رواية حظ عاثر الفصل الخامس ليل ادم
ادهم : كنتي فين
الأم: الله يا واد منتا عارف اني كنت قاعده مع هاجر
ادهم : ياخبر ياما من ساعه ما سبتك وانتي تحت
الأم: أنا قولت مليون مره بلاش كلمه ياما دي صح ولا لأ
ادهم : ماشي بس على كده في أكل في البيت
الأم: طبعاً في روح خود دوش عبال ما الأكل يكون جاهز ياله
ادهم : ماشي
الأم: ( دخلت فعلاً خلصت الأكل على طول ورجعت عرفت ادهم أن الأكل جاهز )
ادهم. : نجلاء الشرشابي يا اخواتي
الأم: اقعد اقعد
ادهم : اه عارف انا الدخله دي قولي عايزه اي على طول
الأم : جيبالك عروسه مفيش فيها غلطه واحده أنا نفسي اللي المفروض هكون حماتها يعني هشوف فيها كل العيوب مشوفتش في البت حاجه تخيل تبقا مين
ادهم : ( بضحك) ياتره مين دي ياض يا ادهم يا الهي أنها ل حيره كبيره تكونش هاجر
الأم: قرد عرفت منين
ادهم : يا حبيبتي انتي تحت من أول ما فتحتي عينك ولسه طالعه ومحدش كان معاكي الا هاجر هتكون مين العروسه يعني أم أيمن مثلا
الأم: لا يا حبيبي دنتا اللي عينك على البيت من أول مره شوفتها الصبح
ادهم : ماشاء الله عليكي يا فاتن لماحه
الأم: طبعاً يابن العبيطه
ادهم : متشتميش أمي طيب
الأم: قولت اي طيب
ادهم : شوفي يا فاتن البنت حلوه جدا وبصراحه مفيش فيها عيب وطبعاً كلمه مفيش فيها عيب دي جايه أستنتاج مني لانك وانتي قاعده معاها جبتي شجرة العائلة فرد فرد وطفل طفل منا عارفك
الأم: يا واد اخلص قولت اي
ادهم : خلاص يا فاتن طالما نفسك تفرحي بيا اوي كده ونفسك تشوفي ابنك عريس أد الدنيا
الأم: اه والله يا حبيبي
ادهم : علشان كده أنا مش موفق يا فاتن
الأم: انتا ياض حلوف مش بتحس عماله اقولك نفسي اشوفك عريس وانتا حتت لوح تلج أنا هسيب البيت ومش هتعرف طريقي يا ادهم علشان ترتاح
ادهم : يا فاتن اقعدي بقا بطلي الكلام ده هو أنا أعيش من غيرك يا بطتي ثما انتي كل مره تقولي محدش هيعرف لي طريق جره وبتنزلي تستخبي عند أم أيمن طب بالذمة في حد يعمل كده بتستخبي في نفس البيت وعند واحده أبنها صديقي انتي شايفه أن كده مش هعرف ليكي طريق يعني
الأم: منتا فعلاً مش بتعرف مكاني وبتقعد ترن طول اليوم لحد ما بتصعب عليا علشان كده برجع
ادهم : يا حبيبتي أنا ببقا قاعد على سريري وبتصل بيكي وأنا عارف انك عند أم أيمن بس بعمل عليكي حوار علشان كل ما تحبي تروحي الحته اللي محدش يعرف ليكي فيها طريق جره تروحي عند أم أيمن
الأم: والله
ادهم : تخيلي
الأم: اعمل حسابك مش هصحيك الصبح أصحا لوحدك
ادهم : ( بصوت عالي) لأ كلوا إلا كده حوش وانتي بالصلاة على النبي منبه اوي يا مؤمنه دنتي كنتي بتصحيني قبل الامتحان ب دقيقه يعني الورق كان بيتوزع وأنا قاعد هنا على سريري
الأم: تمام ماشي يا ادهم يعني أنا مليش لازمه صح
ادهم : لا طبعا دنتي اللازمه كلها يا حبيبتي بس بالله عليكي بلاش موضوع الجواز ده تاني أنا لما اكون فعلاً عايز هقولك هيا دي
الأم: يعني أفركش مع الناس يا ادهم أنا أديتهم كلمه
ادهم : ده بجد ولا هزار قولي أنه هزار
الأم: لا بجد
ادهم : في راجل في الدنيا بتتقري فاتحته وهو مش موجود انتي عايزه مني اي يا فاتن
الأم: ياعم بلاش انتا مش وش نعمه أنا بكره هقول للناس أن ابني مش عايز يفرح قلبي هقول ابني ولد عاق
ادهم : مليش في أياكش تقولي ابنك ولد معوق حتا حليني منها الله يكرمك اقولك حاجه أنا داخل أنام وبلاش سبعه ونص اللي طول عمري ماسك فيها دي يمكن العيب في سبعه ونص
الأم: لأ خليك في البدري علشان تلحق تقوم وتفطر
ادهم : والله
الأم: اه والله
ادهم: طب سبعه ونص يا حبيبتي
الأم: ماشي يا حبيبي ادخل نام انتا
في الصباح
الأم: ادهم انتا ياض أصحا الساعه عشره
ادهم: ( قام وقف على سريره عينه جت على الساعه كانت سته ونص) اي الهزار ده بس ياما
الأم: اي رايك
ادهم : بس دي سته ونص مش سبعه زاي ما كنت بتمنا
الأم: لا منتا قوم بقا أنا كده عملت اللي عليا بدال ما اعمل حاجه أنساك تروح عليك نومه
أدهم: لا على اي أنا مسامح في الساعه دي كمان حضرتي الفطار اي النشاط ده كله
الأم: منتا عارف بصحا من الفجر
ادهم : احلي حاجه في جروب العمارة اللي عامله انتي وشويه المعاشات اصحابك
الأم: خلي لسانك حلو اي معاشات دي
ادهم : اسمه اي الجروب ده ياما صحيح
الأم: مع الله
ادهم : سبحان الله تفتح الجروب مفيش فيه تسبيحه واحده ولا حتا الصلاة على النبي كل اللي في الجروب مقطعين فروه اللي رايح واللي جاي
الأم: طب أنجز بقا علشان رايحه السوق مع البنات
ادهم : بنات اي ياما انتي بتسمي ام ايمن و أم هشام وام سميره اللي كل واحده منهم عمرها من عمر جبل أحد بنات
الأم: لا دنتا زودتها اوي
ادهم: هيا زايده على الاخر سلام ياست البنات ( وبيضحك)
الأم: هدعي عليك
ادهم: اي ده هو كل اللي فات ده كان مش بسبب دعاكي كان بره عنك
الأم: هو في أم تدعي على أبنها الوحيد
ادهم : أد اي انتي ست عظيمة أنا نازل
الأم: هات معاك فينو وانتا جاي
ادهم : هو العشاء اي
الأم: هعملك سندوتشات زاي ابو شقره عارفه
ادهم : ( بيضحك) ماشي يامو شقره سلام
بعد وصول ادهم المكتب كان المكتب لسه فاضي مفيش في حد بعد البصمه راح على مكتبه حس ب اصوت رجل بره المكتب خرج يشوف مين وصل
هشام: انتا ادهم صح
ادهم : اه حضرتك مين
هشام: أنا استاذ هشام
ادهم : تشرفت بحضرتك
هشام: بتعمل حاجه
ادهم : لأ
هشام: طب تعالي عبال ما رحاب توصل عايز منك مساعده
ادهم : تحت امرك
هشام: أنا سمعت انك احسن واحد تطلع أخطأ في محرر النيابة الكلام ده بجد
ادهم : أنا سمعت كده برضوه فعلاً
هشام: طب امسك الورق ده شوف كده أن كان في أخطأ
ادهم : هات ( خد فعلاً الاوراق وبدأ يشتغل عليها)
وبعد مرور ساعه تقريبا كانت رحاب وصلت المكتب وبدأت تتصل على ادهم
ادهم : ألو
رحاب: انتا فين
ادهم : عند استاذ هشام في مكتبه
رحاب: ليه
ادهم : كنت جاي بدري طلب مني مساعده
رحاب : قصادك كتير
ادهم : لا خلاص
رحاب : طب أنجز وتعالى علشان معايا شغل ليك كتير
ادهم : حاضر ثواني وهكون عندك سلام
رحاب: سلام
هشام: طب خلص اللي معاك الأول
ادهم : منا خلصت خلاص
هشام: ها لقيت اي
ادهم : أتفضل الملاحظات كلها في الورقه دي
هشام: الورقه دي فيها كل ملاحظاتك
ادهم : استاذ هشام أنا بحب الشخص الواضح اللي زاي ما بيقولوا كده عنه دوغري مش بتاع لف ودوران
هشام: انتا ليه بتقول كده
ادهم : انتا عارف كويس جدا جدا اي اللي في المحضر لو كنت عملت ده من أجل الاختبار يبقا تمام مفيش مانع ولو عملت ده من أجل اغراض تانيه في خيالك احب اقولك أنا مش الشخص اللي في خيالك أنا ولا فارق معايا الشغل ولا المكتب ولا كل اللي في أنا ممكن في ثانيه إلا تلت اكون بره المكتب و بمزاجي كمان ومش هسأل حد جنيه وصلت
هشام: وصلت بس أنا كنت عايز اعرف فعلاً انت ذاي ما سمعت عنك ولا كلام
ادهم : اعتبره كلام وبلاش الأسلوب ده مش معايا أنا لوحدي لأ مع اي حد تحت التدريب لأن والله بيكون فينا شباب عندها خبره اكتر منكم
هشام: والله
ادهم : بدليل ادي ملاحظاتي في المحضر انتا فين ملاحظاتك
هشام: مش محتاج اكتب ورقه
ادهم : طب قول ملاحظاتك
هشام: اللي مش عارفه يا ادهم أن المحضر ده أصلا أنا كاتبه على ايدي وبعمل بي اختبار لكل طلاب التدريب وللاسف كل الطلاب شربوها ( وبيضحك)
ادهم : افتح الورقه اللي في أيدك كده
هشام: حاضر يا سيدي اهو
ادهم : سمعني كده مكتوب فيها اي
هشام: ( فتح الورقه كان مكتوب فيها برجاء تحسين مستوى التزوير ووضع الختم في مكانه الصحيح) لما انتا عارف ليه قعدت كل الوقت ده تقرأ في الأوراق
ادهم : أنا جاي بدري ومكنش في حد بيني وبينك كنت عايز اي حاجه تضيع الوقت ولما دخلت المكتب ده لقيت حجات كتير اوي اقدر العب بيها لحد ما أزهق ولما للاستاذه رحاب وصلت كنت زهقت ( وبيضحك ضحكه استفزاز)
هشام: روح شوف شغلك
ادهم: بعد اذنك
رحاب: كل ده عند هشام
ادهم : أتأخرت
رحاب: عملت اي عند هشام
ادهم : هكون عملت اي يعني كان فاكر نفسه هيضحك عليا
رحاب: وعملت اي
ادهم : اهو خد اللي في النصيب بقا بصراحه
رحاب: يعني كده بقيت في مشاكل مع سامي و هشام
ادهم : بالظبط كده
رحاب : ولا يهمك عادي كده كده انتا عليك توصيه من فوق اوي
ادهم : فوق فين
رحاب : مستر ياسين يابني
ادهم : بلا وكسه هو كان حد عمل حساب ل كلام الراجل الا ما حد لمس المكتب حتا
رحاب : مين قالك كده بالعكس غاده نفسها امبارح سألتني أن كان ممكن مكتب ادهم يكون أكبر شويه
ادهم : قولتلها اي
رحاب: وفقت طبعاً
ادهم : يعني الدنيا هتحلو
رحاب : اه ( وبتضحك)
بدل ماتدور وتبحث علي الروايات خليها علي تليفونك وحمل تطبيقنا
