رواية بين الحب والأسر الفصل الرابع 4 بقلم أمل مهدي

 

رواية بين الحب والأسر الفصل الرابع 4 بقلم أمل مهدي

يا سارقَ القلبِ ، لطفاً لا تفارقهُ

أرفقْ بكلّ ثمينٍ أنت سارقـــهُ..!

كم فارسٍ دقَّ بابَ القلبِ مندفعاً

أرخى السّتائر ، حتى ملَّ طارقهُ..

""""""""""""

عزيز........

الو تفضل....

اتصل اللواء وخبرني هذا ثاني يوم وسام مجاي للدوام شنو الموضوع...

اذا صارن ٣ ايام يدخل هروب وساعته كلشي ما اكدر اسويلك

تعذرني... لا

شطت وصرت اعصاب وتعذرت منه 

ووعدته بيدي اجيبه واجي 

رجعت للبيت .....صاير نار

وسام وينك يا نقمه وسام

طلع حسام من غرفته بابا ماكو وسام

ما بايت بلبيت

.....لك اشلون مابايت بالبيت لعد وين بايت

واني ليش ما ادري

افتخار......ابنج وينه تدرين بي صارله 

يومين ما مداوم باجر يدخل هروب يا خاتون

.......ما ادري خابرت كل اصدقاءه

ماكو

......واني ليش ما ادري ليش اخر من يعلم

ناس اتخضعلهم وتوسل حتى يضمو من الحرب ومصايبه وشوف هو شيسوي

......على كيفك ضغطك لا يصعد

........ليش هو. ضغطي ما صاعد

من مصايب ابنج يوميه حركة اعصاب

دوري لابنج وبلغي باجر يدخل هروب

وانت حسام خابر كل جماعته دوره

اني ماالي علاقه بي 

بعد مليت منه.....

صار اليل ووسام ماكو

وثاني يوم وهم ما لكو البيت مشحون

والكل صايرين اعصاب....رابع يوم بليل....استسلم عزيز

افتخار ....... تبجي اشلون عزيز

وسام راح يروح من ايدنه أصرف 

.....يعني شسوي ابنج يلوي اذراعي لو تخطبلي هاي المدري منين لو يهرب راح يحطمني ويحطم روحه

ماكو غير نقبل بختياره ونرضه

.......وتخطبله بت هذا السايق 

مدري منو

.......اي نخطبه اله والزمن كفيل

بيهم....اليوم هم خابرني اللواء

صار ٤ ايام ضامه يكول باجر يرفع اسمه هارب

.......والله اذا صار ابوسام شي احركهه حرك

.......هيه شعليه ابنج ديركض وراهه

البنيه كاعده ابمكانه

.........اي مو انت ما تدري يجوز ساحرته

.......لا ما ساحرته ابنج حبه من يوم الداوم هناك لاحظت حتى طلعه بره البيت ما يطلع عاف جماعته اهل السهر والعربده...

........هسه وين نلكا صار كم يوم ما حنيت على امك يا وسام

..........بابا حسام اتصل على جماعته وواحد واحد وكلهم ابويه راح يخطبلك اليريدها

........وليش جماعته

....لان متاكد يم واحد منهم

كول هيج ومعليك

لساعه ١٠ بليل .....دخل وسام البيت وجنطه بيده

والوجه يضحك

سراب....

اليوم داومت ماشفت وسام استغربت

يعني معقوله ماخذ اجازه

وليش ما كلي

كل ما يفوت احد للشعبه التفت

ظليت طول اليوم ابقلق

ثاني يوم نفس الشي

حسن صاحبه موجود استحي اسأله

حاطه كتبي كدامي ابنهاية الدوام وصافنه

وفجأه اندكت باب الشعبه

فزيت من صفنتي ورفعت راسي اشوف منو طلع حسن جايبنه جاي

مديحه سالته لعد وسام

وين صار كم يوم ماكو

.......والله ست ما ادري

مياده ......خبيثه تقره وجهي

ها من هاي الجماعه قلقانين عليه

اني التفتت عليه 

ما اعرف ليش حسيته تقصدني

رغم ما جابت اسمي

سراب ....خزرته

مياده.....اوي خفت گمت ارجف

مديحه....تالي وياج مياده

......هاي اشبيج واحد ما يشاقه

ثاني يوم داومت هم ماكو وسام حسيت اكو مشكله بس اشلون اعرف الا اخابره يالله

ظليت

ضايجه طول اليوم

مديحه....اشبيچ اليوم مريضه

سراب......لا

مياده....يعني متدرين عليمن ضايجه

سراب....التفتت عليها

......انت شنو فلمج غاثتج اني بشي ما عندج غيري تره متحمله ما اريد مشاكل بالدوام والله كلمه مني لاستاذ خالد ينهيج خليني ساكته احسن

مياده....اي بلله روحي گوليله

دشوف شيسوي

سراب....جوزي مني لا تحجين ويايه

وكالعاده

لعلعت ابصوته اشويه

و صاحت علينه مديحه

وسكتنه

رجعت للبيت وحاولت الكه وقت محد موجود وخابرت وسام

ردت عليه امه بسرعه سديته

حسيت اكو شي

صار ٤ ايام ما جاي ولا منطيني خبر اكيد اكو مشكله

خامس يوم نزلت من الخط ودخلت الباب الرئيسيه واتفاجا وسام واكف يم الحرس ....يباوعلي ويبتسم

واني هم ابتسمت واحس كلبي اطمن

دخلت الشعبه واني كلي نشاط وجهي يضحك....

مديحه.......صباح الخير

..... هلو صباح النور

.....اليوم الوجه يضحك

.....شنو قصتج انت ومياده مراقبيني هههه

....لا يمعوده اصلا اني احبج عوفج من مياده

هنا دخلت مياده

مياده.......اشتم ريحة نميمه

اني رحت على مكتبي ما جاوبت

بس مديحه

....يانميمه ليش انت يكدر واحد يحجي عليج

مياده.....مو عبالي

بلشت ابشغلي....عادي 

وكل ما يجي على شغله وسام للشعبه يباوعلي ويبتسم

بديت ارتبك من دخوله لان مياده 

عينه علينه تراقبنه

طلعت للحمامات غسلت ورجعت لكيت وسام واكفلي

وسام........ابشرج ياكلبي راح نجي نخطبج

سراب ......صدك ههه اشوكت

.....عن قريب حضري روحج

........وين جنت هاي الفتره غايب

.....بعدين اكلج 

......ماشي

دخلت الشعبه واشوف مياده واكفه 

.......اشعندج واكفه ويه وسام

......عادي ديسال على الغده شيجب

......لا والله صدكتج

.........وانت منو حتى صدكيني او ما اصدكيني

.......مو على اساس انت تبع المدير

......تبع المدير شنو احترمي نفسج

لا اراويج الاحترام على اصولا

.......انجبي لج ورفعت ايده عليه

بهلاثناء كان داخل وسام بيده صينيه للفات دفع ايده ابايده

وسام........ايدج اياج ترفعيه

مياده........شنو ما بقالي الا انت دافعله.....انت تلزم ايدي ولك

وسام........ما لزمته بس منعتج تضربيه احترمي نفسج حتى الغير يحترمج

اجو بنات من الشعبه الثانيه

مديحه ...روح وسام فدوه طلعته

وسكت ابمياده ما تسكت

الكل يسال شكو 

.....اني طبعي مو مال مشاكل وصوت عالي وهاي الحقيره دتحاول 

اذب تهمه عليه 

ظليت بس ابجي 

نقيب عماد......شكو شنو هاي الهوسه

ست مديحه اشبيه مياده وسراب

......استاذ ما كو شي

مياده اني داخله للمدير وهمت تطلع

جاوبه نقيب عماد وهذا اخبث منه

تعاي ويايه المدير طالع

وهي ما صدكت ساعه ابمكتبه اتالف

وتحجي

مديحه.....دسكتي يمعوده شكد دمعتج رخيصه

على اقل شي وبجيتي

سراب.....شفتيه شلون اتهمتني

ورفعت ايده عليه...

مديحه........اي وسام هم زايده منه 

يتدخل 

تره هو منعه بس

لو ما هو اتهجمت عليه

اني لازم ادخل للمدير واكله هوايه صبرت عليه

اكول اكبر مني بس والله هيه ما تحترم نفسه

رجعت مياده المكتبه هادئه ولا كانه امسويه شي

طلعت للحمامات غسلت ورجعت

شفت وسام كاعد شويه عن الشعبه هو وحسن ...باوعلي بقهر 

رجعت على مكتبي حتى غده ما تغديت 

انتهه الدوام وطلعنه نزلت بشارع الاعداديه مال التجاره

كعدت اول درس شاغر وجنت جوعانه طلعت اللفه

الجابهه وسام قبل العركه واكلته

ثاني يوم داومت اول ما وصلت الشعبه سألت على استاذ خالد 

جاي

كالو بالمكتب مالته...

بس يمه ناس 

ظليت انتظر

وما فرغ مكتبه غير وره الساعه ١٢

دخلت ...مرحبا استاذ

مقدم خالد.......جاوبني تعبان بس تلكاني مثل كل مره

اهلا سراب....اتفضلي

........استاذممكن احجي وياك

........هسه ؟ اني طالع عندي اجتماع بالوزاره.....

.......سكتت بس عيوني حايره 

........رفع راسه وهو يلبس القمصله

بين عليي مستعجل...باوعلي

طلع من مكانه واجه يمي....اشصاير

ليش اعيونج حايره

عجيب اشلون يفهم عليه بسرعه

تعاي اشو كعدي احجيلي

........استاذ انت مستعجل ...ما اريد ااخرك

.......لا ممكن ١٠ دقايق عندي احجيلي

وحجيتله الموقف الصار ومياده

اشلون امحاربتني.... بالمختصر

باوعلي وهو صافن ابوجهي 

ماشي يصير خير اني أصرف

اطمئني.....

كام طلع ويايه ويسولف لاكانه

نقيب عماد يخزر بيه خفت من نظراته....الله اليعلم اشكايلتله

مياده

راحو همه واني دخلت شعبتي

خلص اليوم امكابله مياده المنافقه

بلكت ينقلني ينقله استاذ خالد واخلص منه...

ثاني يوم داومت اتفاجأ بنقل وسام

من داخل الدائره الى الحديقه البره

وبقى بس حسن يمنه...

مياده هادئه بطلت تتحرش بيه 

ووسام صار بره بعيد عليه

واستاذ خالد ابد ما فارغ حتى 

احجي ويا

دخلت الدائره صبح لاكاني وسام وجه وابوجه بيده ورده من الحديقه

صباح الخير... وانطاني الورده

اني ظليت اتلفت اخاف احدشافنه

وسام....

شبيج خايفه لا صيرين جبانه يومين واخطبج 

صيري قويه مشوفيهم يغارون منه

كله جم يوم وصيرين اليه وفنه اليجيب اسمج

ابتسمت ودخلت الشعبتي الورده بيدي 

خليته بالكلاص وزكيته مي وخليته على مكتبي

ساعه ودخل استاذ خالد وويا نقيب عماد

....صباح الخير بنات

كمت وكفت اهلا استاذ صباح النور

ومديحه ومياده هم ردو

لاحظت...باوع على الورده وتغيرت ملامحه

وخزرني ابنظره ما فهمته كانه يعاتبني

اشويه وطلع بره بالحديقه

رجعت كعدت وافكر شبي معقوله شافني من اخذت الورده

اكيد حتى لو ما شافني المنافقين اهوايه

نص ساعه كاعده اطبع قوائم

ونسمع هوسه. الكل يحجي ومهتم

ودخل استاذ خالد عصبي هو والنقيب عماد ويا

مديحه .....حسن تعال ...هاي شكو

حسن......تعارك استاذخالد ويه وسام

وفاككوهم الحرس

اني رجفت ....رجليه بعد ما اشيلني

ومياده تضحك ونظرات الشماته تباوعلي بيها

خلص الدوام واني للبيت مابيه دوام

ثاني مال التجاره

قلق وخوف ما ادري شصار وليش اتعاركو ..وخوفي على وسام لان استاذ خالد. ضابط وصاحب نفوذ

ووسام جندي ياذونه اقل ما بديهم ينقلو للجبهه

بليل من نامو اهلي اتصلت على وسام

.....الو وسام اشلونك

.......هله بحبيبة الكلب انت اشلونج

.....موزينه اليوم متت خوف عليك

........يمعوده ولا تخافين

.......اشصار سولفلي

........اجاني استاذ خالد ونقيب عماد

......اخذتلهم تحيه

استاذ خالد.....شكو بينك انت وسراب

.......سيدي آسف اموري الشخصيه هاي

........وانت تخدم عسكريه لو جاي تحب وتتعارك ويه الموظفات وتهدي ورود هي هاي امورك الشخصيه

........لا سيدي اني مستحيل اسوي هيج اذا تريد اشرحلك الصار

......شتشرح انت شعندك ويه سراب

.......وسام دنكت هديت نفسي اشويه

متفقين هذا الاسبوع راح اخطبه

اباوع عيونه صارن حمربس بعده هادئ

وهيه موافقه لو لا

وسام......اي ....

قبل ما اكمل جر ني من ياختي

دفعته من صدره وفكيت نفسي

متعجب....ظل يباوعلي ومد ايده راد يضربني بوكس رجعت ليوره ولزمه 

نقيب عماد

.....انت شعليك احبه اخطبه شعليك

هم يريد يهجم عليه بس جرو

وجرني. الحرس يم الباب

الكل شاهد ما اجاوزت ولا مديت ايدي

سراب ......تصور يحتاج شاهد اذا راد يعاقبك

وسام.....ميكدر يعاقبني لان راح يسالو علويش اتعاركت ويه جندي

واكيد ما يجرأ يحجي

بس الشي التاكدت منه هو عينه عليج اكيد ....

هذا الاسبوع راح يجي ابويه وعمامي نخطبج

ثاني يوم ردت اشوف استاذ خالد بس رفض بحجة شغل ما فارغ

مرتين رحتله وما يسمحلي

ادخله

اليوم داومت وكان خالد موجود...

بعدني اباب الشعبه وأجاني حسن ست سراب المدير يريدج

.......ما اعرف ليش سرت رجفه ابداخلي.....

قويت نفسي ورحتله

.....مرحبا استاذ .....سلمت واباوع بوجه 

........ تعاي تفضلي اكعدي

كعدت واني خايفه من هذا الهدوء

.........ظل يباوع ابوجهي منتچي ايد على الكرسي وايد

ساند راسه بيها

وساكت

بعدين نطق

....معقوله ما حسيتي بيه... 

نظراتي اهتمامي... خوفي... وغيرتي عليج

شنو اسوي حتى اللفت انتباهج

هدوئي ..كلامي نظراتي الي حاطتج بالامان...ما اوحت الج بشي

بعدين همس بيأس.....

اني اتاخرت .....لو انت اجيتي متاخره

ليش ما حبيتيني شنو المانع

مع الاسف......

كنت راسملج حياة 

مراح تتمنيه حتى بخيالج.....

سراب......

اني كنت دائما اتسائل كل اليسوي وياي شنو وهسه عرفت

كان حب ........نزلن ادموعي وهو يحجي ما عندي جواب

اخر شي ختمه بأجر اداومين بالشركه........... وقعت كتاب نقلج

رفعت راسي وباوعتله... 

وبجيت أكثر....... 

وكتله

اني أسفه.... لأن سببتلك جرح بدون قصد اني ما كنت اعرف شعورك اتجاهي ولا أذكر فديوم صار بينه شي

........لان ما ردت اللوث برائتج بكلمات 

حب مال مراهقين....ردت تفهمين

اني كنت اخاف عليج حتى من نفسي...واحسب احساب لكل تصرف يبدر مني...

بعده

كان يحچي بألم وحسيت 

يحاچيني ويحترگ ابداخله

دار الكرسي الدوار ونطاني ضهره.....

روحي الله وياج

اني طلعت من يمه بس كنت مقهوره وبنفس الوقت خايفه على وسام ينتقم وياذي

ما كان بيدي اي شي اسوي لملمت حاجاتي الخاصه و ودعت البنات 

ومديحه وطلعت هذا افضل شي اليه اغير مكاني ما ريد 

اظل ابوجه وهو حاقد عليه

سراب....

اليوم جمعه اجونه اهل وسام مشايه

وسام وابو وعمامه اثنين 

تعرفو على ابويه وعمي وصلاح حضر هم وابو عباس جوارينه

رغم بيتنه امرتب بس امبين الفارق الطبقي بينه احنه ناس بسطاء وهمه اغنياء

تعرفو علينه علينه

وخطبو ....

وابويه كلهم كم يوم اردلكم خبر راحو....

ابويه وافق بس خايف عليه كال

مبين عليهم ناس متكبره وشايفين نفسهم....

بس امام اصراري كال هاي هيه 

ردينه خبر الموافقه والجمعه الجايه الخطبه

من بعد الصار وسام كال لازم نستعجل ابلبس الحلقات حتى الكل ينلصم ويبطلون نفاق

ضغط صار عليه هذا الاسبوع امتحانات والتفكير بموضوعي اني ووسام

وغير هذا احساسي بالذنب اتجاه استاذ خالد رغم اني ما مسويه فد شي

الجمعه اخذت امي ورحت للصالون

حفيت وسرحت شعري ولبست ثوب فستقي مرتب سهر وشيماء وشهد

مشغلات المسجل يمي ويركصن

اغنية كاظم الساهر 

التكرصه الحيه بيده ...

ايخاف من جرة الحبل

وانت طعناتك ابكلبي

حيل ابد ما تنحمل

جايني بضحكة شماته

بالجذب تسال عليه

بعد ما طابت اجروحي

والالم ليهسه بيه

طبيت البيت وام مهدي اطش جكليت وتهلهل

وذني خبصني يدكن ويركصن

وصلو اهل وسام وهل مره سيارتين

عمامه وخواله وهو اصريجيب سيد

لان مهر المحكمه يتاخر لازم موافقه

ابويه عازم جوارينه وبيت ام مهدي كلهم واصدقاءه 

ام وسام واخته بس ويه المشايه جايات

قرو الفاتحه وكعدوني وره الباب وعقدولنه

دخل للهول وسام لابس قاط فرحان ويضحك ويدور عليه

لزم ايدي بلهفه وعيونه بعيوني ودنگ باسني من خدي

كان يصرف بعفويه وندفاع من الحب البداخله 

اني خجلت وهو ظل ياكلني بنظراته ما مصدك صرت باسمه

مبروك ياروح روحي

اني ضحكت على مصطلحاته الرومانسيه

اجت خالته بوسته وشاورته 

باوع الامه 

حبيبتي ماما

باس راسه وايده وحضنها

واجه كعد يمي

خالته باركتلي وبوستني ...بس امه ولا قتربت بس اتباوع

طلعت خالته علبة الذهب

ولبسني

تخم راقي 

وسام .....هذا اني ختاريته

سراب....تسلم ايدك حلو

هسه ارتاحيت خلي بعد

واحد يحجي الا اخلي رجلي بي...

ضحكت .....

.......اي اضحكي متدرين اعصابي

اشلون محتركه

....ها ليش صاير شي

.........سراب كلشي ضدنه عبالك محد حب غيرنه دشوفين

......ميخالف هاي الخطوه الاولى

وانشالله كل شي سهل بعدين

.......سراب اني مستعجل راح اخلي محامي يتابع العقد مال المحكمه 

احسبي احسابج اول ما نعقد 

نزوج...

.....ماشي مثل ما تريد

رجع باس راسي..... وكالو يله

طلع ضرف بي فلوس من جيبه كال جهزي نفسج 

ودعونه وطلعو...

ام مهدي......اتنشر على راسنه اني وشيماء وتقره آيات

ام رائد طكطكي حرمل بناتج اثنينهن

انخطبن لا ينحسدون يعيني

ام رائد.........الله الحافظ عيوني ام مهدي كلشي بيد الله

ام مهدي.........يمه سراب الله يعينج على امه اشدعواهه خشمه ما يكصه السيف...مجبوره اشبيه

ام رائد......اي والله يا ام مهدي لا هلهلت لا ضحكت اشلون انفه ومتكبره

ام مهدي.....ديله ما طول الولد يحبج لا توهسين يولي

وليدهم....يعاين على حلكج

اليوم اول مره نتخابر اني ووسام 

كدام اهلي وبعلمهم

نمت واني بقمة الراحه باجر سبت

واداوم خلصت الاجازه وخلصت امتحان

اجاني وسام ابسيارته الكورونه

واخذني للمكان الجديد النقلني اله استاذ خالد

وصلني وسام ودخل ويايه بعدين سلم وراح

اني استلمت مكاني الجديد نفس شغلي القديم بس هاي الدائره كله مدنيه وهم تابعه لوزارة الاعمار والاسكان 

وهم مشاريعه مدنيه 

اني تابعه الشعبة التدقيق ويايه ابنيه اسمه اريج وولد اسمه علي حبابين

باشرت عملي مديري اسمه مهندس كريم 

رحت وديت اوراق طلبهن وتعرفت عليه خوش انسان سالني مرتاحه بمكاني كلتله نعم استاذ

كال ...يمعوده اكل راسي استاذ خالد

اريده باحسن مكان هاي كرابتي

شيخلصنه اذا ما رتاحت ست سراب

يحجي ويضحك

رسمت على وجهي ابتسامه مجامله لا اكثر

لان الالم عصر كلبي

حتى وهو يبعدني عنه خايف عليه

رجعت مكتبي ....احجي ويه نفسي

هيج احسن من يسمع خطبني وسام اكيد راح ينسه 

وسام......

داومت اليوم اول ما دخلت الباب رفعت ايدي خطبت باركولي

اجوني الحرس بوسوني وباركولي

جنت جايب ويايه علبتين جكليت 

انطيتهن الحسن

يفتر بيهن على الموظفين حتى الكل يعرف خطبت سراب

وسام......

من بعد اسبوع جنت كاعد بالاستعلامات

ويه الولدكان تقريبا نهاية الدوام

دخل مقدم خالد وويا نقيب عماد

يسولفون ويضحكون

.......وكفت اخذتلهم تحيه

.......مقدم خالد اللتفت عليه وتقدم

اني ما باركتلك

الف مبروك اشوكت الزواج

........سيدي عن قريب انشاالله

.....ها تستاهل....وين اتروح شهر عسل ويباوع على عماد ويضحك اني حسيت ديستهزا وحتى الولد الوياي هيج حسو

مو عماد يسمو شهر عسل هههه

......بعد سيدي ما محددين

.....لا. لا لازم اتروح واني اوديك

خله ايده على صدره....وكال

شهر العسل مالتك عليه

اخليك تدعيلي ههههه

وعافني وراح

وهو يضحك ويه نقيب عماد

حسيت كلامه بي لغز والاكثر ضاملي ضمه مثل ما نقل سراب

ولد بالاستعلامات كال......وسام شتكول يحجي صدك لو يشاقه

......لا ما يشاقه يحجي صدك

ايقنت من البدايه راح ينقلني مثل ما نقل سراب بس مجنت متوقع الناقصه منه ابد

ياله المهم سراب صارت الي وباسمي حلالي

راح تبدي امتحاناتنه اني وشيماء 

لان بعد الامتحان تتزوج مستعجل

عليه ابراهيم 

لو ما الدوره مال الضباط جان ما صبر هلكد

ابراهيم اتخرج من الدوروه جابه صلاح وهو شاد النجمه ونسمع الهلاهل مال ام مهدي 

ام رائد......اخذت جكليت وطشيته

على ابراهيم ....شحلاته طالع بلبس 

الضباط الله يحرسه

شيماء ظليت احوس اريد اشوفه وامي ما قبلت تاخذني وياهه تكول لا صيرين خفيفه عيب من عيالج

رحت على التلفون خابرته

شيماء.....

سهر.......الو

شيماء......اني ولج سهر

سهر.....عزه بعينج غير تجين اتباركين الخطيبج

شيماء.......ما قبلت امي

سهر........يا ليش

شيماء ........دروحي صيحيلي ابراهيم

سهر.......يمه يمه راح تطلعلي من التليفون ....

ابراهيم ...تلفون

........هله بحبيبة الكلب

شيماء......بروح ابوك لا تنزع اهدومك الا اشوفك

راح اجيج للبيت منو موجود

شيماء .....بس اني

ابراهيم....وهو المطلوب جايح. حبي

وطلع محد يدري 

وتلكته شيماء

شيماء......ياعمري الف مبروك

ابراهيم......تدرين الخميس عرسنه 

شيماء.... واني حاضره كلشي مكمله

شيماء.......

اخذتني سراب للصالون يوم الحنه

تنظيف وحفافه ولفو شعري ولبست البدله السمائي 

اني اشتريت بدلتين من سوك الكاظم وحده سمائي ووحده ماروني

للحنه والعرس بدله بيضه

رجعوني للبيت خواله ابعوائلهم جاين وعمامه مو كلهن  

ابو عزام اخو ام مهدي عبالك امزوج ابنه

بالحنه سواله حفله جبيره وعشه وفرقه يكول فرحتنه ٢ بتخرجه وبزواجه

اجه ابراهيم حناني ونسوان خواله وبناتهم لعبو لعب بالركص والهوسات 

طلع ابراهيم للحفله مال الرياجيل

اول عشه ضخم مدو الميوزه بالشارع 

وبعدين اشتغلت الفرقه الموسيقيه

ثاني يوم زفه من بيتنه للفندق جان هستوه مفتوح الشيراتون

فندق ضخم وحلو وراقي.....

خلصنه بي ليلتنه وثاني يوم اجانه مهدي وابن خالهم عزام رجعونه البيت كان عرس كلش حلو

ام مهدي الوحيده على ثلاث خوان ابو عزام وابو سالم وصلاح ازغرهم

يحبون اختهم ابشكل

وابد ما عايفيه خصوصا من ترملت

خلص العرس واخوت ام مهدي رجعو التكريت...

سراب......

احنه هم رجعنه كلمن الدوامه شيماء

نجحت للسادس اعدادي ومثل ما وعده ابراهيم اتكمل يريده اصير معلمه اما اني نجحت من التجاره وناويه اقدمه للشهاده حتى راتبي يزيد

رائد رابع عام اما رافد ترك الدراسه عقيل صف خامس وشهد رابع ابنفس المدرسه

صار اسبوع اداوم بهاي الدائره

مرتاحه ما كو احد ينافق ورايه 

واني بطبعي ما انطي مجال يعني 

ما اذب ميانه ويه الغريب ثكيله واحسب حساب الكل تصرف

يوميه احجي ويه وسام بليل

ومن بعد ما حجالي الموقف البينه وبين استاذ خالد ايقنت 

انه يحضر لشي انتقاما 

الكرامته.....

            الفصل الخامس من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال