رواية هدية الشيخ رضا الفصل السابع 7 بقلم أوتار حزينه
رضا
سمعتها كالت اريد اروح لهلي وخرت من جدامها
اشرت لباب وكلت
روحي لجن بعد مالج رجعه لهنا
عاينت علي بوجه غادي دم كملت
لو غالي عندج جان مااهديت بيتج وهديتني
من اول مشكله
اانت طگيتني ياارضا
عليتي صوتج عليه وجدام منووو ياليله
جدام حليمه الي راح يجيها يوم
وتعيرني بيج
سكتت كعدت تبجي وتشهك
اخذت نفس وذبيته كملت بعتب وانا ضايج
من الصار
ليش هيج سويتي ليش تعرفيني احبج وكلتي
هذا راح يسكت ويعديها اليه
ماردت صحت بيها بصوت مكتوم
ردي ليش سااكته مو هذا الي خلاج تسوين
هيج حبي الج خلاج تشيلين الاحترام
وتعلين صوتج عليه
لاااا لاااا رضا
ردت بشهكه كامت واجت ليمي كملت
بدموع
مو هذااا ولا فكرت استغل حبك اليه واجاوز
الحدود روحي طكت من حليمه وغلطها عليه
هييي تجاوزت كل الحدود وياي واذتني
هوايه وانه سااكته بالعه سوالفها
لخاطرك اانت
سكتت من شهكت بالبجي وكملت
ساكته لان كلت ارتاحيت يمج وكلشي تغير بيه
مااردت اقهرك بسوالفها ماردت رضا
اعيش وياك بالمشاكل
لييش مااتحجين ليش ماادكولين اليه وانه اعرف اتصرف وياها
صفنت عليه بوجهه مطعون وغادي دم ابتسمت
بالم وردت
ردت اكلك وانت ماسمعت مني وطگيتني جدامها
وخليتها تشمت بيه
مارديت دارت روحها مني وراحت كعدت غطت
وجهها بأيدها تشهك بالبجي ردت اكول
اسف واعتذر لجن ماكدرت
لان هي خطأت بحگي
ليله
بذاك اليوم انكسر شي بيه والسواه رضا
ظل يدك بگلبي اصعب ليله مرت عليه هي هاي
لان ماكدرت انام ولا عيوني
بطلت بجي
ثاني يوم مر عليه ثكيل راسي يوجعني
وعيوني مااشوف بيهن هم شفت نظرات الشماته
بعيون حليمه وزينب وظلن بس
يضحكن بيناتهن
خليت قهري بگلبي اسمع عمه تهون عليه
الصار وتوصيني بعد مااعلي صوتي على رضا
لان يتخبل من هالسالفه ويكره الحرمه
الي ماتحترمه
اهز راسي باي وانه مهمومه ومقهوره من ضربته
اليه لجن كلت اتصرف ويا جدامهم
طبيعي واجافي بس
بغرفتنا
رضا
طبيت للبيت وكت غده شفت امي وحليمه
واكفات يحضرن بالاكل
الله يساعدجن
هلا يمه
الله يساعدك ابو دعاء
هلا حليمه
عيوني راحت للباب ليله اجت شافتني
وجهها تغير لجن اجت وكالت
الله يساعدك
هلا ليله
اخذت البشت من عندي وكالت مثل
كل يوم
حضرت الك هدومك اذا تريد تسبح
صبو الغده بين مااسبح
اي يمه
مشت من يمنا شايله البشت رحت لجدتي
سلمت عليها وصعدت لفوك طبيت غرفتنا هي
تريد تطلع فاتت من يمي
بدون ماتعاين اليه
عرفت عقابها جان بيني وبينها جدام اهلي
كامت تصرف عادي وتضحك اليه ولا جن شي صار
لجن بغرفتنا اشوف الجفا والزعل
مافرضت نفسي عليها لان
انه هم جنت زعلان
عليها كابرت وكلت هي الخطأت بحگي
ولازم تجي وتعتذر مني
ليله
مرت ايام وماطاب جرح گلبي اتصرف طبيعي
جدام الكل وانه من جوه غاديه نار
امي اجت تشوفني بس
شافت وجهي سألت بقلق
يمه شبيج صاير شي
ابتسمت گوة ورديت
لا يمه مابيه شي
صفنت بعيوني نزلت راسي اشرب بالجاي
كالت
مدري يمه اشوفج مو على بعضج وضعفانه
ووجههج اصفر كلش
معدتي توجعني صارلها فتره
وج خاف حامل
صفنت على امي الي كملت بفرح
الشهريه اجتج
امي الا سالتني يله تذكرت هي مااجتني صارلها
فتره
لا يمه صارلها هوايه مااجت مااذكر اخر مره
شوكت اجتي
يبنت الخايبه ليش ماحجيتي ليش،ماكلتي
حتى اوديج واشوفج بلكي تطلعين
حامل
سكتت كملت
اسمعي خلي نتاكد بالاول يله نحجي بهل السالفه
تمام يمه
هزيت راسي باي
عمه طبت كعدت يمنا سالت على البنات
وكالت
ليش مااجني وياج هن والجهال
زهره راحت لاهلها ونعيمه عدها خياطه
وملتهيه بيهن
ها خطيه الله يعينها
تسلمين ام رضا
كاعده اسمع سوالفهن ونفسي تگلب جده اجت
امي كامت بوجهها سلمت وكعدت تحجي
وياهن وانه بغير عالم
من راحت امي صعدت لغرفتي ذبيت من راسي
الما طلعت روحي مااعرف شبيه بهل الايام
روحي مايعه جنت بس الصبح
اذب من راسي وزاد هالشي وكمت اذب
كل مشوار
كعدت على الجربايه غاديه فد مره تعبانه
ومالي خلك حتى انزل لجوه كلت خلي اتمدد
شويه لان العشه على حليمه هي
وبناتها
تمددت وغفيت بسرعه
رضا
طبيت لبيتنا انه ودعاء حليمه بالمطبخ
هي والبنوات بنتي سلمت على الكل وسالت
جا ليله وين ماهي يمكم
فووك مانزلت المسعده
حليمه ردت بضوجه خزرتها كملت
وكت عشه يارضا يعني مايصير هيج كل
يوم تعوفه علينا وتصعد لغرفتها
بلااا لغوه زايده حليمه وهاي سوالف النسوان
والشغل ماريد بعد اسمعها من اطب
جا المن اكول اذا عمتي صافه وياها وماترضى
احد يحجي وياها لست الحسن
يمه كاافي شبيج انتي انه اعرف الغده عليها
وجلف المواعين وانتن العشه بعد شكو
هالحجي
امي طبت سمعت اخر الكلام عكدت حواجبها
وكالت
خير يمه شكو شبيها حليمه
انهديت بغضب
بيها بله اسود وطاعون عفيه حرمه المشاكل
تمشي بدمج هسه بنتي طبت عليج وتلكيتها
بالمشاكل شبيج حتى ماتسوين العشه
مكسره ماعندج ايد شوفي
روحي صايره شكبرج
من الخدر والكسل
اكووم احرك لشتي شويه واحرك هالبنات
الي تعلمن منج الجيفه والكسل
يووميا تحركين بدمه ووج شلون وياج
منيه هالسم الكاعد تسوي النا خما منيه
ماحجيت شي ياعمه بس كلت خلي تنزل
ويانا وتساعدنا
ردت على امي االي كالت بغضب
اسمع رضا ليله تنظف الفوك والجوه وتكف وياي
بالريوك وتسوي الهن لهذني شوفهن هن وامهن
وتخلي وهي ساكته وتكف بالغده
وتروح للنسوان تگضي الهن
جم شغله وتجي تكمل
شغل المطبخ وهن ولا واحده من عدهن
تنزل وتخلي ايدها ويانا مافد
يوم سمعتها شكت او كالت
ليش ماتجي حليمه او بناتها يساعدنا
عاينت بخزره لزينب وزهاء وسكينه ختلن
وره امهن كلت وانه جاز على سنوني
الصوج منين الصوج من امجن الجايفه الي
ربتجن هالتربيه السگط
وليش هي تنظف الفوك والجوة ماتلزمنه انتن
ومريم وتنظفنه شبيجن مكسرات
خما مكسرات
دعاء انهدت بخواتها حليمه ردت بغضب
ااانتي ماعليج بيهن
حليييمه
صحت بيها ردت
ماسبيت العنب الاسود يارضا حتى الكل تنهد
بيه انه وبناتي
ااش ولا جلمه صوتج مااسمعه ابد واااسمعيني
زين انتي وبناتج من بااجر لااااا من اليوم
امي هاا الشيخه شدكول تنفذنه
بدون نقاش يممه
ها رضا
اي وحده منهن ماتسمع الجلمه وشفتي حليمه
وكفت وياهن بس گللي اليه وانه اعرف
اتصرف وياهن
هو هم هيج يمه لان الشي الكاعد يصير
بعد ماينسكت علي
ردت ليله طبت عكدت حواجبي من شفتها
صفره كركم ماعاينت عليه راحت
حبت دعاء وهلت بيها
مشيت من يمهم غادي نار من هالمشاكل الي
ماعاد تفض
ليله
سمعت الحجي ومادرت بال لان تعلمت على
سوالف حليمه رضا بنفس اليوم سافر
هو وجد طالب لكعده بغداد
عرفت من عمه راح يظل
هناك يومين
دعاء ظلت يمنا حبيتها كلش لان مو نفس طبع
امها وخواتها وهم لان جانت من عمري
من تجي افرح بيها كلش
واحير شاسوي الها
ثاني يوم راحت وعمه راحت وياها لان
جانت تريد تاخذ ام زاهد وتروح للنسوان انه
بالمطبخ احضر الغده حليمه اجت وكالت
هي انتي اعجني حتى تخبزين النا
رديت بدون مااعاين الها
عدنا خبز مايحتاج اعجن
لا لازم تخبزين لان رضا راح يجي العصر
ويريد خبر حار بالعشه
انه مااكدر اخبز تكب بيه حساسيه بس
اكف يم التنور
شنوو عيني
نفضت مصفي الخضره بالسنك انداريت
وجاوبت
الحراره تأذيني ام دعاء خلي ام كرار
تخبزلنا
شبيج عميه ماشفتيها مالفت
ولا اجت اليوم
استغفر الله ياربي
زيينب جيبي الطحين
بنتها طبت شايله معجانه جبيره خلتها على
الميز وضحكه خبث بوجهها
هذا اعجني واخبزي العصر
صار
رديت مختصر لان مالي خلك اتعارك وياها
تغديت وي جده انه وبنات سميه وهي تغدت وي
بناتها بالمطبخ
عجنت العجين وره الغده نفسي تگلب من
الاكل كملت ورحت للحمام الجوه ذبيته كله
غسلت وجهي اكثر من مرة اريد روحي
ترد اليه
طلعت سويت جم شغله بالمطبخ مريم وياي
تساعدني راحت لجوه ورجعت كالت
ليله عمه حليمه ادكول خلي تخبز بتنور
الطين لان بويه ماياكل
مال الستيل
ذبيت حسره وهزيت راسي باي دزيتها تلم
الهدوم والتهيت انه وياها تصفط بيهن كملنا
وكلت الها
خلي ننمسح البيت لان بنات حليمه بس
كنسنه
اي انه امسح الفوك وانتي الجوه
جا اذا هيج خوش حتى من نكمل ناخذ
العجين ونخبز
كملنا مسح وراها
شلت العجين ورحت لوره البيت شجرت
التنور وهي تساعدني بالحطب
تجيب ليمي واخلي
بي
شلت هم شلون راح اخبز بي كعدت شنكت العجين
من ردت اخبز نكعت ايدي
وجهي وشديت الشال لفوك وبردت
ركبتي بديت اخبز جم خبزه
طلعت مريم كالت
وجهج غده دم ياليله
جيبلي شويه مي بارده
اي
راحت من يمي انتبهت عمه يمي ماسمعتها
من وره المرواح مال السبالت سلمت وكالت
مو عدنا خبز يمه ليش كاعده تخبزين
حليمه كالت اخبزي حار لرضا
رديت وكملت
رجعتي من وكت
اي ساعه زمان كعدت ورجعنا انه وحياه
هاا شلونها هي صايره ماتجي
هاج المي ليله
اخذت البطل من مريم بعدني ماشاربته فزيت
من سمعت صوت رضا جاي من الممر
يخزر بيه وغادي نار
رضا
وصلت سلفنا العصر رحت للمضيف بس حيدر بي
وزاهد سلمت ترخصت منهم اغسل
وارجع الهم مشيت لبيتنا جم خطوه وانتبهت لخلف
ولد ناهي راح للممر وره
البيت
كلت هذا شعنده رايح وره البيت مشيت
وراه وكفت من شفته لبد وره الحايط
لميت قبضه ايدي لان عرفته كاعد
يتشرف على الحريم
الي يشتغلن عدنا
مشيت بهدؤ،اله لجن اغلي من غضبي وكفت
من سمعته كال
بويه شنهي هالجمال حگه رضا يضمج عن
عيون الناس گمر ويضوي وشايله حسن بلوه
ووولك
صحت بي فز رجت بسرعه گضيته من زيجه
عاينت للمچان فكيت عيوني من شفتها ليله
وهو واكف يتغزل بيها فقدت
وطك الخبال بالراس
عتيته من هدومه وضربته گله شمرته من
الممر بالگاع نزلت اله من كام وهو خايف صحت
بصوت مكتوم
كوواااد عاار الزلم تعااين على عرضي ولك
اليوم مااخليك طيب والا اجتلك
هديت علي دك بوكسات يتلاوى وياي مايكدر
حيدر وزاهد اجوي يركضون جروني
منه هو بسرعه فلت
جريت مسدسي اريد اكتله حيدر سحبه مني
بسرعه گضني هو وزاهد
افشر علي واغلط سال
خال شصاار بس فهمنا
وولكم العااار شفته يعاين لحرمتي
نفضت روحي من عدهم مشيت ليله واكفه يم
التنور امي يمها صحت بجنون
اانتي شطلعج من البيت
ماانتظرتها ترد عتيتها من زندها بقوه وجريتها
للبيت كالت بتوسل
رضا اايدي كاعد تاذيني
وعساااها بالكسر
صحت بخبال اخذتها لغرفه جده ودفعتها ليمها
امي گضتني من جتفي وصارت جدامي
صاحت
شبيك وي البنت يارضا
رحت الها امي واكفه بيني
وبينها صحت
شطلعج من البيت ووولج فهميني انه مو كايلج
الج ممنوع تطلعين منه شلون
طلعتي وكسرت كلامي
جنت ااخبز وبعدين انه اطلع يم النسوان من
نطبخ الطبيخ لضيوفك وماجنت
تحجي شي
شلت الطبله وركعتها بالحايط ليله عاطت
هي وبناتي حليمه گضتني دفعتها وصحت
اانه جتااال ابن اخوج اليوم
يبووو عزه ليش شسووو الك
درت روحي على ليله لابده يم جدتي وخايفه
مني انهدت بي
كاافي شجرالك انت على كيفك يبن الشيوخ العقل
وين تخبلت خما تخبلت علينا
صحت
بعدددد ماكو طلعه من هالبيت الا على كبرج
هوو وينه خلي يجي الموت حتى ياخذني
واخلص من هالعيشه ومنك
ردت علي وهي تبجي رفعت ايدي عليها فزت
وصاحت
لااتضربني لاااتضربني
كالت هالكلام وكامت تضرب بروحها تخبلت
جده حظنتها تخزر بيه امي انهدت
بيه بغضب
ولك بس فهمني شصاااير شبيك وياها
ضربت الباب بوكس وطلعت من يمهن مشيت بسرعه زاهد تلاگني هو حيدر كال
هدي شيخ والي تريده نسوي
ولك هو العار شيخلف غير عار مثله
رديت جاز على سنوني وصحت بصوت مكتوم
هديت لسيارتي وكفت من سمعت
صوت وعد
بوويه الحك علينا
انداريت اجت تبجي وتشهك كالت
ليله مادري شصاار بيها
رجعت ركض للبيت طبيت ورحت لغرفه
جدتي فكيت عيوني من شفتها بين ايد امي
بالكاع حاظنتها وهي
فاقده الوعي صاحت
«ولك يمه الحك عليه البنيه مدري شصار
شبيها
نسيت الصار من شفتها فاقده
وكعدت يمها وحضنتها لصدري كمت اضرب ،،،،،،على خدها بهداوه
واحجي
«ليله اكعدي فتحي عيونج وولجن مي
بسرعه مريم راحت تركض جابت اليه كلاص
غسلت وجهها ماكو ولا تحركت
انتبهت وجها وارم وايدها بيها
طكع حمر ووارمه هم
صحت بخوف
«يمه ليش هيج صار وجهها وايدها
«ماأدري كامت وره ماطلعت وماشوفها غير
تكع من طولها
«كوم خايب شمالك وديها للمستشفى
البنيه مالها نفس
جده صاخت بيه
شلتها وركضت بيها وامي لحكتني
بالعبايه مالتها وغطتها
زاهد من شاف المنظر راح كبل جاب السياره ليم البيت ركبت انه وامي ليوره وخليت راسها بحضني
واحجي وياها بتوسل
« ليله
اكعدي يابعد العمر فتحي عيونج
شمالج،،،،
سكتت من شفتها ماتجاوب
وصحت وره دقائق
«اخ كله من ذاك العار
لو الزمه الا اذبحه
«اسكت يمه مو وكتها وخلينا بمريتك الماادري شبيها
عاينت الها امسح بوجهها الي غده فد مره
اردد
«ليله اكعدي يالغاليه وج اكعدي وفتحي عيونج
الحلوه
نسيت بذيج اللحضه انه شيخ وكمت
احجي وياها ،،،،،بحنيه وتوسل
اريدهن بس
تفتح عيونها بس ماكو بس النفس
وكوه تجره
زاهد طلع بينا لمستشفى اهلي
اول ماطبيت شلتها وركضت هو جدامي خبص الدنيا خبص اجه دكتور وممرضه واخذوها مني
انه طبيت وياهم وامي هم
فحصها الدكتور
من كمل رأسن،، سألته
«شمالها دكتور وليش هيج صارت
«شتصير منك المريضه
« حرمتي ،،،،،
عاين عليها،،،،وبعدين،،،،حجه
«البنيه صاير بيها حساسيه قويه
وعبالك هي عدها من زمان
ماكله شي حار
«لا دكتور مماكل
«زين متعرضه لحراره قويه
انه رأسن جاوبته
«اي دكتور خبزت
«استغفر الله ياربي
اخي شلون تخلوها تخبز
البنيه كابه بيها حساسيه قويه كلش
«وشلون هسه دكتور
« راح نضربها ضربنها ابره تهدأ الحساسيه
شويه وان شاء الله انطيها علاج
بس قبله لازم ناخذلها،،،،،كم تحليل
حجه وي الممرضه سحبت دم منها وطلعو من يمنا ،،،،كعدت يمها وانه ضايج
«يمه الحمد لله هاي ولاغير شي.
عاينت لامي، ،،وذبيت حسره من گلبي
ولزمت ايدها الي وارمه وصايره
حمره ،،،،،
حسيت بيها اتحركت وفكت عيونها
بس كوه فتحتهن لان عيونها جواها وارم
وحجت بصعوبه
«رضاا
«هياني يمج ياليله
ليله
مااعرف شصار بيه نار كبت بجسمي حسيت
اشتعلت كمت اريد اغسل ومااحس
بروحي غير واكعه من طولي
كعدت اون كلت اسمه سمعت صوته فتحت
هو يمي كمت ابجي كال بوجهه
مطعون
« اش لاتبجين وتوجعين گلبي
«شاادعيلج حليمه مايجي منج غير بس الاذيه
انه مااقبلت اخبز والله كتلها مااكدر بيه حساسيه
لجن هي ماسكتت جفيت شرها ووكفت
اخبز
« شلون وي هالبلوه ياربي انه منين اتلكاها منها
من ولد اخوها العار
رديت بغضب گضت ايدي بهداوه غاديه نار
تغمض وتفتح عاينت لامي كالت
لاتخاف يمه هاي الابره هدأتها وراح تخليها
تنام
ظليت يمها انه وامي وره نص ساعه كعدت شويه
احسن من الاول
«اشربي يمه شصار بيج هي جم ساعه
عفتج رجعت لكيت الدنيا مكلوبه
«عمه والله مو انه
«اعرف يمه اني عندي حيه بيتي
بس شوكت يكصون راسها ماأدري
طب الدكتور وامي سكتت
«ها دكتور بشر
لا ان شاء الله مابيها شي انه
ردت انطيها ابر بس خفت لا تأثر على الجنين
الكل بهت من حجه الدكتور هيج
«دكتور شنو جنين
امي سالته
وكامت من مكانها
الدكتور ابتسم،،،،وبعدين عاد كلامه
« زوجتك حامل
ابتسمت وعاينت ليله صافنه عليه ومذهوله
«اي والله شنو ماتعرفون بيها
حامل
«لا والله ماندري والله يبشرك بالخير دكتور فرحتنا بهل الخبر الحلو
امي جاوبته وانه سالته
«زين هسه نكدر نطلع
«لا خليها تفحصها الدكتوره وتاخذلها
سونار خلينه نتأكد من سلامه
الطفل يله تطلعون
عكدت حواجبي وسالت بقلق
«ليش دكتور حرمتي بيها شي
«لااا ماكو شي بس نريد نطمن عليها وعلى الطفل يله نكتبلها على خروج
هزيت راسي باي
والدكتور طلع،،،،ووره دقائق،
اجتي الممرضه اخذت ليله هي وامي
وراحن لدكتوره السونار
انه ظليت اروح واجي بالممر
واعاين على الباب
ووره،،،،نص ساعه
طلعت امي وهي تبجي تضحك
من شفتها هيج رحت بسرعه عليها وسالتها
«يمه شمالج ليش تبجين ليله بيها شي
الي بطنها بي شي
امي كعدت وهي تتحمد لله
يمه احجي شمالج
امي طلعت الكلام كوه وحجت فرحانه
«ولك يمه الدكتوره ادكول ليله طابه بالثالث
صفت علي امي وحجيت بهدؤ
«الحمد لله يمه بس ليش تبجين
« ماادري رضا الدكتوره كالت اظن بيها ولد
فكيت عيوني وگلبي فز من الفرح سالت
خايف يخيب ظني بعدين
«يمه ليش ينعرف هسه
نكول يالله يمه ونستبشر خير
يالله يارب ترزقني بالولد الي يفرح گلبي
امين يارب
صافن والفرحه مرسوم بوجهي وخايف بعدين انصدم صح انه احب بناتي ومامعترض على رزق الله بس بنفسي،،،،،، يصير عندي ولد
مركزي كشيخ يريد ولد يشيل
اسمي من بعدي
اريدن ولد يصير حزام
ظهر الي ولخواته
امي حست بيه وكالت
«رضا يمه الينطي البنيه هم ينطي الولد
ومو بعيده عن ربك يجبر خاطرك وخاطرنا
ويرزقك الولد
هزيت براسي وجاوبتها،،والفرحه
بگلبي شكبرها
«اي يمه مو بعيده عن ربنا،،،
«يله يمه انه اروحن اجيبها حتى نرد
لبيتنا
امي راحت لجوه سندت روحي
على الحايط وحجيت وي نفسي
وانه صافن على الباب
«ولك رضا صدك راح يجيك ولد
وراح صدك،،،تصير ابو شبل
مسحت وجهي وحمدت ربي
اكثر من مره،،،،
«على كيفج يمه تراه
الدوه مأثر عليج
«اي يمه والله احسن
راسي ثگيل وعيوني مغوشه
ليله حجت وهي مستنده على امي
رحت لزمتها خاف توكع،،،
ومشت ويايه وهي سانده روحها
عليه واحسنهن خدرانه
«رضا نعسانه
سألت امي بقلق
« شبيها ،،،يمه،،،
«ماكو شي يمه من الدوه
لان كله مهدئات
على كيفج امشي وذبي ثكلج عليه
صعدتها ليوره امي يمها كعدت يم زاهد اعاين
الها غفت وذبت راسها على جتف امي
شعرها طلع اشرت لامي غطته
كلت وي روحي
«اويلي ياليله شلون حيكضي العمر
وياج وانه اغار عليج من الهوه
الطاير لو لاح خدج
انتبهت زاهد يحاجيني
«شيخ وصلنا
نزلنا من السياره كعدتها نزلت گضيتها بهداوه
طبينا بنات سميه كاعدات بالمطبخ
فزن واجن عليه خايفات عليها
سالن
ها بويه شلونها ليله
زينه لاتخافن
حليمه اجت وعاينت النا خزرتها لجن ماحجيت
شي صعدت ليله لغرفتها تمددت تريد بس
تنام امي ذبت الها الشال
عاينت لركبتها شفت جسمها رد لونه وتنفسها احسن
حمدت ربي عدت هالسالفه على خير
امي حجت بهدوء
«امشي يمه وخليها ترتاح
هزيت راسي طلعت ويها ونزلت جوه بالهول
شفت جدتي كاعده هي
وحليمه والبنات
«ها يمه شمالها البنيه ليش هيج
طاحت علينا
« كبت بيها حساسيه من وره ااحراره ياعمه
«يا وشدعواها هيج وكعت روحها
وتعالوا شيلوها وودوها للمستشفى
محد دار بال الها امي حجت لجده
«يمه رازقيه عندي الج ابشاره
حلوه
«اي يمه كولي
«ليله طلعت حامل
«صدك يمه
«اي والله والدكتوره ادكول اظن بيها ولد
يالله ووج صدك تحجين
اي والله
كالت اظن يعني بجوز جيب بنيه
حليمه ردت بضوجه وملامح كلها قهر جده
اشرت لي رحت الها حبتني وكالت
«ولك يمه جايك شبل يبعد جدتك
راح يجيك باذن الله ويفرح گلبك وگلبنا
حليمه كامت كلت
«اكعدي عندي حجي وياج
اشرت للبنات يروحن من يمنا
كمت من مچاني ورحت ليمها
ووكفت وعاينت بعيونها وحجيت بهدؤ
«هاي السالفه الصارت اليوم بعد
ماأريدهن تتكرر
سوت روحها ماتدري وكالت
«شنو رضا ياسالفه
حليييمه
صحت بيها رضا وانه جاز
على سنوني خنست وخافت
«تعرفيها زين ياسالفه واريد من الله
تعيديها قسم بالله الما سويته قبل سنين اسوي اذا
علتي عليها مره االخ او سمعتج غاثتها بجلمه
اافتهمتي ولج
حليمه هزت راسها وهي تحرك
بروحها من القهر خصوصا من سمعت
بليله حامل وبولد
وطلعت من يمهم والشياطين تلعب براسها لعب
وطبت لغرفتها ولحكتها بنتها زينب
«ها يمه شماله ابويه
ولج يمه شلون بيه ابوج باعني
وبرخيص من وره ليله بنت الحارس وابنها
«يمه لاتبجين وتقهرين روحج خلها
تولي
حليمه كامت تملخ بروحها وتضرب
على خدودها وتحجي بحقد
«انه بنت الشيوخ يهددني بالطلاك من وره
بنت الفگر
زينب رادت تسكت امها باي طريقه لان انقهرت عليها
«يمه شتردين اسويلج علمود ترتاحين كولي
حليمه سكتت وعاينت لبنتها وافكار شيطانيه تدور براسها،،،وبعدين حجت
«مو هسه يمه بعدين انه اكلج
.........
رضا
صعدت للفوك اريدن اطمن على ليله
طبيت للغرفه شفتها كاعده وسانده روحها
على الجربايه رحت الها وعيوني فاضحتني
ومبينه شوگي بيهن من شافتني فتحت ايدها الي
كبل اخذتها لحظني كلت
بصوت مخنوك
ماجنت طيب بهل الايام جفيتي مني وزعلج
خبلني يبنت گلبي
من ايدك انت شلون انطاك گلبك تضربني
شلون رضا وانت تعرف اذيتك
اليه موت
كامت تبجي وخرت مسحت دموعها واحب
بخدها همست
اش كافي ماريدج تبجين وتزعلين اريد
افرح بيج وبالجاي
عرفت
سالت والدمعه تلالي بعيونها اخذتها لحظني
ورديت
اي عرفت
واذا بنيه يارضا تزعل
لا ياليله هذا رزق الله وماازعل علي
سحبت روحها مني عاينت بعيوني ابتسمت
من گضت بطنها وكالت
لجن انه اريده ولد واريد من الله يشبهك
بكل الصفات
جا هالكثر تحبيني
واموت عليك
ردت واجت لحظني حبيتها من راسها وتوسلت
بربي يرزقني منها الولد
يوم على يوم بطني تكبر
واحس حبنا انه ورضا هم يكبر ويا
تعلقت بيه هوايه وهو هم تعلق بيه دلاله زاد
من حبلت وخوف صار ويا يمشي ويوصيني
على روحي بهل الفتره انتبهت حليمه
ماعاد تسوي وياي مشاكل مثل الاول
عرفت رضا مهددها بالطلاك
اذا عالت عليه مره
ثانيه
بشهر السابع الصبح
كعدت رضا حاظني وجايبني لصدره عدلت روحي كوه لان صرت ثگيله
«ها ليله بيج شي.
«لا ماكو شي بس هذا ابنك خبلني
بس يدفر
جرني لحظنه وهو يضحك
«چا غير يطلع وكح مثل ابوه
«اي والله مبين مثلك وكح
« هههه وهو اليشوفج مايتوكح يالترفه حجه هيج وباسني من ركبتي
«رضا اكعد اعرف شتريد وماكو
«ليش ياگلبي مو انه مشتاگ الج
«رضا عفيه اكعد
«غير لو اگدر دشوفي گلبي
شلون زادت دكاته راح يوكف
حطيت ايدي على قلبه وجاوبته
«اسم الله على قلب الغالي
اخ يمه
وخرت منها وانه خايف وحجيت بسرعه
«شبيج ليله
«جيب ايدك
لزمت ايدي وخلتها
على بطنها وكالت
«شوفه شلون يدفر
خليت ايدي وانه انتضر فجأه
دفر شبل
«اي والله
ارتاجيت على الجربايه وانه اعاين لرضا
شلون فرحان
لزمت ايده وبستها هو صفن عليه من
سويت هيج،،وحجيت
«رضا ماأتصور دنيتي بلياك ولاأتصور
يوم اكدر اعيش بعيد عنك
انه يمكن ماأبالغ اذا كلت انته
الهوه الي اتنفسه
ولاتظن يوم ينقص حبي الك لو
اكدر اعوفك
ماأعرف ليش وشنو السبب الي خلاني
احجي هيج بس الي عرفته
رضا تأثر بكملامي كلش وجاوبني
بكلام خلاني ابتسم
«اذا انه الهوه الج فاانتي الهوه والماي
انتي الفرحه الي جتي تالي العمر
«ههههههه ليش بله تالي العمر
«جا ماتشوفين الشيبات الطاكات
وينهن خلني اشوفهن لهل الشيبات
رضا رفع حنجه وشوفني
الشيبات بحنجه
گضيتها بهداوه وحبيتهن كلت
اموت عليهن ولايكات الك هوايه وبعدين
انت مو جبير ولا راح تكبر بعيوني
ابدا
ابتسمت من ردت هالرد كامت من يمي
سالت
تحبيني ياليله
اموت عليك واعشكك عشك مسودن ههه
«اخ ولج هذا كلامج يدوخ
شيوخ مو شيخ
«لادوخ شيخي ويله اسبح
وانزل حتى تتريك وتطلع لمضيفك
اي بس على كيفج انزلي يابطه
ليله
افتر بالمطبخ واحضر بالريوك مريم
سالتني
«ليله اطلع بعد بيض
«لا مريم مايحتاج طكيت هوايه
صيحي ورده خلنه نودي الريوك ابوج بعد
شويه ينزل
«اي هسه
«شلونج يمه ليله
«هلا عمه شلونج اليوم
ان شاء الله احسن
«الحمد لله شوي خف وجع راسي من خذيت حب الضغط
«الحمد لله والشكر
رضا فات وكال
يله بويه تعالن للريوك
طبيت للهول كاهد يضحك وي وعد
حليمه اجت هي وسكينه ونور
رضا سال
«جا وين زينب وزهاء
«نايمات بعدهن
«كومي صيحيهن وخلهن يجن
«هنا يكعدن بعدين
حليمه كومي كعديهن وخلهن
يكعدن ويانا على الريوك لا قسم بالله
لمتابعة باقي الرواية زوروا قناتنا على التليجرام من هنا
