رواية حظ عاثر الفصل الرابع ليل ادم
رحاب : خير يا غاده في اي
غاده: استاذ ياسين عايز يلغي عقده معانا ومش حابب يكمل مع المكتب
رحاب : يا خبر و هتعملي اي
غاده: مش عارفه اعمل اي أنا نص رواتب الموظفين بتتصرف من ورا عقدي مع استاذ ياسين
رحاب: اكيد في حل اهدي بس ونفكر في حل
غاده: مفيش وقت الراجل في غرفة الاجتماعات مستني العقود
رحاب: ياستي اهدي بس خلينا نشوف هنقدر نقنعه اذاي
في جانب آخر ادهم دخل غرفه الاجتماعات بالخطأ
ادهم : أنا آسف دخلت على حضرتك كده من غير استئذان
ياسين : لا تمام مفيش حاجه
ادهم : ( مد ايده بالسلام ) أنا ادهم حضرتك شغال معانا في المكتب
ياسين: لا أنا عميل هنا انا ياسين
ادهم : اسم حضرتك حلو اوي
ياسين : شكراً يا استاذ ادهم من فضلك ممكن تستعجل استاذه غاده
ادهم : اه صحيح هو في اي
ياسين: مش فاهم
ادهم : أصل غاده اتصلت على رحاب قالت إن في مشكله والوقتي حضرتك عايز غاده يبقا اكيد المشكله مع حضرتك
ياسين: يمكن فعلاً اكون أنا السبب
ادهم : اي المشكله طيب يمكن ليها حل
ياسين : لا مش عايز حل أنا جاي أعمل الغاء العقد اللي بيني وبين المكتب
ادهم : ليه كده بس
ياسين : اهو لقيت أوفر بره احلي
ادهم : أقل من هنا بكام يعني
ياسين : سبعه مليون جنيه
ادهم : نعم
ياسين : نعم اي
ادهم : أقل من هنا ب سبعه مليون
ياسين : بالظبط
ادهم : ليه هو حضرتك بتدفع كام
ياسين : ٢٥ مليون في السنه
ادهم : كمان يعني مش مره في العمر بتدفعهم كل سنه
ياسين : انتا بتتريق
ادهم : اتريق اي بس أنا بكلمك بجد والله أصل أنا عمري ما شوفت مليون جنيه على بعضه
ياسين: ليه انتا بتاخد راتب كام
ادهم : لا ده اول شهر أنا محدش قالي هاخد كام
ياسين: هو في حد يشتغل من غير ما يكون عارف هو هياخد راتب كام
ادهم : أصل أنا بس الكلام ده بيني وبينك
ياسين : قول
ادهم : أنا أصلا بروح الشغل النهارده تاني بالكتير بكون مرفوض علشان كده مش بحب اتكلم في الفلوس أصل كده كده مش هاخد حاجه
ياسين: (بيضحك ) شكلك كل حاجه عندك سهله
ادهم : شوف يا ياسين بيه الدنيا علمتني حاجه مهما جدا
ياسين : اي هيا
ادهم : مبكيش على اللي راح أستنا اللي جاي واجمع الاتنين مع بعض و أبكي براحتي بقا وخرب الدنيا
ياسين: ( بيضحك) و بتقدر تعمل كده
ادهم : استاذ في الموضوع ده وكمان بيني وبينك الكفن ملوش جيوب فالموضوع كله كده كده بايظ
ياسين: كفن اي بس يابني
ادهم : منا مليش في العبارات العميقة أنا بحب الكلام يكون في مستوى اللي هو انتا فاهم حاجه
ياسين: لا
ادهم : اقوم أنا بقا اشوفلك استاذه غاده
ياسين: لا خليك خليك
ادهم : رغم أن استاذ سامي لو شم ريحتي بس في المكان هيقوم يخرب بيتي إلا أني قاعد معاك أصل أنا عشري حبتين
ياسين: انتا محامي هنا
ادهم : لا أنا تحت التدريب تحت ايد استاذه رحاب تعرفها
ياسين: اه
ادهم : أنا بقا شغال معاها
ياسين: مرتاح هنا
ادهم : أنا اي مكان بروح في بكون مرتاح
ياسين: اذاي
ادهم : أنا أصلي احب ادخل المكان اعمل جو في
ياسين: بمعنا
ادهم : تشرب قهوه
ياسين: اشرب
ادهم : تعالي معايا طيب
ياسين: على فين
ادهم : مكتبي تشرب معايا القهوة ولا عايز تزعلني
ياسين: قوم تعالى
ادهم : اتفضل المكتب نور والله
ياسين: كل ده مكتبك يا ادهم
ادهم : لا انتا باصص فين أنا مكتبي الكرسي اللي جمب الحيطه ده
ياسين: ( بيضحك) اي ده يابني
أدهم: والله قولت كده محدش سمع مني اتفضل اقعد
ياسين : وانتا هتقعد فين
ادهم : اهو منا مسموح اخد الكرسي ده في الضروره
ياسين : دنتا مشكله قولي بقا بترتاح اذاي في اي مكان تدخله
ادهم: أنا ادخل المكان من دول اعمل ل نفسي ارضيه في
ياسين : يعني اي
ادهم : يعني أنا بقالي هنا يومين بس أخرج كده اسأل اي حد عن ادهم المكتب كله يعرفني أنا بقا أحب كده أصل دي عندنا في العائلة كلها نحب ناخد وندي في الكلام اتفضل
ياسين : تسلم ايدك
ادهم : ولا يهمك أنا بعد كده مش هرحم حد هنا بقا بيدخل ٢٥ مليون جنيه من حضرتك ولما البن خلص حصل مصيبه ده نهار المكتب كله اسود النهارده
ياسين: ( بيضحك) اه اوعا تسكت
ادهم : ياريتك كنت جيت بدري قبل ما تلغي العقد كنت عرفت اللي انتا قولته ده
ياسين: هتعمل اي يعني لو عرفت
ادهم : ما قبل ما حضرتك تلغي العقد كان ممكن الراتب بتاعي يطلع عشرة أتناشر ألف جنيه صح
ياسين: ممكن
أدهم: إنما بعد ما حضرتك لغيت العقد حاله المكتب بقيت جبس يعني لو خدت عشرين جنيه أبوس ايدي وش وضهر
ياسين: ( بيضحك) بس بصراحه اي رايك حقي اسحب العقد ولا لا
ادهم : يابيه لازم تسحب بلاها من ده مكتب
ياسين: عارف لو كنت قولت غير كده كنت هزعل اوي
ادهم : اقول غير كده أي دول حسبي الله ونعم الوكيل فيهم ياعم
ياسين: أصل بيني وبينك كنت هقول أن غاده هيا اللي قالتلك ادخل اتكلم معاه وانا بعرف أقرأ الناس كويس جدا جدا وعلشان كده كنت هزعل لاني شوفت فيك حجات كتير حلوه
ادهم : استنا طيب علشان مبحبش حد يشكر فيا وانا واقف
ياسين : لا منا مش هقول حاجه
ادهم : أصلا
ياسين : يعني اسحب العقد
ادهم : يابيه اسحب هديك رقم واحد في القريب اسمه حماده علبه لو اديته ٢٠٠ جنيه كل ما تشوفه هيعمل لحضرتك تمثال ولو خليتهم ٣٠٠ جنيه يبقا هيكتب اسم حضرتك في البطاقة بدال اسم أبوه
ياسين : ( بيضحك ضحك هستيري ) يخربيت عقلك عايزني احط رقبتي في ايد حماده علبه
ادهم : منتا ممكن تغير اسمه براحتك بقا هو كده كده بائع الدنيا يعني لو شممته ورقه من امو ٢٠٠ هيروح معاك في اي حاجه لو عملت في اي أنا بعمل معاك واجب عمرك والله ٢٥ مليون مين هو العمر في كام ٢٥ مليون
ياسين : والله ملكش
في جانب آخر
غاده: رحاب أنا خارجه اتكلم معاه والعقد اهو يا نكمل يا ننفصل وخلاص أنا مش هسيب الراجل قاعد كل ده لوحده
رحاب: طب أستني جايه معاكي
فتحوا باب الاجتماعات مكنش موجود استاذ ياسين
غاده: كده كملت شكله زعل ومشي
رحاب : ياستي أن شاء الله خير يمكن رجع في رأيه
غاده: لا مش هيرجع في رأيه الراجل. ده دماغه ناشفه اوي
رحاب : هو اي الصوت ده
غاده: جاي من مكتبك
رحاب : هو ادهم معاه حد جوه
غاده: صحيح اي الضحك المستفز ده هو ادهم مش ناوي يعقل
رحاب: اهدي بس والله انتو ظالمين الولد ده جدا
غاده: لا بجد طب تعالي بقا علشان ده اخر تحذير ليه انتي حره
فتحت غاده باب المكتب كان ياسين قاعد مع ادهم عمال يضحك جدا
غاده: استاذ ياسين انا اسفه أتأخرت على حضرتك
ياسين: لالا مفيش حاجه خالص أنا مبسوط
رحاب: يارب دايما
ادهم : هو ده العقد
غاده: ها
ادهم: هو اي اللي ها بسألك هو ده العقد
غاده: اه
ادهم : هاتي
رحاب : ادهم استنا بس
ادهم : خود يا سيدي العقد اهو
ياسين:( بيضحك بشكل غير طبيعي)هات ياعم ادهم أمضي فين
ادهم : تمضي اي اقطع العقد والرقم بتاع صاحبك ابو علبه اهو
ياسين: لا مش طبيعي اقسم بالله اي ده يا غاده
غاده: اه ده ادهم موظف تحت التدريب
ياسين: لا بجد مشكله
رحاب: آخر صبري والله يا مستر ياسين
ياسين: لا والله أنا حبيته جدا
ادهم : ربنا يخليك يا استاذ ياسين
ياسين: خلاص يا غاده خلي العقد معاكي
غاده: مش هتلغي العقد
ياسين: لا خلاص خلي كل حاجه ذاي ما هيا على رأي ادهم الكفن ملوش جيوب ( وبيضحك)
رحاب : كفن اي وجيوب اي هو في اي
ادهم : بالله عليك ذوق معايا موضوع المكتب خليهم يكبروا المكتب كمان نص متر حته والله مش عارف اقابل حد هنا
ياسين. : حاضر حاضر غاده بعد اذنك شوفي مكتب ادهم كده شويه علشان مش عارف يقابل حماده علبه صاحبه والموضوع ده جاي على نفسيته اوي
ادهم : جدع
غاده: حماده علبه مين
رحاب: لا تمام ماشي عنينا ل طلبات استاذ ادهم وحماده علبه صاحبه
ادهم : الله يمسيك بالخير يا حماده يا اخويا
ياسين: أنا هقوم الوقتي ولينا لقاء تاني يا ادهم
ادهم: اكيد طبعا
ياسين: خود
ادهم : لا والله مستوره الحمد لله
ياسين: يابني مستوره أي دا الكارت بتاعي اتصل بيا في اي وقت تحبه نقعد مع بعض
ادهم : تحت امرك يا ياسين بيه
ياسين: خلي بالك من ادهم يا غاده وخلي سامي يبعد عنه
رحاب : ( بصت ل ادهم ) هو انتا مش بتعرف تمسك على لسانك
ادهم : هو ياسين بيه غريب
ياسين: بعد أذنكم أنا ( وخرج من المكتب)
غاده: انتا عملت اي في الراجل ده كان عايز يلغي العقد بأي شكل
رحاب: مش مهم المهم أن المشكلة اتحلت الحمد لله شكراً يا ادهم
ادهم : لا مفيش حاجه عادي بس معلش أنا كنت عايز اعرف أنا هاخد كام في الشهر أصل الراجل ده فوقني مش عايز بقا كلام غريب وانتا ابن المكتب وابن الشركة
غاده: أنا داخله مكتبي علشان ادهم هيجبلي جلطه
رحاب : ( بتضحك ) خلاص ماشي
ادهم : طب البن خلص
رحاب: انتا كل ربع ساعة فنجان قهوه وكل ما عيني تيجي عليك نايم على مكتبك
ادهم: مش عارف والله شكل البن بتاعكم ده مضروب
رحاب: البن اللي مضروب ولا دماغك
بدل ماتدور وتبحث علي الروايات خليها علي تليفونك وحمل تطبيقنا
