فتحت عيونها وكالت بتعب
«رضا
«ها بويه
گضت بطنها صفنت عليه سالت
« ابني وين
درت وجهي منها وجمدت الدمعه بعيوني
گضت ايدي سالت بخنكه
ابني عااش
يمه وين ابني عايش مو
وينه جيبو الي
امها كامت تبجي هي وامي وسكتن
جده رازقيه رغم لهفتها على الولد بس
جانت اقوانا كلنا جتي ولزمتها من ايدها وكالت
«يمه ليله لاتسوين هيج بروحج الله
ماقسمه الكم وراح يم ربج الي
ارحم هو مني ومنج
عاينت الها روحي ممروده ومقهور كلش عيونها صارت بعيوني هزت راسها
بلااا وهي تبجي
صرخت
لاااااا لادكولها ااابني مااامات رضا خلي يجبو
اليه يمه جيبي لشبل وولكم ااابني
مامات ااصبح جان يدفر
بطني
تهسترت وتخبلت تريد ادكوم من فراشها ماخليتها
ابوها طلع يبجي اخوتها هم طلعو وراه
امي وامها گضوها الممرضه
طبت وكالت
هااا شنو كافي ماما راح يرجع النزف
وج يمه الحكي علينا عرفت ابنها راح وتخبلت
گضتني تبجي وتصرخ
«رضا كول مااامات موو شفته يتحرك
ولكم كول ماامات وريحو گلبي
« وج كاافي راح يصير بيج شي
رديت عليها الممرضه بسرعه ضربت ابره
بالكانوله انهارت بفراشها تردد
بخبال
« ااريدن اابني ااريد اخلي بحظني ووج
يمه مافرحت بي خذاه الموت من
وكت
شجاج وكعتي من خرب حظج وحظي وياج
مااوكعت احد دفعني
ردت هالرد وهي تغمض وتفتح كملت
بتعب
رضا دفعوني ووموتت ابني
غفت تشهك بالبجي عيوني عليها وروحي ممروده
شلون اريد اواسيها وانه اريد احد
يواسيني انتبهت كصتها مجروحه ومخيطه
من اثر الوكعه وجوه حنجها ازرك ومجروح
انتبهت لامي من گضتني كالت
خلي نرد يمه نبدل ونجيب الها هدوم وبعدين
نجي
هزيت راسي باي وصيت امها ردت
روح يمه لاتوصيني على وصله من گلبي
عاينت الها غفت والدمعه على خدها ذبيت حسره
طلعت نار من جوة گلبي طلعت
زاهد اجه ليمي هو وحيدر
سالت
«جا وين دعاء
«وديتها قبل ساعه شيخ
هزيت راسي ومشيت وهم وياي ساند حبوبتي
كل خطوه تمشي تدعي الها بالعافيه والعوض
صعدتها وامي يمها صعدت
لجدام وصفنت للبعيد
غمضت عيوني
بتعب سمعت
«نبعه سمعتي شحجت ليله
«شنو يمه
«شمالج وين اذنج وماسمعتيها شحجت
وشكالت
«يمه انه من الهبطه والقهر ضغطي
صعد واذني لطشت لطش
كمت مااسمع شي
ولا اركز بالجلمه
«خايبه يبنت الخايبه كالت احد دفعني
ماوكعت من حالي
امي سكتت جده كملت
« وج خاف هاي العكربه الها ايد بالصار
لااا عمه هي جانت يمي بغرفتي من طاحت
ليله
جده سكتت انه هم شكيت بيها لجن امي
كالت جانت يمها وصلنا للبيت و
احس جسمي مكسر تكسر
طبيت للمضيف متل بيتنا
حليمه اجت وكالت
«ها رضا شصار
صفنت عليها عكدت حواجبي من لمحت
توتر بوجهها مارديت كمت امي ردت
بقهر
الاخبار عرفتيها بعد ليش هالسؤال ياوجه
السعد
صعدت لغرفتي طبيت وسديت الباب وراي
رحت للحمام رجليه كوه شايلاتني اريدن اسبح علمود اتنشط شويه حتى ارجع الها
ظليت جوه المي مغمض
عيوني اريدن ابرد راسي الحار
كملت لفيت المنشفه على روحي وطلعت
وكفت يم الكنتور فتحته دورت ملابسي
الداخليه وينهن انه عمري ماطلعت الي حاجه هي
كله تسوي اليه سندت راسي
على الباب ونيت
«اااخ يارضا راح شبل الي جنت تنتضره صارلك
سنين راح بلحظه واخذ فرحته ويا
كمت اضرب براسي بالكنتور
«اخ بوووويه وينك اكعد همي جبير
واريدن واحد يوكف وياي ويسندني
دمعتي طاحت مسحتها واستغفرت ربي اكثر مره
بدلت تفكيري كله يمها وتعبان من الصار
والهم والقهر سكنو
گلبي بدلت نزلت جوه امي تلگتني
كلت
جاي يمه راسي يريد يطك من الوجع
«يمه اكلك لكمه هياني سويت
ريوك
«ماأريدن شي بس جاي
«يمه لخاطري فك ريكك بلكمه انه هم مااكلت
شي لان اجيتكم بليل
جده رازقيه كالت هالكلام هزيت راسي
باي كعدت يمها دعاء راحت جابته
وخلته كدامنا
امي كعدت يمي تصب جاي
وحليمه اجت وجايبه خبز حار وخلته كدامي وكعدت اكبالي
«يله يمه مد ايدك تريك
مديت ايدي وخليت لكمه بحلكي
وانه بالي يم ليله
بووووويه
سمعت صوت مريم
وشفتها واكفه يم الدرج وتبجي وجاوبتها
«ها يبعد ابوج شمالج
«بويه صار شي بليله
«لا بويه مابيها شي عدت الخطر والحمد لله
تعالي بنيتي،،، ليش واكفه بعيد
اجت بسرعه وحضنتني كالت بشهكه
«بويه واخويه
«راح اخوج والعوض من الله
كامت تشهك وتبجي امي اخذتها مني هي
تبجي وبنتي وياها جده انهدت
«اسكتن شمالجن كلبتنها مناحاه
وي لكمه الولد اكل بعد جدتك يتعوض مادامك موجود
«يا شمال خدج احمر يمريم
«ها جده ماكو شي
«شنو ماكو شي هاي منو طاكج
«ماكو شي يمه انضربت بالباب
«يا غير اديرين بالج يايمه
بنتي سكتت ومشت من يمنا تشهك وتبجي
مرت الايام وكلشي تغير بليله
احسها بغير عالم تصفن هوايه
وتبجي من تكعد وحدها بغرفتها
انه حاس بيها والوجع الي بگلبها نفسه
بگلبي بس شنسوي هذا امر الله منكدر نعترض علي
بيوم رجعت بليل هي ماكو جوه سلمت وصعدت
لفوك طبيت لغرفتي وكفت من شفتها
حاظنه هدوم شبل وتبجي
شافتني نزلت راسها
رحت ليمها كعدت وكلت
« كافي بجي تره ماراح ترجعي لشبل
شهكت بصوت وكالت
« رضا ماجاي اصدك هو راح من عدنا
راح للاحسن مني ومنج وراح يصير النا ذخر
وشفيع يم ربج
سكتت تبجي وكاضه هدومه بقوه اخذتها
لحظني ختلت بي كلت
« كافي يبنت گلبي ارحمي روحج وارحميني
وياج
وخرت امسح بدموعها ابتسمت من عاينت
اليه وكلت
«شدكولين انروح لبيت صفاء
ومناك انزور الامام الكاظم
صفنت عليه بعدين هزت راسها باي
جا اذا موافقه كومي حضري حالج حتى
نطلع الهم وي الفجر
اي رضا
كامت وراحت للحمام غسلت وطلعت تحضر
بجنطتنا بدلت ونزلت رحت
لغرفه جدتي الي صارلها فتره مو على بعضها
طبيت كعدت يمها كلت
«جده اشوفج مو على بعضج صاير شي
وانه ماادري بي
« لا يمه ماكو
عاينت الها بتركيز وسالت مره اللخ
«اكيد ياجده
« ماكو شي حسبه براسي وافكر بيها
«خير جده شنو الحسبه الي تفكرين بيها
گضت ايدي بهداوه وابتسمت اليه كالت
«مو هسه يمه بعدين تعرفها
سكتت امي طبت شايله فواكهه خلتها يمها
وكعدت اگبالي كلت
«يمه انه باجر طالع الفجر وي ليله اريدن اخذها لبيت صفاء ومناك انزور
«اي يمه روح بلكي شويه ترتاح
وتتغير نفسيتها
الفجر طلعنا بسيارتي لبيت صفاء
طول الطريق ليله ساكته وماتحجي شي
بس صافنه على الطريق
گضيت ايدها بهدواه
التفت عليه وشالت البوشيه
سألت
ها رضا
عيونج عليه ياحلوه
ابتسمت لجن مو ذيج الي اعرفها باهته ومابيها
روح
ظليت احجي وياها اريد اطلعها من جو الكآبه
الي عاشت بي وره ساعات وصلنا
وصلنا لبيت صفاء دخلت السياره لجوه
تلكانه ابن عمي فهد حبني وكال
«هلا بالشيخ هلا بيك نورتنا
«وبيك اكثر ابو سيف
ليله نزلت خجلانه منه وكفت
ورايه
«هلا بمرت اخويه شلونج
«الله يسلمك خويه
صفاء اجت شايله سيف فرحانه وتهلي بينا
« هلا بيك نور بيتي بهل الجيه
حبتني انه وليله فهد حجه بضحك
«يابه على كيفج فد بوسه اشمري عليه كله لاخوج
«ها ولك شمالك بدت الغيره
غمز اليه وكال
«وداعتك جفاف هاي اختك ميبستها ويايه
وصايره تعزز هوايه عليه
ضربته على جتفه واشرت بعيوني لحرمتي الي
نزلت راسها خجلانه فد مره
« الكاع محضوره ولك تحشم وسد حلكك
ههههه سدينا شيخ ادلل انت واختك
رد خربان ضحك صفاء كالت
«تعالي ليله خلنا نفوت جوه
ليله
طبيت وي صفاء كالت
امشي للغرفه ذبي عباتج والبوشيه غسلي
بالحمام البيها وبعدين تعالي تريكي
بالغرفه ذبيت العبايه والبوشيه طلعت هدوم
اليه سبحت طلعت رضا موجود ومبدل
علكت دشادشته بالكنتور
انه واكفه اجه حظني
ولمني لصدره انداريت علي مبتسم
وصافن عليه كال
ريحتج طيبه
ابتسمت اله وكلت
دائما ادگلي هالكلام
لان صدك
سكتت وهو هم سالت
«رضا البس بوشيه من فهد
« لا يابعد العمر كله هذا اخوي مايحتاج
تلبسيها جدامه
هاا
يله خلي نطلع نتغده
طلعت انه ويا ورحنا للمطبخ لان
حاطين الريوك هناك فهد عاين اليه غمز لرضا
الي كله
«انجب واكعد ادوهر
« ههههههه انجبيت بوويه
كعدنا ليله سالت
«صفاء وين سيوفي وسنا
« نايمين عيني مايكعدون للظهر وبس يكعدون
راح يسولج حفله
ردت عليه فهد حجه بضحك
«اكولن ابن العم جا حليمه ليش
مالبستها هم بوشيه
« زلمتج هذا مارح يسكت اكوم علي واكسر
سنونه بحلكه
« هههه صار بيها تكسر سنون خلي اسكت
احسنلي
تريكنا اسمعهم واحد يشاقي اللخ كملنا ردت
الم الاكل وي صفيه ماقبلت شافت
رضا راح للغرفه كالت
روحي ارتاحي وي الغده نكعد نحجي
هزيت راسي باي رحت للغرفه طبيت
شفته مبدل كال
«اكولن حبيبه راح اروح وي فهد بشغله
تريد شي
«لا مو محتاجه شي روح الله وياك
حبني من راسي وطلع ماكدرت انام طلعت يم صفاء الي جهالها كعدو وبدت الطلبات مالتهم
شفتها دايخه بين سيف وسنا لان
اعمارهم متقاربه وبعدهم صغار
اخذت سيف وظليت العب ويا
عيوني غوركت من شفته شلون يناغي الي
صفاء انتبهت عليه وكالت
« شلونج هسه اعرفج بعدج تعبانه من الصار
عاينت الها وكلت
« الحمد لله بخير
« بس انه كاعد اشوفج مو بخير ذبلانه
وضعفانه كلش
ذبيت حسره من گلبي وكلت
« الصار مو شويه
«لا والله بس شسوين امر الله
ولازم نقبل بي
« صفاء انه القاهرني رضا اعرفه جان فرحان
بي هوايه وينتضره يجي بلهفه
اعرف بي مقهور لجن
ضامه بگلبه
« اي بس اخويه مؤمن وراضي بامر الله
وان شاء الله يعوضكم عن الراح باقرب وكت
امين
رديت راحت غسلت لسنا لان اكلت نستله
كالت بضحك من رجعت كعدت
يمي
« ااكلج اشو صايره مثل جبار ابو المولد
شنهي هالخلقه غيري المود ولج لا يزوج عليج
اخويه
رفعت حواجبي رسالت
منهو هذا
«شمدريني هاي فهد من يشوفني
مخربطه هيج يحجي
ولج عايني عليه ارتاحي كم يوم
واخذج على الصالون اليمنه
خليها تعدلج وتميش شعرج
«ها اخافن،،،،، رضا مايقبل
«انتي معليج عوفيها عليه
ظلينا نحجي على اهلها وسلفنا طبخت تمن احمر
وي السمج وسوت تشريب لحم وحلاواه
فهد كال اجيب سمج مشوي غدينا
الجهال واخذت
سيوفي للغرفه خليته
بحظني غنيت
دلوله يالولد يبني غفى ونام وره لحظه
عاينت علي ودمعتي نزلت
باب انفتح عدالي
صفيه لجن
جان رضا صفن عليه كمت شايلته
كلت
اروح اودي لصفيه
مشيت بي وكف جدامي وكال
بحنيه
«انه جم كتلج لاتبجين دموعج غاليه
عليه
سندت راسي على صدره گض وحبني من
عيوني الاثنين وخر مني وكمل
مااريد بجي جاي تعبين گلبي بهل الدموع
مارديت كمل
اذا تحبيني بعد لاتبجين وخلي عندج ايمان
الله راح يعوضنا ويفرح گلبنا عن
قريب
«امين رضا امين اريد العوض من ربي
الباب اندك راح فتحه صفيه طبت
وسالت
ها نام سيوفي
اي
احت اخذته مني وكملت
خليت الغده تفضلو هسه اجي بس،اخلي
هالفصعون بفراشه
عدلت حجابي ومشيت وي رضا رحنا
للمضيف مالتهم رضا من شاف الاكل بالگاع
كال
«اي هسه تمام وهاي الكعده الزينه مو الميز مالتج
«تعال رضا اكعد والله الكعده
اذا مو بالكاع
وتظرب ثريد بالخمسه ماتشبع بطنك
هههه والله صدك
اكعدي خيه شمالج واكفه
كعدت بصف رضا الي كعد يفلس
الي سمج وينطيني
«شوفي هاي لو حليمه يفلس ويحط يمها
«جا حاط عيونك على اخويه
ماتتعلم منه
«ولج انه احبج انتي تحطين كدامي مو انه الي احط
«خنب حظي اكلك اكل لايقلب عليه السمج
من القهر
«هههههههه هاج عيوني انتي لاتزعلين
كملنا الغده ،،،،،رضا ترخص منهم حتى نروح
نزور كمت وبدلت ولبست
عباتي والبوشيه مالتي ورحنا
نزور جدنا موسى الكاظم
وصلنا وجانت الدنيا ازدحام كلش
رضا لزمني من ايدي وكال
«شوفي ليله انه من جهه الزلم وانتي
طبي من جهه النسوان بس من تطلعين
اوكفي هناك
اشرلي على مكان
ينتظرني بي
جم مره عاد الكلام اهز براسي اي راح من
يم الزلم وانه من يم النسوان طبيت اشم ريحه
ترد الروح الشباج مال الامام صار
جدامي گضيته رخليت راسي
يمه بجيت وطلعت
الي بگلبي يمه ماخلوني اظل يمه لان ازدحام
شفت نسوان تصلي انه عندي وضوء وكفت وصليت اربع ركع كملت….. حسيت بروحي من الحر والازدحام اختنكت كمت رفعت البوشيه وكعدت وارتجيت على الحايط ماأدري شنو الصار بس حسيت بروحي عيوني ثگلن وغفيت
حلمت امشي ببستان كله اخضر
وشايله بأيدي خرزه
جان اعثر واطيح الخرزه من ايدي رحت اركض وراها بس ماكدرت اگضها اختفت عن عيوني
كعدت ابجي عليها واريدها وحده اجت من بعيد لابسه ابيض ووجها نور
گضتني وكومتني جرت ايدي وخلت بيها خرزتين ضحكت من شفتهن بس بعدين اجت غيمه سوده
عليه المره الي بالحلم وكفت بوجهها ووخرتها مني
عاينت اليه وهي مبتسمه
كالت
هاي عوض ربج
حسيت ايد تخض بيه فتحت شفت حرمه
جبيره تكعد بيه كالت
«كومي يمه مايصير تنامين هنا
صفنت عليها ودرت راسي على المچان سالت
انه وين
يا يايمه شبيج انتي بحضره ابو طلبه
تذكرت رضا فزيت كمت لبست عباتي ونزلت
البوشيه طلعت بسرعه ومااعرف شبيه
جن ايد بارده گضت گلبي
وبردته
من بعيد لاح يفتر بالمجان الكال علي والحرس
ماهم يمه كلت دزهم يدورن عليه
وصلت ليمه اندار
شافني تنهد
براحه واجه بسرعه كال
« يبنت الناس وين صرتي وكعتي گلبي وكلت
بس لاتاهت وطلعت من غير مچان
« ههه نمت بالحضره
صفن بوجهي من ضحكت وكال
وين نمتي
« اسكت صليت منا ومااشوف نفسي غير
رايحه بسابع نومه
«نومه العافيه بويه
«الله يعافيك
ردي طلع جهازه وخابر الحرس اجوي وطلعنا
من يم الامام احس اكو شي تغير بي وگلبي
النار برد كلت
رضا خلي ناخذ عشه وحلويات لبيت فهد
ها يعني فوك صوغتهم ناخذ الهم بعد
ههه انت ابو الخير ومو رايح لغريبه لاختك
عاين اليه وابتسم رد
حبي الج جاي يكبر يوم على يوم من وره حنيتج
على اهلي وبنات سميه
مادام اهلك احبهم واموت عليهم وعمه فدوه
لگلبها احبنها مثل امي واعزها هوايه
حبتج العافيه يبنت گلبي وبيج خير وتدللين
وجنت احجيج تره
ههه اعرف سوالفك
رضا
مزاج ليله تغير من زارت وفرحت بهل الشي
اخذتها للسوك اشترت الي تريده هدايا للكل
خابرت صفيه كتلها لاتسوين شي
جايبين عشه ويانا
رجعنا لبيت اختي تعشينا تعللنا اشوفها تسولف
وي صفيه وتضحك من رحنا
للغرفه كعدت حجتلي
حلم حلمته بالحضره يم الامام كلت
خير ان شاء الله
كامت تثاوب اجت لحظني حظتني
لميتها بي وغفينا
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
