رواية عاد طليقي الفصل الثامن 8 بقلم جمانه السعيدي
نور رجعت للبيت اسولف ويه نفسي معقوله هلكد اني متغيره
بس هو قبل ابد مامركز وياي
هي ساعه كعد وياي والضوه جان قليل
عشتو رومانسي
وشويه وشرد وين لحك يحفظ وجهي
بعدين اني هسه شكل ثاني
وصلت للبيت ماما احبج بكد الكون وحضنتها قوي
ماما هاا شكو خير فرحانه
...اي فرحانه مايصير افرح
ماما اني حيل متغيره
....جنج ورد تخبلين ولله لوماانتي ابنيتي جا ما عرفتج
اليوم شذكرج بهاي السالفه...
....اليوم صادفت صديقتي بلمتوسطه وما عرفتني وتفاجئة
.....يايمه قبل وين وهسه وين
....شمسويه غدا ياست الحبايب كلش جوعانه
....برياني ودجاج
...الله الله ابدل واجي على السريع
جمانه السعيدي
تعشيت ونضفت المطبخ
وصدت الغرفتي اتمددت
الله على الدنيا فرتك ورجعتك اليه
رحت الاخر الدنيا وقررت ماترجع لكن رجعت واني راح ادربك
اني راح اعلمك انت راح تسئلني على كلشي
يارب ليش رجعته
وما كو مكان اله نفس المكتب اني ويا راح يكابلني
بس اني لازم اكون قويه وما اضعف ابد
هههه مبين قويه جي كلبي فر وطار من شافه
زين اني ليش ما اشوف دكتور يغيرلي هذا الكلب وارتاح
ياربي شكد قسه عليه ومن شفته كلبي انفتح
المفروض اشرب من دمه على هاي عملته
زين شكد صادفت ولد خلال عشر سنيين ليش كلبي ما فرح مثل اليوم
جنه قافل كلبي وماخذ المفتاح ويا
خل اخابر سهى تحفلي وتعدل حواجي ومساج وبخار اريد اطلع غير شكل لازم اخلي يركض وراي
الو ....سهى فارغه اجيج محتاجه بعض التعديلات
سهى...اهلا وسهلا تعاي هله بيج
ورحت السهى
جمانه السعيدي
هلوووو شلونج حبيبتي جهالج شلونهم
سهى هله بلبذاته كل الي تصير محاميه ماتسئل على صديقاته
....ولله ماكو مجال الصبح محكمه والعصر بلمكتب
.....اني احبج واعتب عليج
...قريبا اخذ اجازه وادوخج وامللج
هسه شيريد الحلو اسويله
....اريد تغيرين شمرت حاجبي اريده ثخين وكصير وشعندج بعد تقشير مساج حمام بخار لاتقصرين حبيبتي اريد اطلع غير شكل
....مو يدلل الحلوووو
وفعلا ماخلت شي ماسوته طلع وجهي غير
رجعت للبيت سبحت وطلعت الملابس باجر شراح البس
اريد شي حلوووو ومميز
دفعت الملابس وكعدت على الجربايه
وين نور القويه
ليش من شفته رجعتلي نفس الاحاسيس ليش ما كدرت انسا
مثل العنكبوت معشش بدماغي
اهووو صارت بلوحده ونص واني بعدني مانايمه لازم انام واكعد مصحصحه
رجعت الملابس وطفيت الضوه ونمت
الصبح كعدت حيل نشيطه مثل الجاهل المنتضر يوم العيد
بدلت لبست قاط كامل بنطرون وستره ماروني داكن
وقميص ابيض وشال ماروني مشجر فاتح وطوخ
وتمكيجت وتعطرت
باوعت بلمرايه كله تمام
اخذت قلم الحمره وكتبت على المرايه
اكرهك عادل
جمانه السعيدي
رحت للمحكمه اتعمدت اتاخر لازم هو يجي قبلي ويدور عليه
فعلا وصلت وشفته واصل قبلي
اول خطه اخلى يشوفني كلساع واني ابين ماشايفته
وفعلا بس دخلت هو شافني واجه بتجاهي
صباح الخير ست نور
نور نعم اعرفك اني
عادل شلقصه ست نور البارحه اجيتكم للمكتب والسيد وصاج عليه قصص وروايات عراقية كرار صلاح
نور هاااا العفو نسيتك
اهلا صباح النور
بس ذكرني باسمك بلا زحمه
عادل اسمي عادل
نور زين عدنا اليوم مرافعتين من يصير وكتهن اناديك من رخصتك
وعفته ومشيت
دخلت غرفة المحامين هو اجا وراي وكعد اكو كم محامي موجودين
اني طلعت ملف وبديت اقرا بي
وجاهلته تماما
بعدين شويه راح جاب جاي واحد اليه واحد اله
عادل اتفضلي جبتلج جاي
نور اخذته وخليته على الميز وماشربته
شويه طلعت يم صديقاتي
واني اراقبه كلما يوكف ابمكان اخطف كدامه بمشيه كلها ثقه واني اسوي نفسي ما شايفته
رجعت للغرفه اشويه اجاني ست نور اول مرافعه يمته
واني مدنكه حاجيته بلعشره خليك قريب حتى اناديك تحضر
جمانه السعيدي
عادل شكرا ست
شويه وبدت المرافعه وهو راح وياي اني احجي وهو صافن عليه
شلون احجي شلون ادافع
خلصت وطلعت
هو لحكني ما شاء الله ست
صدك السيد من كال احسن محاميه
التفتت علي شكرا
خلص اليوم واني مدوخته خليته ايفر ابراسه
رحت للبيت اتغديت واستراحيت ساعه
وبدله فستان نيلي وبي من اطرافه ابيض وحجاب نيلي ورحت للمكتب
هم لكيته واصل قبلي كعدت على المكتب
اختاريت قضيه صعبه وشائكه ونطيتها اله
حتى يدوخ بيها ويضل كلساع يسئلني
وفعلا جاب الكرسي وخالا قريب على المكتب مالتي واني عندي قضيه اراجع بيها وكلما يسئلني
اقرب على واجاوبه لو هو يقرب
لحد ماداخ فدنوب
نور يمكن صعبه عليك هاي القضيه انطيك وحدا اسهل
هو انحرج
عادل لابسيطه اني انشاء الله اكدر الها بس ممكن طلب
نور اني تعمدت اباوع بعيونه واكله تفضل
هو تخربطة اوضاعه
اني قاريه بعلم النفس اي انسان تباوع بعيونه يفقد تركيزه فا ضليت اباوع بعيونه
هو صفن اشويه بعدين كال هااا اريد رقم تليفونج اذا
يصعب عليه شي اتصل عليج اذا ماتصير زحمه
اني اخذت الكارت من المكتب عادي اتفضل
خلا بجيبه وكال شكرا جزيلا
بعدين اجني نسوان جابن اتعابي وتشكرن مني لان القضيه اجت بصالحهن
وهو بس يباوع وحيل مركز عليه
خلص النهار على خير وسدينا المكتب وعرض عليه يوصلني لكن اني رفضت
عادل ممكن اوصلج حتى اكدر ارد جزء من فضلج
نور بلعكس هذا عملي بعدين اني عندي سياره شكرا
وعفته ومشيت وهو بقه يباوع عليه منا لمن صعدت بلسياره ومشيت اباوعلة بلمراية بعدة واكف
نور انتظرني عادل بعدك ما شفت شي مني
