مسلسل مريض غيره الفصل الرابع 4 لاميره سليمان
.الحلقة (4) #احداث_خاصة
من #مسلسل #مريض_غيرة
الكاتبه أميرة سليمان
كل شي بيني بين راجلي منين كنت نأخد في حاجات مش نقعد من دون صغار 🙏💔 هو و أمه كان يستنوا في عيل خاصة هو الولد الوحيد عند أمه يبي صغار 💔
منين اتصل فيه في الجامعة و قالي شفت
شن فيه الدولاب و اني نقول خيرها صغيرة و أمورها صحية تمام و عالجتك و درت تحاليل و شكيت في روحي و انتي تطلعي تأخدي في حاجات من وراي و تضحكي عليه ب ربي توا يرزق صكرت الخط و اني في الكلية و دموعي نزلوا مش عارفه علاش درت هكي بس 💔 كان في قلبي انسان قبله ممكن نستنى فيه و اني متزوجه مش عارفه كيف فكرت 💔
جاني هو معصب و قالي اطلعي برا الكلية
و اطلعت و اول ما اركبت للسيارة ما باش يتكلم لين وصلنا للحوش ابديه يدف فيه و يعيط عليه ب هذا كله لأنه قلبك معاه يا خاينه واحد طلقك يوم كسوتك على خاطر خلاف بسيط و اني كنت راجل معاك و سترتك و انتي ديري هكي 💔...
افتح الدولاب لوح عليه الباكوات و قالي يا خاينة ..
منها تغير ديما شاك في هاتفي شاك فيه مش مرتاح ليه حته الجامعة قالي اقعدي حتى نطلع اني و إياه ايقولي بلكي واخده معاه موعد و ركب للحوش كاميرات و يراقب فيه في كل مكان لدرجت نخش للحمام يقعد في جرتي ابديه زي مريض غيرة مسوس مني 💔💔 لين في يوم كنت ماشيه اني و إياه للدكتورة إمتاع صغار قاتلي بسبب تأخدي هلبا في حبوب و حاجات تبي فترة مش تمشي امورك روح بيه و اقعد الطريق كلها يهزب فيه لين جاه اتصال في حد قاليه راهو هذاك الراجل عرسه اليوم لوح الهاتف و ابديه ايعيط عليه ب لي حرمتني من صغار على خاطره هو ليلة عرسه
نزلت على قلبي زي النار هذاك الإنسان ل درت الحوش اني زي مانبي لي كان يقولي مستحيل نخش على غيرك ل خربت حياتي كلها على خاطره معقولة بيديرها معاش قدرت حاولت نمسك نفسي و دموعي لاكن اقسم بالله الحب صعب و العشم صعب و القلب لما يبي صعب حاجة تموت يا ناس
روحت طول خشيت للحمام مش نبكي و شديت روحي افتحت الميه و هو يعيط برا عارفك تبكي على خاطره عارفك اقعد نعيط ب شويه لين طلعت امشيت نصلي مش نرتاح و الصدمة 😰
اول ما ابديت نصلي دموعي تغلبت عليه ما قدرتيش نمسك نفسي خلاني نكمل صلاة طول ابديه فيه ضرب و يقولي تبكي على خاطره تبكي عليه هو فايتك و اني ساكته
و زمطت ريقي و اسكتت في ليل و اني فاتحه الهاتف و نشبح في زفته و صور عرسه هو يضحك هو يبتسم لاكن مش مركزة على اسم العروس لين نشبح في ايميلها نفس ايميل صاحبتي لاكن شاهدة على قصة حبنا نار في قلبي خلاص شيطت معقولة البنت لي كانت تدعم في قصة حبي و كانت زي اختي تطلع هي عروسته طول امشيت للحمام صكرته و اتصلت بيها و الصدمة 😧😰
اول ما قلت الو
رد هو قالي شن تبي انتي عند راجلك و هاذي مرتي و حلالي زي ما حرقتي قلبي مع ولد خالتك اليوم اني مع صاحبتك و صكر في وجهي من الكلمة هاذي قعدت قريب اسبوع لا نتكلم لا نأكل لا نشرب جوني خوتي و خوالي و حكم القبيلة و لي هذا يقولي حطي عقل في رأسك أو راح يطلقك من الأهبال حرفيا 💔 اصعب لاحظات اقعدت في دار مش قادرة ندير شي مصكرة الضي و راجلي عارفين نبكي عليه مش قادر يطلقني لأنه يبيني فترة شهر و اني معزولة من كل شي لين نضت كملت حياتي بعد شهر طلعت حامل حسيت روحي تحمست نولي أم و راجلي غير شن تبي كان فرحان لين وصلت في الشهور الأخيرة كنت عند اهلي طلعت نتمشي اني و خوي لي اصغر مني في الجهه إمتاع اهلي و اني كيف طلعت وين محلات اخديت حاجات لي بيبي و كيف طالعة و الصدمة .....🔥😨
