رواية خائن لا يعرف الحب الفصل السادس 6 بقلم أحمد حسن الخفاجي
تبخر كل شي وبديت الهي نفسي بالشغل واروح لصديقاتي كاعدين بصفنة حايط ع حايط رنين وبنين صديقاتي من الطفولة صح اكبر مني بس اموت عليهن ويموتن علية رنين متزوجة مواليد 87 عدها ابنية وبنين مامزوجة مواليد 89 وعلي اخوهن مواليد 86 مزوج بنت عمة شهد يموت عليها طبعا خوش بنية هم تحبني مواليدها 91 بكدي بس ماعدهم اطفال خطية شكد راجعو مصار عدها علي ورنين تؤئم شكلهم حلو مقبول وبنين ناعمة وسمرة نازكة شهد حلوة شعرها اسود وحنطاوية عيونها سود بطولي تقريبا بين يوم ويوم اروحلهم لو يجونة بالليل مرت تقريبا شهر بديت انسئ نور مو مثل قبل يمكن دعاء امي الي هو اليخليني قوية ومااضعف ولا انكسر جان يوم خميس الجو حلو توهة دتشتي كاعدة اني ورنين وبنين وشهد بالصالة دنسولف وامي وام علي وابو علي وبابا جانو طالعين رايحين للشمال يتونسون ومناك يروحون للطبيب ام علي هم عدها ربو مثل ماما
جنة دنتابع فلم رعب واتصل علي ع شهد كالت علي يريد يجي يحجي وياج كتلها هلا بي شنو غريب بس اتفاجئت علي يجي يدخل من غير مايستاذن يعني احنة نعتبر اهل من زمان بالمنطقة ورابين سوة وية اخواتي شعجب داحجي بكلبي وندكت الباب دخل علي سلم بس شكلة مايتفسر سالني وين احمد كتلة طالع واجب ب 12 يجي كال خوش حتئ اخذ راحتي بالسوالف سالني كال تانيا انتي اختي وحالج من حالهن اعرفج حبابة وخوش بنية بس اليوم صار موقف خلاني انصدم بس ماعرف هو اكيد راح يفرحج هو يحجي واني خايفة كلت بس لا عرف بسالفة نور كال اجاني حيدر طبعا حيدر صديق نور وبنفس الوقت صديق علي المقرب بس علي ماعندة علاقة بنور صح هم ولد منطقة بس علي مايحتك بيهم هواية حيدر كال لعلي اريد احجي وياك واتمنئ تسمعني للاخير ولتقاطعني وبعدين احكم وشتسوي بية سوي كايلة احجي وماقاطعك
كالة اني عجبتني بنت جيرانكم توتة وخليتها براسي وشكد حاولت وياها وماكدرت وجنت مراقبها بس عرفت عدها علاقة بنور وسحبت نفسي نور صاحبي واخوية صح تاذيت انقهرت وابتعدت عن نور وبنفس الوقت كرهتهة لان خربت علاقتي بنور ومانطتني مجال قبل فترة جنت كاعد ودك التلفون رقم غريب فتحت خط طلع صوت ابنية كالت حيدر اريد احجي وياك اني هاجر اخت نور كتلها تفضلي خيتي كالت اريد منك مساعدة نور ابعدة عن تانيا وشترريد اني حاضرة كتلها ليش وشمعنئ اني كالت ادري بيك تحبها ورايدها بس احنة منريدها نريد نخطب بنت خالتي اله ومنريدها وفعلا ساعدتها علمتها تاخذ تلفون تانيا ودز رسالة منة لرقمي الثاني علمود تثبت علئ تانيا وكالت اليوم نطلع للزوراء وعلمت 2 شباب انطيتهم افلوس يروحون يتحارشون بيهة بس هي ختلت ورة امها وجان المتنزه مليان حرس مدني وعسكري وماكدرو يكملون واني رحت حجيت لنور كتلة شفت تانيا متواعدة وية واحد بالمول وماخذلي صورة وفعلا اني بيومها جنت بالمول كاعدة وامي راحت تجيب عصائر كالت كعدي هسة اجي اشو ورة شوية اجة شاب كعد مقابيلي كاشخ ومبتسم كتلة العفو شعندك كعدت كوم هاذ الميز النة كال انتي مروة كتلة لا اعتذر وكام اثاري هاذ الولد حيدر دازة علمود يصورنة المهم كل الادلة تثبت اني عندي علاقة
