رواية أم عزباء الفصل الرابع 4 بقلم ميلو حسن
سماح:خدت تلفونها وتقرا في المسجات لن وصلتها رساله
مستحيل
سميه:شنو في؟
سماح:اءءء جتني رسالة تع المكالمات الفائتة
سميه:كيف مفهمتش؟
سماح:عمي محاول متصل بيا اكتر من مره
سميه:حطت يدها ع قلبها ان شاءالله خير
سماح:خير ي ماما متخافيش
سميه:مترديش عليه انا مش ناقصني نسمع منهم ولا خبر
سماح:بس الي مخوفني انه عمي مش راح يتصل الا لو في شي ...معقوله يكون حن علينا
سميه:تحرك في راسها بخوف ...مش راح يجي منهم خير
سماح:ووووه اهو عاود يتصل تاني
سميه:ردي وشوفيه شن يبي لكن متقوليش احنا وين موجودين
سماح:هكي تقولي؟
سميه:اي ردي
سماح:فتحت الخط ....الوو
________________________________
ماجد:ماسك الورقه وكان وجه مليان عرق من الصدمه
كان يحاول يكون طبيعي علشان رنيم متحسش ع شي بس مقدرش
رنيم:خشت للغرفة....ههه حبيبي بوك اتصل بيا وقالي انتي وماجد تعالو الليله عندنا
فتحت الدولاب ههه اكيد عزومه علشان مافيش حد لتوا تفكرنا
ماجد:مكانش مركز فيها وعقله مشغول في شي تاني
رنيم:شافت لي ماجد في لمرايا....خيرك ماجد ؟
شنو متقوليش انك مش فاضي
ماجد:مسك الورقه بغل لدرجه تمزقت كلها وطلعع وحاس الدنيا تلف بيه 💔
رنيم:تنهدت...غريبه معقوله في شي صاير مع أهله وله الورقه الي كان ماسكها؟ لالا شن تخرفي رنيم
يالا نوتي روحي واكيد ح يرجع بعد المغرب💕
___________________________
شيماء:ههههه ...كانت ضحكتها عاليه لدرجه اغلب الضيوف الي ف المطعم لاحضو...لا ي قلبي انا مع هشام حاليا وكأنه غبي شوي
دانا:ههه جبتلك احسن شي عندي
شيماء: بس راح يتعلم عادي😄
دانا:ههه هشام عبيط بس قدع
شيماء:اوك حبيبي نا مأمنه فيك
دانا:المهم انا تأخرت بنطلع نحكو في ليل
شيماء:تمام بس متنسيش الي قتلك عليه
دانا:ي عيني متوصيش
شيماء:حلوو...سلامات
هشام:يحك في حاجبه ليمين...عذرتك المرهً هادي لانك قعده مشفتيش خدمتي
شيماء:تشوف لعيونه...منبيش ولا شي يفوتك كل شي نبيه يكون عندي من غدوه
هشام:كأنك مافيش شي يهمك الا نفسك
شيماء:تحرك في الكاشيك تع النسكافيه....بما اني سمحتلك تخش حياتي راح تتعرف عليا اكتر بس الأيام الجايه😉
هشام:كأنه كتفك ليمين اعوج
شيماء:شنو رايك اديرلي مساج
هشام:هني قدام العالم
شيماء:سخيييف...وناضت خلص لحساب انا مجبتش معاي ولا فلس
هشام:تمام المرهً هادي سامحتك لكن ديري خصم
شيماء:ههه .....لينا اللقاء...وطلعت💕
____________________________
مسره:لا خلاص حتا هنايا كويس
انور:وقف السياره....تمام براحتك ولما توصلي ابعتيلي مسج
مسره:تشوف لعيونه بكل حب...اءءء تمام
انور:تمام ....بااي
مسره:باي...ونزلت🔥
____________________________
سماح:رأسها بين يديها....لا مستحيل انا مش قادره نستوعب
سميه:خدت نفس مش عارفه لكنً قلبي مش مريحني
سماح:عمي بعد سنه يتفكرنا ولا يطلب انه نرجعو لبنغازي
سميه:مافيش شي يمسحلهم الي داروه
سماح:ولا بكل وقاحه يقولي ي بنتي انتم مكانكم معانا والي صار لخبطنا كلنا
سماح:افففففف وتوا شنو راح يصير؟ يستنا في ردي علشان غدوه يبعتنا السياره
سميه:لا حول ولا قوه الا بالله🤦🏻♀️
مسره:فتحت الباب وخشت....طبعا كاين وجها ميتفسرش خاصة لما شافت امها وأختها متوترين
.....شش شنو في؟
سماح:تمسح ف دموعها.....عمك
مسره:بصدمه....خيييره؟
سماح:اتصل بيا ويبينا نرجعو لبنغازي ونسكنو ف حوشنا الاول
مسره:تحاول تخفي كمية الفرحه الي نزرعت داخلها...هههه اءءء كيف كيف؟ مفهمتش
مصح خليقته
سماح:انا داخله لغرفتي نبي نرتاح شويه وانتي تلقي غذاك ف المطبخ
مسره:دسي دسي الفرحه متخليش حد يلاحظ ....امممًبه
سميه:شنو وضع قرايتك؟
مسره:تشلح ف البوت متعها.....ماشي ي ماما زي قبل
سميه:به تغذي بنتي قبل م ترقدي
مسره:قتلك نرقد؟ ههه الزحً الواحد حتا فرحته معاش يقدر يفرحها قدام الناس🙄
خدت بعضها وخشت المطبخ😂
🔥رِوَايـــــــــات ميـــــلـو حــــسسـٰـــن🔥
🔥رِوَايـــــــــات ميـــــلـو حــــسسـٰـــن🔥
مساعه 8ونص بعد المغرب:-
ماجد:كيف درس سيارته وهوا يفكر في لكلام الي سمعه من صاحبه
حط قدامك جميع الاحتمالات ممكن الرساله قديمه
يعني متلخبطش نفسك وممكن كذبه ؟
وممكن في حد ناوي ع شي
انتا توا روح مدام مرتك تتصل بيك ولو في شي راح يبان
فااااق ماجد من تفكيره ونزل لحوشه 💔
رنيم:اها صار العيله كلها غادي يعني مش عزومه خاصه بينا
اوك اوكً ان شاءالله خير صوت ماجد جي نتلاقو باي
ماجد:خش ...هيا واتيه؟
رنيم:اي واتيه وانتا شن فيك طلعت وجهك ميتفسرش
ماجد:لا لكن صارت مشكله لي علي وحليناها
رنيم:اها مشكله لي علي
ماجد:بتطبيع وله نمشي؟
رنيم:هي هي انا واتيه
ماجد:حياه متزبره معاش فاهم ف امها حاجه
رنيم:تشوفله ومصدومة لانه ماجد مافيش مره كان معاها عصبي
زعما في حاجه؟؟ لالا معاش تفكري هلبا وطلعو مع بعض🤷🏼♀️
____________________________
شيماء:كانت مدوشه قايمه شعرها كوده ولآبسه توته ناعمه لونها بيج كانت مقعمزه ع صالون وتتفرج ع تلفاز في فيلمً اجنبي نوعه رعب🔥☠️
قررت انه مش راح تطلع لانه الجو برا صققع وطلبت عشاء من المطعم
لكن مكانتش حاطه في بالها انها ترقد لن تسمع اخر الأخبار من دانا🤷🏼♀️
________________________
مقعمزين قدام الدفاعي ويتعشو🔥
سماح:جو برا يخوف صقع وريح قووي
مسره:اي كأنه بداية عاصفه
سماح:والله مً في عاصفه زي العاصفة الي صايره معانا
مسره:ههه ضحكتيني عادي كل شي من ربي حلو
سماح:غريبه معلقتيش ع رجعتنا لبنغازي وله شعرتي بالانتماء؟
مسره:😨...علاش بنعلق ف نهايه راح نرجعو لبنغازي وراي ماما هوا الي ح يمشي علينا
سماح:لااا غير انتي مش مخليا شي ف حاله بس
مسره:بلعت الي ف فمها....ف حاجات متستاهلش نحكو عليها
سماح:شافتلها بهزوه وقامت سبات الخبزه وناضت خشت للمطبخ
مسره:خيرها بنتك ؟ ع شنو متوحمه بس؟
سميه:سايريها أختك مش هاين عليها الي قعد يصير معانا
مسره:في داخلها(في جرت بنتك الضايعه شردتنا
سماح:تنزل في الخبزه السخونه من الموسع...سمعت تلفونها يرن
طلعاته من جيب التوب الي لابساته....شن يبي مني هدا بس يعني مش راح يخليني في حالي💔
ردت وعلت صوتها شن تبي ي تافه
مسره:حست بصوتها ناضت بسرعه
سماح:شن تبي مني ؟ انا معاش نبي نحكي معاك
مسره:قعمزت ع كرسي مقابلها
سماح:جت عيونها ع مسره
مسره:هزت برأسها بمعني كملي
سماح:الي بديره ديره وطلعنب من راسك وسكرت الخط
مسره:ناضت بخطوات مستفزه....عايشه في كل هالرعب والقرف ومازال مسكره راسك انك تقعدي ف طرابلس
انتي مفروض تفتحي عقلك علشان امك وتخلينا نرجعو بنغازي اقل شي ترتاحي من الشكل الي اسمه منذر
سماح:كان عقلها يترجم في كلام مسره
لكن مشكتش في شي غير انه مسره قعده تقول في الحل الي يناسب مشكلتها
لانه مسره ف نهايه اختها واكيد تتمنالها الخير
مكانتش تحساب انه مسره اختارت مصلحتها وكانت هايمه في جو اكبر منها🤷🏼♀️🔥
سماح:كان تفكيرها في امها قبل نفسها
وفعلا لما فكرت ف كلام مسره حست اختها عندها دماغ وتفهم
خدت الخبزه وطلعت صح متبيش لحوش عمها شوفه لكن اقل شي ترتاح من منذر وميصيرش شي يزعل امها من جديد لانه منذر كان ولد حرام🔥
مسره:بعتت مسج لي انور(ليش مقلتليش انه عمي يبينا نرجعو لبنغازي؟
________________________________
كأنه ابطال روايتنا بدا يتحدد مصيرهم
مننكرش انه كل شي قعدين متعايشين معاه غصبا عليهم بس كأنه مصيرهم راح يطلعهم من شي لي شي تاني
ومش معروف الي مكتوب يعيشو حلو أو لا؟
تعالو نتعرفو ع عيلة ماجد وأنور الي أساس الروايه حكا عليهم
وحسيتكم متلخبطين هلبا في شخصيات الروايه 🤷🏼♀️
الكل معزومين الليله في حوش علي بوه ماجد ❤️
كانو الرجاله كلهم ف الصاله والنساوين في الدار
طبعا علي وخالد خوت (عمام سماح وشيماء ومسره)
علي ولده ماجد ومرته رنيم وأم ماجد اسمها المهديه
وخالد مرته رويده وولده انور وبناتها وفاء ودانا❤️❤️
❤️❤️❤️❤️
في الدار في وسط الحوش:-
وفاء:خشت قعمزت جنب رنيم...عندك علم وانا جايه هنايا شنو سمعت؟
رنيم:شنو سمعتي؟
وفاء:ونا نقول ليش عمي عزمنا وندانا وشكيت بس إحساسي كدبني
رنيم:شن فيه احكي وفكيني من دوتك
وفاء:عيلة شيماء راح ترجع تخش حياتنا من حديد
رنيم:احلفي؟
وفاء:وربي زي منحكيلك واكيد توا ح ينادينا ويحكيلنا ويعطينا درس كيف نتعاملو معاهم
رنيم:مسحت ع وجها بتوتر.....سماح ومسره كم عمرهم؟
وفاء:هههههه...لا متخافيش ماجد مش راح يخونك مع وحده منهم
رنيم:لكن ماجد راح تنقلب حياته لانه ح يقعد يشم ف ريحة شيماء كل يوم وكل ميشوفهم راح يذكرهم
وفاء:بصراحه ماجد ولد عمي راح يتعذب
رنيم:شافت للحيط وخشت في تفكير طويل
في نهايه هوا راجلها وتفكر تخليه يحبها لانه هيا عارفه معاملة ماجد ليها كلها رسميات🤷🏼♀️
______________________
شيماء:هههه وربي ضحكت اليوم هلبا ان شاءالله خير
دانا:نحكيلكش منضر رنيم ووفاء اختي يبكي ويضحك في نفس الوقت
شيماء:فرحتيني اقل شي طمنيني عليهم كل يوم💔
دانا:اي الحمدالله اكيد عمي وبابا بدو في القاء الندوه
شيماء:تكلمت بصوت واطي بس حززززين....كويس
دانا:وانتي طمنيني شنو صار معاك؟
شيماء:انا قعده هههه في كذبه بس حلوه
دانا:ربي يقويك حبيبتي وغدوه طمنيني لو صار معاك شي
شيماء:حاضر ...وتوا نعست تصبحي ع خير💔
دانا:حست انه شيماء تتهرب ...به حبيبتي متفكريش هلبا سعيده
شيماء:سكرت لانه مقدرتش تنطق حررف...حضنت لبخده وخشت في حرب دموع من جديد
كأنه كل شي تراكم عليها كأنه حيل وقوه تتصنع فيهم💔
كمية الحزن الي مرت بيه كمية الهم الي وصلها للمرحله هادي يهد جبال يسرق ملامح
يهد كل شي حلو 💔
لكن لما تكوني عندك ثقه في نفسك انك مضلومه والي تسببو في كل شي قعدين يسرحو ويمرحو طبيعي ح تخلق فيك قوه رهيبه وراح ترجعي من جديد 🔥
🔥رِوَايـــــــــات ميـــــلـو حــــسسـٰـــن🔥
🔥رِوَايـــــــــات ميـــــلـو حــــسسـٰـــن🔥
كل العيله بعد مً كانت في الاجتماع المهم وافقو ع كل شي
طبعا كانو شروط علي وخالد انه يحترمو اهل خوهمً سميه وبناتهم وأنه سيرة الماضي متنفتحش من جديد
وافقو كلهم ع شروط بس مش كلهم راضين ع رجعتهم
زي رنيم وفاء وهلبا 🔥🔥
ميلو:سؤال حلقتنا اليوم (ليش شيماء مصرحتش هيا وماجد وفضحت انور انه هوا وراء كل شي ليش خبت السر ع عيله كلها؟؟؟
________________________________
في ليل:-🌚
رنيم:لابسه روب قصير لونه عنابي وفاتحه شعرها ....حبيبي انتا موافق ع القرار الي خداه عمي
ماجد:وعلاش لا؟ في نهايه بناتً عمي وغلط يعيشو بعاد علينا
رنيم:مه ع أساس تكفل بيهم خالهم واهو سيبهم
ماجد:مش مهم المهم انه بري دار الي لازم يديره من زمان وان شاءالله ربي يستر عليهم
رنيم:كأنه مهتم هلبا برجعتهم؟
ماجد:جبد الورغان وسكر عيونه وتجاهلها
رنيم:اففف غبيه
تفكرت كلام وفاء
وفاء:حتى لو ماجد كانً عايش قصة حب بس البنت ماتت خلاص مفروض انتي تخليه يحبك ويتقرب منك وتنسيه الي صار
لكن ضروري تكوني الهاديه وديري الي يحبه🥺
ماجد حبيبي اسفه ....حست انه رقد ومسمعهاش
🤦🏻♀️🤦🏻♀️غبيه بي امتياز
____________________________
سماح:طول الليل تتقلب لانه شاغلها تفكير طويل وعميق
واهم سؤال هنايا (كيف راح تقدر تعيش بين ناس مرحموهمش ولا سألوً عليهم ؟
قامت تلفونها وبهتت مسج لعمها انه يستنو في سياره
لانه في ضرف حكم فيها قررت تبعد علشان متعيششًً تحت تهديد💔
مسره:كانت تتراسل تحت الورغان وهيا في قمة السعادة لانهً ح تمون قريب من انور اكتر
هل انور قعد يتبادل معاها في نفس الشعور ؟
وله حاط في رأسه شي كبير🤷🏼♀️
كله كوووم وشيماء كوم تاني تخيلو انسانه عايشه مع كل هالضلم وقعده تقاوم
لكن الجرح الي قعد ينزف مخليها تشوف كل اليشر صغيرين وكأنه شي تافه قعد يمشي ع الارض وحتا رأيهم وكلامهم ميهمهاش لدرجه كبيره ومستحيل يستوعبها اي شخص🔥
بس شيماء في شي يفرح فيها لما تذكر انه عندها بيبي 🥺
ثاني يوم ساعه 5لعشيه⛅️⛅️
شيماء:كيف طالعه من الدوش ومليهاش نص ساعه نايضه لانه سهرت في ليل هلبا
لو تسمحو لعقلكم يفكر ح يسرقكم الوقت كله
قعمزت ع كنبه وتحط في مناكير لونهم هادي
شنو صار في هشام ؟
لن سمعت فونها يررررن
ضحكت كأنه حاس بيا من توا
مدير أعمالي طبعا😂.....رفعت تلفونها ....الوو
هشام:مافيش اخبار مهمه
شيماء:كيف يعني مافيش اخبار مهمه
هشام:اي مافيش غير انه خوهمً شهاب روح من السفر ويدورو في مربيا لي ولد محمد
شيماء:ممممممموااااح وهادي بوسه علشان هالخبر
هشام:😅....ولي امتا ح نقعد زي المسطول؟
شيماء:نص ساعه ونتلاقو في نفس المطعم
هشام:اوك
شيماء:باي باي
هشام:شويه ونحس اني عميل مع عصابه ونخون في بلادي🤦🏻♂️
_____________________________
رنيم وباقي العيله من الصبح وهما ينضفو في حوش سميه علشان يجو ويلقوه نضيف
رنيم:مش عارفه امتا ح نكملو بس
وفاء:هههه هنايا ديري وانتي مسكره فمك اي كلمه غلط ح يتهموك
رنيم:ع شنو بيتهموني؟ وبعدين انتي اكتر وحده عارفه انه نا تأثرت ع قصة شيماء
وفاء:حبيبتي انا وفاء مش دانا راهو
رنيم:قعمزت وهيا تتنفس بتعب....لا عارفه انك وفاء
صح انا نحب ماجد قبل م يحب شيماء لكن مفكرتش اني نأذيهم
وفاء:ومن وراه هديكه الليله وعلاش انور يتصل بيك وانتي علاش خايفه؟
رنيم:آل.....قاطعتهم المهديه
مهديه:ي بنات وينكم ؟ كملتو وله شن صار فيكم؟
وفاء:اي اي كملنا مازال الحمامات بس
رنيم:حوشكم واسع وكبير وربي يضيع الصحه
رويده :الله غالب عمك هكي يبي
وفاء:ماما لقيت انور متصل بيا شن يبي زعما؟
رويده :يوصي ع بنات عمك قال في طريق واحتمال المغرب يوصلو
وفاء:🙄🙄...تتكلمي عربي انتي متأكده؟
دانا:خيرك انتي مش كلهم زيك
وفاء:وانتي من امتا بديتي محاميه؟
دانا:اليوم😁
_________________________
شيماء:نزلت من سيارتها...جت عيونها ع هشام مقعمز ع طاوله يستنا فيها
هشام:واخيرا شرفتي؟
شيماء:قعمزت ....قبل كل شي انا فرحانه فوق زعل قلبي كله
هشام:مبروك
شيماء:طبعا نبي منك شي قبل كل شي
هشام:عيوني ليك
شيماء:نبي نعرف المكتب الي يبو منها المربيا وين مكانها؟
هشام:ع م اعتقد انه في مكتب واحد ويتعامل مع شركات
شيماء:وين بزبط؟
هشام:في (&&&&&&&&)
شيماء:تمام
هشام:انتي شنو قصتك مع العيله هادي؟
شيماء:راح نحكيلك.....خدت نفس طويل وبدت تحكي💔💔
__________________________
تررن ترن:-
رنيم:ناضت من جنبهم .....وردت ...الوو
👩🏻:الو مدام رنيم معاي؟
رنيم:اي تفضلي؟
👩🏻:انا الممرضة الي كنت نشتغل مع وفاء في العياده
رنيم:ان شاءالله خير شن في؟
👩🏻:انا نبي نطلب منك تسامحيني قبل كل شي
رنيم:بتوتر....احكي شن في؟
👩🏻:انتي قادره تحملي وتجيبي أحلا بيبي لكن
رنيم:لكن شنو احكي؟
👩🏻:وفاء لعبت في تحاليل وعطاتك علاج ضعيف
رنيم:تنهدت بقووه....وفااااااء؟
👩🏻:اي وفاء ونا عندي التقرير كله
رنيم:وعلاش وفاء دارت هكي؟
👩🏻:سكرت الخط
رنيم:رجعت تتصل بس التلفون خارج التغطيه
______________________
هشام:انا قعد مصدوم كيف ولدك معاهم؟ قعد مش فاهم متأكده انه حنا ف واقع؟
شيماء:انسا وركز توا معاي
هشام:دوختيني....شنو مقرره اديري؟
شيماء:خلينا نمشو مع بعض للمكتب شن رايك؟
هشام:تمام
شيماء:نزلت من الكرسي وطلعت
هشام:شافلها وتحولت نضرة الاعجاب لنضرة شفقه💔
__________________________________
في مكان ثاني:-
هدى:انا قعده مش موافقه نهائيا ع المربيه
محمد:هدى متنسيش انك طول الليل وانتي نايضه وصارلك فقر دمك بسبب السهر
هدى:عادي مهما كان انا راح نتحمل مسؤلية طفلنا
محمد:تمام المربيه ح تسهر معاه بس وفترة سنة بس وبعدها تصرفي براحتك
هدى:افففف
محمد:قرب منها ....حبيبي انا والله علشانك مترفضيش
هدى:شافت لي طه....تمام 😔
محمد:وردي بالك تغلطي زي المرهً الي فاتت ...الولد هدا ولدنا وانتي جبتيه قبل م نرجعو لي ليبيا بي أسبوع بس تمام؟
هدى:هزت برأسها....حاضر
_________________________
ساعه 7المغرب⛅️
كان حوش علي مليان زحمه ولعشاء ع النار 🔥🔥
دانا في المطبخ هيا ووفاء يجهزو في الحلو ونسكافيه
_______________________
سماح:شويه ونحس انه مش هما نفسهم الي لزونا
مسره:تشوف يمين ويسار.....استغنو بعدنا شوفي الأثاث وكل شي فخم
سماح:يملحوو نا ح نحاول نعيش منافقه زيهم
مسره:ههه ممكن حالنا يتصلح هكي اقل شي مش ملوحين في هديكه الشقه وعايشين في اكتئاب
سماح:يااالا معاش تفرق بالنسبه ليا هنايا زي غادي
مسره:وين رنيم مرت ماجد؟
سماح:وانتي من حكيتلك عليها ؟
مسره:😨😨....س سمعت يحكى عليها وانا داخله الحمام
سماح:قامت حاجبها ليمين ....حنا حياتنا كلها مفاجئات مش راح نستغرب لو طلعت مفاجئه جديده منك😄
مسره:😨😨
_________________________
طططقق طططططق:-
شهاب:كيف طالع ....من جاي في الوقت هدا؟
فتح الباب....نزل رأسه تفضلي
شيماء:هدا حوش محمد(&&&)
شهاب:اي ان شاءالله تفضلي؟
شيماء:انا مربية البيبي لو سمحت نادي ع المدام هدى
شهاب:تمام ...وهوا راكب الدروج
شيماء:كانت لابسه كمامه....خشت لداخل وقعمزت ع اول صالون
هدى:اهلين اهلين
شيماء:نزلت الكمامه... ي اهلين ☺️
هدى:انتي شن اديري هنايا ؟
شيماء:انتي الي شنو قعده اديري؟ نكون نا مربيه لي ولدي هير م تكون بنت غريبه
يعني ح يكون في يدين امينه😉
هدى:خودي روحك واطلعي خير م يصير جو مش راح يعجبك
شيماء:قربت منها وتكلمت بكل برود....وين طه ؟
_______________________
هشام:مقعمز في سياره يستنا في رساله من شيماء علشان يروح
مفهمتش شنو الشئ الي جايه علشانه شيماء من غير ولدها طه؟
وتفكر🤷🏼♀️
هشام:انا مش فاهم انتي كيف تبيعي ولدك بكل سهوله
شيماء:مسحت دموعها....أنا مبعتشولدي لي عيله غريبه عليه
وبعدين انا مش ماشيه كوني مربيه لي ولدي بس.....
