رواية أم عزباء الفصل السادس 6 بقلم ميلو حسن
شهاب:فتح الباب وخش
وجت عيونه ع شيماء بس كانت متجها ع جهة التانيه
قام عيونه ويحاول يركز فيها ويبي يكدب الي شافه...احححمم
شيماء:جمدت في مكانها وحاولت ثبت نفسها وتقيم لبلوزه
شهاب:تخطا خطوات بسيطه ...شن اديري؟
شيماء:اول م سمعت صوته عرفاته انه شهاب...تلفتت وكان وجها مخطوف لونه😨
شهاب:كان ح يسألها بس في لحضه حس روحه متلخبط
شيماء:تفضل 😄
شهاب:شاف لنفسه انه واقف في نص الدار حس بشوية خجل
اءءءء كك كنت
شيماء:بكامل برود ناضت حطت طه ع سرير وبساته...تقدر تجاوبني ليش خشيت بدون استأذان
شهاب:كنت في المطبخ وفجاءه قاطعاته شيماء
شيماء:اششش جاوبني بهدوء
شهاب:بتوتر...وعلاش خديتي البيبسي من الثلاجه؟
شيماء:حطت يدها ع فمها وضحكت بهدوء..معقوله علشان بيبسي جاي ههه
شهاب:اوك اوك ونسحب وكيف جاي بيطلع
شيماء:ساعه 2توا توقعتك راقد فوق هدا ليش شربتها
شهاب:بصدمه...وانتي من حكالك ع جدول مواعيدي؟
شيماء:بتوتر...لا شيماء خليك طبيعيه
لا لكن انتا تعرف انا ليل كله منرقدش علشان طه يعني عارفه هلبا تفاصيل ع العيله كلها
شهاب:حط يده ع مقبض الباب ....قام حاجبه حاولي تركزي ع شغلك بس نصيحه...وطلعع
شيماء:🤦🏻♀️...خدت نفس الطويل واخيرا الباين انه منتبهش
افففف يعني ضروري نسكر الباب من جديد
رجعت استندت ع سرير ...شويه وكنتي طحتي في مصيبه والي في راسي كله مش راح يصير منه 🥺
شهاب:خش لداره .....يذكر في الموقف الي شافه بس لانه مكانش متأكد حاول يكذب عيونه
💔
__________________________
سماح:كسدت فكرت تفتح تلفونها الي من لما جو بنغازي مسكر
وصلها اول مسج من منذر
انا ف بنغازي اول م تقري المسج كلميني💔
حطت يدها ع فمها ...ونخطف لون وجها وكأنه الخوف سيطر عليها من جديد...مم مستحيل
مسره:فتحت الباب وخشت....وكانت مش ع بعضها
قعمزت ع سريرها
سماح:عيونها في الارض وتحاول تلقا الحل الي راح يخلصها من منذر النحس
ي ربي هدا مش راح يخليني في حالي
ميه في الميه راح يجي وراح يفضحني قدامهم
علاش بيجي بنغازي يعني💔
مسره:كانت افكارها متلخبطه بين حبها لي انور وتصرفاته الي مش طبيعيه
بكل هدوء رقدت ع سرير وخشت في افكارها
سماح:شافت مسره راقده استغربت فيها كيف خشت ومحكتش معاها؟
ثواني وطلعت تبي تغسل وجها علشان تفكر شن راح ادير مع منذر؟💔💔
_________________________
ماجد:فتح الباب الحوش... وخش
رنيم:كانت في دارها وراقده ع سرير لابسه روب لونه وردي وقايمه شعرها فوق ..واخيرا شرف
ماجد:فتح باب الدار وخش والابتسامه ع وجه
رنيم:حليلي ع الي خاش يضحك شنو في؟
ماجد:خش قعمز ع سرير ...نوضي ديرلي عشاء ع سريع وبعدين نحكو
رنيم:غريبه ليا قريب سنه متزوجاتك ومشفتش الضحكه هادي ع وجهك
ماجد:بعيون يلمعو كأنه الفرحه اكبر منه...مش راح نقدر نحكيلك شي الا بعد لعشاء
رنيم:شافتله بتعجب وطلعت ..خليني نجهز لعشاء ونسمعو شنو صاير معاه
ماجد:استند ع سرير وهوا يضحك
____________________________
شيماء:ليها اكتر من ساعه وهيا مستنده ع سريرها بس مقدرتش ترقد
تفكر وتفكر اكتر من سؤال قدامها وكأنه الاجوبه هلبا
هيا عارفه نفسها قعده في امان لكن هيا عارفه مش راح تقدر تبدا في اي خطوه الا بعد م تتأكد من الي شاكه فيه
الام العزباء جنب ولدها وهيا قعده تهتم بيه وعارفه انها نالت اكتر شي قعده عايشه علشانه
لكن في بدل م يخليها تبعد ع كل شي صار العكس ف لحضه ووصلها لهنايا؟؟
عيونها ع طه طول الليل وتفكر في الشي الي واح يسعده وبس❤️
____________________
رنيم:حطت لعشاء كله ع طاوله وجت عيونها ع ماجد الي مقابل التلفزيون ويتفرج
هي تعالا لعشاء جاهز
ماجد:حط ريموت ع طاوله....شن دايره؟
رنيم:طبيخة فاصوليا
ماجد:سامحيني عارف الوقت متأخر لكن هدا وين خوك خلاني اروح
رنيم:تنهدت...من خويا؟
ماجد:منذر
رنيم:هه صدمتني توقعت خويا عليوه روح من بريطانيا
ماجد:لالا منذر كلمني امس قالي انه رجع من طرابلس وحاليا ف بنغازي وحكالي موضوع
رنيم:تنقش في السلاطه...يلي هوا؟
ماجد:يبيني نسافر في مكانه علشان يكمل أمور الشركه
رنيم:ااحححووو
ماجد:مدلها كوب لمياه...اشربي
رنيم:شربت لمياه...اي كمل
ماجد:خيرك معجبكش الخبر
رنيم:اءءءءء...لا لكن ستغربت كيف منذر يتخلا ع سفر
ماجد:اكيد عنده موضوع في ليبيا ورجع ياكل وبعدين جت في وقتها هالسفره
رنيم:ماجد انا احتمال منسافرش معاك
ماجد:بصدمه...علاش شنو السبب؟
رنيم:يعني مش حابه نسافر ومن زمان جو السفر وهكي نتجاهل فيه
ماجد:لكن توا انتي متزوجه معقوله يعني بنسافر كم شهر وانتي مش معاي؟
رنيم:نزلت عيونها....مش عارفه خليني نفكر ورد عليك
ماجد:براحتك لكن كأنه في شي
رنيم:شن بيكون يعني؟
ماجد:يعني معاملتك ليا هالفتره متغيره
رنيم:بملامح بارده...لا مش متغيره عادي انا خاشه بنرقد
ماجد:خليك رنيم انا حاس انه جوك مش تمام
رنيم:لا بالعكس كل شي طبيعي 😄
ماجد:براحتك
رنيم:شافتله شوفه اخيره وخدت بعضها وخشت لدارها💔
ماجد:غريبه تصرفاتها هالفتره ....مسك تلفونه وبعت مسسج
___________________________
سماح:طلعت من الحمام وحاسه دنيا ادور بيها
خشت لدارها قعمزت ع سريرها
كان حتى التفكير يتعب فيها
ملت من نفس القصه ونفس الخوف ورعب
كانت تبي تتخلص من القصه بأي طريقه
تبي راحة تتمنا ترقد بدون م تفكر في شي ؟؟؟
رجعت استندت ع سرير وخشت في دوامة تفكير علشان تفكر في انسب حل 💔
زي اي بنت تصير معاها قصه صعبه ؟؟؟
كأنه ابطال روايتنا كلهم قعدين في نقطة البدايه
شيماء:بعد ماضيها المؤلم الي مليان جروح
والبيبي الي كان في بطنها الأثر الوحيد الي يذكر فيها بكل تفاصيل قصتها الصعبه
بس اول ماجابته ع دنيا كأنه قعد يبينلها انه الحياه حلوه وممكن يستنو فيها ايامات حلوه
وشيماء حاليا في مرحله أقوى واصعب مكانتش متخيله انه ح تصير معاها صدفه زي هادي؟؟؟
ببساطه لانه قريبه هلبا من الشخص الي عباره ع قطعه من قلبها ❤️
الي هوا طه لكن للحضه هادي مافيش شي جديد عليها غير لمكان الي قعده فيه
حاسه نفسها انه هيا في مكان مش معروف نهايتها فيه كيف راح تكون
لكن بما انه نقطة بدايه لحياتها كاأم
تفكر بشكل يخوووف قادر ياخدلها حقها الي ضاع منها بسهوله
بعد كل كسسسر مش حياه سوده بالعكس قوووه رهيبه🔥
سماح:الي تأثرت هلبا بي قصة اختها
تأثرت مش نفسيا بس
حتى كونها الأخت الاكبر حاليا وكونها البنت الي تشوف في أمها وأختها محتاجين سند بعد موت بوهم
كيف راح يتعايشو وهكي
اضطرت تدخل طريق صعبه علشان توفر ابسط الأشياء لعيلتها لقت نفسها في وسط حرب كبيره ومش قادره تطلع منها؟؟؟
ومش قادره مسامحه أي حد مذنب وهوا سبب الي خلاها تضعف قدام منذر علشان علاج امها
مقدرتش تشوف أمها تموت قدامها💔
بس حتى هيا في نقطة البدايه
علاش ؟
لانه مخترتش تكمل مع منذر نسحبت بكامل قناعتها علشان تبدا حياه جديده
قدرت تتجاوز الماضي بس الماضي موصر يلحقها
بس ختارت حتى لو وصلها للموت من راح ترجع للماضي تاني؟
وهدا الشئ يكفي انه يأكدلنا انه سماح واقفه في نقطه جديده ومش معروف الأيام شن مخبيتلها؟؟
كأنه القوه اكتر شئ لاحضناه🔥
أما مسره لحضه هادي ممرتش بقصه أو شئ في حياتها بس حبت حب من طرف واحد
الأسئلة الي في راسها عباره💁🏻♀️
ليش انور وصل فيها واهتم بيها بعد كل شئ صار وساعدهم
وهوا السبب الي خلا عمامي يرجعونا للبنغازي؟
حتى ماجد الي كان يحب شيماء مقدرش يتصرف ولا يقنعهم زي م دار انور
مافيش شئ يبرر مواقف انور الا لو كانت قصة صايره مرتبطه بقصة شيماء💔
هنايا مسره تأكدت انه الحب الي تخيلاته عباره ع وهم مش اكتر
بس مفكرتش تقنع انور بالعكس قعدت تقنع في نفسها انه تشوف انور انه ولد عمها مش اكتر💔💔
وكأنه حًًً تبدا في نقطة بدايه تانيه لكن مش معروفه شنو هيا؟؟
أما رنيم الي كانت أي شئ من ماجد عندها حلوو وراضيه بيه
وكانت متحمله حتى تصرفاته ومحترمه حبه لي شيماءًً وتزوجاته حبا فيه بس مكانتش متوقعه ح تكون قصتها معاه هكي أو ماجد ح يكون هكي؟؟
بس اليوم لا 🙅🏼♀️
استبعدت هلبا أشياء كانو عندها الاساس وقربت هلبا أشياء كانت هاملتهم
قرار واحد خلاها تقتنع بهلبا حاجات وتبدا آو بالأحرى توقف عند نقطه بالنسبه ليها حياه جديده ؟؟
شنو الشئ الي مخلي رنيم توصل بيها الحاله لهني
وشن قصتها مع انور؟؟
ممكن سر من اسرار الماضي🤔
كل القصص مربوطه ببعض وراح نبدو نكتشفو فيها مع بعض💁🏻♀️
لكن وفاء كانت تتفرج ع الكل وخدت قرار انها معاش تدخل في حد اكتر م دخلت
كأنه حست انه وضيفتها انتهت ووصلت لكل شئ تبيه
مكانتش حاسبه انه ربي فوقها وقعد يمتحن فيها لكن هيا في كل امتحان تغلط
🔥🔥🔥
__________________________
ثاني يووم:-⛈⛈
ساعه 11 الصبح
شيماء:فتحت عيونها ع صوت طه يبكي
ناضت متسرعه وقاماته بين يديها ...وهيا تحاول تلعبه علشان يسكت شويه
هبه:خشت تجري...وين كنتي راقده لتوا والولد صوته واصل لأخر الدنيا هاتيه
شيماء:ضمي فمك ردي بالك تصدقي روحك
هبه:هاتيه أصلا عمتي بتلزك لانك مردف وقليلة أدب
شيماء:باعدت طه ع هبه....ههه كأنك بديتي تصدقي ف روحك انك أم وفعلا عمتك بتلز المربيه المهمله
وعايشه الدور
هبه:هاتيه عمتي تبي تشوفه
شيماء:بنغيرله حوايجه وبرضعه وبعدين نزليه لعمتك
هبه:قامت صبعها بحركة تهديد ...أنا عارفه انه كل تصرفاتك علشان تصير مشكله وتحكي القصه
شيماء:ههه صبببح نتلفي من قدام وجهي
هبه:مش عارفه وين كنتي بس مصيبه ربي بعتك لينا
شيماء:بصوت بارد وهيا تغير لي طه في حوايجه...أنا أم وطبيعي ح تلقيني في وجهك قبل حتى م تفكري تتصرفي في أي شئ
وبعدين أنا مش لايماتك لانك مش أم ومش راح تحسي بشعور الأم اتجاه صغارها
هبه:مقدرتش ترد بحرف واحد ع شيماء
خدت بعضها وطلعت تغلي🔥
شيماء:شافت لعيون طه...وهيا حاسه بالانتصار
_______________________
سماح:مرقدتش كويس طول الليل وهيا خايفه
مسره:سماح سماح
سماح:هاااااا
مسره:نوضي قريب يأذن الضهر وأنتي راقده
سماح:تتاوم بفشل....ماما ناضت؟
مسره:قعمزت ع سريرها...أي ليها ساعتين نايضه وتسأل عليك
سماح:افففف خداني النوم ومحسيتش عطيتاها لحبوب؟
مسره:أي خدتهم وفطرت نا وياها...وأنتي غريبه مشً من عادتك
سماح:نزلت من سرير....مرات من التعب محسيتش بي شئ
مسره:سلامتك...أي قبل مًننسا وصلاتكً اكتر من رساله
سماح:اءءءء...قريتيهم أنتي؟
مسره:ههه أيي قريتهم
ع أساس يعني بدون رمز
سماح:خدت نفس....وطلعت من الدار وخشت للحمام💔
مسره:فتحت روشن الدار وعيونها ع حوش عمها؟؟
_________________________________
ماجد:كيف راجع للحوش .....رنيم رنيم
رنيم:قلبت عيونها بملل....انعم
ماجد:خش للمطبخ حط لبضاعه ع طاوله...كان يكلم فيا منذر
رنيم:من الصاله....خيره؟
ماجد:يبي يعرف شن القرار الي خديناه
قتله اختك قعده تفكر لكن أنا معنديش مشكله
رنيم:احسن
ماجد:خش الصاله...تقدري تفهميني خيرك؟ وعلاش مسكره راسك ع سفر
رنيم:عيونها في تلفون....عادي مش شئ غريب
نا منحبش السفر وبس
ماجد:مسك منها التلفون وهوا يتقرب منها
حبيبي علاش هدا كله ؟ وبعدين أنا نبيك تكوني معاي
رنيم:سحبت يدها منه خليك بعيد مرات تصير غلطه بينا
ماجد:بصدمه...غلطه؟
شن تقولي رنيم أي غلطه الي راح تصير
أنا راجلك مش حد غريب
رنيم:مش هكي قصدي
ماجد:بملامح غاضبه...اشرحيلي شنو قصدك؟
_____________________________
شيماء:خشت للمطبخ لقت العيله كلها قدامها...وقفت في بداية المطبخ
اسمهان:استغفر الله
مرح:شنو ماما شكله كلامك معاش يتنفذ في هالحوش
شيماء:فتحت الثلاجه ...طلعت باكو عصير...متع مني هدا؟
دعاء:للكل
شيماء:تبصري😂
دعاء:حست روحها عبيطه...قصدي تقدري تشربي منه عادي
شيماء:قعمزت ع كرسي...مقابله اسمهان...شنو ي حلوه شن هاالاطلاله الراقيه هادي
اسمهان:في من تكلمي أنتي؟
شيماء:معقوله😄...في حلوه غيرك معانا
اسمهان:هههه
شيماء:بصراحه عجبتيني من اول مره شفتك وخشيتي الخاطر لكن مش عارفه خيره امس القمر متعصب
اسمهان:وقفت بجد قصدك تحكي ملابسي عجبوك
مرح :😳😳
شيماء:وربي تقولي قمر 14
اسمهان:سلمك حبيبتي كلك ذووق
شيماء:وإنتي موحه محلاك تشبهي ممثله اجنبيه
مرح:أكيد هاندا صح؟
شيماء:بززبط أكيد هلبه قالهولك قبلي
مرح:ياما قالولي وبصراحه فيه شبه كبير بينا
شيماء:ي روحي منكم والله طلعتو طيبين
اسمهان:كيف؟
شيماء:يعني امس صارت بينا مشكله وهكي
وضميري مريحنيشً الحق
مرح:ولا يهمك طلعتي عكس م توقعت حتا نا
اسمهان:حتى أنتي تهبلي لكن اهتمي بي طه لانه هبه قتلي انك مهمله هلبا
شيماء:لألا هبه خايفه ع طه بس لكن هيا عارفه انه نا مهتمه بيه اكتر منها
اسمهان:أي بالله ردي بالك ع حفيدي لانه معنديش غيره في دنيا
شيماء:طه في عيوني بدون م توصي
دعاء:واااو خشيتي لقلب أمي وأختي زي مً خشيتي خاطري
شيماء:حبيباتي انتم😍
______________________________
سماح:ٌطلعت من الدوش ....وخشت لدارها
مسكت تلفونها علشان تقرا المسجات المقرفة الي واصله من منذر
استجمعت قوتها وفتحت اول مسج
تنهدت وارتفع صوت شهقتها
مسره:شن في خيييررررك؟؟
🔥رِوَايـــــــــات ميـــــلـو حــــسسـٰـــن🔥
🔥رِوَايـــــــــات ميـــــلـو حــــسسـٰـــن🔥
ماجد:متأكده انه الشي هدا بس صاير
رنيم:اي ماجد الي حكيتهولك والشئ هدا موترني
ماجد:اها غريب لكن مدام الدكتوره قالت انه الفتره هادي نكونو بعاد ع بعض يعني اكيد علشان صحتك
رنيم:☺️ايي هدا ليش لكن عادي متفكرش فيا لانه لحبوب الي خديتهم خلوني نتحسن شوي
ماجد:تمام حبيبتي وباسها ع راسها...زيدي فكري في سفر متنسيش
رنيم:☺️...ان شاءالله
ماجد:انا بنخش بناخد ساعه نوم
رنيم:تمام ي قلبي 😄
_____________________________
سماح:عاودت تقرا في رساله من جديد من كثر الصدمه
سماح انا اسف ع كل شي نتمنا تردي حتى برساله بس
ونبي نشوفك في اقرب فرصه نوعدك مش راح تندمي
اختاري مكان يساعدك حتى مطعم المهم اعطيني فرصه نتكلم معاك
مسره:خلاص فهمنا...توا فكري شن راح تردي عليه
سماح:شافت لي مسره....ممم مش عارفه
اصلا انا مش قادره نعطي فيه الثقه تاني
مسره:لكن كلامه يدل ع انه نادم ويحاول يصلح الشي الي صار
سماح:لكن صعب نوثق فيه تاني مهما كان
مسره:لكن لو هوا يهدد فيك زي م قلتي وجي بنغازي يعني قادر يأذيك امتا م يحب
لكن باين الولد متأثر وحاب يحكي معاك
سماح:هك تقولي؟
مسره:اي لكن شن رايك تهدي اول شي وتفكري كويس وبعدين تردي عليه
وتقدري تختاري مطعم بعيد ع شارع ومأمن
سماح:بصوت متوتر....منعرفش انا مش راح ندير شي مش مطمنتله
مسره:ديري رايك انا عطيتك مجرد رأي
سماح:هزت براسها وهيا تفكر شنو راح ادير؟💔
🔥رِوَايـــــــــات ميـــــلـو حــــسسـٰـــن🔥
🔥رِوَايـــــــــات ميـــــلـو حــــسسـٰـــن🔥
دعاء:فضيعه انتي بصراحه قدرتي تكسبي ماما ومرح😂
شيماء:مش فضيعه انا اصلا مصدومه في روحي
دعاء:كيف؟
شيماء:يعني نقاط ضعفهم طلعت زي م توقعت بزبط😂
دعاء:🤣🤣لالااااعع خليك مع ماما الي مصدقت روحها
شيماء:هههههه ضروري الحوش يكون هادي
علشان كل شي يمشي تمام
دعاء:استغربت....كيف مفهمتش؟
شيماء:حست روحها خرطت شويه....قصدي انا هنايا علشان نهتم بي طه والحق البيبي محتاج هدوء
دعاء:اهاااا...اي فهمت عليك
كأنه حسيت اهتمامك بي طه كبير
شيماء:انا نحب نخدم بضمير وشي طبيعي راح نحبه
هبه:خشت ....شنو اديرو انتم هنايا؟
شيماء:انا نحكي ودعاء تسمع 🙄
هبه:شنو المواضيع المهمه بينكم وامتا لحقتو تتعرفو
شيماء:الي حاط في راسه هدف حً يحققه😅
هبه:ع أما هدف تحكي انتي وجهك وجه اهداف اصلا
شيماء:هههههههه لالا وجهي وجه كشف حقائق😄
هبه:😰😰....شافت لي دعاء وعرفت انه نست روحها
دعاء:مه ع أساس المربيه انتي جايبتيها وع ذوقك
بصراحه نا معاش فهمتكم معقوله مربية ولدك نازله فيها تهزيب
هبه:بلعت ريقها.....هههههه قصدك انتي مصدقتنا ي عبيطه
حنا قعدين نبصروًً
دعاء:شافت لي شيماء...صح كلامها؟😦
شيماء:معقوله تكدبي مرت خوك ام طه حفيد العيله اي اكيد بصاره
وشافت لي هبه طه ولدي مش ولدك😂😂
دعاء:😂😂
هبه:😰😰
شيماء:عادي عادي مجرد بروفا😂
هبه:طلعت متنرفزه
دعاء:والله جي من يقدها مرت خوي😂
شيماء:هلبا انتي😅
________________________________
ساعه 1 في ليل🌙
شيماء:تلمس ف شعر طه وهوا راقد....حبيبي ي عمري انتا
والله شفتك بس محليتين ننسا كل شي
بساته ع خده....وناضت من جنبه
ريحتي قارصه منه لمعفن هدا ....فتحت الدولاب طلعت حوايجها وخشت للحمام💧
______________________________
سماح:بعد تفكيييير طويل خدت قرار انه ح تشوفه اقل شي متقعدش تفكر وتسيطر ع خوفها
بعتت مسج (اوكى لكن استنا مني اتصال
منذر:فرحتيني برسالتك تمام براحتك
سماح:قرت الرساله ...سكرت عيونها وهيا قعده بين الثقه والخوف
بس تحاول ع قد م تقدر انها توثق فيه وتكون اقووى🔥
_____________________________
شيماء:مستحيل يعني مافيش مياه ساخنه....بعد شوي تفكير
التيس يروح ساعه 2 واليوم خميس يعني اكيد راح يرجع متأخر
في لمح البصر خدت أغراضها وطلعت ومتجها لغرفة شهاب 😂
___________________________
رنيم:خشت لدارها..... جت عيونها ع ماجد ماسك التلفون وباين يتراسل
تصبح ع خير
ماجد:عيونه ع تلفون....سعيده
رنيم:بدون م تهتم بي شي سرقها النوووم😴
__________________________
دانا:غريبه صدمتني امك توا
وفاء:تتراسل....عادي شنو الشي الي صدمك يعني
دانا:ماجد ولد عمك بيسافر ورنيم معارضه حاليا
وفاء:رنيم مش عاجبها يعني؟
دانا:لا مستغربه انه واخيرا دارت عقل
وفاء:عادي مرات متبيش تبعد ع أهلها
دانا:كل يوم في هالدنيا تسمعي شي جديد
بس بصراحه دارت شخصيه لروحها رنيم
وفاء:لو تنهي السيره وترقدي يكون احسن
دانا:جبدت الورغان....ههههه زعما ف أما عيله قعده تخربي
وفاء:استغفر الله🤦🏻♀️
دانا:تعوذي من نفسك ي شيطان😂
_________________________________
شهاب:كيف راجع للحوش ....ركب الدروج ومتجه لداره
شيماء:جففت شعرها بالفوطه ولبست كبوط الحمام وخدت حوايجها في يدها وكيف طالعه
شهاب:فتح الباب وخش.
شيماء:انتا جيت؟
شهاب:جت عيونه ع شيماء وهيا في منضر شبه عاري
تغيرت ملامح وجه.....وتكلم بصوت عالي
شن اديري؟
شيماء:طاحت منها الفوطه...نزلت تاخد فيها بان صدرها كله
شهاب:اطططططططللللللعييييي
شيماء:بصدمه....قامت الفوطه وكيف بتطلع نفتح الكبوط
شهاب:قرب من لمرايا وبدا فيها تكسسسير
شيماء:خافت...طلعت تجرري
شهاب:موقفش تكسير وعياط
شيماء:سكرت الدار بالمفتاح....وهيا تاخد في نفس
هدا اكيد مجنون مستحيل يكون طبيعي
معقوله علشان خشيت للحمام متعه كسر الدنيا
وبدت تسمع في صوته يعلا
افففففف ي ربي شن العمله الي درتيها شكله هالمره بيخرب كل شي
ولن سمعت اصوات
اسمهان:استهدا بالله ي وليدي
مرح:مياه قرأن اشرب تنفعك
شهاب:فتح الباب ع كببره وطلعع
دعاء:شن صاير ؟
شهاب:طلع بدون م يوضحلهم شي
مرح:شن صار ؟ رجعت حالته الاوله
دعاء:تبكي....ي ناري ع خويا كابوس مقدرش يتخلص منه
اسميهان:يااااااربي انتا تشوف في وليدي
شيماء:الحمدالله انه محكاش لي حد ع الي درته
لكن شن الي قعدين يحكو فيه عليه ؟؟
معقوله؟ لالا متفكريش زي زمان
اكيد في شي صاير
لكن لدرجه هادي عنده حساسيه اتجاه لبنات؟
شن مازال نعرف ع شخصيه الغامضه ي شهاب💔🔥
_____________________________
بعد مرور يومين 💁🏻♀️
ساعه 5 العصر:-
ترن ترن ترن:-
سماح:فتحت الخط....ايوا
دانا:هيا سماح نستنا فيك برا
سماح:تمام
ي ربي قويني وساعدني ومتخلنيش نرجع للحوش الا ونا فرحانه
مسره:خشت ....توا بتطلعي؟
سماح:ايي ادعيلي🥺
مسره:ربي معاك ي قلبي وطمنيني
سماح:ان شاءالله ....خدت بعضها وطلعت!!
__________________________
ماجد:شنو حبيبي؟
رنيم:تصب في القهوه....اليوم في ليل ارد عليك
ماجد:واخيرا فرجتي عليا
رنيم:لكن انا قعده مرديتش عليك
ماجد:ههه لا انا عارف مرتي مترفضليش طلب
رنيم:😄😄
______________________
شيماء:ماسكه السفره...ومتجها لصاله
دعاء:تعالي تعالي وربي خليتني ندمن ع البطل هدا
شيماء:حطت السفره....وين العيله؟
دعاء:محمد رفع هبه لي اهلها وماما ومرح سمعو المول جايب بضاعه مشو بيشوفو لبضاعه
شيماء:امممم ووشهاب؟
دعاء:انسيه توا مش راح يرجع الا بعد أسبوع أو اكتر
شيماء:وين يمشي؟
دعاء:اكيد في شقه الي ف لحوازه
شيماء:لكن يومها مش طبيعي بجد
دعاء:اي حسبي الله ونعما وكيل في الي كان السبب
شيماء:تقدري تحكيلي قصته
دعاء:ههه انتها لبريك يعني ؟ 😂
شيماء:يس يس ...احكي هي😄
دعاء:الحق قصته غريبه هلبا
شيماء:يلي هيا؟
_______________________________
سماح:نزلت من السياره ....شكرا دانا
دانا:العفو وامتا تحبي نجيك؟
سماح:بينا التلفون حبيبتي
دانا:اوك ي قلبي باي باي
سماح:ترجف مع بعضها لن وصلت قدام باب المطعم
وقفت خدت نفس ....ي ربي وخشت
جت عيونها ع منذر ومعاه مراء ....🤭تنهدددت
___________________________
رنيم:ايوا نسمع فيك
انور:شن الي قعد يخططله ماجد؟
رنيم:أنا نستنا نكلمك باش ناخد رايك نسافر أو لا
انور:مش وقته الموضوع بككل
رنيم:ونا مصدومه اكتر منك لكن قولي شنو اندير انور؟
———————————-
مسره:كيف واصله لحوش عمها ...وهيا خاشه
جت عيونها بصدفه ع روشن دار وفاء
وشافت وفاء ماسكه صوره وتبوس فيها
تحاول تركز في صوره اكتر لن خدتها رجليها لجهة الدار وشافت......
