رواية مزرعة النعام الفصل الرابع بقلم وليد محمود
السبب في اللي حصل في فرح اخويا ده كان الجنيات الملعونه ...
انا مش هسمع كلام الجنيات في اي حاجه ...
دول عايزين ابقي عبدا ليهم ولابليس استغفر الله العظيم ...
قطعة تفكيري روح ...
• وكانت بتقول خلاص يحبيبي متزعليش نفسك الحمدلله انها جت علي كده
• قلت كل اللي حصل ده بسببي
• قالت وانت ذنبك اي من كل ده
هو انت اللي ولعت في الفرح ...
• قلت لا وسكت
هقول لها اي الجنيه هي اللي ولعت في الفرح ...
• قالت ريم
طب انا هروح احضر الاكل عشان نتعشي ...
تعالي معايا ياروح نحضر الاكل ...
• قالت روح
لا روحي انتي انا هقعد مع ممدوح ...
• قلت روحي معاها انا هطلع اشرب سيجاره في الجنينه عبال ما تخلصوا الاكل
• قالت روح
مش لازم تشرب سيجاره تلاقيك شارب ياما النهارده ...
• قلت مخنوق شويه سبيني علي رحتي معلش
• قالت ريم
خلاص يا روح تعالي يمكن عايز يقعد مع نفسه شوية ...
اكنها فهماني وبصت لي وابتسمت وراحت المطبخ ووراها روح ...
وانا روحت الجنينه وبقول لنفسي ...
انا ساسا هاكل معاهم عشان يأكلوا ...
انما لو عليا مش عايز حاجه ولا ليا نفس ...
التليفون بتاعي رن المتصل رقم غريب ...
انا مش فايق اتكلم مع حد خالص ...
مسكت التليفون وعملته صامت ووضعته علي ترابيزه قدامي ...
الجو بداء يقفل والحراره تزداد والهواء ينقص ...
المكالمه خلصت والتليفون رن تاني والمتصل الرقم الغريب ...
طب ارد ماردش ....
• قولت فبالي اشوف مين يمكن مكالمه مهمه
مسكت التليفون وفتحت سمعت صوت بنت بتتكلم ...
• الو مساء الخير استاذ ممدوح معلش واسفه اني اتصلت دلوقتي
• قلت مين حضرتك وعايزه اي
• قالت انا يمنه ياستاذ ممدوح فكرني ولا نسيت
• قلت اهلا يا يمنه فكرك طبعا
• ضحكت وقالت طب كويس انك فاكرني
انا بكلم حضرتك عشان اواسيك علي اللي حصل في فرح اخو حضرتك ...
• قلت الحمدلله على كل شيء متشكر علي اتصالك ييمنه
بس في سؤال حضرتك جبتي رقمي منين ...
• اتكلمت بتوتر وقلق وقالت
حضرتك معروف وسهل اني اجيب الرقم ...
• قلت ازاي يعني كش فاهم
• قالت حبايبك يامه ومش هينفع اقولك اخذت الرقم من مين
• قلت ليه يعني عادي علي فكره مش هتكلم معاه في حاجه
• قالت مش كده الشخص اللي اعطاني الرقم حلفني اني ما اقول لك
عشان ما تزعل منه، هو حضرتك مضايق اني كلمتك ...
• قلت لا عادي والله بس انا كانت عايز اعرف مين اعطاكي الرقم مش اكتر
سمعت صراخ جي من جوه البيت ...
• قلت ليمنه معلش هقفل معاكي دلوقتي ونتكلم بعدين
• قالت ماشي تمام علي راحتك
• قلت تمام متزعليش سلام
قفلت ورحت بسرعه لقيت ريم علي الارض وروح جنبها ...
• قلت في اي مال ريم
• قالت روح مش عرفه والله
• قلت ازاي انتي مش كنتي معاها في المطبخ
• قالت انت ناديت عليا طلعت اشوفك عايز اي
لقيتك مش موجود قلت يمكن بيتهيأ لي رجعت تاني المطبخ ...
لقيت ريم علي الارض صرخت وانت جيت علي طول ...
• قلت لها تمام ونزلت افوق ريم لحد ما فاقت
• قلت مالك اي اللي حصل لك
بصت لي برعب شديد وعيتط ...
• وقالت انا كنت وقفه عادي
ولقيت حاجه او شخص بيخنق فيا من ورايا وصوت مفزع ...
• بيقول كلكم هتموتوا محستش بحاجه بعدها غير دلوقتي وانت بتفوقني
اخذتها في حضني هي وروح ...
• وقلت مفيش حاجه ياحبيبتي مش عايزك تقلقي من حاجه
انتي شكلك مرهقه وبيتهيأ لك وعايزه تنامي ...
• روح قالت خدها وطلع وانا هجيب الاكل واجي
بالفعلا اخذت ريم وطلعت من المطبخ ...
قعدنا نتفرج علي التليفزيون عبال ما تيجي روح ...
سرحت مع نفسي ازاي انا ناديت علي روح ...
وانا كنت في الجنينه واي اللي حصل مع ريم ...
بقيت محتار المفروض اعمل اي ...
فجاءه صرخت روح هي كمان من المطبخ ...
• قلت دا يوم شكله مش هيعدي علي خير
وروحت جري عليها وريم كانت جايه ورايا ...
دخلت المطبخ لقيت روح وقعه علي الارض ...
صرخت ريم وقالت هو اي اللي بيحصل ...
• قلت متخافيش مفيش حاجه
وبدأت روح تفوق وانا بخبط علي وجهها وبنادي عليها ...
اول ما فتحت عنيها صرخت ...
• وقالت انا حصل معايا نفس اللي حصل مع ريم
اول ما انتو طلعته حسيت بحركه في المطبخ ...
لسه هلف اشوف مين في المطبخ لقيت ايد مسكتني من رقبتي وبتخنق فيا جامد ...
والشخص او الكائن ده ...
• قال هذا الجسد لي وسمعت كمان كلام غريب مش فهماه
وانا خلاص بموت فقدت الوعي هو في اي يا ممدوح ...
اي اللي بيحصل معانا ده ...
• قلت متخافيش ياحبيبتي مفيش حاجه بتحصل
• قالت اظن هتقول لي بيتهيأ لي صح
• قلت انا عايزك تطمني مفيش حاجه
وانا معرفش حاجه عشان اقولها ...
• قلت انت لازم تشوف حل في اللي بيحصل ده
ولا هتستنا لمه نموت ولا انت اللي بتعمل كده ...
عشان تتجوز البنت اللي شغاله معاك ...
انت فاكر ان مفيش حد خد باله ...
وهي جايه بتسلم عليك ومبسوطه اووي وسيادتك بتغازلها ...
• قلت مفيش اي حاجه من اللي انتي بتقولي عليه
انتي اتجننتي خلاص، دا انا اساسا اول مره اشوفها ...
• قالت ريم خلاص يا جماعه مش كده وحده الله
• قلت لا اله الا الله
انا لو عايز اتجوزها مش هعمل اي حاجه من دي ...
اي اللي يمنعني اتجوز يعني ...
انا لو هعمل كده انتو هتكونوا عارفين كل حاجه ...
انا مش بعمل حاجه غلط ولا مراهق عشان تقولي كده ...
سكتت روح وحست انها قالت كلام المفروض ما كانت تقوله خالص ...
سبتهم ومشيت ناديت ريم ...
• وقالت استني عشان تاكل قبل ما تنام
• قلت مش عايز اكل كله انتو
ودخلت غرفتي سمعت ريم بتتكلم مع روح وانا قاعد جوه ...
• وبتقول لروح لي قولتي الكلام ده هو ناقص
• قالت روح معرفش بقي
انا خايفه وحسه ممدوح متغير وعارف حاجه احنا مش نعرفها ومخبي حاجه علينا ...
• قالت ريم يبقي نقف جانبه مش نقول كلام ملوش لزمه
• قالت روح خلاص بقي انا مكنش قصدي
• قالت ريم طب روحي صلحي عشان يجي ياكل
وانا هجيب الاكل اللي مش مكتوب له يتاكل ...
وضحكت ريم ومشت راحت المطبخ ...
جت روح وخبتط علي باب الغرفه ودخلت ...
• وقالت ما تزعلش مني مش قصدي يا ممدوح
اقول حاجه تضايق بس انا خايفه ومرعوبه من اللي حصل لي ...
• قلت خلاص مفيش حاجه ياحبيبتي
انا مراعي الفزعه اللي انتي فيها ...
• قالت روح يعني مش زعلان مني
• قلت خلاص مش زعلان ياحبيبتي
• قالت طب تعال كل معانا بقي طالما مش زعلان مني
• قلت لنفسي هي جات واعتذرت
وسبب في كل ده الجنيات ...
وانا فعلآ لازم اشوف حل زي ما هي قالت لي ....
• وقلت روحي وانا جاي وراكي
قالت ماشي يا حبيبي مش تتأخر وطلعت من الغرفه مفيش دقائق ...
وشوفت أبنائي الاربعه وقفين عندي في الغرفه ...
بس كان شكلهم غريب شاحب رقبتهم منحوله ...
اكنها كانت مربوطه وملابسهم متربه ...
وتكلم ابني الصغير سالم اللي عنده خمس سنين ...
اه انا عندي نوح تسع سنين ...
وسحر سبع سنين ...
وشمس احد عشر سنه ...
والاربعه واقفين بأشكلهم الغريبه امامي ...
• وقال سالم لي يابابا اخترت نموت ...
وانت كان معاك اختيار تاني ينقذ حياتنا ...
بصيت له وانا مش عارف اقول اي ...
• وتكلم تاني هنموت واحد وراء التاني يابابا
لازم تعمل اللي بيقوله عليه ...
لقيتهم تبخروا في الهواء لدخان اسود ...
وروح فتحت الباب ودخله ...
• وقالت لي اي الدخان ده
انت كنت بتحرق حاجه هنا ...
والدخان طلع من الباب للخارج ...
• قلت اه كان في ورقه بحرقها
• قالت روح طب يلا تعال ومشيت
عرفت سعتها انهم كانه يقفوا امامي بالفعلا ...
وطلعت التليفون من جيبي ...
وتصلت بابا جاري الاتصال لحظات وفتح بابا الخط ...
• الو قلت اي يابابا عامل اي و سالم و نوح وسحر و شمس فنهم
• قال مالك يابني انت كويس في حاجه حصلت ولا اي
• قلت لا عادي بطمئن عليكم بس
وعايز اشوف العيال عملين معاكم اي ...
• قال بيعملوا اي يعني قاعدين
انت اللي شكلك مش قادر تقعد من غرهم ...
ضحكت عشان ما يحسيش بحاجه ...
• وقلت اكيد طبعا وحشوني
• قال عشان اول مره يبعده عنك
بكره تتعود علي غيابهم ...
• قلت تقصد اي يابابا
ارتجف وتوتر ابي اكنه مش عارف بيقول اي او مش هو اللي قال كده ...
• وقال ابي لا ولا حاجه يابني
انا اقصد انهم هيجو يقعدوا عندي كتير يعني ...
وبكره تتعود انهم يباتوا خارج البيت ...
• قلت لا يعم دي هيا مره كده
انت استحلتها ولا اي وضحكت .. .
• قالت اه يروح امك
اعز الولد ولد الولد دول حبايب قلبي ...
سمعت ريم وروح ينادوا عليا ...
تعال يا ممدوح الاكل هايبرد ...
• قلت لهم جي اهو
• وقلت طيب يابه اسيبك انا وهروح اكل
انت كمان روح اتعشي ...
• قال امك بتجهز الاكل
روح انت يا حبيبي سلام ...
• قلت ماشي يابا سلام وقفلت معاه وطلعت
• قالت روح اي كل ده عشان تيجي
انت لسه زعلان مني ولا اي ...
• قلت انا نسيت اساسا اللي حصل ولا اكن سمعت حاجه منك ياروح
• قالت ريم عشان انت عارف
ان الكلام من وراء قلبها ...
• قلت حصل خير المهم انكم كويسين
وعملت نفسي باكل عشان يأكلوا ...
انما انا مش جي لي نفس للاكل ...
وبفكر في اللي بيحصل من البدايه واللي شوفته في الغرفه ...
قطعت تفكيري ريم مش بتاكل ليه ...
• قلت انا شبعت الحمدلله
• قالت روح هو انت لسه اكلت حاجه
• قلت خلاص الحمدلله ربنا يديمها علينا نعمه
وقمت غسلت ايدي وطلعت الجنينه ولعت سيجاره ...
وبفكر وبحاول اربط الاحداث واشوف حل لكل ده ...
بس حسيت دماغي وقفه ومش عارف افكر ...
• قلت يارب حلها من عندك
يارب انا مش عارف اعمل اي ...
خلاص فاض بيا وعايز افضفض مع حد ...
ومش هينفع اتكلم مع ريم او روح ...
واقول علي الجنيات اللي بتظهر لي ...
محدش فيهم هيصدق وكفايه عليهم الرعب اللي هما فيه ...
بسبب اللي حصل لهم واللي شافوه ...
لقيت رساله جت علي التليفون من الواتساب ...
مسكت التليفون اشوف مين باعت الرساله ...
رقم غريب فتحت الرساله كان مكتوب فيها التالي ...
• ممدوح انا يمنه انت سجلت الرقم ولا لسه
بصيت في التليفون وانا في حيره ...
• وقلت اهلا يا يمنه لا لسه هسجله
• قالت تمام ماشي الرقم معاك لو حبيت تكلمني وسكتت
فتحت الرساله وطلعت من غير ما اكتب حاجه ...
• جت ريم وقالت
عايز حاجه يا ممدوح انا هطلع انام ...
• قلت لا سلامتك ماشي روحي نامي
وخلي روح كمان تروح تنام ...
• قالت ريم روح طلعت من شويه تنام
عشان حسه انها مرهقه وعايزه تنام ...
• قلت ماشي اطلعي انتي كمان نامي
• قالت ريم وانت مش هتنام ولا اي
• قلت شويه كده وهنام مش جي لي نوم دلوقتي
• قالت ريم تمام تصبح على خير ياروحي ومشيت
طلعت التليفون من جيبي وامسكت به ...
• قلت في بالي اكلم اخويا او حد من أصحابنا
يشوف لي حل في المشكله دي ...
مسكت التليفون اقلب في جهات الاتصال ...
مش عارف اتصل بمين شويه والفجر اذن ...
• قولت لنفسي اروح اصلي في الجامع وربنا يحلها من عنده
دخلت توضئت وطلعت من البيت علي الجامع اللي كان بعدين بكام شارع ...
وانا ماشي في الشارع حسيت حد ماشي معايا في الشارع ...
لفيت اشوف مين اللي ماشي ...
مفيش حد في الشارع واكن في عيون بتبص لي من الظلام ...
لفيت وجهي بسرعه وكملت مشي للجامع ...
لحد ما وصلت دخلت صليت وقعت شويه في الجامعه وقلبي مطمئن ...
وانا قاعد في بيت ربنا ...
لقيت راجل كبير جي عليا ...
ضخم الجسم وجهه منور دقنه بيضه طويله ...
• وقال لي اي يابني مالك بتكلم نفسك ليه
• قلت اكلم نفسي ازاي
انا كنت قاعد شويه وماشي علي طول ...
• قال ما تقعد برحتك يابني محدش يقدر يقول لك امشي
مالك في اي بتكلم نفسك ليه ...
• قلت مفيش حاجه ياشيخ
مخنوق شويه وعندي مشاكل قد الدنيا دي كلها ...
• قال طب احكي لي
يمكن اقدر اساعدك يابني ...
بصيت له حسيت براحه ولقيت نفسي بحكي له كل حاجه بتحصل ...
بس وانا بحكي للشيخ كان فيها صوت جوايا ...
• بيقول ما تحكيش حاجه
مش هيقدر يعمل حاجه وهيفكرك مجنون ...
انا كملت كلام مع الشيخ وما أعطيت للصوت اهتمام ...
لحد ما حكيت كل حاجه للشيخ بص لي ...
• وقال الشيخ انت في حد عامل لك عمل
دول جنيات متسخرين عشان يفرقوا بينك وبين زوجاتك ...
بس حصل حاجه ما بتحصلش كتير ...
ان الجنيات يطلعون ملوك ويحبوك ويتحول السحر الي ربط ...
وتتجوزهم وتعيش معاهم علي شروطهم ...
وطبعا هما كانوا هيعملوا انتقال الي اجساد زوجاتك ...
• قلت ازاي دا طب وزوجاتي هيروحوا فين
• قال الشيخ زوجاتك يروحوا عالم الجن ويتسجنه هناك مدا الحياة
ودا مش هيحصل غير بمساعدك للجنيات علي فعلا ذالك ...
بس اللي انت شوفته ده كله يعرفنا انهم مش هيمشوا بسهوله ...
ان شاء الله هننتصر احنا بقدرة الله وعونه .. .
• قلت طب اي العمل ياشيخ
• قال الشيخ انت ملتزم في الدين وزوجاتك بتصلي ولا
• قلت سعات بيصلوا وانا كمان مش منتظم في الصلاة
• قال الشيخ لا لازم تلتزمه كلكم في الصلاة
دي اول واهم حاجه لازم تعملها ...
تاني حاجه احنا هنروح بيتك ونحصنه بالقران ...
عشان انت فتحت لهم البابا ...
بس احنا لسه فيها ونقدر نقفل باب الشر اللي بيفتح وننهي كل حاجه ...
• قلت للشيخ والله انا مش عارف اعيش تعبت ومش قادر اكمل
• قال لا اوعي تيأس دا اللي هما عايزينه
خليك قوي ومؤمن بالله عز وجل ...
• قلت ونعم بالله ولا حول ولا قوة إلا بالله العلي العظيم
• قال الشيخ جدع يلا بينا دلوقتي نروح بيتك عشان لسه في مشوارين كمان
• قلت تمام يلا بينا
طب وبعد ما نروح البيت هنروح فين ...
• قال هتعرف كل حاجه في وقتها
مهم يلا عشان مفيش وقت القمر لو اكتمل اللعنه هتحل علي الجميع ...
• قلت قمر اي انا مش فاهم حاجه
• قال الشيخ القمر لمه يكتمل بتتجدد الاعمال والاسحار من تاني
وبتبقي اقوي فا دي فرصتنا علي السيطره علي الجنيات وحرقهم ...
كنا بنتكلم واحنا ماشين لحد ما وصلنا عند البيت ...
وقف الشيخ يبص علي البيت ...
وبداء يقرأ قرأن كريم ...
• وقال لي حصن نفسك وقول معايا
بِسْمِ اللَّهِ الرَّحْمَنِ الرَّحِيمِ
الْحَمْدُ لِلَّهِ رَبِّ الْعَالَمِينَ، الرَّحْمَنِ الرَّحِيمِ، مَالِكِ يَوْمِ الدِّينِ، إِيَّاكَ نَعْبُدُ وَإِيَّاكَ نَسْتَعِينُ، اهْدِنَا الصِّرَاطَ الْمُسْتَقِيمَ، صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ امين.
﴿ اللَّهُ لَا إِلَهَ إِلَّا هُوَ الْحَيُّ الْقَيُّومُ لَا تَأْخُذُهُ سِنَةٌ وَلَا نَوْمٌ لَهُ مَا فِي السَّمَاوَاتِ وَمَا فِي الْأَرْضِ مَنْ ذَا الَّذِي يَشْفَعُ عِنْدَهُ إِلَّا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلَا يُحِيطُونَ بِشَيْءٍ مِنْ عِلْمِهِ إِلَّا بِمَا شَاءَ وَسِعَ كُرْسِيُّهُ السَّمَاوَاتِ وَالْأَرْضَ وَلاَ يَؤُودُهُ حِفْظُهُمَا وَهُوَ الْعَلِيُّ الْعَظِيمُ ﴾
بسم الله الرحمن الرحيم
قُلۡ هُوَ ٱللَّهُ أَحَدٌ، ٱللَّهُ ٱلصَّمَدُ، لَمۡ يَلِدۡ وَلَمۡ يُولَدۡ، وَلَمۡ يَكُن لَّهُۥ كُفُوًا أَحَدُۢ.
بسم الله الرحمن الرحيم
قُلۡ أَعُوذُ بِرَبِّ ٱلۡفَلَقِ، مِن شَرِّ مَا خَلَقَ، وَمِن شَرِّ غَاسِقٍ إِذَا وَقَبَ، وَمِن شَرِّ ٱلنَّفَّٰثَٰتِ فِي ٱلۡعُقَدِ، وَمِن شَرِّ حَاسِدٍ إِذَا حَسَدَ.
بسم الله الرحمن الرحيم
قُلۡ أَعُوذُ بِرَبِّ ٱلنَّاسِ، مَلِكِ ٱلنَّاسِ، إِلَٰهِ ٱلنَّاسِ، مِن شَرِّ ٱلۡوَسۡوَاسِ ٱلۡخَنَّاسِ، ٱلَّذِي يُوَسۡوِسُ فِي صُدُورِ ٱلنَّاسِ، مِنَ ٱلۡجِنَّةِ وَٱلنَّاسِ.
صدق الله العظيم
خلصنا قراءة القرآن دخلنا البيت انا والشيخ ...
• قال انا حاسس بيهم وهم مش شايفنا دلوقتي
بس مش كلهم هنا طاقة الحضور ضعيفه ...
لازم يبقي التلاته موجدين عشان نقدر ننهي اللعنه ...
• قلت طب وهنعمل اي دلوقتي
• قال يلا بينا نروح المزرعه لازم نطلع جست العامل
اكيد بداية السحر هناك طلعنا ركبنا العربيه ومشينا ...
واحنا في الطريق للمزرعه شوفت في المرايا الخلفيه ...
قاعد ورايه يندا وبتضحك ...
• وقالت مش هتقدر تعمل حاجه
والراجل النصاب ده ضحك عليك وهو مش يقدر يساعدك ...
مفيش حد يقدر يخلينا نسيبك فاهم ...
وتغير شكلها لشيطانه وصرخت ...
لقيت الشيخ بيمسك الطاره ...
• وبيقول مالك يابني في اي
• قلت فيه وحده منهم ركبه في الكنبه اللي في خلف
• قال شيخ طب خلي بالك انت من الطريق ومش تشغل نفسك بيها
وساب الطاره ولف وجهه للخلف ...
•وقال الشيخ
بسم الله الرحمن الرحيم
﴿ وَاتَّبَعُوا مَا تَتْلُو الشَّيَاطِينُ عَلَىٰ مُلْكِ سُلَيْمَانَ ۖ وَمَا كَفَرَ سُلَيْمَانُ وَلَٰكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ ۚ وَمَا يُعَلِّمَانِ مِنْ أَحَدٍ حَتَّىٰ يَقُولَا إِنَّمَا نَحْنُ فِتْنَةٌ فَلَا تَكْفُرْ ۖ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ ۚ وَمَا هُم بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ ۚ وَيَتَعَلَّمُونَ مَا يَضُرُّهُمْ وَلَا يَنفَعُهُمْ ۚ وَلَقَدْ عَلِمُوا لَمَنِ اشْتَرَاهُ مَا لَهُ فِي الْآخِرَةِ مِنْ خَلَاقٍ ۚ وَلَبِئْسَ مَا شَرَوْا بِهِ أَنفُسَهُمْ ۚ لَوْ كَانُوا يَعْلَمُونَ﴾
سمعت صرخه عاليه رجت العربيه ...
بصيت في المرايا تاني اشوف اي اللي بيحصل ...
مفيش حاجه وجنيه اختفت ...
• قال الشيخ شد يابني هما بيحوله يعطلونا
لكن دا بعدهم اقرأ يابني قران في سرك لحد ما نوصل ...
• قلت للشيخ حاضر
شوية وكنا عند المزرعه ظهر حارس الامن ...
• وهو بيقول مين ...
مين انت وعايز اي ...
• قولت لحارس الامن افتح انا صاحب المزرعه
طلع الحارس ونظر لي انا والشيخ ...
• وقال جيت في الوقت المناسب ياباشا
• قلت ليه بتقول كده
• قال الحارس في اصوات غريبه في المزرعه
صرخات وبكاء وحركات مريبه ومش لاقي حاجه جوه ...
لفيت كتير ادور وبص في كل مكان ...
علي اللي بيصرخ ويعيط مش لاقيت حد في المزرعه ...
• قال الشيخ يلا بينا ونزل من العربيه وانا نزلت وراه
• وقلت للحارس خليك هنا ومتتحركش من مكانك
• قالي الحارس اجي معاكم ممكن تحتاجون لي
رد الشيخ قبل ما اتكلم ...
• وقال لا خليك هنا ومش تتحرك من مكانك مهما حصل او سمعت
وخد بعضك ومشي لو شوفت حاجه غريبه ...
• قال الحارس لي في اي ياشيخ هيظهر لي
• قال الشيخ مفيش وقت للكلام ده
• وبص ليا وقال يلا يابني بينا بسرعه
• ورجع بص للحارس وقال
وانت اعمل اللي بقول لك عليه
• ودخلنا وقال الشيخ
فين مكان الجثه يابني ...
اخذته لحد المكان اللي مدفونا فيه ...
• وقلت هنا يا شيخ هو دا المكان
• قال الشيخ احفر وطلع العامل دلوقتي بصيت له
• قال مش تخاف ربنا معانا اللي احسن من الكل وطلع مصحف من جيبه
وبداء يقرأ من المصحف ...
مسكت الجروف وبدأت احفر لحد ما ظهرت قطعه من العامل ...
طلعتها وكملت حفر لحد ما ظهر باقي جسم العامله طلته وبصيت للشيخ ...
• قال هات حاجه وحط فيها الجثه
• قلت اجيب اي هنوديها فين دي
• قال يلا دلوقتي وهتعرف كل حاجه بعدين
جريت ادور علي اي حاجه احط فيها الجثه ...
لقيت شوال فاضي اخذته لقيت يولا وقفه بتبص ليا ...
• وقالت كده عايز تسبنا و تعمل فينا كده
• قلت انا معملتش حاجه ولا عايز اشوفكم تاني
• قالت براحتك انت اخترت انك تموت هنا
وهنبدأ بالشيخ بتاعك واختفت ...
شعرت بالخوف وروحت علي الشيخ ...
لقيته واقف بيقرأ والشياطين بتحاول تقرب منه ...
ومش عرفه توصل له زعقت بصوت عالي ...
• وقلت خلي بالك ياشيخ هما حواليك ومش عارفين يوصلوا لك
شاور لي بايده اني اروح له وهو بيكمل قراءة القرآن ...
روحت وقفت بجانبه بداء الشيخ يزعق ...
• ويقول عايزين اي ابعدوا عنه
انصروا الان بدل ما تكون نهايتكم هنا ...
صرخت الشياطين وظهر الغضب علي وجههم ...
• وقالت وحده من الجنيات مش هنسيبك يا ممدوح
تعيش يوم واحد لو حصل لينا حاجة ...
• قال الشيخ مش تقدروا علي فعل شئ
انتم اضعف مما تتصورون ارحلوا في سلام ...
دون العوده الي عالم البشر مره اخره ...
• قالت جنيه دا بعينك
مش هيحصل اي حاجه من اللي انت بتقول عليها ...
• قال الشيخ انا بحذركم التحذير الاخير
بعد كده انتم المسؤولين عن نفسكم يا تختاروا الرحيل ام البقاء والحرق ...
صرخت الشياطين، رجع تاني الشيخ يقرأ قران ...
الشياطين كانت بتتعذب مع قراءة الشيخ ...
سمعت صوت ابني سالم بينادي عليا ويعيط بابا يابابا ...
بصيت عليه كان واقف والظلام محوته ...
•قال سالم تعال يبابا انا خايف
لقيت نفسي رايح عليه ...
• وبقول متخفش ياحبيبي انا جي لك
لقيت الشيخ بيزعق جامد فيا ...
• وبيقول لي تعال رايح فين
مش تطلع من الدائره، بصيت تحت رجلي ...
لقيت نفسي واقف جوه دائره وفاضل خطوه وطلع براها ...
• قلت للشيخ ابني سالم هناك اهو
• بص الشيخ وقال
دا مش ابنك دي خدعه ...
بصيت تاني اشوف ابني لقيت الشيطانه هي اللي موجوده مش ابني ....
• قال لي الشيخ ردد معايا
وبداء يقرأ من المصحف ايات مختلفة ...
زاد صراخ الشياطين واهتزت الارض هزات عنيفه ...
وانشقت الارض من تحت الشياطين ...
وطلعت ايادي ناريه وامسكت بهم ورجعت تاني جوه الارض ....
اختفت كل حاجه زي ما ظهرت وعم الضباب والهدوء في المكان ...
توقف الشيخ عن القراءه ...
• وقال خلاص يابني مش هتشوفهم تاني ..
• قلت هما اتحركوا كده
واي الايادي اللي طلعت من باطن الارض واخذتهم ...
• قال الشيخ العالم مليان بالاسرار والعجائب
واللي حصل معاك ده درس لا يمكن ان تنساه طول حياتك ...
لكن تذكر ان طريق ربنا واضح وباين ...
وطول ما انت ماشي مع الله ...
مفيش قوه علي وجه الارض تقدر تأذيك او تتعرض لك ...
ارجع يابني لربنا وعيد حساباتك تاني ...
• قلت اكيد دا درس يستحيل نسيانه ابدا
بس انا عايز اعرف حاجه ياشيخ ...
مين اللي عمل لي السحر او العمل ...
• قال الشيخ حد قريب منك وبعيد في نفس الوقت
• قلت ازاي ده انا مش فاهم حاجه
• قال الشيخ مش هقدر اقول لك اكتر من كده
خلي بالك انت من نفسك وزوجاتك وعيالك ...
وما تفكر في حد غيرهم، اول مقال كده فهمت ....
انه يقصد يمنه هي اللي عملت كده ...
• قلت يمنه ياشيخ هي اللي عملت كده
• قال ذكي وتسرع في نفس الوقت
خلي بالك عشان ما تقع في فخاخ الشيطان ...
دلوقتي احنا لازم ندفن الجثه بتاعت العامل بعد ما نطلع العمل منها ...
قعد الشيخ علي ركبته امام الجثه ...
وبص مكان قلبه كان موجود ورقه ملفوفه علي شكل نجمه ...
وعليها حروف وارقام داخل صدر العامل مكان القلب ...
اخذها الشيخ الورقه ووقف في مكانه ...
• وقال لي حط الجثه في الشوال
وبداء يقرأ قران من تاني ...
وهو بيفق النجمه وولع فيها ...
فوق الحفره اللي كان فيها العامل ...
لحد ما تحولت رماد ردم عليها بالتراب ...
وانا كنت لميت جثة العامل في الشوال ...
• وقال الشيخ يلا بينا قدمنا مهمه اخيره
روحنا علي العربيه لكن حارس الامن مش موجود ....
• بصيت للشيخ وقلت
راح فين الراجل اللي كان هنا ده ...
• قال الشيخ يمكن شاف حاجه مقدرش يستحملها ومشي زي ما قولت له
يلا حط الشوال في الشنطه عربيه وركب الشيخ ...
روحت فتحت الشنطه ووضعت الشوال ...
وقفلت عليه وركبت ومشينا ...
• قلت نطلع علي فين كده
• قال الشيخ اطلع علي اقرب مقابر موجوده هنا
• قلت ماشي بس انا مش عارف مكانها فين
•قال الشيخ امشي وانا هقولك تدخل منين
المقابر مش بعيد من المزرعه ...
فعلا بعد نصف ساعة كنا عند المقابر ...
وقفت ونزلنا كان شكل المقابر مهجوره ومفيش حد بيدفن فيها ...
شواهد القبور مكسره وزرع ميت كتير ...
• قال الشيخ يلاا هات الشوال من العربيه
جبت الشوال وكان الشيخ ماشي قدامي ...
وانا ماشي وراه واول ما دخل المقابر ...
• قال الشيخ السلام عليكم أهل الديار، من المؤمنين والمسلمين
إنا للاحقون إن شاء الله ...
وكمل مشي اكنه بيشوف مكان معين يدفن فيه الجثه ...
• قلت هندفنه فين ياشيخ
• قال تعال لسه جوه شويه
لحد ما جي عند قبر معين ووقف امامه ...
• وقال الشيخ هنا
هندفنه هنا وبدء يفتح القبر وهو يقرأ قران بصوت منخفض ...
• فتح الشيخ القبر وقال
هات الشوال يابني ...
اخذ الشيخ الشوال وطلع جثة العامل المقطعه من الشوال ...
وبدأ يضع الجثه داخل القبر بشكل منظم ...
اكنه نايم الراس بعد كده الرقبه والصدر والحوض وايديه ورجليه ...
• ثم قال
اسال الله العلي العظيم ان يفتح لك ابواب جنته ...
• وقفل عليه تاني وقال
يلا بينا نمشي احنا كده خلصنا ...
طلعنا وركبنا العربيه ووصلت الشيخ عند بيته وشكرته ...
• وقال الشيخ خلي بالك يابني من نفسك
واوعي تدور وراء المستخبي ...
انسه كل حاجه حصل او شفتها ...
• قلت يعني اسيب حقي يروح من غير ما جيبه
• قال الشيخ ربنا هيجيب لك حقك
وهي مش هتسمع عنها حاجه تاني ...
• قلت مين دي وانا عامل نفسي مش فاهم
• قال الشيخ يمنه يا ممدوح
ووعدك كمان انك مش هتشفها ومش هتروح الشغل تاني ...
بس انت اوعي تدور عليها لاي سبب كان ...
وخلي بالك من نفسك وبيتك وعيالك يابني ...
• قلت ماشي ياشيخ
انا مش عارف اقول لك اي ولا اشكرك ازاي ...
• قال الشيخ قول لا اله الا الله
• قلت لا اله الا الله وحده لا شريك له
• قال الشيخ انا اسمي عم
لو احتجت لي هتلاقيني هنا او في الجامع مكان ما قبلتني اول مره ...
وكمان انت معاك اللي احسن مني ومن الجميع ربنا عز وجل ...
• قلت ونعم بالله العلي العظيم وسلمت عليه ومشيت روحت بيتي
وانا حاسس براحه وهم اتشال من علي كتفي ....
دخلت انام وكان بقالي ياما مش بنام كده وانا مطمئن ...
نمت في لحظات اول ما فردت جسمي علي السرير ...
تاني يوم صحيت علي صوت روح ...
وهي بتقول يلا يا ممدوح قوم ...
عشان تروح المزرعه قمت من علي السرير...
• وقلت لا مزرعة اي بقي
انتي روحي جهزي الشنط انتي وريم ...
عشان هنسافر يومين نقعد في الشاليه ...
• قالت روح طب والعيال
• قلت انا هكلم ابويا يخليهم عنده لحد ما نرجع
• قالت روح ماشي ياحبيبي وطلعت وهي تنادي علي ريم تبلغها بالخبر
وانا جبت التليفون واتصلت بـ ابي ...
• الو اي يابا عامل
• الحمدلله ياحبيبي انت عامل اي
• الحمدلله يابابا بقول لك اي
• خير يابني في اي
• انا هسافر يومين اقعد في الشاليه اغير جو
وعايزك تخلي العيال عندك لحد ما نرجع ...
• ماشي يابني سافر انت ومش تشغل دماغك بيهم
• ربنا يخليك لي يا بابا
• تروح وتيجي بالسلامه يابني
النهاية 🔚
ديما الخير ينتصر علي الشر مهما تاخر الوقت او بلغت قوته النصر اكيد
لحد هنا وانتهت قصتنا ونتظروني في قصة جديده
طالب طلب صغير من كل اخ وخت تفاعل مع القصه بـ ادعمك
لظهور الصفحه في وسائل البحث وفك الحظر عنها
انت ما تعرف انا بتعب قد اي في كتابة القصص دي
ومتنساش تصل علي النبي محمد صل الله عليه وسلم تسليما كثيرا
بدل ماتدور وتبحث علي الروايات خليها علي تليفونك وحمل تطبيقنا
