رواية في حجر الافعي الفصل الخامس 5 بقلم شمس العراقيه
نمارق
ـ طول هالفترة المرت من حياتي جانت عاديه الا الشيء ما مخليته ؏ بالي او يمكن شيء عادي وسنة الحياة بس أني مو كادره أتقبله يصير بحياة بابا قرر يتزوج وهالقرار جان مفاجئ وصدمني والصدمه الكبرى اللي يتزوجها نفسها اللي بيته أنهدم وانخرب بسببها بسبب ماضي وحب ما يتحقق بوكته واجه الوكت اللي يتحقق بعد خراب وتعاسه وضياع وبعد فوات الأوان مو وكته أبداً
" جنت متهربه من مواجهته ولا اريد التقي بي لان اذا التقينا وجه لوجه تصير حرب ومغثه وزعل لن جد مصدومه بي ما جنت متصوره يرجع يعيد الماضي بالحاضر علمود نفسه ما فكرر بالاذيه اللي سسببها النا اني واختي وماما اللي لكت الطلاق والزواج السريع افضل حل تنساه ونفس الوقت تقهر بابا مو علمود رغبتها بالزواج لا والف لا
" قافله الباب وناثره الكتب دارسه بأهمال وتشتت وضياع جانت دراستي مهربي الوحيد كمت جمعتهن كلهن ورتبت الغرفه شلت شعري بانزعاج واندك الباب عرفته هو
صائب ـ الى متى تبقين ؏ هالحال ما يصير يا بنتي افتحي الباب وخل نتفاهم أب وبنته يلة بابا يلة حبيبتي
نمارق ـ ماكو شي نتفاهم عليه ؏ شنو مثلاً زواجك من ست الحسن والجمال بلقيس خاتون خليني ساكته بابا
ـ فتحي الباب بالأول واحجي مترهم هيج
ـ فتحته خيرر احجي
ـ نمارررررق هالاسلوب مو وياي احترمي نفسج واحجي عدل
ـ ما اريد احجي بأي حرف وياك لن أنت قررت وخلاص حتى ما فكرت بيه اني بنتك شراح يصير بوضعي وبلقيس تقبل اعيش وياك اللي اعرفه هي من يومها تتطلب بيت لحالها شنو اللي يتغيير هسه
ـ أي تقبل وليش ما تقبل مالها حق تقرر اي شيء أنتِ ام البيت من بعد أمج ومحد يحاجيج بحرف بس لسانج كصري محد يتقرب الج
ـ تكدر تشيل فكرة الزواج منها بزوجة غيرها صدكني راح اوافق وافرحلك
ـ وشمعنى مو هي
ـ تعرف القصه وتنكر وتحرف تفاصيلها
ـ بلقيس ما ألها ذنب لاتخربطين بسوالفج
ـ ما موافقه ؏ هالزواج ولوتبقى بس هي ما ما راح اوافق
ـ ولا توافقين منو ماخذ رأيج اصلاً العتب عليه مخلي الج أهميه وأعتبار طبج ستين مرض وابقي زعلانه وقافله الباب يلة ولي
نمارق ـ كال كلماته مثل السجين نهشت كلبي نزلت دمعتي بإسف وخذلان ما توقعت بيوم من الايام هيج يكون الرد منك يا بابا غيرتك بلقيس خاتون.
" صار وجودي ماله قيمه ونفذ اللي برأسه بعد ما تعاركنه وصياح وصراخ وزعل واحد غث الثاني لكن لا جدوى عمي خلدون وزوجته وحتى بيبي مشوا وياه واخذوا جاه لست الحسن والجمال الخارق وخطبوها وتمت الخطبه
وايام مرت تمم العقد بالمحكمه وصارت زوجته رسمي وخطوبه وحفله وعزائم وكذا وسوالف عشاق ومخطوبين
وكل هذا اني عازله نفسي بدون اي مشاركه.
" مخطوبين هو وياها واللي عرفته زواجهم مأجلينه هسه ما اعرف ليش هالخطوه وهما يعرفون بعض من زمان يمكن الخاتون حابه تعيش فترة خطوبه حالها حال النساء ولو ما اعدها ضمن النساء هاي ضمن الحيايا المفترسه تبني سعادتها ؏ حساب تعاسة غيرها انانيه مفرطة
" بيبي وعمو خلدون اجوو علينا زياره وما اعرف شنو سبب زيارتهم لن بالعاده احنه نروحلهم فقط بالمناسبات ينورننا ، سويت العصير وطلعت الكيك رتبت الصينيه واخذتها سلمت وضيفتهم وعمو خلدون باوعلي وأبتسم
خلدون ـ أنس هاليومين يوصل ولازم نفرح بيكم أنتِ وياه
نمارق ـ بقيت جامده بدون اي ردة فعل، بابا ايد كلامه
صائب ـ ان شاءلله خير وأني هم حاب افرح بيها
الحجيه ـ الله كريم وربي يدوم علينا الافراح وأحلى فرحة راح تكون فرحتي بزواج احفادي نمارق وأنس
نمارق ـ بس العفو اني ما موافقه ؏ الزواج من أبنكم انس
خلدون ـ شنو شنو شنو تفضلتي وليش يابه متوافقين شنو هالحجي صائب مو ؏ أساس بنتك موافقه وماكو أعتراض شنو هذا السمعته
صائب ـ نمارق طلعي برا صايره متنجرعين وما تعرفين تحجين طلعي خل أتفاهم ويه عمج
نمارق ـ ؏ شنو تتفاهم اني ما موافقه وخلاص شنووغصب تزوجوني لـ انس ترى ما صايره هاي
صائب ـ الظاهر الدلال اللي دلالته الچ طلع عينج وخلاج تنسين الأحترام ولسانج صاير بطول النعال تزوجين وغصب عليج فاهمه لو لا لن أنتِ الظاهر مو مال عيني وأغاتي يلةةةة طلعي البرا يلةةة
نمارق ـ بقيت مخليه عيني نص عينه تحديته بقلة ضعف وحيلة كام وجابني بهذاك الكف خلاني ذليله بين عمو خلدون وبيبي كامت منعته وكامت تحجي عليه طلعت لغرفتي مصدومه ومقهوره بدون اي دمعه جمد كلشي بداخلي .
" بقيت عازله نفسي اكل بغيابه وانام واقفل غرفتي مرت ايام ما اشوفه هذاك الدلال والحب تحول الى عدوانيه ووحشيه ظالمه من اب لابنته معادله غير متطابقه .
____'___
هاجر
ـ متاهه العشك تاخذنا الها بدون ما نحس بأي خوف ولا نحسب حساب لقيمة الوقت الصعب بدال ما أبتعد لكيت نفسي التقي بي ونحجي أنه وياه واحس الوقت والزمان والمكان هيئوا النا هاللقاءات !!
" يعني انه وياك اكو أمل لو هيج مجرد اوهام تزرعها بعقلي مناف احس عشكنا انه وياك مخاطره جبيره بحق اهلي وحق اهلك لن الاثنين واحد يثرد بدم الثاني
مناف ـ وليش متخلين أبالج عشگنا يغير هواي أشياء ويكون سبب الصلح بين العائلتين يعني نتحداهم هما وخلافاتهم وزعلهم وطلايبهم يمكن يصير شيء يغير مسار الاحداث كلها وبالاخير ينجمعون هاجر ومناف
شلون لقاء عظيم خليج متفائله لا تحسسيني ناهبج من اهلج والله رايدج بالحلال ونيتي وياج كل الخير والله
ـ أعرف مناف والله اعرف نيتك وخوفك عليه بس يعني مرت أشهر كثيره وراح نكمل سنه عدل وكل مره نلتقي وانه مخليه رويحتي بجف ايديه مرات اكول ما اخاف دام انت وياي مرات اكول اذا ما اخاف معناها متوقعه كلشي راح يصير النا وهذا الشيء ما اريده يصير مناف لازم نكون حذرين انه وياك مو كل مره تسلم الجره
ـ حقج رويحتي والله حقج وانه هم خايف عليج خلاص راح اشوفلي حل ينهي هالعشك من ساسه وما يكون الا خاطرج طيب اطمئني يلة انه اروح دربالج ؏ نفسج
ـ دربالك ؏ نفسك دنكت رأسي وهو تقدم باسني من كصتي ومشه وهو يتلفت ويباوعلي بكل حب روح عاد
ـ وين اروح وروحي عايفها يمج
هاجر ـ فزيت على صوت نورس وكعتي كلبي شبلاج
نورس ـ طولتوا ما تشبعون سوالف وصايره متخافين كلبج كويان يالمكموعه
هاجر ـ شمسويه انه غير احبنه وروحي بديارهم مو بديرتي روحي بمكان وجسدي بمكان مو عارفه شسوي حرت وأحتاريت بزماني ينورس جرتني وكعدت بصفها خليت رأسها ؏ اجتافها مرات ما اخافن واكولن شيصير خل يصير مرات اكول اذا ابوي شافنا او احد لمحنا نتشاوف انه وياك نروح بين الرجلين والافكار أحتمت برأسي
ـ لا ان شاءلله ما يصير شي من البالج وهو هم خل يتزحح شو طولها عليج وطابتله رايح جاي ومسوي الدرب سچه قطار ومسامر وسوالف غزل ترى العشك مو بس هالسوالف، العشك يرادله زلم وتضحيه وحجي وأفعال مو بس احبنج واريدنج وتالي ما تالي تنلاص بكراع جلب.
ـ لا اسم الله بيش طالبتنا هو كالي راح اشوف حل ان شاء الله يتمم كلشي بخير بدون مشاكل اني نوعا ما صار عندي امل من شفت سعاد اجت لعربنا بعد ما مدري
ـ الله يجمعكم اذا اكو قسمه يلة كومي نولي للبيت تاخرنا هسه ناجح يرد من الشغل ويضل يرعد علينا صاير فرد مره ما ينحمل وبس ينافخ ويعارك ذبان وجهه
ـ خير شبي
ـ تعرفين شبي
ـ مالي نفس بي وهو زين يدري بهل الشيء ليش عايش بأمل ما منه نهايه
ـ الله يعوضه ويفك عنج ويسر كلبج ويريح بالي وارتاح من ناحيتج همج على الكلب يخيه يلة امشيناا
ـ ردينا البيت وشايلين الخضره والفواكهه تفاركنا وهي دخلت بيتهم واني بعدني يم الباب و سمعت ناجح يحاجيها وعصبي هذا شجاه تخبل على زمانه وانه امشي وكفني صوته العالي وهو يرعد ويهوبز عليها وكال
ناجح ـ رجليج احشن اذا شفتج تمشين وياها
نورس ـ وليش بلة ترى هاجر رفيجتي من العمر من ايام الصغر شنو هالحجي ناجح
ـ بدون ليش ما تمشين وياها وخلاص واذا شفتج انتي وياها بمكان ما تدرين شراح يصيرلج
ـ شبيك ناجح تخبلت على عمرك وليش تمنعني من شوفتها
ـ كاااافي هي بدرب وأنتي بدرب فكينا منها الله يستر عليها يلةةة انكلعي من خلقتي ويا ويلج تجيبين طاري لاهلي لسانج ازلفه من عرجه واحرم عليج الطلعه واخليج مثل البهيمه بالمراح
ـ الله يهديك ويصلحك
هاجر ـ أنصدمت بكلامه هذا شجاه تغير وكام يخبص ويلوص بسوالفه معقوله لن رفضته اكثر من مره وما انطيته عين كام يحقر ويحرمنا من شوفة بعض الله يهديك يا ناجح يمتى تفهم انه ما احبنك ومعترتك اخ وصديق من ايام الصغر الله يعوضك ببنت الحلال تسر خاطرك وتسعدك.
" نزلت الخضرة خليتها بالمطبخ ودخلت الغرفه وامي تحجي بالتلفون وعصبيه وتشمر بيدها ما فهمت شبيها هزيت رأسي شكوو شصاير يا ستار وابويه ما رد من الولايه ضلت تحجي ونهت الاتصال خلته على الشاحن شبيج يمه بيت جدي بيهم شيء لا سامح الله
امل ـ عالكه ب بيت جدج عمج صائب مو خطب عشيكته السابقه االي هدمت بيتهم وهاي نمارق متخبله ومشاكل هي وابوها ورافضه الزواج كدام عمج وابوها وجديتج وعمج خلدون متخبل ليش نمارق ترفض ومن هالحجي
شبعت قهررر على هالمسكينه طاحت بين الرجلين ابوها من صفحه وامها من صفحها وبيت جدج وعمج خلدون يهوبز ويلوص بسوالفه.
ـ يا عيني يا نمارق وتالي شراح يصير لحالها اكيد يجبرونها على الزواج من أنس
ـ ما معلوم بعد هسه جنت احجي ويه عمتج ابتهال تكول انس يريدها وهي متريده ويريد يحاجيها وترفض قافله على نفسها نشوف تالي شلون تصفى
ـ انقهرت عليها وابويه ما عرفتي شوكت يرد
ـ أبوج باقي يمهم لما تفض وتنحل السالفه على الخير وانه خابرته يوكف وياها خطيه تشوف الكل ضدها اطك رويحتها اخافن عليها تسوي شيء برويحتها وتبليهم الله يعينها هالمسكينه صارت ضحية أمها وابوها
ـ لا اسم الله ما يصير الا الخير ، صفنت وتذكرتها وتذكرت دلال عمي الها شلون يحبها ومدللهه وتالي هذا اللي اشوفه منه الله يهديك يا عمي وينك وين العشك بهل العمر استقر واركد بكاعك خلي العشك لغيرك .
___
إشهاب
ـ من بعد كلامي أبويه اليه جان الرد يابه اني من بيتك ما اطلع ما مطرود ولا مهزوم ولا منبوذ ولا انه ابن حرام انه ابنك وباقي بهل البيت حالي من حال أخواني واللي صار يصير بكل بيت ماله داعي بيت لوحدي وتكب بينا احنه بدون شيء كابه لستار خلني هيج مرتاح بغرفتي
صكبان ـ والله يا أبني فشلان منك ما اريد اقصر بحقك انت ابني وعزيز كلبي واللي تريده يجرالك كول وامر وانه ابوك
ـ تسلم بويه اريدك سالم وبصحتك وعافيتك ولاتشيل همي محلوله بعون الله روح تريح وريح كلبك وبالك
تقرب باسني وطلع وخلاني صفنت جان هذا احسن حل اذا طلعت من البيت راح يعادوني وعبالهم ابوي مفضلني عليهم وما اريدهم يحسون بهل الشيء انه حالي من حالهم
" مرت أشهر وحالي حال الاوادم ملتهي بالحلال والغنم مالتي ارعاها واتسرح بيها بالزرع واعاون ابوي واخواني بالشغل والزرع والفلاحه
حاط الغنمات وياكلن واني كاعد بضل الشجرة وصافن بزماني وشايل هم هالولد يراهق بعمره وناسي زمانه وناسه وكته ما يدري شيخبص ويلوص .
" أجه من بعيد شايل عصته وشاك الحلك من الخد لأذن
شرواك يمتى تجني عقل انه اضل اعلم بيك
مناف ـ خير شبيك وياي شمسوي قابل ناهب بايك ليش تحسسني ماشي درب الحرام ترة عاشكها ما كاتل عربها
ـ نهضت وكفت كدامه بس انت بهاي سوالفك ويوميه داش عربهم وتحاجيها بالمخاتل والهزيم تكون ناهب عربها
ما حسيته غير انكلب ثور وكام يحرث بالكاع ويصيح
ـ كااااافي عاد ترة بزعتني مو عيشه هاي ما عاجبك احد وبس تقدم نصائحك للرايح والجاي
بيك خير اﻧصح روحك وواجهه حناش مسويك وصله مسح وكرامتك مسحوله بالنعل محد محترمك ولا احد مقدر وجودك وانت والماكو الجهال يعفطولك، ترة خنكتني يا اخي فك ياخه عني
ـ تمالكت أعصابي وكبرت عقلي وجاوبته مشكور خويه طلعت انه خانكنك كثر الله خيرك، خلاص شوف اللي يريحك وسوي اللي تريده مالي شغل بعد، ولو اشوفك طامس بالوحل مالي شغل بيك خلك بدربك اللي عليه سويته
حناش ـ خيررر شبيكم صوتكم عالي شنهي اكو مشكله اشم ريحه عركه تردون مقاتل انه جاهز ومتسلح وهاي خير سلاح
إشهاب ـ شايل الحيه وتنافخ علينا عبرتهم ورحت كعدت بمكاني ومناف كال
مناف ـ ماكوووو شيء سالفه بينا وحلينهاا
حناش ـ كول شبيك وانه اخيك ليكون هالجحش الكديش هذا هو السبب مو
مناف ـ لا ماكو شي يلة انه رايح، اشهاب يمتى ترد البيت
اشهاب ـ ما جاوبته وحناش حضنه ومشواا ناحية البيت كسرت العوده بيدي فوك ما شايل همك وخايف لاتوكع بطلابه ما منها طلوع تالي انه اطلع الخانكك
" صارت دنيا ظهريه والشمس عاليه جمعتهن ورديت البيت خليتهن بالمراح وكفت يم الحوض غسلت رأسي وشماغي ونشرته على الحبل واجه مناف صديت عنه ورجعت اتوضئ
مناف ـ لاتجيب طاري لاحد واذا حناش يسألك ويلح عليك بالسالفه عوفه لاتنطي سري، وما الك شغل بيه خلص انه اعرف بمصلحتي وراح احاجي ابويه ويشوفلي حل وبنت الناس ما اضحك عليها وان شاء الله محلوله
إشهاب ـ ما جاوبته كملت ومشيت وكال
ـ شو ما تحجي
ـ ما ضل حجي ينحجي، عفته دخلت غرفتي وفرشت سجادتي وصليت وتوجهت المضيف لكيت ابوي كاعد وجابوا الغده وانجمعنا وبلشنا ناكل وعيون حناش عليه
صكبان ـ مجيد شبيك عينك على اخوك خل ياكل براحته
حناش ـ لا بويه بس اشهاب لكيت اله مره وشلون مره توالمه ونفس عقليته بيها طك خبال
صكبان ـ مجيدددددد احترم الزاد كافي عاد ترة مصختها ويه اخوك
اشهاب ـ تلاغوا هو وابوي وابويه خله وكام مزعوج وانه ما جاوبته كملت الأكل وامجد كال
امجد ـ اشهاب يستاهل كل الخير وحناش انت نسوانك ما ينجرعن عاد انوب تزوج اشهاب على ذوقك شتطلع
حناش ـ انت لا تتدخل وبعدين ابو الانه ما يحجي شنو اخرس لو بالع لسانه لو احنه مو من مقام حضرة جنابه
إشهاب ـ من تحجي حجي معدل احاجيك حجي خشن
الحمدلله الله يزيدها عليكم بالف عافيه انه شبعت، كمت ورجع يوجه كلامه لااخواني
حناش ـ شفتوا اخوكم المحترم شلون يحاجيني معلك وانه اخوه الجبير ما احترمني وابوي دومه ما يرضى نغثه وهو بحجايه وحده يغثنه كلنا اخوكم هذا واحد مسموم وسمه ضامه بكلبه اضرب من الحيايا المربيهن وجه الفگرررر.
إشهاب ـ تجاهلته ورجعت الغرفتي تمددت تعبان وهلكان
نمتلي كم ساعه وكعدت العصر طلعت الحلال اسماعيل اخذهن الزرع خل يرعن زين وردهن ويه الغروب عينك عليهن رايح اشوف ابوي والشغل
أسمااعيل ـ تامر عمي ابو عرب
إشهاب ـ ما يأمر عليك عدو طلعت ويه طلعتي دخل مناف مزعوج ويعارك بروحه ما فهمت شبي ولا بحوشت وراه تجاهلته وهو ادرى بروحه ومصلحته مالي شغل بي بعد.
_____
نمارق
ـ كاعده بغرفتي وقافله الباب وهما متعاركين بينهم وصياحهم شايل البيت عمام ابوي وعمي خلدون وانس والله انس افندي راجع من الخارج ويريد يشوفني واني رافضه وشلون ارفض وهو ابن عمي عدهم جبيره لن ابن العم الوحيد ويحلقه اي شيء اما اني ما يحقلي حتى اختار الزوج المناسب الي
جان بالخارج الله يدري كم علاقه عايش بحياته شايف وعايف متمتع على الاخير ومن قرر يستقر ويكون حياته ماكو غير نمارق تكون محطة استقراره كأنما مكتوب عليه العيشه العبوديه كل استقلال ماكو حتى بيتي لوحدي ماكو والله وحيد اهله يسكن وياهم وابتهال تضل تأمر وتنهي تسوي حياتي جحيم .
" حاولوا رادوا بكل الطرق اقتنع واطلع اواجه ما كدروا
فرغ البيت وفتحت الباب لكيت بابا مزعوج وحالته حاله وشكله مبين تعبان وعصبي من عندي حيل تهربت منه وفزيت على صوت مليان حنيه اهتضمت وانداريت هلا عمو شلونك
صباح ـ بخير يبعد عمج تعالي ما عاش اللي يزعلج صدك جذب صائب كم بنيه عندك وهيج مسويه برويحتها شوفها شلون ذبلانه على بختك يا خويه
صائب ـ والله يخوي بناتي طالعات ؏ أمهن ونجوى جان احسن وافضل حل ساعة انطيتها لامها وارتاحيت منها ومن مسؤوليتها وضلت هل العله ؏ كلبي اكلتني اكل، لسانها بطول النعال ما تحترم ولا تهاب احد زعطوطه ورعنه عبالها بهل التصرفات تبني شخصيه قويه بنظري اتفه شخصيه انتي تملكين هالطباع والتصرفات الخايسه مثل امج عناد ومحد يكدر الجن واللي براسجن تنفذنا وحده عدائيه
نمارق ـ جاوبته برود ليش إشسويت
صائب ـ والله ويطلع الج لسان وتسألين إشسويتي ولج أنتِ حرامات بيج كل ذره تعب ودلال فشلتيني كدام امي وأخويه وابن اخويه وعمامي شيكولون عليه هسه اكيد ما عنده سيطره على عائلته ويحملوني السبب ما يعرفون بنتي عرصه وعرمه واني ما كادر عليها الله يفشلج مثل ما فشلتيني
نمارق ـ كال كلماته مثل الأسهم أخترعت گلبي وكالها بطريقه مباشرة حتى ما حاول يبطنها علمود لايخرب الصوره الحلوة اللي راسمته عنه بقيت ساكنه بدون اي ردة فعل ولا اي دمعه ساكنه مثل الجليد بس أباوعله وأباوع لصوره شلون تساقط أجزاءها كدامي أجزاء صورة أب لـ بنته.
صباح ـ صائب كافي قسيت هواي بالكلام مهما يكون تضل بنتك وولازم توصلون لحل نهائي وتفضون هالمشكله وشرط الحل يرضي الطرفين نمارق عمي لاتزعلين من ابوج يضل اب وموقفه صعب كدام الجماعه
نمارق ـ باوعتله عاكد حواجبه صد وجهه مني بغضب بدون ما ينطق حرف همهت بكلمات بدون ارادتي ولا حتى موافقتي.
جاوبته برود قاسي أبرد من ثلاجة الموتى موافقه ؏ الزواج علمود اخلصك من الكابوس اللي سببته الك يمكن اني انخلقت اكون اذيه الك عافتني امي عاله على كلبك
كثر الله خيرك بابا ما قصرت مشكور رحمه الله والديك
صائب ـ أنجبي احسن عبالج أقتنع بهل المسرحيه والدراما والحركات والشخصيه مالتج الواو وكبريائج الطاغي تردين ترجعين تفشليني بين ناسي مره ثانيه مو
نمارق ـ لا
صباح ـ صائب كاااافي
صائب ـ شوفي انطيج مهله شهر تفكرين وترجعين عقلج لرأسج واذا ما وافقتي على الزواج من أبن عمج يا تكعدين وتحترمين نفسج ويه بلقيس بعد زواجنـا
يا تروحين تعيشين بيت عمج بالعرب بلكي تحسين بقيمة نعمتج اللي جنتي عايشه بيها
وهسه روحي لمي سلابتج ولي ويه عمج ما اريد اشوف طولج بالبيت كلبي شايل عليج خيرات الله
صباح ـ دام هذا كلامك وياها، اذن نمارق تبقى يمي معززه مكرمه ومحد يكول الها ؏ عينج حاجب هي ام البيت واحنه خطار عدها
مع الاسف عليك والله جنت شايفك بعين جبيره طلعت هيج لاشيء وكلمة وثانيه دللتج ودللتج، دلال الاب ما ينذكر كلمة والثانيه دلال الاب نابع من الفطره بحب امشي امشي لمي هدومج وتعالي يمي واذا ما وسعج بيتي اخليج بنص عيوني.
نمارق ـ تقرب حضني ولمني بحضنه بكل حب تماسكت بي بقوة تمنيت ابقى ساعات بحضنه ابتعدت وابوي صاد وجهه عني رحت لغرفتي جمعت كل أغراضي وملابسي
خليتهن بالجنطه ولبست عبايه سوده وشال ضبطته بالدنابيس وطلعت عمي اجه اخذ الجنطه من ايدي وراح بقيت واكفه وجامده بمكاني روحي مسلوبه اكو بركان بداخلي زعل الاب صعب صعب صعب يكتل والله وصلت لعنده وشفايفي يتراجفون بابا مشه عني وراح بعيد وكف يم الشباك بابا
صائب ـ روحييي نمارق
نمارق ـ مشيت عنه بدون اي نظره طلعت واني امشي بهدوء قاتل كل شوي اكول هسه يكولي ابقي بنتي خلص مسامحج ابقي يالبيت ما راح اتزوج ولا راح اجبرج وراح ارجع امج ونعيش بسلام بس هيهات كانت تخيلات مرمسومه بعقلي مسبقاً.
" نظرتله اخر نظره، نظرة مليانه كسران وخيبة وخذلان
فتحت الباب وتوجهت السياره وشغلها وتوكلنا للعرب طول الطريق عمو يحاول وياي يحاجيني ويلاطف الأجواء الكئيبه عمو صباح أنسان طيب تمنيت اني بمكان هاجر مو دائما عيشة العز والدلال هي السعادة الابديه
" وصلنا العرب وكفنا يم الباب نزلت وبيدي جنطتي باوعت للعرب وارجائها يعني راح اعيش اهنا مدى الحياة
دخلت ورة عمي واجت هاجر حضنتها بكل قوتي اخذتني الغرفه بارده فرشتلي فراش ونمت وغطتني وهي تمسح على شعري هاجر حابه ابقى لوحدي حبابه
هاجر ـ تدللين من عيوني نامي ارتاحي حبيبه
نمارق ـ طلعت وردت الباب وراها تمددت وصفنت على السقف وكعدت اقارن بين حياتي اهناك وبين حياتي اهنا يمكن راحتي مكتوبه اليه بيت عمي .!!!!!!!
__''___
هاجر
ـ حيل انقهرت عليها وخاصة بعد ما سمعت كلام عمو صائب بحقها عفيه شدعوه عليك شنو من اب انت اكو اب يتخلى عن بنته بهل السهوله
" ضلت يمنا شهرين وطول هل الشهرين ما خليتها تحس روحها غريبه بينا وشكثر حاولت وياها تطلع تغيير جو ترفه عن نفسها جانت رافضه وعازله نفسها بس من يجي ابويه تطلع وتحجي هي وياه جانت ترتاح يمه وعرفت نمارق روحها متعلقه بعمي صائب وجانت تشوف بابويه هو نفسه عمي صائب ودائما تسأله هم سأل عني وجان الرد لا، وكتها نمارق قررت ترجع البيت وترضى بواقعها وتوافق ؏ كل شروط عمو صائب بس القدر جان اله رأي اخر !!!!!!
نمارق ـ خلاص عمو اني موافقه على الزواج من ابن عمي خلدون رجعني لبيت بابا وموافقه ؏ كل شروطه المهم ما يزعل مني يبقى ابويه وحقه عليه
صباح ـ عفيه عليج عمي عجبتني اي خليج هيج معدله وما ترضين بالعوجه وان شاء الله اخذلج هاليومين بس اخلص شغلات عندي علمود اروح الولايه هم عندي شغلات لزرع اجيبهن وهم اوديج شتكولين يبعد عمج
نمارق ـ ؏ راحتك عمو ما عندي اي اعتراض .
صباح ـ ماشي بنيتي انه هسه راح اروح يم واحد،رفيجي بالعرب اللي بصفنا اشوفنه يريد يروح خطيه ما عنده سياره اذا ما راح اخذج وياي
هاجر ـ بويه بالعرب الجبيره قصدك
صباح ـ لا بويه قحط رفجه الا من عربهم مالت وبلت على غير عرب يلة طلعي الغنمات وسرحي بيهن شوي واجي بمكانج يلة بنتي الغاليه
هاجر ـ ان شاءلله بويه راح وحضنتها راح نتفارك والله تعودت عليج و؏ كعداتج وسوالفج الحلوه الما ينمل منها أنتِ دره ذهب صافي مصفىٰ ، فقط أبتسمت ما ردت يلة انه رايحه اسرح يالغنمات ويه نورس تجين وياي
نمارق ـ لا خليني هيج مرتاحه بعدين مالي واهس لهيج اجواء وكلها تضل تباوعلي وهاي نورس تضل تلغي براسي كلش نفسيتي مو صافيه، روحي أنتِ .
هاجر ـ ماشي ؏ راحتج حبيبه عافتني ودخلت الغرفه شفتها تمددت ونامت سوده عليه الله يريح بالج يا نمارق
وكفت أباوع لمرايتي داكيها بالحايط مسحتها وخطيت عيني بالكحل ورتبت شالي وضبطته باوعت مهدامي مرتب على أخر حبابه خل نشوفك إشسويت يا مناف افندي .
" طلعت من البيت ورحت المراح طلعت الغنمات والخرفان الحلال كله وشفت امي كاعده هي وام رياض يسوولفون شافتني وصاحت
أمل ـ نمارق وين جان اخذيتها وياج تغيير جوو خطيه
هاجر ـ ما تفعل شسويلها يمكن نامت يلة انه رايحه صدك عمه ام رياض نورس تجي لو طلعت قبلي حسيت ملامح وجهه تغيرت وكالت
ام رياض ـ لا ما تطلع ناجح هو يطلعهن
هاجر ـ أستغربت مو بالعاده ولو صار فتره محاربها ما يخليها تطلع ولا نلتقي انه وياها متخبل على وكته
امل ـ روحي هسه انه اجي وراج
هاجر ـ ماشي يمه، طلعت وشايلة العوده وصلنا ناحية البساتين كاعهم فارغه بس حلالهم موجود وشفت اثنين بس ما كدرت اميز بينهم بقيت كاعده والجو جان كلش حلو شوي شوي حلالهم صار قريب على كاعنا واجه واحد شكله صغير وناعم يدندن ويه روحه واخذهن واجه مناف من بعيد يركض ابتسمت وتلفت ماكو احد بس انه وغنماتي جان كلبي ما مرتاح مدري ليش
مناف ـ أمجد اخذهن ورد الكاع هسه الحكك
امجد ـ وين مولي يمعود مو تبطي وتسويلنا طلابه
مناف ـ لاتصيررر مثل اشهاب بس يفتي بروسناا خابصنا يلة امشي هسه الحكك
امجد ـ والله شما اشوف ماكو واحد برأسه عقل غير اشهاب كلكم ما تودونه ولا تحبونه بس انه احبه واعزه حيل لن انسان كلبه طيب وع نياته وفقير وما عنده اذيه على احد وانتوا الفقير تاكلونه
مناف ـ يلةةة فضني ولي عاد روح عليه حبه واشبع منه منو لازمك صاير حنين الفاهي يلة امشي روحت علينا الوقت
هاجر ـ متلاغين بينهم واني كلبي ما مرتاح كمت نفضت ثوبي واخذت الحلال ومشيت واجه هو سريع وكف بنص الكاع مالتنا ويضحك واخوه واكف اله من بعيد ويحجي عليه بس مناف رايح بعالم ثاني يتغزل ويسولف وانه روحي انقبضت جن علمت راح يصير شيء سمعت اصوات جايه من بعيد باوعت لمناف روح بسرعه يمكن احد جاي
مناف ـ لا ياربييييي لاااا
هاجر ـ اخوه اجه عالسريع اخذ الحلال وانخبصوا والخوف مغطي ملامحهم بالاخص اخوه روحه لابت ومناف ما يعرف شيسوي يمشي يروح انثول وانه انثولت اكثر منه واني توني اريد امشي من يمه واجه ابوي شايل سلاحه وجهه ناحيتنا وقبل لا يطلق الطلقه ركض اخوه وصار كدامه ويتوسل بي
امجد ـ عمي فدوة والله الحلال اجه لكاعك وهسه ناخذه ونولي وبعد ما تشوف خلقتنا بس السلاح عوفه من ايدك الشيطان ما مات عمييي
هاجر ـ جانت ملامح ابويه تجاهيي مليانه غضب وخيبة أمل وخذلان وقبل لا يكمل كلامه اطلع الطلقات وطارت الطيور وتلاشت الاح
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
