رواية العشق المجنون الفصل السادس بقلم فطوم
امينه فتحت و اتصدمت لما لقت ملك بنتها
امينه: ملك حبيبت قلبي واخيرا جيتي
ملك: وحشتيني اوي يا ماما
هما الاتنين حضنوا بعض لان ملك كانت مسافره برة مصر عشان تكمل تعليمها هناك وهي خلصت بس عملتلهم مفاجأه
وملك تكون اخت رعد وعاصم
ملك: فين بقى رعد وعاصم مجوش سألو على اختهم ولا عبروني
امينه: هتلاقيهم جوا مش سامعين صوتنا انتي عارفاهم بيتعبوا كتير اوي في الشغل
ملك: انا بهزر وحشوني اوي الاتنين
دخلت ملك وحضنت عاصم ورعد وفضلوا هما الاربعه يتكلموا وملك حكتلهم كل حاجه حصلت معاها وهي برة مصر
نسيب بقى عيلة الشرقاوي ونروح ل عيلة الجرحي
بعد اسبوع
_____
جاسر: بابا انا خايف الخطة بتاعت تهريب الاسلحه دي تبوظ والظابط اللي اسمه رعد ده يعرف
احمد: يا ابني ليه الفال الوح*ش ده
جاسر: بذمتك انت مش خايف
احمد: سيبك من الموضوع ده دلوقتي انا سمعت كده ان اخت رعد رجعت من بره
جاسر: الله جت في وقتها بنت اللذ*ينه
احمد: ليه هتعمل ايه في خطة في دماغك
جاسر: استنى بس كده اخطط وهقولك
احمد: اهم حاجه تكون خطة مظبوطه
جاسر: مظبوطه 100ف100بس استنى عليا شويه وهاجي افجأك
احمد: ايوه كده ارجع جاسر بتاع زمان
_________________
نارين وهي بتقنع ابو سلمى عشان تيجي معاهم العزومه
نارين: طب بص يا عمو هنرجع قبل7 عشان خاطري بقى وافق
حمدي(ابو سلمى): يا بنتي والله لو عليا اوافق بس احنا معزومين عند اخويا الساعه7ولو انتو جيتو على 6:30حتى هتكون سلمى خلاص عاوزه تنام ف هي تنام احسلها الوقت ده وبعد كده نروح
ابقي اعتذري ل الناس
نارين بزعل: طب خلاص يا عمو مرة تانيه بقى ابقى اخدها
حمدي: معلشي متزعليش
نارين: لا خلاص برده حضرتك معاك حق
نارين حضنت سلمى وبعد كده راحت ل نسرين وركبوا تاكسي ومشيوا عشان يروحوا عند امينه
______________
ملك: انا متحمسه اوي يا ماما عشان اشوف عرايس اخواتي الله
امينه: بس يا بنت اسكتي عشان رعد وعاصم ميسمعوكيش
ملك: حاضرر وهيصههه
امينه: يبت اسكتي
الباب خبط وكانوا نارين ونسرين
فتحت امينه وسلمت على نارين ونسرين
امينه: هي فين سلمى
نارين: مقدرتش تيجي عشان هما معزومين عند عمها
امينه: يا خساره ده عاصم ها....... فجأه سكتت عشان استوعبت هي كانت هتقول ايه
نارين: ايه
امينه: لا متشغليش بالك قصدي يعني اني زعلت بس معرفش ليه قولت عاصم
نارين: ماشي يا طنط
قعدوا اتكلموا بعد كده ملك ورعد طلعوا مع بعض
نارين ل نفسها: هي مين دي وليه لازقه في رعد كده ايه البرود ده
نارين تاني: طب وانا مالي يعني بت يا نارين اظبطي نفسك كده ده رعد المكشر مستحيل تعجبي بيه ولا تغيري عليه
جت ملك و سلمت على نارين
ملك: اهلا بيكي انا ملك
نارين: وانا نارين اتشرفت بمعرفتك
رعد سلم على نارين
نارين بصوت واطي: استاذ رعد المكشر ممكن اسألك سؤال
رعد: اتفضلي يا نارين يا مرهوشه
نارين: ايه مرهوشه دي المهم هي مين البنت دي خطيبتك
رعد بضحكه: يعني حاجه زي كده وبعدين انتي مالك
نارين: عادي بسألك على فكره مفيش حاجه بس هي خطيبتك
رعد: اسأليها وهتعرفي
نارين: ماشي يا رعد المكشر
رعد ابتسم ابتسامة خفيفه وكان من جواه مبسوط لانه حاسس ان نارين غيرانه عليه وكمان لانه في الاسبوع ده وشوقه واستعجالو عشان يشوف نارين اتأكد انه حبها خلاص مع انه مش عارف ازتي بالسرعه دي اعجب بيها وحبها بس بسبب:( شخصيتها وجمالها وجنونها وانها محترمه)
امينه: اعرفك يا نارين يا بنتي دي ملك بنتي اخت عاصم ورعد
نارين: اايده بجد ده انا مفكراها خطيبت رعد
ملك: لا لا انا اخته والله بس هتلاقيكي متعرفنيش عشان انا كنت برة البلد لسه جايه من اسبوع
نارين: ايوه عشان كده
فضلوا هما الاتنين يتكلموا وحبوا بعض جدا
ملك: هي ماما حكتلي على سلمى هي ليه مجتش معاكوا
نارين: مقدرتش تيجي عشان كانت معزومه عند عمها وكده
ملك: يا خساره كان نفسي اشوفها
نارين: مرة تانيه ان شاء الله
بعد كده كلهم قعدوا يتغدوا و امينه نادت على عاصم عشان يخرج
عاصم قعد على السفره وكان قاعد بيدور على سلمى
عاصم ل نارين: هي سلمى مجتش ليه
نارين: كانت معزومه عند عمها عشان كده مقدرتش تيجي
عاصم بصوت واطي وبعصبيه برده: ايه الحظ المنيل ده
ملك بضحك: في حاجه يا عاصم
عاصم: ااسكتي يا فتانه
ملك: انا عمري ماافتن على اخواتي حبايبي ابدا
مكنش في مياه على السفره ف امينه كانت هتقوم لكن نارين قالتلها خليكي يا طنط هروح اجيب انا
قامت نارين ورعد قام بعدها بشويه واتحجج انه هيدخل الحمام
رعد ل نارين بعد ما راحلها المطبخ: نارين عاوزه اقولك حاجه
نارين: اتفضل
رعد: صراحه اناا.....
نارين: متقول انت هتفضل تتأتأ
رعد: انا بحبك
نارين: نعم ازاي
رعد: بصي متفهمنيش غلط بس انا مقدرتش اخبي عليكي وكمان خايف حد ييجي وياخدك مني واندم في الاخر وبعدين انتي محترمه اه جبتيلي مشاكل كتيره اوي بس حبيتك اعمل ايه ولو وافقتي عليا هاجي اتقدملك بكره لو عاوزه ولو عايزه انهارده اتقدملك قدامهم كلهم انا موافق
نارين بصدمه: طب ممكن تسيبني افكر وهبقى ارد عليك
رعد: لا قولي دلوقتي
نارين: هو في ايه يا استاذ رعد المكشر المفروض اوافق على طول يعني ولا ايه اديني مهلة افكر
رعد: بقى انتي تيجي تتشرطي عليا بس على العموم ماشي
نارين طلعت وبعدها بشويه رعد طلع وفضلوا كلهم يتكلموا كتير وكان عاصم قاعد بيفكر في سلمى وزعلان انها مجتش
ملك بهمس: مالك يا عصومه زعلان ليه بتفكر في حبيبة القلب اللي حبيتها من اول نظره
عاصم: يبنتي اسكتي حسابك معايا بعدين يا ملك هوريكي
ملك: مش هتقدر تعمل حاجهه
بعد ساعه نارين ونسرين مشيوا ورعد ادى ل نارين رقمه عشان تبقى ترد عليه
رعد بعد ما كلهم مشيوا: ماما ملك عاصم تعالوا عاوزكوا في موضوع
امينه: ايه هو قول
رعد: صراحه انا بحب نارين
ملك: طب ما احنا عارفين دا انت فاضح نفسك بنظراتك وكلامك وحنيتك مع نارين ده كفايه بس لما نارين كان هيقع عليها طبق الشوربه مسكته على طول وفضلت تطمن على نارين لو حصلها حاجه
عاصم: ياااااا واخيرا رعد اللي عمره ما حب خلاص حب ايه الحاجات الجميله دي
امينه: والله انا فرحانه اوي انك اتأكدت من كده ويارب نارين تكون بتحبك هي كمان وتتجوزوا نفسي اشوفلك حتت عيل قبل ما اموت
رعد: بعد الشر عليكي يا احلى ام في الدنيا
رعد تاني: وفي حاجه تاني
امينه: قول
رعد: انا اعترفت ل نارين وقالتلي هفكر وارد عليك
ملك: اوعااا بقى طالما قالت كده يبقى بتحبك ولولولولولوولي وهيصهه عندنا فرح
رعد: بس يا هبله ما يمكن قالتلي كده وبعد كده هترن وتقولي مش موافقه
عاصم: يااا بقى رعد الشرقاوي خلاص حب وملهوف كده ومش تقيل ياااا والله مصدوم
رعد: اسكتوا بقى انا داخل اوضتي ومحدش يفتح الموضوع ده لحد ما نارين ترد عليا
كلهم نطقوا بصوت واحد: ماشي
_______________
نارين وصلت البيت وحكت ل نسرين اللي حصل ونسرين كانت مبسوطه جدا ل نارين ان ربنا عوضها ونسرين كانت متأكده من الموضوع ده لان امينه كانت حكيالها ان هي عاوزه تخطب نارين ل رعد
بعدها نارين حكت ل سلمى وسلمى فرحت جدا
سلمى: طب انتي رديتي قولتي ايه بقى يا بت قوليلي
نارين: قولتله سبني افكر
سلمى: دا انتي بارده ليه كده ما انتي بتحبي برده بس بصراحه مش عارفه ازاي لحقتوا تحبوا بعض
نارين: وانا كمان مش عارفه بس بعيدا عن الهزار واني كنت ببينله اني مش بطيقه بس كنت بقعد افكر فيه ورعد انسان كويس وبصراحه بقى انا كنت من زمان عايزه اتجوز ظابط والفرصه جتلي
سلمى: ربنا يجعلكوا من نصيب بعض يا حبيبتي وتفرحي دايما يا نيروا
نارين: بت يا سلمى صح انهارده استاذ عاصم سأل عليكي ولما قولناله انك مش جايه كان قاعد زعلان وصح انا اتعرفت على اختهم دمها زي العسل وكان نفسها تشوفك
سلمى: طب استاذ عاصم سأل وزعل عليا ليه يعني
نارين: مش عارفه بقى فكري انتي بقى يا سلومه
سلمى: بس يا بت
بعد يومين ملك نزلت راحت تعمل شوبينج
وكان جاسر مستني بعربيته قدام بيتهم عشان تنزل ويعمل خطتوا
ملك ركبت عربيتها وراحت المحل وبعدها دخل جاسر وراها الفصل السابع من هنا