رواية فصيلة دمشق الفصل السابع 7 بقلم احمد
مصطفى.. هاي كدامكم كلكم ميرا اني ناهي عليها واذا خطبها احد غيري دمها ودمو مهدور واني مو مصطفى حفيد الشيخ اسماعيل اذا بقيتهم عايشين
ميرا.. هجم عليه بابا بس وكفو بوجهو جدي وعمي وايمم ومصطفى ما بقى كمل كلامو وطلع من البيت بس بابا صار بركان من العصبية
سمير.. سارررة كدامي انتي وبنتج يلااااا
سارة.. بخوف اي اي صار
سمير.. باوع علي بعصبية .. لبسي عبايتج وتعالي ويا امج
ميرا.. اي
مرة عمي جانت ساكتة من جهة ابنها غلطان ومن جهة افتشلت ويانا وبنات عمي كاتلهن الخوف مثلي من الموقف
جدتي وعمي وجدي يريدون من بابا يهدئ بس شوية بس بابا من يعصب من صدك ما يتفاهم واني عالسريع لبست العباية
طلعنا اني وماما وجانو اخواني جايين من سمعو صوت بابا بالحوش ومستغربين يريدون يفهمون شنو صاير وليش بابا عصبي
صاحهم بابا بعصبية كال اركبو بالسيارة كال عادل شكو كال بابا اركب بالسيارة مو وقت برودك وعادل شافو عصبي فما ناقش
ركبنا بالسيارة وسط توسلات جدي وجدتي وعمي بس سمعت ماما تكول خلي بس يهدئ اني احجي وياه هسا ما يتفاهم
عادل.. يابة بس فهمنا شنو صاير وين رايحين
سمير.. ابن عمك الساقط يباوع على عرضو بكل صلافة
عادل.. باوع لماما شنو يقصد
سارة.. بعدين احجيلك .. سمير اهدئ الله يخليك مو زين على صحتك وفهمنا وين تريد نروح
سمير.. لجهنم بس المهم ما ابقى بنفس البيت ويا عالساقط لان اذا شفتو ارتكب بيه جريمة
ميرا.. بقيت ساكتة وخايفة لا تنكلب السالفة علي ويطلعوني غلطانة واتورط بس والله اني ما الي ذنب هو قليل تربية
ماعرف اني غلطت من حجيت لبابا وصارت السالفة جبيرة هيج لو المفروض احجي علمود يخليلو حد مدري شنو الصحيح
والمشكلة انو اذا سكتت ممكن يتمادى بافعالو والصراحة من حجيت لبابا بسبب عصبيتي ما ادري بنفسي الا اني حاجية كلشي
عادل حاول يقنع بابا انو يسوق بدالو بس بابا رفض ونعمان وسليم ساكتين يريدون يشوفون شنو تالي هالموضوع هذا
عادل.. يابة اعرف انت معصب بس فهمني وين نروح
سمير.. هسا تعرف .. وطلع تيلفونو واتصل
الشخص.. هلا. ابو عادل
سمير.. شلونك
الشخص.. بخير دامك بخير
سمير.. اكلك رايدلي بيت اجار
الشخص.. صار ايمتى رايدو
سمير.. هسا
الشخص.. والله هسا ماعرف اذا اكو لو لا
سمير.. دبرلياه ومهما كان الاجار مو مهم
الشخص.. ليش مستعجل عليه هيج
سمير.. بعدين افهمك هسا محتاج البيت ضروري
الشخص.. تمام فد 10 دقايق واردلك خبر
سمير.. خوش انتظرك
عادل.. مع انك راح تخبلني بس خلي نشوف شنو تاليتها ويا هالموضوع هذا
سارة.. عادل عوف ابوك تشوفو معصب وما يتحمل كلمة
عادل.. يمة ما حجيت شي ترا بس انتي وياه لا تحجون شصاير ولا احنا فاهمين الموضوع
سارة.. كلنالك بعدين تفهم
عادل.. باوع علينا .. اكص ايدي اذا مو الموضوع يخص ميرا لهذا السبب خانسة هيج
سارة.. كافي عاد .. وتأشرلو على بابا
بعد 11 دقيقة
سمير.. الو
الشخص.. ابو عادل لكيتلك بيت قريب على بيتي بس رايد اجارو 450 طابقين وخوش بيت
سمير.. تمام اخذ المفتاح منو بين ما اجيك
الشخص.. تمام
ميرا.. اتجهنا عالبيت هذا وتيلفون ابوي ما سكت جدي اتصل بيه الا تعب وبابا ما يريد يرد علمود ما يحاولون يقنعونو بالرجعة
وصلنا عند البيت ونزلو هو وماما علمود يشوفون. وجان الزلمة الي يخابر ابوي وصاحب البيت موجودين يم باب البيت
عادل.. احجي شكو
ميرا.. بخوف .. ماما تحجيلك
عادل.. ميرا احجي ترا مابقى براسي عقل
ميرا.. والله ما دخلني كلو بسبب مصطفى
عادل.. شبيه مصطفى
ميرا.. جان يباوعلي واني واكع الشال من راسي بدون ما ادري بيه
عادل.. بصدمة .. مصطفى سوا هيج
ميرا.. اي ومن حجيت عليه لان يسوي هيج حاول يضربني ومن اجى بابا وكلتلو ضرب مصطفى وطلعنا من البيت بس مصطفى ماعرف شنو كال لبابا وعصب بعد اكثر ما فهمت عليه
عادل.. شنو كال
ميرا.. طلب من بابا يتزوجني وبابا كال تخسى وكال لبابا اني ناهي على ميرا والي يخطبها دمو ودمها مهدور وبابا تخبل عليه بس هوا طلع
عادل.. دنعل ابو الي ما يسحلو بالبصرة كلها
ميرا.. نزل من السيارة هو واخواني بس اجى بابا ومن شافهم معصبين عرف انو حجيتلهم وما جان يريد الزلمة الغريب يعرف بالمشكلة
كال دخلو شوفو البيت وغمزلهم وهم فهمو قصدو والمشكلة ما يريدون الفضيحة تكبر لان كل ما تكبر كل تطلع اشاعات اكثر
عادل كال لنعمان وسليم روحو شوفو البيت ووكف هو عند السيارة بين ما خلصو حجي بابا والزلمة وراح الزلمة
عادل.. يابة ليش ما حجيتلي من جنت هناك علمود اهجم بيتو
سمير.. عادل اخذ اختك ودخلو داخل البيت مو وكت مشاكل هسا
عادل.. يعني تريد هالحيوان يطلع منها مثل الشعرة من العجين
سمير.. بصوت ناصي علمود محد يسمع .. لعد تريد افضح نفسي وافضح اخوك والاهم من هذا افضح اختك بين الناس
اذا كبرت المشكلة ما تبقى على نظرة ممكن حتى اشاعة زنا يطلعون بيها وقتها شما نسوي ما يفيد وتبقى مدنك راسك بدون سبب طول العمر
ادري بهالناقص هذا غلط بس مو نصحح الغلط بغلط اكبر منو لذلك ادخل هسا للبيت واني اعرف شلون اربي هالحيوان
عادل.. بنفاذ صبر .. نزلي انتي الثانية
ميرا.. نزلت بدون ما احجي ودخلت للبيت بس من الخوف والوضع الي احنا بيه حتى ما ركزت على تفاصيل البيت
اهم شي جان عندي اشوف ماما علمود اروح اختل يمها وهي اخذتني للطابق الثاني دخلتني بغرفة فارغة
سارة.. ابقي هنا وسكري الباب خاف يتناقشون ابوخ واخوانج ويعصبون عليج اني ماراح اخليهم يصعدون
ميرا.. تمام ماما
عافتني ونزلت كالت لبابا شنسوي هسا منين نجيب اثاث للبيت حتى فراش نكعد عليه او ننام بيه ماكو كاللها اني ادبر هالامور
عادل.. وين ميرا خلي تجي تساعدج بتنظيف البيت
سارة.. ميرا مفضوخ كلبها من الخوف بسبب مصطفى وصياح ابوك حتى وجهها صار اصفر عوفوها لا يصير بيها شي
سمير.. تنهيدة .. روحي صيحيها
سارة.. عوفها خطية والله الي صار بيها يكفيها هي هم بشر
سمير.. صيحيها اريد احجي وياها
سارة.. تمام
ميرا.. اندك الباب .. منو
سارة.. افتحي الباب بنيتي
ميرا.. ها ماما
سارة.. ابوج يريد يحجي وياج
ميرا.. لا ماما فدوة ما اريد هسا يحجي علي
سارة.. لا ما يحجي واني وياج
ميرا.. حاولت اتخلص من هالروحة وماكدرت وانحبرت انزل وياها .. ها بابا
سمير.. انتي ليش نزلتي شالج واحجي الحقيقة
ميرا.. بابا هو هذا الشال قماشو ما يثبت عالشعر وجنت اشتغل وماكو بالبيت بس النسوان والبنات لذلك ما اهتميتلو
وكلت من تجون انتو يا اما اعدلو زين او ابدلو والبس غير شال ومن انداريت لكيت مصطفى وراي حتى البنات ما يدرن بيه من اجى
سمير.. شوفي انتي تعرفين بي من اجيتي للدنيا ما حبيتج وماراح اكذب عليج واكلج تغيرت مشاعري لا مشاعري بعدها مثل ما هي
بس تبقين بنتي وعرضي والي يمسج يمسني اني بالنسبة لمصطفى اني اعرف شلون اتصرف وياه واخذ حقج وحقي منو
بس هسا ساعدي امج بتنظيف البيت بيت ما نروح اني واخوانج نجيب غراض للبيت علمود نستقر بيه منا ورايح هذا راح يكون بيتنا
ميرا.. تمام
سمير.. يلا عادل انت واخوانك الحكوني
ميرا.. رغم انو كلامو بالبداية جان محبط بالنسبة الي بس ريحني هواي من عرف انو اني بريئة وانو ماراح انظلم بسبب هالموضوع
بلشنا اني وماما بتنظيف البيت وبدينا من الطابق الفوك لان راح ننام بيه بين ما نرتب البيت ونكمل نقوصاتو وبعدها الي يريد ينزل ينام تحت
نظفنا الغرف والحمامات والصالة صارن يلمعن لمع ونظفنا الدرج لحد اول درجة وشغلنا البانكات علمود تنشف الكاع
جانت الارضية بورسلين ومعروف ان البورسلين يكون كلش املس فاذا يبقى عليه ماي ممكن نتزحلك بيه ونوكع ونتأذة
بقى الطابق الاول بس متنا من التعب اني وماما لان بدون غدا وفوكها طابق كامل نظفناه لحالنا لذلك تعبنا هواي
بين ما ارتاحينا اجو بابا واخواني ودخلو الغراض للحوش واجى سليم بايدو علاليك غدا جاهز جايبين من المطعم
حطينا الغدا وتغدينا ولان لحالنا هالمرة ولان تطمنت بكلام بابا اكلت لحد ما انتفخت بطني والتعب يخلي الواحد يشتهي اكثر
سمير.. ها شخلصتو شنو بقى
سارة.. الطابق الي فوك صار نظيفو هو والغرف والحمامات بس الي يريد يصعد فوك ينزل حذائو عند الدرج ويصعد فوك علمود لا يصعد التراب وياه
سمير.. جبنا شوية اجهزة كهربائي وطباخ نمشي حالنا بيهن
سارة.. تمام
سمير.. تكملون تنظيف الطابق هذا
سارة.. اي بس جنا كاعدات نرتاح
سمير.. تمام لعد كملي تنظيف علمود بعدين تروحين انتي وسليم تجيبون مواعين
سارة.. مو صار هواي عليك المصرف
سمير.. لا تطمني الحمدلله الخير موجود
سارة.. تمام لعد يلا ميرا اذا خلصتي كومي خلي نكمل
ميرا.. اي ماما خلصت
سارة.. تمام روحي شوفي يا غرفة نبلش بيها بين ما اشوف شنو جايبين ابوج واخوانج واجي اساعدج
ميرا.. تمام
اخذت اخذت السطلة والنشافة والوصلة الي جانو محظرينهن النا صاحب البيت وصديق ابوي علمود نكدر ننظف البيت فورا
بلشت بالغرفة وجانو بايا واخواني جايبين فرش صعدوهن فوك وطباخ وثلاجة بس اكثر شي جايبين فرش لان ننام عليهن
رجعت ماما يمي وكملنا تنظيف البيت قبل المغرب والحلو بيه ان البيت شبه نظيف بس بيه شوية تراب لان جان متروك
من خلصنا تنظيف ماما دزت سليم يجيب صابون من المحلات اذا اكو قريبة عالبيت وطلع اكو محل بالفرع الثاني وجاب منو صابون
دخلت ماما اخذت دوش عالسريع وراحو هي وبابا وسليم يجيبون مواعين واني صعدت فوك فرشت الفرش ورتبتهن علمود يكونن جاهزات
ماما جانت جايبة بس ملابسها لهذا السبب ما جنت اكدر اسبخ وابدل ملابسي ومحتارة شنو اسوي وكعدت عالدرج بضوجة
عادل.. شبيج
ميرا.. ماعندي ملابس كلهن عند عمامي
عادل.. انتظريني يمج
ميرا.. تمام
عادل.. راح للمطبخ واجى وياه علاكة .. هاج
ميرا.. شنو هاي
عادل.. ملابس جبتهن الي بس انتي محتاجتهن اكثر مني دبري نفسج بيهن بين ما نجيب ملابسنا
ميرا.. فتحت العلاكة جان جايب تراكسود الو جديد مبين جايبو من راحو يجيبون الغراض بس جبير كلش علي
نعمان.. شلون يصيرلها هذا
عادل.. تدبير امر بين ما نجيب ملابسنا او تغسل ملابسها وتنشفهن
نعمان.. خوش
ميرا.. ماجان عندي اختيار غير اني اوافق واخذتهن واخذتلي دوش احس عضامي تفصخن من التعب ولبست الملابس وطلعت
جانت الردن تاخذني كلي مو بس ايدي وشطولها فكفيتها لحد ما طلع الكف مال ايدي وكفيت البنطلون هم علمود امشي وطلعت
نعمان.. باوع علي وانفجر بالضحك
عادل.. بسم الله شبيك تخبلت
نعمان.. باوع وراك
عادل.. باوع .. ههههههههههههههه لج هاي شنو
ميرا.. ههههههههه شدخلني غير ذني ملابسك
عادل.. لج شكدوتج لعد عبالي جبيرة طلعتي بعدج جاهلة
ميرا.. اني جبيرة بس انت الي شكبرك صاير
عادل.. ههههههههه
ميرا.. خلص لا تضحك
عادل.. ماكدر شكلج يضحك هههههههههه
ميرا.. اخذت شالي ولفيت شعري بيه علمود ما يتبللن ملابسي بسبب رطوبة شعري ورحت كعدت بين نعمان وعادل
سارة.. السلام عليكم .. ههههههههه هاي شلابسة
ميرا.. عليكم السلام غير انتي جبتي لنفسج ونسيتيني
سارة.. عادل ونعمان كومو ساعدو اخوكم وابوكم
عادل.. تمام
ميرا.. كملتو
سارة.. لا وين بعد هواي بس الله يعلم ايمتى نكمل بس شوية شوية نكمل
ميرا.. اي الله كريم
سارة.. ما كلتيلي منين جبتي هالملابس
ميرا.. من عادل جايبو لنفسو واني احتاجيتو ولبستو
سارة.. اي مو اكول اول مرة تلبسين تراكسود وجبير هواي عليج وفوكها شباب
سمير.. اااا........ كوة كاتم الضحكة .. هاي شلابسة
سارة.. ماعدها ملابس ولابسة تراكسود عادل
سمير.. هو هذا تراكسود
ميرا.. حتى انت بابا تضحك علي .. دك تيلفون بابا
سمير.. الو هلا يابة
جدي.. وين رحت واخذت عيلتك وليش ما ترد
سمير.. يابة باليرحم والديك لا تضغط علي اني اخذت عيلتي واجرت بيت واذا تدزلي ملابسنا ويا ايمن تسوي فضل علي
رجعة للبيت ذاك ما الي وانتو كل الهلا بيكم ببيتي هذا عدا مصطفى واذا شفتو كدامي ترا ارجعو الكم جثة هامدة
جدي.. وين بيتك
سمير.. (انطاه العنوان)
جدي.. تمام
سمير.. سليم نزل العشى بوية كاتلنا الجوع
سليم.. تمام
ميرا.. راح سليم جاب العشى وانطاه لماما وحطتو النا واكلنا وشبعنا وهمزين ماكو مواعين ينغسلن مجرد فلينات وذبيناهن
شوية واجى جدي وجدتي وياهم جنط الملابس وراحو الولد نزلوهن وكعدنا وياهم بالغرفة الفوك مالت بابا وماما لان بيها فراش
جدي.. الى متى تبقون هنا
سمير.. الى ان يفرجها ربك او نرجع لسوريا
جدي.. يا بوية مصطفى شاب وبعدو صغير وغلط وهو معترف بغلطو العن الشيطان وارجع وياي خلي نرجع نلتم ويا بعض مثل قبل
سمير.. يابة انت تعرف من اجينا وهو يتعرض لميرا ومو تاركها براحتها وجنت معتبرو مثل اخوها ويريد مصلحتها
بس سالفة انو يباوعلها بدون شال ويحاول يضربها ويجي بالاخير ينهي عليها هاي واكفة كلش وما اسمحلو بيها
وبالاول والاخير اني بس تتحسن الاوضاع بسوريا ارجعلها وارجع لبيتي وشغلي يعني كعدتي هنا مؤقتة
جدي.. سوريا وضعها من سيئ لاسوء واحتمال ما ترجعلها
سمير.. يابة انت تريد راحتي
جدي.. هاي هم يحتاجلها سؤال
سمير.. لعد عوفني هنا بدال ما ارجع هناك ونتخارب اني واخوي بسبب تافه ما يسوا
جدي.. هووووف يعني انت هيج رايك
سمير.. اي يابة هيج احسن
جدي.. تمام بوية الي يريحك سويه مع اني مو مقتنع
سمير.. بس بوية من ترجع وصل كلامي لمصطفى اذا سمعتو ناطق كلمة نهي مرة ثانية على ميرا الا اجيه هناك واكص لسانو
ميرا ما تصيرلو مرة وخشمي يشم الهوا واني تعرضلها بفد يوم من الايام راح انسى انو ابن اخوي وانهي حياتو بايدي
جدي.. مصطفى معترف بخطأو ويريد يصححو وياخذ ميرا على سنة الله ورسوله
سمير.. ميرا مو رايدتو اصلا وفوكها هو بسوايتو الناقصة طلع من عيني فد مرة فلا نريدو يصحح خطأو ولا شي وهاي هي
جدي.. هاي بنتك وانت حر بيها ما نجبرك بوية
سمير.. ومثل ما كلتلك انت وامي وعائلة سامر كلكم مرحب بيكم هنا بس مصطفى ما اريد اشوفو
جدي.. تمام يابة مثل ما تريد .. هاي شنو لابسة ميرا
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
