رواية حظ عاثر الفصل السابع ليل ادم
الأمن: حضرتك مين
الأم: أنا أم ادهم
الأمن: ادهم مين يا أمي بعد اذنك مش عايز مشاكل شوفي رايحه فين
الأم: يابني ادهم شايف العربيه اللي هناك دي
الأمن : اه
الأم: دي عربيه أبني
الأمن : اه ادهم
الأم: جدع بعد اذنك بقا
الأمن : معلش بس يا أمي ثواني لازم اتصل بي أستاذه رحاب أخد منها الأذن
الأم: خود براحتك
الأمن: ألو
رحاب : ألو
الأمن: استاذه رحاب والده استاذ ادهم على الباب عايزه تدخل لي ادهم
رحاب: خليها تدخل
الأمن: تحت امرك
الأم: انتا اسمك اي
الأمن : عيد
الأم: اسمك اي
الأمن: ( مستغرب) عيد
الأم: يوه يواد اسمك اي
الأمن: ياما اسمي عيد
الأم: اه عيد كنت فكرك بتقولي اعيد السؤال
الأمن : لا دا حضرتك أم ادهم وش وكتاب الله ما محتاجه تحليل حتا ادخلي
في جانب آخر
رحاب : ادهم
ادهم : نعم
رحاب: انعم الله عليك قولي يا ادهم اي اكتر حاجه ممكن تفتح نفسك على
ادهم : ( قطع كلام رحاب ) الكفته
رحاب: كفته اي يا زفت سبني اكمل كلامي أنا قصدي اكتر حاجه ممكن تفتح نفسك على الشغل
ادهم : برضوه الكفته
رحاب : يابني لا مش أكل قصدي حاجه بتفتح عينك عليها و بتقفل عينك عليها كل يوم
أدهم: المرار الطافح
رحاب : يابني سبني اكمل كلامي أنا قصدي حاجه من غيرها متقدرش تعيش
ادهم : منا قولت من الأول الكفته بتاعت الفحم دي هو أنا بتكلم عبري ياله أطلبي بقا
رحاب : لا دنتا ضايع قوم تعالى قوم
ادهم : خير هنروح ناكل عند الراجل ولا اي
رحاب : لا اقعد على مكتبي
ادهم : أشمعنا يكنش ياسين بيه قالك هاتي ل ادهم وجبه كفته وسيبي المكتب ليه
رحاب : اقعد و هتفهم كل حاجه
ادهم : اهو
رحاب : ( قعدت مكان ادهم على مكتبه ) الباب هيخبط الوقتي قول ادخل
ادهم : اوعي يكون مقلب علشان ادفع تمن الكفته انا وكتاب الله ما معايا غير ٢٠٠ جنيه عبال ما القبض بتاعكم ده ينزل
رحاب : ( بتضحك) لا والله ابدا خليك قاعد متقلقش
باب المكتب بيخبط
ادهم : أدخل
الأم: اي العز ده كله يابن المنكوبه
ادهم : فاتن بتعملي اي هنا اوعي تكوني جايه ترفعي قضيه علي حد
الأم: ليك حق تصحا من سته الصبح تجري في الشارع اي المزز دي ياض
رحاب : ( بتضحك بصوت عالي جدا)
الأم: اي ده مين القمر دي يا واد
رحاب: أنا رحاب
الأم: متقولش أن القمر ده كله شغاله معاك سكرتيره
ادهم : بلاش عك في الكلام يا فاتن
رحاب : أنا الاستاذه رحاب اللي ادهم بيشتغل معاها
الأم: حقك تتبطر على هاجر وأنا كنت بقول عليها قمر دي طلعت مفقعه
ادهم : طب اقعدي يا حبيبتي
الأم: لا ياعم بدال ما حد يجي يعمل معاك مشكله بسببي
باب المكتب بيخبط
رحاب : ادخل
سامي : مساء الخير عليكم
رحاب : مساء الخير
رحاب : خليكي يا ماما محدش يقدر يعمل مشكله انتي ضيفه عندي
الأم: لا يا حبيبتي بدال ما الراجل اللي بيروقه كل يوم ما يجي يشوفني يروح مروقك ولا اي
سامي : ثانيه ثانيه هو حضرتك يا امي أم ادهم
الأم: شوفت الشهره يابن الجزمه
ادهم : ( قام وقف جمب فاتن وبصوت واطي) ابوس ايدك أخلعي
الأم: اسكت
ادهم : طب نلم الحاجة علشان نمشي ب كرامتنا
سامي: يعني ادهم بيشتكي من حد في المكتب هنا
الأم: ده كل يوم يقعد يعيني يشتكي من واحد مش فاكره اسمه ممر حياته كل يوم يروقه قصاد الناس
رحاب : ( بتضحك وعمال تبص ل ادهم يلحق أمه قبل ما تقول حاجه ل سامي )
ادهم : الله يكرمك يا استاذه رحاب فعلاً جبتي اكتر حاجه بتفتح نفسي
سامي : طب هساعد حضرتك ممكن يكون اسمه سامي
الأم: ايوه هو سامي ابو كرش ده ( وبتضحك اوي )
سامي : (بص ل رحاب ) شايفه
ادهم : فاتن احب أعرفك
الأم: صحيح اسمك اي
ادهم : ده استاذ سامي
الأم: ( بصت ل ادهم و بصوت واطي) ابو كرش
ادهم : هز رأسه
الأم: اللي كل يوم يروقك
ادهم : هو بعينه
الأم: ( بصت ل سامي ) بس بيحبك والله خلي بالك
سامي : هو مين
الأم: ادهم ابني
سامي : والله
الأم: تعرف اخر مره قالي يا ماما استاذ سامي بيجي عليا علشان مصلحتي ده من حبو فيك بيقول عليك عمو سامي
سامي : ( بصوت عالي) أنا مش عموووووو ياناس أنا مش عمو ارحموا اهلي أنا مش عم حد
الأم: اي ده يا ادهم ده عصبي جامد
غاده: ( فتحت باب المكتب ودخلت) في اي في اي
سامي : اسألي استاذه رحاب الموضوع بقا لا يطاق ( وخرج من المكتب)
الأم: ( غمزت ل ادهم ) معلش يا ادهم مكنتش اعرف ان وجودي هنا هيعمل ليك مشاكل حقك عليا يا حبيبي حقكم عليا والله ما كنت اعرف
ادهم : لا متقوليش كده يا امي أنا ماشي معاكي
غاده: في اي بس أنا مش فاهمه حاجه
الأم: في أن الأستاذ المحترم اللي لسه خارج أول ما دخل شاف وشي وعرف اني جاي اطمأن على أبني وبدأ يشتم فينا وصوته بقا عالي أنا مش مسامحه
ادهم: ولا أنا كمان هو علشان احنا فقرا
غاده: ياعم اسكت أنتا أنا مش بصدقك أصلا أنا مصدقه علشان ماما مش اكتر وحقك على راسي والله ياست الكل
الأم: خلاص سامحته خليك قاعد يا ادهم
ادهم : قلبك أبيض اوي ياما وعلشان كده وكتاب الله أنا كمان سامحته متتكلميش في حاجه يا استاذه غاده الموضوع انتها
غاده: لا اذاي عيب يعمل كده هو كان مكتبه ده مجرد موظف عندي
الأم: هيا دي صاحبه المكتب يا واد
ادهم : ابوس ايدك أمشي كفايه كده
الأم: الله اكبر اي الجمال ده تيجي ام ايمن اللي كل يوم تسحب عريس تشوف الحريم شكلها اي
غاده: الله يرحمها بقا
الأم: ( بتضحك) لا الله يرحمها اي دي النهارده فرحها هطل علينا بالأبيص
غاده: ( بصت ل ادهم) اي ده هيا مش ماتت
ادهم : يحي العظام وهيا رميم هنكفر
رحاب: كفايه بجد والله قلبي وجعني من الضحك
الأم: صحيح هاتي رقمك
رحاب : أتفضلي
ادهم: ليه يا امي ليه يا حبيبتي
الأم: هدخلهم الجروب بتاعي هيعجبكم اوي أسمه مع الله
رحاب : الله ماشي موفقه
غاده: وأنا كمان والله على الأقل الواحد يبدأ يومه مع ذكر الله
ادهم: ياما بتعملي اي بلاش الجروب ده ابوس ايدك
غاده: يابني والله احنا مسلمين مالك في اي
ادهم : علشان كده بقول لا الجروب ده يخليكي تخرجي من المله وقلبك مرتاح
الأم: أنا عملت ليكم أضافه
رحاب : الله مين اللي مع حضرتك في. الصوره دول
فاتن : دي ام أيمن و دي ام سعيد صحبتي من ايام الدراسه لحد النهارده
ادهم : كمان ياما حطا صورت الجروب فريق المعاشات بتاعك
الأم: سامعين الواد اللي محدش قعد معاه خمس دقائق يربي
رحاب: ادهم اي الكلام ده صحيح عيب والله
ادهم : كفايه يا فاتن ابوس ايدك ياله نخرج
فاتن : ماشي ياله بعد اذنكم يا حلوين
خد ادهم أمه وخرج من المكتب
غاده: اقسم بالله أمه دي ست دمها عسل
رحاب : دنتي مشفتيش عملت اي في سامي
غاده: والله
رحاب : مسحت بي الأرض
غاده: يالهوي و الدمعه كانت هتنزل من عينيها دي صعبه عليا جدا يخربيت كده بجد
رحاب : لا لا دا ادهم طلع نقطه في بحر
علي الباب
الأم: مع السلامه يا عيد
عيد : مع السلامه يا ست الكل
ادهم : اي ده ياما اي ده يخربيت
الأم: يخربيت اي يا واد قول خليني ادعي عليك
ادهم : يخربيتي ياما حلو كده امشي أنصرفي
فاتن : هات معاك فينو طيب
ادهم : وكتاب الله ما جايب فينو ياله ياما الله يكرمك
الأم: احسن سلام
ادهم : سلام
عيد : الله يبارك فيها والله يا استاذ ادهم ذاي العسل
ادهم : الله يبارك فيك انتا لو جت تاني بلاش تدخل خليها هنا و كلمني أنا هخرج
رجع دخل تاني ادهم المكتب
سامي: ادهم
ادهم : ( باصص في الأرض عامل مش سامع)
سامي: لا مش وقت عبط تعالي
ادهم : اي ده في اي
سامي: هو أنا مش عارف أخلص منك تجيب أمك كمان
ادهم : وحد بس كده يا مدير أنا زعقت جامد بس انتا اللي استعجلت وخرجت
سامي: انتا عارف انا مضيت كام استماره علشان تمشي من هنا
ادهم : كام
سامي: ١٤ استماره
ادهم : الله اكبر ربنا يبارك فيهم يارب
سامي: هو أنا بكلمك عن عيالي يا متخلف
ادهم : لالا معلش يا استاذ سامي مش علشان شوفت أن أمي عندها تأخر ذهني تقوم تقولي يا متخلف والله هزعل منك بجد
سامي: ( مستغرب) وربنا ما خدت بالي
ادهم : مفيش حاجه يا استاذ سامي بس بعد اذنك دا مش هزار
سامي: اكيد طبعا حقك عليا والله ما كنت اعرف يا ادهم على العموم أنا مستعد اروح لحد عندها أبوس دماغها والله
ادهم: لالالا أثبت هيا تمام مفيش حاجه
سامي: يعني مش زعلانه مني
ادهم : لا والله انتا بس اوعا تكون زعلان
سامي: لا ياعم والله لو كنت حتا خدت بالي ما كنت فتحت بوقي ربنا يشفيها يارب
ادهم : مش عايز حد يعرف بقا يا استاذ سامي علشان الموضوع ده سر مش عايز حد يتنمر على امي في المكتب
سامي: لا طبعا انتا مجنون
أدهم: أنا رايح اشوف شغلي بعد اذنك
سامي: مش محتاج اي حاجه طيب
أدهم: لا والله تمام الحمد لله
سامي: خلاص روح شوف شغلك
ادهم : بعد اذنك ( وخرج من المكتب على مكتبه )
رحاب: كل ده أنا قولت انتا رجعت معاها البيت
ادهم : لأ كنت بشوف الموضوع مع سامي
رحاب: يخبر وعملت اي
ادهم : أديته الحقنه
رحاب: مش فاهمه
ادهم : ادخلي كده قوليلو مينفعش اللي انتا عملته مع ام أدهم و زعقي في اوي
رحاب: بس هو معملش حاجه
ادهم : أدخلي بس وانتي تعرفي الكنز اللي شغال معاكم
رحاب : لا ياعم أنا عارفه سامي مش بيسيب حقه
ادهم : طب وربنا ل تروحي قومي
رحاب: ماشي
سامي: ادخل
رحاب: استاذ سامي مكنش ينفع اللي عملته مع ام أدهم عيب والله
سامي: عندك حق أنا فعلاً أسف
رحاب : نعم
سامي: والله عرضت على ادهم اروح أبوس دماغها كمان بس متكونش زعلانه مني
رحاب: لا ثواني بعد اذنك بقا ( خرجت من مكتب سامي على مكتبها) انت عملت اي في سامي
بدل ماتدور وتبحث علي الروايات خليها علي تليفونك وحمل تطبيقنا
