رواية حظ عاثر الفصل الثامن ليل ادم
ادهم : ام سعيد هيا امي فين
ام سعيد: كانت قاعده جمب ام ايمن
ادهم : انتي مش وخده بالك يامو سعيد أن الحوار فتح منكم اوي بعدين انتي بتعيطي ليه
أم سعيد: ام ايمن هتقطع بيا
ادهم : تقطع ب مين دي كل شهر تتجوز انتوا مجانين ولا اي امي فين يا ستي
ام سعيد: روح شوفها هناك بقولك
أدهم: حماده يا علبه مشفتش امي
حماده: كانت بترقص مع ام ايمن
ادهم : الله اكبر ياما
حماده: اهي يا ادهم هناك
ادهم : اي ده يا فاتن بتعملي اي
الأم: ارقص معانا ارقص
ادهم : ارقص ياما انتي مش كنتي تعبانه امبارح ومش قادرة ترفعي وسطك
الأم: وطي صوتك يالي محدش رباك
أدهم: رباني اي هو انتي فاضيه ياست محاسن
الأم: أم أيمن اهي قولها مبروك
ادهم : ينهار اسود اي ده يامو ايمن
ام ايمن : عبالك يا حبيبي
ادهم: عبالي اي هتتجوزيني أنا كمان
الأم: ياض عيب اسكت
ادهم : كفايه تنطيت ابوس ايدك قلبي وجعني هموت و أكل
الأم: القرنبيط في البوتجاز
ادهم : يادين النبي عليكي يا ما ولعتي قلبي يا وليه قرنبيط اي أنا جالي أنيميا منك
الأم: وليه وليه لما تولولك فضحتني
أدهم: وعهد الله ما حد فضحنا غيرك انتي وطقم المعاشات بتاعك بعدين هو ايمن فرحان كده ليه خود يابن الهبله
ايمن : عبالك يا ادهم
ادهم : ( لطم على وشه وساب الفرح وطلع البيت )
بعد منتصف الليل
الأم: ادهم انتا يا واد
ادهم : نعم
الأم : قوم علشان ناكل
ادهم : قرنبيط صح
الأم: ماله يا ادهم القرنبيط بعدين منتا عارف انا طول اليوم كنت مع ام ايمن
ادهم : ليه أديني سبب مقنع
الأم: مش عروسه انتا بقيت غريب اوي بعدين شوف الصور حلوه اذاي والنبي ( فتحت الفون وبدأت تفرج ادهم على الصور)
ادهم : ثواني ياما علشان في مصيبه
الأم: اي كفاله الشر
ادهم : مش ده جروب مع الله
الأم: اه هو
ادهم : والصور دي على جروب مع الله صح كده
الأم: اه
ادهم : اه أنا شايف ماشاء الله الجروب كله نور اتنين أزرق اهو ورحاب وغاده الله اكبر عليكي يا محاسن يا حلو
الأم: طب اي فيها اي مش فرح
ادهم : مش هتكلم والله ما هتكلم ومش هاكل تصبحي على خير
الأم: نام يا حبيبي عايز تصحا الساعه كام
ادهم : سبعه ونص ياما هينفع ولا صعب
الأم: هو صعب بس مفيش مانع يا دمدومتي
ادهم: تصبحي على خير يا فاتن
الأم: وانتا من أهله
في الصباح تليفون ادهم رن كتير جدا لحد ما صحي
ادهم : ألو
رحاب: اي نمت براحتك
ادهم : ليه هيا الساعه كام
رحاب : ١١
ادهم : والله هعيط أنا على تكه اقسم بالله
رحاب: لا محدش هيكلمك إحنا عارفين انك كنت في الفرح طول الليل علشان كده عادي
ادهم : انتوا شوفتي الصور
رحاب: اه طبعا جميله هموت و احضر فرح عندكم اي الجمال ده
ادهم : سلام يا استاذه هلبس وجاي
رحاب: سلام
ادهم : ياما يا فاتن اكيد راحت بالصباحيه امي ميفتهاش واجب (طلع تليفونه)
الأم: عماله اتصل بيك من الصبح يا ادهم كل ده نوم
ادهم : انتي فين ياما
الأم: أنا في المستشفى
ادهم : اكيد ياما أصل مفيش قولون طبيعي يستحمل حله قرنبيط الفجر
الأم: مش أنا يابن الهبله أنا كويسه
ادهم : أما مين
الأم: عمك جمال تعب بليل روحنا بيه المستشفى
ادهم : عم جمال
الأم: اه عمك جمال العريس ياض
ادهم : مات
الأم: لا لسه بيعافر بس على مين كده كده هتجيب أجله
ادهم : قعدت اقولك كفايه تنطيت و فرهده الراجل داخل في ٧٠ سنه
الأم: دي عين يا حبيبي والعين علينا حق
ادهم : معاكي ربنا ياما سلام
الأم: متنساش تفطر
ادهم : هو في فطار
الأم: افتح البوتجاز وانتا تعرف في ولا لأ
ادهم : حاضر سلام
قام ادهم فتح البوتجاز لقي باقي حله القرنبيط جوه البوتجاز
ادهم: ادي ام القرنبيط اهو ( وحطه في كيس علشان يرمي في الشارع)
في الشغل
رحاب: مالك
ادهم : مفيش
رحاب : بجد والله مالك
ادهم : مفيش والله انتي فطرتي
رحاب : لا بس هجيب فطار هنا
ادهم : أطلبي معاكي فطار ليا
رحاب: ماشي بس مالك
ادهم : مفيش والله
رحاب: العروسه عمله اي
ادهم : العريس في المستشفى
رحاب: ينهار
أدهم: لا ما دا الطبيعي أصل ام ايمن دي مقبره الزوار اي حد في المنطقة عايز يروح يتجوز ام أيمن لو صحته حلوه ياخد شهر أخره اوي
رحاب: يا عيني مع أن والله الفرح كان تحفه
ادهم : لا ده العادي بس امبارح كان زياده شويه علشان ام ايمن بقالها سنه حزينه على جوزها اللي فات حتا بصي الصورة دي هتلاقيها بترقص كده وهيا في قلبها غصه حاسه بيها
رحاب: طبعاً ( وبتضحك اوي)
ادهم : لأ دي صوره امي
رحاب: وربنا امك دي عسل اوي
ادهم : لا دنتي متعرفيش بقا لما تكون فايقه و رايقه
رحاب: بتكلم مين
ادهم : بكلم امي اشوف الراجل ده مات ولا اي أصله لو مات يبقا الواد سعيد ده فقر
رحاب: اشمعنا سعيد
ادهم : أصل كل ما نحدد فرحه حد يسقط في الشارع عايزين نخلص منه بأي شكل الواد قتل نص الحاره
رحاب: لا اقسم بالله أنا بقعد معاك مودي كله بيتغير
ادهم : اي يا فاتن
فاتن: لسه في الروح
ادهم : طب اي راجعين ولا لسه
فاتن : خالتك أم أيمن مش عايزه ترجع من غيره
أدهم: يخربيتها خليها تسيب الراجل يعيش يومين كمان
الأم: قولتلها والله بس هيا دماغها والف جزمه ما ترجع البيت غير بي
ادهم : طب أنا هجيب أكل من بره وأنا جاي خودي قعدتك وهعدي عليكي بالعربيه أخدك اتفقنا
الأم: ماشي سلام
ادهم : سلام
رحاب: اي
ادهم: لسه ليه عمر لحد الوقتي
رحاب: بس شكله كبير أصلا يا ادهم
ادهم : يعني ام ايمن هيا اللي صغيره دي عمرها من عمر جبل أحد
رحاب: دنتا فقر وربنا قوم ياله نفطر
ادهم : ياله أنا جعان اوي من امبارح مأكلتش لقمه
رحاب: اي ده ليه كده
باب المكتب بيخبط
غاده: اي ده استنوا أنا جعانه اوي
رحاب: تعالي
رحاب: مأكلتش ليه يابني
ادهم : امي كانت عامله قرنبيط
غاده: ( ضحكت ضحكه جابت اخر المكتب) وبعدين
ادهم : ولا قابلين بقولها جعان قالتلي القرنبيط عندك في البوتجاز
غاده: منا شايفك عمال تزعق في الصور باين على وشك
ادهم : دي اقل حاجه عندي
رحاب: المهم بقا يا ادهم
ادهم: قولي
رحاب: سامي عمل ليك أعلى درجة تقييم بسبب قضيه احمد سعد الدين
غاده: اي ده معقول سامي يعمل كده مع ادهم
رحاب : بصراحه حل القضية بشكل مختلف جدا
ادهم : دي اقل حاجه عندي أنا بس عايز شويه اهتمام وشوفي هعمل اي
غاده: والله
ادهم: اه والله
غاده: اي نوع الاهتمام
ادهم : ( بص ل المكتب وضحك )
غاده: وربنا المكتب بتاعك شغالين في امسك كده شوف الفيديو ده
ادهم : اي ده
غاده: خليت الشركه اللي بتعمل التصميم تصور الفني وهو شغال فيديو علشان تصدق
ادهم : شركه وتصميم
غاده : اه طبعا علشان ديكور المكتب
ادهم: وربنا كنت خدتك عند سيد كونتر كان عمل المكتب وانا واقف علي مزاج مزاجي وخد منك ٤٠ جنيه
غاده: لا خلي سيد كونتر بعدين صحيح فتحتي يا رحاب الجروب
رحاب: لأ جروب اي ( ومدت أيديها تجيب الفون )
ادهم : ( مد ايده مسك تليفون رحاب ) جروب مين بتاع أمي
غاده: ( بتضحك) اه هو مالك في اي
ادهم : عملت اي تاني فاتن ل تكون صوره العريس في غرفه العمليات
غاده: لأ طبعا
ادهم : طب الحمد لله امسكي
رحاب : ( فتحت الجروب ) الله أنا موفقه
غاده: وأنا كمان
ادهم: في اي أنا بطني وجعتني
رحاب : مامتك عزمانا على فرح واحد اسمه سعيد
ادهم : ( تف المياه من بوقه ) أنا سمعت امي وسعيد الكلام ده على سعيد بتاعنا ولا سعيد تاني وربنا يسعد الناس كلها
رحاب : اه سعيد اللي كنت بتقول عليه من شويه
ادهم : وانتوا رايحين الفرح
غاده: اه طبعا
ادهم : يا سوادي
بدل ماتدور وتبحث علي الروايات خليها علي تليفونك وحمل تطبيقنا
