رواية قصاص الفصل السادس 6 بقلم جمانه السعيدي
لمار....اجا عماد واخذنا اني وبابا للمحكمه
حتى نعقد شكد حاول عماد يلطف الجووو بس اني وجهي بي سبع لطامات
كان حاسس اني رافضته بس متمسك بيه
شكد حاول يتحرش بيه بس اني مانطيته مجال
ياربي اكرهه مو بيدي
قرب عليه غمزلي حاول يلزم ايدي جابلي عصير
حتى العصير مااخذته منه
رجعنا للبيت وكان حيل مستعجل على الزواج
وبابا ونهال ماايدينا بهاي الفكره
تحدد موعد العرس وبابا قبل العرس بيوم راح يصالح بيبي
بس ماقبلت
اني رحت عليه بيوم عرسي قبل لا اطلع للصالون
وبسته وكمت ابجي
لمار...بيبي لا تعوفيني وحدي اني محتاجتج اني ماعندي ام انتي امي لا تعوفيني اني كلش خايفه
راسا حضنتني وكامت تبجي هي تبجي واني ابجي
بعدين كالت اني جايه وياج
راسا غيرت ملابسه وطلعت وياي للصالون
ونهال الحيه هم راحت ويانه
منا لمن وصلت للصالون واني دموعي مانشفن
عبالك ماخذيني للاعدام يمكن الإعدام ارحم على الاقل
دقايق من الخوف وينتهي كلشي
بس هذا الزواج عذاب دائم
وصلنا للصالون بس شافتني ام الصالون
...يااا ليش تبجي منو الي يبجى هذا الوجه الحلو
يله غسلي وجهج وتعاي
كمت غسلت وبدت تخلي مكياج
....شتريدين من مكياج وتسريحه
لمار...بكيفج اي شي
....انتي حتلو بس تغسلين وجهج هم حلوه ماشاء الله تخبلين
بدت تمكيج وتسوي تسربحه واني عقلي ابد مو يمها
كلش خايفه من هاي التجربه
احس نفسي مو كدها وتخيلت اشياء واشياء
سمعت ام الصالون كالت هااا شنو رائيج
لمار....باوعت بلمرايه مخلصه كلشي ردت عليه تمام
لبستني البدله البدله ذوق عماد
الصدر و الردن والضهر كله تول شفاف
منفوشه حيل لبسته طلعت غير شكل
بيبي كامت تقرا ايات عليه تخاف من الحسد
راسا نهال اتصلت على عماد
نهال...يله كملنا تعال
طبعا اختي كلبت الصالون كلاب لا مكياج ولا صبغ اضافر
حتى الشسوار شغلته
والعامله بس تركض وراها
ونهال عبالك ماتشوفه شكد وكحه ومامربايه تفشل
اجا عماد كادتني بيبي وطلعتني من الصالون
جان لازم جكاره يدخن بس شافني شمر الجكاره
عماد...بس اني وعروستي بلسياره
والبقيه جبتلكم هاي السياره
اني بقيت لازمه ايد بيبي
راسا بيبي باستني وكالت لا تخافين اني جايه وياج
تحسرت من كل كلبي وكلت حسبي الله ونعم الوكيل
على عماد ونهال
تقدم لزمني من ايدي جمانه السعيدي ودخلني للسياره بلكرسي الامامي
صعد وشغل السياره
عماد...الله شطالعه تخبلين اليله ليلتنا ياحلوه ضحك ضحكه خباثه على انتصار
لمار...بس سمعت هاي الكلمه خفت اكثر مااني خايفه
وحسيت بطني كامت توجعني
وصلنا العرس كان بلقاعه نزل ونزلني دخلنا القاعه
عازم شكد ناس
دخلنا واستقبلتنا الفرقه تعزف
كعدنا وبدت الحفله
طبعا اخو لا زكلنا لزكه وكلما التفت الكا يباوع عليه نضرات
مو حلوه ابد ماارتاحيتله
ياربي اني عايزه عماد كافي عليه
اجا المصور وكام ياخذلنا صور واني كامشه ايد بيبي
وعماد كل شويه وكال حجيه ابتعدي ناخذ صور
شكد استحيت منه
ماعندا ذوق ابد
اما اخو اجا على اساس ياخذ ويانه صوره راسا خله ايده على خصري اني نزلت ايده انت شكو حاضني
ولله كلبي مامرتاحله
لمار...بيبي لا تعوفيني فدوه اني خايفه
بيبي...مااعوفج حبيبتي
لمار...تعاي ناخذ اني وياج صوره
كملت الحفله وطلعنا للفندق اباب الفندق عماد كال
نشكركم اخوان تفضلو
واني ايدي بايد بيبي وكمت ابجي
لمار...بيبي لاتعوفيني
بيبي...اسم الله حبيبتي كامت تقرا عليه ايات قرانيه
عماد....شلقصه حجيه وين ماخذه ترا اني اخاف عليه اكثر منج
عافتني بيبي وهو سحبني من ايدي و صعدنا بلمصعد
واني دموعي كامن ينزلن
عماد...ليش تبجين
لمار...مسحت دموعي وماحجيت اي شي
دخلنا للغرفه بارده وعطرها طيب وبيه نفاخات وورد
اني بقيت واكفه وهو نزع الستره علكه وطلع جكاره
شعله واتصل طلب عشى
سحب نفس من الجكاره وكال ليش واكفه تعاي خل نتعرف
لزم ايدي قرب
عماد...لو تدرين شكد مهووس بيج خبلتيني
والنوب شايله نفسج عليه
ولج اني بنضره اجيب عشر نسوان على العموم اخيرا
صرتي اليه
اخذ نفس من الجكاره ونفخ الدخان بوجهي
كمت اكح راسا لزمني من كتفي وفرني وفتح السحابه
عماد...يله غيري ملابسج راح يجيبون الاكل
اليل طويل نتعارف على كيفنا
لمار...خليت ايدي على صدر البدله جمانه السعيدي ومشيت فتحت الجنطه
وطلعت تراك وردي فاتح اخذته ورحت للحمام
نزعت البدله ولبست التراك
اكو مرايه بلحمام فتحت التسريحه ومسحت المكياج
غسلت وجهي وطلعت
جان كاعد على طرف الجربايه التفت عليه
عماد...هاي شلابسه شنو هذا الي لا بسته روحي البسي
سيت وتعاي
اوكفي اني اختارلج
فتح الجنطه وطلع سيت احمر قصير
طبعا الجنطه رتبته نهال حتى مااعرف شنو بيه بس التراك اني خليته لان مااعرف انام اله البس تراك فانيله
عماد...البسي هذا
لمار...اي بعدين البسه
عماد...شنو بعدين هسه تلبسينه حجه بعصبيه واني منا
الخوف ماخذني خفت اكثر
من هاي اليله عماد عرف اني جبانه واجبن من الجبن
وسكوتيه لذلك قرر يدوس عليه
اني اكبر مشكله دمرت حياتي سكوتي
الكل يعرف اني جبانه واي واحد ياذيني مااعرف ادافع عن نفسي اخاف أواجه المشاكل
وهاي الصفه طمعت الناس بيه
دخلت للحمام لبست وبقيت بلحمام استحي اطلع
لان السيت حيل قصير وشفاف
اتاخرت تقريبا نص ساعه
عماد...شنو نمتي ما طلعين اجا الاكل
بقه يدك بلباب فتحت الباب وطلعت بس ماباوعت بعيونه
كنت خايفه وخجلانه
عماد...اي هسه مو قبل شويه لا بسه تراك
يله تعاي ناكل
لمار....ماكدرت اكل ولا حتى اشرب ماي بطني توجعني
معدتي تحركني راسي عبالك راح ينفجر
كعدت على الجربايه وغطيت نفسي بلجرجف
كان هو المسيطر بهاي اللحظات بسبب خبرته الطويله
طبعا كمل طلع بطل من الثلاجه
وكام يشرب
مااعرف شنو بس كان ريحته كلش كريهه
بعدين عرفت هذا خمر
انتهت هاي اليله على خير بس كنت حاسه بوجع
وجع بكل جسمي مااعرف شنو سبب الوجع
يمكن مو جسمي يمكن روحي توجعني
قدموني اهلي لكمه سهله العماد حتى يتحكم بيه بكيفه
هو نام مثل الثور وريحته تكتل بسبب المشروب
واني من الوجع ماكدرت انام
حقيقتا كلشي يوجعني
وابد مامصدكه الي جاي يصير وياي
معقوله اني راح اخلص حياتي وياا هذا الانسان
اي توافق من اي نوع ماكو بينا
طلع النهار واني بعدني اتكلب دخلت سبحت ولبست تراكي
ورجعت اخذت المخده والجرجف وتمددت بلكاع ونمت
ماحسيت غير عماد كاعد وشاعل جكاره
باوعت للساعه الساعه ثنتين الضهر
عماد....صح النوم ليش نايمه بلكاع
لمار...مامتعوده انام يم احد
عماد...هاي اخر مره تنامين بعيد عني فهمتي
راسا طفه الجكاره واتصل يطلب اكل
كمت شلت الجرجف
وأخذت الحرجف الي على الجربايه غسلت بس البقعه الي واكع عليه دم غسلته بايدي وخليته بلبلكونه
كمل هذا اليوم واحنا بلفندق ماطلعنا
وهو كل الوقت بيده الموبايل ويتصل واني بس كاعده وساكته
بليل كال بدلي نطلع نفتر
لبست بنطرون اسود وقميص مشمشي
عماد...هاي شنو هذا لبس عروسه البسي شي مرتب
احنا رايحين نفتر نكعد بلمطعم مو رايحين نتسوك
دخلت لبست فستان ضيك وطويل اسود ورفعت شعري
وخليت مكياج هادء
طلعنا اني وياا
حسيته يريد الناس تشوفني
او كأنما يكول هاي الحلوه زوجتي
اخذنا المطعم راقي وطلب اكل كعدنا ناكل
طبعا اي لغة حوار بينا ماكوووو
مااعرف هو ماعدنا مواضيع ولا يحاول يسئلني او يحجي وياي
حسيت كلامه كله أوامر ويحاول يصحح سلوكي وكلامي
ولبسي
واني ساكته انفذ واني ساكته
هذا الشي شجعه عليه اكثر
كان يتحكم بيه مثل لعبه بايده
رجعنا للفندق وهلمره كام يشرب قبل لا يقرب عليه
ريحته صارت تكتل
حسيت نفسي تلعب منه
قرب عليه غصبا ماعليه كان سكران طينه وماحاس بنفسه
بس خلص اني ابتعدت عنه ورحت سبحت
احس ريحته لازكه بيه ماتروح مني
شكد بقيت بلحمام اغسل وريحته ماتروح من خشمي
طلعت مشطت شعري ونمت بلكاع
مااكدر انام بصفه ريحته مو معقوله
الصبح كعدت قبله وشلت الجرجف خفت يشوفني نايمه بلكاع ويحجي عليه
مع ان المفروض من البدايه اشرط علي يترك المشروب
او يروح يشرب برا حتى اثبت شخصيتي
بس شسوي الخوفي الي غالبني
بقينا اتلث ايام بلفندق ومحد وصلنا ابد
بعدين رجعنا للبيت
استقبلتنا امه بلهلاهل جمانه السعيدي واخو هم جان موجود
للعصر اجت بيبي وبابا ونهال يباركولنا وعزومنا ثاني يوم للعشى
بليل هم طلع المشروب وكام يشرب
عادي امه تعرف بي يشرب
رحنا اليوم الي بعده البيت اهلي تعشينا ورجعنا
طبعا عماد يحجي وياا الكل ويسولف ويضحك الي اني وياا ماكو بينا لغة حوار ابد
مااعرف ليش مايقرب عليه ويحجي ويااي او يحاول يكسر الحواجز بينا ولا بحاول يخلق لغة حوار بينا حتى نفهم واحد الثاني واني هم ماخذه منه موقف ومااحجي وياا
اكرهه مو بيدي لان جبرني على هاي الزواجه وهو يعرف اني مااربده
واني اخاف اقرب علي لو احجي ويااا
واخاف اسئله اي سوال
بعدها بااسبوع
عماد...باعي اريدج تشتغلين بلببت تساعدين امي واي شي تطلبه منج تنفذين على طول
لمار...بس
عماد...بس سنو احجي
لمار...اريد امتحن مابقه شي الامتحانات اخير السنه
عماد...شنو تمتحنيبن انسي المدرسه
اني ماعندي شغل وعمل يوميه شكالت المدرسه وشحجت اامدرسه
اصلا اني سمعت مستواج بلمدرسه مو شي بعد شلج بهلدوخه
شتحصلين من المدرسه
اني اوفرلج كلشي اكعدي واسكتين وبعد مااوصيج
اهم شي تسمعين كلام امي
لمار....ماكدرت ادافع عن مستقبلي ولا كدرت احجي
رغم هو بلخطبه كال عادي تكمل دراسته
سكتت وتنازلت عن حقي بسبب خوفي منه ومن اهله
الصبح اكعد مرات الكا طالع ومرات يتاخر يله يطلع
بلعشره اطلع من غرفتي
بيتهم صح جبير بس زين مايتوصخ حيل
اول شي احضر شي للغدا
وبعدين اكنس البيت بالمكناسه الكهربائيه
واخلي الملابس بلغساله واذا اكو جراجف هم اغسلهن
العشى كله جاهز عماد يجيب من برا
خالتي ام عماد هي تنضف غرفته
اما محمود نايم طول النهار يكعد بليل يتعشى ويطلع
ومايرجع اله وجه الصبح
بس نضراته اليه مو طبيعيه
بس ماطول طول النهار مااشوفه خلاص بليل عماد موجود
نكعد بغرفتنا
واذا عماد يطلع اني ابقه بغرفتي
اله شغله ضروريه يله اطلع
بعد عشر ايام من زواجي خالتي سمعت اني مزوجه
لان رايحه اكثر من مره للمدرسه وماشايفتني
رايحه البيبي سألته عليه
كايلتله ازوجت
جابته بيبي واجت علينا
بس شفته عبالك شايفه امي حضنته وبقيت اشم بيه
هي تبجي واني ابجي
شكد مشتاقتله
خالتي...شلون تزوجين واني مااعرف
لمار...صارت الشغله بسرعه
خالتي...هذا الي شفنا واكف باب المدرسه
لمار...اي
خالتي...شلونج مرتاحه
لمار...الحمد لله تعودت على وضعي الجديد
خالتي...شلونه ويااج
لمار....زين طول النهار برا وبليل يجي
خالتي ...يعاملج معامله حلوه
لمار....زين
خالتي...الحمد لله ليش اني مااعرف بزواجج
لمار...كلشي صار بسرعه وماكدرت ادزلج خبر
هسه اشوفج صور عرسنا
خالتي...يا حبيبتي يمه كبرتي وازوجتي مامصدكه الخبر
اني هم عندي خبر حلو
لمار...يالله
خالتي...اشتريت شقه بلمجمع السكني الجديد بلقسط
والاسبوع الجاي انتقل
اني وصديقتي عهود اثنيبنه اشترينا بنفس العماره
بالطابق الارضي
عمارتنا محد ساكن بيه بس اني وعهود واكو عائله
بالطابق الثاني
لو شايفه هذا المجمع يخبل
حدايق واسواق ومدارس واستراحات وحتى مسبح
بيه تخبل
عود خل يجيبج زوجج وتعاي ابقي يمي يوم يومين
بعد سكنت وحدي مالج حجه
لمار...انشاء الله اجيكم حبيبتي خالتي
خالتي...ولج يمته كبرتي ويمته عرستي انتي بعيوني بعدج زغيره
الفصل السابع من هنا
لمتابعة باقي الرواية زوروا قناتنا على التليجرام من هنا
