رواية همسة وجع الفصل الخامس والاربعون بقلم اسماء العذب
لايك الاول يا شطار
45
#همسه_وجع
صلوا علي النبي الغالي
♡_______________♡
هشام كان قاعد في شقه عصام وهو في عالم تاني ملامحه دبلانه وشه باين عليه الهم والزعل
الطفايه مليانه سجاير وفي ايده سيجاره لسه مولعها بعد ما خلص اكتر من علبتين ولسه النار مشعلله في قلبه من اللي سمعه من همسه امبارح
عصام كان قاعد قصاده وهو مش عارف يعمل ايه من امبارح بيحاول يهديه ويهون عليه لكن مفيش فايدة
عامل زي اللي ميت له ميت
وبالنسبه لهشام كان الميت هو قلبه اللي اتداس عليه
عصام بمؤاذره :خلاص بقي يا هشام متعملش في نفسك كده مش مستاهله ..كل حاجه وليها حل
هشام بعيون حمرا وضياع:ضاعت مني خلاص ...الناس كلها عرفت انها مرات واحد تاني..بقي قدامهم ابو اولادي ومتجوز حبيبتي...وانا ...هه ..انا قعدت زي خيبتي ولا لحقت حاجه ...ضيعتها من ايدي بغبائي ولما ندمت وقررت ارجع ليها طارت من بين ايديا ...دي حتي فاكره ان اللي اسمه مشعل ده هو ابو الاولاد ومش فاكره حاجه .........مش عارف افرح انها مش فاكره انا عملت فيها ايه من سنين ولا ازعل عشان نسيت كل اللي كان بينا..حتي عيالنا مش فاكره هم مين ولامين ابوهم
عصام بزعل: خلاص متزعلش نفسك ..اقولك انت بكره تلاقي ست ستها اللي تحبك وتعشقك من جوه قلبها وتتمني ليك الرضا ترضي
هشام بصراخ وهو بيرمي طفايه السجاير: مش عاوز حد تاني ولا عاوز غيرها عاوز همسه بس ..هي بس وعيالنا اللي اتحركت منهم بسبب انانيتي وقله أصلي
عاوز دول بس ومش عاوز حاجه تاني والله
قعد علي الكنبه تاني وهو باين علي ملامحه التعب والزعل الشديد
عصام اتنهد وقعد جنبه وهو بيطبطب عليه
بعدها الاتنين سكتوا شويه لحد ما عصام رفع رأسه لهشام بدهشه
عصام :انا ازاي مفكرتش في كده
بعدها بص لهشام وقال:انا عرفت الحل لكل ده واللي هيرجع ليك همسه وعيالك ومش هتتكلم ابدا ولا تتعب نفسك..ده أهلها بنفسهم هيجوا لحد عندك ويطلبوا منك تتجوزها
هشام بص عليه بلهفة: ايه الفكره دي قول بسرعه
عصام ببسمه شيطانيه :تعرف الكل ان وعد ووليد عيالك
هشام:بدهشة: انت بتقول ايه وازاي
عصام بخبث:هقولك
♡_______________♡
امل مرات احمد اخو سمر كانت قاعده في شقتها
احمد جوزها كان بيلبس عشان شغلهكانت واقفه في المطبخ بتحضر فطار وعي سرحانه علي الاخر ...لحد ما البيض اللي في الطاسه قدامها اتحرق وريحه الشياط ملت المكان
احمد جه جري اول ما شم الريحه لاقي امل واقفه قدام البوتوجاز بس فب دنيا تانيه والدخان طالع من الطاسه قدامها وهي مش واخد بالها
احمد بصوت عالي: امل حااااسبي
امل انتفضت علي صوته ولاحظت هي بتعمل ايه
شهقت بصدمه من اللي قدامها وبسرعه جابت قماشه ومسكت الطاسه حطتها في الحوض وشغلت عليها المايه
احمد قرب منها بقلق :امل انتي كويسه يا حبيبتي ...اتأذيتي
امل مردتش وكلمت بص علي الحوض
احمد قرب منها وحضنها من ضهرها :مالك يا حبيبتي...زعلانه عشان البيض اتحرق...فداكي مزارع دواجن العالم والله
امل قالت كلمه بصوت واطي لكن موصلتش لأحمد
احمد:قولتي ايه علي صوتك
امل بشرود:انا حامل يا احمد
احمد:ايه!!!
♡_______________♡
في اوضه همسه كان وعد ووليد قاعدين معاها في الاوضه من امبارح...حتي باتوا معاها كمان بعد ما أصروا إصرار رهيب انهم يباتوا معاها بسبب خوفهم من خالهم عمر
كان مشعل هو التاني موجود ومعاه زيد اللي كان مندمج مع الأطفال وبيلعبوا علي جنب في الاوضه
همسه كانت باصه الناحيه التانيه بزعل ومش راضيه تبص عليه
مشعل :همسه وش صاير ..ليش ما تطالعيني ومبعده عيونك عني
همسه سكتت ومردتش عليه
مشعل :همسه لو سمحتي قولي في ايه مزعلك...طيب انتي زعلانه مني طيب
همسه هزت راسها بمعني ايوه
مشعل فكر شويه لحد ما عرف هي زعلانه منه ليه
اتنهد بتعب وهو بيقرب منها
مشعل :همسه والله عارف انك زعلانه من اللي حصل لكن صدقيني كان غصب عني
همسه بزعل وصوت واطي عشان الاولاد:ازاي يا مشعل ازاي اعرف بالصدفه انك كنت مسافر قبل الأشهار ولولا ستر ربنا كان زمان اهلي وانا مفضوحين وسط الناس وكل واحد يألف قصه من دماغه
مشعل قرب منها وهو بيمسك ايدها ويبوسها: والله ما كان قصدي اقسملك..كان فيه حاله طارئة خلتني اسافر من باليل وكنت فاكر اني هرجع قبل الاشهار والله ...واخو الحمد لله ربنا ستر وجيت في معادي
همسه بدموع :وافرض كنت اتأخرت كان هيبقي شكل اهلي ايه قدام الناس وهم بتسألوا العريس مجاش ليه و و و ومش هنسلم من كلام الناس ...ده انت حتي مكلفتش نفسك انك ترن عليا حتي وتبلغني
مشعل :والله العظيم بحلفلك ان كان في مشكله متحتملش التأخير كان لازم اسافر ليها ومرضتش اتصل عشان متقلقيش واشيلك فوق طاقتك ...سامحيني ارجوكي واوعدك مش هتتكر تاني ...زعلك ودموعك واجعين قلبي اوي
بعدها قرب منها وباس رأسها وهو بيقول: حقك عليا بقي ومتزعليش
همسه:بصت عليه وهزت راسخا من غير كلام
مشعل :لا قولي انك مش زعلانه عاوز اسمع صوتك
همسه:مش هتعمل كده تاني
مشعل بسرعه:ابدا والله
همسه ببسمه طفيفه: طيب خلاص انا مش زعلانه
مشعل قرب عليها وكأن لسه هيبوس شفا.يفها لكن همسه حذرته :مشعل احترم نفسك الاولاد قاعدين
مشعل بقله حيله: اعمل ايه انا من ساعه ما نزلت مصر وانا بقيت زي مازن وعمر بالنسبه ليكي ...طب ده حتي النهارده كان يوم جوازنا والناس كلها بقت عارفه..يعني من حقي تصبيره حتي علي بال ما تقومي بالسلامه
همسه ببسمه وخجل:احترم نفسك ...لما اخف خالص ونروح بيتنا ساعتها تقدر تعمل اللي عايزه
مشعل:ماشي ..ماشي الصبر حلو برضوا...انا هخرج اروح الحمام ومش هتأخر عليكي يا حبيبتي
همسه اكتفت انها تهز رأسها وهي بتفكر في حاجه معينه في دماغها
♡_______________♡
مازن وعمر كانوا قاعدين في الصاله كل واحد بيتجهز
عشان يشوف وراه ايه
مازن وراه كليته وعمر وراه شغله
ووفاء كانت بتحضر الفطار وسعيد في البلكونه بيشرب قهوه ويقرا الجرنال
عمر لمازن بهمس:ايه يسطا دينامو ..اخبار الدنيا معاك ايه
مازن من تحت اسنانه:إوعي اسمعك بتقولي الكلمه دي تاني ...حد يسمك كده ولا كده
عمر بتأفف:ولا ابطل الاسم ايه ...المشاكل بتاعتك هتتحل ...لازم نفكر في حل للي انت فيه . .البت مراتك القادره مدياك مده والوقت بيعدي وإلا هتخرب الدنيا فوق دماغ الكل
مازن بقلق:والله فكرت وحاولت ألاقي اي حاجه
لكن ما فيش ..حتي الفلوس اللي لميتها من الشغلانه الزفت دي يادوب نص المبلغ ...
عمر بترقب:وهتعمل ايه ..هترجع تاني
مازن برفض:انت بتقول ايه انت ....اكيد مش هرجع تاني ده بابا لو عرف مش هسكت واحتمال يطردني من البيت
عمر سكت شويه لحد ما ضرب كفوف ايده ببعض وقال :طب ما تبلغ عنهم شويه الصيع دول
مازن بسخريه:أبلغ عنهم ...والله انت غلبان يا عمر ...غلبان اوي ...اللي ما تعرفهوش يا باشمحاسب ان حرمي المصون معظم رجاله عيلتها شغالين حاجات كبيره اوي...ههه ده خالها لوحده لواء قي الشرطه يعني مسنوده بسيطه جامده اوي...أومال انت فاكر انها جايبه فتحه الصدر دي من قليل
عمر بدهشة: انت بتقول ايه..رجاله عيلتها حاجات كبيره ومهمه..أومال محدش قارص عليها ليه ...طب محدش عارف هي بتعمل ايه عشان يوقفها عند حدها
مازن بسخريه :كلهم حاولو لكن دي بنت قادره ...قادره اوي ومحدش قادر عليها ...تعرق انها اتجوزتني زي ما اتجوزت غيري كتير ...بس عشان تضمن اني هكمل في السبق
عمر بصد.مه: انت بتقول ايه هي كمان كانت متجوزه غيرك
مازن بتهكم:كتشيرررررر اوي
عمر :يعني انت متجوزهت وهي مش بنت
مازن بخجل:ب بصراحه يعني معرفش ..انا ..احم انا ملمستهاش..هشان كده معرفش
عمر :يابني انت مال حكايتك كل مالها وتتعقد كده ....أومال اتجوزتها ليييه مادام انت مش عاوزتقرب منها ومش طايقها
مازن بوجع:هه للاسف انا كنت في يوم من الايام بعشق التراب اللي بتمشي عليه ...لكن قذارتها خلتني اكرهها وابعد عنها...
بعدها كمل بسخريه ووجع:تعرف اني في الأول مكنتش عاوز المسها قال ايه عشان لما نعمل فرح كبير والناس كلها تعرف ده هيكون يوم جوازنا الفعلي
لكن اكتشفت انها واحد مريضه بتجري ورا مصلحتها وعرفت توجعني زي ما وقعت كتير غيري ...كانت بتلعب بيا وبقلبي عشان مصلحتها بس
عمر بشفقه:انا عارف انك انجريت في الطريق ده غصب عنك..لكن إن شاءالله هنلاقي حل ونخرج منها زي ما دخلنا واحنا سلام
مازن بعيون حمرا: انا هدخل اكمل لبس علي ما ماما تحط الفطار
بعدها دخل من غير كلام زياده وعمر بيبص عليه بوجع وبيفكر ازاي يقدر يحل مشكله اخوه
♡_______________♡
عمر كان قاعد في الصاله بعد ما مازن دخل اوضته كان بيراقب مشعل وهو خارج من عند همسه لوحده
تقريبا كان بيدور علي الحمام
عمر بجمود :مشعل لو سمحت ممكن كلمه
قرب مشعل بأستغراب من طلبه لان عمر كان بيتحاشي الكلام معاه عكس مازن
مشعل :نعم عمر
عمر: ايه هنقعد نمثل علي بعض كتير ولا ايه
مشعل بعدم فهم: وش تقصد ما عم بفهم عليك
عمر بغضب مكبوت:يعني إمتي هتقول للكل انك معندكش غير ولد واحد وإن عيال همسه مش عيالك
مشعل :؟؟؟؟
بدل ماتدور وتبحث علي الروايات خليها علي تليفونك وحمل تطبيقنا
