رواية هدية الشيخ رضا الفصل الخامس 5 بقلم أوتار حزينه
رضا
رجعت الظهر للبيت طبيت من المطبخ مابي احد
رحت للصاله عكدت حواجبي من شفت حبوبتي
يم الدرج وتنده
يانبعه شصاار فوك
صحت
شكو شصاير
اجيت يمه امشي شوف شصاير يمكن بنت حمديه العرمه طكت ليله
صعدت بسرعه لفوك ورد وعد واكفات يم باب غرفه ليله طبيت فكيت عيوني من
شفت شصاير بوجهها
دارته مني بسرعه
انتبهت هدومها مشموره بالگاع والكنتور مفتوح
مشيت الها كلت بهدؤ بس نار كبت بيه
لزمت وجهها غطته بأيدها
تبجي وتشهك سالت
باعصاب
يمه شصاير
ماردت عليه اتعاين عليه وعلى صفيه
صحت
«مااتحجن
«حليمه طگت ليله
من ردت صفاء لميت قبضه ايدي وعصرتها بقوه
جزيت سنوني اعاين الها هدومها كلها دم
سالتها بهدؤ لجن اغلي من
جوه
لييش طگتج
ردت بشهكه
ماكو شي
صحت بنفاذ صبر
ليله اااااحجي كولي ليش طگتج
رضا ماكو شي هيج صارت سالفه ماتسوه
خزرتها بغضب وكلت
مااريد جذب وكولي شسوت الج وليش
هيج طاگتج
دارت وجهها تبجي حجت الصار صفيه كملت
والله ياخويه مرتك هم طردتني اليه وهاي
امي واسالها
مشيت بسرعه امي اجت ورايه تصيح
«رضا اوكف مارضينا الها ولك يمه
رحت لغرفتها فتحت الباب بقوه كامت بفزه
بناتي يمها عاينن عليه بخوف
كلت
«دارجن بسرعه
«بويه امي ماغلطت وياها هي تجاوزت عليها
وعيرتها بسالفه خالي
زينب حجت وانهديت بيها
«ااانتي انجبي ولا جلمه اسمع منج
حليمه ردت بصياح
«ليييش تنجب لان حجت الصدك
«حسج ووولج ومااريدج تحجين جلمه
صحت بغضب ماسكتت ردت عليه بصياح
«خااف الله بيه تره ظلمتني هوااايه شلون
انت شيخ وتحكم بالعدل وكل وقتك
گاضي يم ست الحسن
الي ماصدكت انطوها الك هديه
حتى تلبد يمها اريع وعشرين
ساعه
«هذا الكلام اليه
«ااي الك يبن عمي الي ماتعرف حكوك
الله ولا تعرف مخافته
تقدمت عليها اريد اعدمها العافيه
امي وكفت بوجهي وكالت
«رضاا بخت محمد لتسويلها شي
«والله بس تمد ايدك عليه الا اكول لاخوتي
وهم يعرفون شغلهم وياك
حجت هي وتخبلت ،،هديت عليها گضيتها دك بالعگال امي تصرخ تريد توخرني منها ماكدرت
صفيه طبت علينا هي وليله وكفت
بوجهي تبجي وتتوسل
« رضا عوفها لخاطر بناااتك عوفها
وكفن كلهن بوجهي صحت بخبال
«كاااعده تخوفيني باااخوتج ولج طز بيج
انتي وياهم اذا بيهم رجال خلي يجي ويگلي
جلمه الا اشوفه شي مو شايفه
بناتي اجن يتوسلن اعوفها ويبجن ليله جرتني
من ايدي وكالت
«لخاطرهن هن عوفها رضا عاين عليهن راح يموتن
من الخوف
سحبت ايدي منها بقوه رحت لحليمه
امي وكفت بوجهي كلت باعصاب
«اااسمعي ولج ليله وخواتي
خط احمر اذا تجاوزتي بعد عليهن او
مديتي ايدج على اي وحده منهن اطلكج والله
وادزج لاخوتج المحتزمه بيهم
خل هم يلفوج ويتحملون هم
گوايتج وقله ادبج
ليله
حجيت ااصار بعد الحاح رضا وعدالي بس راح
يحجي وياها لجن فاجأني من شفته تخبل
وهد على غرفتها سمعت صياحه وعياطها كمت من مجاني ورحت بسرعه علي طبيت شفته يكتل بيها بالعگال وكفت بوجه مااريده يأذيها من ورايه
صح هي اذتني بس ماردت يمد ايده عليها
وتطلع من وجهي هالكتله
گوه طلعنا منها يعد ويغلط عليها وهي تدعي على
روحها بالموت وبناتها يبجن يمها اخذنا
لغرفتي جر روحه بقوه
مني انه وامه
وكفت اعاين اله راح كعد يهز برجلي والغضب
تارس ملامحه عاين عليه درت وجهي منه
خجلانه من الصار ومااعرف
شلون اتصرف امه كالت
صفيه انزلي لجدتج كاعده تنده علينا
اخته طلعت من يمنا كام وكال
شلون وياها يمه شااسوي الها اطلگها الاوادم تاكل
وجهي وتعيبني لان طلكت بنت عمي
لا يمه لاتحجي بالطلاك عندك بنوات منها شتريد
تكسر بختهن بطلاك امهن
امي سكتت شويه بعدين راحت ليمه وكملت
هدي يبعد امك راح يصير بيك شي من وراها
لبنت حمديه شاتحصل انه اذا صارلك
شي
ااستغفر الله ياربي شاسوي اريد حل تعبت منها
ومن سوالفها الرديه موش حرمه غضب وطاح
على راسي تريدني اعدل وهي
خلت بگلبي لجمه ماراح
تطيب طول العمر
هي ضيعتك من ايدها وخلتك تجفاها من وره
عملتها الرديه
اسمع وماجاي افهم شنهي السالفه
مريم طبت وكالت بخوف
جده حبوبه تريدج
جااي عرفت وهم راح تعلكها على راس
المكموعه بنت حمديه
عمه ردت وطلعت من يمنا سدت الباب وراها
ظليت واكفه بمچاني اعاين اله الوجهه صار دم
والعيون جمر رفع راسه نزلت عيوني منه
كام واجه ليمي كض خدي
دمعتي نزلت كلت
ماردتك تضربها من ورايه راح تكرهني بالزايد
طبها طووب هي جابتها لروحها هذا الي مايحترم
روحه يجيب المهانه لنفسه
رد عليه بغضب تمعن بوجهي وكمل
هااي شمسويه بيج الماتخاف الله
رحت لحظنه ابجي واشهك لمني وكال بصوت مخنوك
اخ ولج وحك الله لو ما هذني البنات برگبتي
الا اطلكها من زمان وادزها لاهلها
وخرت منه هزيت راسي بلاااا وكلت
لااا مااريدك اطلكها خطيه هي وبناتها رضا
من الغيره هيج كاعد تسوي انت ماا
سكتت من دار وجهه مني وراح كعد على
القنفه ورث جكاره وهو عاكد الحواجب رحت
ليمه كملت
هي كالت انت ماجاي تروح الها وهذا الشي
حرام يارضا
هالشي يخصني ماايخصج ياليله
كعدت يمه رجع ليوره وسند ظهره صافن ومبين
القهر سالت
شصاير حتى هيج تكره ام بناتك
دار وجهه عليه بسرعه وخزرني رد بغضب
هذا الشي بعد مااريدج تساليني علي افتهمتي
صفنت علي من رد هالرد دار وجهه
مني واخذ نفس من الجكاره ذبه وكام لحيله
كمت سالت
وين رايح
هاي هم لاتساليني عليها
رد مختصر ومشى من يمي وطلع
صفنت على الباب من سده وراه دمعتي نزلت
كعدت بمجاني مااعرف شاسوي ولا شلون اتصرف
عزت عليه نفسي لان حليمه طگتني وانه بعدني
عروس مانزلت ولا تغديت صفيه
اجت حجت وياي ماقبلت
اكل لكمه
حبست روحي فوك دمعتي بعيوني واريد
اروح لهلي
رضا
اخذت سيارتي وطلعت للگاع مالتي هناك
كعدت قريب من الشط وصافن اله بداخلي نار
مشتعله ماطفت ابد من وره حليمه والسوته بيه
والكاعد تسوي
اريد اطلكها لجن مااكدر متربط بهل البنات واخافن
اكسر بختهن اذا سويت هالشي وهم
هي مو غريبه بنت عمي
والاوادم راح تعيبني
اذا سويت هيج
ورثت جكاره اللخ جهازي دك عاينت اله
حيدر متصل رديت
هلا خويه
هلا شيخ شلونك
ماانه بخير ياحويدر
ياا ليش شيخ شصاير انت وين
بگاعي كاعد يم الشط
الجو مغيم ياخويه وراح تمطر
خلها تمطر بلكي تغسل الهموم
جاايك شيخ
تعال انتظرك
سديت الخط وظليت صافن للمي يمشي
ومايوكف هيج حياتي وي حليمه مشت ومااعرف
شوكت توكف
حيدر
اسوق وبالي يم رضا الي من اخذ بنت عمنا وهو
ماارتاح ولا شاف الراحه گضها طلايب وياها
وزادت من توفى عمي الشيخ
لان اخوتها عبالهم هو انكسر من مات ابوه
وعوده طري لجن هو فاجأ الكل من وكف بوجههم
ولعب بيهم فلك من رداو ياخذون كاع
عمي بالحيله والمگر وجانت
حليمه حرمته وياهم
بهل السالفه والي خلته يجافها ويكرهها
من وره هالعمله الرديه
تزوج بنت شيخ انور وعداله يرتاح ويجي
الولد الي يريده لجن هم ماشاف الراحه وظلت
البومه حليمه تنغط علي ويوميا طلابه
مسويه وي سميه الما الحرمه
ماتت وخلصت منها
وهسه اجه الدور على حرمته الثالث
بنت عم علوان
وصلت للگاع مالته ورحت للشط وصلت ليمه
كاعد وصافن للشط نزلت ولا جن حس
بيه كلت
الله يساعدك شيخ
دار وجهه عليه ورد
هلا خويه
رحت كعدت يمه ماحجيت شي ساكت
وانتظره يحجي كال وره دقائق
بتعب
ياخويه بنت عمنا تعبت حالي
هزيت راسي باي كمل
شلون وياها انه النفس كرهت شوفتها ماعاد
اطيقها ولا اطيق شوفتها اريد افارگ لجن اكول
هالبنات راح اشيل خطيتهن اذا سويت
هالشي
موش بس هذا ياخويه الاوادم هم راح تعيبك اذا
طلكت بنت عمك
ااخ ولك ااخ ياحويدر تربطت ايدي من وره
هالشي گلي شور عليه يبن عمي شاسوي لحالي
تعبت ومليت اخذت بنت عم علوان شفت الراحه
جم يوم وها اليوم طبيت لگيتها كاتلتها
ولاعبه فلك بوجهها
فگيت عيوني سالت بذهول
شنوو
اي مثل ماسمعت وفوكاها تهددني باخوتها العارات
شااحجي كلشي يطلع من بنت عمنا ومو جديده
عليها هالسوالف
سكت ماحجه شي اعاين اله وجهه دم وصافن
بعيون حمر للمي الدنيا مطرت كام لحيله
وكال
كوم بردت ومطرت علينا
مشى لسيارته حرس اثنين اجوي من بعيد كمل
اروح اريح لان راسي فد مرة كام يوجعني
هدي شيخ تره هاي سوالف نسوان وتصير
بينهن
مارد ضايج والوجه مطعون سلم وراح
ليله
مرت ايام على الصار وشفت الشغله عاديه
عند حليمه ولا جن رضا كاتلها ولا هاينها
جدامنا وهم نفس الطبع وياي تنغز بالحجي وتذب
كلام مثل السم
جنت مقهوره كلش وعازه نفسي عليه لان هي مدت ايدها عليه وغطلت وفشرت انه جنت بيت ابويه محد يغلط عليه ولا هو ولا اخوتي مدو ايدهم
عليه بيوم
نفسيتي تعبت ومااعرف شصار بيه
كمت مااكل غير شي قليل ومااحجي اتنجب
اتواجد وياها بمجان مو خوف لا خايفه
من رده فعلي خاف احجي كلام
يغضب رضا وهو اصلا
وصاني مااحجي
وياها بشي
كاعده على العشه صافنه للخبزه بايدي
سمعته كال
اكلي ليله
ماعاينت اله خليت شلف طماطه واكلتها
شلون مچان كمت سال
هاي وين
عاينت اله مخنوكه من كلشي وكلت
شبعت
مشيت من يمهم ورحت للمغسله غسلت
وصعدت لفوك لان هي وبناتها يغلسن مالات العشه
طبيت غرفتي رحت للجربايه كعدت
باب انفتح وره لحظه طب
يعاين عليه
لهيت روحي بجهازي اجه ليمي كعد
سال
راح تظلين هيج مقهوره وقاهرتني وياج
عيوني غوركت ماعاينت اله مد ايد
رفع راسي غمضت دمعتي نزلت سمعته ذب
حسره وكال
شاسوي تره انه هم موش مرتاح ماابأيدي
شي اسوي هاي بنت عمي وام بناتي
اعرف ومااريد شي منك
رديت علي وكمت گض ايدي بهداوه كمل
كلامي معج مخلص
تنهدت كعدت صافن عليه بوجهه مطعون
كمل
افهمي يبنت الناس انه ايدي مربطه مااكدر
اسوي الشي الي يريحني بناتي كاسرات رگبتي
رضا انه مااريدك اطلكها مايحگلي هالشي
هي الاولى وام بناتك وانه نزلت ضره عليها حگها
تكرهني وتسوي السوته لجن اا
سكتت وكمت ابجي
احجي اسمعج
عزت نفسي عليه لان ابد محد ضاربني
من هلي ولا عمرهم مسمعيني جلمه غلط وحده
سكت عاينت اله كملت بشهكه
انه مخنوكه يارضا موش مرتاحه الراحه اشوفها
بس،من تجي انت وتكعد وياي بهل الغرفه
بس كافي،بجي
رد عليه واخذني لحظنه ختلت هناك ابجي
بصوت مخنوك وخر وره لحظه مبتسم
ويمسح بدموعي كال
ترتاحين اذا نروح لكربلاء نزور ونكعد
هناك جم يوم
صفنت علي من كال هالكلام كمل
كولي اي حتى نطلع من الفجر
هزيت راسي بفرح
ضحك وكال
لجن من نرد اريد المزاج يتبدل مانظل مغندبين
وزعلانين
هم هزيت راسي باي ضحك وقرب وجهه
من وجهي وكمل
لغه الاشاره حلوه لجن انه اريد اسمع
الصوت
اي رضا
صفن بعيوني ورد بصوت متغير
حتى اسمي بحلكج اشوفه غير شگل
نزلت عيوني حبني من خدي وكمل بهمس
احبج يمي العين
عاينت اله ملامحها كلها لهفه قرب واخذني
لحظنه ولمني بي نسينا ضوجتنا انه ويا بذيج الليله
ونمت فرحانه لان راح اروح للزياره وهو
وياي
مريم
صعدت لفوك وكفت من شفت عمه حليمه
واكفه يم باب غرفه بويه وليله وتسمع عليهم
حست بيه وشافتني اجت بسرعه
عليه فزيت من خوفي
ورجعت ليوره گضتني بقوه من دشداشتي
وجرتني عليها صاحت بصوت
مكتوم ووجهه مگلوب
من الغضب
ووج من شوكت انتي هنا
هسه اجيت توني عمه
خضتني خض وكملت وهي تكفخ
بوجهي
ااسمعي ولج اذا كلتي انه جنت هنا واكفه
اذبحج والله احركج بصيخ التنور اذا فگيتي
حلگج بجلمه
مااحجي عمه بس عوفيني
ووولي خذاج الموت انتي وخواتج وهاي
ال،،،،ام السحور
دفعتني بقوه الا وكعت كمت اعاين خواتي واكفات
باب غرفتنا وخايفات مشيت الهن طبن
وانه وراهن سديت
الباب وكمت ابجي
كولي لابويه يامريم
لاااا يكتلها وتطلعها بينه بعدين
رديت على ورد كعدت وعد اجت كعدت يمي
تعاين عليه بخوف حجت وهي
تگطع بالكلام
لااتبجين ييا مرريم
مسحت دموعي حاولت ابتسم لاختي ماكدرت
ماردتها تخاف اعرف الدكتور كال لجدتي ولابويه
الخوف الزايد ياثر على لسانها بعد
اكثر كلت
ماابجي بس انتي اسكتي
خلت راسها بحظني مسدت علي بهداوه اتذكر
امي وشجانت تسوي بيها حليمه نفس
الشي هم جانت تضربها
وتهين بيها وتوكف
هالوكفه يم باب غرفتها
ليله هم راح يصير بيها نفس السوته بامي
لان كاعد اشوفها فقيره ومو وحده گويه مثل حليمه
رضا
اعاين ليله كاعده بصفي مبوشه وعيونها
على الشارع حجيت
عيونج عليه
دارت وجهها لاحت لي ابتسامه كملت
هالبوشيه خفيفه بدليها عود
رضا بدينا
ههههه
خربت ضحك وكملت
اغار مو بأيدي
تره گوة كاعد اشوفك
لجن انه شفت الابتسامه
وخرت البوشيه وجهها يضحك عضيت
شفتي وكلت
غطي ولج
خلي اشوفك الضحكه عدل
سكتت من شفت المزاج تغير ابتسمت
الها العيون تضحك اليه هي والوجه
گضيت ايدها بهداوه كلت
راح نظل هناك يومين ارتاحي وغيري
جوه وبعدين نرجع
ااي هاا اريد اخذ حلاوه دهينيه وبقلاوه واريد
اخذ للبنات شغلات وو اا
سكتت من رفعت حواجبي فرحان بيها
لان حجت وياي براحه كالت بخجل
يعني مو الي للاهل
واذا الج شراح يصير يعني عيوني الج
ليله وتامرين الشيخ امر
هم لاحت لي الابتسامه ضحكت وكلت
ضميها يبنت گلبي راح اروح صفح وانزل
للترابي
ماسويت شي
لاا مسويه ياليله ولاعبه بگلبي لعب
ماردت لهت روحها بالجنطه سالت
انتي رايحه زياره من قبل
اي رحت من انه جنت بكد وعد وبعد مارحت
تعرف عمك علوان مايقبل علينا نروح ونجي
اي اعرفه ولو انتي من الطالعات والطابات
جان شفتج من زمان
ابويه شويه صعب بطلعه الحرمه وخصوصا
انه جان مايقبل اطلع من بيتنا
الا للضروره
درت وجهي عليها ورديت
زين ماسوه
هاا ليش
ابتسمت ورديت
لو طالعه وشايفج جان رحتي من ايدي
من زمان
نزلت راسها عرفتها خجلت كملت
احسج جنتي مضمومه اليه شي غالي ابوج
خاله بعيد عن عيون الناس ومن اجه
وكته طلعه للي يستاهله
عاينت عليه درت وجهي عليها
سالت
وانه استاهلج موو
هزت راسها باي لجن ماتكلمت بشي
وصلنا للنجف نزلنا انه وياها اعاين الها بس
تفر براسها على المچان كلت
خلي نزور مادام اجينا من وكت
اي ااي اامشينا
صفنت عليها من كادتني وطلعت جدامي ابتسمت
جبتها ليمي عاينت عليه كلت مبتسم
امشي يمي مااريج تسبقيني
هزت راسها باي مشيت انه وياها احسها
ملهوفه وتريد بس تطير عيونها تفتر بكل مجان
وكل ساع تعاين اليه فرحانه كلت
ليله روحي وي هالحريم زوري وصلي وانه هم
راح اروح وي الزلم اكمل وهنا نتلاكه
وره ساعه لاتطولين تره ازدحام
ووكت صلاه
هاا يعني راح تعوفني وحدي
ابتسمت من شفت خوفها رديت
ماعليج شي لاتخافين كملي ومن تطلعين
تشوفيني هنا
هزت راسها باي دارت روحها ومشت وي حريم
كبار رحت زرت ادعي من گل گلبي
واتوسل برب العالمين يرزقني منها
الولد الصالح
طلعت وره ساعه وكفت بمچاني ادور على
ليله ايد دغتني من ورة انداريت
ابتسمت من شفتها كالت
بفرح وهي مبهور
المچان يخبل وحسيت براحه مو طبيعيه
الحمد لله والشكر من ارتاحيتي بويه
صارت هوسه يمنا وازدحام قربت اليه خجلانه
من الزلم الماشين وي نسوانهم تعاين الهم
كلت
امشينا ام شبل
دارت وجهها عليه من كلت هالكلام ابتسمت
وكملت
دعيت الله بحضره الحسين يرزقني منج
الولد الصالح الي يتمناه گلبي
امين يارب
امشي خلي نرتاح بالفندق والعصر نمشي
للسوك حتى تاخذين الي تريدي
اي
ليله
رحنا لفندق صاحبه يعرف رضا طبيت لغرفه
جبيره وواسعه ذبيت عباتي
والبوشيه
افتريت بالغرفه سالت من شفت مطبخ
هاي عدالك شقه بس صغيره
اي هي شقه بس مال نفرين
رد عليه وذب العكال والغتره كال
هيه الحرس يجبون الغده ونتغده
اسبح ومن اطلع ارتب النا الغده
هز راسه باي كعد يراسل بجهازه اخذت دشادشه
حمره خرط من يم الصدر كلوش وبيها
ورد ناعم اسود
سبحت وطلعت لكيته مبدل ولابس كلابيه
يحجي بجهازه عيونه صارت
عليه ابتسم رد
اي يمه وصلنا لا مااطول يومين وارد
الله وياج
سد الخط وكال
الغده اجه
اي هسه ارتبه النا
خليت الطبله كدامه كلت بضحك
ريحه الكباب موعت گلبي
انه الاحمر موع گلبي
عاينت اله من كال هالكلام خجلت من نظراته
كلت
هاي بجهازي اخذتها وهسه لبستها
حلوه عليج كلش الاحمر لايك الج وطالعه
تضوين بي
اروح اجيب مي
هههه هيانه المي يمي اكعدي خل نتغده ونام
شويه بعدين اطلعج افرج النجف كلها
كعدت يمه گص الخبزه وانطاني نصها
سمينا وبدينا ناكل جنت جوعانه كلش وعدالك من
بعدت عن البيت وحليمه شويه نفسيتي
صارت احسن دست بالاكل
احجي ويا على
الشفته يم المرقد يهز راسه باي لف لفه
انطاها اليه وكال
هاج هاي خبزه الكباب
مااريدها دسم كلش اكلها انت بالعافيه
انه كملت
كمت من يمه وكلت
رضا يرادلنا جاي
ذاك بويه بالترمز
ااي همزين لان راسي يوجعني فد مره
هسه امرغله الج من نام
كام وراح للحمام لميت الاكل البقى وخليته
على الثلاجه كلت خاف نجوع ناكله
مو بارد
تمددنا واخذني لحظنه يمرغ راسي بهداوه
غفيت بحظنه ورحت بسابع نومه
ظلينا هناك يومين اشتريت هوايه شغلات للبنات
وخذيت لعمه هدايا هي وجده وهم لامي
ونسوان اخوتي وجهالهن
ردينا ثالث يوم بليل طبيت للمطبخ وهو وياي
جانت حليمه بي سلم وذب الغراض
على الميز راح لجوه
ذبيت العبايه والبوشيه وعيوني عليها تعاين
اله بضوجه الما راح دارت وجهها
عليه وكالت بحقد وهي
تخزر بيه
شرفتي يالمسعده يالكاعد حظج يمه
مارديت مريم طبت هي وخواتها يعاينن
لحليمه بخوف اشرت الهن
اجن عليه كلت
جبت الجن شغلات حلوه وحلويات هوايه
تسلمين ليله
ردن علي كملت
يله شيلن وياي الغراض خل نصعد لفوك
مشينا سوه هي بعدها واكفه كملت
هذيج العلاليك لبناتج
لا خلفه عليج من خير ابوهن هذا
هم مارديت رحت لغرفه جده طبيت رضا
كاعد يمها ويمه عمه سلمت عليهن وانطيتهن
الهدايا ترخصت وصعدت لفوك
وزعت الجبته للبنات سميه فرحن هوايه بيهن
وشكرني ايام مرت وهالبنات تعلقن بيه
وانه هم تعلقت بيهن
حليمه ماجازت مني وظلت بمشاكلها وياي
بيوم انه فوك بغرفتي بليل مريم اجت
وكالت
ليله ابويه يريدج يكول خلي تنزل تسلم
على جدي طالب
جنت اعرفه زلمه جبير ويعتبر من كبار سلفنا
يصير صديق عمي الشيخ الله يرحمه
من الصغر رديت
اي هسه اجي
طلعت من يمي لبست عباتي وخليت
البوشيه على وجهي كلت رضا مايقبل احد يشوفني
نزلت رحت للمضيف سمعت صوت حليمه
ورايه
من جفونج بهل الاسود وخلوج بگبر كله
حيايه وعگارب مثلج
درت وجهي عليها ورديت
مارديت جنت خجلانه من جد
طالب ومتردده اطب
تعالي يمه وسلمي على جدج طالب
رفعت راسي رضا يعاين عليه مبتسم
كام واجه ليمي وكال
شيلي البوشيه
هاا مو انت ماتقبل
شيلها ليله هذا عم طالب بحسبه واحد من اهلنا
وخرتها بخجل عاينت اله رجال جبير معگل
ولحيته بيضه وجهه نور مااعرف ليش گلبي ارتاح
اله ولا ليش حبيته ابتسم اليه وكال
حگه رضا يضمج عن عيون الناس طلعتي
گمر يبنت علوان
خجلت منه ونزلت راسي كمل
مبروك بويه زواج الدهر باذن الله واسال
الله ان يرزقكم الولد الصالح الي يفرح گلبكم
امين حجي يسمع منك ربي
عمه ردت علي اشرت اليه رحت كعدت يمها
كال مبتسم
ماكدرت اجي لعرسكم لان جنت مسافر
وايت هسه وجبتلج هديه يبنت الرجال الطيب
تسلم حجي جيتك كافيه
عمه ردت انطاها علاكه كال دعايه كارتون
مال ذهب انطتها اليه عيوني راحت
لرضا اشر براسه كلت
تسلم عم انه اريدك سالم وهالجيه كافيه
عليه
لا بويه رضا غالي وانتي من غلاته صرتي
يعز غاليك عم طالب وانت هم غالي عليه
هوايه واشوف بيك ابويه الله
يرحمه
ااي الله يرحم ترابه ابوك جان زلمه عدل وصاحب
حگ وانت طلعت اله وسبع يبعد ابوك
وتاخذ حكك باللحظه
ترباه ايده وهم تعلمت منك هوايه ياعم
رد علي عمه كامت كمت وياها ترخصنا وطلعنا
من يمهم مشينا للمطبخ مريم تصب جاي
وحليمه تتامر عليها
سااعه يله يجي،الجااي
عمه انهدت وراحت ترتبت ماعون الضيافه
كولي،لست الحسن كتلها خدري وساعه يله فضت
الجاي
حليييمه كتلج انتي سوي الضيافه
ماااكدر انه ايدي وجتفي يوجعني
وووبناتج ووين مخدرات فووك موو
شفت عمه صارت عصبيه وذيج بس ترد
عليها بروده كلت
عمه هسه اجهز كلشي
اامشي يمه وفضيلي هالشغله وشوفي الجاي
خاف بلاله
اي صار هسه اسوي
طلعت من يمي صايره نار خليت العلاكه على
الكاونتر ورحت طلعت كليجه وكعك رتبت صينيه
شفت الجاي مابي شي صبيته ودزيت
الضيافه بأيد مريم
حليمه جانت كاعده وتعاين عليه بحقد رحت
شلت العلبه كالت
رضا سواج ادميه بين الناس،،،،وكبر راسج
بينهم وشوفي يبنت الفكر كامت تجيج
هدايا جنتي تحلمين تشوفيها
كلامها قبل
الحمد لله احنا اوادم من زمان صح ماعدنا
الي عدكم لجن رافعين راسنا بعزتنا وكرامتنا
الي اشوفج انتي ماتعرفيها
فزت من مچانها وصاحت بيه بصوت مكتوم
شتقصدددين ولج
تعرفين شاقصد مالها داعي اوضح
تقدمت عليه جده طبت عاكده الحواجب
نغزتها بظهرها بالعصا وكالت
خيرج يبنت حمديه اسمعج تحجين مثل الحيه
وتفحين سم على ليله
مااكو شي ياجده
هاا عدالي بيج شي حتى اگله لرضا
خزرتني وطلعت من يمي جده هزت راسها
وكملت
ذيل الجلب ماينعدل لو شدو بگصبه شنهي من حرمه تعلمت على الجتل والدمغ ماجوز
اذا ماتنجتل يوميا
سكتت كعدت يمي وكالت
صبيلي جاي يمه راسي اهيسه طبل ويدك
ادللي جده هسه اصبه الج
صبيت الها الجاي وخليت يمها كليجه ظليت
يمها رضا اجه من بره كال
مي ليله اروح للمضيف
ااي
انطيت كلاص المي يم باب المطبخ شربه
وهو يعاين اليه ومبتسم اخذته منه وراح درت روحي انتبهت جده تعاين اليه ووجهها
يضحك كالت
ولد ولدي مرتاح يمج يالترفه
ابتسمت الها لان طلعت اليه هالقلب وكلت
هالشي زين مو
اي زين وادعي من الله تظلين هيج ماتغيرج
الايام ولا الكاعد تسوي حليمه
سكتت رحت غسلت الكلاص ورجعته لمچانه
عمه اجت وسالت
عمه شنسوي عشه
مانسوي شي اليوم الولد راح يشوون لحم للضيوف
وعشنا وياهم
يمه ظل سياح من الصبح
اي عمه ظل خير من الله
خلي لي وويا روبه مااريد لحمه ثكيله وتغوف
على گلبي
ادللي عمه اسوي الج
جا اذا هيج اروح لغرفتي اشر الهدوم
وانزل اجهز العشه
لا انتي ماعليج وكفتي وياي انه وام كرار
بالريوك والغده حليمه هي وبناتها يخلن العشه
سكتت وعد جرت دشداشتي كالت
ليله اريد محلبي انتي طيب سوي
ابتسمت الها وكلت
ادللي هسه بس اصعد اسوي كم شغله وانزل
اسوي الج
تسلمين
مشيت من يمهن وصعدت لفوك بالصاله الفوك
سمعت حليمه ترزل بناتها وتغلط عليهن
وهن يردن عليها
طبيت لغرفتي رحت سديت الشباج وعلكت
عباتي وخليت البوشيه بالجراره مال الكنتور كعدت
وفتحت العلبه جانت كلاده حلوه يسموها
خناگي بيها ليرات صغار وليلو
كمت لبستها وشفتها
كلش حلوه خليتها
برگبتي
نزلت خاله الشال على جتفي سويت محلبي
والعشه اجانا بايد زاهد سلم وراح
يم رضا
حليمه من النوع الي شلون ماجان تسوي الشي
جفيان شر وهالشي جان مايعجب عمه
تظل بس ادردم وتگب بينهن
تعشينا ردت اشيل السفره وياهن عمه ماقبلت
اشرت وكالت
عوفي هن يلمن كلشي
اروح اصب جاي
رديت عليها ورحت صبيت جاي لجده والها
صعدت لغرفتي شايله ماعون محلبي
لرضا خليته بثلاجتنا ورحت
عكلت التلفزيون
كعدت اتابع فلم قديم لرشدي اباضه
وشاديه يموت من الضحك
رضا طب شافني اضحك ابتسم وعاين للتلفزيون
كمت علي اخذت البشت كال
هذا الفلم حلو
ااي ويضحك تعال اكعد شوفه وياي
اي بويه اكعد ونتعلل سوه
لبس كلابيته رحت طلعت اله المحلبي خليته
بصينيه صغيره وويا كرزات كعدنا
سوه نعاين اله
ضحكت بصوت من كام يرگص كلت
هههه عاين رضا راحت الهيبه
هههه غير سكر وداخ بس حظ عمي شلون
كاعد يركص وي فختيات حلوات
عاينت اله بضوجه مسح على شواربه وهو
كاتم الضحكه حجيت بدون انتباه
شيخ انت مو راحه
هههههههه
خرب ضحك وانتبهت لروحي شحجيت ابتسمت
ودرت وجهي منه قرب وجهه مني
وحجه بهمس يم اذني
كاعد احجيج انه
درت راسي علي قريب مني كلش
وعيوني بعيونه نظراته ووجوده يمي يخلون
گلبي يدك بجنون كمل من گض
كلادتي
هالكلاده حلوه بركبتج
هاي هديه جد طالب
ذوقه حلو عمي
سكت تمعن بملامحي وكمل بصوت متغير
الحلو والغالي يلوك للحلوه والغاليه
گض خدي وحبني منه وهمس يمه
احبج ليله لااا انه مو بس احبج انه
اني هايم بيج وحبج دوخني
اخذني لحظنه ولمني بي حبني بهداوه
دخت بين ايده وحظنت رگبته
بلحظه سمعنا تكسر جام
عطت ولزگت بي
من خوفي
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
