رواية قصاص الفصل السابع 7 بقلم جمانه السعيدي
لمار...بعد تقريبا شهرين من زواجي
واني علاقتي بعماد نفس الشي مااطورت ابد
يطلع كل النهار ويجي بليل
مرات يرجع يطلع ومرات يبقى بلبيت
بس اذا موجود مو بحالي تليفونه بايده ويخابر
حتى اكو بنات يحجي وياهن
عادي كدامي اصلا محاسب احسابي
مرات يرجع بليل سكران من اغسل ملابسه الصبح
عليهن عطر نسائي وأثار مكياج
اكيد صاحباته هواي ويروحلهن يصرف عليهن ويتونس ويجي
اني اعترف ماكدرت احبه وعلاقتي بي جامده مابيه روح
اكيد يدور غيري مجاي اكدر احبه
بس هم اضوج من اشوفه هيج يتصرف
لان اني ماناقصني شي بس هو مايعرف يخليني احبه
متوقع الحياة الزوجيه بس علاقه وفلوس
ولا كأنما كتل نفسه عليه الي يشوفه شلون ضل يحوم عليه منا لمن اخذني
يكول راح يكابلني ويكعد
يمكن السبب مني اني كلش بارده ويااا
بس اني ماعندي خبره وكلشي مااعرف غير هو الي عايش تجارب واكبر مني المفروض يخليني احبه
واتعلق بي
اصلا عايشه فراغ ماله مثيل بلبيت بس اني وامه
وحده مكابله الثانيه
المهم بعد شهرين من زواجنا
اتغير روتين حياة محمود كان يخلص النهار كله نوم
ويكعد بليل يتعشى ويسبح ويطلع مايرجع اله الفجر
واي فلوس يحتاج ياخذ من عماد
ومايفكر يشتغل ابد ليش يشتغل وعماد ينطي اي فلوس يحتاجهن
اتغير روتين حياته جمانه السعيدي صار يكعد بالثنين الضهر من النوم
ويبقى كاعد بلبيت منا لليل وبليل يطلع
بلبدايه كانت نضراته تراقبني وين مااروح
واذا ادنك امسح لو اشيل شي من الكاع تبقى عينه عليه
بعدين بدا يتمادى اكثر
اذا اوكف على الطباخ يجي بحجة يشوف شنو طابخه
ويطخ جسمه بجسمي
اني ماخليت ابالي كلت ايجوز مامتعمد
مع ان نضراته اليه تكول متعمد
بس لمن اتكرر الموقف اكثر من مره كمت اصده لان عرفت هو جاي يتعمد يتحرش بيه
اذا اوكف يم الكاونتر يجي من ورا يخليني بحضنه على اساس يطلع شي من الكاونتر
اني راسا ادفعه وابتعد
شوفو اعرف اني غلطانه لان سكتت
لان هو اعتبر هذا السكوت رضا على افعاله السخيفه
بس ولله مو بيدي اني اخاف اخاف احجي
بعدين اطورة افعاله الحقيره من يشوف امه تدخل تنام لو ترتاح بغرفته
يصيح عليه
تعاي جوعان حتى يتحرش بيه
لو افوت من يمه وهو ينركل بلقامجي مال النركيله هاي العوده الي يدخنون بيه
يخليه على جسمي يعني يحاول يلامس مناطق معينه
من التفت يسحبه
اني غبيه وجبانه كنت اسكت واعدي لان اخاف احجي
وهو كل مره يتمادى اكثر واكثر
لو مره شفته يراقبني من زرف الحمام
خليت الخاولي على ايد الباب
كلما اسكت اكثر يتمادى اكثر
مره بغرفته وصاح عليه
لمار وكفت بلباب وكتله نعم
محمود...ملابسي وصخات تعاي اخذيهن اغسليهن
بس دخلت للغرفه هو جان ممدد على الجربايه
راسا وكف وقرب عليه يريد يبوسني
لمار..هاي شجاي تسوي
محمود...انتي كاسره خاطري
لمار...اجيت اطلع لزم ايدي اوكفي احجي وياج
محمود...يعني وحده شايله كل هذا الجمال والأنوثة وباقيه
هيج ولج انتي لو عندي اله اعبدج عباده
لمار...عوفني ترا اني زوجت اخوك وعيب هذا الحجي
محمود...اخوي هو وينه اخوي يجي ساعه بليل ويكعد
يشرب حتى مايندل دربه
انتي ينرادلج واحد مثلي يدلعج يحبج
لمار...عوفني انت صدك ماتستحي عوفني
راسا عاف ايدي ودنك على رجليه باسهن ورجع صعد ادي يريد يلمس جسمي
دفعته وطلعت اركض من غرفته صعدت الغرفتي
هذا شبي ماعنده لا شرف ولا غيره
شلون يبوس برجليه صدك مايستحي
كلش ضجت وبقيت احسب علي وعلى عماد وعلى نهال الي ورطتني هاي الورطه
ماحجيت اي شي العماد خفت مايصدكني
بعدين هو بس يدخل للغرفه مو بحالي اهم شي يخلص مكالماته ويشرب وينام
بعدها هاي المحاولات كانت اكثر جرئه واني احاول احمي نفسي كد مااكدر
اخذ كم يوم بطل من هاي السوالف
كلت ابجوز ايس مني لان شافني اصده وماانطي مجال
وامنت ورجعت الشغلي
بس رجع يدحج بيه اكثر
مره الصبح من طلع عماد اني بقيت نايمه
مااحس اله واحس يتلمس بجسمي
استغربت بلبدابه توقعته عماد بعدين انتبهت
هاي مو من عوايد عماد
فتحت عيني لكيته هو كاعد على الجربايه ويتلمس بجسمي اني راسا عطت بصوت عالي
محمود..اسكتي
لمار...اني لأبسه ثوب نوم دلع راسا غطيت جسمي
هو يسحب بلجرجف ويصيح اسكتي
اني كامشه االجرجف كل قوتي واعيط
شافني ماسكتت راسا عافني وطلع
يمه هذا شني من بشر
ولك عرضك اني عرض اخوك شلون هيج تفكر بيه
طفرت قفلت الغرفه عليه خاف يرجع مره ثانيه
بقبت بيومها خايفه وما نزلت بقيت بغرفتي
طبعا هاي التحرشات على طول يعني صار ثمن اشهر الزواجي وهو يحاول وياي
واني اصده وساكته اخاف احجي وهاي اكبر غلطه
ارتكبته بحياتي كله
بقيت بيومها بغرفتي مانزلت
جان الساعه ١٢ صاحت عمتي وينج لمار جمانه السعيدي اليوم مانزلتي شنو اليوم الطبخ عليه
كمت بدلت ونزلت خفت منه لايجي عماد وتكله مانزلت اليوم ويحجي عليه وهو يمشي ويكول اهم شي امي
نزلت لكيت محمود قافل غرفته ونايم شيطان
اذا واحد يشوفه يكول كلشي مامسوي وهو اكير شيطان
عماتي صار سنتين من تخرجن و بهاي الفتره اجو عليهن
ناس يخطبوهن .
ولد ثنيين كرايب وبدن يجهز للعرس
واجت بيبي اخذتني علمود العرس
بقيت بيت جدي اسبوعين كلش غيرت جوووو
اجوا العرس تخبل
اما بابا كان يجي يم بيت جدي واشوفه ابد مارحت البيت اهلي مااريد اشوف نهال
من اشوفه اذكر مصيبتي وشلون ورطتني بهذا العرس الاسود
المهم بعد ماخلص الاسبوع رجعت للبيت
بابا رجعني
اهم شي لكيت محمود طالع سفره هو جماعته
لان كلش خايفه منه ومن تصرفاته وحاسبتله الف حساب
اما عماد نفس حالته ماتغير ابد شغل بلنهار وبليل شرب
صحيح هو مامقصر وياي بلمصرف
بس الحياة موبس فلوس
لازم اكو حب بين المره وزوجه
والحب يجي من الاهتمام من التعود من المشاركه
واني كلهن ماموجودات عدنا اني وعماد
مااعرف ليش مجاي اكدر احبه
المهم بعد اسبوعين رجع محمود بس سمعته رجع كلبي انقبض خايفه حيل منه
صرت حذره اكثر واجنبه بشكل مو معقول
اذا يكعد الضهر من النوم اصعد الغرفتي اقفل الباب عليه
اذا موجود بلبيت ماانزل اله عمتي موجوده
اذا اني بلمطبخ اصيح عمتي تكعد يمي حتى مايتحرش بيه
اذا تطلع عمتي اصعد الغرفتي واقفله عليه
بس إلى متى راح ابقه هيج عايشه حياتي
كله خوف وحذر وترقب
محمود حس اني شلون جاي اشرد منه اذا موجود ماانزل من غرفتي ابد
كام يصعد الغرفتي ويدك الباب عليه بحجة يريد شغله
بس اني ماا فتح الباب
مره صعد بحجة تعاي اكوي ملابسي
مره صعد اريد غده
مره صعد امي تريدج
بس مو عليه يريدني انزل حتى يستفرد بيه
اخير شي صعد دك الباب
محمود...افتحي الباب اريد احجي وياج
لمار....ماكو حجي بينا
محمود...بس اني احبج ومستعد الكلشي تطلبي
لمار...عيب اني زوجت اخوك
محمود....زين نصير أصدقاء تعاي نكعد ونحجي
لمار....بعمري مراح اكون صديقتك
محمود...هااا يعني تتوقعين اذا قفلتي الباب مااكدر اوصلج
يعني شكد راح تبقين خاتله مني
وين ترحين ولا تتوقعين راح ابطل منج
مستحيل اعوفج اله اخذ الي اريده
لمار...الله ياخذك حيوان خنزير
محمود...خنزير مطي راح ابقه وراج لمن اخذ الشي الي اريده
عود روحي احجي العماد حتى اطلعج من هذا البيت بفضيحه
انتي بعدج ماتعرفيني زين
لمار. سكتت لان فعلا كلامه خوفني منه
بقيت كلش حذره منه واكثر وقتي بغرفتي مااطلع
كمت اخلص شغلي بليل من يطلع محمود
حتى بلنهار ابقه بغرفتي احمي نفسي منه
بعد زواج عماتي بشهرين بيبي حيل حالته الصحيه ادهورت
وكامت ماتكدر
كل يومين اتوسل بعماد ياخذني اشوفه
حالته مااطمن تعبانه حيل
عشت بقلق خفت افقده بيبي حنينه وكلبه طيب
شهر كامل هي وضعها تعبان وابوي وعمامي كل يوم ماخذيه الدكتور
اخر اسبوع حيل اتخربطت
بقيت هذا الأسبوع يمه مارجعت للبيت
خفت افقده مثل مافقدت امي بعد منو اليه ومنو يذكرني
كل النهار كاعده يمه واسولف عليه
بيبي ماشبعت منج ليش تردين تعوفيني
ابقي علمودي انت الوحيده الي اذكريني
فدوه الهلوجه الحلووو
منو اليه بعدج حتى بابا تغير عليه مايسئل عليه مثل قبل
متت من الحزن والقهر مااكدر اسويله اي شي
الحد مآ ماتت
بقيت حاضنته وابجي
مامصدكه عافتني وراحت
مابقالي احد هسه صدك صرت وحيده ويتيمه
لمتابعة باقي الرواية زوروا قناتنا على التليجرام من هنا
