رواية عاد طليقي الفصل الخامس 5 بقلم جمانه السعيدي

رواية عاد طليقي الفصل الخامس 5 بقلم جمانه السعيدي 

طلعت من الدكتور حيل مرتاحه نفسيا وبديت بلعلاج بنفس اليوم 

  كلش متحمسه  

  وفعلا بديت احس بلفرق على جسمي بديت اسمن وبدت ملامح جسمي تبرز وكل شهر اروح و الدكتور يعيد تحاليلي حتى الدكتور نفسه متفاجى بلتغير لحد ماكملت ست اشهر 

صرت وحده ثانيه اني اصلا ملامحي كلش حلوه عيوني كبار عسلي ورموشي ثخان حواجبي كلش حلوات خشمي عدل وجهي امتله حتى حلكي حلووووو 

التغير الي صار على شكلي بعد ست اشهر شي مذهل وعجيب

نزلت الصبح جان يوم جمعه صباح الخير ماما 

.....صباح النور صلاوات على النبي ولله لوماعايشه وياي جان كلت هاي مو بنتي   

..نور ...حتى اني مامصدكه كلساع اباوع بلمرايه واكول معقوله هاي أني 

   يمكن الدكتور غيرني  

   ولله الفضل لله والسهى 

سهى ام الصالون لوماهيه توديني جان بقيت معصعصه 

شديت حيلي لان احس نفسي انسانه جديده   

 نور القديمه بعد ما اريد ارجعلها نور الجبانه الضعيفه الي اكبر حلم عدها رجال تزوجه   

 مومهم يحبها يكرها   

والحمد لله نجحت من الخامس وطلعت من الاوائل  

 والعطله كلها خلصتها يم سهى بلصالون

 احسها حيل تفهمني احسها اختي الجبيره واني اكتسبت مهارات الصالون كلها   

فديوم اني بلحمام وطلعت اسمع امي تسولف على بابا

ابو نور اليوم شفت ام احمد جيرانه هناك والحجي يجر الحجي

   عادل مخابر اهله ايكلهم بعد ما ارجع  

 وتكول مزوج امريكيه علمود الاقامه 

 جاي يدرس ويشتغل   

 اتكول هاي الامريكيه اكبر منه بعشر سنوات  

  وكاعد وياها ابيتها    

بس ابو نور هو شيدرس موتخرج من الكليه هنا 

.....شمدريني عسا لارد انشاء الله 

ولااكدر انسا عملته 

دمر البنيه وعافه عسا حوبتها لاتتخطا    

الحمد لله الله التفت عليه جان صار بيها شي من ورا 

اني سمعتهم صحيح صار سنتين اني ماشايفته بس ما ادري ليش ضجت بسيطه. اذا. ما. اهينه

  صعدت الغرفتي فوك  

  كامت تنزل دموعي وامسحها   

 وارجع احاجي روحي ليش تبجين

 مايريدج افهمي مايريدج  

   امريكيه امريكيه عادل واكبر منك بعشر سنوات معقوله هي هاي الي راح توصلك الاحلامك 

مسحت ادموعي اني عليمن ابجي اني راح انجح واصير احسن منه ميت مره  

 ولازم الزمن يجيبا ونلتقي 

  اذا ما اخلي يتحسر بسيطه 

بدت بلعطله اشتري كتب تطوير الذات  

 اقره قصص بيه دروس وعبر

   حتى كتب تاريخ 

  حتى قصص اجنبيه 

  لازم اكون انسانه قويه وكلشي اعرف ما اريد بعد احد يضحك عليه اني انسانه نولدت من جديد 

ودخلت السادس وشديت حيلي اني عدي هدف ولازم احققه 

وفعلا نجحت ودرجاتي عاليه وجبت الاستماره امليها 

...بابا اني اريد اصير محاميه 

حتى اكدر اساعد الناس وخاصه النسوان المضلومات اجيب حقهن شنو رائيك 

.....بكيفج بابا الي يعجبج واني وياج واساندج طول العمر 

وفعلا طلعلي محاما والكليه مو بعيده بنفس محافضتي تقريبا ساعه بلسياره  

 اشتريت ملابس محجبات اخر موديل واخلى مكياج خفيف لان تعلمت فن المكياج 

  لاصرت محترفه واكو بنات اثنيين صديقاتي يداومن وياي سجا وزهراء 

كلش حلوه الكليه واني حيل متحمسه احسها عالم ثاني حسيت نفسي كبرت هواي 

النصف الاول تمام اما النصف الثاني اكو ولد وين ما اروح وراي اني طبعا منتبها اله بس اني مقرره ادرس وبس ماكو حب وسوالف مخربطه 

بس هو وين ما اروح وراي  

لحد ما فديوم فاجتني سجا    

نور اريد احجي وياج ا

....اي تفضلي     

....هذا الولد ايكول هاي البنيه عاجبتني من بدايه السنه وراقبتها وعاجبتني تصرفاته وثكلها  

 تسمحلي نتعرف اني وياها 

نور شنو شنو هاي البنيه اني لاحبيبتي شكرا اني جايه ادرس وبس ما اريد اي علاقه من اي نوع خل يحل عني 

سجا زين انطي مجال يجوز يعجبج 

....لايعجبني ولا اعجبا شني هو غصب ما اريد 

وفعلا وصله الرد لكن ابد ما ايس وضل يلاحقني من مكان المكان وفد يوم كاعده بلكافتريا هي وصديقاتها جان اجا هو 

....صباح الخير تسمحولي اكعد وياكم 

زهراء وسجا وحده تباوع للثاني

   صباح النور اني ما رديت 

نور لا مانسمحلك بصفتك شنو تكعد يمنا 

بصفتي زميل وياكم اريد اتعرف عليكم 

اني سجاد من الناصريه واحب اكون صديق الكم 

نور اسفه مانصادق ولد يله كومن بنات راح وكت المحاضره علينا وخلينا وكمنا 

سجا يمه شنو هذا الجبروت شلون هيج تردين علي 

نور ليش عاجبج تكعدين ويا روحي اكعدي ويا واحجي براحتج اني عندي محاضره 

زهراء ولله عيب يافشلتاه لو اني لو اموت ما اسويها ولله قويه انتي 

نور اني رافعه شعار ادرس وبس احلام الحب والزواج من اتخرج  

 واشتغل والكا الانسان الي يقدرني

  افتهمتن لو لا 

ومرت الايام والاخ ابد مايقبل يستسلم 

خلصت السنه ونجحنا احنا التلاثه   

 وبلعطله اقرا قصص بوليسيه اجنبيه 

  اقرا كتب عن اصعب القضايا بلعالم 

لحد مابدت السنه الثانيه بلبدايه اني نسيت سجاد ولااذكره 

لحد اسبوعين دوام

 يمشي وراي وين ما اروح 

كلساع مسمعني كلمه شدعوه هلكد عصبيه 

احد كالج عيونج حلوات  

  ياربي حوريه شارده من الجنه 

اني ساكته وابد ما ارد 

فديوم وحدي رحت اجيب جاي من الكافتريا 

واذا بي بوجهي

   الله عليج خل احجي وياج بس كلمتين وبعدين اختفي من كدامج نهائي 

كعدت على الكرسي كتله اتفضل

 بس اختصر ما عندي وقت هواي 

...انتي ليش ماتنطيني مجال يجوز اعجبج 

...اني جايه ادرس وبس وما اريد اي علاقه من اي نوع لاصداقه ولا اخوه ولا حب ..

.

....بس اني احبج واريد اخطبج ونزوج من نكمل 

.....يا ابن الناس ما افيدك وما اصير اللك 

.....ليش اذا ماتكللي السبب ما اخليج ترحين وراح اضل اضايقج لان احبج وهذا عنادج خلاني اتمسك بيج اكثر 

ترا اني متمكن والحمد لله ومستعد الكل طلاباتج 

...ما اكدر 

....اي كولي ليش انتي مو بنيه حالج حال البنات 

.....اني راح اكلك ليش ومنا وتنتهي السالفه 

             الفصل السادس من هنا