رواية صراع زعماء القوة الفصل السابع بقلم رودينا محمد السيد
و قطع السلك الأخضر ولكن لم يحدث اي شيء و مازالت القنبلة تعمل
و كانت الساعة حينها السادسة مساء
كنان بذعر: يختااااي هنموت
الزعيم بخوف: ينهار ابيض... اقطع الأحمر يا كنان
رودينا بتسرع: لااااء اقطع الأزرق
كنان بخوف: لاء انا هقطع الأحمر
رودينا ذهبت له بغضب و اخذت منه المقص و قامت بقطع السلك الأزرق ولكن بدأت القنبلة تعد تنازليا بسرعة كبيرة
رودينا في سرها: هييء ينهار ابيض دي بدأت تعد بسرعة كبيرة اي الي انا عملته دا
شخص فيخيالها: اقطعي الأحمر
رودينا في سرها: لاء الأحمر في الأفلام بس
شخص في خيالها بغضب: اقطعي الأحمـــــر
رودينا بخوف: ح حاضر
كنان بخوف: الله يخربيتك انت بتعملي اـــــــي هنموت هااتي المقص
رودينا بعند : لاء انا هقطع الأحمر.
كنان بسرعة: لاااء انا غيرت رأـي مش هقطع الأحمر هنموووت
رودينا ببرود: بس يلا اسكت
و قطعت السلك الأحمر و توقفت القنبلة
وضع كنان يده مكان قلبه بخوف ثم هدأ فكانت القنبلة مازالت لها ثلاث دقائق و تنفجر، كان الزعيم يتنفس براحة بعد ان توقفت القنبلة و حمد ربه
الكل: الحمدلله
الزعيم يوجه كلامه لرودينا بغيظ: احنا مش قولنا نقطع الأحمر من الأول
رودينا: ما هو ما كانش قالي اقطع انهي بالظبط 😅
الزعيم؛: كنان قالك من ساعتها انك تقطعي الأحمر
رودينا بجدية: مش قصدي على كنان
الزعيم باستغراب: امال قصدك على مين
رودينا باستيعاب بعد ما تفوه فمها بما قالته: هاا؟! لا مفيش ق قصدي يعني... يعني ان كنان زي ما قولت ما اكدش على كلامه ان السلك الأحمر هو الي عيوقف القنبلة
الزعيم بشك و استغراب من تحولاتها المفاجئة: ماشي.. بس مش كل مرة تسلم الجرة.. يعني بمعنى اصح انت قولتي انك شاكة في الجنايني و طلع كلامك صح بس انت لما قولتي نقطع سلك كذا و سلك كذا ما وقفش القنبلة
رودينا بجدية: تمام.. أنا جعانة
سيران بصدمة: انت ما عندكيش دم
رودينا ببرود: خير يا سيران خلاص القنبلة وقفت خلاص مقلقة نفسك لي
سيران بغيظ: عـا.. انت باردة اوييي
رودينا بابتسامة لكي تستفزها: شكرا
سيران بغيظ: شكرا على اي العفو العفو
رودينا بجوع : هيح انا جعانة
الزعيم بخيبة امل: الحرب دي احنا هنخسر فيها خسارة ساحقة
كنان بخيبة امل: طبعا... انت بتتكلم في اي انت عايز رودينا تكون معانا و نكسب لاء طبعا.
رودينا سمعت كلامهم و لكن تلك الباردة لم تكترث لكلامهم و قالت بغضب طفيف: انـــا جعــــــانة وخلقــي ضيق بقالي يومين ما اكلتش
الزعيم: حاضر روحي المطبخ و اعملي الأكل بنفسك عشان انا اديت لكل الخدم الي هنا إجازة
سيران بذعر: هااا! انت بتقول اــــــــي دي هتولع فينا كلنا
رودينا وقفت امام سيران بغرور كبير و ثقة بالنفس شديدة: استني عندك انت مش واثقة فيا ولا اي انا هعمل ليكم اكل هتاكلوا صوابعكم من وراه و بعدين انا مش هعمل حاجة كبيرة دا يدوبك بس حاجة بسطة زي اني اعمل معكرونة و بيض و عصير بس
سيران بذهول: بس؟.... هي حاجات اي نعم بسيطة بس انت هتعملي حريقة في المطبخ
رودينا: بغرور: لاء ما تخافيش و ثقي فيا انا دايما ماهرة في كل حاجة
الزعيم بصوت خافت: استر يا رب
كنان بقلق: ربنا يستر، و اكمل بهمس: ما تيجي نقولها يا زعيم نطلب اوبر
الزعيم: والله فكرة حلوة عشان انا جعان و مش مطمأن ليها
كنان: اي رأيك يا رودينا نطلب دليڤيري
رودينا: لاء انا الي هعمل الأكل
كنان: بدل يعني ما تتعبي نفسك
رودينا بغرور: لاء شكرا انا الي هعمله بنفسي
كنان: خلاص انا و اخويا هنطلب دليڤيري
رودينا بغضب: انت هتاكلو من الأكل الي هعمله
كنان بتوتر: ها؟! ... آااه افتكرت انا واخويا مش جعانين
رودينا بعند: بردو هتاكلوا من الي هعمله
كنان و الزعيم نظرا لبعضهما بتوتر كبير ظاهر عليهما
كنان بهمس: هنعمل اي يا حمزة
حمزة: لا مفر منها يا اخي ربنا يستر
كنان بهمس: اديك جايب لينا بلوة من بلاوي الزمن مش عارف ازاي القمر دي مستحملاها ازاي
حمزة: صراحة الإتنين حلوين بس دي شلأ و التانية هادية
كنان بسرحان في سيران: هادية اوي و جميلة
حمزة: انت وقعت من سابع دور و محدش سما عليك يا ابني اسكت هتسمعك مش وقته يا كنان
كنان يفيق و يقول بتوتر: ها.. مش وقته اي و اي الكلام الي بتقوله دا اصلا انا اقع من سابع دور.. انا يا حمزة.. لا لا لا انت بتقول اي و بعدين يعني ما هياش حلوة اوي يعني
و ينظر امامه و لم يجد سيران و رودينا
حمزة بتنهيدة: زمانهم راحو المطبخ
صل على سيدنا محمد 🌺
رودينا و سيران دخلوا الى الفيلا فانصدموا من جمالها فكانت غير عادية و تتميز بجمالها
رودينا بانبهار: واااو اي الجمال دا ماشاء الله
سيران بانبهار: الفيلا جميلة جدا بسم الله ماشاء الله
رودينا: خلاص بقى نبطل انبهار يلا على المطبخ
سيران: رودينا.. انت عايزة تعملي الأكل بنفسك لي
رودينا: بصي يا ستي.. انا عايزة اطفحهم كدة كدة احنا هنساعدهم في الحرب بتاعتهم بس انا عايزة اطفحهم حق التلات ايام الي رجالته حاولوا يمسكونا فيه
سيران: الصبر له حدود.. بس ما تعمليش حاجة لكنان
رودينا: و اشمعنا كنان
سيران بتوتر: ها ا اصله ي يعني يعني شكله صغير انما الزعيم شكله شاب وكبير كمان
رودينا بشك: سيران
سيران بتوتر: نعم... بقولك اي يلا عشان نعمل الأكل
رودينا بابتسامة : يلا دنا هوريهم عجب العجاب
سيران بابتسامة: مش خايفة نموت
رودينا نظرت لسيران و ابتسمت ثم تقدمت نحوها قليلا و قالت: مش مشكلة هنموت مش هنموت اهم حاجة نعيش الحياة اهم حاجة يا سيران في وقت حزنك دوري على السعادة... ايوة دوري على السعادة.. ما فيش حد هيديكي السعادة...لو ما عرفتيش تدوري عليها.. اصنعي انت السعادة.... السعادة ممكن احنا نصنعها عادي و الله... بس معظمنا بيستنى حد يسعدهم.. في الي بيلاقي الي هيسعده... وفي نفس الوقت في الي مش بيلاقي حد يسعده... فهمتيني
«دي وجهة نظري يعني حبيت اشاركها معاكم بس السعادة تكمن في ذكر الله وفعل العبادات التي يفضلها الله.....لو انت كنت حزين دور على الساعدة بنفسك مافيش حد هيسعدك لو دورت على الساعدة بنفسك هتلاقيك دايما بشوش الوجه..سعيد.. حتى لو في اشد وقت في حزنك...كل حاجة بتكون صغيرة و بعدين بتكبر.... الا حاجة واحدة...الحزن...الحزن يولد كبير ثم يصغر اكثر ف اكثر و ممكن نصغره بسرعة لما ندور احنا على السعادة...ممكن تلاقي سعادتك في الذكريات المضحكة و الجميلة..بص لنص الكباية الملاين، مين متفق معي في وجهة نظري🤓🤔 »
سيران ابتسمت و نظرت لصديقتها رودينا و قالت: فهمت يا رودينا.. عشان كدة كنت دايما بشوشة الوجه في الملجأ، ثم اكملت بحزن: رغم كل الي كان بيحصل معانا
رودينا بابتسامة محاولة تغير الموضوع: ايوة.... يلا نعمل الأكل قبل ما يمشوا
سيران بابتسامة: بردو لسة مصرة على الموضوع دا
رودينا: كدة كدة انا مش بعرف اطبخ
سيران: طيب سيبلي انا الي اعمل المعكرونة
رودينا: ماشي... بقولك احنا خلاص مش هنحرق الأكل كدا كدا الصراحة انا جعانة اوي
سيران: انا بقول كدة بردو
رودينا: طيب نبطل بقى لك و يلا عشان نطبخ
سيران بابتسامة: يلا
و قامت كل من سيران و رودينا بوضع الزيت و البيض و المعكرونة و وضعوا الماء داخل الإناء و قاموا بتشغيل شعلة من البوتوجاز
رودينا بابتسامة: بسم الله
و احضرت المعكرونة و ضعتها بالإناء ووضعت الزيت عليها
رودينا: كدا لحد دلوقتي كله تمام
سيران: حلو الكلام..... ربنا يستر
رودينا بغرور: يا بنتي ما تخافيش الاه... تعالي نعد شوية
و ظلوا يحكون مع بعض لمدة نص ساعة
اذكر الله ♥
رودينا: اظن ان كدة خلاص زمانها جهزت يلا نشوفها ، ونظرت لخلفها و ذهبت و قالت بصدمة: هـــــــيء هي عملت كدة لـــــي ينهار مش فايت
سيران باستغراب: في اي يا رودينا
رودينا بصدمة: سيران... هي عملت كدة لي
سيران توجهت نحوها و نظرت للمعكرونة و قالت بصدمة: ينهار ابيض اي الي حصلها دي بقت شوربة معكرونة
رودينا بتوتر: ا اكيد يعني هيكون طعمها حلو دا حتى يعني اسمها معكرونة
سيران بصدمة: ط ط طب ه هنعمل اي دلوقتي
رودينا بغرور: الخطوة الي بعديها نضرب الطماطم في الخلاط عشان نعمل صلصة
سيران: طب ما ناخد الصلصة الي في التلاجة
رودينا و هي تمثل انها تفهم: لاء الصلصة دي قليلة على المعكرونة
سيران باستغراب: ماشي
رودينا: طلعي الطماطم من التلاجة و بعدين اغسليها
سيران: حاضر
و احضرت سيران الطماطم من الثلاجة و بعدها غسلتها
سيران: مش شايفة ان دا هيبقى كتير على المعكرونة
رودينا بغرور: لاء طبعا
سيران: ماشي ادينا ماشيين وراكي
رودينا اخذت الطماطم و قطعتهم و وضعتهم في الخلاط
رودينا: بسم الله
و لكن لم تضع رودينا الغطاء فوق الخلاط فصارت طل الطمامط التي بالخلاط عليها
رودينا: يختااااي
سيران نظرت لها لاستغراب و قالت بصدمة: اي الي انت عملتيه في نفسك دا يخرب بيتك
رودينا بغضب: اسكتي انت خالص
استغفر الله ♥
حمزة: هما اتأخروا لي
كنان بقلق: شكلهم عملوا مصيبة
حمزة: يا ستار يا رب... تعالا نشوفهم
كنان: يلا
و ذهبوا الى المطبخ و انصدموا صدمة كبيرة حيث ان كان المطبخ كله طماطم
حمزة لطم لطمة قوية على خده و قال بصدمة: ينهاركم مش فايت انتو عملتو اي
رودينا بغرور: ما تخافش روح بس انت اقعد برا في الصالة و احنا قربنا نجهز كل حاجة
الزعيم و كنان بصدمة: انت تسكتي خالص.. اي الي انتو عملتوه دا
و تقدم الزعيم نحو المعكرونة فشهق بصدمة وقال: يا لاهوي اي الي انتو عملتوه دا دي اي دي
رودينا بغضب: هو انت اعمى دي معكرونة
الزعيم بصدمة: اـــــيه.. منك لله انت لو ما كنتيش هتتحولي و تكسروا كل السلاسل الي حواليكي انا كان زماني مسلسلك انت بالذات ب ميت سلسلة انت اكبر مصيبة في حياتي دي كلها
رودينا بثقه نفس: شكرا... يلا اتفضل روح انت عشان اكمل
حمزة بصدمة: اــــــــيه دا عندك ما انتيش مكملة حاجة
رودينا تحولت فوقف الزعيم مثل الصنم فقالت بشر و هدوء: هي مش قالت ليك انها الي هتعمل الأكل يبقى خلاص اسمع كلامها