رواية ملكة الشيخ ضاري الفصل السابع 7 بقلم ساره المجيد
اسعد الله مساء متابعيني بكل خير
💞💞💞💞💞💞💞💞💞💞💞💞
أيمان ..اي الحمدالله فلتت من الكتله ..
ركضت ليم امي شفتها واكفه واسمهان كاعده تسوي الدجاج ونيران تغسل بالكدور وهبه مثل كل مره تلعب دعبل وي علي واحمد ..ومحمود كاعد بزوايه ويلعب بصابيعه ...
خليت اذاني يم الباب وسمعت ابوي يكله ..
ضاري ..والله يابني يامصعب ابوك جان خوش رجال وجيتك عزيزة وغاليه وان كدر الله ان شاءلله طلبك مخدوم ..
مصعب ..عمي اني جيتك من بغداد لهنا لخاطر اتدبرلي مكان اكعد بي اني واهلي ..بغداد صايره ماتنسكن الله اعلم شراح نشوف وانت شايف الاحزب شنو سوت بينه ..
ضاري ..ضربت ع صدري وكتله ..بيتي بيتك انت واهلك واذا تريد تكعد اهلا وسهلا بيك صدر البيت الك والعتبه النا ..ولايهمك وليدي تكرم عيونك
مصعب ..تسلم عمي ماتقصر وحك روح ابوي ..بس انه سألت كالو اكو بيت قريب منا يبعد شارعين مامسكون ومهجور ويحتاج ترميم وطلع البيت تابع لوالدك الله يرحمه الشيخ ذيب ..
ضاري ..اي بويه كمل
مصعب ..ناوي اشتري منك عمي اذا مابيه أشكال
ضاري ..ههمممم انه راح انطيك البيت بلاش واعتبره هديه جفن ابوك صاحبي من ايام حرب ايران ..
مصعب ..لا تكولها عمي بيتك اشتري ماقبلها وحك روح ابوي ..
ضاري ..جا شلون يابويه ..
مصعب ..اعتبرني ماتعرف ابوي وبيعه الي ..انه واخوي وخواتي جاين نسكن تحت جناحك بس مو ثقل عليك ..الله يخليك عمي واحلفك بعزيزك ترضا
ضاري ..خوش خوش بويه ..شوكت ناوي تسكن ..
مصعب ..بنهاية هذا الشهر ان شاءلله بس اول ارمم البيت والله كريم ..
ضاري ..ان شاءلله بويه توكل ع ربك مرخوص ..
مصعب ..عمي خو ماكو أشكال من ناحية الطائفه ..
ضاري ..عييييييب عيييب بويه شني هل حجي احنه مسلمين اخوان وشغلة الطوائف بس الي عكلهم صغير يفكرون بي ولاتهتم انت صرت بحماة الشيخ ضاري يعني اتطمن ..
مصعب ..مشكور عمي كفو والله ماتقصر ..
سناريا ..وكام مصعب وباس راس جدي واتشكر منه
ضاري ..كثر الله خيرك ان شاءالله ترتاحون بديرتنه واي شي تحتاجوا اني يمكم وان شاءالله ماقصر وياكم ..
مصعب ..حشاك من القصور عمي الشيخ كفو منك والنعم
ضاري ..والنعم من اصلك بوية ..صحت ع ملكة يأحرمه وين الضيافه.
أيمان ..حصلت دفعه من امي تسوه السمعته كله وكعتني بالكاع اخ ايدي شبيج يمه صدك جذب جان انكسرت ايدي وابتليتي ..ملكة ..شني واكفه تتنسطين ولج من شوكت تسمعين الحجي
أيمان ..يا يا يا اني ماسمعت شي وحك
ملكة ..اششش لا تحلفين جذب انه اعلمج ..بسيطه بس خلي يروح الزلمه وحسابج عسير ..
ايمان ..خوش خوش ..
عفتها ورحت وكفت يم اسمهان وهي تسلك الدجاج وتصلخ بالريش ..
اسمهان ..تستاهلين ليش تسمعين ..
ايمان ..انتي هم فوكاها ياعمي ماسمعت شي شبيكم ..اروح العب دعبل وي محمد وهبه واحمد
اسمهان ..هههههه روحي بس هاي شاطره بيها ..
ايمان ..ننننن
..مرت الأيام وبلش هذا الرجال يجي كل يوم لبيت ابوي ومرات اشوفه يباوعلي ماعرف شيريد مني وهسه هو سكن قريب منا وجاب اهله وكعدوا بالبيت بعد ما رممه ..جنت احس عنده شي او ورا شي لان سالفته مو فارغة
وكل يوم من اطلع اشوفه واكف بصف عمي ضرار مدري شيريد منه واخر فتره فتح محل مال اكل غذائيه ..
ملكة ..ايمان كومي لبسي عباتج خلي نروح نشوف خالتج
ايمان ..ياهي منهن
ملكة ..راجحه ومريم يلا
محمود ..اروح وياكم يمه ..
ملكة ..يلا يمه امشي . ولج لزمي اخوج
ايمان ..خوش تعال محمود ..
لبست عباتي ومشيت شفت هشام ابن عمي ضرار سلم ع امي وباوعلي وكال ..ها بطه ..عوجت حلكي مالي خلكه مشيت وامي تكلي عيب عليج سلمي لو مجامله عفتها تحجي وحدها مالي خلك دور أسلم والله يالله ..
مرينا من الفرع الي بي المحل مالت مصعب شفته طلع سلم ع امي وكاللها تفضلي وهو اكلني اكل بعيونه عبد الحليم شبي هذا 😏..
خاف عباله اباوع عليه وهوه شعره ساحبه ومصفطه اتصفط اتكول شارع توه امبلط 😂
مصعب ..لا خاله مايصير توصلين ماشربين جاي اتفضلي تعالي
ملكة ...لا يمه راح اتاخر والشيخ مايقبل اتأخر ان شاءالله ع المرة الجايه تدلل
مصعب ..براحتج خاله بس اخذي ع اقل جكليت حامض حلو لمحمود ..
محمود ..اي اي اريد يمه
ملكة ...يا يا شلون فشله
مصعب ..شنو القضيه خاله انتم الكم الفضل بكعدتي اهنا اخذت كم جكليته وخليتها بيد محمود وعيوني ع هاي الكصيره ام لسان أسمها ايمان واخيرآ عرفته اااااخ ام لسان الطويل بقيت عيوني اتفصلها اتفصل من فوك ليجوه ..
بووويه شنو هل مخلوقه منين مخلوقه من عسل لو من شكر ياربي دخيلك دولبتني
مشت وهي تباوعلي وتخزر طلع اخوي علي ..
علي ..خير خير عيني شو عينك زاحت ياخوي
مصعب ..اششش يمعود اسكت شمالك
علي ..اذا عينك عليها لا تحلم ابوها شيخ مستحيل يزوجك بنته وخاصه هاي الصغيره ..يعني ايس ياخوي
مصعب ..اشش فال الله ولا فالك ماكو شي بعيد ع ربك وداعتك اخذها اخذها 😏...
علي ..هه براحتك
مصعب ..الله كريم خليت ايدي ع شاربي وكلت اخذج ياكصيره يعني اخذج لو مو بنت الشيخ تصيرين وداعة عيونج ماتصيرين غير لمصعب ..
ايمان ..وصلنا لبيت جدي قريب عليهم بيت خالتي مريم طبينا سلمنا ع خالي حازم وع خالي فرقد ..وخوالي باقين بالكاع يسكون ..
ملكة ..جا خايب وين الباقين
حازم ..خيتي كلها راحت ع مريم جا موش خلفت هههه
ملكة ..ي صدك كوم اخذني الها خويه ..أيمان انتي ردي لبيت انتي واخوج
فرقد ..اني اخذهم يلا كومي بطه
أيمان ...انت ليش تحسسني انت نخله
فرقد ..هههه ولج كومي لسانج بطولج ترا اكصه الج
اايمان ..يااا صدقه يكصه 😏
فرقد ..ولج كومي لاتراددين
ايمان ..كايمه
كمت اخذت محمود من ايده وامشي وخالي كل شويه شامر كلمه عليه جفن اني كصيره وهو طويييل حيل مثل العامود ..
اممم وصلنا لمحل شفته وكف ويباوعلي سويت نفسي هو ماكو سلم علي خالي وهو رد وصلني للبيت ورجع دخلت لكيت الدنيا مكلوبه زينه بت اختي جنان هي وثائر اخوها جاين ..يلعبون يمنا وكالبين البيت گلاب ..
ايمان ..يبووو هاي شكو جاين ذولي خررب حظي راح يسطروني عطت بيهم اكعدوا ترا اذبحكم مو امكم مرتاحه واحنه واكعين بيها يله شو اكعدوا عقال
زينه .. خالة شمالج لعد وين نلعب غير ابيت جدنه
ايمان ...يا يا باع اللسان فلك طرج من بنية عرممممة
طبعا زينه جان عمرها خمس سنوات وثائر 3 سنوات ..عفتهم يلعبون وي محمود عمره الي عمره 8 سنوات ..
عفتهم ورحت كعدت بالصاله شمرت عباتي ..
اسمهان ..شبيج جايه معصبه مثل عاصفة ثايرة هيدي شوي لايطك عرج بيج
نيران ..جا امي وين لعد
أيمان ..شمالجن ثبرتني ورورورور واني شمدريني خاب رأسي مسطور اريد انام عوفني لحد يلغي براسي
هبه ..نامي نامت عليج طابوكه جا منو لازمج
ايمان ..كضو الجهال لاتخليهم يكمزون ع راسي ترا اذبحهم
اسمهان ..يمعودة فارجينه ترا انتي الدوختينه مو الجهال
ايمان .. اي اي يله حنام ..مرت فتره صارت جيات مصعب هواي وابوي كام يضوج حييل مدري شبي صدك كمت اخاف من جيته ..
مره اخذتني امي كلنا للبستان نحش تعبت وكلت لأمي
ايمان ..يييييمه راسي راح ينفجر حيل من الشمس
ملكة ..روحي يمه منو كاضج
ايمان ..عفتهم ورحت رجعت للبيت لكيت ظل رجال واكف يم الباب سمعت صوته يصيح باسمي خرب هذا منين عرف أسمي
كلت ياهوو
مصعب ..من كمت اشوفها اكبالي صارت مثل النفس الي اتنفسه مادري شلون اخذني واهسي افكر بيها وهي ماشفت منها بس الصد لاكن هذا الي يسموا العشك الاعمى امده حظي ..
فكرت اروح اخطبها بس خفت لا صدك ابوها يرفض خاصةً هي صغيره واصغر خواتها مستحيل ينطيها ..
مرت عليه جم يوم افكر وافكر وكلت لا هاهيه اخطبها وشيصير خلي يصير مو اول واحد بالعالم يتزوج شيعيه وناس ينحلف برأسهم الي شرف اتزوج بنته وانه هم مو هين عندي عمام يسدون عين الشمس ..
صح سني واحتمال يرفضوني عبن موش من طائفتهم بس مافقدت الامل اصريت امشي بهل طريق وان شاءالله ربي يوكف وياي ومايتخله عني
ثاني يوم قررت من صدك اروح بس عندي صديق أسمه حسين ..
هو هم صديقي من أيام المعهد كتله عن كل السالفه باوعلي بنضره غريبه هو ابن شيوخ ..
ويعرف كلش زين شنو يعني احجي ..
مصعب ...ها شكلت اروح اتقدم لو لا
حسين ..مدري شكلك بس سالفتك غريبه خويه تريد الصدك اذا تحبها روح اخطبها ولا تكول لا الي يحب يحارب في سبيل حبيبته ويقدملها تنازلات حتى لو انرفضت ارجع اطلبها مرتين لو 3
مصعب ..يعني شلون غير افتهم انتم الشيوخ تقبلون سني يتزوج منكم ..
حسين ..والله لو علي جان زوجتك الها بس كلمن وعقليته اكو ناس يقبلون وناس ماتقبل واكو ناس من أساس ماتفكر بهذا الشي بس انه عندي فكره نروح نشور ابوها بدون مانكله ناوي تخطب منه اذا رحب بالفكره خير ع خير واذا لا انسى السالفه ..
مصعب ..اي كلامك عين العقل ..
ثاني يوم رحت اني وحسين وعلي اخوي دخلنا ع شيخ ضاري سلم ورحب بينه وجابو الجاي كتله ..عمي
ضاري ..تفضل بويه
مصعب ..انه ناوي اتزوج
ضاري ..ساعة البركه بويه الزوج نصف الدين وانت هسه راح تكمل دينك ..وهذا شرع الله واي شي تحتاجه اني سداد
مصعب ..مشكور ياشيخ ماتقصر وانت كلتها عمي انه ناوي اخطب منكم تنطوني مراة ..
شفت ملامحه تغيرت ومادري شلون أفسرها شويه واخذ صفنه بعيوني
الصراحة خفت من خزرته لزمت كلبي لايضربني بالعوجية مالته
ضاري ...شوف بويه سالفتك موش داشه عكلي انت تعرف كلش زين العاشير وقوانينهم يعني بناتنا ماننطيها لغريب ...
موش لان انت من طائفه غير طافئتنا لا والله وحك روح ابوي بكبره بس شني انه اعرف كلش زين ماننطي بناتنا للغريب ابن عمهه اولى بيها ..هاي كل السالفه وداعتك
مصعب ..يعني عمي انت رفضت الفكره كبل لا تسمعني ..
حسين ..شيخ انه هم مثلك ابن شيوخ واعرف كلش زين هذا الحجي بس عمي انت ماشاءالله عنك سمعتك وصلت لاخر الدنيا بشهامتك وغيرتك ع وطنك .
جاين ومتعنين لخاطر طالبين الكرب منكم ..
ضاري ..بوييييه انه ماكلك غير جلمه بناتي لو بنات اخوتي مالهم طلعه لبيوت الغرب ..
مصعب ..اشرت بعيوني لحسين عود اسكت كمت وكتله ..مشكور عمي ماقصرت هاي هيه ممنون منك ..
ضاري ..لا تزعل عمي بس الزواج قسمه ونصيب
مصعب ..هاهيه انت كلتها الزواج قسمه ونصيب ..
طلعت مقهور والدنيا صغرت بعيني حيييل واخ ياعشكها هاي الكصيره شلون بيه لعد مالكيت ياكلبي تعشك الي مو الك ...حسين ظل يهدي بيه ويكلي ابوها مو بس عليها ع كل خواتها لو بس هيه جان عرفنا نتصرف ..
عفت السالفه فتره بس كلبي مقهور ومختنك مره جنت كاعد بالباب المحل شفتها طلعت من الشارع مالتهم اي عمي شيوخ الهم شارع ومنطقه اخ لو تصيرين يمي ..
تمشي وتشمر بكصيبتها وياها محمود وابنيه ولد ماعرفهم اخذتني رجليه وراها تمشي وتصيح عليهم وصلت لبيهم لبيت فضل عمها ال ذيب عرفته هذا اخوه الي كال منهي عليهن ااااخ لو بيدي اطب واسحبها من شعرها ام كصيبه السوده والله لاكسر عظامج بحضني ام لسان ..
رجعت للمحل ولسه افكر بيها لحد مامليت من التفكير كلت احجي وياها واعترف بحبي الها لان هاي واكفه شنو اني محترك جدي وهيه تمشي وتطلع وتطب وكلشي مامحصله من نار كلبي اشو متشعوط بعشكها وهيه ولايمها ..
ثاني يوم تعنيت اروح ظليت اراقب بيهم طلعو للبستان بستانهم صاير ورا البيت بالضبط واكو باب يدخل للبيت وباب ثاني بصف الديوان ..
وكفت ورا الشجر انتظر لو بس خيالها المهم احجي وياها شفتها جايه من بعيد تتأفأف هههه صحت بأسمها مثل بلسم ع كلبي فدووة لهل شعر ..
أيمان ..ياهو
مصعب ..هاي اني
ايمان ..ياهو انت !!
مصعب ...عبد حليم شبيج ههههههه
ايمان ..عرفتك والله جا اشمالك لبد ورا شني مسوي مكسوره
مصعب ..هههه كثر الله خيرج مسوي مكسوره بكلبي كتلها ولج اوووف كلبي الي مسويله مكسورة من يوم الشافج وعشكج يابنت الشيوخ ..
ايمان ..جا شني وكفتك اهنا شتسوي
مصعب ..جاي اشوفج
ايمان ..اشهكت ورفعت حاجبي وكتله ..شتريد مني
مصعب ..جاي اكلج شي وأمشي ..
ايمان ..خوش كول كبل لا يجي احد ...
مصعب ..اتقربت عليها وكلي شوق وشغف لحضنتها اوووف باعوت عليها بنظرة حب كتلها وانتي شبيج خايفه
ايمان ..يبووو ماخايفه بس احجي بساع لايجي احد وننفضح والنبي قتلك يصير عمل شعبي
مصعب ..😂 انعل ابليسج شكد لسانج طويل ...ولج اركدي لتظلين اتكمزين صرعتيني
ايمان ...يالله منك تحجي لو شلون😤
مصعب ....
وللحكاية بقية ...
مجنونج اني وعاشگج يبنيه 😍
حبيتج اني ورايدج ع النيه ☺
وجهج گمر يسطر سطر 😘
وعيونج الكحلية🙈
