رواية ملكة الشيخ ضاري الفصل السادس 6 بقلم ساره المجيد
- اللهي اتسمعني لقد تألمت كثيرا
ومت قبل موتي ألاف المرات
اصبحت كـ المقابر لا يوجد فيني
غير الحزن والبكاء والحطام 💔

ملكة ..جنت اقراء الرساله وعيوني نزلت دمعها بجيت بقهر وكعدت الطم وفرقد لازمني يحاول يهديني بس ماكدر وكعت من طولي واغمى عليه ..
صرت جثه بعد ضاري طلعت الدنيا كلها من عيني حسيت بفقدان سندي وعزوتي ..شالني فرقد ورش فوكاي ماي صحيت بصرخه ..
هزت اركان البيت هز ولج ييمممممممممممه ضااااااااااااري راح من ايدي راح ولك عمت عيني عليك ياحزام ظهري منو الي بعدك منو يشيل هم جهالك المن عفتنه يضاااااري ..
كمت ادك ع رجليي وفرقد يهدي بيه ..
ولك خوية جا سند اخيتك راح منو الي بعد الله غيره فهمني ..
جنت احجي واضرب ع وجهي واملخ نفسي وفرقد يلزم بيه
فرقد ..اششش خيتي اشش كافي ليش تفاولين ع الزلمة ان شاءالله مابي شي ويرجعلنه بخير كافي مو انتي راح تدهور صحتج كافي ..
ملكة ..شني كافي شنييي رجلي راح من بين اديه راح هسه انه شكول شحجي بناتي جهالي شلون أربيهم وانه بعدني جاهله ولكم شلون فهموني ابو بيتي وعزوتي راح من ايدي ..
فرقد ..جا انتي نسيتي انه اخوج وابوج واخوانج كلهم عايشين
ملكة ..هه شكلت !! اخواني وابوي ليشش ياخوي تريدني افتح المستور يوم زوجتوني غصب عني يوم حرمتوني من مدرستي بيوم كتلتوني شكلت هاأأأ هسه صرتوا اهلي وين جنتوا بذاك اليوم من بعتوني ولاهتميتوا الي وانه طفلة مافهم شي ..فرقد ..ايباااااه هييج شايله بكلبج علينه وحك ابو فاضل ماتوقعت يجي يوم يطلع هل حجي منج صارلج 13سنه مزوجه وهسه تذكرتي العتاب ..
ملكة ..كعدت وبجيت تعببت ياناس حسوو تعبت اختنكت ودنيتي ضاكت بدونك ياضاري ..
كمت ارجع واقراء بالرساله وارجع اقراء وكلبي يلجم من كد ماقريتها الجهال نامت ودمعتهم بعينهم ..واني روحي مفرفحة
سودت الدنيا بوجهي ياربي ..
فرقد نام بالديوان بس ماخذ ع خاطره مني جانت لحظة عصبيه وطلعتها بيك ياخوي سامحني شسوي كلبي طك من الوجع وخبصت بالحجي ..
من حلاة روحي مكمت ما اعرف شحجي اووووف ياريي شسوي وين ادير وجهي المن انشد عنك ياضاري ..
كمت غسلت وجهي ورجعت مكاني خليت ايدي ع خدي واباوع ع بناتي من اشوفهم اشوف نفسي بيهم شلون راح يعيشن بدنيا بلا أب جا صدك الدنيا مره وماترحم بلا رجال ..أأأأخ ياضاري فجعت كلبي عليك وينك ووين اراضيك شصاير وياك بعد روحي 😭..
بعدين اتذكرت الصرة الي بيها الذهب والفلوس كلت اكيد هسه يجون الحكومة ويفتشون البيت وهل مال صار سند لجهالي لازم اتصرف بسرعة ..
طر الفجر كمت لبست شيلتي ولفيت عباتي عليه ورحت نفس المكان الي كالي عليه ضاري بالخزانه جان اكو صرة ملفوفه اخذتها وفتحتها ..
صحيح بيها ذهب هواي وفلوس لفيت الصرة وطلعت السلاح مال ضاري هم واخذتهن واطلعت رحت للبستان حفرت حفرة عميقه ودفنت الصرة والسلاح بيها ..ورجعت للبيت بقيت الوب ياربي شنو مصيري اني وجهالي شراح يصير بينه عكب عينك ياشيخ ضاري والله لا ينهشون لحمنه الي يسوه والي مايسوه ربي دخيلك الطف بينه مالنه غيرك 😭
من كثر البجي نمت ماحسيت ع نفسي
ثاني يوم الصبح اجت الحكومه تسأل عن ضاري كتلهم ماشفته وماعرف هو وين دخلو فتشو البيت نبشو اتنبش ومالكو شي الذهب والفلوس والسلاح كلهن دفنتهم بالبستان وي طلعت الفجر فرقد راح شارد من سمع الحكومه اجت ضليت عايشه برعب ..
سناريا ..بيبي انتي من جدي ضاع اقصد انفقد شلون عشتي شلون اكلتي منو جان يسئل عنج شلون ربيتي امي وخالاتي وخوالي
ملكة ..أاأأأأخ يابيبي شكلج وشحجيلج .انذليت ذله بس الله يعلم بيها كلها تعيرني باللكمه الاكلها ... حسيت بكسران ظهر عبن جدج جان حزام ظهري والمراة الي زلمتها يعوفها تبقه مذلولة ومكسورة ...حسيت الدنيا ظلمة بلياه حتى النفس جنت كوه اجرعه
كمت اخذ من الفلوس الي حطهن جدج واروح اشتري وارجع ..
والسوك بالعراق انضرب ضربه قويه والناس من كثر الفكر غلت سوكهم وماعاد عرفنا رجلينا من ادينا ..
بس الي عالني الذهب والفلوس الي عافه جدج جان صدك ينفع ..
والبستان جان خيره مغطينه ..
لحد مافد يوم جانت الدنيا تموز ونهايته وحاره حييل شلت الفراشات وفرشتهن بالطارمه ع هوى البارد نومتهم كلهم بس محمد كال .محمد ..يمه ما تسولفين النا سالفه ..
ملكة ..يمه مالي خلك والله الدنيا كلها طالعه من عيني نام وأسكت
جنان ..لا يمه عليج الله سولفيلنه
اسمهان ..اي يوم عليج بداعة ابوي سولفيلنه نريد نسمعج
ملكة ..اوووف حلفتوني بالغالي 😔 ... كتلهم جا خوش أسمعو ..كان في قديم الزمان كان اكو مره عجوز جبيره بالعمر حييل عايشه وحدها بس جانت فقيره حيل واجت الزياره الاربعين وذكرى أستشهاد الامام الحسين عليه السلام المره طلعت وعزمة الناس ع قرايه لسيده زينب اخت الحسين ..
محد اجه عبن بيتها جان كلش صغير وتعبان ومايكفي جانت المره فقيره ويادوب مكفيه نفسها خلت هاي كيكات وطاست مي ..
وكعدت تنتظر النسوان تجي ومحد اجه خلت ايدها ع خدها وانتظرت وهم محد اجه ..
هبه ..وبعدين يمه
ملكة ..جا خليني اكمل لا تقاطيعني خوش .
هبه ..اي خوش
محمد.. هبه ماتنطمين أسكتي شويه
هبه ..جا مو سكتت
ملكة ..كافي ولكم ..جا صدك بطلت ماكمل ناموووو
جنان ..لا يمه حبابه كملي .
ملكة ..كافي أسكتوووو ..اي وين وصلنا
اسمهان ..من اندك الباب
ملكة ..اخذت نفس بضيكت خلك باوعت عليهم وكملت ورسمت ع وجهي ابتسامه كذابة لان الي بداخلي جمرة دتجويني ..
المهم .اندك الباب وكامت كوه فتحته طبت الملايه وياها اربع نسوان لابسات أسود كلشي مامبين من عدهن دخلوا وكعدوا بلشت الملايه تقراء والنسوان يلطمن ويبجن وصوتهم مخنوك حيل مثل الي واكع عليهم جبل مصايب ..
المهم طلعو ومن رادن يطلعون كالتلهم المره منو انتن انه مره عجوز وبيتي قديم ومحد تجي تشوفني شجابجن ليمي ..جان المره الابسه أسود كالتلها ...تلطمين على عزيز علينه وغالي ومانكدر نرد موالينا ..انا ام البنين ..
وطلعت ..الحكمه من هاي القصه لا نحكم ع شخص من ضاهره يمكن الضاهر شي ودخله شي ثاني مختلف ..
باوعت عليهم نايمين كلهم خليت التفكه بصفي اباوع عليهم كلهم وعيني لفوك نزلت دموعي ضاري صار اله 3 شهور ماكو وينك ياسبعي ااااااخ تعبت عكب عينك 😔..
لو بس خبر واحد اريد حتى نار كلبي تنطفي وجان بهل لحظة اسمع طكطكه يمممه ..شلت التفكه وتلثمت بشيلتي وكمت أمشي ع كيف فتحت الباب الحوش صحت ياهو ياهووو بالباب ..اجاني صوت رجال خشن ..رجف جسمي كله وصحت مره ثانيه ياهو ..
رفعت التفكه بوجهه جان ملثم وضخم وطويل ..
وعيونه تباوعلي بدمع صحت مره ثانيه ياهو انت احجي لا اضربك ..
..احجي ياهو انت
انه انه أأأأأخ ملكة ..الحكيلي بوية
ملكة ..وكع من طوله كبالي صرخت بعلو صوتي يمممه ماصدك كبل وكعت التفكه مني ركضت علي وصحت ضاري من سودة بوجهي تسمعني بوية ..
دخل وراه فرقد بسرعه اجه شاله وراه فضل وكلهم ملثمين مثل الشاردين ..دخلوا كعدوا بالصاله فرقد شك القميص مالته وشال عنه الشماغ اباوع لصدره كله دم خليت اديه ع وجهي اريد اعيط والطم بس كوه لازمه نفسي لا ننفضح جانت بس دموعي مثل التيزاب تنزل ع خدي حركت خدي حرك ..
البنات وحده تحضن الثانيه سحلت محمود لحضني بعده طفل ..وأسمع ونين ضاري وهو يصيح اخ بويه أخ ااااااااه ..
غمضت عيني تمنيت الشفته ماشوفه مره ثانيه ..صاح فرقد ع ماي حار ركضت جنان جابتله أسمع صوت الزلم البره رفعت رأسي وشفت ولد عمه كلهم اهنا .
دشيت للغرفه طلعت عباتي وبدلت شييلتي ..وطلعت
ملكة ..شلون صار فدووة خويه
فرقد ..لا تخافين جرحه سطحي بس هذوله ولد الكلاب متوهميين بأسمه ولازمي عدهم .. وبالتعذيب كاطمين اصبعه
ملكة ..عزززة العزاج ملكة يعني شني خوية
فضل ..خيتي تشابه اسماء يعني اخوي ضاري ذيب مخاوي ... واكو ضاري ذيب محسوب ..وهذا واحد طايح حظ مسوي مكسرات وي جماعة الحزب موجود اهنا وﻷزمين ضاري عبالهم ذاك الشخص وكل هل مدة جان مسجون يمهم وديعذبون بي ...
وكبل يومين جاني صديق الي بالحزب كالي هيج السالفه ورحت اخذت كلشي يخص ضاري من مستمسكات واكدت اأسمه وطلع تشابها أسماء ..
ملكة ...أاأأأأأأخ ياربي الحمدالله والشكر الي رجع سالم غانم كلشي مابي جنت اباوع علي وجها اصفر وعيونه ذبلانة والتعب باين علي اووووف يضاري ... كلها طلعت ظليت بس انه وفرقد واخوته و ولد فضل ..مرن يومين وهو نايم وانه اعتني بي العشيره كلها عرفت بالي صار واجوي يشوفوا شالوا اله فراشه خلو بالديوان وياهو يجي يشوفه كل شويه واحد جاي ..يريدون كهوه وجايات ..
ارتاحيت من شفت بيت الشيخ ضاري رجع ينداس بوجود الغالي هذا البيت ان شاءالله يبقه عامر بحسه الله يحفظه الي ويخلي خيمة ع راسي وراس جهاله
خديجة اجتني من الصبح كامت تساعدني خطية انكمل الشغل ..
جنان ..ييمه ابوي يصيحلج
ملكة ..يا جا مو عند زلم
جنان ..لا يمه كلهم راحو
ملكة ..جا خوش جايه
رحت اشوفه طبيت الديوان
ماكو احد بس هو كاعد وكوه يتنفس أشار بيده اجي رحت كعدت بصفه اخذت ايده بستهه ودموعي تنزل شلال ع خدي مسحهن بالابهام مالته وكال ..
ضاري بتعب ..ملكة ولج بوية افراكج أذاني حيل يابت هذا الگلب شلون كدرت ع افراكج أأأأأخ طلعت اموت بيج ومادري ..ولج كل يوم افكر بيج وبجهالي شلون الدنيا وياج شكد عذبوني مجنت اتوجع وكفيل زينب بس فراكم وجعني واذاني اااااااااخخخ ياملكة اااااخ
ملكة ..اسم الله عليك من الاخ بعد طوايفي وانه شحالي بلاك من قريت المكتوب وتدوهرت حالتي وصلت للموت بس ربك ستر عليه الخاطر جهالك ...يممه وهسه تكحلت عيني برجعتك ياغالي اروح فدووة لعمرك ابوية ..
ضاري ...ابتسمت واخذتها لحضني يممه افييشششش يالحبيبة بست رأسها وكتلها أأأأخ منج ولج اريدج حموت
ملكة ..كمت وخرت من حضنه وكتله يافشله ياشيخ لا يجي احد ويشوفنه
ضاري ..ياهو يجي ياملووك شو كربي ابوية اريد اشتم عطرج
مشتاقلج موووت
ملكة ..هههههه يا يا يرجال انت مريض مايصير هيج ..
ضاري ..هاي شلون مصيبه لخاطر ربج شنو المايصير .... تعالي ولج ترا اكوملج وابتلي بيج كربي يله
ملكة ..اكلك انت موش كبرت وبعد مابيك حيل هاي سوالف بطلها 🙄..
ضاري ...جا وحك روح ابوي السجن اهون منج انه مشتعل ابو ابوي مشتاق لحضنج وانتي تتتعززين
ملكة ..هاي انت هيج عبن ماخذت التريده مني صار السجن اهون مني 😒 لو ماكاطمين اصبعك جا شكلت
ضاري بعصبيه ..ولج بطه تعيريني بكصت اصبعي اأأخ بس خلي اصير زين وانه اعلمج 😡
ملكة ..ع كيفك ياشيخ هههههه
ضاري ..ههههه دتعاي كربي يمي مو أشتعل وانسمط جد جدي
ملكة ..انقهرت علي كربت منه ونمت بحضنه وهوه بشوق وحب كام يبوسني من كل مكان بجسمي ولا جن متعور ومريض 😂 وجان أسمع صوت زلم كبل طفرت من حضنه وطلعت من الديوان وهو يضحك بصوت عالي
ضاري ..اشتعل جد ابو الخلفج ضيعتي عليه الشسمه
ملكة ..طكيت ضحك علي بقه يدردم وراي ..اووووف الحمدالله الي رجع للبيت ورجعت لمتنه الحلوه ورجعت سوالفنه الحلوة يبووووي يديمك النه بعد روحي
😍😍..
فضل ..ها ياخوي شلون صرت اليوم
ضاري ..هلا يابن امي الحمدلله اليوم احسن تعال اكعد اتفضل
فضل ..زاد فضلك ياخوي ..اليوم اجيتك والي طلب يمك ان شاءالله ماتردني
ضاري ..كول وانا اخوك آمر
فضل ..مايامر عليك عدو .
ملكة ..جنت بالمطبخ وسمعت صوت حماية فضل كعدت سويتلهم جايات ..الحمدالله ..
صارت الناس تجي وتروح علينا وماتجي وحدها تجي وجايبه وياها نسوانها ..
وبنتي جنان ياهي تشوفها تخطبها وخايفه ضاري يزوجها بيوم اجوي لعندنا خطار ساده معممين ..شافو جنان لو هم لزكو فرد مره
وخاطبيها من ابوها بس عمها فضل ناهي عليها لحيدر والجماعه راحو وبالليل ضاري حاجاني
ضاري ..ملوكة تعاي
ملكة ..ها امر ياشيخ
ضاري ..تعاي شبيج اكعدي يمي يامره
ملكة ..اي اجيت ..كعدت بصفه كتله كول
ضاري ..اليوم أجاني خبر راح يفرحج
ملكة ..خير ان شاءالله شني هذا الخبر
ضاري ..اليوم اجه اخوي فضل وخطب جنان لحيدر
ملكة بصدمة 😳..وانت موافق
ضاري ..جا ليش والبنيه لحمه حمره وحلوه جنهه بطه ع امهه طالعه ..انه كلت انطيهه لخوي احسن مانطيهه لغريب
ملكة ..جا انت صدك تحجي جنان هستوها صغيره ماكملت ولا طبت السطعش ..
ضاري ..جا انتي جيتيني بت الثلثطعش شلون هيه ..انه انطيت كلمه لخوي باجر تجيج حرمته تروحن لسوك تسوكون الها كلشي كلشي ولا تخلين بنفسها شي
ملكة بخنكه وحسيت راح يكطعون وصله من كلبي اااااخ راح تنعاد مئساتج ياملكة 😢..كتله ع أمرك ..
وصار مثل مارد ضاري وصار كلشي مثل مايردون جنان خايفه من العرس وكلبها يركض كبلها من الخوف عقدو هي وحيدر وهم سويت الها زفه وعلمتها ع شي علمتني علي مكية وصار العرس وتم ع خير الحمدلله
ورا عرس جنان بلشت الدنيا تفرح بوجه عيالها خير وبركه نزل عليهم من خير جثير اخوي فرقد واخيرآ قرر يتزوج وتزوج بت عمي ورا ثلاث شهور جنان حبله باول طفله الها سموها زينة ..
وضاري فرحان بيها وهيه مطيعه ولا ماتحجي هواي وكلشي تقتنع بي ماتكول لا بحياتها ...
سناريا ..... ومرت ألسنين واولاد جدي الشيخ ضاري وبناته كلهم كبروا وصاروا شباب وشابات وصار عد خالتي جنان زينه وثائر ..
واجت سالفه لا ع البال ولا ع الخاطر ....
خالتي أيمان اخر بنات الشيخ ضاري اكبر من خالي محمد حلوه بس كصيره ع بيبي بس وكحه بطلت من المدرسه صف ثاني متوسط ﻷن مره باسطفاف المدرسه المدير لازم ثلاث طلاب ضرب بالعوده ذلك عافت المدرسه مو مثل خالاتي جدي بطلهن وامي اسمهان كتلت روحها تريد تكمل ههههه..هسه راح نبلش ويه ايمان خاتونه ههههه اسمعوا قصتها كولش راح تعجبكم 😁
ايمان ..هههههه احم احم اي ...بيوم امي ملكة كالتلي روحي شوفي ابوج وين ..وكتها جان عمري 17..سنه بس وكحه حيل ..ماخاف من احد واوكف كدام اكبر واحد واحجي العندي
جنت كاعده أمشي جان اشوف واحد لابس عسكري وامشط شعره مثل المطرب عبد الحليم حافظ الي انشوفه بالتلفزيون ..
أمشي وأشمر بكصيبتي وراي صح لأبسه حجاب بس كصيبتي طويله ماخليها جوا هدومي وما ارفعها ابد ..
سمعت صوته وهو يكول ..يابنيه خيتي بلا زحمه اكفي يول ..يمعودة اوكفي
أيمان ..انداريت علي وكتله نعم خييير شرايد
مصعب .. اجيت لديرة غريبة لشغلة كاصدها يم شيخ ذيب واني بالطريق اتفاجأت بغزال يمشي بطريقي بوووية خرررب عمي انخطف كلبي مدري شصار بأطرافي كامت تركص وتركض وراها اريد احاجيها خررب حظي شبيها ماتتحاجه بنت منو هاي جنها ملاك صورتها طبعت بكلبي .... شبيك اتسودنت يمصعب ...
اتقربت عليها وصحت يابنية اوكفي بلا زحمة نترت بوجهي يا شايفه نفسها هاي كتلها اشبيج اريد احجي وياج
أيمان ..تحجي وياي وليش يمه شكالولك عني والله يالله ...
مصعب ..شمالج اكلتيني بكشوري اصبري هسه دعرفي شرايد وبعدين احجي.
أيمان ..صفنت هذا شيريد مني بس لا عنده غايه لو شي تخوصرت اله وكتله ..نعم شتريد احجي
مصعب ..وين بيت الشيخ ذيب
أيمان ..رفعت حاجبي وعوجت حلكي وكتله ..شايف ذيج التوثه وبصفها النبكه
مصعب رفع راسه ..اي 🤔
أيمان ..اي هوه هذا بيت الشيخ ذيب ...وهناك وطلعت امي تدور عليه ركضت وعفته للولد واكف وصلت لامي ملكة جانت تخوزر بيه
ملكة ..شتسوين واكفه بصف هذاك الزلمة ولج
أيمان .. ها شسمه يدور ع بيت جدي ذيب ودليته
ملكة ..اصخام بعينج كون اي والله اصخام ..
أيمان ..يا يا شمالج يمه صخمتي عيني
ملكة ..طبي طبي جوه كبل لا اخنج بيدي طبي لابارك الله بيج خلي ابوج يسمعج لا يطيح حظج
أيمان ..اهووو اهوووو هسه شسويت اني صدك جذب
ملكة ..وووجع طبي جوه يله ..رحت اشوف هذا الزلمة ياهو ..كربت منه وكتله ..ها خاله شرايد من شيخ ذيب
مصعب ..واكف محتار هسه شيكول ..خاله اكو جماعه دلوني علي
ملكة ..تفضل انه حرمة ابنه الشيخ
مصعب ..مشكوره خاله ماتقصرين عجل بلا أمر عليج اريد احجي وي الشيج انه دخيل يمكم
ملكة ..تعال يمه هذاك البيت
اخذت هذا الرجال كعد بالديوان وانتظر جيت ضاري أيمان واكفه وتفتر وراي مثل خيالي
صحت بيها كتلها ها ولج خييير شبيج
أيمان ..يمه منو هذا وليش جبتي لبيتنا شمالج يمكن حرامي
ملكة ..جا ولج حرامي يبوكنه مو يسأل عن ابوج
أيمان ..ها اي صحيح هاي فاتتني 🤔..
ملكة ..شو وخري عن طريجي ولج سطرتيني جنج خيالي تركضين وراي
أيمان ..اي اي وخرت ..مشيت بسرعه لديوان وكفت بالباب أسمع شكو ماكو شو مايحجي هذا شماله بس لا اخرس ... ها لالا مستحيل جا مو كبل شوي حاجاني كمت ع السريع ركضت من غير درب جان يطلع ابوي وبجهي وانضربت بي وكبل بكرشه ضربته هههههههه
ضاري .. وييييين رايحه ولج فلك طرج
أيمان ...أخ يابه شمالك تنحنح شوي
ضاري ..شني ولج شكلتي
أيمان ..ها مو شي بس انه شردت اكلك ها صدك اكو رجال بالديوان رايدك
ضاري ...ياهوو هذا
أيمان ..ماعرفه بس هو يشبه عبد الحليم حافظ حتى نفس التسريحة مال الشعر
بس عوزة يغني جباااااااااااااااار 😂
ضاري ..ههههههههه نعل ابليسج شنو من سوالف عندج ....فارجي عن طريجي ام عبد الحليم ترا اموتج خلي اشوف هذا الزلمة شرايد 🤔
أيمان ..اي الحمدالله همزين فلتت من الكتله اشرررررد
وللحكاية بقية ....
شتتوقعون شنو فلم مصعب 🤔
