رواية ملكة الشيخ ضاري الفصل الرابع 4 بقلم ساره المجيد
#اكرر_التنويه ..حبايب النشر يوميه بارت واحد فقط ساعة ب2 الظهر ..عدى يوم السبت مانشر وراح يكون استراحة الي
لان البارحة اغلبكم ماعرف بيوم الاستراحة ف ظلوا يسئلون ليش ماكو بارت اليوم ...ان شاءالله الكل عرف انو استراحتي يوم السبت 😊
.......................
ملكة ..حطيت ايدي ع صدري ولطمت كتله يممه ياستار شتسوي بي 😱
ضاري ..تفتيششش تفتيششش كومي عسريع بوية
ملكة ... لا يالله شنوووووو .. شمرت هبه من حضني وركضت جبت كونيه خليت بيها كل الاسلحة والعتاد اني ومرت حماي فضل واخذهن ضاري وفضل يركضون للبستان حتى يدفنوهن ..
ضاري ...شلت الكونية وركضت اني وفضل للبستان ...كتله فضل اوكف هذا خوش مكان خلي نحفر والله حفرنه اثنينه حفرة عميقه وحطينه السلاح والعتاد وطمينه الحفرة ورجعنه متربين اتكول عبالك جنه ندفن ميت شلون وكت اغبر ...
ملكة .. اجوي ضاري وفضل طبوا سبحوا ورا شويه وسمعنا صوت سيارات شرطه .
والحكومه يبوو يبوو كمت اخرمش بوجهي وخايفه لا ياخذونه يابويه رحت بيها ياربي دخيلك ماعندي غيره استر عليه ابو بناتي ياربي فدواتك لتفجعني بي 😭😭كمت الطم ودك ع خدي من الخوف دخل ضاري وصاح بينه ..استرن نفسجن ركضت ع شيلتي وعباتي لابستها اخذت بناتي لميتهن لحضني واني ارجف من الخوف كلبي صار بحضني ..ياربي دخيلك يارب دخيلك ...وين جانتلنه هل سالفه
صارت الدنيا تخوف مالها أمان دخلوا 4 من الحكومه ضباط سووا تفتيش واحنه نسوان انحبسنه بالمطبخ أسمع صوت ضاري وهو يصيح عليهم ويشتم بيهم ..يالله شكد عصبي ومايتفاهم بس لا ياخذوا ياربي استر علينه 😭
ضاري مايخاف ع روحه ابد كم مره بمره يحاولون ويا بس لان شيخ عشيره معروفه بس يحجون كلمه العشيره كلها تصير شخص واحد ويلعبون شاطي باطي بيهم ..
اول ماطلعو ركضت انه ومرت فضل .
ملكة ..خير شرايدين ياشيخ
ضاري ..لا تخافون كلشي ماكو زعاطيط
ملكة ..ضاري الله يخليك ارحمنا وبيع اسلاحك خاف يسجنوك وين اولي انه وبناتك والله مناقصين مصايب ومثل مدتشوف الدنيا صايرة مو امان
ضاري ...من حجت هيج اتعصبت صرخت بوجها كتلها اشبييييييج تسودنتي انتيييي ... كاعد شكلج تنفذين فهمتي .. باجر من تدخل امريكا لو ايران تسوينا لحم مكطع السلاح يفيد بالبيت .. جا موش زلمة لو اخاف منهم اسلاحي مابيعه وابقي احمي بي عرضي وحلالي ومالي
ملكة ..سكتت اعرف مايتجادل
اجت جنان تكلي بيبي ماتتحرك لطمت ع وجهي اصخام لا يالله المراة شبيها
ضاري ركض هو وفضل جان نسمع صوت اصريخهم وضاري يصرخ ..بهذا اليوم جان اذكر وفاة عمي ذيب سبحان الله صادف نفس يوم وفاة عمتي العلوية
وكفت بنص الصاله صافنه عليهم ..طفله عمري 16..سنه عندي 4 بنات مادري حالي وين يوصل مادري الدنيا وين ماخذنتي يادرب سايره بيه سمعت صوت القصف وي صوت صرخات ضاري ..انكمش كلبي لبدت بمكاني وارجف ... ماعرف شسوي العالم انكلبت
سحبت جنان لحضني واسمهان وبناتي بحضني وصار صوت القصف واحد ورا واحد طلع ضاري شايل عمتي ويركض بيها راد يطلع ركضت علي ولازمته من دشداشته مثل طفله لازمه اذيال ابوها
ملكة ابجي وتوسل ..احلفك بغلات امك لا تتطلع ماتسمع صوت القصف اروحلك فدوة ابقه يمنه اني وبنواتك لاتطلع الدنيا برة محتركة وين تروح
ضاري بعصبيه ...مللللللللللللللكة ولج وخرييييييييي عن طرييييييبيبجي لا قسما بالله اذبحج
ملكة ...ابوس ايدك لا تروح مالي غيرك لا تروح ابوس رجلك لاتطلع 😭
كعد بالكاع وبحضنه عمتي صارت خشبه ..موش جسم كابلنا كلنا وكعدنا نبجي نندب بحظنه ..وي صوت القصف صار صوت بواجينه ظلت ..انفجعنه بذاك اليوم منا القصف والرعب الي دخل لنفسنه ومنا موتت عمتي الي كسرت نفسية ولدهابس خلص القصف كام ضاري وفضل وضرار اخذو امهم وظلينا كلنا كاعدين بجيت ع عمتي مره حقانيه وتخاف ربها صح قاسيه من بره بس طيبه وتحجي الحق لو ع كص ركبتهه ..
مرت ساعات وماحس غير الديوان انترس وادم خليت البنات بالغرفه وأمنتهن يم جنان صح عمرها 4 سنوات بس تتفهم ..نزعت ثوبي ولبست ثوب اسود نتحظر للعزة
وطلعت اسوي جاي لناس هاي تدخل تصرخ يبووووو احس اعضامي تركص من الخوف وصوت اليبوو مو هين ..
ظليت ع وكفه وحده بالمطبخ وناس رايحه وناس جايه منا صوت الحرب الدنيا محتركه وعزا عمتي ..
الوادم تكاثرت شويه وسمعت صوت مره صاحت جابو النعش جابو ..ذبيت شكو شي بيدي وطلعت ركض شفت ضاري لازمها وفضل وضرار وياهم رجل اخته فاطمه طببوها خلوها بنص الصاله وشمرو روحهم ع التابوت يصرخون ..
رحت اهدي بضاري ..كربت منه وكعدت وصوته بين الناس يحرك بكلبي حرك .سحبني لحضنه ويصرخ ع صدري ..صح جبير عمره بس أمه ماتتعوض ..
حضنته وهو يصرخ يصيح ...الللللله اكببببببببر ولج يمممممممممه .أستعجلتي بروحتج أأأأاأأأأأأأأأخ ..يايمه ااأأأأأأأأأأأخ منو بقالي عكب عينج يالغالية ..جان دافن راسه بحضني ويبجي بقهر وحركة حالته جانت اتبجي الصخر كمت ابجي ع بجيه متت وكلبي احترك صعبة اشوفه بهل حالةاويلي عليك ياكلبي ..شويه وصاحو لضاري يجي كوه كام وكف وراح لديوان بس فضل ظل شويه وكام والنسوان طاحت ع النعش كمت اني وخديجة مرت فضل نعزل بالمبطخ ودموعنه تهلهل ع خدنا لثاني يوم والعالم تجينه ماوكفت ولا شويه ..
خلصت الفاتحه وانه ع وكفه وحده ناس طابه وناس طالعه تعبت من التفكير بضاري صار اله 3 ايام ماكو والله كلبي ظال يمه رحت اشوف هبه مارضعتها وهم اوكل البنات خطيه اخذت الصحن بي تمن وباميا ..
صحت لجنان جابت خواتها وكعدت اوكلهن وارضع ب هبه ..
دخلت بت عم ضاري ...شلونج خيه
ملكة ..هلا الحمدالله انتي شلونج
نجاة ..والله شكلج تعبانه حييل ع فراك عمتي الله يرحمها جانت خوش مره ماتستاهل
ملكة ..هذا أمر ربج مو بيدينا شي الحمدلله ع كل حال ..
نجاة ..اكلج هاي كلها بناتج ماشاءلله حلوات عليج
ملكة ..اي ماشاءلله.
نجاة ..وهاي الي بحضنج اكيد ولد
ملكة ..لا أبنيه أسمها هبه
نجاة ..يايايا ماشاءلله كلهن بنات ..بس حلوات واحلاهم هاي الصغيرونه الله يحفظها الج
ملكة ...مشكوره ..بكلبي خمسه بعين الحاسود ..
كمت انوم هبه بالغرفه خليتها بالكاروك مالتها اريد اكوم جان ينفتح الباب شفت ضاري بس مو نفسه حالته تعبانه حيييل كمت وكتله ...بقيه بحياتك شيخ
بس مارد عليه وراح كعد ع الجربايه سديت الباب وكعدت بصفه ..
كتله ابو جنان شبيك احجي ..
ضاري ..رفعت رأسي وفركت وجهي واتنهدت ..كتلها تعبأأأأأأأأن ملكة تعباأأأأأأن ..
ملكة ...أسم الله عليك من التعب بعد بيتي كوم ارتاح ومدد اكل لكمه هسه تصير احسن
ضاري ..البنات وين
ملكة ..بره ديتغدن
ضاري ...روحي جيبيهن وتعاي
ملكة ..ع أمرك
طلعت بره صحت لبناتي ورجعت شفته مدد ومخلي هبه بحضنه ونايمه اشرت ع حلكي عود أسكتن راحن نامن ع الجربايه بصف ابوهن اخذت ملابسه لان جان نازعهن ..
طلعت بره اخذت ملابسه ورحت غسلتهن وصوت جهال تطافر يمي تعبت من هاي الحاله صدك تعبت رفعت رأسي لسماء ياربي شوكت ارتاح ..
خلصت غسل شريتهن ع حبل رجعت جان يجي ابن عم ضاري أسمه عدنان ..
عدنان ..ها ياشيخه شنو عشاكم
ملكة ..عدلت شيلتي وكتله ..والله هذا الموجود
عفته ومشيت دخلت لحجره بعده نايم زين ..حضرت اله دشداشه وسبحه وعكاله وطلعت ..جايبين خواريف 4 ..وذابحيها وتعاي سوي رأس الباجه .مادري يمكن بوكتهه جنت حيل مشتهيه الباجه
رحت اسويها انظف بيها صح لعبت نفسي بس ..اريد اكلها
خلصت 2 روس تنظيف وباقي عفتهن ع البنات ..كمت غسلتها وفورت ماي حار ع مشعل (طباخ صغير).
خليت الجدر الجبير وخليت رأس الباجه وانتظرت ..رحت جبت التمن حتى اغسله اجت مرت فضل ..
خديجة ..ملكة ترا بنتج هبه تبجي والشيخ ضاري گلب الدنيا يكول خلي تجي ترضعها وتعوف الشغل
ملكة ..ها هسه جايه تعاي كملي عني
خديجة ..اي جايه
ملكة ..شطفت اديه باماي ورحت ركضت دخلت شفته واكف يلبس وجنان شايله هبه وتفتر بيها ..
ضاري ...خاب انتي وينج البت فرفرحت وانتي واكفه ..
ملكة ..اسفه شيخ مو جان عندي شغل
ضاري ..انعل ابو الشغل يلا شوفي البت مفرفحه ..
ملكة ..اخذت هبه وخليتها ع صدري ارضع بيها .خلص لبس وباوع لاسمهان ولجنان وكال ..
ضاري ..بناتج يمج لا تخلين يطلعن خوش ماريد جنس مخلوق يشوفهن ..
ملكة ..ع أمرك
طلع باوعت البنات كتهلن اكعدن وأسكتن ..
فرق بينهن سنه ورا سنه ..خلصت رضاعه هبه نومتها بالكاع .طلعت وصيت جنان ..
عفتهم ورحت اكمل شغلي .خلصت الفاتحه مالت عمتي وبلشت سالفة الورث بعد الاربعين فتحو موضوع الورث وي ضاري وضاري طبعا محترك دمه يعني امه مصار الها بس ال40 يوم وكلها كامت تطالب بالورث ..
فضل ..مايصير هيج انطيني حصتي اطلع انت شايف ولدي كبروا وحيدر وعلي وهسه عدنان اريد اطلع واكون نفسي
ضاري ..انت تريد حصتك وضرار يريد حصته
ضرار ..والله ياخوي هذا حقنه وورث ابونه
ضاري ..هاهيه ياولد ابوي ورثكم وحصتكم اخذوها وانتم حرين التصرف ..
وصار تقسيم الورث البستان الجبير تقسم ع ثلاث بساتين فضل طلع وبنه بيت اله وضرار اخذ ورثه وأشتره كاع وبنه بيها بس كلهم بشارع واحد ..
وظل البيت الجبير بس انه وضاري وبناتنه ..بسنة 1984..حبلت بطفله ثانيه أسمهه (أيمان)..
صار عندي خمس بنات وردات من الله جنه بسما
يمشن ..ضاري يحب بناته بس حجي الناس مايرحم ومره اخذت بناتي ورحت لاهلي ..
شافتني مكية وكالت ..
مكية ..اكلج ولج جا خلفتج بس بنات
ملكة ..جنت مخليه أيمان بحضني وكتلها ..نعمه من الله شسوي اعترض مثلا
مكية ..ونعمه بالله بس خاب انتي خاف يتزوج عليج رجلج ..
ملكة ..شنو يتزوج وهو طاب الاربعين
مكية ..جا مو هذا ابوج تزوجني ورا الاربعين ..
ملكة ..شنو كلتي ترا خوفتيني
مكية ..صيري سنعه وخلفي اله ولد حتى لو واحد اهم شي عند ولد.
مكية ..الله ع بختج شلون وهو بيد ربي اعترض والله اعلم بحالي ..
مكية ..حقج حقج جا انه كايلتلج اذبحي روحج لا ولج كصدي روحي لعند الائمه الاهل البيت اطلبي ..منهم ولد وهمه مايردوج ..
ملكة ...انتي ماتشوفين الدنيا محتركه شلون أطلع وضاري ماقبل حتى اوصل يمكم كوه غصب عنه أجيت
مكية ..والله عاد هاي انه كتلج وبكيفج بعد
ملكة ..ع الله
ضليت افكر بكلام مرت ابوي ومن اجه ضاري ياخذني اول مرجعنه فتحت ويا الموضوع حسيته هم هو رايد هيج ..
كبرت جنان وصار عمرها ..6سنوات
واسمهان 5...ونيران4 ..وهبة 3..وهسه ..أيمان 2 وشهر...
صارت الدنيا تخوف وياويلي من الدنيا ..بيوم اجاني ضاري كالي واحنه كاعدين نتغده ..
ضاري ..جا ماسمعتي
ملكة ..شنو
ضاري ..اخوج فرقد راح لجيش
ملكة ..لطمت ع صدري كتله ..شنو وليش راح
ضاري ..التجنيد الالزامي ويمكن انه هم انشمل
ملكة ..لالا كول غيرها وانه والبنات منو النا
ضاري ...هذا بيد ربج ياحرمه
ملكة ..الله يستر ويخلصنا من أيران ومن طلايبهم ..
وصار مثل مكالي ضاري صار التجنيد الالزامي والكل اخذوهم بس فضل ﻷن معلم ماخذو ضاري وضرار راحو لجيش وكل جمعه ينزلون ..
سجلت جنان بالمدرسه وشاطره بنتي تخبل وحتى نادره شايله البيت عليها علمتهن الطبخ والحش كل يوم اطلع من الفجر ارجع الضهر الكه كلشي جاهز..
صارت ..
مره جنت اخبز ع تنور الطين اجت جنان فرحانه تركض ركض ..
جنان ..يمه ييييمه شوفي المعلمه شطتني
ملكة ..شنو يمه
جنان ..شوفي
ملكة ..اخذت الدفتر وكمت اقراء كاتبه عنهه طالبه نظيفه متفوقه ..وشهادة امتياز فرحت بيومها من كل كلبي ..
اجه ضاري يوم الجمعه وبشرته وهو طلع من جيبه دينار .
وانطه لجنان وكالها ..عفيه بنتي السبعه اريدج اكثر
.
جنان ..ان شاءلله يابه بست رأسه وكعدت
ملكة ..بالليل فاتحني ضاري بموضوع ..
ضاري ..اكول ام جنان
ملكة ..ممم
ضاري ..اريد ولد
ملكة ..من هيج كال حسيت شركت بالنفس اتخبلت كتله ..هأ بس لا تريد تزوج والله اذبح روحي
ضاري ..ههههههههأييييي اشمالج يا زواج يابطيخ جا انه عندي حرمه شسوي بغيرها
ملكة ..اي اي اقنعني بهذا حجيك وذاك اليوم هاديلك مره انتم الشيوخ ماتوبون من الزواج والهديه 😒..
ضاري ..خربت ضحك ع حجيها ..سحبتها عليه وكتلها ..انه عندي مره تسوه العشيره كلها مره خلتني اعشكها وماشوف غيرها 😉
ملكة ..اقنعني بهذا كلامك😏
ضاري ..هههههه جا ولج انتي مامصدكه بيه
ملكة ..والله انتم الزلم مالكم أمان تخوفون
ضاري ..ههههههههههههاييي احنه اممممممم خلي ارويج الزلمه الحوك شسوي ..
سحبتها لحضني دحست راسي بركبتها حيييييل وخليتها تعيش احلا ليلة بحظني
ووووووووو ..
...
ملكة كعدت الفجر تغسلت وصليت وسلكت البيض وسويت جاي ع جمر كعدت جنان وراها مدرسه ..واسمهان سجلتها بالروضه ..
تريكت جنان وراحت لمدرسه وضاري لابس زي العسكري مالته ..
.
رابع يوم مصار شي جديد ..كعدت بيوم رأسي ثكيل واهيس روحي تلوب كمت لبست عباتي ورجعت للبيت مددت ونمت ..
وانه كعدت العصر يم رأسي مرت فضل ..
خديجة ..ياخايبه شمالج اجني البنات تركض وتصيح امي مريضه
ملكة ..مادري شجرالي اهيس رأسي طبل وثكيل ..
خديجة ..خاف حبله ولج
ملكة ..جا كون هيج بس هاي اول مره تصير هيج وياي
خديجة ...هاي انتي مثلي من حبلت بعدنان
ملكة ...والله وهيج اصير حامل ..بولد يوم عيد
خديجة ...شوفي خيه راح اروح اصيح لام أسماعيل وأجيج
ملكة ..روحي خيتي
..ورا مارحت شويه واجت فحصتني وكالت صدك حبله فرحت بيومها طرت طيور من الفرحه ..
ومن اجه ضاري بشرته وكتله وانه حبله هو فرح وطار طيور ..
ضاري ... ديري بالج ع نفسج بوية لاتعبين روحج بالشغل وادعي الله ينطينه الولد الي بنفسنه
ملكة .. ان شاءالله ياشيخ لاتخاف علي وربنه ان شاءالله ينطينه مرادنه بجاه الحسين ابا عبدالله
ومشت ايام حملي ال9 ع خير الحمدلله وضاري فدوة لعينه بحنيته وحبه غامرني ابد مابيوم اذاني او قهرني ..
وبيوم حسيت بألام الطلق وحان موعد ولادتي واجتي ام اسماعيل اتجيبني وجان اجيب ....
وللحكاية بقية ...
شتتوقعون جابت ملوكة ولد لو البنت السادسة 🤔🤔
