رواية بين الحب والأسر الفصل السابع 7 بقلم أمل مهدي
نمت وستسلمت لاحلامي
وسلوتك بسعادة كادت ....
تكون مستحيلة في ايامي
ياحبيبي....
وهم انت ام حقيقة
اني اغمض عيوني وانفصل عن عالم احيا فيه
اني اخسر لحظاتي
واسرق الزمن من حياتي
اني اعيش معك سباتي
// امل مهدي //
++++++++++
١٩٨٩
اتفاجأ العالم بخبر دخول الجيش العراقي للكويت ...
خبر هز العالم........اجمع
العراقيين.....خرجو من الحرب السابقه متعبين منهكين
وستقبلو حرب جديده .....اللعن من سابقتها
دخول الجيش الى الكويت غلطه دفع ثمنها الشعب العراقي بكل فئاته
واجتمعت كل الدول العظمى والصغرى وحتى العربيه منهاعلى تحرير الكويت
وندحر الجيش في حرب قصيرة الامد
ولكنها باهظة الثمن
وثار الجنوب والشمال بما يسمى بلانتفاضه الشعبانيه
وتسللت عناصر من الحدود لتقلقل الامن في المحافظات وسميت بالغوغائين
هنا كان رد الحكومه قاسي ...نشر قوات الامن والجيش في كل مكان وقصفت المحافظات المنتفضه بالطائرات
وستعادة الامن باقل من شهر
واعدم من اعدم وهرب من هرب
ليعود للبلد سيادته وللحكم بقائه
ونفصل اقليم كردستان عن العراق
ليكون تحت سيطرة
الامم المتحده
وفرضت الدول العظمى حصارا على العراق
وضيقو عليه كل سبل العيش
ورواتب
لاتسد متطلبات الحياة
وستشرى الاهمال في كل اركان
البلد
من هنا
بدأت معانات الناس في حربها من اجل البقاء
فانهكتهم بسنين عجاف
سراب......
وضع البلد اهمل وضع الاسرى العالقين في ايران
فظل مصيرهم مبهم
بين فتره واخرى يتم تبادل للاسرى
باعداد قليله
سراب....
...لما نسمع اسير يرجع
اخذ ابويه واروح اسأل عسى ولعل
يعرف وسام واسمع خبر عنه
وابويه مره يعصب ويتعارك ويايه على اني متعلقه بامل ميؤس منه ومره ينقهر على حالي ويمشي ويايه
بيت ام مهدي انتقلو الى تكريت
ابيتهم الجديد
امي هوايه اتأذت على فراق شيماء
رغم جانت اتشوفه سعيده كلش
وتندعيلي ارتاح مثله
كامت اتكول لو ما مطيته جان هسه بنتي يمي
وابويه يكله ...هاي تكريت كله ساعتين واحنه يمه وتليفونات موجوده ..قابل امسافره خارج العراق ويسكته
شيماء خلصت معهد وتعينت معلمه
وعده صار ولد ثاني اسمه ادهام
مهدي تخرج وخطب بنت عمه
رافد انسحبت مواليده وراح خدمه
اللزاميه
ورائد اتخرج من المعهد وراح يكمل هم خدمه اللزاميه
عقيل ثالث متوسط وشهد الصغيره المدلله ثاني متوسط
ابويه بده يتعب والربو المزمن اتعب قلبه
دائما يصاب بنوبات اختناق
من كد ما يشرب جكاير
شكد حاولنا ويا ان يتركه ما يقبل
قدم على التقاعد
وما طلعله شي اصلا الرواتب قليله
ومصرف البيت ورائد ورافد هم مصرف لان ينطوهم رواتب بسيط حتى ما يكفيهم كراوي السيارات
ابويه
رغم صحته التعبانه كان يطلع بسيارته يشتغل بالتكسي ساعات ويرجع
فكنت اني اصرف على البيت وعلى اخواني اضافة الى مصاريفي
قدمت جامعه مسائي ......دائره الصبح .... واخرج للكليه المسائيه
حياتي عباره عن اهلي وشغلي عايشه الهم فقط
مروان ابن عم علي كام يتردد اهوايه على الدائره مره بعمل ومره على ابن عمه يزوره كان محترم واخلاق
جمعتنه صداقه حلوه اني وهو وعلي واريج.....اني احس عينه على اريج ويمكن بينهم شي
اني بطبعي ما اكون فضوليه واراقب
ولا ادخل بخصوصيات غيري
ولهذا يحبوني ويقدروني بما فيهم
مديري المساهل هوايه ويايه بدوام الدراسه وكان يشجعني هم
صداقة مروان وقربه من عدنه خلاني كلشي احجيله عن بيتنه ووضعنه
وساعدني هواي
كان يعتبرني اخت وصديقه
نقل رائد يمه مكان مريح في بغداد
وسحب رافد من الموصل الى دائره عسكريه...هم في بغداد صح نزولهم كل اسبوع يومين بس احسن من قبل
ابو رائد......
اميره وينج
......هاعيني هياتني شكو
.......اكلج ابو زياد المحامي ذوله البيتهم ركن تعرفيهم
.........اي اعرف ام زياد يعني سلام
وشويه وكفه بالشارع مو طبه وطلعه
.......اي اعرف...اجاني اليوم ابو زياد
وطلب سراب مني
........يا صدك يحجي مو يدرون مخطوبه شنو ما شايفين الحلقه بيده
........يكول احنه نعرف كلشي عنكم وعن وضعه وسمعنه اهل الولد بطلو منه اذا ترهم ابنه زياد رايدهه
.......يا عزه
.......اشبيج يا عزه بالعكس افرحي
اشعبالج لو رجع وسام ياخذه ...
والله اليدري يجوز هو كتبلهم حتى يفصخون
اقنعيه البنتج العمر يمشي شنو حياته تخلصه اتاني
اميره......والله شكلك
.......لا تكولين اليه كوليله هيه
سراب .....جنت راجعه من الدوام وتعبانه المغربيه شفت زياد ابن المحامي هيج انلقبهم لان الاب محامي وولدهم اثنين محامين
واكف ابابهم وكصني كص عبالك ما شايفني قبل
تعديته ونسيت الموضوع اصلا
ثاني يوم طلعت من بيتنه للشارع العام لان خط الدائره ياخذني من الشارع..
طلع ورايه يمشي ووكف قريب عليه
وظل يباوع....
صفنت معقوله راصدني هذا شيريد مني
اجاني الخط ورحت وما اهتميت
لان هوايه اصادفني هيج مواقف خصوصا بهاي الدائره هوايه يقتربون مني وقسم يسمعوني حجي وقسم حتى صارحوني
بس اني ما انطي مجال والكل عرفني خطيبي اسير وانتظره
رجعت المغرب وشفته واكف على
ابابهم ويباوعلي
بديت اجزم خالني اباله ويوكف علمودي
كاعده ابغرفتي وصاحني ابويه
سراب.....نعم يابه صحتني
.....اي بابا تعاي اكعدي احجي وياج
ابو زياد المحامي جيرانه الركن
.....اي يابه اشبيهم
........تعرفيهم
.........والله يابه بنتهم جانت ويايه بالمتوسطه كلشي ما عرف عنهم بعد
......ههههه عادي بابا هو انت تعرفيمن اشو تاخذج الغبشه ويجيبج الليل شايفتمن بعد
المهم..ابو زياد خطبج الابنه زياد محامي وعنده مكتب وخوش ولد
.سراب......
التفتت مستغربه..شنو
ما يدري بيه مخطوبه
........يدري بابا ويدري اهل خطيبج فصخو الخطبه
.........واني شعليه بيهم ...يابه مو تدري عاقد عليه وسام تره مو مجرد خطبه
.......بابا فكري القسمه زينه لا ضيعيه وتعيشين على امل بعيد
السنين تركض ركض وانت دتكبرين
......... يابه سد الموضوع اني ما ازوج غير وسام
..........زهك وعصب ابويه
هو هذا طبعه صاير من تمرض ولليوم
روحه زغيره وما يتحمل
هو وينه صخام
.........واذا ما رجع اشلون.....اظلين وقف باسمه اني مريض على ساعه احط راسي واروح انت المن باقيه
.......بجيت من كلامه ابويه حنين واحبه....دخلت غرفتي وطلعت رساله وسام الاخيره
واجيت لابويه وخليته بيده...
يابه اقره......ما اكدر اخذله
......قره ابويه الرساله وسكت
دنك راسه ابقهر وكال بكيفج هاي حياتج وانت تتحملين قرارج
وبعد ما انفتح الموضوع ....ولا شفت زياد يمشي ورايه
زارنه ابراهيم وكان دائما من ينزل البغداد يجينه ومرات هو وشيماء
اليوم اجه وعزمنه على عرس اخو
مهدي
وسام.......
لكيت بالمكتبه كتب متنوعه واكثرهن دينيه وتشريعيه اني مااصلي يعني اعرف الصلاه والحلال والحرام بس ما ملتزم
لزمت اول كتاب استهوتني مواضيعه
وعجبني اتعمق اكثر الى ان صارت اوقاتي معظمه اقضيه بالمكتبه
وشويه اشويه كام يجي ويايه ابو علي نقره ونتناقش اما محمد يستمع فقط لان رجال فلاح لا يقره ولا يكتب يستمع ويعلق ويشاقه
مره كنت ضايج لان رجعت الرساله الثانيه من اهلي وقريت ابويه كاتبلي احتار ابحالك لا تسأل على سراب ....
والرساله الثالثه كتبته على عنوانه
وما رجعتلي ....بديت اجزم سراب خلص راحت مني
افكار تتصارع ابداخلي وتوجع كلبي
الواثق من حبه ووفائه الي
ابو علي ......اشلون ما اشوف انت
واحد عاشك
هذا حالك اني مار عليه واعرفه
وسام....ههههه هيج امبين عليه
محمد.......جا هو ظل وحيد ما عرف انت عاشك
وسام........سكتت اخذتلي صفنه
ابو علي.......ها ما راح تحجيلي
مبين عليك مرتاح ابن دلال
وسام....هو هذا العم عليه الدلال
والله طلع من خشمي
ولاول مره افتح گلبي واحچي مشگلتي وأشكي الالم والوجع الاحس بي
ابو علي ......مزوج
وسام.......ياريت لو مزوجه حتى لو يوم واحد ظلت ابنفسي واخاف تروح مني
غرغرت الدمعه بعيني ودنكت
محمد......عمي لو عاشكتك تتانيك العمر كله
ابو علي....بعدك زغير اشكد عمرك
وسام .....من اتأسرت جان عمري ٢٢
وهسه صار ٢٥ والله اليدري اشكد عمري من ارجع للعراق ويجوز ما ارجع واموت هنا
اللتفت لابو علي عمي اشتصور تنتظرني لو تعوفني سراب
محمد....الله حلو اسمه وعلي لو رديت نذر عليه اخلف ابنيه واسميه سراب
ضحكنه اني وابو علي....
ابو علي ....كومو انصلي يالله عمي وسام وادعي بلكت الله انرد لاهلنه
محمد.....جا لو رديت صدك لله حابني
عفت ابهيه حبله وراهه ٥ بضيم وحك داحي الباب
ابو علي ......الله كريم
رحنه للجامع صلينه هذا كان روتين حياتنه مكتبه جامع نوم اكل لحظاتنه النكعد بيه ونواسي نفسنه
بامل مجهول
عرفنه العراق دخل للكويت يعني كانت توصلنه اخبار بلدنه بس مو بالتفاصيل
وعرفنه بعدين اجتمعت دول العالم بحرب ضد العراق بقيادة امريكا
ما انكر كمية الخوف والقلق الحسيت بيه..مو بس اني كل الاسرى
كانو خايفين على اهلهم واملاكهم والاهم على بلدهم القابع تحت نيران
الحروب
وتحررت الكويت واندحر الجيش بخسائر لا تعد ولا تحصى وعاد لارض الوطن محمل بالفشل والعار
جيش بعمره المديد شهدتله كل ساحات المعارك بالانتصارات
وشهدله التاريخ وهو يسطر اشرف واسما المعاني الخالده
يزج بمعركه خاسره ليندحر ويهان ويگبد بالخسائر الفادحه
معركه غير متوازنه دفع ثمنه الشعب مرة اخرى...
بكل مناسبه يجونه وياخذون اعداد من الاسرى لتسفيرهم الى العراق ضمن التفاهم على التبادل بين البلدين
منظمات الصليب الاحمر ماخذه هلشي على عاتقه واعتقد من ظمن نشاطها حول العالم
واحنه ننتظر على امل نيل الحريه
كانو بين فتره واخرى ينقلونه من
مكان الى اخر حتى يوازنون الاعداد الهائله بين المعسكرات
اليتفتقر لكثير من مقومات المعيشه
صباح يوم اجوي وطلعونه بره
وكالو راح ارحل قسم منكم على مكان ثاني ووقفنه ننتظر يصيحون اسماءنه
والمفاجأه لمن كان اسمي من ضمن
المنقولين
وابو علي ومحمد مو ويايه
اتاذيت لان تعودت عليهم
شكد جانت صحبه حلوه بيناتنه
شكد وكفولي وساعدوني باشد محنتي...
ابو علي اعتبرته اب بنصائحه وخوفه عليه ومحمد الانسان البسيط
الماخذ الامور بعفويه طيب
الى ابعد حد
ابو علي ...
حضني وبچه ....مودع بالله يابه دير بالك على نفسك
ها...وامانه بركبتك اذا طلعت تروح للديوانيه وهذا عنواني احفظه
ومحمد....خويه مودع بالله انشالله مچينك اتروحله احسن منا
ها وما وصيك لو الله فرجلك كبلنه
تروح لبهيه اني ادري بيه مره معدله عدال زلمه لچن وبچه.......اخافن ما ارد وشوفنهم
وسام.......عجيب ردت تنزل دمعه مني ماكو هلمره همه اليبچون واني اواسيهم
حفظت عناوينهم لان من نطلع من المعسكر يفتشونه ممنوع نكتب اسماء او نشيل اوراق
تعاهدنه ياهو اليطلع قبل يروح على اهل الباقين
ودعتهم وصعدت السياره ظليت اباوعلهم الى ان ابتعدنا وغابت
ملامحهم.......
تمشي السيارات واباوع على الطريق
بعد كم طريق امشي ومنو اودع
انتقلنه من الجنوب الى معسكر بشمال العاصمه
منطقه متموجه بيه هوايه زراعه وغابات وبساتين
دخلنه المعسكر كان بي هوايه حرس وصلنه المغرب
من خلال ملاحظاتي هذا المكان
يشبه القبله
يحتوي على جملونات كبيره ومقسمه بيه قاعات
والجو ابرد رغم احنه صيف
نزلنه من الباصات وقسمونه الى مجموعات
كل مجموعه دخلوهه الى قاعه
واجانه مسؤل عراقي والقه علينه محاضره بالوضع
كانو يقدمونه ٣ وجبات فطور صباحي وغده وعشه بس لم يكن حتى بالمستوى العادي وكل ٣ ايام ٥ جكاير ومرات ينطونه فاكهه
فكان المدخن ينطي الفاكهه لغير المدخن يبدله بالجكاير
لان الجكاره المهدا الوحيد الي
يصبرنه على وضعنه
وزعو علينه بدلات نلبسه ونعال نايلون
مثل ذاك المعسكر
انصدمنه من دخلنه وشفنه آثار وذكريات الاسرى الكانو موجودين اهنا
لان الاسره الكانو اهنا كلهم طالقين سراحم ومرحليهم للعراق
هذا الشي خلاني اتفائل
واحنه اجينه ابمكانهم ...
كان اكو اعداد موجوده بس قليلين
تعشيت ونمت تعبان من الطريق
كعدت ثاني يوم طلعت افتريت
المكان حلو بس مهمول فكلنه
جنه مسؤلين عن نظافته
وترتيبه وحتى المطبخ كان اسرى يشتغلون بي مع الايرانيين جدول وكل واحد مسؤل عن مكانه
تعرفت على هواي ولد اسرى
تعلمت وتقويت وصرت اتقبل اي شي يصدر من هذا الواقع الاعيشه
تعرفت على ولد اسمه ياسر
نفس عمري وصرنه اصدقاءنطلع ونتمشه ونصلي سويه
وسام.......
اكلك ياسر ماكو مكتبه اهنا
ياسر......اي اكو ليش
وسام....دليني عليه بروح ابوك
ياسر.....امشي
ورحنه ورى الجملونات لكيت مكتبه
لاباس بيها مرتبه وتحتوي كل الكتب مو بس الدينيه
من كد ما اتعمقت بالقراءه...اتندمت بيوم هملت دراستي
يمكن جان ما وصلت الهذا المصير
ياسر من اهل الرمادي ماكمل دراسه
ابو اتوفه وتركله خوات اربعه واخوان اثنين من عمره ١٥ يشتغل ويصرف على اهله ولما اخذو عسكريه كان بلاجازه من ينزل يشتغل ٧ ايام عماله حتى يلم مصرف اله ولاهله
ولد عصامي ونفسه ابيه
يحب بنت عمه وهمه مثل همي
جمعتنه صداقه حلوه وبده يرافقني للمكتبه وكام يقره
بالبدايه مجامله بس بعدين اتعود وكام يقضي كم ساعه من النهار برفقة الكتب
اكثر اوقاتنه اروح العصر وبعد العشه
......ياسر كوم اني رايح للمكتبه
........روح وسام اني اليوم ضايج من نفسي
........اشبيك اليوم الكآبه صاعده عندك
.........هيه يا يوم ما صاعده بس
نلهي نفسنه حتى نعيش
.......على كولتك ....متمسكين ابخيط الامل حتى نعيش دكوم يمعود...اني اضوج وحدي
........ حتى خيط الامل مكطوع وين اكو امل المن امبقينه حتى الحرب خلصت من زمان ....ما روح وسام خليني نايم احسن...
....يلله لعد ارتاح ...
طلعت للمكتبه
واني اختنكت صحيح كلام ياسر
الدنيا كله تمشي الا احنه واكفين ابمكانه ولا احد يتفقدنه ولا احد يفكر ليش احنه اهنا واصلا السبب الرئيسي انتهى وهي الحرب
سنين من عمرنه تمشي وكل واحد ابعينه حلم ينتظر .... واحنه
المن وشنو ننتظر ما ادري
وكفت اباوع داير مدايري
خرب شرفك ياسر ذكرتني هيجت عليه المواجع مثل ما يكولون.....
هيه وحده اثنين المواجع......
خرب غيرتك ياسر شعلتني شعل
مو جنت ناسي
جريت حسره....اخخخخخخ اخ
يا سراب
اتعوذت من الشيطان
ودخلت المكتبه رحت المكاني المفضل وبيدي كتاب ....اقرا
بدون تركيز وارجع اعيد بعدين ظليت اكلب بالكتاب ..ما الي نفس
اقرأ طار الواهس....
سمعت شي وكع على الكاع وطلع صوت..لان المكتبه دائما هدوئ
اللتفتت خلفي على الصوت
شفت رجل معوق والعكازه مالته وكعت وديحاول يدنك ياخذه
كمت من مكاني ...
وسام......
اني اجيبه خليك ابمكانك..دنكت انطيته اله
.......مشكور
اني درت وجهي داارجع نظرتي خاطفه ما ركزت بي بس صوته
وكفني ..
رجعت التفتت هذا الصوت اعرفه
ركزت ابوجه ....!!!!
سيدي
رأسا رفع راسه ....
وسام....
اباوعله ما مصدك عايش سيدي انت عايش
ما كدر يوكف ...كعد على الكرسي
تحاضنه اثنينه وبچينه...
اي يجمعنه موقف قاسي ظالم مالحكنه نبچي بي ادموعنه اجمدت ابذاك الوكت خوف رهبه ما ندري
جريت كرسي وكعدت اكباله والله فرحان ..سنين أيست على الوضع العفتك بي مستحيل اتكون عايش
احچيلي سيدي اشلون جابوك هنا
رائد حسن.....
ضحك ....يباوعلي ويتفقدني
...اشلونك انت
......سيدي اني زين لحد الان ما انسه منظرك وانت تتوجع واني ما كدرت اسويلك شي
.......شسويلي ليش انت جنت ابيا حال
.......والله سيدي افضالك ما انساهه عمري كله
......يابه يا افضال
.......سيدي....
......الخاطر الله عوف سيدي راح تعم علينه هههه
كاله وهو يضحك....
مشوفني صرت اسير حالي حالك
......والله تبقى سيدي هاي الكلمه ما تنكال الا الك
.....يالله خلي نطلع راح اصير الصلاه
طلعنه وذكرت ياسر خطيه
رحنه للجامع صلينه ورجع ويايه للمطبخ
رائد حسن......هم شغلك المطبخ
اكول سمنان اثاري براحتك تاكل
وسام.......هاي الحسنه الوحيده بلاسر اسوي اكلي بيدي
ومو دائما
اليوم عشاك خاص اني اسوي
.......ها يعني حتى بلاسر اكو واسطه
وجبتله ماعون تمن وفوكه لحمه دجاج امكلهيه ومكسبه وويا صمونه
........هاي شنو معقوله هذا اكلكم
........لا والله بس مال الغده حصتي اضمه وسويه على مرامي اني ما احب اي اكل
.....اي صحيح اليوم الغده دجاج
اصلا ابيوم الاكل الموزين اكل جاي وصمون
منا وهيج تجي يمي تاكل اني مسؤل عن اكلك
.........هههههههه وتكلي سيدي وهله هله يشون على اذانه بصل الايرانين
......زين شكلك
........كلي ابو محمد مثل ما يصيحولي
.....اي احجيلي اشلون ظليت عايش
رائد حسن....
الهجوم كان قوي قصف وليل والاعداد الهائله الطوقتنه ما كدرنه نصمد
وكعت قذيفه يمي واصوبت
اجاني وسام وجنود شالوني بالسديه
رادو يخلوني للخلف بس ما لحكو
رجليه اثنينهن اصوبن وسام صار شاطر وشد رجلي التنزف والا كان خلص دمي وانتهيت
طوقونه اسرو كل الموجودين اني
ضليت بالسديه على الكاع محد باوعلي اتوجع محد ابحالي
بعدين فقدت ما ادري اصار وراهه
حسيت على اطباء اثنين ما افهمهم
يحجون ايراني...واحد علك مغذي وضرب ابره بي
اني هنا بس اباوع بعيني
ثاني يوم فتحت عيني لكيت واحد يحجي عراقي يمي
........الحمد لله على السلامه
.......الله يسلمك اني وين
.......انت بالمستشفى مال الاسرى
جابوك مصوب قبل اربعة ايام
كالو انت ضابط
......اي اني الرائدحسن
......اهلا وسهلا واني الاسير المضمد علي
......رجليه اثكال
.......اي انت جيت منتهي حطولك دم نازف اهوايه
......جريت الجرجف وانصدم رجل وحده والثانيه من فوك الركبه
مبتوره.....سكتت بس بجيت بهدوء على روحي
.........يمعود احمد الله تره جابوك لان ضابط ووعالجوك
وله انت ميت...
......الحمد لله على كل حال
ظليت بالمستشفى حوالي شهر وجابوني الهذا المعسكر وكلفو اثنين اسرى يساعدوني الى ان صرت زين
ومن ذاك اليوم لليوم اني هنا الهي روحي بالقرايه
وسام....
لازم تجي يمي بالقاعه اني اريد اهتم بيك
واشرف على اكلك وهدومك
........لا يابه تره اهنا كله متعاونه
وناس اساعد ناس..
هيه فتره نخلصه والله كريم
سراب.....
سنين مرت واني نفس الشعور اعيش
وكأنه متربع بكلبي
نفس الدموع كل ليله
تشكي ....لوسادتي..
شوگي وحبي وخوفي من المستقبل
طلعت الصبح للدوام متكابه وضايجه احس روحي مخنوكه والافكار تودي وجيب بيه
يجوز صاير شي الوسام ....ما ادري
كلبي ماكلني عليه ...مو مثل كل مره
صايره هواي افكر بي
اريج وعلي لاحظو ضايجه وتعبانه
اريج.......اشبيج اليوم كالبه الجهره
سراب......ما ادري من البارحه ما نايمه صايره هواي افكر ابوسام
احس روحي مخنوكه
اريج.....ليش تفكرين صاير شي
.......اريد اطلع ما اكدر اكمل الدوام
علي......روحي اليوم اجازه ارتاحي
بالبيت
.......هزيت راسي اشكرك
اريج......اجي وياج اساعدج
.....لا حبيبتي شكرا
طلعت بس مو للبيت...
طلعت ازور الكاظم عليه السلام اني دائما من امر بكآبه اروح ازور
دخلت للامام سلمت ودنيت لزمت الشباك..... شكيت وبجيت ودعيت لمن ارتاحيت وصليت وطلعت راجعه للبيت
محل الصياغه مال عمي ابو وسام
كبال الحضره....
من شفته ما ادري شنو خلاني اتمشاله....وكفت وره الجامه
باوعت عمي بالمحل ضعفان اهوايه
وشعره مشيب بس بعده كاعد ابأناقته وشموخه....
وسامر يحجي ويا ...كبران وصاير اطول منه....حلو اشكراني يشبه امه افتخار
دفعت الباب ودخلت
سامر ما عرفني ...بس عمي
صفن ابوجهي...وكانه فرح ابشوفتي
سراب.....
مرحبا...اشلونك عمو
عزيز......ياهلا ومرحبا عاش من شافج عمو اشلونج..وكام من مكانه امرحب
ادنه عليه وباس راسي
........ما انكر فرحت بترحيبه ...
الحمد لله عمو اشلون صحتك
........الحمد لله عمي ابوج اشلونه شخباركم
...الحمد لله.....اباوعله واريده بس يجيب اسم وسام....
........ها عمو اليوم اشذكرج بينه
لازم جايج بالحلم وسام..
......برطمت ونزلت ادموعي...ياريت عمو وسام حتى ببالحلم ما يجيني
......باوعلي ونترست عينه دمع بعدج اتحبي سراب
.........الشي الوحيد المتأكده منه
هو حبي الوسام
مسح عيونه بالكلينكس
....اني ايست من رجعته صار اسنين من وكفت الحرب والصحه مو مثل قبل
امنيتي اشوفه كبل ما اموت
رفعت راسي....شيقصد ما فهمت
........لا عمو انشالله عمرك طويل
ويجي وسام وزوجه على ايدك
باوعلي ورجعت عيونه انترست دمع
بنتي خو ما زعلانه مني من تصرف ام وسام
باوعتله ابعتب ورفعت ايدي كدامه اراوي الحلقه باصبعي
عمو اني بعدني خطيبته راح ابقه انتظره لوشوكت ما يجي
........اصيله مثل ما كال عنج وسام بالرسائل الدزهن
.....ليش شنو كال عني
.......كال اني متاكد من حبه ووفائه
اليه
بدل ماتدور وتبحث علي الروايات خليها علي تليفونك وحمل تطبيقنا
