رواية همسة وجع الفصل السابع والاربعون بقلم اسماء العذب
47
#همسه_وجع
صلوا علي النبي الغالي
♡_______________♡
في يوم خطوبه عمر وسمر
كان الكل شغال علي رجل خصوصا الرجاله واللي تقريبا كانوا مسؤلين عن تسعين في الميه من كل حاجه
سمر كانت قاعده في اوضتها وهي في ملكوت تاني وكل الخبط والرزع اللي حواليها ولا هاممها ولو
بمقدار شعره ...قاعده نايه علي السرير وفرحانه في السقف
مره واحده شهد اختها اقتحمت الاوضه وهي بتصرخ فيها:سمررررر قومي بقي وركزي معايا انتي لحد دلوقتي مقررتيش هتلاقي انهو فستان الاخضر ولا الوردي...ولحد دلوقتي مستحمتيش ولا روحتي عملتي شعرك ولا ضوافرك ولا اي حاجه ...ايييه ولا هي خطوبه الجيران وانتي معلومه عليها عشان كده مش هماكي
سمر بلا مبالاه وهي علي نفس الوضع:هاخد الفستان الوردي يا شهد وهقوم استحمي حاضر واعمل شعري وضوافري ورموشي ووداني ..كله كله متخافيش
شهد بعدم تصديق:انتي بتاخدني علي قد عقلي يعني ولا ايه يا هانم خطوبتك كمان كام ساعه وانتي لسه متحركيش من السرير حتي ...قوني بقي وإلا والله هبطت تيته هي اللي تقومك...
سمر اتعدلت بكسل وضيق وهي بتبص لشهد بضيق :اهوه قومت في اي أوامر تانيه
شهد:ايوه قومي شوفي في حاجه ناقصه ولا لا ..انا مش فاضيه وعماله اعمل مع ماما وتيته امل الاكل وننضف المكان ومش فاضيين ...عشان كده شوفي ايه ناقصك واعمله لنفسك
بعدها مشت بسرعه وهي بتبرطم مع نفسها وسمر قامت من السرير وهي بتأفف: قال خطوبتك ومش عارفه ايه ...هتخطب عن قصه حب اسطوريه كأنه ...دي خطوبه كده وكده... مش عرفه مالكم مبالغين كده وواخدين الموضوع جد...مش كنا لبسنا دبل سكوتي بدل الفرهده دي كلها والهم اللي علي راسي ده كله
كانت عماله تكلم نفسها بغيظ وبتتأفف كل دقيقه والتانيه...وهي مش واخده بالها من اللي متابعها من علي باب الاوضه وهو بيتنهد بيأس منها ومن عادتها اللي مش بتبطلها لما تكون مش رايقه
:برضوا مش هتبطلي تكلمي نفسك لما تتعصبي
سمر التفتت للباب كان ابوها واقف بيبص عليها بيأس
سمر :يابابا مهو انت عارف اني مليش في التملق والمبالغه والكلام ده ...وحضرتك عارف الخطوبه دي ليه واصلها ايه عشان كده مفيش داعي لكل ده
عماد اتنهد ودخل الاوضه وقفل الباب وراه
بعدها قرب من سمر وحط ايده علي كتفها
عماد:اقعدي يا سمر عاوز اتكلم معاكي شويه
سمر هزت راسها وقعدت وعماد قعد قصادها واتنهد وقال:بصي يا سمر يا بنتي أنا انتي وعمر والعيلتين عارفين سبب الخطوبه دي ...وانا وصلني خبر انا الراجل السو اللي اتبلي عيكس انتي وعمر المشاكل مش سيباه في حاله...وده اكيد انتقام ربنا ليكم يا بنتي ...بس احنا برضوا لازم نعمل الخطوبه دي عشان نمحي اي كلام يمس حد من العيلتين ...وتستمر الخطوبه شهرين تلاته او لحد ما يشاء ربنا ...ولو كان فيه نصيب ووفاق بينكم زي ما قال مازن اخو عمر ممكن تكملوا مع بعض وربنا يجمعكم سوا ...خصوصا اني اعرف عمر وعيلته والولد كويس ومحترم وابن ناس ...ده طبعا لو كان فيه وفاق بينكم ...إنما لو ما ارتحتيش أوعدك اول ما هتقولي انك مش عاوزه تكملي هفركش الموضوع كله ...قولتي ايه يا حبيبتي
سمر هزت راسها بشرود:اللي تشوفه يابابا
♡_______________♡
عمر كان بيجيب البدله اللي هيلبسها في الخطوبه من عند المكوجي وهو بيستقبل تهاني الناس من كل حته
لا حد ما وقف قدام البيت بتاعه وشاف حاجه خلته يخرج تلفونه بسرعه ويطلب رقم سمر واو ل ما فتحت
عمر :اطلعي البلكونه بتاعتكم بسرعه
بعدها قفل من غير ما يستني ردها
وعيونه متابعه المنظر اللي مخلي قلبه يرقص من السعادة
ثواني وخرجت سمر هي كمان وبصت علي عمر بأستغراب وهي بتسأله بعيونها عن مطلبه
وعمر ابتسم بخبث وشماته وهو بيحرك رأسه لناديه معينه
ولما بصت بعيونها علي اللي بيبص عليه قلبها انشرح من المشهد اللي شافته والشماته الفرحه كانوا واضحين علي ملامح وشها
كان أبو عادل هو وعياله التلاته ماشيين ومعاهم عزالهم بعد ما سابوا البيت
كان أبو عادل ماشي وهو حاسس بالكسره والناس من حواليه بتتفرج عليه
لكن مفيش اي نظره شفقه من حد فيهم كان كب النظرات شماته وفرح وراحه علشان هيمشي اخيرا من المكان والناس ترتاح من لسانه اللي مسبش حد في حاله
:ايوه كده خلي الحته تنضف
:الحمد لله غمه وانزاحت
:رحله ذهاب بلا عوده يارب
كانت كل دي جمل بتقولها الناس وهي مراقبه رحيله
اما ابو عادل نفسه كان لسه محبوس في اللحظه اللي قال له المحضر ان مراته رافعه عليه قضيه خلع
من غير ما يحس طلع ختم علي الورق واستلمه
بعدها اتدور لمراته اللي كانت بتبص عليه نظرات اول مره يشوفها
نظرات قوه وتحدي
ابو عادل وهو بيشاور علي الورق اللي في ايده:ايه ده
مراته بصتله ببرود وهي بتقول: ايه مسمعتش بيقولك مراتك اللي هي انا رافعه عليك قضيه خلع
ابو عادل بجنون:انتي اتجنيتي ولا ايه خلع ايه اللي انتي رفعاه عليا
قربت منه تحت نظرات بنتهم
وقفت قصاده ولأول مره تكون عينها في عينه وهي بتبص عليه بغل وشر
:لا هو انت فاكر اني نسيت اللي حصل زمان ...ده انت تبقي بتحلم ..فاكرني نسيت اللي عملته عشان تتجوزيني زمان...ولا والله ما حصل ولا عمر هيحصل حتي لو عدت الف سنه عمري ما انسي
عاوزني انسي انك سبب تعاستي وحزني طول خمسه وعشرين سنه ...عاوزني انسي انك كنت السبب ان الناس تبص عليا وشاور بأيديها وتقول الرخيصه اهيه بعد ما طلعت إشاعه اني سلمت نفسي لسالم....فاكر سالم كمان ولا لا سالم خطيبي الاولاني وحبيبي وعشقي الاول والاخير اللي انت شهدت عليه زور ولبس بسببك قضيه قتل عشان تخلص منه ...وبعد ما خلصت منه جيت عليا وقولت اني سلمت نفسي ليه وكنت حامل ونزلت علي ايدك عيل منه ...لا وايه طلعت نفسك بطل لما قلت قدام الناس انك هتتجوزني عشان تستر عليا مع اني كنت لسه بنت بنوت وانت اللي ظالم ومفتري ومتعرفش ربنا
ايه مصدوم اني عملت كده ...انت تحمد.ربك اني مخلصتش منك من زمان ووالله ما كنت هندم دقيقه واحده علي قتلك لكن اللي متعرفهوش اني طول الخمسه وعشرين سنه دول كنت بخطط عشان اكسرك واجيب عينك الارض ....
اه صحيح سالم خرج من السجن من شهرين واخد مكافأه كبيره اوي اوي من الحكومه لانه اتثبت انه اتحبس ظلم لخمسه وعشرين سنه والقضية اتفتحت من تاني واحتمال انت تحتبس بتهمه شهاده الزور....أما أنا بقي طول الفتره دي مكنتش بنقطع من زياره سالم ولما اخلص منك هروح واتجوزه وأخلف منه كمان ونعيش حياتنا اللي انت حرمتنا منها حتي ولو متأخر
..ونسيت اقولك اني كمان طلع ليا ورث كبير من ابويا وكنت مخبيه عنك ودلوقتي استلمته وهروح اعيش مع امي لحد ما اخلص من وشك الكشر يا بوز الفقر
من بعد الكلام ده وهو في عالم تاني لحد ما خرج من الحته اللي ساكن فيها هو عياله تحت نظرات الكل ومنهم مراته وامها اللي كانت عارفه ان بنتها مظلومه
بعدها مشي ابو عادل من الماكن وانتهي فصله
وسمر بصت لعمر اللي بص عليها وكأنه بيقولها مرضيه كده
والغريبه ان سمر كأنها فهمت كلامه وهزت رأسها بمعني ايوه وهي مبتسمه بسعاده
♡_______________♡
هشام كان قاعد في بيت اهله مع أمه وابوه لان مفيش حد يهتم بيه
كان وشه مليان كدمات مع انها بقت مش واضحه زي الاول لانه فات كذا يوم من ساعه اللي حصله
:منه لله اللي عمل فيك كده يابني حسبي الله ونعم الوكيل فيه الظالم المفتري
ا قالت كده كانت أم هشام واللي كانت قاعده جنبه وهي بتتحسر علي حالته
هشام بغل مكبوت: اه والله يا امي ظالم ومشتري....بس هيروح من ربنا فين
ام هشام بحسره وزعل:انا مش عرفه ايه اللي حصلك يابني ..والله دي عين وصابتك ...لا حد عاملك عمل ...اول حاجه اتنين صبيان عيالك يموتو وهم لسه حته لحمه حمرا وبعدها مراتك اللي مش هنلاقي زيها تاني بنت الحسب والنسب اللي بنفتخر بيها وبأهلها في كل مكان تخليك تطلقها من غير سبب ودلوقتي اتنين ولاد حرام يطلعوا عليك يحاولون يسرقوك ولما تقف قصادهم يدهولوك كده ويرقدوك الفرشه ...منه لله اللي مركز معاك ياحبيبي وحاسدك وجايب ليك الكافيه
هشام بحقد:خلاص يا امي الله يسامحه اكيد واحد مديون ولا مزنوق في قرشين لكنه استخدم الطريقه الغلط
ام هشام: اهو طيبه قلبك دي اللي جيبالك يابني ....ربنا يكتر من أمثالك يارب ويوقف ليك اولاد الحلال
هشام بتوعد:اه والله هو انا في زي طيبه قلبي
بعدها كمل في سره:الظاهر إن حبيبنا عمر شم خبر عن العيال وهمسه واللي حصل زمان ..بس متزعلش يا عموره قريب ده كله هيخلث وهنرجع نسايب من تاني وساعتها هعرف اخد حقي منك علي آل عملته ده
♡_______________♡
سمر كانت واقفه قصاد عمر وعيونها بتطق شرار واتكلمت بصوت زي الرعد:فاكر لما قولتلك اني جبروت بس مش الشريره في روايه أحدهم....بس انا قررت اني اكون الشريره يا عمر ...وفي حكايتك انت بالذات ...جهز نفسك عشان هكون كابوسك الحي يابن سعيد
قبل ده كله بساعات
باااااااااااااااااااااس
بدل ماتدور وتبحث علي الروايات خليها علي تليفونك وحمل تطبيقنا
